Tibetan Royal Year of 2151 | Year of the Wood Dragon

གསར་འགྱུར།

རྒྱ་གར་གཞུང་གིས་སླར་རྒྱ་ནག་གི་ PUBG གཙོས་པའི་མཉེན་ཆས་ ༡༡༨ བཀག་སྡོམ།

རྒྱ་དཀར་ནག་གཉིས་དབར་ས་མཚམས་ཀྱི་རྩོད་རྙོག་དང་འབྲེལ་བའི་ངལ་བ་ཇེ་ཆེར་འཕྲད་མུས་ཀྱི་དུས་སྐབས་འདིར་རྒྱ་གར་དབུས་གཞུང་གིས་ཉེ་ཆར་རྒྱལ་ཁབ་ཀྱི་ས་ཁོངས་བདག་དབང་དང་བདེ་འཇགས་གཞི་རྩར་འཛིན་ཐོག་རྒྱ་གར་ནང་བཀོལ་སྤྱོད་བྱེད་བཞིན་པའི་རྒྱ་ནག་གི་མཉེན་ཆས་ Wechat དང་ Tiktok གཙོས་པའི་མཉེན་ཆས་ ༥༩ བཀག་སྡོམ་བྱས་ཡོད་པ་ལྟར། ཁ་སང་སླར་རྒྱ་ནག་གི་ PUBG ཞེས་པའི་གློག་བརྙན་རྩེད་འགྲན་མཉེན་ཆས་གཙོ་གྱུར་མཉེན་ཆས་ ༡༡༨ བཀག་སྡོམ་གནང་རྒྱུའི་གསལ་བསྒྲགས་སྤེལ་འདུག

ཚོགས་ཟུར་སྤེན་པ་ཚེ་རིང་ལགས་སྲིད་སྐྱོང་གི་འོས་གཞིར་བཞེངས་རྒྱུའི་གསལ་བསྒྲགས་གནང་བ།

ཟླ་བ་སྔོན་མའི་ཕྱི་ཚེས་ ༥ ཉིན་དབུས་འོས་བསྡུ་ལས་ཁང་གིས་བཙན་བྱོལ་བོད་མིའི་བཅའ་ཁྲིམས་ཀྱི་དགོངས་དོན་དང་འོས་བསྡུའི་སྒྲིག་གཞིའི་འོག་ཕྱི་ལོ་ ༢༠༢༡ ལོའི་སྲིད་སྤྱི་གཉིས་ཀྱི་འོས་བསྡུ་ཆེན་མོ་དངོས་སུ་འགོ་འཛུགས་ཀྱིས་གསལ་བསྒྲགས་བསྐྱངས་པ་ནས་བཟུང་། ད་བར་དངོས་སུ་སྲིད་སྐྱོང་གི་འོས་གཞིར་བཞེངས་མཁན་མི་གྲངས་དྲུག་བྱུང་ཡོད་པའི་ཁྲོད་ཁ་སང་བོད་མིའི་མང་གཙོའི་དུས་ཆེན་ཐེངས་ ༦༠ པ་དང་བསྟུན་ཨ་རིའི་སྐུ་ཚབ་དོན་གཅོད་ཟུར་པ་དང་ཚོགས་ཟུར་སྤེན་པ་ཚེ་རིང་ལགས་ཀྱིས་ངོ་དེབ་དྲྭ་ལམ་བརྒྱུད་ ༢༠༢༡ ལོའི་སྲིད་སྐྱོང་གི་འོས་གཞིར་བཞེངས་རྒྱུའི་གསལ་བསྒྲགས་དངོས་སུ་གནང་སོང་།

Waltham Forest གྲོང་སྡེར་བོད་ཀྱི་རྒྱལ་དར་བསྒྲེངས་འཛུགས་ཀྱིས་བོད་མིའི་མང་གཙོའི་དུས་ཆེན་ཐེངས་ ༦༠ པ་སྲུང་བརྩི།

