Tibetan Royal Year of 2151 | Year of the Wood Dragon

གསར་འགྱུར།

རྒྱ་ནག་གི་དཔོན་རིགས་ཀྱིས་འཕྲལ་དུ་ཛ་དྲག་གི་ཚོགས་འདུ་འཚོགས་དགོས་པའི་ཞུ་སྐུལ།

ཁ་སང་བོད་མིའི་སྒྲིག་འཛུགས་ཀྱི་རྒྱ་རིགས་འབྲེལ་མཐུད་པ་ཟུར་པ་དང་བོད་དང་རྒྱ་ནག་གི་གནད་དོན་དབྱེ་ཞིབ་པ་ཀུན་དགའ་བཀྲ་ཤིས་ལགས་ཀྱིས་སྒེར་གྱི་ངོ་དེབ་སྟེང་དུ་གནས་ཚུལ་སྤེལ་བར་གཞིགས་ན། ཁ་སང་དེ་རིང་རྒྱ་ཡིག་གི་གསར་འགྱུར་ཆེ་ཁག་ནང་རྒྱ་ནག་དང་འབྲེལ་བའི་གནས་ཚུལ་ཆེན་པོ་ཞིག་ཐོན་པ་ནི་ཀྲུང་དབྱང་ཆབ་སྲིད་ཅུས་ཀྱི་ཚོགས་འདུ་འཕར་མ་ཞིག་ཛ་དྲག་ཐོག་བསྐོང་འཚོགས་བྱེད་དགོས་པའི་རེ་སྐུལ་ཡི་གེ་ཞིག་དྲྭ་ལམ་ཐོག་ཤུགས་ཆེན་པོ་ཁྱབ་བཞིན་པར་མངོན་གསལ་གནང་སྟེ་ཕྱོགས་ཡོངས་ནས་གནད་དོན་དང་འབྲེལ་བའི་དབྱེ་ཞིབ་ཀྱི་རྩོམ་ཡིག་ཅིག་སྤེལ་འདུག ཁོང་གིས་སྲིད་གཞུང་ལ་ཛ་དྲག་གི་ཚོགས་འདུ་བསྐོང་འཚོགས་དགོས་པའི་ཞུ་སྐུལ་གྱི་ཡི་གེ་དེ་ནི་ཧོང་ཀོང་ནང་གི་ཉི་འོད་སྲུང་སྐར་བརྙན་འཕྲིན་ཁང་གི་འགན་འཛིན་གྲན་ཕིང་གི་སྐད་འཕྲིན་ཐོག་བརྒྱུད་སྤེལ་བྱས་པ་ཞིག་ཡིན་པ་དང་། རེ་སྐུལ་ཡི་གེའི་ནང་དོན་གཙོ་བོ་ནི་ཏོག་དབྱིབས་ནད་ཡམས་དང་། རྒྱ་ནག་གི་དཔལ་འབྱོར། རྒྱ་ནག་དང་རྒྱལ་སྤྱིའི་འབྲེལ་བ་བཅས་ཀྱི་གནས་སྟངས་ཛ་དྲག་ཡིན་སྟབས་ཆབ་སྲིད་ཅུས་ཀྱི་ཚོགས་འདུ་འཕར་མ་ཞིག་ཛ་དྲག་ངང་བསྐོང་འཚོགས་བྱས་ཏེ་ཞི་ཅིན་ཕིང་གིས་རྒྱལ་ཁབ་ཀྱི་གཙོ་འཛིན་དང་དམར་ཤོག་ཚོགས་པའི་སྤྱི་ཁྱབ་དྲུང་ཆེ། དབུས་དམག་དོན་ལྷན་ཁང་གི་གཙོ་འཛིན་བཅས་ཀྱི་འགན་མུ་མཐུད་འཁུར་རྒྱུར་འོས་འཚམས་ཡོད་མེད་ཐོག་གྲོས་བསྡུར་བྱེད་དགོས་པའི་རེ་སྐུལ་བྱས་པའི་སྐོར་ཡིན་སྐོར་ཡོངས་གྲགས་གནང་འདུག དེ་བཞིན་སྤྱི་ཚོགས་དྲྭ་ལམ་ཐོག་རྒྱ་ནག་གི་ཝུ་ཧན་གྲོང་ཁྱེར་ནས་ཁྱབ་གདལ་བྱུང་བའི་རིམས་ནད་དང་འབྲེལ་བའི་གནས་ཚུལ་གཞན་ཞིག་ཐོན་པར་ད་ཆ་རྒྱ་ནག་གིས་ཕྱི་ལོགས་ཏུ་རྒྱ་ནག་གི་ནང་དུ་རིམས་ནད་དེ་དྲག་སྐྱེད་འབྱུང་བཞིན་པའི་རྣམ་པ་སྟོན་བྱེད་དུ་རིམས་ནད་འགོས་ཁྱབ་བྱུང་བའི་ནད་པའི་གྲངས་འབོར་ཇེ་མང་དུ་སོང་མེད་པར་ཕྱི་ལ་བསྒྲགས་ཀྱི་ཡོད་ཀྱང་། དོན་དངོས་སུ་ད་ཆ་རྒྱ་ནག་གིས་ཝུ་ཧུན་གྱི་ཁུལ་དུ་གསར་དུ་འགོས་ཁྱབ་བྱུང་བའི་ནད་པ་རྣམས་ལ་སྨན་ཁང་གི་སྨན་པས་བརྟག་དཔྱད་བྱེད་ཀྱི་མེད་པའི་གནས་ཚུལ་འཐོན་བཞིན་པའི་ཁྲོད་འདིར་ཝུ་ཧན་གྱི་ས་གནས་ཀྱི་ཡུལ་མི་ཞིག་གིས་གནས་ཚུལ་ཕྱིར་བསྒྲགས་པར་གཞིགས་ཚེ་རྒྱ་ནག་གིས་རིམས་ནད་ཕོག་པའི་ནད་པ་རྣམས་ལ་སྨན་བཅོས་བྱེད་ཀྱི་མེད་པ་དེ་ནི་སྨན་བཅོས་དང་འབྲེལ་བ་ཡོད་པ་ཞིག་མིན་པར་དེ་ནི་ཆབ་སྲིད་ཀྱི་གནད་དོན་ཞིག་ཡིན་པར་འགྲེལ་བརྗོད་གནང་འདུགwuhanདེ་བཞིན་རྒྱ་རིགས་ Ding Ding ཟེར་བ་ཞིག་གིས་རྒྱ་ནག་ཝུ་ཧན་གྱི་རིམས་ནད་དེ་ལོ་སྔོན་མའི་ལོ་མཇུག་ནས་བཟུང་ཁྱབ་གདལ་ཕྱིན་ཡོད་ཀྱང་། འདི་ལོའི་ཟླ་བ་དང་པོའི་ཟླ་དཀྱིལ་བར་དུ་རིམས་ནད་འདི་མི་བརྒྱུད་ནས་མི་ལ་འགོས་་ཡོད་པའི་དཔང་རྟགས་གཅིག་ཀྱང་ཐོན་མེད་པར་མངོན་གསལ་གནང་བ་དང་སྦྲགས། རྒྱ་ནག་གིས་ཐོག་མ་ཉིད་ནས་རིམས་ནད་འདིར་སྔོན་འགོག་བྱེད་མ་ཐུབ་པར་བརྟེན་ཁྱབ་གདལ་ཆེན་པོ་བྱུང་ཡོད་ཚུལ་འགྲེལ་བརྗོད་ཀྱིས་རྒྱ་ནག་གི་སྣང་མེད་ཀྱི་ཁྲོད་ནས་ཁོང་དང་ལས་རོགས་མང་པོ་ཞིག་གི་ཕ་མའི་ཚེ་སྲོག་ཤོར་ཡོད་སྟབས། ཁོང་གིས་སྲིད་གཞུང་གིས་འགན་ལེན་དགོས་པའི་འབོད་སྐུལ་དང་མཉམ་དུ་སྲིད་གཞུང་གིས་རིམས་ནད་ཀྱིས་ཤན་ཤུགས་ཐེབས་མཁན་རྣམས་ལ་གུན་གསབ་སྤྲོད་དགོས་པའི་ཁྲིམས་གཏུག་བྱེད་ཀྱི་ཡིན་པར་བརྗོད་འདུག དེ་བཞིན་གཞུང་འབྲེལ་མིན་པའི་ཚོགས་པ་ཁག་ཅིག་གིས་ཀྱང་ཁྲིམས་ལུགས་ཀྱི་ཚོགས་པ་གསར་བཟོ་བྱས་ཏེ་རིམས་ནད་འགོས་ཁྱབ་བྱུང་བའི་མི་སྒེར་རྣམས་དང་ལྷན་དུ་སྲིད་གཞུང་ལ་སྤྱི་མང་གི་ཐོབ་ཐང་གི་ཐད་ནས་ཁྲིམས་གཏུག་བྱེད་རྒྱུ་ཡིན་པར་འཁོད་འདུག

