གསར་འགྱུར།

དེ་རིང་སྔ་དྲོ་ཕྱག་ཚོད་༩ དང་ཕྱེད་ཀའི་སྟེང་། དབུས་སྨན་རྩིས་ཁང་གི་ཚོགས་ཁང་དུ།  རྒྱལ་ཁབ་མ་འདྲ་བ་དགུ་ལྷག་གི་སློབ་ཕྲུག་གྲངས་ཉེར་བདུན་ཙམ་ལ་སྐབས་དང་པོའི་བཀའ་བཅུའི་འཛིན་གྲྭ་དབུ་འཛུགས་ཀྱི་མཛད་སྒོ་ཞིག་ཚོགས་གནང་སོང་།

བཙན་བྱོལ་བོད་མིའི་འོས་བསྡུའི་ལས་རིམ་དང་འབྲེལ་ནས་བོད་ནང་སྤྱི་ཚོགས་དྲྭ་ལམ་སྐད་འཕྲིན་བརྒྱུད་སྲིད་སྐྱོང་སྐོར་གྱི་སྒྲ་སྒམ་ཞིག་བརྒྱུད་སྤེལ་གནང་བར་བརྟེན་མཚོ་སྔོན་ཞིང་ཆེན་ཡུལ་ཤུལ་ཁུལ་གྱི་ཆུ་དམར་ལེབ་རྫོང་ནས་ཡིན་པའི་བོད་མི་གཉིས་འཛིན་བཟུང་དང་ཁག་ཅིག་ལ་འདྲི་རྩད་བྱས་འདུགབཞུགས་སྒར་དུ་རྟེན་གཞི་བྱས་པའི་བོད་ཀྱི་དུས་བབ་གསར་ཁང་གིས་གནས་ཚུལ་སྤེལ་གསལ། ཉེ་ལམ་ཕྱི་ཚེས་ ༦ ཉིན་མཚོ་སྔོན་ཞིང་ཆེན་ཡུ་ཤུལ་ཁུལ་གྱི་ཆུ་དམར་ལེབ་རྫོང་ནས་བཙན་བྱོལ་བོད་མིའི་འོས་བསྡུའི་ལས་རིམ་དང་འབྲེལ་བའི་སྲིད་སྐྱོང་སྐོར་གྱི་གནས་ཚུལ་ཞིག་བརྒྱུད་སྤེལ་གནང་བའི་ཉེས་མིང་འོག་ཚོགས་མི་ ༣༥༠ ཙམ་ཡོད་པའི་ཆིག་སྒྲིལ་ཚོགས་པ་ཞེས་པའི་སྐད་འཕྲིན་ཚོགས་པའི་ཚོགས་གཙོ་བོད་མི་སྐ་ཁོ་ལགས་དང་། གནམ་ཡག་ལགས་རྣམ་གཉིས་འཛིན་བཟུང་བྱས་ཏེ་རྫོང་ཉེན་རྟོག་ལས་ཁུངས་སུ་འཁྲིད་འདུག་པར་མ་ཟད། འབྲེལ་ཡོད་མི་སྣ་ཁག་ཅིག་ལའང་འདྲི་རྩད་སོགས་བྱས་ཏེ་དཀའ་ངལ་འཕྲད་བཞིན་ཡོད་འདུག འཛིན་བཟུང་བྱས་པའི་བོད་མི་གཉིས་པོའི་སྐོར་ལ་ཞིབ་རྒྱས་ཀྱི་གནས་ཚུལ་གང་ཡང་ཤེས་རྟོགས་ཐུབ་ཀྱི་མི་འདུག ས་གནས་མགོ་ཁྲིད་དང་ལས་མི་སོགས་གྲོང་སྡེ་དང་འབྲོག་ས་ཁག་ཏུ་སོང་ནས་མི་མང་ལ་གང་བྱུང་འདྲི་རྩད་དང་ཁ་པར་ནང་གི་སྐད་འཕྲིན་སོགས་ལ་སྔོག་བཤེར་བྱས་ཏེ་ས་གནས་དང་ཡུལ་ལྗོངས་ཀྱི་པར་རིས་ཙམ་ལས་མི་སྣ་སོགས་ཀྱི་པར་ཉར་ཚགས་མི་ཆོག་པར་ནག་གསུབ་དགོས་ ཡོད་སྐོར་བརྗོད་པར་འགྲེལ་བརྗོད་གནང་འདུག གཞི་རྩའི་བོད་དང་རྒྱ་ནག་ཏུ་དྲ་རྒྱའི་མ་ལག་ཡོད་ཚད་ལ་སྲིད་གཞུང་གིས་སྟངས་འཛིན་བྱེད་ཀྱི་ཡོད་སྟབས་བོད་ཁུལ་དུ་སྐད་འཕྲིན་ཚོགས་པ་སོགས་ལ་དུས་ནས་དུས་སུ་ཞིབ་བཤེར་གྱིས་བོད་དོན་དང་འབྲེལ་བའི་གཏམ་བཤད་གནང་མཁན་དང་༸གོང་ས་མཆོག་གི་༸སྐུ་པར་བརྒྱུད་སྐུལ་བྱེད་མཁན། དེ་བཞིན་དྲ་ལམ་ནས་ཕྱི་ཕྱོགས་སུ་ཡོད་པའི་གཉེན་ཉེ་ལ་འབྲེལ་བ་བྱེད་མཁན་སོགས་གང་བྱུང་དུ་བཀག་སྐྱིལ་གྱིས་བཙོན་འཇུག་བྱས་པའི་གནད་དོན་རིམ་པ་བྱུང་དང་འབྱུང་བཞིན་ཡོད་པར་མ་ཟད། ཉེ་ཆར་རྒྱ་གཞུང་གིས་བོད་རང་སྐྱོང་ལྗོངས་ཀྱི་ཆ་འཕྲིན་དང་དྲ་རྒྱ་སྤྱད་དེ་རྒྱལ་ཁབ་ཁ་བྲལ་གཏོང་བ་དང་རྒྱལ་ཁབ་གཅིག་གྱུར་ལ་གཏོར་བཤིག་གཏོང་བའི་བྱེད་སྒོ་སྤེལ་མི་ཆོག་ཅེས་པའི་བརྡ་ཁྱབ་ཅིག་ཕྱིར་བསྒྲགས་ཀྱིས་བོད་མི་རྣམས་ཀྱིས་དྲ་རྒྱ་བེད་སྤྱོད་གཏོང་ཕྱོགས་ལ་དམ་དྲག་ཤུགས་ཆེར་བྱེད་བཞིན་པའི་གསལ་བསྒྲགས་ཤིག་ཀྱང་སྤེལ་ཡོད་པ་རེད།

རྒྱ་གཞུང་གིས་བོད་ཐོག་འཛིན་པའི་དྲག་པོའི་སྲིད་བྱུས་ལ་ངོ་རྒོལ་གྱིས་ད་བར་བོད་མི་ ༡༥༦ ཙམ་གྱིས་རང་ལུས་སྲེག་གནང་བའི་གནས་ཚུལ་ཐོན་ཡོད་པ་ལྟར་དེ་སྔ་ཕྱི་ལོ་ ༢༠༡༥ ལོར་བོད་མི་ཤུར་མོ་ལགས་ཀྱིས་རྒྱ་ནག་གཞུང་གིས་བོད་ཐོག་འཛིན་པའི་དྲག་པོའི་སྲིད་བྱུས་ལ་ངོ་རྒོལ་སྐད་འབོད་གནང་སྟེ་རང་ལུས་མེར་བསྲེགས་གནང་བའི་གནས་ཚུལ་ལོ་ལྔའི་རྗེས་སུ་གཞི་ནས་ཤེས་རྟོགས་བྱུང་འདུགདེ་རིང་བོད་མིའི་སྒྲིགས་འཛུགས་ཀྱི་དྲ་གནས་ཐོག་གནས་ཚུལ་སྤེལ་བར་རྒྱ་གཞུང་གིས་དབྱེ་བའི་བོད་རང་སྐྱོང་ལྗོང་ཟེར་བའི་འབྲི་རུ་རྫོང་ཤག་ཆུ་ཁ་ཟེར་བའི་གྲོང་རྡལ་ནས་ཡིན་པ་བོད་མི་ཤུར་མོ་ལགས་ཀྱིས་ཕྱི་ལོ་ ༢༠༡༥ ཟླ་ ༩ ཚེས་ ༡༧ ཉིན་བོད་ནང་གི་ཉིན་གུང་ཆུ་ཚོད་ ༡ ཙམ་ལ་ནག་ཆུ་རྫོང་ཤག་ཆུ་ཁ་ཟེར་བའི་གྲོང་རྡལ་དུ་སྤྱི་འཁོར་འབབ་ཚུགས་ཤིག་ཡོད་པ་དེའི་ཉེ་འཁྲིས་སུ་བོད་མི་ཤུར་མོ་ལགས་ཀྱིས་རྒྱ་ནག་གཞུང་གིས་བོད་ཐོག་འཛིན་པའི་དྲག་པོའི་སྲིད་བྱུས་ལ་ངོ་རྒོལ་སྐད་འབོད་བྱེད་བཞིན་རང་ལུས་མེར་སྲེག་བཏང་སྟེ་འདས་གྲོངས་སུ་གྱུར་ཡོད་པ་མངོན་གསལ་གནང་འདུག སྐབས་དེར་ཁོང་གིས་རང་ལུས་མེར་སྲེག་བཏང་མ་ཐག་ས་གནས་ཉེན་རྟོག་པས་འཛིན་བཟུང་གིས་ཤག་ཆུ་ཁ་ས་གནས་ཀྱི་སྨན་ཁང་དུ་འཁྱེར་ཡོད་ཀྱང་ཉིན་དེར་སྐུ་ཚེ་མ་ཟིན་པར་འདས་གྲོངས་སུ་གྱུར་འདུག དེ་རྗེས་རྒྱ་གཞུང་ཉེན་རྟོག་པས་ཁོང་གི་གནད་དོན་དང་འབྲེལ་ནས་ཁོང་གི་སྤུན་མཆེད་གསུམ་འཛིན་བཟུང་བྱས་ཡོད་པ་དང་། བོད་མི་གསུམ་པོ་དེ་དག་ད་བར་བཙོན་ཁང་གང་གི་ནང་དུ་ཡོད་མེད་དང་ འདས་སོན་གང་ཡིན་གྱི་གནས་སྟངས་ཇི་ཡིན་ཤེས་རྟོགས་མེད་པར་གྱུར་འདུག ཤུར་མོ་ལགས་ཀྱིས་རང་ལུས་མེར་སྲེག་གཏོང་སྐབས་བོད་མི་མང་པོས་དངོས་སུ་མཐོང་ཡོད་ཀྱང་། རྒྱ་ནག་གཞུང་གིས་དམ་བསྒྲགས་ཤུགས་ཆེ་བྱས་རྐྱེན་གནས་ཚུལ་ད་བར་ཕྱིར་བསྒྲགས་མེད་པར་ལུས་འདུག གཞི་རྩའི་བོད་ནང་ཕྱི་ལོ་ ༢༠༠༨ ལོར་ས་བྱི་ཞི་རྒོལ་ཆེན་མོའི་སྒེར་ལངས་བྱུང་རྗེས་རྒྱ་གཞུང་གིས་བོད་ཐོག་ཆེས་དྲག་གནོན་གྱི་སྲིད་བྱུས་འཛིན་པར་ངོ་རྒོལ་གྱིས་ཕྱི་ལོ་ ༢༠༠༩ ལོའི་ཕྱི་ཟླ་ ༢ པའི་ནང་བོད་མདོ་སྨད་རྔ་བ་ཁུལ་དུ་གྲྭ་བློ་བཟང་བཀྲིས་སམ་བཀྲ་སྦེ་ལགས་ཀྱིས་རང་ལུས་མེར་བསྲེགས་གནང་བ་ནས་བཟུང་ད་བར་བོད་མི་ ༡༥༦ ཙམ་གྱིས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་གནང་ཡོད་པ་རེད། རྒྱ་ནག་གཞུང་གིས་ད་བར་བོད་མི་དེ་དག་གི་མངོན་འདོད་གང་ཡིན་ཤེས་ཐབས་སུ་བོད་ནང་གི་གནས་སྟངས་ཡར་རྒྱས་ལས་ལྡོག་སྟེ་བོད་མི་རང་ལུས་མེར་བསྲེགས་གནང་མཁན་རྣམས་ལ་འཇིགས་སྐུལ་བར་ངོས་འཛིན་གྱིས་བོད་མི་དེ་དག་དང་ནང་མི་ཉེ་འབྲེལ། དེ་བཞིན་གྲོང་ཚོ་དང་དགོན་པ་སོགས་ཡོངས་ལ་ཉེས་ཆད་བཏང་བའི་སྲིད་བྱུས་ལག་བསྟར་བྱེད་མུས་ཡིན་པ་རེད།

རྒྱ་ནག་གཞུང་གིས་བོད་གཞིས་ཀ་རྩེའི་ལྷོ་ཕྱོགས་ས་ཁུལ་དུ་དམག་འགུལ་ཐབས་བྱུས་ཀྱི་ལྟེ་གནས་ཆེ་གྲས་ཤིག་གསར་རྒྱག་བྱེད་བཞིན་ཡོད་པ་དང་རྒྱལ་སྤྱིའི་དཔྱད་ཞིབ་པ་ཁག་ཅིག་གིས་དམག་སྒར་དེ་ནི་རྒྱ་ནག་གཞུང་གིས་བོད་དང་རྒྱ་གར་གཉིས་ཀྱི་ས་མཚམས་ས་ཁུལ་བར་དུ་རྒྱ་ནག་གི་དམག་དོན་ལས་གཞི་མཐུད་སྦྱོར་དང་སྔར་ལྷག་རྒྱ་སྐྱེད་བྱ་རྒྱུའི་ཆེད་ཡིན་པ་གསུངས་འདུགཁ་སང་གསང་བའི་ལས་དོན་གཉེར་མཁན་གྱི་སྡེ་ཁག་ detresfa ཞེས་པས་ཉེ་འཆར་ཟུང་སྐར་འཕྲུལ་ཆས་བརྒྱུད་རྒྱ་ནག་གཞུང་ནས་བོད་གཞིས་ཀ་རྩེའི་ལྷོ་ངོས་སུ་དམག་འགུལ་ཐབས་བྱུས་ཀྱི་ལྟེ་གནས་ཆེ་གྲས་ཤིག་གསར་རྒྱག་བྱེད་བཞིན་པའི་པར་རིས་ཤིག་ཁྱབ་བཞིན་པ་དང་སྦྲགས། དམག་འགུལ་ཐབས་བྱུས་ཀྱི་ལྟེ་གནས་དེ་ནི་བོད་ཁུལ་དུ་ཡོད་པའི་རྒྱ་ནག་གི་དམག་མི་ལ་མཐུན་རྐྱེན་སྐྲུན་སའི་ལྟེ་གནས་གཙོ་གྲས་ཤིག་དང་དེ་བཞིན་ཁུལ་དེར་ཡོད་པའི་མེ་འཁོར་འབབ་ཚུགས་དང་། གནམ་ཐང་སོགས་འགྲུལ་བཞུད་ཀྱི་ས་ཚིག་ཁག་ལ་ཐད་ཀར་མཐུད་དེ་མ་འོངས་པར་རྒྱ་ནག་གི་དམག་གི་ལྟེ་བའི་ས་ཚིགས་ཤིག་བཟོ་འཆར་ཡོད་པ་བཀོད་འདུག གཞི་ཀ་རྩའི་ཁུལ་གྱི་དམག་འགུལ་ཐབས་བྱུས་ལྟེ་གནས་དེའི་ཉེ་ཁྲིས་སུ་ས་དོང་འབྲུ་ནས་ས་འོག་གི་དམག་དོན་ལས་གཞི་ཁག་ཅིག་ཀྱང་གྲ་སྒྲིག་བྱེད་བཞིན་པ་གསུངས་འདུག གནད་དོན་དེ་དང་འབྲེལ་རྒྱ་དཀར་ནག་གཉིས་ཀྱི་འབྲེལ་ལམ་ཁྲོད་བོད་ཀྱི་ཤུགས་རྐྱེན་ཞེས་པའི་གནད་དོན་ཐོག་ཉམས་ཞིབ་གནང་མཁན་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་ཚེ་དབང་རྡོ་རྗེ་ལགས་སུ་བཅར་འདྲི་ཁག་ཅིག་ཞུས་པར་རྒྱ་ནག་གི་ཐབས་བྱུས་དེ་དག་ས་མཚམས་ཁུལ་དུ་དམག་གི་ནུས་ཤུགས་རྒྱ་སྐྱེད་གཏང་རྒྱུ་དང་བོད་ནང་ལ་རྒྱ་ནག་གི་དམག་དཔུང་སྟོང་ཕྲག་ ༥༠ ལྷག་བཏང་བ་དེས་བོད་ནང་ལ་རང་བཞིན་གྱིས་དམ་དྲགས་ཆེ་རུ་འགྲོ་ངེས་པར་མ་ཟད་ཧི་མཱ་ལ་ཡའི་ས་ཁུལ་སྤྱིའི་བདེ་འཇགས་དང་ཞི་བདེ་ལྷིང་འཇགས་ཐོག་ལའང་དོ་ཕོག་ཆེན་པོ་གཏོང་བཞིན་ཡོད་ཅེས་གསུངས་སོང་། དེ་བཞིན་རྒྱ་གར་གྱི་ Hindustan Times གསར་ཁང་གིས་དེ་འབྲེལ་གནས་ཚུལ་སྤེལ་བར་ཡོ་རོབ་སྦེལ་འཇམ་ནང་གནས་བཞུགས་བདེ་འཇགས་དམག་གྱི་སྐོར་དཔྱད་ཞིབ་གནང་མཁན་ Sim Tack ལགས་ཀྱིས་རྒྱ་ནག་གིས་དབྱེ་བའི་བོད་རང་སྐྱོང་ལྗོངས་ཁུལ་དུ་རྒྱ་གཞུང་གིས་དམག་དང་འབྲེལ་བའི་འཛུགས་སྐྲུན་ལས་གཞི་སྤེལ་བཞིན་པ་དེ་ནི་ཆེས་ཐོག་མར་མིན་པར་དེ་སྔ་ནས་ཟུང་སྐར་འཕྲུལ་ཆས་བརྒྱུད་པར་ལེན་ཐུབ་པ་བྱུང་ཡོད་པ་དང་། དམག་སྒར་དང་འབྲེལ་བའི་འཛུགས་སྐྲུན་ལས་གཞི་དེ་དག་ཨ་རུ་ནཱ་ཅལ་གཙོས་ བོད་དང་ས་འབྲེལ་ཆགས་པའི་རྒྱ་གར་གྱི་མཐའ་མཚམས་ས་ཁུལ་ཁག་ལ་དམག་གི་གདོང་ལེན་ཚགས་ཚུད་གནང་རྒྱུར་དམིགས་པ་ཞིག་རེད་ཅེས་གསུངས་འདུག ཁོང་གིས་ད་དུང་གཞིས་རྩེ་ཁུལ་དུ་གསར་རྒྱག་བྱེད་བཞིན་པའི་དམག་སྒར་དེ་མ་འོངས་དམག་གི་ལས་དོན་སྤེབ་ཕྱིར་གོ་མཚོན་དང་མེ་ཤུགས་འཕུར་མདའ་སོགས་གསོག་ཉར་སའི་ས་ཚིག་གཙོ་བོ་ཞིག་ཏུ་འགྱུར་སྲིད་སྐོར་གསུངས་འདུག སྔར་ལོ་དཔྱད་ཞིབ་པ་ Sim Tack ལགས་ཀྱིས་རྒྱ་ནག་གི་དམག་དོན་དང་འབྲེལ་བའི་སྙ་ཐོ་ཞིག་ཡོངས་གྲགས་གནང་པར་ཕྱི་ལོ་ ༢༠༡༧ ལོ་ནས་རྒྱ་ནག་གཞུང་གིས་བོད་དང་རྒྱ་གར་གཉིས་ཀྱི་ས་མཚམས་ས་ཁུལ་དུ་གྲོང་ཚོ་ལྔ་ལྷག་གསར་རྒྱག་བྱས་པ་མ་ཟད། དམག་སྦྱོང་བྱེད་ས་དང་། མེ་ཤུགས་འཕུར་མདའ་འབབ་ས་སོགས་དམག་དོན་དང་འབྲེལ་བའི་ལྟེ་གནས་མི་འདྲ་བ་ ༡༣ ཙམ་གསར་རྒྱག་བྱས་ཡོད་པར་མངོན་གསལ་གནང་ཡོད།

དེ་རིང་གསར་ལམ་ཁག་ཏུ་གནས་ཚུལ་ཐོན་པ་ལྟར་ན། ཨ་རིའི་གཞུང་འཛིན་གསར་བ་བསླེབ་ལ་ཉེ་བའི་དུས་སྐབས་འདིར། Trump གཞུང་འཛིན་ཚོགས་པའི་ངོས་ནས་རྒྱ་ནག་སྲིད་གཞུང་གིས་མ་དངུལ་ཆེད་གཏོང་གིས་ཨ་རིའི་ཤེས་ཡོན་ལམ་ལུགས་ཀྱི་ནང་དུ་ཤུགས་རྐྱེན་སྤེལ་ཐབས་བྱེད་བཞིན་པ་འགོག་ཐབས་ཀྱི་ཁྲིམས་སྒྲིག་གསར་བ་ཞིག་གང་མགྱོགས་འཇོག་ཐབས་ལ་ཤུགས་སྣོན་རྒྱག་བཞིན་པ་རེད་འདུག ཐེངས་འདིའི་ཨ་རིའིི་རྒྱ་ནག་གི་ཤུགས་རྐྱེན་འགོག་ཐབས་ཀྱི་ཁྲིམས་སྒྲིག་དེར་མཚོན་ན། ཤེས་ཡོན་ལྟེ་གནས་ཡོངས་ཀྱིས་རྒྱ་ནག་དང་འབྲེལ་བའི་ཤེས་ཡོན་བརྗེ་ལེན་གྱི་གནས་ཚུལ་ཡོད་ཚད་གོང་རིམ་ལ་སྙན་གསེང་ཞུ་དགོས་བ་དང་། གལ་ཏེ་ཤེས་ཡོན་ལྟེ་གནས་ཁག་གིས་གནས་ཚུལ་དུས་ལྟར་སྙན་གསེང་མ་ཞུས་ཚེ་ཤེས་ཡོན་བརྗེ་ལེན་གྱི་ལས་གཞི་ཡོད་ཚད་བཀག་སྡོམ་བྱེད་རྒྱུ་ཡིན་པར་འཁོད་འདུག གསར་ཁང་གིས་གནས་ཚུལ་སྤེལ་བའི་ནང་དུ། རྒྱ་ནག་གཞུང་གིས་ཁུང་ཙི་སློབ་གླིང་བརྒྱུད་ནས་ཨ་རིའི་ཤེས་ཡོན་གྱི་ལམ་ལུགས་ནང་དུ་རྒྱ་སྐད་རྒྱ་ཡིག་གི་སློབ་ཁྲིད་ཀྱི་མཚོན་པའི་རྒྱ་ནག་གི་ཤུགས་རྐྱེན་སྤེལ་ཐབས་བྱེད་ཀྱི་ཡོད་པ་དེར་ཨ་རིའི་གྲོས་ཚོགས་འཐུས་མི་མང་པོས་སེམས་ཁྲེལ་ཆེན་པོ་བྱེད་ཀྱི་ཡོད་པ་དང་། Trump འཛིན་སྐྱོང་གིས་གནད་དོན་དེར་སྦ་གསང་མེད་པའི་སྒང་ནས་སྐྱོན་བརྗོད་བྱས་ཡོད་པ་མ་ཟད། རྒྱ་ནག་གི་ཁུང་ཙི་སློབ་གླེང་དེ་ནི་རྒྱ་ནག་གི་གཞུང་ཚབ་ལྟ་བུ་ཡིན་པར་མིང་འདོགས་བྱས་ཡོད་པ་ལུང་འདྲེན་གནང་འདུག སྤྱིར་ཨ་རིའི་གྲོས་ཚོགས་གོང་མའི་གཏན་འཇགས་ཚོགས་ཆུང་གིས་ཞིབ་འཇུག་བྱས་པའི་གྲུབ་དོན་དུ། ཨ་རིའི་ནང་དུ་རྒྱ་ནག་སྲིད་གཞུང་ནས་མ་དངུལ་༢༥༠༠༠༠ ལྷག་ཐོབ་མཁན་གྱི་ཤེས་ཡོན་སྡེ་ཁག་ལས་བརྒྱ་ཆ་བདུན་ཅུ་ལྷག་ཙམ་གྱིས་འབྲེལ་ཡོད་ལས་ཁུངས་ལ་སྙན་གསེང་ཞུས་ཀྱི་མེད་པ་དང་། མཚན་གསལ་བོར་བརྗོད་འདོད་མེད་པའི་འབྲེལ་ཡོད་དཔོན་རིགས་ཞིག་གིས། གནད་དོན་དེའི་རྐྱེན་པས་ཨ་རིའི་གཞུང་གི་ངོས་ནས་ཡུལ་དེའི་ཤེས་ཡོན་ལམ་ལུགས་ཀྱི་ནང་དུ་རྒྱ་ནག་གི་ཤུགས་རྐྱེན་ཤུགས་ཐོག་གནས་ཚུལ་ཞིབ་ཕྲ་རྟོགས་ཁག་པོ་ཆགས་ཀྱི་ཡོད་པར་བརྗོད་འདུག  