Waltham Forest གྲོང་སྡེ་སྤྱི་ཁྱབ་ལྷན་ཁང་གི་སྤྱི་ཁྱབ་པ་སྐུ་ཞབས་ Christopher Robbins CBE མཆོག་གིས་བོད་མིའི་མང་གཙོའི་དུས་ཆེན་ཐེངས་ ༦༠ པ་དང་བསྟུན་བོད་མི་རྣམས་ལ་དགའ་བསུའི་སྒྲ་འཇུག་འཚམས་འཕྲིན་ཞིག་གནང་བ་དང་སྦྲགས། འདི་ལོར་ཏོག་དབྱིབས་གཉན་རིམས་རྐྱེན་པས་རྒྱས་འཛོམས་གནང་ཐབས་དཀའ་སྟབས་བོད་ཀྱི་རྒྱལ་དར་བསྒྲེངས་འཛུགས་ཀྱི་ཐོག་ནས་དུས་ཆེན་སྲུང་བརྩི་གནང་རྒྱུ་ཡིན་པ་གསུངས་འདུག

བཞུགས་སྒར་དུ་བོད་མིའི་མང་གཙོའི་དུས་ཆེན་ཐེངས་ ༦༠ པ་སྲུང་བརྩི་གཟབ་རྒྱས་ཞུས་པ།

དེ་རིང་ཕྱི་ཟླ་ ༩ ཚེས་ ༢ ཉིན་སྔ་དྲོ་ཚོུད་ ༡༠ ཐོག་བཞུགས་སྒར་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་དུ་སྲིད་སྐྱོང་བློ་བཟང་སེང་གེ་མཆོག་གིས་དབུས་པའི་ཕྱག་སྦྲེལ་བཀའ་བློན་རྣམ་པ་དང་། བོད་མི་མང་སྤྱི་འཐུས་ཚོགས་གཙོ་པདྨ་འབྱུས་གནས་མཆོག་དང་ཚོགས་གཞོན་ཨཱཙཱརྱ་ཡེ་ཤེས་ཕུན་ཚོགས་མཆོག་རྣམ་གཉིས་ཀྱིས་དབུས་པའི་སྤྱི་འཐུས་རྒྱུན་ལས་རྣམ་པ། དེ་བཞིན་ལས་ཁུངས་ཁག་གི་དྲུང་འཕར་ཡན་གྱི་སྲི་ཞུ་བ་རྣམས་ལྷན་འཛོམས་ཀྱིས་བོད་མིའི་མང་གཙོ་དུས་ཆེན་ཐེངས་ ༦༠ པ་སྲུང་བརྩི་གཟབ་རྒྱས་ཞུས་སོང་།

འཕགས་བོད་གཉིས་ཀྱི་ས་མཚམས་སུ་དྭང་སློབ་པའི་བརྒྱ་དཔོན་ཞིག་འབར་རྫས་གས་འཐོར་བས་འདས།

འཕགས་བོད་གཉིས་ཀྱི་ས་མཚམས་སུ་འབར་རྫས་གས་འཐོར་བྱུང་ནས་བོད་པའི་དྭང་སློབ་ཀྱི་རུ་ཤོག་ཨང་བདུན་པའི་ནང་མེ་ཏོག་གཉིས་ཅན་གྱི་བརྒྱ་དཔོན་ཉི་མ་བསྟན་འཛིན་ལགས་འདས་གྲོངས་སུ་གྱུར་བ་དང་། དེ་བཞིན་བོད་རིགས་དྭང་ཞབས་པ་གཞོན་པ་ཞིག་ལ་རྨས་སྐྱོན་ཕོག་པར་བརྟེན་སྨན་ཁང་དུ་སྨན་བཅོས་གནང་མུས་རེད་འདུག

དབུ་དཀར་ཚང་སྐལ་བཟང་རྡོ་རྗེ་ལགས་སྲིད་སྐྱོང་གི་འོས་གཞིར་བཞེངས་རྒྱུའི་གསལ་བསྒྲགས་གནང་བ།

