འཛམ་གླིང་ནང་ཆེས་སྙན་གྲགས་ཆེ་བའི་འཇར་མ་ནིའི་སྣུམ་འཁོར་བཟོ་ལས་ཁང་ MercedesBenz ཞེས་པ་དེས་ཉེ་ཆར་རེས་གཟའ་ཟླ་བའི་ཉིན་རང་ཉིད་ཀྱི་ Instagram དྲ་གནས་ཐོག་བཟོ་ལས་དེའི་རླངས་འཁོར་དཀར་པོ་ཞིག་ཁྱབ་བསྒྲགས་གནང་བའི་སྟེང་དུ་ Look at the Situation from all angles, and you will become more open ཞེས་གནས་སྟངས་ཇི་ལྟར་ཡིན་རུང་ཕྱོགས་ཡོངས་ནས་བལྟ་ཚེ་རང་ཉིད་མཐོང་རྒྱ་ཆེ་བ་ཡོང་གི་རེད་ཅེས་པའི་༸གོང་ས་མཆོག་གི་གསུང་ལུང་འདྲེན་གནང་བར་བརྟེན། རྒྱ་ནག་གཞུང་འབྲེལ་བརྒྱུད་ལམ་གཙོ་གྱུར་དྲ་རྒྱའི་མི་སྣ་མང་དག་ཞིག་ནས་སྣུམ་འཁོར་ཚོང་ལས་ཁང་དེས་རྒྱ་གཞུང་ནས་ཁ་བྲལ་བར་ངོས་འཛིན་བཞིན་པའི་ཏཱ་ལའི་བླ་མའི་གསུང་ལུང་འདྲེན་བྱས་ནས་རྒྱ་ནག་མང་ཚོགས་ཀྱི་སེམས་ཚོར་ལ་དོ་ཕོག་བཏང་ཡོད་སྐོར་སྐྱོན་བརྗོད་ཤུགས་ཆེ་བྱེད་རྐྱེན་བཟོ་ལས་ཁང་དེས་རྒྱ་གཞུང་ལ་དགོངས་སེལ་ཞུས་འདུག