རྒྱལ་སྤྱི།

ཉེ་ཆར་ཡུ་རོབ་རྒྱལ་ཁབ་ཁག་གི་གྲོང་སྡེ་དང་གྲོང་གསེབ་བཅས་ཀྱིས་བོད་ནང་གི་གྲོང་སྡེ་དང་གྲོང་གསེབ་ཁག་བདག་སྐྱོང་གི་ལས་འགུལ་རྒྱ་སྐྱེད་སྐོར་གྱི་བགྲོ་གླེང་ཞིག་གནང་འདུགཕྱི་ཟླ་ ༢ ཚེས་ ༥ ཉིན་ཕ་རན་སི་ལྷོ་ནུབ་ཁུལ་དུ་ཆགས་པའི་ Salles sur Garonne གྲོང་སྡེའི་སྤྱི་ཁྱབ་པ་སྐུ་ཞབས་ Jean Louis Halioua ལགས་ཀྱིས་གོ་སྒྲིག་གནང་དེ་སྔ་ཕ་ར་རན་སི་ནང་གི་གྲོང་སྡེ་དང་གྲོང་གསེབ་བཅས་ཀྱིས་ Town adoption Campaign ཞེས་བོད་ནང་གི་གྲོང་སྡེ་དང་གྲོང་གསེབ་ཁག་བདག་སྐྱོང་གནང་རྒྱུའི་ལས་འགུལ་དབུ་འཛུགས་གནང་བ་དེ་ད་ཆ་བསྐྱར་གསོ་དང་ཡུ་རོབ་རྒྱལ་ཁབ་གཞན་ཁག་ཏུ་རྒྱ་སྐྱེད་གནང་ཕྱོགས་སྐོར་གྱི་དྲ་ལམ་བགྲོ་གླེང་ཞིག་གནང་འདུག་པ་དང་། སྤྱི་ཁྱབ་པ་སྐུ་ཞབས་ཁོང་གིས་མགྲོན་འབོད་ཐོག་སྦེལ་ཇམ་བོད་ཀྱི་སྐུ་ཚབ་དོན་གཅོད་ཁང་གི་ལས་བྱེད་རིག་འཛིན་ལགས་གཙོས་ཕ་རན་སི་བོད་རིགས་ཚོགས་པའི་ཚོགས་གཙོ་དང་རྡོ་རྗེ་རྣལ་འབྱོར་མའི་ཆོས་ཚོགས་ཀྱི་འགན་འཛིན་ཟུར་པ། དེ་བཞིན་ཕ་རན་སི་ལྷག་དཀར་ཚོགས་པའི་ཚོགས་གཞོན་བཅས་མཉམ་ཞུགས་གནང་འདུགལས་འགུལ་དེ་ཐོག་མ་ཕྱི་ལོ་ ༢༠༠༨ ལོར་ཕ་ར་རན་སིའི་ Salles sur Garonne གྲོང་སྡེའི་སྤྱི་ཁྱབ་པ་སྐུ་ཞབས་ Jean Louis Halioua ལགས་དང་ཕ་རན་སིའི་གྲོས་ཚོགས་བོད་དོན་རྒྱབ་སྐྱོར་ཚོགས་པ་གཉིས་ཟུང་འབྲེལ་ཐོག་དབུ་འཛུགས་ཤིང་། སྐབས་དེར་ཕ་རན་སིའི་གྲོས་ཚོགས་འཐུས་མི་གྲངས་ ༡༨༩ དང་གྲོས་ཚོགས་གོང་མའི་འཐུས་མི་གྲངས་ ༦༧ ནས་རྒྱབ་སྐྱོར་གནང་འདུག འོན་ཀྱང་ལས་འགུལ་དེ་ཕྱི་ལོ་ ༢༠༡༠ ལོར་དངོས་སུ་ལག་བསྟར་གནང་ནས་ཕ་རན་སིའི་ Salles sur Garonne གྲོང་སྡེ་ནི་བོད་ཀྱི་ལྷ་རྩེ་གྲོང་གསེབ་བདག་སྐྱོང་གནང་མཁན་ཐོག་མ་དེ་ཆགས་ཡོད། དྲ་ཐོག་གི་བགྲོ་གླེང་ཐོག་སྐུ་ཞབས་ཇེན་ལོ་ཡི་སི་ལགས་ཀྱིས་ལས་འགུལ་དེའི་སྐོར་འགྲེལ་བཤད་ཞིབ་རྒྱས་གནང་བ་དང་། ལས་འགུལ་དེ་དང་འབྲེལ་བའི་ཡིག་ཆ་ཁག་གི་སྐོར་ཚོགས་བཅར་བ་ཡོངས་ལ་ངོ་སྤྲོད་གནང་སྐབས་སྦེལ་ཇམ་སྐུ་ཚབ་དོན་གཅོད་ཁང་གི་ལས་བྱེད་རིག་འཛིན་ལགས་ཀྱིས་ལས་འགུལ་དེར་དགའ་བསུ་ཞུས་པ་དང་སྦྲགས་ཏེ་སྐུ་ཚབ་དོན་ཁང་གི་ངོས་ནས་ལས་གཞི་དེར་རྒྱབ་སྐྱོར་གྱི་ཚུལ་དུ་ལས་འགུལ་དེ་དང་འབྲེལ་བའི་པར་རིས་ལྡན་པའི་དེབ་ཆུང་ཞིག་དཔར་བསྐྲུན་ཞུ་རྒྱུ་ཡིན་སྐོར་དང་། དེ་བཞིན་སྐུ་ཚབ་དོན་གཅོད་ཁང་གིས་ལོ་རྟག་པར་གསུམ་བཅུ་དུས་དྲན་སྔོན་གྲོང་སྡེ་ཁག་ལ་བོད་ཀྱི་རྒྱལ་དར་འགྲེམས་སྤེལ་གནང་གི་ཡོད་པ་སོགས་ཀྱི་སྐོར་སྙན་སེང་ཞུས་ཡོད།གསར་འགོད་པས་རིག་འཛིན་ལགས་སུ་རྒྱ་གཞུང་གིས་ཆེས་དམ་དྲག་འོག་བོད་ནང་གི་གྲོང་སྡེ་དང་གྲོང་གསེབ་ཁག་བདག་སྐྱོང་གནང་རྒྱུའི་ལས་འགུལ་ལག་བསྟར་གནང་ཕྱོགས་དང་འབྲེལ་བའི་བཅར་འདྲི་ཞུས་པར་ད་ཆ་རྒྱ་གཞུང་གིས་བོད་ནང་བོད་མིའི་ཆོས་རིག་སྐད་ཡིག