དབྱིན་ཡུལ་དུ་ཏོག་དབྱིབས་རིམས་ནད་ཀྱི་དོགས་གཞིའི་འོག་བོད་མི་ཞིག་འདས་གྲོངས་སུ་གྱུར་འདུག

རླུང་འཕྲིན་ཁང་ལ་དབྱིན་ཡུལ་བོད་རིགས་ཚོགས་པའི་ཚོགས་གཙོ་དགྲ་ལྷ་ཚེ་རིང་ལགས་ཀྱིས་འདས་གྲོངས་སུ་ཕྱིན་པ་དེ་དངོས་ཡོད་གནས་ཚུལ་ཡིན་པ་དང་། འོན་ཀྱང་ད་ལྟ་སྨན་ཁང་ནས་འདས་པོ་དེ་ཉིད་ཏོག་དབྱིབས་རིམས་ནད་ཕོག་རྐྱེན་འདས་གྲོངས་སུ་ཕྱིན་པ་ཞིག་ཡིན་མིན་ཐག་གཅོད་གང་ཡང་གནང་མེད་པར་གསུངས་སོང་། དབྱིན་ཡུལ་ནང་འདས་གྲོངས་སུ་ཕྱིན་པའི་བོད་མི་དེ་ནི་ཀ་ཤོད་པ་འཇམ་དབྱངས་ཆོས་རྒྱལ་ལགས་ཡིན་པ་དང་ཁོང་ད་ལྟ་དགུང་གྲངས་ ༧༩ ཙམ་ཕེབས་པ་ཞིག་ཆགས་ཀྱི་འདུག ཉེ་སྔོན་ཁོང་ལ་མགུལ་ཆམ་བཞེས་རྐྱེན་ཁུལ་དེར་རྟེན་གཞི་བྱས་པའི་ King’s hospital དུ་སྨན་བཅོས་གནང་བཞིན་ཡོད་པ་རེད་འདུག འོན་ཀྱང་དེ་རིང་དབྱིན་ཡུལ་གྱི་ཐོ་རངས་ཚོུད་ ༡།༢༥ ཐོག་སྨན་ཁང་དུ་འདས་གྲོངས་སུ་གྱུར་འདུག ས་གནས་བོད་རིགས་ཚོགས་པའི་ཚོགས་གཙོས་ད་ལྟའི་ཆར་སྨན་ཁང་ནས་འདས་པོ་ཁོང་ཏོག་དབྱིབས་རིམས་ནད་རྐྱེན་པས་འདས་གྲོངས་སུ་ཕྱིན་པར་ཐག་གཅོད་གང་ཡང་གནང་མེད་པ་དང་། ད་ལྟ་སྨན་པས་འདས་པོ་ཁོང་འདས་གྲོངས་སུ་གྱུར་རྐྱེན་གང་ཡིན་ལུས་གཞིར་བརྟག་དཔྱད་གནང་བའི་ཉིན་ཤས་རྗེས་སུ་ཐུགས་གཏན་འཁེལ་ངེས་ཡིན་པར་འགྲེལ་བརྗོད་གནང་འདུག རྩ་བའི་ཀ་ཤོད་པ་འཇམ་དབྱངས་ཆོས་རྒྱལ་ལགས་ནི་དེ་སྔ་བོད་དུ་རྒྱ་ནག་གཞུང་ནང་དུ་ལས་བྱེད་གནང་མྱོང་ཡོད་པ་དང་ཕྱིས་སུ་དབྱིན་ཡུལ་དུ་བྲོས་བྱོལ་ལ་ཕེབས་ནས་ལོ་ངོ་ ༣༠ མན་ཙམ་གྱི་རིང་དབྱིན་ཡུལ་ནང་གནས་སྡོད་གནང་མུས་ཡིན་པ་དང་། དེ་སྔོན་ཁོང་ནས་ཁུལ་དེར་རྟེན་གཞི་བྱས་པའི་བོད་གནས་ཁྱབ་སྤེལ་ཁང་དུ་ཕྱག་ལས་ཀྱང་གནང་མྱོང་འདུག

