དེའང་འབྲས་ལྗོངས་ཀྱི་རྒྱལ་ས་སྒང་ཏོག་ནང་ཟླ་འདིའི་ཚེས་ ༡༠ ནས་འགོ་འཛུགས་ཀྱིས་ཀརྨ་པ་རིན་པོ་ཆེ་མཆོག་ཁུལ་དེར་གདན་ཞུ་གནང་ཆེད་དུ་ཟས་བཅད་ངོ་རྒོལ་གྱི་ལས་འགུ
ལ་སྤེལ་ཏེ་གཟའ་འཁོར་གཅིག་ལྷག་སོང་ཟིན་ཀྱང་། ཁུལ་དེར་རྟེན་གཞི་བྱས་པའི་དགོན་སྡེ་ཁག་གསུམ་ནས་གྲྭ་པ་གཉིས་རེ་རེས་མོས་ཀྱིས་ཉིན་གཅིག་ལ་ཁྱོན་གྲྭ་བ་དྲུག་གིས་ཟས་བཅད་ངོ་རྒོལ་གནང་བཞིན་པ་མ་ཟད། ལས་འགུལ་དེའི་བརྒྱུད་རྐང་རྒྱ་གར་དབུས་གཞུང་གིས་ཀརྨ་པ་རིན་པོ་ཆེ་མཆོག་སྒང་ཏོག་ནང་རྟེན་གཞི་བྱས་པའི་ཀརྨ་པ་རིན་པོ་ཆེའི་བྱེས་ཀྱི་གདན་ས་རུམ་བཏེག་ཏུ་ཆིབས་བསྒྱུར་བསྐྱང་རྒྱུ་གཙོས། རིང་མིན་ཕྱི་ཟླ་ ༨ ཚེས་ ༨ སྟེ་ཆོས་འཁོར་དུས་ཆེན་ཉིན་ཁུལ་དེར་ཆིབས་བསྒྱུར་བསྐྱང་རྒྱུའི་ཆོག་མཆན་སྤྲོད་དགོས་པའི་ཞུ་འབོད་གནང་མུས་ཡི
ན་འདུག
གཞི་རྩའི་དགེ་འདུན་པ་དེ་དག་གིས་ཟས་བཅད་ངོ་རྒོལ་གནང་འགོ་འཛུགས་ཏེ་དེ་རིང་བར་ཁྱོན་གཟའ་འཁོར་གཅིག་དང་ཉིན་གསུམ་འགྲོ་བཞིན་ཡོད་པ་དང་། དེའི་ཁྲོད་འབྲས་ལྗོངས་མངའ་སྡེ་གཞུང་གིས་ཀརྨ་པ་རིན་པོ་ཆེ་མཆོག་འབྲས་ལྗོངས་ནང་ཆིབས་བསྒྱུར་བསྐྱང་སྐབས་ཕེབས་བསུའི་གོ་སྒྲིག་བྱེད་མཁན་ཞིག་བསྐོ་གཞག་བྱས་པ་དང་། རིན་པོ་ཆེ་ལ་བློན་ཆེན་གནས་རིམ་གྱིས་ཕེབས་བསུ་ཞུ་དགོས་སྐོར་གཞུང་འབྲེལ་ཡི་གེ་ཞིག་བཏང་པ་ཙམ་ལས། ད་བར་རིན་པོ་ཆེ་མཆོག་ལ་ཁུལ་དེའི་ནང་ཆིབས་བསྒྱུར་བསྐྱང་རྒྱུར་རྒྱ་གར་དབུས་གཞུང་ལ་གནོན་ཤུགས་གང་ཡང་སྤྲོད་མེད་པ་མ་ཟད། ཁོང་རྣམ་པའི་ཟས་བཅད་ངོ་རྒོལ་གྱི་ལས་འགུལ་
ལའང་རྒྱབ་སྐྱོར་ཡོད་པའི་རྣམ་པ་གང་ཡང་བཏོན་མེད་སྟབས། ཟས་བཅད་ངོ་རྒོལ་བ་རྣམས་ནས་ཆོད་སེམས་བརྟན་པོས་མུ་མཐུད་ལས་འགུལ་སྤེལ་ངེས་ཡིན་པ་གསུངས་སོང་།
རྩ་བའི་ཕྱི་ལོ་ ༢༠༡༥ ལོའི་ཟླ་ ༡༡ ཚེས་ ༡༧ ཉིན་འབྲས་ལྗོངས་ཀྱི་སྤྱི་ཁྱབ་བློན་ཆེན་ Pawan Chamling མཆོག་གིས་རྒྱ་གར་ནང་སྲིད་བློན་ཆེན་དང་མཇལ་འཕྲད་སྐབས་ཀརྨ་རིན་པོ་ཆེ་མཆོག་འབྲས་ལྗོངས་སུ་ཕེབས་བཅུག་དགོས་པའི་འབོད་སྐུལ་ཞུས་པ་དང་། སྐབས་དེར་ནང་སྲིད་བློན་ཆེན་མཆོག་གིས་ཀྱང་རྒྱ་གར་གྱི་ཁྲིམས་ཐོག་ནས་ཀརྨ་པ་རིན་པོ་ཆེ་མཆོག་འབྲས་ལྗོངས་ལ་ཕེབས་པར་བཀག་དགོས་པའི་སྲིད་བྱུས་མེད་སྟབས། མ་འོངས་པར་གནད་དོན་དེ་སེལ་ཐུབ་པར་རེ་བ་ཡོད་སྐོར་འགྲེལ་བརྗོད་གནང་འདུག