ངོ་བོ་བཅས་པ་རྩ་བརླག་གཏོང་བཞིན་པའི་མཚམས་སུ་ཡུ་རོབ་རྒྱལ་ཁབ་ཁག་གི་གྲོང་སྡེ་དང་གྲོང་གསེབ་བཅས་ཀྱིས་དབུ་འཛུགས་གནང་བའི་བོད་ནང་གི་གྲོང་སྡེ་བདག་སྐྱོང་གནང་རྒྱུའི་ལས་འགུལ་དེ་གལ་ཆེན་ཆགས་ཀྱི་ཡོད་པ་དང་། ལས་འགུལ་དེའི་ཆེད་དུ་བོད་ནང་བསྐྱོད་ཐབས་བྲལ་ནངའ་ལས་འགུལ་དེའི་ཐོག་ནས་ཕ་རན་སི་གཙོ་བོར་གྱུར་པའི་ཡུ་རོབ་རྒྱལ་ཁབ་ཁག་ནས་རྒྱ་གཞུང་ལ་བོད་ནང་གི་ཆབ་སྲིད་གནད་དོན་ལ་ཐུགས་སྣང་ཡོད་པ་དང་བོད་མིར་ང་ཚོའི་ངོས་ནས་ཁྱེད་རྣམས་བརྗེད་མེད་ཅེས་པའི་བརྡ་ལན་གསལ་པོ་ཞིག་གནང་བ་ཆགས་ཡོད་པར་གསུངས་གསུངས་སོང་། རྩ་བའི་ཕ་རན་སི་གཙོ་གྱུར་ཡུ་རོབ་རྒྱ་ཁག་གི་གྲོང་སྡེ་དང་གྲོང་གསེབ་བཅས་ཀྱིས་བོད་ནང་གི་གྲོང་སྡེ་དང་གྲོང་གསེབ་བདག་སྐྱོང་གནང་རྒྱུའི་ལས་འགུལ་འོག་ཕྱི་ལོ་ ༢༠༡༠ ནས་བཟུང་ད་བར་བོད་ནང་གི་ལྷ་རྩེས་གཙོས་པའི་གཞིས་རྩེ་དང་ལི་ཐང་སོགས་ཀྱི་ནང་གྲོང་སྡེ་དང་གྲོང་གསེབ་ཁྱོན་ ༧༦ ལ་བདག་སྐྱོང་གནང་ཡོད།    

རྒྱ་གར་གཞུང་གིས་པེ་ཅིང་ཨོ་རྩལ་འགྲན་ཚོགས་ཀྱི་སྒོ་འབྱེད་དང་མཇུག་སྡོམ་མཛད་སྒོ་གཉིས་ཀྱི་ཐོག་ཡུལ་དེའི་ཕྱི་འབྲེལ་མི་སྣ་མཉམ་ཞུགས་གནང་གི་མེད་སྐོར་ཡོངས་གྲགས་གནང་འདུགདེ་རིང་བར་ཨ་རིས་གཙོས་མང་གཙོའི་རྒྱལ་ཁབ་ཁག་ཅིག་ནས་རྒྱ་ནག་གི་ཆེས་ཞན་པའི་འགྲོ་བ་མིའི་ཐོབ་ཐང་གི་གནད་དོན་དང་འབྲེལ་ཏེ། པེ་ཅིང་དགུན་དུས་ཨོ་རྩལ་འགྲན་ཚོགས་ཐོག་གཞུང་འབྲེལ་སྐུ་ཚབ་གཏོང་རྒྱུ་མིན་སྐོར་ཡོངས་གྲགས་གནང་བའི་རྗེས་སུའང་རྒྱ་གར་གྱི་ངོས་ནས་དེ་མཚུངས་གནང་རྒྱུའི་གསལ་བསྒྲགས་གང་ཡང་གནང་མེད་ལ། ད་དུང་ཨོ་རྩལ་འགྲན་ཚོགས་ཐོག་པེ་ཅིང་ནང་ཡོད་པའི་རྒྱ་གར་གྱི་ཕྱི་འབྲེལ་མི་སྣ་མཐོ་གྲས་ཤིག་མཉམ་ཞུགས་གནང་རྒྱུར་ཚོད་དཔག་གནང་བཞིན་པའི་མཚམས་འདིར་ཁ་སང་ཕྱི་དྲོ་རྒྱ་གར་གྱི་ཕྱི་སྲིད་ལྷན་ཁང་གི་མགྲིན་པ་སྐུ་ཞབས་ Arindam Bagchi ལགས་ཀྱིས་གསལ་བསྒྲགས་ཤིག་གནང་བ་བརྒྱུད་པེ་ཅིང་དུ་དེ་རིང་ནས་འགོ་འཛུགས་བྱ་རྒྱུའི་དགུན་དུས་ཨོ་རྩལ་འགྲན་ཚོགས་ཀྱི་སྒོར་འབྱེད་དང་མཇུག་སྡོམ་མཛད་སྒོ་གཉིས་ཀར་ཁུལ་དེར་ཡོད་པའི་རྒྱ་གར་གྱི་གཞུང་ཚབ་ལས་ཁུངས་ཀྱི་ངོས་ནས་མཉམ་ཞུགས་གནང་གི་མེད་པར་ཡོངས་གྲགས་གནང་ཡོད།རྒྱ་གར་གཞུང་གིས་འདི་ལྟ་བུའི་ཐག་གཅོད་དེ་ནི་ཕྱི་ཟླ་ ༢ ཚེས་ ༢ ཉིན་པེ་ཅིང་དུ་ཨོ་ལམ་པིཀ་རྩེད་འགྲན་གྱི་དཔལ་འབར་སྐོར་སྐྱོད་འགོ་འཛུགས་གནང་སྐབས་དེ་སྔ་ཕྱི་ལོ་ ༢༠༢༠ ལོར་འཕགས་བོད་གཉིས་ཀྱི་ས་མཚམས་ཉེ་འཁྲིས་ལ་དྭགས་ཀྱི་གྷལ་ཝན་ཡུལ་གཤོང་དུ་རྒྱ་དཀར་ནག་གི་དམག་མིའི་དབར་དྲག་པོའི་གདོང་ཐུག་གིས་རྨས་སྐྱོན་ཕོག་པའི་རྒྱ་རིགས་དམག་མི་ Qi Fabao ལ་དཔལ་འབར་འཁྱེར་མཁན་ཁོངས་སུ་བཞག་པའི་གནས་ཚུལ་ཐོན་རྗེས་ཡོངས་གྲགས་གནང་བ་ཞིག་ཡིན་པ་རེད།སྐུ་ཞབས་ Arindam Bagchi ལགས་ཀྱིས་གསར་འགོད་གསལ་བསྒྲགས་སྐབས་ང་ཚོས་གྷལ་ཝན་གྱི་དམག་དཔོན་ཞིག་ཨོ་རྩལ་གྱི་དཔལ་འབར་འཁྱེར་མཁན་ལ་བདམས་པའི་གནས་ཚུལ་དེའི་སྐོར་མཐོང་ཐོས་བྱུང་ཞེས་དང་བྱ་སྤྱོད་དེ་དག་ནི་ཁོང་ཁྲོ་སློང་མཁན་ཞིག་དང་། ལྷག་དོན་རྒྱ་གཞུང་གིས་རྒྱལ་སྤྱིའི་རྩེད་འགྲན་འདི་ཡང་ཆབ་སྲིད་ཀྱི་དགོས་མཁོར་སྤྱོད་བཞིན་པ་ནི་བློ་ཕམ་བྱ་ཡུལ་གྱི་གཞི་ལས་མ་འདས་པར་འགྲེལ་བརྗོད་གནང་འདུགདེ་རིང་ནས་འགོ་འཛུགས་བྱས་པའི་པེ་ཅིང་གི་དགུན་དུས་རྩལ་འགྲན་ཚོགས་ནང་རྒྱ་གར་གྱི་ཕྱོགས་ནས་གངས་བཤུད་གཏོང་མཁན་ Arif Khan