ཁ་སང་དྷརྨ་སཱ་ལཱར་འདས་གྲོངས་སུ་གྱུར་བའི་བོད་མི་དེའི་ཕུང་པོ་ཞུགས་འབུལ་དང་ནང་མི་རྣམས་ཟུར་འཇོག

ཁ་སང་ཕྱི་དྲོར་དྷ་སའི་བོད་མི་རང་ལོ་ ༦༩ ཡིན་པ་ཞིག་ལ་རྒྱ་ནག་ཝུ་ཧན་གྲོང་ཁྱེར་ནས་བྱུང་བའི་ COVID 19 འམ་གཉན་རིམས་ཕོག་རྐྱེན་འདས་གྲོངས་སུ་ཕྱིན་ཡོད་སྟབས་དེ་རིང་སྲིད་སྐྱོང་མཆོག་གིས་བོད་ཀྱི་བརྙན་འཕྲིན་བརྒྱུད་དེ་གནད་དོན་དེའི་ཐོག་གསལ་བཤད་གནང་སོང་། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་དེ་རིང་སྔ་དྲོ་༸རྒྱལ་བའི་བཞུགས་སྒར་དྷརྨ་ས་ལར་གནང་བའི་གསར་འགོད་ལྷན་ཚོགས་ཐོག་ཁ་སང་དྷརྨ་ས་ནས་འདས་གྲོངས་སུ་ཕྱིན་པའི་བོད་མི་དེ་ཏོག་དབྱིབས་རིམས་ནད་ཕོག་པའི་རྐྱེན་གྱིས་ཡིན་པ་དང་བོད་མིའི་སྒྲིག་འཛུགས་ཀྱིས་འགན་བཞེས་པའི་ཐོག་ནས་འདས་པོ་ཁོང་གི་ཕུང་པོ་ཁ་སང་ཕྱི་དྲོར་ཞུགས་འབུལ་གནང་བ་དང་སྦྲགས། དེ་འབྲེལ་ནང་མི་དང་ལྷག་དོན་འདས་པོ་ཁོང་དང་འབྲེལ་བ་བྱུང་བ་ཡོངས་རྫོགས་ཟུར་འཇོག་གནང་ཡོད་པ་གསུངས་སོང་། སྐབས་དེར་སྲིད་སྐྱོང་མཆོག་གིས་གཞན་ཡང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་མཆོག་༸སྐྱབས་མགོན་ཆེན་པོ་མཆོག་གི་༸སྐུའི་འཕྲོད་བཞེས་ལ་ཆེད་དམིགས་ཀྱིས་ད་ལྟའི་ཆར་༸སྐུའི་བླ་སྨན་པའི་ངོས་ནས་ཀྱང་ཕྱི་ནང་གི་ནད་པར་གཟིགས་གནང་གི་མེད་སྟབས་ཚང་མས་སེམས་འཚབ་མི་གནང་བར་གཉན་རིམས་དེའི་སྔོན་འགོག་དང་འབྲེལ་ནས་རང་ཁྱིམ་དུ་བཞུགས་དགོས་པ་དང་ལྷག་དོན་བོད་རིགས་མང་ཚོགས་ནས་ས་གནས་གཞུང་གི་ཁྲིམས་ཐོག་གི་བཀའ་ཁྱབ་ལ་བརྩི་སྲུང་ཞུ་དགོས་པའི་འབོད་སྐུལ་གནང་ཡོད། གཞི་རྩའི་འདས་པོ་དེ་ནི་དྷརྨ་སཱ་ལཱར་གནས་བཞུགས་ཧི་མཱ་ལ་ཡ་མགྲོན་ཁང་གི་བདག་པོ་བསྟན་འཛིན་ལགས་ཡིན་པར་ར་འཕྲོད་བྱུང་ཡོད་པ་དང་། ཉེ་ལམ་ཨ་རི་ནས་རྒྱ་གར་དུ་ཕྱིར་ལོག་གནང་ཡོད་པ་རེད། འདས་པོ་ཁོང་ནི་བཙན་བྱོལ་ནང་ཏོག་དབྱིབས་རིམས་ནད་རྐྱེན་པས་འདས་གྲོངས་སུ་གྱུར་བ་ཆེས་ཐོག་མ་དེ་ཆགས་ཀྱི་ཡོད་པ་རེད། གནད་དོན་དེ་དང་འབྲེལ་ས་གནས་ཀངྒ་རཱ་རྫོང་དཔོན་གྱིས་འདས་པའི་ཉིན་གྲངས་ ༢༨ ནང་ཚུད་ཕྱི་རྒྱལ་ཡུལ་གྲུ་ཁག་ནས་ཕར་འགྲོ་ཚུར་འོང་གནང་བའི་མི་རིགས་ཁྱད་མེད་ཀྱི་འགྲུལ་བཞུད་པ་ཡོངས་ས་གནས་ཀངྒ་རཱ་རྫོང་དཔོན་ལས་ཁུངས་སུ་འཕྲལ་མར་འབྲེལ་བ་ཞུ་དགོས་པ་དང་ད་ཆ་དྷརྨ་སཱ་ལཱ་འདི་བཞིན་དེ་རིང་ནས་དུས་ཚོད་ངེས་མེད་བར་སྒོ་རྒྱག་རྒྱུའི་བཀའ་རྒྱ་གནང་ཡོད་སྟབས་བོད་མིའི་སྒྲིག་འཛུགས་གཙོ་བོར་གྱུར་པའི་ལས་ཁུངས་ཁག་ཡོངས་རྫོགས་དེ་མཚུངས་སུ་སྒོ་རྒྱག་དགོས་པར་མ་ཟད། གཉན་རིམས་དེའི་ནད་རྟགས་ཡོད་པ་རྣམས་ནས་མ་བསྐུལ་དང་བླངས་ཐོག་དྷ་སར་གཞུང་གིས་གོ་སྒྲིག་ཞུས་པའི་མངའ་སྡེའི་ཨ་ཡུར་བེ་དའི་སྨན་ཁང་དུ་བརྟག་དཔྱད་སླད་ངེས་ཕེབས་ཡོང་བའི་འབོད་སྐུལ་ཡང་ཞུས་འདུགཁ་སང་བཞུགས་སྒར་དུ་འདས་གྲོངས་སུ་གྱུར་བའི་དྷརྨ་སཱ་ལཱར་གནས་བཞུགས་ཧི་མཱ་ལ་ཡ་མགྲོན་ཁང་གི་བདག་པོ་བསྟན་འཛིན་ལགས་རྒྱལ་ས་ལྡི་ལིར་བཞུགས་སྐབས་འཛམ་བྷ་ལ་མགྲོན་ཁང་དུ་ཞུགས་ཡོད་པར་ར་འཕྲོད་བྱུང་ཡོད་པ་རེད།