རྒྱ་ནག་གཞུང་གིས་ཐེ་ཝན་ཐོག་བདག་དབང་རྩོད་ཤུགས་ཆེ་རུ་གཏོང་བཞིན་པ་དང་། ལྷག་པར་ཏོག་དབྱིབས་ ༡༩ འི་ཁྲོད་རྒྱ་ནག་དང་ཐེ་ཝན་གཉིས་ཀྱི་ཡུལ་མིང་ཐད་མགོ་རྙོག་རིམ་པ་བྱུང་བཞིན་པའི་ཁྲོད། ཐེ་ཝན་གཞུང་ངོས་ནས་ཁ་སང་རེས་གཟའ་ཟླ་བའི་ཉིན་ཡུལ་དེའི་ཕྱིར་སྐྱོད་ལག་ཁྱེར་གསར་པ་འདོན་སྤེལ་དང་འབྲེལ། དེའི་ཐོག་དེ་སྔ་རྒྱ་ནག་སྤྱི་མཐུན་རྒྱལ་ཁབ་ཅེས་བྲིས་པ་དེ་མངོན་པར་མི་གསལ་བ་བཟོས་པ་དང་ཆབས་ཅིག་ཐེ་ཝན་ཞེས་པ་འབུར་དུ་འདོན་བྱས་འདུགདེའང་སྔར་ལོ་རྒྱ་ནག་ནས་ COVID 19 འམ་ཏོག་དབྱིབས་གཉན་རིམས་ ༡༩ བའི་རིམས་ནད་ཁྱབ་བརྡལ་དང་འབྲེལ་རྒྱལ་སྤྱིའི་ཁྱོན་གྱི་མི་རྒྱུ་གཉིས་ལ་གོད་ཆགས་ཤུགས་ཆེན་ཕོག་པའི་ཁྲོད། ཐེ་ཝན་གྱིས་ཏོག་དབྱིབས་གཉན་རིམས་ཀྱི་ཛ་དྲགས་གནས་སྟངས་དུས་ཐོག་ཏུ་ངོས་འཛིན་ཐུབ་མཁན་དང་རིམས་ནད་དེར་གདོང་ལེན་ཚགས་ཚུལ་བྱེད་ཐུབ་མཁན་གྱི་རྒྱལ་ཁབ་ཆེས་ཐོག་མའི་གྲས་སུ་ཡིན་པ་རེད། ཡིན་ནའང་སྐབས་དེར་རྒྱལ་ཁབ་གཞན་རྣམས་ཀྱིས་རིམས་ནད་སྔོན་འགོག་དང་འབྲེལ་རྒྱ་ནག་ནས་སླེབས་མཁན་རྣམས་ལ་བཀག་སྡོམ་ཤུགས་ཆེར་བྱེད་བཞིན་པའི་ཁྲོད། ཐེ་ཝན་མང་ཚོགས་ཀྱི་ཕྱིར་སྐྱོད་ལག་དེབ་ཐོག་ Republic of China འམ་རྒྱ་ནག་སྤྱི་མཐུན་རྒྱལ་ཁབ་ཅེས་ཡིག་གཟུགས་ཆེན་པོའི་ཐོག་བྲིས་ཡོད་པའི་རྐྱེན་གྱིས། ཐེ་ཝན་མི་སེར་མང་དག་ཅིག་རྒྱལ་ཁབ་གཞན་ནང་འཛུལ་ཞུགས་བྱེད་པར་བཀག་སྡོམས་ཀྱིས་གནས་ཚུལ་རིམ་པ་ཐོན་པ་དང་འབྲེལ། ཐེ་ཝན་གཞུང་གི་ངོས་ནས་ད་རེས་ཕྱིར་སྐྱོད་ལག་དེབ་གསར་པ་འདོན་སྤེལ་གནང་བའི་སྟེང་། Taiwan ཞེས་པ་དེ་ཡིག་གཟུགས་ཆེན་པོའི་ཐོག་འབུར་དུ་བཏོན་པ་དང་།  Republic of China འམ་རྒྱ་ནག་སྤྱི་མཐུན་རྒྱལ་ཁབ་ཅེས་པ་དེ་དེ་གའི་རྒྱལ་རྟགས་ཀྱི་མཐའ་སྐོར་དུ་རྒྱ་ཡིག་ཐོག་ཡིག་ཆུང་ནང་དུ་མ་གཏོགས་བཞག་མེད་པ་རེད་འདུག ཁ་སང་ཐེ་ཝན་གྱི་ཕྱིར་སྐྱོད་ལག་དེབ་གསར་པ་འདོན་སྤེལ་དང་འབྲེལ། སྲིད་འཛིན་ Tsai IngWen མཆོག་གིས། ཐེ་ཝན་གྱིས་འདས་པའི་ལོའི་ནང་ཏོག་དབྱིབས་གཉན་རིམས་ཁྱབ་བརྡལ་ལ་གདོང་ལེན་བྱས་ཏེ་དེ་གའི་དཔལ་འབྱོར་གྱི་གནས་བབས་སྔར་བཞིན་གོང་འཕེལ་བཏང་ཡོད་སྐོར་དང་། ལྷག་པར་དུ་ཉི་མ་དེ་རིང་ནས་ཐེ་ཝན་མང་ཚོགས་རྣམས་རྒྱལ་ཁབ་གཞན་གྱི་ནང་དུ་སྐྱོད་སྐབས་དེ་དག་གི་ཕྱིར་བསྐྱོད་ལག་དེབ་ཐོག་ Taiwan ཞེས་ཡི་གེ་ཆེན་པོའི་ནང་དུ་འཁོད་རྒྱུ་ཡིན་པ་མ་ཟད། རྒྱལ་སྤྱིའི་སྤྱི་ཚོགས་ནས་ཐེ་ཝན་གྱི་ངོ་བོ་སྣང་མེད་གཏོང་ཐབས་མེད་པར་གསུངས་འདུགགནས་ཚུལ་ཐོན་ཁག་ལ་གཞིགས་ན། ཁ་སང་ཐེ་ཝན་གྱི་ཕྱིར་སྐྱོད་ལག་འཁྱེར་གསར་དུ་འདོན་སྤེལ་གནང་མ་ཐག ཡུལ་དེའི་གྲོས་ཚོགས་འཐུས་མི་དང་གཞུང་འབྲེལ་དཔོན་རིགས་ཁག་ཅིག་གཙོ་བྱས་པའི་མང་ཚོགས་༧༠༠ལྷག་ནས་ལག་ཁྱེར་གསར་པ་དེ་ཞུ་རྒྱུར་སྙན་ཞུ་ཕུལ་ཡོད་པ་རེད་འདུག རྩ་བའི་རྒྱ་ནག་གི་ངོས་ནས་ཐེ་ཝན་རྒྱ་ནག་གི་ཁ་བྲལ་ཐབས་མེད་པའི་ཆ་ཤས་སུ་ངོས་འཛིན་བྱས་པ་དང་འབྲེལ། ནམ་ཞིག་ཐེ་ཝན་དེ་རྒྱ་ནག་མེས་རྒྱལ་གྱི་ནང་དུ་ཟླ་སྒྲིལ་གཏོང་རྒྱུའི་དམིགས་ཡུལ་བཅངས་བཞིན་ཡོད་སྟབས། ཉེ་ཆར་ཨ་རིའི་ཕྱི་སྲིད་དྲུང་ཆེ་མཆོག་གིས་ཐེ་ཝན་དང་ལྷན་དུ་བཀག་སྡོམ་མེད་པའི་ཐོག་ནས་འབྲེལ་ལམ་བསྐྱར་གསོ་གནང་རྒྱུའི་ཐག་གཅོད་ལ་རྒྱ་ནག་གཞུང་གིས་སྐྱོན་བརྗོད་ཤུགས་ཆེར་བྱས་པ་དང་འབྲེལ། ཨ་རིའི་གཞུང་གི་བྱེད་ཕྱོགས་ལ་ངན་ལན་སློག་རྒྱུའི་ཉེན་བརྡ་བཏང་ཡོད་པ་མ་ཟད། ཁ་སང་ཐེ་ཝན་གྱི་ཕྱིར་སྐྱོད་ལག་དེབ་གསར་པ་འདོན་སྤེལ་ཐད། རྒྱ་ནག་ཕྱི་སྲིད་ལས་ཁུངས་ཀྱི་མགྲིན་ཚབ་པ་ Hua Chunying ཡིས་ཐེ་ཝན་གྱི་ངོས་ནས་ཐབས་བྱུས་འདྲ་མིན་གང་བཏོན་ཡང་། ཐེ་ཝན་དེ་རྒྱ་ནག་གི་ཁ་བྲལ་ཐབས་མེད་པའི་ས་ཁོངས་ཡིན་པ་དེར་འགྱུར་བ་གཏང་ཐུབ་ཀྱི་མ་རེད་ཅེས་བརྗོད་འདུག དེའི་བར་ན་ཁ་སང་ཡུ་རོབ་མཐུན་ཚོགས་གྱི་ Visa འམ་མཐོང་མཆན་ལས་ཁུངས་ཀྱི་དྲ་གནས་ཐོག ཡུ་རོབ་མཐུན་ཚོགས་དང་ཐེ་ཝན་དབར་མཐོང་མཆན་ཞུ་མི་དགོས་པའི་ཐོག་ནས་ཕན་ཚུན་འགྲུལ་བསྐྱོད་ཆོག་པ་བཟོས་ཏེ་ལོ་བཅུའི་དུས་ཚིགས་སྲུང་བརྩི་ཞུས་པའི་སྐོར་འཁོད་འདུག དེ་དོན་ཐེ་ཝན་གྱི་སྲིད་འཛིན་ Tsai Ingwen གྱི་བརྙན་ཐུང་ཞིག་འདོན་སྤེལ་གནང་བའི་ནང་དུ། ཐེ་ཝན་དང་ཡུ་རོབ་མཐུན་ཚོགས་གཉིས་དབར་ཕན་ཚུན་མཐོང་མཆན་མི་དགོས་པའི་ཐོག་ནས་འགྲུལ་བསྐྱོད་ཆོག་པའི་གྲོས་མཐུན་གཙོས་པའི་ཕྱོགས་གཉིས་ཀྱི་འབྲེལ་ལམ་ཁྲོད་ཀྱི་བཟང་ཕྱོགས་ཀྱི་གྲུབ་འབྲས་རྣམས་འབུར་འདོན་དང་སྦྲགས། ཡུ་རུབ་མཐུན་ཚོགས་དང་ཐེ་ཝན་གཉིས་དབར་སྤྱི་ཚོགས་འཕྲོད་བསྟེན་དང་དཔལ་འབྱོར། དེ་བཞིན་ཁོར་ཡུག་སྲུང་སྐྱོབ་བཅས་ཀྱི་མཉམ་ལས་ཐོག་མུ་མཐུད་བསྐྱོད་དགོས་སྐོར་དང་འབྲེལ། ཕྱོགས་གཉིས་ཀྱི་ངོས་ནས་གང་མགྱོགས་ཚོང་འབྲེལ་གྱི་གན་རྒྱའི་ཐོག་མཚན་རྟགས་བཀོད་རྒྱུ་དེ་གོམ་པ་དང་པོ་དེ་ཡིན་པར་གསུངས་འདུག དེའི་བར་ན་རྒྱལ་ཚོགས་སུ་ཡོད་པའི་ཨ་རིའི་གཞུང་ཚབ་པ Kelly Craft ལགས་སང་ཉིན་ཉིན་གྲངས་གསུམ་རིང་གི་གཞུང་འབྲེལ་ལས་དོན་ཆེད་ཐེ་ཝན་གྱི་རྒྱལ་ས་ཐེ་པེ་རུ་འབྱོར་གྱི་ཡོད་པ་ལྟར། རྒྱ་ནག་གཞུང་གི་ངོས་ནས་དེར་སྐྱོན་བརྗོད་ཤུགས་ཆེར་བྱེད་བཞིན་ཡོད་པ་རེད།    

རྒྱ་གར་གཞུང་གིས་ཏོག་དབྱིབས་གཉན་རིམས་སྔོན་འགོག་གི་སྨན་ཁབ་བརྒྱག་རྒྱུ་གྲ་སྒྲིག་གནང་བཞིན་པའི་ཁྲོད་འདིར་ཨོ་སི་ཊི་རི་ཡའི་ Austria བོད་རིགས་ཚོགས་པ་དང་སུད་སི་ནས་ཡིན་པའི་ཆོས་སྐྱིད་ལགས་ཀྱིས་བཙན་བྱོལ་ནང་གི་བོད་མི་དགོས་ངེས་ཅན་ཚོར་ཏོག་དབྱིབས་གཉན་རིམས་སྔོན་འགོག་སྨན་ཁབ་ཆེད་ཡུ་སྒོར་ ༤༢༢༡ ལྷག་ཞལ་འདེབས་གནང་འདུགདེང་སྐབས་འཛམ་གླིང་ཁྱོན་དུ་ཏོག་དབྱིབས་གཉན་རིམས་ཀྱི་དཀའ་ངལ་ཆེན་པོ་འཕྲད་བཞིན་པའི་དུས་སྐབས་སུ་ཕྱིའི་རྒྱལ་ཁབ་ཁག་ཏུ་དེ་འབྲེལ་གཉན་རིམས་ཀྱི་སྔོན་ཁབ་དེ་སྤྱོད་འགོ་ཚུགས་ཡོད་པའི་ཁྲོད་རྒྱ་གར་ནང་དུའང་དེ་འབྲེལ་སྔོན་འགོག་སྨན་ཁབ་བརྒྱག་རྒྱུ་གྲ་སྒྲིག་དང་འབྲེལ་བདུན་ཕྲག་འདིའི་རེས་གཟའ་ཉི་མའི་ཉིན་སྨན་ཁབ་དེ་སྤྱོད་རྒྱུ་ཡིན་པ་ལྟར། དེ་རིང་བོད་མིའི་སྒྲིག་འཛུགས་ཀྱི་དྲྭ་གནས་ཐོག་དེ་འབྲེལ་གནས་ཚུལ་སྤེལ་བར་གཞིགས་ན། ཉེ་ལམ་ཨོ་སི་ཊི་རི་ཡའི་བོད་རིགས་ཚོགས་པས་རྒྱ་གར་ནང་ཡོད་པའི་བོད་མི་དགོས་ངེས་ཅན་ཚོར་དམིགས་ཏེ་ཏོག་དབྱིབས་གཉན་རིམས་སྔོན་འགོག་སྨན་ཁབ་ཀྱི་མཐུན་འགྱུར་རོགས་རམ་ཆེད་བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ལ་ཡུ་སྒོར་ ༣༢༩༨།༠༠ ཞལ་འདེབས་ཕུལ་ཡོད་པ་དང་དེ་བཞིན་སུད་སི་ནས་ཡིན་པའི་ཆོས་སྐྱིད་ལགས་ཀྱིས་སུད་སི་སྒོར་ ༡༠༠༠།༠༠ ཐམ་པ་ཕུལ་ཡོད་པ་བཀོད་འདུགརྩ་བའི་རྒྱ་གར་ནང་ཏོག་དབྱིབས་གཉན་རིམས་སྔོན་ཁབ་གྲ་སྒྲིག་དང་འབྲེལ་བདུན་ཕྲག་འདིའི་རེས་གཟའ་ཉི་མའི་ཉིན་ཆེས་ཐོག་མ་སྔོན་ཁབ་དེ་སྤྱོད་རྒྱུ་ཡིན་པ་ལྟར། རྒྱ་གར་གཞུང་གིས་བོད་མིར་སྔོན་ཁབ་ཀྱི་མཐུན་རྐྱེན་གནང་རྒྱུར་ཐེ་ཚོམ་མེད་ཅེས་གསུངས་ཡོད་པ་མ་ཟད། བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱིས་ཀྱང་ས་གནས་རྫོང་གི་སྨན་ཁང་ལ་ཟླ་བ་སྔོན་མའི་ཚེས་ ༡༥ ཉིན་སྙན་ཞུ་ཕུལ་ཟིན་པ་ཆགས་ཀྱི་འདུག