ལགས་མ་གཏོགས་རྩེད་འགྲན་པ་གཞན་མེད་པ་དང་། རྒྱ་གར་གཞུང་གིས་གོང་ཞུས་གསལ་བསྒྲགས་སྤེལ་རྗེས་རྒྱ་གར་རྒྱལ་ཡོངས་རླུང་འཕྲིན་ལས་ཁང་ Doordarshan གི་ངོས་ནས་ཀྱང་རྩེད་མོའི་བརྒྱུད་ལམ་ཐོག་པེ་ཅིང་གི་རྩེད་འགྲན་སྒོ་འབྱེད་དང་མཇུག་སྡོམ་གྱི་མཛད་སྒོ་གཉིས་ཀའི་ཐད་གཏོང་ཕྱིར་འཐེན་བྱས་འདུགརེས་གཟའ་ལྷག་པའི་ཉིན་པེ་ཅིང་དུ་ཨོ་ལམ་པིཀ་དཔལ་འབར་སྐོར་སྐྱོད་འགོ་འཛུགས་ཁྲོད་རྒྱ་ནག་གི་དམག་མི་ Qi Fabao ཟེར་བ་དེར་ཆེ་བསྟོད་ཀྱིས་ཨོ་རྩལ་གྱི་དཔལ་འབར་འཁྱེར་མཁན་མི་གྲངས་ ༡༢༠༠ ཁོངས་ནས་འདེམས་སྒྲུག་བྱས་པར་རྒྱ་གར་གཞུང་མང་གཉིས་ནས་བློ་ཕམ་གི་རྣམ་པ་མངོན་གསལ་གནང་བ་དང་ཆབས་ཅིག ཨ་རིའི་གྲོས་ཚོགས་གོང་མའི་འཐུས་མི་ཞིག་གིས་ཀྱང་རྒྱ་ནག་གི་བྱེད་ཕྱོགས་དེ་ནི་ངོ་ཚ་མེད་པ་ཞིག་དང་ཨ་རིའི་ངོས་ནས་ཡུ་གུར་གྱི་རང་དབང་དང་རྒྱ་གར་གྱི་ས་ཁོངས་བདག་དབང་ཐད་རྒྱབ་སྐྱོར་ཞུ་རྒྱུའི་ཞལ་བཞེས་གནང་སྟེ་རྒྱ་ནག་ལ་སྐྱོན་བརྗོད་ནན་པོ་གནང་ཡོད།གཞི་རྩའི་རྒྱ་དཀར་ནག་གཉིས་དབར་འདས་པའི་ལོ་མང་རིང་ལ་ཚབས་ཆེ་བའི་དོན་རྐྱེན་སོགས་གང་ཡང་བྱུང་མེད་ཀྱང་། ཕྱི་ལོ་ ༢༠༢༠ ལོར་ལ་དྭགས་གྷལ་ཝན་གྱི་དོན་རྐྱེན་ཁྲོད་ཕྱོགས་གཉིས་ཀྱི་དམག་མི་དབར་འཐབ་འཛིང་བྱུང་སྟེ་རྒྱ་གར་གྱི་དམག་མི་ ༢༠ འདས་གྲོངས་སུ་གྱུར་ཡོད་པ་དང་། སྐབས་དེར་རྒྱ་ནག་གི་བརྒྱུད་ལམ་ཐོག་ཡུལ་དེའི་དམག་མི་ ༤ འདས་གྲོངས་སུ་གྱུར་ཡོད་པའི་གནས་ཚུལ་སྤེལ་ཡོད་ནའང་། དོན་དངོས་ཐོག་ཡོངས་གྲངས་བྱས་པའི་གྲངས་འབོར་ལས་མང་བ་ཡོད་པར་ཚོད་དཔག་གནང་བཞིན་ཡོད་པ་རེད། ཕྱོགས་གཉིས་ཀྱི་དབར་ད་བར་ས་མཚམས་ཀྱི་གནད་དོན་ཐད་གྲོས་མོལ་ཐེངས་ ༡༤ ཙམ་གནང་ཡོད་ཀྱང་དོན་འབྲས་སོན་པ་གང་ཡང་བྱུང་མེད་པ་མ་ཟད་ལྷག་དོན་རྒྱ་ནག་གིས་མཐའ་མཚམས་ནས་དམག་མི་ཡོངས་རྫོགས་ཕྱིར་འཐེན་བྱ་རྒྱུའི་གནད་དོན་ཐོག་མོས་མཐུན་བྱས་མེད།

༢༠༢༢ ལོའི་པེ་ཅིང་གི་དགུན་དུས་ཨོ་རྩལ་འགྲན་ཚོགས་ཀྱི་སྒོ་འབྱེད་ཀྱི་སྔ་ནུབ་ཏུ་འདི་ག་སུད་སི་གྲོང་ཁྱེར་ Lausanne ནང་རྟེན་གཞི་བྱས་པའི་རྒྱལ་སྤྱིའི་ཨོ་རྩལ་མཐུན་ཚོགས་ཀྱི་ལས་ཁུངས་མདུན་དུ་ཡོ་རོབ་རྒྱལ་ཁབ་ཁག་ ༨ ནས་བོད་རིགས་ཚོགས་པའི་སྐུ་ཚབ་དང་བོད་མི་ལས་འགུལ་བ། དེ་བཞིན་བོད་དོན་རྒྱབ་སྐྱོར་བ་བཅས་འདུ་འཛོམས་ཀྱིས་ཨོ་ལམ་པིཀ་འགྲེམས་སྟོན་ཁང་བར་ཞི་བའི་གོམ་བགྲོད་གནང་བ་མ་ཟད། རྒྱ་ནག་ནང་དུ་འཚོགས་བཞིན་པའི་དགུན་དུས་ཨོ་རྩལ་འགྲན་ཚོགས་དེ་འཛམ་གླིང་ནང་གི་འགྲོ་བ་མིའི་ཐོབ་ཐང་རྡོག་རོལ་ཚབས་ཆེན་གཏོང་མཁན་རྒྱལ་ཁབ་ཅིག་ནང་ཚོགས་པའི་རྩེད་འགྲན་ཞིག་རེད་ཅེས་པའི་འབོད་སྒྲའི་འོག་རྒྱ་ནག་གི་ཨོ་རྩལ་འགྲན་ཚོགས་ལ་ངོ་རྒོལ་སྐད་འབོད་ཀྱི་ལས་འགུལ་སྤེལ་ཡོད། དེ་བཞིན་རྒྱལ་སྤྱིའི་ཨོ་རྩལ་མཐུན་ཚོགས་ཀྱི་ངོས་ནས་རྒྱ་ནག་གི་མངའ་འོག་ཏུ་མནར་གཅོད་མྱོང་བཞིན་པའི་མང་ཚོགས་ཀྱི་མངོན་འདོད་ལ་གུས་བརྩི་ཞུས་ནས་རྒྱ་གཞུང་གིས་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་ཡོད་ཀྱང་དེར་དེར་ལྟོས་མེད་ཀྱིས་ཚོགས་ཀྱི་ཡོད་པ་ངོས་ལེན་གྱི་སྤྱིར་བསྒྲགས་ཤིག་སྤེལ་དགོས་པའི་རེ་སྐུལ་ཞུས་ཡོད་པ་རེད།ཐེངས་འདིའི་ཡོ་རོབ་བོད་མི་རྣམ་མཉམ་སྦྲེལ་གྱིས་སྤེལ་བའི་གོམ་བགྲོད་ལས་འགུལ་དེའི་ཐོག་ཡོ་རོབ་བོད་མི་མང་སྤྱི་འཐུས་རྣམ་གཉིས་གཙོས་ཡོ་རོབ་བོད་རིགས་ཚོགས་ཁག་གི་ཟུང་འབྲེལ་ཐོག་ནས་མཚན་རྟགས་བཀོད་པའི་ཞུ་སྙན་ཞིག་རྒྱལ་སྤྱིའི་ཨོ་རྩལ་མཐུན་ཚོགས་ཀྱི་ཚོགས་གཙོ་ Thomas Bach མཚན་ཐོག་ལ་ཕུལ་སོང་བ་དང་། ཞུ་སྙན་ནང་གཙོ་བོ་ ༢༠༠༨ ལོའི་པེ་ཅིང་དུ་ཨོ་རྩལ་འགྲན་ཚོགས་བསྐོང་ཚོགས་ཟིན་པའི་རྗེས་སུ་རྒྱ་ནག་གི་མངའ་འོག་ཏུ་ཡོད་པའི་བོད་གཙོ་གྱུར་ས་ཁུལ་ཁག་གི་འགྲོ་བ་མིའི་ཐོབ་ཐང་གི་གནས་སྟངས་ཇེ་ཞན་ཇེ་སྡུག་ཏུ་ཕྱིན་ཡོད་པ་དང། ལྷག་པར་དུ་བོད་ནང་དུ་ད་བར་བོད་མི་ ༡༥༥ ལྷག་གིས་རྒྱ་གཞུང་གི་གདུག་རྩུབ་ཅན་གྱི་སྲིད་བྱུས་ལ་ངོ་རྒོལ་གནང་སྟེ་སྐུ་ལུས་ཞུགས་འབུལ་གནང་བའི་གནང་སྟངས་སོགས་བྱུང་ཡོད་པ་དེ་ལྟར་ཡང། ཨོ་རྩལ་མཐུན་ཚོགས་ནས་འགྲོ་བ་མིའི་ཐོབ་ཐང་སྲུང་སྐྱོབ་གོང་འཕེལ་གྱི་རྩ་བའི་ལྟ་གྲུབ་ཁག་སྣང་མེད་བཏང་ནས་ད་ལན་བསྐྱར་དུ་རྒྱ་ནག་ལ་ཕྱི་ལོ་ ༢༠༢༢ ལོའི་དགུན་དུས་ཨོ་རྩལ་འགྲན་ཚོགས་ཀྱི་བདག་དབང་སྤྲད་པ་ནི་ཆེས་བློ་ཕམ་བྱ་གཞི་ལས་མ་འདས་པ་ཞིག་རེད་ཅེས་སྐྱོན་བརྗོད་གནང་བ་མ་ཟད། ལྷག་པར་དུ་ཞུ་སྙན་དེ་བརྒྱུད་ནས་ཨོ་རྩལ་མཐུན་ཚོགས་ཀྱི་ངོས་ནས་རྒྱ་ནག་གི་མངའ་འོག་ཏུ་གདུག་རྩུབ་མྱོང་བཞིན་པའི་མང་ཚོགས་ཀྱི་མངོན་འདོད་ལ་གུས་བརྩི་ཞུས་ཏེ། རྒྱ་གཞུང་གིས་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་དུ་རྒྱ་ནག་ཏུ་དགུན་དུས་ཨོ་རྩལ་འགྲན་ཚོགས་དེ་ཚོགས་བྱེད་ཀྱི་ཡོད་པར་ངོས་ལེན་གྱི་སྤྱིར་བསྒྲགས་ཤིག་སྤེལ་དགོས་པའི་རེ་སྐུལ་ཞུས་འདུག སྐབས་དེར་ལས་འགུལ་བ་རྣམས་ནས་ཕྱག་ཏུ་བོད་ཀྱི་རྒྱལ་དར་བསྣམས་པ་དང་སྦྲགས། པེ་ཅིང་ཨོ་རྩལ་འགྲན་ཚོགས་དང་རྒྱལ་སྤྱིའི་ཨོ་རྩལ་མཐུན་ཚོགས་ཀྱི་བྱ་སྤྱོད་ལ་ངོ་རྒོལ་གྱི་ཤོག་སྦྱང་སོགས་བསྣམས་ཏེ་ངོ་རྒོལ་སྐད་འབོད་གནང་བ་མ་ཟད། རྒྱལ་སྤྱིའི་ཨོ་རྩལ་མཐུན་ཚོགས་ཀྱི་ལས་ཁུངས་ཨ་མའི་མདུན་ནས་ཞི་བའི་གོམ་བགྲོད་གནང་སྟེ། མཐར་ཨོ་ལམ་པིཀ་འགྲེམས་སྟོན་ཁང་གི་མདུན་དུ་གོམ་བགྲོད་པ་རྣམས་འདུ་འཛོམས་ཀྱིས་བོད་རྒྱལ་ཁབ་ཆེན་པོའི་རྒྱལ་གླུ་བླངས་པ་དང་ད་བར་བོད་བསྟན་སྲིད་མི་རིགས་ཀྱི་དོན་དུ་སྐུ་སྲོག་བློས་བཏང་གནང་མཁན་རྒྱལ་གཅེས་པ་ཡོངས་ལ་མྱ་ངན་གུས་འདུད་ཞུས་ཏེ། ལུ་སཎ་གྲོང་ཁྱེར་སྤྱི་ཁྱབ་པ་ llias Penchant མཆོག་དང་ཡོ་རོབ་བོད་མི་མང་སྤྱི་འཐུས། སུད་སི་བོད་ཀྱི་སྐུ་ཚབ་དོན་གཅོད། དེ་བཞིན་སུད་སི་དང་ལིག་ཏིག་སིཊཡན་བོད་རིགས་མི་མང་གཙོས་ལས་འགུལ་ཐོག་ཕེབས་པའི་ཡོ་རོབ་བོད་རིགས་ཚོགས་པ་ཁག་གི་སྐུ་ཚབ་དང། བོད་མིའི་གཞུང་འབྲེལ་མིན་པའི་ཚོགས་ཁག་གི་འཐུས་མི་སོགས་ནས་རྒྱ་ནག་གི་དགུན་དུས་ཨོ་རྩལ་འགྲན་ཚོགས་དང་རྒྱལ་སྤྱིའི་ཨོ་རྩལ་མཐུན་ཚོགས་ཀྱི་བྱ་སྤྱོད་ལ་སྐྱོན་བརྗོད་ཀྱི་གཏམ་བཤད་སྤེལ་ཡོད།དེ་བཞིན་ལས་འགུལ་ཐོག་ཉེ་སྔོན་སུད་སི་རྒྱལ་ས་སྦན་ནས་གངས་བཤུད་ལྷམ་གྱོན་ནས་རྒྱ་ནག་ཨོ་རྩལ་འགྲན་ཚོགས་ལ་ངོ་རྒོལ་གྱི་གོམ་བགྲོད་ལས་འགུལ་སྤེལ་མཁན་བོད་མི་སྒྱུ་རྩལ་བ་བློ་ལྡན་རྣམ་གླིང་ལགས་ཀྱིས་ཀྱང་ཨོ་ལམ་པིཀ་འགྲེམས་སྟོན་ཁང་དུ་ལས་འགུལ་མཇུག་སྒྲིལ་གནང་ཡོད་པ་རེད།རྩ་བའི་ཐེངས་འདིའི་རྒྱ་ནག་གི་དགུན་དུས་ཨོ་རྩལ་འགྲན་ཚོགས་ལ་དམིགས་ཏེ་ཡོ་རོབ་བོད་མིའི་ཞི་བའི་གོམ་བགྲོད་ཀྱི་ལས་འགུལ་ཆེན་མོ་སྤེལ་བ་དེ་ ༢༠༢༡ ཟླ་ ༡༢ ཚེས་ ༡༨ ནས་ ༡༩ ཉིན་གཉིས་རིང་ཕ་རན་སིའི་རྒྱལ་ས་པེ་རིས་ལ་ཚོགས་པའི་ཡུ་རོབ་བོད་རིགས་ཚོགས་པ་ཁག་གི་ལོ་འཁོར་ཚོགས་ཆེན་ཐེངས་གཉིས་པའི་ཐོག་གྲོས་ཆོད་བཞག་ཡོད་པ་ལྟར་ལས་འགུལ་དེ་སུད་སི་དང་ལིག་ཏིག་སིཊཡན་བོད་རིགས་མི་མང་ཚོས་གཙོ་འགན་བཞེས་ཏེ་གོ་སྒྲིག་གནང་བ་ཞིག་ཡིན་པ་རེད།

དེ་རིང་རྒྱ་ནག་གི་པི་ཅིང་གི་དགུན་དུས་ཀྱི་ཨོ་རྩལ་དངོས་སུ་འགོ་འཛུགས་ཀྱི་ཡོད་པའི་སྔ་རོལ་དུ། ཁ་སང་ཨ་རིའི་གྲོས་ཚོགས་གོང་མའི་དབུས་སུ།  ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གི་གོ་སྒྲིག་འོག་ཉན་ཞིབ་ཀྱི་ལས་རིམ་ཞིག་ཚོགས་འདུག་པ་དང་། ལས་རིམ་དེའི་ཐོག རྒྱ་ནག་གི་དྲག་སྤྱོད་ཀྱི་འོག་ཏུ་མནར་གཅོད་མྱངས་བའི་བོད་ཀྱི་ཆབ་སྲིད་བཙོན་ཟུར་དམ་པ། སྤྲུལ་སྐུ་བསྟན་འཛིན་བདེ་ལེགས་མཆོག་གི་ཚ་མོ་ཉི་མ་ལྷ་མོ་ལགས་དང་། ཡུ་གུར་ཐོབ་ཐང་རྩོད་ལེན་པ་སྐུ་ཞབས་ Ilham Tohti ལགས་ཀྱིས་བུ་མོ Jewher Tohti ལགས། རྒྱ་རིགས་འགྲོ་བ་མིའི་ཐོབ་ཐང་རྩོད་ལེན་པ་ Ding Jiaxi ལགས་ཀྱི་སྐུ་ཟླ་ Sophie Lao ལགས། དེ་བཞིན་ཧོང་ཀོང་གི་མང་གཙོ་རྩོད་ལེན་པ་ Nathan Law དང་ China Change ཞེས་པའི་རྒྱ་ནག་གི་དུས་དེབ་ཀྱི་རྩོམ་སྒྲིག་པ Yaxue Cao ལགས་བཅས་རྒྱ་ནག་གི་དྲག་སྤྱོད་དངོས་སུ་མྱངས་མྱོང་མཁན་ཁག་གཅིག་ལྷན་བཞུགས་ཐོག་རྒྱ་གཞུང་གི་མི་སྤྱོད་ལས་འདས་པའི་དྲག་སྤྱོད་ཐད་ཚོགས་ཆུང་ལ་སྙན་གསེང་ཞུས་པ་མ་ཟད། ཉན་ཞིབ་ཀྱི་ལས་རིམ་དེའི་ཐོགཨ་རའི་གྲོས་ཚོགས་འོག་མའི་ཚོགས་གཙོ་ལྕམ་སྐུ་Nancy Pelosi མཆོག་དམིགས་བསལ་ཆེད་ཕེབས་ཀྱིས་གཏམ་བཤད་གནང་འདུགལྕམ་ནེན་སི་པོ་ལོ་སི་(Nancy Pelosi)ལགས་ཀྱིས་སྐབས་དེར་གཏམ་བཤད་གནང་བའི་ནང་དུ། རྒྱ་ནག་གིས་འདས་པའི་ལོ་ངོ་བཅུ་ཕྲག་འགའ་ཤས་རིང་ནས་འགྲོ་བ་མིའི་ཐོབ་ཐང་རྡོག་རོལ་གྱི་གནད་དོན་ཁག་རྒྱལ་སྤྱིའི་སྤྱི་ཚོགས་ཁྲོད་གླེང་སློང་བྱེད་རྒྱུར་གཡོལ་ཐབས་བྱེད་བཞིན་པ་ལྟར། ཐེངས་འདིའི་དགུན་དུས་ཀྱི་ཨོ་རྩལ་འགྲན་ཚོགས་བརྒྱུད་སླར་ཡང་ཐབས་ཤེས་དེ་རང་བྱེད་རྒྱུ་ཡིན་པར་བསྒྲགས་པ་མ་ཟད། རྒྱ་ནག་གི་བྱེད་ལས་ལ་ལྟོས་མེད་ཀྱིས། ཨ་རི་གཙོ་བྱས་པའི་རྒྱལ་སྤྱིའི་སྤྱི་ཚོགས་ཀྱིས་གསལ་བོར་ཤེས་བ་ཞིག་ནི། རྒྱ་ནག་གིས་འགྲོ་བ་མིའི་ཐོབ་ཐང་ལ་ཚབས་ཆེན་གྱི་རྡོག་རོལ་གཏོང་བཞིན་པ་མ་ཟད་མི་རིགས་རྩ་གཏོར་གྱི་བྱ་སྤྱོད་སྤེལ་བཞིན་ཡོད་ཅེས་གསུངས་འདུག སྒྲ།། ཁོང་གིས་ད་དུང་པེ་ཅིང་གི་ཨོ་རྩལ་འགྲན་བསྡུར་གྱི་སྐབས་སུ་ཨ་རིའི་རྩེད་འགྲན་པ་རྣམས་ཀྱིས་སྙིང་རྗེ་བྲལ་བའི་རྒྱ་ནག་སྲིད་གཞུང་ལ་གཟབ་གཟབ་གནང་དགོས་བའི་འབོད་སྐུལ་གནང་སྟེ། ཨ་རིའི་ངོས་ནས་རང་ཉིད་ཀྱི་རྩེད་འགྲན་པ་རྣམས་ལ་མཐའ་གཅིག་ཏུ་རྒྱབ་སྐྱོར་ཞུ་མུས་ཡིན་པ་དེ་ལྟར་ཡང་རྒྱ་ནག་ནང་གི་འགྲོ་བ་མིའི་ཐོབ་ཐང་ཐད་ཞལ་ཙུམ་ནས་འདུག་རྒྱུ་མིན་པར་གསུངས་འདུག