རྒྱལ་ས་ལྡི་ལི་ནས་མཁའ་ལམ་བརྒྱུད་ལ་དྭགས་སུ་འབྱོར་བའི་དགེ་འདུན་པར་ཏོག་དབྱིབས་ཀྱི་ནད་རྟགས་ཐོན་མེད།

ཉེ་ལམ་ཕྱི་ཚེས་ ༢༡ ཉིན་རྒྱ་གར་གྱི་རྒྱལ་ས་ལྡི་ལི་ནས་ GoAir མཁའ་ལམ་བརྒྱུད་ལ་དྭགས་སུ་འབྱོར་བའི་དགེ་འདུན་པ་ཁོང་གི་བརྟགས་དཔྱད་གྲུབ་དོན་དང་པོའི་ནང་ཏོག་དབྱིབས་ཀྱི་ནད་རྟགས་ཐོན་མེད་པར་བརྗོད་འདུག ས་གནས་གཞུང་ནས་དགེ་འདུན་པ་ཁོང་ལ་ནད་རྟགས་ཐོན་པའི་རྐྱེན་གྱིས་བསོད་ནམས་ནོར་བུ་དྲན་རྟེན་སྨན་ཁང་དུ་ཟུར་འཇོག་གནང་ཡོད་པར་མ་ཟད། ཁོང་དང་ལྷན་དུ་འགྲུལ་བཞུད་གནང་མཁན་གྱི་བོད་རིགས་སློབ་མ་མང་དག་ཅིག་རང་ཁྱིམ་དུ་ཟུར་འཇོག་དགོས་པ་ས་གནས་གཞུང་གིས་ལམ་སྟོན་གསལ་བསྒྲགས་གནང་ཡོད་པ་རེད། འོན་ཏང་དེ་རིང་དགེ་འདུན་པ་ཁོང་གི་བརྟག་དཔྱད་གྲུབ་དོན་དང་པོ་དེ་འབྱོར་རྗེས་ཁོང་ལ་ཏོག་དབྱིབས་ཀྱི་ནད་རྟགས་ཐོན་མེད་པར་བརྗོད་འདུག་པ་དང་། བརྟག་དཔྱད་གྲུབ་འབྲས་གཉིས་པ་འཐོན་མཚམས་སུ་སླར་ནད་རྟགས་དེ་ཐོན་མེད་ཚེ་རང་ཁྱིམ་དུ་ཕྱིར་ལོག་གནང་འཆར་ཡོད་པ་རེད། གཞི་རྩའི་ལ་དྭགས་ཁུལ་དུ་ད་བར་རྒྱ་ནག་ཝུ་ཧན་གྲོང་ཁྱེར་ནས་ཁྱབ་བརྡལ་བྱུང་བའི་ཏོག་དབྱིབས་ཀྱིི་རིམས་ནད་ཕོག་པའི་མི་གྲངས་ ༡༣ བྱུང་ཡོད་ཀྱང་། གནས་ཚུལ་ཤེས་རྟོགས་བྱུང་བར་གཞིགས་ན་སྔར་གྱི་ནད་པ་གཉིས་ལ་སྨན་བཅོས་གནང་འབྲས་སུ་དྲག་སྐྱེད་བྱུང་ནས་ negative ཐོན་འདུག

ཏོག་དབྱིབས་རིམས་ནད་རྐྱེན་པས་བཙན་བྱོལ་ནང་གི་བོད་མི་གྲོངས་མཁན་ཆེས་ཐོག་མ།

ཨ་རི་ནས་ཕྱིར་ལོག་བྱུང་བའི་དྷ་སའི་བོད་མི་རང་ལོ་ ༦༩ ཡིན་པ་ཞིག་ལ་ཏོག་དབྱིབས་རིམས་ནད་ཕོག་རྐྱེན་དེ་རིང་འདས་གྲོངས་སུ་གྱུར་བའི་གནས་ཚུལ་ཐོན་ཡོད་པ་དང་། ས་གནས་ཀངྒ་རཱ་རྫོང་དཔོན་གྱིས་འདས་པོ་དེའི་སྔོན་འགྲོའི་བརྟག་དཔྱད་ནང་ཏོག་དབྱིབས་གཉན་རིམས་ནད་རྟགས་ཐོན་ཡོད་པ་གསུངས་སོང་།གཞི་རྩའི་འདས་པོ་དེ་ནི་དྷརྨ་སྰ་ལྰར་གནས་བཞུགས་ཧི་མྰ་ལ་ཡ་མགྲོན་ཁང་གི་བདག་པོ་བསྟན་འཛིན་ལགས་ཡིན་པར་ར་འཕྲོད་བྱུང་ཡོད་པ་རེད། དེ་འབྲེལ་ཁོང་གི་བུས་རང་ཉིད་ཀྱི་ངོ་དེབ་སྟེང་དུ་གནས་ཚུལ་དེ་བདེན་པ་ཡིན་པར་ངེས་བརྟན་བཟོས་པ་དང་ཆབས་ཅིག་ཏུ་མང་ཚོགས་ཚོས་རང་གི་ནང་མི་རྒན་པ་དང་བྱིས་པ་ཚོར་ལྟ་རྟོག་གང་ལེགས་གནང་དགོས་པའི་འབོད་སྐུལ་གནང་འདུག

བོད་མིའི་སྒྲིག་འཛུགས་ཀྱི་ལས་ཁུངས་ཁག་གི་སྲི་ཞུ་བ་བརྒྱ་ཆ་ལྔ་བཅུ་ལས་ཉུང་བ་རེས་མོས་ཐོག་ནས་ལས་བཅར་ཞུས་པ།