རྒྱ་གར་གཞུང་གིས་བདེ་ལེགས་སྨན་ཁང་དེ་སྔོན་ཁབ་བརྒྱག་རྒྱུའི་ས་ཚིགས་སུ་ངོས་འཛིན་གནང་ཡོད་ཀྱང་ད་ལྟའི་ཆར་སྔོན་ཁབ་དངོས་སུ་འགོད་འགྲེམས་གནང་རྒྱུའི་དུས་ཚོད་ནམ་ཡིན་གསལ་པོ་མེད་པ་རེད། འོན་ཀྱང་སྔོན་ཁབ་ཀྱི་རིམ་པ་དང་པོ་འདི་བདེ་ལེགས་སྨན་ཁང་གི་སྨན་པ་དང་སྨན་ཞབས་པ། རིམ་པ་གཉིས་པར་ལོ་ན་ ༥༠ ཡན་གྱི་བགྲེས་སོང་རྣམ་པར་བརྒྱག་རྒྱུ་ཡིན་པ་རེད།གཞི་རྩའི་འཛམ་གླིང་ཁྲོད་རྒྱ་ནག་ཝུ་ཧན་ནས་ཐོག་མར་མཆེད་པའི་ཏོག་དབྱིབས་གཉན་རིམས་རྐྱེན་པས་མང་ཚོགས་ས་ཡ་གཉིས་མན་ཙམ་གྱི་ཚེ་སྲོག་ཤོར་བ་དང་དེ་བཞིན་མང་ཚོགས་ས་ཡ་དགུ་བཅུ་ལྷག་ལ་གཉན་རིམས་དེ་ཕོག་པའི་རྐྱེན་གྱིས་ངལ་བ་བཟོད་གླགས་མེད་མྱངས་པའི་ཁྲོད་རྒྱ་ནག་ནང་གཉན་རིམས་ཁྱབ་གདལ་དེ་མི་ཁྱབ་པར་སྟངས་འཛིན་བྱས་ཡོད་ཀྱང་ཉེ་དུས་སུ་རྒྱ་ནག་ནང་སླར་གཉན་རིམས་ཁྱབ་གདལ་ཇེ་ཆེར་སོང་བའི་རྐྱེན་གྱིས་རྒྱ་ནག་གི་གྲོང་ཁྱེར་མང་དག་ཅིག་ཕྱི་ལ་སྒོ་མོ་བརྒྱབ་ནས་མང་ཚོགས་རྣམས་རང་ཁྱིམ་དུ་ཟུར་བཀག་བྱེད་མུས་རེད་འདུག ཉེ་ལམ་རྒྱ་ནག་བྱང་ཕྱོགས་ཀྱི་ Hebei ཞིང་ཆེན་གྱི་མི་འབོར་ ༡༡༠༠༠༠༠༠ ཡོད་པའི་ཧྲི་ཅ་ཀྲོང་གྲོང་ཁྱེར་ལ་ཏོག་དབྱིབས་གཉན་རིམས་ཁྱབ་གདལ་བྱུང་སྟེ་གྲོང་ཁྱེར་དེ་ནས་པེ་ཅིང་ལ་གནམ་གྲུ་དང་མེ་འཁོར། དེ་བཞིན་སྤྱི་སྤྱོད་རླངས་འཁོར་བཅས་ཀྱི་འགྲིམ་འགྲུལ་ཁག་ཡོངས་སུ་བཀག་སྡོམ་བྱས་པའི་གནས་ཚུལ་ཐོན་ཡོད་པ་དང་། དེ་རིང་རྒྱ་ནག་གཞུང་གིས་ཡུལ་དེའི་ནང་སླར་ཡང་ཏོག་དབྱིབས་གཉན་རིམས་ཁྱབ་གདལ་འབྱུང་བཞིན་པའི་ཆེས་ཛ་དྲག་གི་གནས་སྟངས་ལ་དམིགས་ཏེ་པེ་ཅིང་གི་ཉེ་འགྲམ་དུ་ཡོད་པའི་གྲོང་ཁྱེར་ཁག་ཏུ་མང་ཚོགས་ས་ཡ་ ༤༌༩ ལྷག་གི་འགྲོ་འོང་ལ་བཀག་སྡོམ་གྱིས་རང་ཁྱིམ་དུ་ཟུར་བཀག་བྱས་འདུགརྒྱ་ནག་འཕྲོད་བསྟེན་ལྷན་ཚོགས་ཀྱིས་དེ་རིང་རྒྱ་ནག་ནང་གཉན་རིམས་ཕོག་མཁན་མི་གྲངས་ ༥༥ བྱུང་ཡོད་པ་དང་དེའི་ཁོངས་ནས་མི་ ༤༠  ཧྲེ་ལུང་ཅང་ཞིང་ཆེན་གྱི་གྲོང་ཁྱེར་ནང་ཁུལ་ལ་འགྲུལ་བཞུད་བྱས་པ་ཤ་སྟག་ཆགས་ཀྱི་ཡོད་སྟབས་ཧེ་བྷེ་ཞིང་ཆེན་གྱི་ Langfang གྲོང་ཁྱེར་གིས་ཁུལ་དེར་གནས་སྡོད་གནང་མཁན་གྱི་མང་ཚོགས་ས་ཡ་བཞི་དང་ཕྱེད་ཀ་ལྷག་དེ་རིང་ནས་རྩིས་པའི་ཉིན་གྲངས་བདུན་གྱི་རིང་རང་ཁྱིམ་དུ་ཟུར་བཀག་སྡོད་དགོས་པ་མ་ཟད། དེ་དག་ཁྲོད་གཉན་རིམས་ཕོག་ཡོད་མེད་ཀྱི་བརྟག་དཔྱད་ཀྱང་བྱེད་དགོས་པར་བརྗོད་འདུག ད་ལྟའི་ཆར་ཧེ་བྷེ་ཞིང་ཆེན་གྱི་ Langfang གྲོང་ཁྱེར་གྱི་ Guan རྫོང་དང་ Sanhe གྲོང་ཁྱེར་གཉིས་ཀྱི་མང་ཚོགས་རྣམས་རང་ཁྱིམ་དུ་ཟུར་བཀག་བྱེད་མུས་ཁྲོད་ཁ་སང་རྒྱ་ནག་གི་ Heilongjiang ཞིང་ཆེན་གིས་ Wangkui རྫོང་ནང་ནད་རྟགས་མེད་པའི་ནད་པ་གསར་པ་མི་གྲངས་ ༣༨ ཐོན་ཡོད་པ་མངོན་གསལ་གྱིས་མང་ཚོགས་ཀྱི་འགྲོ་འོང་ལ་བཀག་སྡོམ་བྱས་པ་དང་དེ་འབྲེལ་ཞིང་ཆེན་གྱི་ Yichun གྲོང་ཁྱེར་ནང་ལའང་ནད་པ་རེ་ཟུང་ཐོན་པར་མ་ཟད། ཁ་སང་ Jilin ཞིང་ཆེན་གྱི་རྫོང་གཅིག་ནང་དེ་མཚུངས་ནད་རྟགས་མི་མངོན་པའི་ནད་པ་མི་གྲངས་བདུན་ཐོན་ཡོད་པ་དང་དེའི་ཁོངས་ནས་ནད་པ་བཞི་ཉེ་ཆར་ Wangkui རྫོང་ནས་འགྲུལ་བཞུད་གནང་བར་ར་སྤྲོད་བྱས་ཡོད་སྟབས་ད་ཆ་རྒྱ་གཞུང་གིས་གཉན་རིམས་ཐོན་སའི་གོང་གསལ་གྲོང་ཁྱེར་དང་རྫོང་ཁག་ཡོངས་རྫོགས་ནང་འགྲུལ་བཞུད་བྱ་རྒྱུར་བཀག་སྡོམ་བྱས་འདུག དེ་དག་གི་མང་ཚོགས་རྣམས་རང་ཁྱིམ་དུ་ཟུར་བཀག་བྱས་འདུགདེ་རིང་བར་རྒྱ་ནག་ནང་ཏོག་དབྱིབས་གཉན་རིམས་ཀྱི་ནད་རྟགས་མངོན་གསལ་མེད་པའི་ནད་པ་གསར་པ་གྲངས་ ༨༡ ཐོན་ཡོད་པ་དང་ད་ལྟའི་ཆར་རྒྱ་ནག་སྐམ་ས་ཆེན་མོར་གཉན་རིམས་ཕོག་མཁན་མི་གྲངས་ ༨༧༥༩༡ ཆགས་ཡོད་པ་མ་ཟད་འདས་གྲོངས་སུ་གྱུར་བ་ ༤༦༣༤ ཡིན་པ་རེད།