ཟླ་བ་ ༨ པའི་ཚེས་ ༥ ཉིན་དབུས་འོས་བསྡུ་ལས་ཁང་གིས་བཙན་བྱོལ་བོད་མིའི་བཅའ་ཁྲིམས་ཀྱི་དགོངས་དོན་དང་འོས་བསྡུའི་སྒྲིག་གཞིའི་འོག  ཕྱི་ལོ་ ༢༠༢༡ ལོའི་སྲིད་སྤྱི་གཉིས་ཀྱི་འོས་བསྡུ་དངོས་སུ་འགོ་འཛུགས་ཀྱིས་གསལ་བསྒྲགས་བསྐྱངས་པ་དང་སྦྲགས།  ད་བར་དངོས་སུ་སྲིད་སྐྱོང་གི་འོས་གཞིར་བཞེངས་མཁན་མི་གྲངས་ལྔ་བྱུང་ཡོད་པའི་ཁྲོད་དེ་རིང་ཨ་རིའི་སྐུ་ཚབ་དོན་གཅོད་ཟུར་པ་དང་བོད་མིའི་སྒྲིག་འཛུགས་ཀྱི་སྤྱི་ཚོགས་ཡར་རྒྱས་ཐེབས་རྩའི་འགན་འཛིན་ཟུར་པ་དབུ་དཀར་ཚང་སྐལ་བཟང་རྡོ་རྗེ་ལགས་སྲིད་སྐྱོང་གི་འོས་གཞིར་བཞེངས་རྒྱུའི་གསལ་བསྒྲགས་གནང་སོང་།  དེ་ཡང་དེ་རིང་དབུ་དཀར་ཚང་སྐལ་བཟང་རྡོ་རྗེ་ལགས་ཀྱིས་སྤྱི་ཚོགས་དྲྭ་ལམ་བརྒྱུད་སྲིད་སྐྱོང་གི་འོས་གཞིར་བཞེངས་རྒྱུའི་ཡིག་ངག་གཉིས་ཀྱི་སྒོ་ནས་གསལ་བསྒྲགས་གནང་ཡོད་པ་དང་།  ཁོང་གིས་བསྒྲགས་གཏམ་དེའི་ནང་རང་ཉིད་སྲིད་སྐྱོང་ལ་ལངས་དགོས་པའི་རྒྱུ་མཚན་ནི་གནད་འགག་ཆེ་བའི་དུས་ཚིགས་འདིར་བོད་མིའི་སྒྲིག་འཛུགས་དང་བོད་མིའི་སྤྱི་ཚོགས་ཧྲིལ་པོ་སྣེ་ཁྲིད་དེ་མདུན་སྐྱོད་ཆེན་པོ་བྱེད་ཐུབ་པའི་དམིགས་ཡུལ་དང་འཆར་གཞི་གསལ་པོ་ཡོད་པས་ཡིན་པ་དང་། ལྷག་པར་དུ་བོད་མི་མི་རབས་རྒན་གྲས་རྣམས་ཀྱི་སྙིང་སྟོབས་དང་ལྷག་བསམ་མུ་མཐུད་རྒྱུན་སྐྱོང་བྱེད་རྒྱུ་དང་།  བཙན་བྱོལ་བོད་མི་རྣམས་གཞིས་བཞུགས་སྤུན་ཟླ་དང་བློ་ཐག་ཉེ་རུ་གཏོང་རྒྱུའི་རྨི་ལམ་ཡོད་པ་གསུངས་འདུག  མ་ཟད།  འོས་བསྡུའི་ལས་རིམ་འདིའི་ཁྲོད་བོད་རིགས་སྤུན་ཟླ་རྣམས་རྒྱལ་ཁབ་གཅིག་དང་།  མི་རིགས་གཅིག  དེ་བཞིན་འཐབ་རྩོད་གཅིག་གི་ངོ་བོའི་ཐོག་ནས་མཐུན་སྒྲིལ་ཡོང་བར་ནུས་ཤུགས་འདོན་ངེས་ཡིན་པ་གསུངས་འདུག  ད་དུང་གལ་ཏེ་ཁོང་སྲིད་སྐྱོང་དུ་བདམས་ཐོན་བྱུང་བ་ཡིན་ན།  རང་ཉིད་ནས་ཆབ་སྲིད་དང་རིག་གཞུང་། དཔལ་འབྱོར་བཅས་རྒྱུན་གནས་གོང་འཕེལ་ཡོང་ཐབས་སུ་ཤུགས་སྣོན་རྒྱག་རྒྱུ་དང་།  