རྒྱ་ནག་ཝུ་ཧན་གྲོང་ཁྱེར་ནས་ཁྱབ་གདལ་བྱུང་བའི་ Covid-19 འམ་ཏོག་དབྱིབས་རིམས་ནད་དེ་ད་ལྟའི་ཆར་རྒྱལ་སྤྱིའི་ཁྱོན་ཡོངས་སུ་དར་ཁྱབ་ཆེས་ཆེར་འགྲོ་བཞིན་པའི་ཛ་དྲག་གནས་སྟངས་ཁྲོད་འདིར་ཧི་མཱ་ཅལ་མངའ་སྡེ་གཞུང་ནས་མངའ་སྡེ་འདི་ནང་དེ་རིང་ནས་དབུ་འཛུགས་ཀྱིས་དུས་ཚོད་ངེས་མེད་བར་དུ་སྒོ་རྒྱག་རྒྱུའི་བཀའ་རྒྱ་གནང་ཡོད་སྟབས། བོད་མིའི་སྒྲིག་འཛུགས་ཀྱི་ལས་ཁུངས་ཁག་གི་སྲི་ཞུ་བ་བརྒྱ་ཆ་ལྔ་བཅུ་ལས་ཉུང་བ་རེས་མོས་ཐོག་ནས་ལས་བཅར་ཞུས་ཡོད་པ་རེད།དེ་རིང་ཉིན་གུང་ཆུ་ཚོད་བཅུ་གཉིས་ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་གསར་འགོད་ལྷན་ཚོགས་ཤིག་བསྐོང་ཚོགས་གནང་སྟེ་ད་ཆ་ཧི་མཱ་ཅལ་མངའ་སྡེ་འདི་བཞིན་དུས་ཚོད་ངེས་མེད་བར་དུ་སྒོ་རྒྱག་རྒྱུའི་བཀའ་རྒྱ་གནང་ཡོད་སྟབས། རྒྱ་གར་དབུས་དང་ས་གནས་གཞུང་། དེ་བཞིན་རྫོང་ཁག་གི་ལས་ཁུངས་སུ་ལས་བྱེད་ལྔ་བཅུ་ལས་ཉུང་བ་ལས་བཅར་ཞུ་བཞིན་ཡོད་པ་ལྟར། བོད་མིའི་སྒྲིག་འཛུགས་ཀྱང་དེ་མཚུངས་སུ་ལས་ཁུངས་ཁག་གི་སྲི་ཞུ་བ་བརྒྱ་ཆ་ལྔ་བཅུ་ལས་ཉུང་བ་རེས་མོས་ཐོག་ནས་ལས་བཅར་ཞུ་རྒྱུ་དང་། དེ་མིན་ལས་བྱེད་ཁག་ཅིག་རང་ཤག་ཏུ་ཕྱག་ལས་གནང་རྒྱུའི་ཐུགས་ཐག་བཅད་ཡོད་པ་གསུངས་སོང་།   དེ་བཞིན་སྲིད་སྐྱོང་མཆོག་གིས་ཧི་མཱ་ཅལ་མངའ་སྡེ་འདི་བཞིན་དུས་ཚོད་ངེས་མེད་བར་དུ་སྒོ་རྒྱག་གི་ཡོད་སྟབས། བོད་མི་ཚོ་ད་ལྟའི་ཆར་རང་ཉིད་ས་གནས་གང་དུ་བཞུགས་ཡོད་པ་དེར་བཞུགས་པ་ལས་ཧི་མཱ་ཅལ་མངའ་སྡེར་ཕེབས་རྒྱུ་མེད་པ་དང་། ལྷག་པར་རིམས་ནད་འདི་མངོན་གསལ་དོད་པོའི་ཐོག་ནས་འགོག་ཐབས་མེད་པར་བརྟེན་བོད་མི་རྣམས་ནས་ཡིད་གཟབ་གནང་ཐོག་རྒྱ་གར་དབུས་གཞུང་དང་མངའ་སྡེ་གཞུང་། དེ་བཞིན་ས་གནས་སོ་སོའི་བཀོད་ཁྱབ་ལམ་སྟོན་ཁག་ལ་ངེས་པར་དུ་ལག་བསྟར་ཞུ་རོགས་ཞེས་འབོད་སྐུལ་གནང་སོང་བར་མ་ཟད། གལ་སྲིད་བོད་མི་སྤྱིའི་ཐོག་ནས་ལྷོད་གཡེང་རིགས་ཤོར་ཚེ་གཉན་རིམས་དེ་ཁྱབ་གདལ་ཤུགས་ཆེ་འགྲོ་ངེས་ཡིན་སྟབས་སྤྱི་ཚོགས་སྤྱི་དང་བོད་མིའི་སྒྲིག་འཛུགས། དེ་བཞིན་མི་རིགས་དང་མི་རིགས་དབར་ལ་བརྡབ་གསིག་འགྲོ་རྒྱུའི་ཉེན་ཡོད་པས་བོད་མི་ཚོས་ཡིད་ཟབ་གནང་དགོས་པའི་གཞེན་བསྐུལ་གནང་ཡོད།བོད་མིའི་སྒྲིག་འཛུགས་ནས་རིམས་ནད་འདིའི་སྔོན་འགོག་དང་འབྲེལ་ཏེ་བཞུགས་སྒར་ཉེ་འདབས་སུ་ཆགས་པའི་དབུས་སྣེ་ལེན་ཁང་དང་ཤུགས་གསེབ་སུ་ཡོད་པའི་སྒྲིག་འཛུགས་ཀྱི་ལས་ཤག་ཁག་ཉེ་ཆར་ཕྱི་ཕྱོགས་ནས་ཕེབས་པའི་ལས་བྱེད་རྣམས་ཟུར་བཞུགས་གནང་ཕྱིར་མཐུན་རྐྱེན་བསྐྲུན་འདུག་པ་དང་། སྲིད་སྐྱོང་མཆོག་ནས་སྲི་ཞུ་བ་གཙོས་བོད་མིའི་ཁྲོད་ཚ་བ་རྒྱས་པ་སོགས་ནད་རྟགས་རིགས་ཡོད་ཚེ་ངེས་པར་དུ་བརྟག་དཔྱད་གནང་དགོས་པའི་ལམ་སྟོན་སོགས་ཀྱང་གནང་ཡོད།  ཧི་མཱ་ཅལ་མངའ་སྡེ་འདི་བཞིན་དུས་ཚོད་ངེས་མེད་བར་སྒོ་རྒྱག་གི་ཡོད་སྟབས། སྨན་ཁང་དང་དངུལ་ཁང་། གློག་དང་ཆུ་ལས་ཁང་། དེ་བཞིན་ཟ་ཆས་ཚོང་ཁང་། གསར་འགོད་ལས་ཁང་སོགས་ཛ་དྲག་དགོས་ངེས་སྡེ་ཚན་ཁག་ཅིག་མ་གཏོགས་སྤྱི་སྤྱོད་རླངས་འཁོར་དང་གླ་འཁོར་སོགས་འགྲུལ་བཞུད་མི་ཆོག་པར་མ་ཟད། སྒེར་གྱི་ཚོང་ཁང་དང་བཟོ་གྲྭ་སོགས་སྒོ་ཕྱེ་མི་ཆོག་པ་དང་། ལྷག་པར་དུ་ཀངྒ་རཱ་རྫོང་ཁོངས་སུ་རྒྱ་གར་གྱི་ཁྲིམས་གཞི་ཨང་ ༡༤༤ ཞེས་པ་དེ་ལག་བསྟར་གནང་ཡོད་སྟབས་རྫོང་ཁོངས་ཀྱི་ས་གནས་ཁག་ཏུ་མི་བཞི་འམ་བཞི་ལས་མང་བ་འདུ་འཛོམས་གནང་ཆོག་གི་མེད་པ་རེད། མངའ་སྡེ་གཞུང་གི་ཛ་དྲག་གི་བཀའ་ཁྱབ་འདིའི་ཁྲོད་ད་ལྟའི་ཆ་ལ་བོད་མི་ཁག་ཅིག་བཞུགས་སྒར་དུ་ཕྱིར་ལོག་མ་ཐུབ་པར་རྒྱལ་ས་ལྡི་ལི་གཙོས་པའི་ས་གནས་ཁག་ཅིག་ཏུ་ལྷག་བཞིན་་འདུགརྩ་བའི་ Covid-19 འམ་ཏོག་དབྱིབས་རིམས་ནད་དེ་སྔོན་འགོག་དང་འབྲེལ་རྒྱ་གར་གྱི་སྲིད་བློན་Modi མཆོག་གི་བཀའ་ཁྱབ་འོག་ཁ་སང་རེས་གཟའ་ཉི་མའི་སྔ་དྲོ་ཆུ་ཚོད་ ༧ ནས་ ༩ བར་རྒྱ་གར་རྒྱལ་ཡོངས་སུ་ Janata Curfew ཞེས་མི་མང་རྣམས་རང་ཁྱིམ་དུ་བཞུགས་ཡོད་པ་ལྟར། བཞུགས་སྒར་གཙོས་པའི་བོད་མི་གནས་ཡུལ་ས་གནས་ཁག་ཏུ་བོད་མི་ཚོས་དེ་མཚུངས་སུ་ནང་བཞུགས་གནང་བ་མ་ཟད། དགོང་དྲོའི་ཆུ་ཚོད་ ༥ ཐོག་རང་ཁྱིམ་ནས་དགའ་བསུའི་ཐལ་མོ་རྡེབ་པ་དང་དྲིལ་བུ་དཀྲོག་པ། དེ་བཞིན་གླུ་གཞས་བླངས་པ་སོགས་བརྒྱུད་དེ་ཛ་དྲག་གི་དུས་སྐབས་འདིར་ཕྱག་ལས་གནང་མཁན་སྨན་པ་དང་སྨན་ཞབས་པ་གཙོས་པའི་འཕྲོད་བསྟེན་ཞབས་ཞུ་བ་ཡོངས་ལ་རྗེས་སུ་ཡི་རང་དང་དགའ་བསུ་ཞུས་ཡོད་པ་རེད།  