ཨ་རི་གཞུང་གིས་ད་བར་རྒྱ་ནག་ལ་བསྟུན་མཁས་གནང་སྟེ་ཐེ་ཝན་དང་ཕྱི་འབྲེལ་ཐད་རང་གིས་རང་ལ་དམ་དྲག་ཤུགས་ཆེ་གནང་བཞིན་པ་ཡོངས་རྫོགས་དོར་ཏེ་ད་ནས་བཟུང་བཀག་སྡོམ་གང་ཡང་མེད་པར་ཐེ་ཝན་ལྷན་དུ་ཕྱི་འབྲེལ་སླར་གསོ་གནང་རྒྱུ་ཡིན་པ་གསུངས་འདུགཨ་རིིའི་ཕྱི་སྲིད་དྲུང་ཆེ་སྐུ་ཞབས་ Mike Pompeo མཆོག་གིས་ཨ་རིའི་ཕྱི་སྲིད་ལས་ཁུངས་ཀྱི་དྲ་གནས་ཐོག་བསྒྲགས་གཏམ་ཞིག་འདོན་སྤེལ་གནང་བར་ཐེ་ཝན་དེ་མང་གཙོ་དར་ཞིང་རྒྱས་པ་དང་ཨ་རི་ངོས་ནས་བློ་འཁེལ་བའི་ཕྱག་སྦྲེལ་རྒྱལ་ཁབ་ཅིག་ཡིན་པ་དེ་ལྟར་ཡང་། ཨ་རི་གཞུང་གི་ངོས་ནས་རྒྱ་ནག་དམར་ཤོག་གཞུང་འཛིན་ལ་བསྟུན་མཁས་གནང་སྟེ་འདས་པའི་ལོ་ངོ་བཅུ་ཕྲག་མང་པོའི་རིང་ཐེ་ཝན་དང་ལྷན་དུ་གཞུང་འབྲེལ་ཕྱོགས་སྐྱོད་དང་མི་སྣ་ཐུགསའཕྲད་སོགས་ཕྱི་འབྲེལ་གྱི་འབྲེལ་ལམ་མེད་པར་མ་ཟད་ཐེ་ཝན་ལ་རྒྱལ་ཁབ་དང་ཐེ་ཝན་གཞུང་ཞེས་འབོད་མི་ཆོག་པ་སོགས་ རང་གིས་རང་ལ་དམ་དྲག་མང་པོ་གནང་ཡོད་སྐོར་གསུངས་པ་དང་ཆབས་ཅིག་ཏུ་ད་ནས་བཟུང་ལམ་ལུགས་དེ་མཚམས་འཇོག་གནང་རྒྱུ་ཡིན་པ་གསུངས་འདུག དེའང་དུས་དེ་རིང་ནས་བཟུང་ཨ་རིས་ཐེ་ཝན་དང་ལྷན་དུ་འབྲེལ་ལམ་ཐོག་དམ་དྲག་གནང་བ་ཡོངས་རྫོགས་ཕྱིར་འཐེན་གནང་བཞིན་ཡོད་པ་དང་། དེའི་ཁྲོད་ཨ་རིའི་ཕྱི་སྲིད་ལས་ཁུངས་ཀྱི་དེ་གའི་གཞུང་འབྲེལ་ཡན་ལག་ལས་ཁུངས་ལ་དེ་སྔ་ཐེ་ཝན་དང་ལྷན་དུ་འབྲེལ་ལམ་གྱི་རྩ་འཛིན་ལམ་སྟོན་ཡོད་པ་རྣམས་ནུས་མེད་ཆགས་རྒྱུ་ཡིན་པ་དང་། ལྷག་པར་དུ་དེ་སྔ་ཐེ་ཝན་དང་ལྷན་དུ་ཕྱི་འབྲེལ་ཐད་ཀྱི་ཁྲིམས་ཡིག་ནང་དུ་ American Institute of Taiwan ཞེས་པའི་གཞུང་འབྲེལ་མིན་པའི་ཚོགས་པ་བརྒྱུད་ནས་མ་གཏོགས་ཐེ་ཝན་དང་གཞུང་འབྲེལ་ཐོག་འབྲེལ་ལམ་གནང་མི་ཆོག་པའི་ལམ་སྟོན་གྱི་ཡིག་ཆ་ཡོངས་རྫོག་ནུས་མེད་ཆགས་རྒྱུ་ཡིན་སྐོར་གསུངས་འདུག ལྷག་པར་དུ་སྐུ་ཞབས་ Pompeo མཆོག་གིས་ཨ་རི་གཞུང་གི་ངོས་ནས་རྒྱལ་སྤྱིའི་ཁྲོད་གཞུང་འབྲེལ་མིན་པའི་སྡེ་ཁག་དང་ལྷན་དུ་འབྲེལ་ལམ་གནང་སྲོལ་ཡོད་པ་བཞིན། ཐེ་ཝན་ལ་དམིགས་བསལ་དམ་དྲག་གནང་རྒྱུ་མིན་པ་གསུངས་འདུག ཐེ་ཝན་དང་ཨ་རིའི་མང་གཙོའི་གཞུང་འཛིན་གཉིས་ནས་རང་དབང་དང་ཁྲིམས་ཀྱི་དབང་སྒྱུར། འགྲོ་བ་མིའི་རིགས་ཀྱི་ཆེ་མཐོང་བཅས་ལ་རིན་ཐང་གཅིག་པ་ངོས་འཛིན། ཨ་རི་དང་ཐེ་ཝན་གཉིས་དབར་གྱི་འབྲེལ་ལམ་ཐད་རང་གིས་རང་ལ་དམ་དྲག་གནང་རྒྱུ་མིན་པ་ཡོངས་གྲགས་བཟོ་ཡི་ཡོད་པ་གསུངས་འདུག ཁ་ཉིན་ཨ་རིའི་ཕྱི་སྲིད་དྲུང་ཆེ་མཆོག་གིས་བསྒྲགས་གཏམ་དེ་སྤེལ་རྗེས་ཁ་སང་རྒྱལ་ས་ Washington DC ནང་དུ་ཡོད་པའི་ Taipei Economic and Cultural Representative Office ཞེས་ཐེ་ཝན་གྱི་གཞུང་འབྲེལ་མིན་པའི་སྐུ་ཚབ་ལས་ཁུངས་ཀྱི་ངོས་ནས་ཕྱི་སྲིད་དྲུང་ཆེ་མཆོག་གིས་ཐག་གཅོད་དེ་ལྟར་གནང་བར་དགའ་བསུ་དང་འབྲེལ། ཨ་རི་གཞུང་གི་གནང་ཕྱོགས་དེས་ཨ་རི་དང་ཐེ་ཝན་གཉིས་དབར་གྱི་འབྲེལ་ལམ་དེ་ཇི་ཙམ་ལེགས་པོ་ཡོད་པ་མངོན་གསལ་གནང་ཡོད་པ་གསུངས་འདུག དེ་བཞུང་ཐེ་ཝན་གཞུང་ཚབ་པ་ Bi-Khim Hsiao ལགས་ཀྱིས་རང་ཉིད་ཀྱི་ Twitter དྲ་ལམ་བརྒྱུད་ཨ་རིའི་ཐག་གཅོད་དེས་ལོ་ངོ་བཅུ་ཕྲག་མང་པོའི་རིང་དབྱེ་འབྱེད་མེད་པ་བཟོ་ཡོད་པ་དང་ཕྱོགས་གཉིས་ཀྱི་འབྲེལ་ལམ་ཁྲོད་ཉི་མ་གལ་ཆེ་ཞིག་ཆགས་ཡོད་པ་གསུངས་འདུག དེ་བཞིན་ཐེ་ཝན་ཕྱི་སྲིད་བློན་ཆེན་ Juseph Wu མཆོག་གིས་སྐུ་ཞབས་ Pompeo ལགས་ཀྱིས་ཐེ་ཝན་ཐོག་དགོས་མེད་ཀྱི་དམ་དྲག་དེ་དག་མེད་པ་བཟོ་ཡི་ཡོད་པ་གསུངས་པར་ཐུགས་རྗེ་ཆེ་ཞེས་གསུངས་པ་དང་སྦྲགས། ཐེ་ཝན་དང་ཨ་རི་གཉིས་དབར་གྱི་འབྲེལ་ལམ་དེ་བཞིན་ཕྱོགས་གཉིས་ཀྱི་རིན་ཐང་དང་དགོངས་པ་བཞེས་ཕྱོགས་གཅིག་པ་ཡིན་པའི་ཁར་མང་གཙོ་དང་རང་དབང་ཐོག་ཡིད་ཆེས་ལྷད་མེད་ཡོད་པ་དེ་དག་ཐོག་གནས་ངེས་ཡིན་པ་གསུངས་འདུག