འོན་ཀྱང་རྒྱ་གར་གྱི་སྲིད་བློན་ Modi མཆོག་ལ་ཆིབས་བསྒྱུར་བསྐྱང་རྒྱུའི་སྐོར་ཞུ་སྙན་ཕུལ་ཡང་ད་བར་གྲུབ་འབྲས་གང་ཡང་སོན་མེད་པ་རེད་འདུག
ཀརྨ་པ་རིན་པོ་ཆེ་མཆོག་རུམ་བཏེག་དགོན་པར་གདན་ཞུ་དགོས་པའི་ཟས་བཅད་ངོ་རྒོལ་གནང་བཞིན་པ།
Tibetan News Headlines
- 14th General body meeting of TWA concludes with Tsering Dolma as the new President
- Abbot of Tashi Lhunpo urges active support on Panchen Lama issue ahead of rinpoche’s35th birthday
- Dalai Lama grants audience to members of Indian journalist fraternity
- Long time president of SOS Children’s village Helmut Kutin passes away at 82
- US Senate passes bill to force sale of TikTok, sending it to Biden
- Launch of Shivdham Kailash Mansarovar Tibet freedom association marks global initiative for religious freedom
རེས་གཟའ་ལྷག་པ། ༢༠༢༤།༠༤།༢༤
- བུད་མེད་ལྷན་ཚོགས་སྐབས་ ༡༤ པའི་དབུས་སྤྱི་ཁྱབ་རྒྱུན་ལས་གསར་བསྐོ་དང་འབྲེལ་ཚོགས་ཆེན་ཐེངས་ ༡༤ པ་མཇུག་སྒྲིལ།
- ༸ཀུན་གཟིགས་པཎ་ཆེན་རིན་པོ་ཆེའི་གནད་དོན་ཐོག་མི་མང་ནས་གོ་རྟོགས་ཀྱི་ལས་འགུལ་སྤེལ་གནང་ཡོང་བའི་སྐུལ་འདེབས།
- འཛམ་གླིང་གི་ཡང་དག་པའི་བསམ་བློ་བ་ཕལ་མོ་ཆེས་སྐུའི་ཡང་སྲིད་ཀྱི་སྐུ་དབང་༸གོང་ས་མཆོག་༸གང་ཉིད་ལ་ཡོད་པ་ངོས་འཛིན་གནང་འདུག
- རྒྱལ་སྤྱིའི་ SOS བུ་ཕྲུག་ཁྱིམ་སྡེའི་ཚོགས་གཙོ་ཟུར་པ་ Helmut Kutin མཆོག་འདས་གྲོངས་སུ་གྱུར་འདུག
- རྒྱ་ནག་གི་ཊིག་ཊོག་མཉེན་ཆས་བཀག་སྡོམ་དང་འབྲེལ་བའི་ཁྲིམས་འཆར་ལ་གྲོས་ཚོགས་གོང་མའི་རྒྱབ་སྐྱོར་ཐོབ་འདུག
- གངས་རིན་པོ་ཆེའི་གནས་མཆོག་དེ་ཉིད་རྒྱའི་དབང་སྒྱུར་ནས་བཅིངས་གྲོལ་ཐུབ་ཆེད་ཚོགས་པ་གསར་འཛུགས།