ལ་དྭགས་ལ་ཕྱིར་ལོག་གནང་བའི་བོད་ཕྲུག་སློབ་མ་ཁག་ཅིག་རང་ཁྱིམ་དུ་ཟུར་བཀག

ད་ཆ་རྒྱ་གར་གྱི་མངའ་སྡེ་ཆེ་ཁག་འདྲ་མིན་ནང་ཏོག་དབྱིབས་རིམས་ནད་དེ་ཁྱབ་གདལ་ཆེས་ཆེར་འགྲོ་བཞིན་པའི་ཁྲོད། རྒྱ་གར་བྱང་ཕྱོགས་ལ་དྭགས་སུ་ཏོག་དབྱིབས་གཉན་རིམས་ཕོག་པ་མི་ ༡༣ བྱུང་ཡོད་པ་དང་དེ་དག་ལ་དྭགས་ཀྱི་མི་འབོར་ལ་གཞིགས་པའི་ཆེས་ཛ་དྲག་ལ་ངོས་འཛིན་གནང་བཞིན་འདུགརྩ་བའི་ལ་དྭགས་བསོད་ནམས་གླིང་བོད་མིའི་གཞིས་ཆགས་ཀྱི་ཁྱབ་ཁོངས་བྱང་ཐང་ས་ཁག་དགུ་ཡོད་པའི་ནང་ཁྱོན་བོད་མི་བདུན་སྟོང་ལྷག་གནས་བཞུགས་གནང་བཞིན་ཡོད་པ་ལྟར། དེ་རིང་འདི་ག་རླུང་འཕྲིན་ཁང་ནས་ལ་སྤྱི་ཚེ་བརྟན་དབང་ཕྱུག་ལགས་སུ་ལ་དྭགས་ནང་ཁྱབ་གདལ་འབྱུང་བཞིན་པའི་ཏོག་དབྱིབས་གཉན་རིམས་སྔོན་འགོག་དང་འབྲེལ་བའི་བཀའ་འདྲི་ཁག་ཅིག་ཞུས་པར་ཁོང་གིས་ལ་དྭགས་ནང་རིམས་ནད་དེ་ཕོག་པའི་ནད་པ་ཁྱོན་ ༡༣ བྱུང་བའི་ཁོངས་སུ་བོད་མི་ཅིག་ཀྱང་མེད་པ་ཆེས་གསལ་འདོན་གནང་སོང་། འོན་ཀྱང་ཁ་ཉིན་ཕྱི་ཚེས་ ༢༡ ཉིན་ཨ་རི་ནས་ཕེབས་པའི་ལ་དྭགས་ཡུལ་མི་ཡིན་པ་དགེ་འདུན་པ་ཞིག་ལྡི་ལི་ནས་ GoAir གནམ་གྲུ་བརྒྱུད་ལ་དྭགས་སུ་འབྱོར་ཡོད་པ་དང་སྐབས་དེར་གནམ་ཐང་དུ་བརྟག་དཔྱད་གནང་བ་བརྒྱུད་ཁོང་ལ་རིམས་ནད་དེ་འགོས་ཡོད་པའི་ནད་རྟགས་ཁག་ཐོན་འཕྲལ་ལ་དྭགས་གླེའི་བསོད་ནམས་ནོར་བུ་དྲན་རྟེན་སྨན་ཁང་དུ་ཟུར་བཀག་གནང་ཡོད་པ་དང་ཆབས་ཅིག ཁོང་གི་ཟུངས་ཁྲག་བརྟག་དཔྱད་ཆེད་བཏང་ཡོད་པར་མ་ཟད། ཉིན་དེར་གོང་ཞུས་གནམ་གྲུའི་ནང་འགྲུལ་བཞུད་གནང་བའི་སེ་ལ་ཀུལ་དང་དྷ་ཤོད་བོད་ཁྱིམ་སློབ་གྲྭ་ནས་ཕྱིར་ལོག་གནང་བའི་བོད་ཕྲུག་སློབ་མ་ ༢༠ སྐོར་ཞིག་ཡོད་པ་རྣམས་ཀྱང་རིམས་ནད་ཕོག་པར་དོགས་གཞིའི་འོག་རང་ཁྱིམ་དུ་ཟུར་བཀག་གནང་ཡོད་པར་ངོ་སྤྲོད་གནང་སོང་།དེ་རིང་ཉིན་རྒྱབ་ལ་དྭགས་རྫོང་འཕྲོད་བསྟེན་དྲུང་ཆེ་སྐུ་ཞབས་རིག་འཛིན་བསམ་འཕེལ་ལགས་ཀྱིས་གསར་འགོད་ལྷན་ཚོགས་བསྐོང་ཚོགས་གནང་སྟེ་ཕྱི་ཚེས་ ༢༡ ཉིན་ GoAir གནམ་གྲུ་བརྒྱུད་ལ་དྭགས་སུ་འབྱོར་བའི་བོད་ཕྲུག་སློབ་མ་ཁག་ཅིག་གཙོས་འགྲུལ་བཞུད་པ་ཡོངས་རང་ཁྱིམ་དུ་ཟུར་བཀག་འོག་གནས་དགོས་པའི་འབོད་སྐུལ་གནང་འདུག ལ་དྭགས་མངའ་སྡེ་གཞུང་གིས་ཡུལ་དེའི་མི་འབོར་ལ་གཞིགས་པའི་ལ་དྭགས་ནང་ཁྱབ་གདལ་ཤུགས་ཆེ་འགྲོ་བཞིན་པའི་ཏོག་དབྱིབས་རིམས་ནད་ཀྱི་མྱུར་ཚད་དེ་ཆེས་ཛ་དྲག་རང་བཞིན་ཞིག་ཏུ་ངོས་འཛིན་གནང་ཡོད་པ་དང་འབྲེལ། མངའ་སྡེ་གཞུང་གིས་རིམས་ནད་དེ་སྔོན་འགོག་ཆེད་དུ་དུས་ཚོད་ངེས་མེད་བར་ཡུལ་སྐོར་སྤྲོ་འཆམ་པ་སོགས་ཕྱི་མི་སུ་གང་ཞིག་ལ་དྭགས་ནང་ཕེབས་མི་ཆོག་པའི་བཀའ་ཁྱབ་བཏང་ཡོད་པར་མ་ཟད། རྒྱ་གར་གྱི་ཁྲིམས་གཞི་ཨང་ ༡༤༤ ཞེས་པ་དེ་ཕྱག་བསྟར་བརྒྱུད་རྫོང་ཁོངས་ཀྱི་ས་གནས་ཁག་ཏུ་མི་བཞི་འམ་བཞི་ལས་མང་བ་འདུ་འཛོམས་གནང་ཆོག་གི་མེད་པའི་བཀའ་རྒྱ་གནང་ཡོད་པ་རེད། རྩ་བའི་ད་ལྟའི་ཆར་ལ་དྭགས་ནང་ཏོག་དབྱིབས་རིམས་ནད་དེ་ཕོག་པའི་ནད་པ་གྲངས་ ༡༣ བྱུང་ཡོད་པ་དང་ཁོང་རྣམས་ལ་རིམས་ནད་ཕོག་ཡོད་པ་ངོ་རྟགས་ཆོད་པ་ནས་བཟུང་ལ་དྭགས་གླེའི་བསོད་ནམས་ནོར་བུ་དྲན་རྟེན་སྨན་ཁང་དུ་ཟུར་བཀག་གིས་བརྟག་དཔྱད་གནང་མུས་ཡིན་པར་མ་ཟད། དེ་དག་གི་ནང་མི་རྣམས་དོགས་གཞིའི་འོག་ས་གནས་གཞན་གཉིས་སུ་ཟུར་བཀག་གནང་བཞིན་འདུགསྤྱིར་ཏོག་དབྱིབས་རིམས་ནད་དེ་རྒྱལ་སྤྱིའི་ཁྱོན་དུ་ཡོད་པའི་དགུང་ལོ་མཐོ་པོར་ཕེབས་པ་དང་ལོ་ན་ཆུང་བའི་བྱིས་པ་རྣམས་ལ་འགོས་སླ་བ་སོགས་ཀྱི་དཀའ་ངལ་དུ་མ་འཕྲད་བཞིན་ཡོད་སྟབས། ལ་དྭགས་ལྕོགས་ལམ་སར་གྱི་རྒས་གསོ་ཁང་ནང་རིམས་ནད་དེའི་སྔོན་འགོག་དང་འབྲེལ་ནས་གྲ་སྒྲིག་གང་ཡོད་སྐོར་དྭགས་བོད་ཕྲུག་ཁྱིམ་སྡེའི་ངེས་སྟོན་པ་འཆི་མེད་ལྷུན་གྲུབ་ལགས་སུ་བཀའ་འདྲི་ཞུས་ཡོད།