ཁ་སང་རྒྱ་ནག་གཞུང་འབྲེལ་བརྒྱུད་ལམ་ཁག་གིས་ཨ་རིའི་ཕྱི་སྲིད་དྲུང་ཆེ་མཆོག་གིས་ཐག་གཅོད་གནང་བ་དེར་སྐྱོན་བརྗོད་ཤུགས་ཆེ་དང་འབྲེལ། དེ་ནི་ཊམ་གཞུང་འཛིན་འཁྱུར་བའི་མཚམས་འདིར་ཨ་རིའི་སྲིད་འཛིན་གསར་པའི་གཞུང་ལ་མཛད་དཀའ་བཟོ་རྒྱུར་དམིགས་ཏེ་དེ་ལྟར་སྤེལ་བཞིན་ཡོད་པ་དང་། བྱེད་ཕྱོགས་དེས་རྒྱ་ནག་དང་ཨ་རི་གཉིས་དབར་གྱི་འབྲེལ་ལམ་ལ་དོ་ཕོག་ཤུགས་ཆེ་འགྲོ་ཉེན་ཡིན་པར་བརྗོད་འདུག གནས་ཚུལ་ཐོན་ཁག་ལ་གཞིགས་ན། རྒྱལ་ཚོགས་སུ་ཡོད་པའི་ཨ་རིའི་གཞུང་ཚབ་པ་ Kelly Craft ལགས་གཟའ་ཁོར་འདིའི་རེས་གཟའ་ལྷག་པའི་ཉིན་ཐེ་ཝན་གྱི་གཞུང་འབྲེལ་ལས་དོན་ཆེད་འབྱོར་གྱི་ཡོད་པ་དང་། རྒྱ་ནག་གཞུང་གི་ངོས་ནས་དེར་སྐྱོན་བརྗོད་ཤུགས་ཆེ་བྱེད་བཞིན་ཡོད་པ་རེད།

ཁྱོན་བོད་མི་ ༡༥༠༠ ལྷག་ཁ་འཐོར་དུ་གནས་ཡོད་པའི་དབྱིན་ཡུལ་ས་གནས་འོས་བསྡུ་ལས་ཁང་གི་ཁྱབ་ཁོངས་ལས་ཡོ་རོབ་རྒྱལ་ཁབ་གསུམ་གྱི་ཕྱི་ལོ་ ༢༠༢༡ ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུ་གྲུབ་འབྲས་ཁ་ཉིན་རེས་གཟའ་སྤེན་པ་ཉིན་དབྱིན་ཡུལ་ས་གནས་འོས་བསྡུའི་འགན་འཛིན་བསོད་ནམས་ཚེ་རིང་ཕར་སི་ལགས་ཀྱིས་དྲ་ཐོག་ལམ་ནས་གསལ་བསྒྲགས་གནང་སོང་། སྤྱིར་ད་ལན་གྱི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡིུ་ནང་དབྱིན་ཡུལ་ས་གནས་འོས་བསྡུ་ལས་ཁང་ནས་དབྱིན་ཡུལ་གཙོས་ནོར་ལྦེ་དང་ཌན་མག སུད་ཌན། ཨར་ལེནཊ། དེ་བཞིན་པོ་ལན་ཌི་བཅས་ཁྱོན་ཡོ་རོབ་རྒྱལ་ཁབ་དྲུག་གིས་འོས་བསྡུའི་ལས་རིམ་གཉེར་ཡོད་ཅིང་། འོན་ཀྱང་ད་ལྟའི་ཆར་ས་གནས་སུ་ནད་ཡམས་ཀྱི་ཛ་དྲགས་གནས་སྟངས་རྐྱེན་པས་ཁ་ཉིན་ཕྱི་ཚེས་ ༩ བར་དབྱིན་ཡུལ་ས་གནས་འོས་བསྡུ་ལས་ཁང་ལ་ཁྱབ་ཁོངས་ནོར་ལྦེ་དང་ཌན་མག དེ་བཞིན་པོ་ལན་ཌི་བཅས་ཀྱི་འོས་གྲངས་སྦྲག་ཐོག་ནས་དུས་ཐོག་ཏུ་འབྱོར་མེད་སྟབས། ཉིན་དེར་དབྱིན་ཡུལ་ས་གནས་འོས་བསྡུའི་ལས་ཁང་གིས་འོས་ཤོག་གྲངས་བཤེར་ལེགས་གྲུབ་ཟིན་པའི་དབྱིན་ཡུལ་དང། སུད་ཌན། དེ་བཞིན་ཨར་ལན་ཌི་བཅས་རྒྱལ་ཁབ་གསུམ་གྱི་འོས་བསྡུའི་ཕྱོགས་བསྡོམས་གྲུབ་འབྲས་སྔོན་ལ་གསལ་བསྒྲགས་གནང་ཡོད་པ་རེད། སྐབས་དེར་གསལ་བསྒྲགས་གནང་བའི་རྒྱལ་ཁབ་གསུམ་གྱི་སྲིད་སྐྱོང་གི་སྔོན་འགྲོའི་འོས་བསྡུའི་གྲུབ་འབྲས་ལ་གཞིགས་ན། སྲིད་སྐྱོང་འོས་གཞིར་བཞེངས་མཁན་སྤེན་པ་ཚེ་རིང་ལགས་ལ་འོས་གྲངས། ༨༡ འབྲོང་ཆུང་དངོས་འགྲུབ་ལགས་ལ་གྲངས་ ༥༡ དབུ་དཀར་ཚང་སྐལ་བཟང་རྡོ་རྗེ་ལགས་ལ་འོས་གྲངས། ༤༦ རྒྱལ་རི་སྒྲོལ་མ་ལགས་ལ་འོས་གྲངས། ༤༦ བློ་བཟང་སྙན་གྲགས་ལགས་ལ་འོས་གྲངས། ༨ དེ་བཞིན་ཨཱཙཱརྱ་ཡེ་ཤེས་ཕུན་ཚོགས་ལགས་ལ་འོས་གྲངས། ༢ བཅས་ཐོབ་འདུག ཐེངས་འདིའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུར་དབྱིན་ཡུལ་ས་གནས་འོས་བསྡུའི་ལས་ཁང་གི་ཁྱབ་ཁོངས་ནས་བོད་མི་གྲངས་ ༤༠༠ མན་ཙམ་གྱིས་འོས་བསྡུའི་དེབ་སྐྱེལ་གནང་བའི་ཁྲོད་སྔོན་འགྲོ་བསྡུར་དངོས་སུ་མང་ཚོགས་༣༠༠ ལྷག་གིས་ཆ་ཤས་བཞེས་འདུག གསར་འགོད་པས་ད་ལན་དབྱིན་ཡུལ་དུ་ཏོག་དབྱིབས་ནད་ཡམས་ཛ་དྲག་གི་དུས་སྐབས་ཁྲོད་དབྱིན་ཡུལ་ས་གནས་འོས་བསྡུ་ལས་ཁང་གི་ཁྱབ་ཁོངས་ས་གནས་ཁག་འོས་བསྡུའི་ལས་རིམ་ལ་གདོང་ལེན་དང་འོས་ཤོག་གྲངས་བཤེར་སོགས་ཀྱི་ཐད་དབྱིན་ཡུལ་བོད་ཀྱི་སྐུ་ཚབ་དོན་ཁང་གི་ལས་བྱེད་དང་ས་གནས་འོས་བསྡུའི་འགན་འཛིན་ལས་རོགས་ཚེ་རིང་མཚོ་མོ་ལགས་སུ་བཅར་འདྲི་ཞུས་པར་ད་ལན་ཛ་དྲག་གི་དུས་ཚིགས་འདིའི་ཁྲོད་ས་གནས་འོས་བསྡུའི་ཚོགས་མི་དང་ཟུར་དཔང་རྣམ་པས་ཐུགས་འགན་གཙོ་བཞེས་གཙོས་མང་ཚོགས་ནས་མཉམ་ཞུགས་ལེགས་པོ་གནང་སྐོར་གསུངས་སོང་།