བོད་མི་མང་སྤྱི་འཐུས་ལྷན་ཚོགས་སུ་ཇོ་ནང་པའི་ཆོས་བརྒྱུད་ལ་བོད་ཀྱི་ཆོས་བརྒྱུད་གཞན་དང་སྤྱི་མཚུངས་ཀྱི་ཐོབ་ཐང་སྤྲོད་དགོས་པའི་ཞུ་འབོད་ལས་འགུལ་སྔ་ཕྱིར་དོན་འབྲས་མ་སོན་སྟབས། བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གཉིས་པར་ཇོ་ནང་པ་ལ་བོད་ཀྱི་ཆོས་བརྒྱུད་སྤྱི་མཚུངས་ཀྱི་ཐོབ་ཐང་དགོ
ས་པའི་ཞུ་སྙན་ཕུལ་འདུག
དེ་རིང་ཟླ་ ༩ ཚེས་ ༡༩ ཉིན་སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་མ་འཚོགས་པའི་ཉིན་གཅིག་གི་སྔ་རོལ་དུ་སླར་ཇོ་ནང་པའི་སྐུ་ཚབ་ལྷན་ཚོགས་ནས་འཕགས་ཡུལ་ཇོ་ནང་པར་ཆོས་བརྒྱུད་གཞན་དང་འདྲ་མཉམ་གྱི་ཐོབ་ཐང་དགོས་པའི་ཞུ་སྙན་ཞིག་ཕུལ་ཡོད་པ་དང་། ཞུ་སྙན་དེིའི་ནང་གཙོ་བོ་ཉེ་ཆར་ཇོ་ནང་པའི་སྐུ་ཚབ་ལྷན་ཚོགས་ཐེངས་དང་པོ་བསྐོང་ཚོགས་ཀྱིས་སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་སུ་གནད་དོན་དེའི་ཐད་ཁྲིམས་མཐུན་ཐོབ་ཐང་གནང་བའི་རེ་འདུན་ཤུགས་དྲག་ཞུས་པ་མ་ཟད། གལ་ཏེ་དེ་ལྟར་མ་གནང་ཚེ་ཇོ་ནང་པ་རྣམས་དང་རང་གཞུང་དབར་གྱི་དམ་ཚིག་ལ་ལྷད་འབྱུང་ཉེན་ཡོད་པས་སྤྱི་འཐུས་རྣམ་པས་དགོངས་པ་ཆེ་བཞེས་གནང་དགོས་སྐོར་སོགས་འ
ཁོད་འདུག
བཞུགས་སྒར་དུ་ཁ་སང་དང་ཁ་ཉིན་བཅས་སུ་ཚོགས་པའི་ཇོ་ནང་པའི་སྐུ་ཚབ་ལྷན་ཚོགས་དེའི་ཐོག་ཚོགས་པ་དེའི་ཚོགས་གཙོ་ཚངས་དབྱངས་རྒྱ་མཚོ་ལགས་ཀྱིས་སྔ་ལོ་གྲོས་ཚོགས་ནང་ཇོ་ནང་པར་ཆོས་བརྒྱུད་སྤྱི་མཚུངས་ཀྱི་ཐོབ་ཐང་དགོས་པའི་ལས་འགུལ་སྤེལ་བར་གྲུབ་འབྲས་གང་ཡང་སོན་མེད་སྟབས། ད་རེས་ཁོང་རྣམ་པའི་ཞུ་འབོད་ལ་དྲང་བདེན་གྱི་ཐག་གཅོད་ཡོང་སླད་རྒྱལ་སྤྱིའི་ཁྲིམས་ལུགས་དང་བཙན་བྱོལ་བོད་མིའི་སྒྲིག་འཛུགས་ཀྱི་བཅའ་ཁྲིམས་གཞིར་བཟུང་ཇོ་ནར་པར་ཆོས་བརྒྱུད་སྤྱི་མཚུངས་ཀྱི་ཐོབ་ཐང་སྤྲོད་རྒྱུའི་སྙན་ཞུ་སླར་འབུལ་རྒྱུ་གཙོས། སྐུ་ཚབ་ཆ་བགོས་ཀྱིས་སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་འཐུས་མི་རྣམས་དང་མཇལ་འཕྲད་ཐོག་རེ་འདུན་སྙན་གསེང་ཞུ་རྒྱུ་དང་། གྲོས་ཚོགས་ཚོགས་དུས་གཉིས་པར་ཐག་གཅོད་གང་ཡང་མ་གནངཚེ་དེའི་རྒྱུ་རྐྱེན་གང་ཡིན་ངོས་འཛིན་དང་འབྲེལ་བའི་ཐོག་ལ་བགྲོ་གླེང་གནང་རྒྱུ་ཐག་གཅོད་བྱུང་འདུག