ཕྱི་ལོ་ ༢༠༢༠༌༢༡ ལོའི་ཏཱ་ལའི་བླ་མའི་གཙུག་ལག་སློབ་གཉེར་བའི་སློབ་ཡོན།

ཉེ་ཆར་ཕྱི་ཟླ་ ༣ ཚེས་ ༢༠ ཉིན་ཡོ་རོབ་རྒྱལ་ཁབ་སུད་སི་ནང་རྟེན་གཞི་བྱས་པའི་ཏཱ་ལའི་བླ་མ་དགའ་ལྡན་ཕོ་བྲང་དགེ་རྩ་ཁང་གིས་ཕྱི་ལོ་ ༢༠༢༠ ནས་༢༠༢༡ ལོའི་ཏཱ་ལའི་བླ་མའི་གཙུག་ལག་སློབ་གཉེར་བའི་སློབ་ཡོན་ཐེངས་ ༩ པ་དེ་གསོལ་བསྩལ་གནང་རྒྱུའི་གསལ་བསྒྲགས་བསྐྱངས་ཡོད་པ་རེད།གཞི་རྩའི་ཏཱ་ལའི་བླ་མའི་དགེ་རྩའི་སློབ་ཡོན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འགྲོ་བ་མིར་ཕན་ཐོགས་མཛད་རྒྱུའི་རླབས་ཆེན་དགོངས་གཞིའི་ཆ་ཤས་ཞུ་ཕྱིར་ཕྱི་ལོ་ ༢༠༡༡ ལོ་ནས་དབུ་འཛུགས་གནང་སྟེ་ད་བར་བོད་རིགས་སློབ་གཉེར་བ་གྲངས་ ༡༥༠ ཙམ་ལ་ཨ་སྒོར་ས་ཡ་གཉིས་སྐོར་ཞིག་སློབ་ཡོན་གསོལ་བསྩལ་གནང་ཡོད་པ་རེད།རླུང་འཕྲིན་ཁང་གིས་སུད་སིར་རྟེན་གཞི་བྱས་པའི་ཏཱ་ལའི་བླ་མ་དགའ་ལྡན་ཕོ་བྲང་དགེ་རྩའི་དྲུང་ཆེ་བསྟན་འཛིན་སེ་ཝོ་ལགས་སུ་འདི་ལོའི་ཏཱ་ལའི་བླ་མའི་གཙུག་ལག་སློབ་གཉེར་བའི་སློབ་ཡོན་ཐེངས་དགུ་པ་དང་འབྲེལ་བའི་དམིགས་བསལ་བཅར་འདྲི་ཁག་ཅིག་ཞུས་ཡོད།

སྲིད་སྐྱོང་མཆོག་གིས་ཏོག་དབྱིབས་རིམས་ནད་དང་འབྲེལ་བའི་ཛ་དྲག་འབོད་སྐུལ་ཁག་ཅིག་གནང་བ།

རྒྱ་ནག་ཝུ་ཧན་གྲོང་ཁྱེར་ནས་ཁྱབ་གདལ་བྱུང་བའི་ Covid-19 འམ་ཏོག་དབྱིབས་རིམས་ནད་དེ་ད་ལྟའི་ཆར་རྒྱལ་སྤྱིའི་ཁྱོན་ཡོངས་སུ་དར་ཁྱབ་ཆེས་ཆེར་འགྲོ་བཞིན་པ་དང་བསྟུན། དེ་རིང་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་དབུས་པའི་བཀའ་བློན་རྣམ་པ་ཛ་དྲག་ཐོག་ལྷན་འཛོམས་གནང་སྟེ་གཉན་རིམས་དེ་སྔོན་འགོག་དང་འབྲེལ་བའི་ཛ་དྲག་འབོད་སྐུལ་གྱི་གསལ་བསྒྲགས་ཁག་ཅིག་གནང་འདུག གསལ་བསྒྲགས་དེའི་ནང་སྲིད་སྐྱོང་མཆོག་གིས་ཧི་མཱ་ཅལ་མངའ་སྡེ་གཞུང་གིས་ཕྱིའི་ཡུལ་སྐོར་སྤྲོ་འཆམ་པ་གཙོ་བོར་གྱུར་པའི་རྒྱ་གར་གྱི་མངའ་སྡེ་གཞན་ཁག་གི་མི་སྣ་སུ་ཞིག་མངའ་སྡེ་འདིར་ཕེབས་མི་ཆོག་པའི་བཀའ་རྒྱ་ཁྱབ་སྤེལ་གནང་ཟིན་སྟབས་བོད་མི་ཚོས་ཀྱང་ད་ལྟའི་ཆར་རང་ཉིད་ས་གནས་གང་དུ་བཞུགས་ཡོད་པ་དེར་བཞུགས་པ་ལས་ཧི་མཱ་ཅལ་མངའ་སྡེར་མ་ཕེབས་རོགས་ཞེས་གསུངས་འདུག ལྷག་པར་དུ་ཧི་མཱ་ཅལ་ཀངྒ་རཱ་རྫོང་ཁོངས་སུ་རྒྱ་གར་གྱི་ཁྲིམས་གཞི་ཨང་ ༡༤༤ ཞེས་པ་དེ་ཕྱག་བསྟར་བརྒྱུད་རྫོང་ཁོངས་ཀྱི་ས་གནས་ཁག་ཏུ་མི་བཞི་འམ་བཞི་ལས་མང་བ་འདུ་འཛོམས་གནང་ཆོག་གི་མེད་སྟབས་ས་གནས་ཀྱི་བོད་མི་ཚོས་དེ་དོན་དགོངས་འཇགས་གནང་དགོས་པ་མ་ཟད། རྒྱ་གར་གྱི་མངའ་སྡེ་གཞན་ཁག་ཏུ་བཞུགས་པའི་བོད་མི་ཚོས་ཀྱང་མངའ་སྡེ་སོ་སོ་ནས་ལམ་སྟོན་གནང་ཁག་ཕྱག་བསྟར་གནང་དགོས་པའི་གཞེན་བསྐུལ་གནང་འདུག དེ་བཞིན་རྒྱ་གར་དབུས་གཞུང་ནས་རིམས་ནད་སྔོན་འགོག་སོགས་ལ་གཞིགས་ཏེ་གཞུང་གི་ལས་ཁུངས་ཁག་ཏུ་ལས་བྱེད་རེ་མོས་ཐོག་ནས་ཕྱག་ལས་གནང་བར་ཕེབས་དགོས་པ་བཟོས་པ་ལྟར་སང་རེས་གཟའ་ཟླ་བ་ནས་བོད་མིའི་སྒྲིག་འཛུགས་ཀྱི་ལས་ཁུངས་ཁག་གི་སྲི་ཞུ་བ་བརྒྱ་ཆ་ལྔ་བཅུ་རེ་མོས་ཐོག་ནས་ལས་བཅར་ཞུ་རྒྱུ་ཡིན་པ་དང་། ཅི་སྟེ་མང་ཚོགས་ནས་བདེ་སྡུག་གི་གནད་དོན་རིགས་ཞུ་དགོས་ཚེ་གློག་འཕྲིན་དང་ཞལ་པར་བརྒྱུད་དེ་འབྲེལ་བ་གནང་དགོས་པའི་འབོད་སྐུལ་གནང་ཡོད་པ་རེད།

Latest news