ད་ལྟའི་བཀའ་ཤག་གི་ལས་དོན་རྣམས་ཚུལ་བཞིན་རྒྱུན་སྐྱོང་དང་ཡང་སྒོས་ལྔ་དང་ལྔ་བཅུའི་འཆར་སྣང་དེ་བཞིན་གལ་ཆེར་བརྩིས་པའི་ཐོག་གནས་རིམ་གང་ཅིའི་ཐད་ལ་གཞོན་སྐྱེས་ཚོ་མཉམ་ཞུགས་དང་ལས་འགན་ཇེ་ཆེར་གཏོང་རྒྱུ་ཡིན་སྐོར་འགྲེལ་བརྗོད་གནང་བ་དང་ཆབས་ཅིག  དེ་དག་འགྲུབ་ཐབས་སུ་བོད་དོན་འཐབ་རྩོད་ཀྱི་སྟོབས་ཤུགས་གོང་མཐོར་གཏོང་རྒྱུ་དང་།  དབུས་བོད་མིའི་སྒྲིག་འཛུགས་དེང་རབས་ཅན་དུ་བསྒྱུར་རྒྱུ། དེ་བཞིན་ཤེས་ཡོན་ལེགས་བཅོས་དང་།  བོད་ཀྱི་སྐད་ཡིག་དང་རིག་གཞུང་རྒྱུན་འཛིན་དར་སྤེལ་གནང་རྒྱུ། དཔལ་འབྱོར་སྲ་བརྟན་དང་གོང་འཕེལ་གཏང་རྒྱུ་ཡིན་པ་བཅས་གསུངས་འདུག  ལྷག་པར་དུ་ཁོང་གིས་གནད་དོན་ལྔ་པོ་དེ་དག་ལ་ལས་འཆར་རིམ་པས་སྒྲིག་ཡོད་པ་གསུངས་འདུག  གཞི་རྩའི་དབུ་དཀར་ཚང་སྐལ་བཟང་རྡོ་རྗེ་ལགས་ནི་ཕྱི་ལོ་ ༡༩༦༨ ལོར་སྐྱེས་ཅིང་།  ཨ་རིའི་བྷོ་སི་ཊོན་ Tufts གཙུག་ལག་སློབ་གྲྭ་ནས་སློབ་མཐར་སོན་པ་དང་།  ཕྱི་ལོ་ ༢༠༡༡ ནས་ ༢༠༢༠ བར་སྲིད་སྐྱོང་བློ་བཟང་སེང་གེ་མཆོག་གི་དམིགས་བསལ་སློབ་སྟོན་པ་དང་།  དེ་ནས་བྱང་ཨ་རིའི་སྐུ་ཚབ་དོན་གཅོད།  དེ་བཞིན་དཔལ་འབྱོར་ལས་ཁུངས་སུ་སྤྱི་ཚོགས་ཡར་རྒྱས་ཐེབས་རྩའི་འགན་འཛིན་གནང་མྱོང་ཡོད་པ་བཅས་ལོ་ངོ་ ༢༣ ལྷག་གི་རིང་བོད་མིའི་རང་དབང་འཐབ་རྩོད་དང་སྤྱི་ཚོགས་ཡར་རྒྱས་ཆེད་ཕྱག་ལས་གནང་མྱོང་ཡོད་པ་ཞིག་རེད་འདུག རྩ་བའི་ད་བར་སྲིད་སྐྱོང་གི་འོས་གཞིའི་ནང་སྐལ་རྡོར་ལགས་ཀྱི་གཙོས་བཀའ་ཟུར་བློ་བཟང་སྙན་གྲགས་མཆོག  བཀའ་ཟུར་རྒྱ་རི་སྒྲོལ་མ་མཆོག དེ་བཞིན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་ཨཱ་ཙཱརྱ་ཡེ་ཤེས་ཕུན་ཚོགས་མཆོག  བོད་མིའི་སྤྱི་མཐུན་མཉམ་འབྲེལ་གྱི་འགན་འཛིན་ཟུར་པ་བཀྲིས་དབང་འདུས་ལགས་དང་།  ཕ་རན་སིར་བཅའ་བཞུགས་རྭ་རྒྱ་བསྟན་འཛིན་ལགས་བཅས་མི་དྲུག་དངོས་སུ་ཐོན་ཟིན་པ་རེད།

