གསར་འགྱུར།

རྒྱ་ནག་གི་སྲིད་འཛིན་ཞི་ཅིན་ཕིང་གིས་བོད་ལྗོངས་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་ ༧ ཐོག་བོད་ནང་ཁ་བྲལ་ལ་གདོང་ལེན་སྤེལ་ཤུགས་ཆེ་རུ་གཏོང་དགོས་པ་དང་གཞི་རིམ་སློབ་གྲྭར་སློབ་གསོ་སོགས་ཀྱི་ཐོག་ནས་རྒྱལ་ཞེན་གྱི་བསམ་བློ་ཆེ་རུ་གཏོང་དགོས་པ་སོགས་བརྗོད་འདུག

རྒྱ་ནག་གྱི་ཕྱི་སྲིད་བློན་ཆེན་ Wang Yi ཟླ་ ༨ ཚེས་ ༢༥ ནས་ཨི་ཊ་ལི་དང་ནི་ཐར་ལན་ཌི། ནོར་ཝེ། ཕ་རན་སི། དེ་བཞིན་འཇར་མན་བཅས་ཡོ་རོབ་རྒྱལ་ཁབ་ལྔའི་ནང་གཞུང་འབྲེལ་སྐོར་སྐྱོད་བྱེད་བཞིན་ཡོད་པ་ལྟར་ཕྱི་ཚེས་ ༢༩ ནས་ཁ་སང་བར་ཡོ་རོབ་ཕ་རན་སི་རྒྱ་ཁབ་ནང་བསྐྱོད་དེ་སྲིད་འཛིན་ Emmanuel Macron ལགས་དང་ཕྱི་སྲིད་བློན་ཆེན་ Jean-Yves Le Drian ལགས་གཉིས་དང་ཐུག་འཕྲད་བྱས་ཡོད་པ་རེད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་ཉི་ཧོང་གི་སྲིད་བློན་སྐུ་ཞབས་ Shinzo Abe མཆོག་གི་འཕྲོད་བསྟེན་གྱི་གནས་བབ་ཀྱི་རྐྱེན་གྱིས་སྲིད་བློན་གྱི་ལས་གནས་ལས་དགོངས་པ་ཞུས་ཏེ་སྨན་བཅོས་གནང་རྒྱུ་ཡིན་སྐོར་ལ་ཐུགས་གསོའི་འཚམས་འདྲི་ཞིག་བསྩལ་

ཉེ་ཆར་ཟླ་ ༨ ཚེས་ ༢༥ ནས་རྒྱ་ནག་གི་ཕྱི་སྲིད་བློན་ཆེན་ Wang Yi ཨི་ཊ་ལི་དང་ནི་ཐར་ལན་ཌི། ནོར་ཝེ། ཕ་རན་སི། དེ་བཞིན་འཇར་མན་བཅས་ཡོ་རོབ་རྒྱལ་ཁབ་ལྔའི་ནང་གཞུང་འབྲེལ་སྐོར་སྐྱོད་བྱེད་བཞིན་ཡོད་པ་ལྟར། འདས་པའི་ཉིན་གྲངས་གསུམ་གྱི་རིང་ལ་ཁོ་པ་ཨི་ཊ་ལི་དང་ནི་ཐར་ལན་ཌི། ནོར་ཝེ་བཅས་སུ་འགྲོ་སྐབས་ཡུལ་དེ་དག་གི་ཕྱི་སྲིད་བློན་ཆེན་དབུས་གྲོས་ཚོགས་འཐུས་མི་ཁག་ཅིག་ནས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐད་འདྲི་རྩད་གནང་བ་མ་ཟད། ས་གནས་མི་མང་ཚོས་ཝང་ཡིའི་སྐོར་སྐྱོད་དེར་མི་འདོད་པའི་རྣམ་པ་ཆེད་འདོན་དང་ངོ་རྒོལ་སྐད་འབོད་སོགས་གནང་འདུག

བོད་རང་སྐྱོང་ལྗོངས་ཟེར་བའི་དམར་ཤོག་ཚོགས་པའི་དྲུང་ཆེ་ Wu Yingjie ཡིས་ཁུལ་དེའི་དམར་ཤོག་དཔོན་རིགས་ཚོས་ཆེས་དབང་སྒྱུར་དཀའ་བའི་ཁ་བྲལ་ལ་འཐབ་འཛིང་གི་ལས་དོན་ལས་རྣམ་པར་རྒྱལ་དགོས་པ་དང་། ཏཱ་ལའི་བླ་མ་དང་ཏཱ་ལའི་རུ་ཚོགས་ཀྱི་ངོ་གདོང་དམར་རྗེན་དུ་ཆེད་འདོན་གྱིས་མངོན་གསལ་དོད་པོས་གཏིང་ཚུགས་པའི་སྒོ་ནས་སྐྱོན་བརྗོད་དང་གདོང་ལེན་ནན་པོ་བྱེད་དགོས་ཞེས་བརྗོད་འདུག

བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་ཝུ་ཧན་ཏོག་དབྱིབས་གཉན་རིམས་ལས་དོན་ཚོགས་ཆུང་གིས་རེས་གཟའ་ཕུར་བུ་ཆར་ཅན་གོ་སྒྲིག་གནང་བཞིན་པ་ལྟར། དེ་རིང་གི་གསར་འགོད་ལྷན་ཚོགས་ཐོག་གཟའ་འཁོར་འདིའི་ནང་ལ་དྭགས་གཙོས་པའི་རྒྱ་གར་ནང་གི་བཙན་བྱོལ་བོད་མིའི་སྤྱི་ཚོགས་ཁྲོད་བོད་མི་ཁྱོན་ ༤༡ ལ་ Covid-19 གཉན་རིམས་ཕོག་ཡོད་པར་འགྲེལ་བརྗོད་དང་འབྲེལ། བོད་མི་རྣམས་ནས་ད་ལྟའི་ཆར་སྔོན་འགོག་ཐབས་ལམ་ལ་མུ་མཐུད་འབད་དགོས་པ་དང་འགྲུལ་བཞུད་རིགས་གནང་རྒྱུ་མེད་པའི་འབོད་སྐུལ་གནང་སོང་།

རྒྱ་ནག་ནས་མཆེད་པའི་ཏོག་དབྱིབས་གཉན་རིམས་ཁྱབ་གདལ་ཁྲོད་རྒྱལ་སྤྱིའི་རྒྱལ་ཁབ་མང་དག་ཅིག་གིས་རྒྱ་ནག་གིས་རིམས་ནད་དེར་སྟངས་འཛིན་ལེགས་པོ་བྱས་མེད་པར་སྐྱོན་བརྗོད་ཤུགས་ཆེ་གནང་བ་དང་སྦྲགས། རྒྱལ་སྤྱིའི་ཁྲོད་དུ་ཡོད་པའི་བོད་མིའི་ཚོགས་སྒེར་ཁག་གིས་རྒྱ་གཞུང་གི་བྱེད་ཕྱོགས་དང་དྲག་གནོན་ཅན་གྱི་སྲིད་བྱུས་ལ་ཞི་རྒོལ་གནང་དང་གནང་མུས་ཡིན་པ་ལྟར། ཉེ་ལམ་ཁེ་ན་ཌར་གནས་བཞུགས་པདྨ་ཀུན་དགའ་ལགས་ཀྱིས་རྒྱང་ཐག་སྤྱི་ལེ་ ༤༠༠ ལྷག་ཡོད་པའི་ཁེ་ན་ཌ་རྒྱལ་ས་ Ottawa ནས་གྲོང་ཁྱེར་ཊོ་རོན་ཊོ་དབར་བོད་དོན་ཆེད་རྒྱང་སྐྱོད་བང་འགྲན་གྱི་ལས་འགིལ་ཞིག་དབུ་འཛུགས་གནང་སོང་།

འདི་ལོ་རྒྱ་ནག་ཝུ་ཧན་ནས་མཆེད་པའི་ཏོག་དབྱིབས་གཉན་རིམས་ཀྱིས་རྒྱལ་སྤྱིའི་དཔལ་འབྱོར་ལ་ཉམས་ཉེས་ཆེན་པོ་བྱུང་བ་མ་ཟད། མི་སེར་མང་པོ་འདས་གྲོངས་སུ་ཕྱིན་ཡོད་སྟབས། རྒྱལ་སྤྱིའི་སྤྱི་ཚོགས་གང་སར་རྒྱ་ནག་ལ་སྡང་སྡུག་ཆེན་པོ་གནང་གི་ཡོད་པའི་དུས་སྐབས་འདིར། རྒྱ་ནག་གི་ཕྱི་སྲིད་བློན་ཆེན་ཝང་ཡིས་ཡོ་རོབ་ཁུལ་དུ་སྐོར་སྐྱོར་ལ་འགྲོ་རྒྱའི་ལས་གཞི་ཞིག་སྒྲིག་ཏེ་རྒྱལ་སྤྱིའི་སྤྱི་ཚོགས་ཁྲོད་ཀྱི་རྒྱ་ནག་གི་སྣང་བརྙན་བསྐྱར་སྐྲུན་བྱེད་ཐབས་འ་འབད་བརྩོན་བྱེད་ཀྱི་ཡོད་པའིི་གནས་ཚུལ་ཐོན་འདུག

ཨ་རིའི་སྲིད་འཛིན་སྐུ་ཞབས་ Trump མཆོག་གི་སྲིད་གཞུང་གི་ངོས་ནས་ལྷོ་རྒྱ་ནག་རྒྱ་མཚོ་ཁུལ་དུ་རྒྱ་ནག་ལ་དམག་དང་འབྲེལ་བའི་འཛུགས་སྐྲུན་ལ་ཞོགས་འདེགས་བྱེད་མཁན་རྒྱ་ནག་གི་ཚོང་ལས་ཁང་ ༢༤ ལ་ཨ་རིའི་ཁྲོམ་ར་དང་འབྲེལ་ཐག་གཙང་བཅད་གནང་རྒྱུར་ཡོངས་གྲགས་གནང་འདུག