དེ་བཞིན་ཁོང་གིས་ཡོང་རྒྱུར་བསྡད་པའི་བདུན་ཕྲག་གཉིས་ཀྱི་ནང་དུ། རྒྱ་ནག་གིས་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་གནད་དོན་ཁག་ཡོང་གྲགས་བྱ་རྒྱུར་ཨ་རིའི་གཞུང་ལ་བཟང་སྤྱོད་ཀྱི་འགན་འཁྲི་ཡོད་པར་བསྒྲགས་པ་དང་ཆབས་གཅིག ཐེངས་འདིའི་སྐྱོན་བརྗོད་དེ་ནི་རྒྱ་ནག་མི་མང་ལ་དམིགས་པ་ཞིག་མིན་པར། རྒྱ་ནག་མི་མང་སྤྱིི་མཐུན་རྒྱལ་ཁབ་ཀྱི་དྲག་གནོན་བྱེད་མཁན་གྱི་སྲིད་གཞུང་ལ་དམིགས་པ་ཞིག་ཡིན་པར་འགྲེལ་བརྗོད་ཀྱིས། རྒྱ་ནག་སྲིད་གཞུང་གིས་ཐེ་ཝན་ལ་བརྙན་བཅོས། ཧོང་ཀོང་ནང་གི་གཞི་རྩའི་རང་དབང་ལ་དྲག་གནོན། དེ་བཞིན་ལོ་བཅུ་ཕྲག་ཁ་ཤས་ཀྱི་རིང་ལ་བོད་ཀྱི་ཆོས་དང་རིག་གཞུང་། དེ་བཞིན་སྐད་ཡིག་སོགས་ལ་རྒོལ་རྡུང་བཏང་ཡོད་པར་གསུངས་འདུག ཉན་ཞིབ་ཀྱི་ལས་རིམ་དེའི་ཐོག་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གི་ཚོགས་གཙོ་སྐུ་ཞབས་Jim McGovern ལགས་ཀྱིས་རྒྱ་ནག་གིས་ཡུ་གུར་ཁ་ཆེ་མི་རིགས་རྣམས་རྩ་གཏོར་གྱི་སྲིད་བྱུས་ལག་བསྟར་བྱེད་བཞིན་པ་བསྐྱར་ནན་དང་འབྲེལ། རྒྱ་ནག་གིས་རྩེད་འགྲན་པ་རྣམས་ཀྱིས་སྤྱོད་དགོས་བར་བཟོས་བའི་མཉེན་ཆས་དེས་མི་སྒེར་གྱི་གནས་ཚུལ་རྐུ་འཁྱེར་བྱེད་རྒྱུ་དང་། རྩེད་འགྲན་པ་རྣམས་ལ་སྤྲད་པའི་གྱོན་པ་དང་ཟ་མ་རྣམས་ཀྱང་རྒྱ་ནག་གི་ངལ་རྩོལ་སྒྱུར་བཀོལ་བྱས་ནས་ཐོན་སྐྱེད་བྱས་པ་ཞིག་ཡིན་པར་བསྒྲགས་ཏེ། ཨོ་རྩལ་འགྲན་ཚོགས་ལ་འཛུལ་ཞུགས་བྱེད་མཁན་རྣམས་ཀྱིས་རང་གི་ཉེན་ཁ་ལ་གཟབ་ནན་བྱེད་དགོས་པའི་སྐུལ་མ་གནང་བ་མ་ཟད། རྒྱ་ནག་གི་ཨོ་རྩལ་ལ་སྦྱིན་བདག་བྱེད་མཁན་རྣམས་ཀྱིས་དཔལ་འབྱོར་གྱི་ཁེ་ཕན་ལ་བརྟེན་ནས་འགྲོ་བ་མིའི་ཐོབ་ཐང་རྡོག་རོལ་གཏོང་མཁན་གྱི་རྒྱ་གཞུང་དང་ལྷན་དུ་ཚོང་འབྲེལ་བྱེད་ཀྱི་ཡོད་པ་དེ་ནི་ནོར་འཁྲུལ་ཡིན་པར་གསུངས་འདུགཉན་ཞིབ་ཀྱི་ལས་རིམ་དེིའི་ཐོག་ཉི་མ་ལྷ་མོ་ལགས་ཀྱིས་རྒྱ་ནག་གི་བཀག་ཉར་འོག་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་སྐུ་བཀྲོང་བའི་གནས་ཚུལ་དང་། ད་ལྟའང་ཁོང་གི་ཨ་མ་གཙོས་པའི་ནང་མི་རྣམས་ལ་དམ་དྲག་སུནགཙེར་བྱེད་བཞིན་པ་སྙན་གསེང་དང་འབྲེལ། འཕྲོད་བསྟེན་གྱི་གནས་བབ་འོག་ནས་ཁོང་གི་ཨ་མ་རང་དབང་ལུང་པའི་ནང་བསླེབ་ཐུབ་པར་ཕྱག་རོགས་དགོས་པའི་འབོད་སྐུལ་གནང་བ་མ་ཟད། པཎ་ཆེན་རིན་པོ་ཆེ་མཆོག་གི་དབུས་པའི་བོད་ཀྱི་ཆབ་སྲིད་བཙོན་པ་ཁག་ཅིག་གི་གནད་དོན་འབུར་འདོན་གྱིས་ཁོང་རྣམ་པར་གློད་གྲོལ་གནང་ཐབས་དགོས་པའི་ཞུ་སྐུལ་གནང་འདུག

རྒྱ་ནག་གཞུང་གིས་བོད་ནང་ཆོས་ལུགས་རང་དབང་གི་ཐད་དམ་དྲག་ཇེ་ཆེར་བྱེད་བཞིན་པའི་ཐོག་སྔར་ལོའི་ཕྱི་ཟླ་ ༡༢ ཚེས་ ༢༠ ཉིན་རྒྱ་ནག་སྲིད་གཞུང་གིས་དྲྭ་རྒྱ་བརྒྱུད་ཆོས་ཕྱོགས་ཀྱི་བྱེད་སྒོར་ཞིབ་དཔྱོད་བྱ་རྒྱུའི་ཁྲིམས་སྒྲིག་གསར་པ་ཞིག་གཏན་འབེབ་བྱས་རྗེས་མཚོ་སྔོན་ཁུལ་གྱི་ཆོས་ཕྱོགས་དང་འབྲེལ་བའི་སྐད་འཕྲིན་ཚོགས་པ་ཁག་ཅིག་འཕྲལ་དུ་སྒོ་བརྒྱབ་འདུགསྤྱིར་ཁྲིམས་སྒྲིག་དེ་ནི་རྒྱ་ནག་གི་ཆོས་དོན་ལས་ཁུངས་དང་དྲ་རྒྱ། བརྡ་འཕྲིན་ལས་ཁུངས། བཟོ་ལས་དང་བརྡ་འཕྲིན་གྱི་བློན་ཆེན་ལས་ཁུངས། མི་མང་བདེ་འཇགས་ཀྱི་བློན་ཆེན་ལས་ཁུངས། རྒྱལ་ཁབ་བདེ་འཇགས་ཀྱི་བློན་ཆེན་ལས་ཁུངས་བཅས་སྡེ་ཁག་ལྔས་ཆེད་བཟོ་བྱས་པ་ཞིག་ཡིན་པ་མ་ཟད་སྔར་ལོའི་ཕྱི་ཟླ་ ༡༢ ནང་རྒྱ་ནག་དམར་ཤོག་ཚོགས་པས་ཆོས་ཕྱོགས་ཀྱི་བྱེད་སྒོའི་ཐོག་བགྲོ་གླེང་བྱ་རྒྱུའི་ལྷན་ཚོགས་ཤིག་ཚོགས་སྐབས་ཞི་ཅིན་ཕིང་གིས་དྲྭ་རྒྱ་བརྒྱུད་དེ་ཆོས་ཕྱོགས་ཀྱི་ལས་རིམ་སྤེན་མཁན་དང་སྲིད་གཞུང་གི་གཏན་འབེབས་བྱས་པའི་ཆོས་ཕྱོགས་ཀྱི་སྲིད་བྱུས་ལ་ངོ་རྒོལ་བྱེད་མཁན་རྣམས་ལ་ཉེས་ཆད་གཏོང་དགོས་པ། ཆོས་ཕྱོགས་ཀྱི་ཚོགས་པ་དང་བྱེད་སྒོ་ཁག་གང་སྤེལ་ཐམས་ཅད་སྲིད་གཞུང་གི་སྣེ་ཁྲིད་འོག་ཤར་སྐྱོད་དགོས་པ་བཤད་ཡོད།རྒྱ་གཞུང་གི་ཁྲིམས་སྒྲིག་གསར་པ་དེ་དང་འབྲེལ་ཏེ་དྷ་སར་རྟེན་གཞི་བྱས་པའི་ Tibet Watch  བོད་གནས་ལྟ་ཞིབ་ཁང་གིས་ཁུངས་ལྡན་གནས་ཚུལ་མཁོ་སྤྲོད་བྱུང་བའི་ནང་དོན་འགྲེལ་བརྗོད་གནང་བར་བོད་མདོ་སྨད་ཁུལ་དུ་མི་མང་བདེ་འཇགས་ཟེར་བའི་ལས་ཁུངས་ཀྱིས་གསང་པའི་ཐོག་ནས་སྤྱི་ཚོགས་དྲྭ་ལམ་ཁག་ལ་ཞིབ་བཤེར་བྱས་ནས་སྤྱི་ཚོགས་བརྒྱུད་ལམ་ WeChat ནང་ཆོས་ཕྱོགས་དང་འབྲེལ་བའི་གནད་དོན་བརྒྱུད་སྤེལ་བྱ་རྒྱུར་བཀག་སྡོམ་བྱས་ཟིན་ཡོད་པ་མ་ཟད་ཕྱི་ལོ་ ༢༠༢༢ ཟླ་  ༡ ཚེས་ ༢༠ ཉིན་མཚོ་སྔོན་ཁུལ་དུ་སྐད་འཕྲིན་གྱི་ཚོགས་པ་བཟང་སྤྱོད་ཚོགས་པ་དང་གུ་རུ་སིདྡྷི་ཚོགས་པ། དེ་བཞིན་མ་ཎི་ཚོགས་པ་བཅས་ས་གནས་གཞུང་གིས་བཙན་དབང་ཐོག་ནས་འཕྲལ་མར་སྒོ་བརྒྱབ་བཅུག་ཡོད་སྟབས། ད་ཆ་བོད་ཁུལ་གྱི་བོད་མི་བརྒྱ་ཕྲག་དང་སྟོང་ཕྲག་མང་པོར་ཆོས་ཕྱོགས་ཀྱི་གནས་ཚུལ་རག་ཁུངས་ནི་རྒྱ་ནག་གཞུང་གི་སྟངས་འཛིན་བྱས་པའི་ཆོས་ཕྱོགས་ཀྱི་ཚོགས་པ་ཁོ་ན་ཆགས་ཀྱི་ཡོད་པར་གསུངས་པ་དང་སྦྲགས། ཆོས་དད་རང་དབང་ཞེས་པ་དེ་རྒྱ་ནག་གི་རྩ་ཁྲིམས་ནང་གསལ་ཡོད་ཀྱང་རྒྱ་ནག་གཞུང་དང་ལག་སྦྲེལ་བྱེད་མཁན་འབའ་ཞིག་མ་གཏོགས་གཞན་རྣམས་ལ་རྩ་ཁྲིམས་ཀྱི་ནང་དོན་ལྟར་དོན་དམ་གྱི་རང་དབང་མེད་པ་མ་ཟད། རྒྱ་ནག་དམར་ཤོག་ཚོགས་པས་རང་སྣང་གང་ཤར་གྱི་ཐོག་ནས་རྩ་ཁྲིམས་ཀྱི་ནང་དོན་ལའང་བསྒྱུར་བཅོས་བཏང་དང་གཏོང་བཞིན་ཡོད་པ་རེད།རྩ་བའི་ ༢༠༢༢ ཕྱི་ཟླ་ ༣ ཚེས་ ༡ ནས་ལག་བསྟར་བྱ་རྒྱུའི་ཁྲིམས་སྒྲིག་དེའི་ནང་དབང་འཛིན་མི་སྣར་དབང་ཚད་མཐོ་རུ་བཏང་ནས་དྲྭ་རྒྱ་བརྒྱུད་དེ་ཆོས་ཕྱོགས་ཀྱིས་ལས་དོན་གཉེར་མཁན་ལ་གསོ་མྱུལ་བྱ་རྒྱུ་དང་། ཕྱི་ཕྱོགས་ནས་ཆོས་ཕྱོགས་ཀྱི་གནད་དོན་བརྒྱུད་སྤེལ་བྱེད་མཁན་གྱི་ཚོགས་སྒེར་ཀུན་ལ་བོད་དང་རྒྱ་ནག་ནང་དུ་དྲྭ་རྒྱ་བརྒྱུད་ནས་ཆོས་ཕྱོགས་ཀྱི་ལས་དོན་གཉེར་རྒྱུར་བཀག་སྡོམ་བྱ་རྒྱུ་ཙམ་མ་ཟད་བོད་དང་རྒྱ་ནག་ཏུ་དྲྭ་རྒྱ་བརྒྱུད་ཆོས་ཕྱོགས་ཀྱི་ལས་དོན་གཉེར་བར་རྒྱ་ནག་གཞུང་གིས་སྤྲད་པའི་ཆོག་མཆན་ལག་འཁྱེར་དགོས་ཀྱི་ཡོད་འདུག ལག་འཁྱེར་མེད་མཁན་རྣམས་ནས་དྲ་རྒྱ་བརྒྱུད་དེ་ཆོས་ཕྱོགས་ཀྱི་ལས་དོན་རིགས་གཉེར་མི་ཆོག་པའི་ཁར་གསུང་ཆོས་དང་ཁ་འདོན་སོགས་སྒྲ་འཇུག་བྱེད་ཆོག་གི་མེད་པ་དང་། ཆོས་ཕྱོགས་དང་འབྲེལ་བའི་བརྙན་དང་པར་སོགས་བརྒྱུད་སྤེལ་མི་ཆོག་པ། ཅི་སྟེ་མི་སྣ་སུ་རུང་ཞིག་གིས་ལག་འཁྱེར་མེད་པར་ལས་དོན་དེ་དག་བརྩམ་པའམ་གཉེར་ཚེ་ཉེས་ཆད་གཏོང་དགོས་ཞེས་བཤད་ཡོད་པ་བཀོད་འདུག