རྒྱ་གར་གྱི་སྲིད་འཛིན་ཟུར་པ་སྐུ་ཞབས་པྲཎབ་མུཁརྗྀ་མཆོག་སྐུ་ཚེའི་འཕེན་པ་རྫོགས་པར་ཐུགས་གསོ་མཛད་འདུག

རྒྱ་གར་གྱི་སྲིད་འཛིན་ཟུར་པ་སྐུ་ཞབས་པྲཎབ་མུཁརྗྀ་མཆོག་ཡུན་རིང་ཁྲག་ལིང་དང་ཏོག་དབྱིབས་གཉན་རིམས་ཀྱི་ནད་གཞི་ཕོག་རྗེས་དྲག་སྐྱེད་མ་བྱུང་བར་བརྟེན་ཁ་སང་ཟླ་ ༨ ཚེས་ ༣༡ ཉིན་རྒྱལ་ས་ལྡི་ལིར་རྟེན་གཞི་བྱས་པའི་ Army Hospital འམ་དམག་མིའི་སྨན་ཁང་དུ་དགུང་གྲངས་ ༨༤ ཐོག་སྐུ་ཚེའི་འཕེན་པ་རྫོགས་པའི་ཡིད་སྐྱོའི་གནས་ཚུན་ཐོན་པར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་དམ་པ་ཁོང་གི་བུ་ཨ་བི་ཇིཏ་ལགས་ཀྱི་མཚན་ཐོག་ཏུ་ཐུགས་གསོའི་གསུང་འཕྲིན་ཞིག་བསྩལ་འདུག

ཞི་ཅིན་ཕིང་གིས་བོད་ཐོག་འཛིན་པའི་སྲིད་བྱུས་དེ་དག་ལོག་ཁྲིད་ཤ་སྟག་རེད།

ཉེ་ཆར་བོད་ལྗོངས་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་ ༧ ཐོག་སྲིད་འཛིན་ཞི་ཅིན་ཕིང་གིས་བོད་ནང་ཁ་བྲལ་ལ་གདོང་ལེན་སྤེལ་ཤུགས་ཆེ་རུ་གཏོང་དགོས་པ་དང་གཞི་རིམ་སློབ་གྲྭ་ཁག་ཏུ་སློབ་གསོ་སོགས་ཀྱི་ཐོག་ནས་རྒྱལ་ཞེན་གྱི་བསམ་བློ་ཆེ་རུ་གཏོང་དགོས་པ་སོགས་གཏམ་བཤད་སྤེལ་ཡོད་པ་དེར་དགག་ལན་ཚུལ་དུ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཀྲུང་གོའི་ཁྱད་ཆོས་ལྡན་པའི་བོད་བརྒྱུད་ནང་བསྟན་སྐྲུན་རྒྱུ་སོགས་བོད་མིའི་ཆོས་དད་དམ་འཛིན་བྱེད་ཐབས་ཞེས་པ་དེ་དག་ལོག་ཁྲིད་ཀྱི་སྲིད་བྱུས་ཤ་སྟག་ཡིན་པ་གསུངས་འདུག

བོད་མིའི་སྒྲིག་འཛུགས་ཀྱི་སྲི་ཞུ་བ་གཉིས་དྲུང་ཆེར་གནས་སྤར།

བོད་མིའི་སྒྲིག་འཛུགས་ཀྱི་དྲྭ་གནས་ཐོག་གནས་ཚུལ་སྤེལ་བར་བོད་མིའི་སྒྲིག་འཛུགས་ཀྱི་སྲི་ཞུ་བ་གཉིས་དྲུང་ཆེའི་གནས་རིམ་ཐོག་གནས་སྤར་བསྐོ་གཞག་གནང་འདུག

Latest news