དེའི་སྐོར་ཇོ་ནང་འགྲོ་ཕན་ལྷན་ཚོགས་ཀྱི་ཚོགས་གཙོ་ཚེ་ད
བྱངས་རྒྱ་མཚོ་ལགས་སུ་འདི་ག་རླུང་འཕྲིན་ཁང་གིས་གནད་དོན་དེ་འབྲེལ་ཇོ་ནང་པས་ད་ལན་སླར་སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་གཉིས་པར་ཞུ་སྙན་ཕུལ་བ་དེར་ལན་འདེབས་གང་ཞིག་གནང་བའི་ཐུགས་རེ་གནང་གི་ཡོད་པ་དང་། དེར་ཐུགས་རེ་ཇི་ཙམ་གནང་གི་ཡོད་སྐོར་བཅར་འདྲི་ཁག་ཅིག་ཞུས་ཡོད།
གཞི་རྩའི་འདས་པའི་ཉིན་གཉིས་རིང་བཞུགས་སྒར་དུ་རྟེན་གཞི་བྱས་པའི་ནོར་གླིང་ཇོ་ནང་དུས་འཁོར་གྲྭ་ཚང་དུ་ཇོ་ནང་སྐུ་ཚབ་ལྷན་ཚོགས་ཐེངས་དང་པོ་བསྐོང་ཚོགས་ཀྱིས་ཇོ་ནང་པར་ཆོས་བརྒྱུད་སྤྱི་མཚུངས་ཀྱི་ཐོབ་ཐང་དགོས་པའི་སྙན་ཞུ་འབུལ་རྒྱུའི་ཐག་གཅོད་བྱུང་བའི་དགོངས་དོན་ལྟར། ཞུ་སྙན་དེ་སྤྱི་འཐུས་ལྷན་ཚོགས་སུ་དེ་རིང་སྔ་དྲོ་ཚོུད་ ༡༡ ཡོལ་ཙམ་ལ་ཕུལ་འདུག་པ་དང་། སྙན་ཞུ་དེའི་ངོ་བཤུས་དཔལ་ལྡན་དགའ་ལྡན་ཕོ་བྲང་། བཀའ་ཤག ཆོ
ས་རིག་ལས་ཁུངས། དེ་བཞིན་སྤྱི་འཐུས་ལྷན་ཚོགས་བཅས་ལ་ཕུལ་འདུག
རྩ་བའི་ཇོ་ནང་པའི་ཆོས་བརྒྱུད་འཛིན་པ་ཡོངས་ནས་ཕྱི་ལོ་ ༡༩༩༧ ནས་བཟུང་རང་གཞུང་ལ་བཙན་བྱོལ་བོད་མིའི་བཅའ་ཁྲིམས་རིན་པོ་ཆེའི་དགོངས་དོན་བཞིན་ཆོས་བརྒྱུད་སྤྱི་མཚུངས་ལྟར་ཐོབ་ཐང་འདྲ་མཉམ་ཐོབ་རྒྱུར་རེ་སྐུལ་ཐེངས་མང་ཞུས་པ་མ་ཟད། སྐབས་ ༡༥ པའི་གྲོས་ཚོགས་ཚོགས་དུས་ ༡༠ པའི་ཉིན་དང་པོ་ནས་འགོ་བཙུགས་ཏེ་ཟས་བཅད་ལས་འགུལ་སྤེལ་བ་དང་། ཕྱིས་སུ་སྐུ་སྒེར་ཡིག་ཚང་དང་དཔལ་རྒྱལ་བ་ཇོ་བའི་སྐྱབས་མགོན་མཆོག་གིས་འབོད་སྐུལ་ལ་བརྟེན་ནས་རེ་ཞིག་ལས་འགུལ་མཚམས་འཇོག་དགོས་བྱུང་ཡོད་པ་རེད། སྐབས་དེར་སྤྱི་འཐུས་ཚོགས་གཙོ་མཆོག་གིས་ཁོང་རྣམ་པར་བདག་པོ་མ་རྒྱག་པ་ཞིག་མ་ཡིན་ཅིང་། བདག་པོ་རྒྱག་ཡོད་པ་ལ་བརྟེན་ནས་གྲོས་ཚོགས་དེའི་ནང་སླེབས་ཀྱང་། སྤྱི་འཐུས་རྣམ་པ་བཞུགས་མོལ་ཚོགས་འདུ་ཚོགས་ཏེ་མཐའ་དོན་སྤྱི་འཐུས་ལྷན་ཚོགས་ནས་གནད་དོན་དེར་མང་གཙོའི་འགྲོ་ལུགས་ལྟར་མང་མོས་གཏན་འབེབས་གནང་ཐུབ་སྟབས། དེ་གྲོས་ཚོགས་ནང་བསྣམས་ཕེབས་རྒྱུ་མིན་པའི་ཐག་གཅོད་གནང་ཡོད་པ་རེད།