ལ་དྭགས་ Galwan ཡུལ་གཤོང་དུ་བྱུང་བའི་དོན་རྐྱེན་སྐབས་ཀྱི་རྒྱ་ནག་གི་དམག་དཔོན་ Qi Fabao ཟེར་བ་རྒྱ་ནག་གིས་པེ་ཅིང་དགུན་དུས་ཨོ་ལམ་པིཀ་ཡི་སྐོར་སྐྱོད་ཀྱི་དཔལ་འབར་འཁྱེར་མཁན་ལ་འདེམས་སྒྲུག་བྱས་པར་རྒྱ་གར་ཕྱོགས་ནས་གཟིགས་སྟངས་ཡག་པོ་བྱུང་མེད་པ་མངོན་གསལ་དང་འབྲེལ། ཨ་རིའི་གྲོས་ཚོགས་གོང་མའི་འཐུས་མིས་རྒྱ་ནག་ལ་སྐྱོན་བརྗོད་གནང་འདུག  པེ་ཅིང་ནང་དགུན་དུས་ཨོ་རྩལ་སྐོར་སྐྱོད་ཀྱི་དཔལ་འབར་འཁྱེར་མཁན་ཁྲོད་ Qi Fabao འདེམས་སྒྲུག་བྱུང་བ་ལྟར་ཨ་རིའི་གྲོས་ཚོགས་གོང་མའི་ཕྱི་འབྲེལ་ལས་དོན་ཚོགས་ཆུང་གི་ཚོགས་གཙོ་སྐུ་ཞབས་Jim Risch ལགས་ཀྱིས་རྒྱ་ནག་གི་བྱེད་ཕྱོགས་དེ་ནི་ངོ་ཚ་མེད་པ་ཞིག་དང་ཨ་རིའི་ངོས་ནས་ཡུ་གུར་གྱི་རང་དབང་དང་རྒྱ་གར་གྱི་ས་ཁོངས་བདག་དབང་ཐད་རྒྱབ་སྐྱོར་ཞུ་རྒྱུའི་ཞལ་བཞེས་གནང་འདུག སྤྱིར་ལ་དྭགས་གྷལ་ཝན་གྱི་དོན་རྐྱེན་ཁྲོད་རྒྱ་དཀར་ནག་གི་དམག་མི་དབར་འཐབ་འཛིང་བྱུང་སྟེ་རྒྱ་གར་གྱི་དམག་མི་ ༢༠ འདས་གྲོངས་དང་དེ་བཞིན་རྒྱ་ནག་གི་དམག་མི་ ༤ འདས་གྲོངས་སུ་གྱུར་ཡོད་ཀྱང་། རྒྱ་ནག་གི་དམག་མི་འདས་གྲོངས་སུ་གྱུར་བའི་གྲངས་ཐོ་མངོན་གསལ་བྱས་པ་དེ་ལས་མང་བ་བྱུང་ཡོད་པར་དོགས་གཞི་བྱུང་ཡོད། གྷལ་ཝན་གྱི་དོན་རྐྱེན་ Qi Fabao ཟེར་བའི་དམག་དཔོན་དེའི་མགོར་རྨས་སྐྱོན་ཕོག་པ་དང་།   ད་ལན་ཁོ་བོ་ཨོ་ལམ་པིཀ་ཡི་དཔལ་འབར་འཁྱེར་མཁན་མི་གྲངས་ ༡༢༠༠ ཁོངས་སུ་མིང་འདོན་བྱས་རྗེས་རྒྱ་གཞུང་གིས་གཉེར་བའི་ Global Times གསར་ཁང་ནས་གྷལ་ཝན་གྱི་དོན་རྐྱེན་དང་འབྲེལ་ཁོ་པར་ཆེ་བསྟོད་བྱས་པ་དང་ཆབས་ཅིག ཕྱི་ཟླ་ ༡༢ ནང་ཁོས་རྒྱ་ནག་གི་ CCTV ནང་དམག་སར་འགྲོ་རྒྱུ་དང་བསྐྱར་དུ་དམག་འཛིང་རྒྱུར་གྲ་སྒྲིག་ཡོད་ཅེས་སྐད་ཆ་ཡང་བཤད་ཡོད་པ་རེད། ཕྱི་འབྲེལ་སྲིད་བྱུས་མཁས་པ་དང་གསར་འགོད་པ་དེ་བཞིན་ཆབ་སྲིད་ཀྱི་ཞིབ་འཇུག་པ་བཅས་ནས་རྒྱ་ནག་གིས་དམག་དཔོན་ཞིག་སྲོལ་རྒྱུན་གྱི་དཔལ་འབར་སྐོར་སྐྱོད་ལ་བདམས་པར་དགག་པ་གནང་ཡོད་ཀྱང་། རྒྱ་ནག་ནས་དེར་ཁ་ཡ་བྱས་མེད་པ་དང་ལྷག་པར་དུ་རྒྱ་དཀར་ནག་ཕྱོགས་གཉིས་ནས་འཕགས་བོད་མཐའ་མཚམས་སུ་དམག་མི་ཕྱིར་འཐེན་གྱི་བཤད་ཆ་འགྲོ་བཞིན་པའི་ཁྲོད་འདིར་རྒྱ་ནག་གིས་གཙོ་བོ་དུས་ནས་དུས་སུ་གྷལ་ཝན་གྱི་གནད་དོན་དེ་སྤྱི་དམངས་ཀྱི་སྡིངས་ཆར་མངོན་གསལ་དང་སྦྲགས། འཁྱོག་བཤད་དྲིལ་བསྒྲགས་བྱེད་ཀྱི་ཡོད་པ་བརྒྱུད་ལམ་ཁག་ཏུ་གསལ་འདུགགཞི་རྩའི་ཟླ་ ༡ ཚེས་ ༡༢ ཉིན་རྒྱ་དཀར་ནག་ཕྱོགས་གཉིས་དབར་གྱི་བཀའ་མོལ་ཐེངས་ ༡༤ པ་དེ་གནང་ཡོད་ཀྱང་དོན་འབྲས་གང་ཡང་སོན་མེད་པ་མ་ཟད་ལྷག་དོན་རྒྱ་ནག་གིས་མཐའ་མཚམས་ནས་དམག་མི་ཡོངས་རྫོགས་ཕྱིར་འཐེན་བྱ་རྒྱུའི་གནད་དོན་ཐོག་མོས་མཐུན་བྱས་མེད་པ་རེད།

སང་ཉིན་རྒྱ་ནག་གི་རྒྱལ་ས་པེ་ཅིང་དུ་འཛམ་གླིང་རྒྱལ་ཁབ་འདྲ་མིན་ ༢༡ གི་འགོ་ཁྲིད་མགྲོན་འབོད་བྱས་ཡོད་པའི་ཐོག་ ༢༠༢༢ ལོའི་པེ་ཅིང་གི་དགུན་དུས་ཨོ་རྩལ་འགྲན་ཚོགས་དངོས་སུ་འགོ་འཛུགས་བྱེད་ཀྱི་ཡོད་པ་ལྟར་དེའི་ཁོངས་ནས་མང་ཆེ་བ་མང་གཙོ་རྒྱབ་འགལ་གྱི་སྲིད་དབང་སྒེར་འཛིན་ལམ་ལུགས་འཛིན་མཁན་གྱི་འགོ་ཁྲིད་འབའ་ཞིག་ཆགས་ཀྱི་ཡོད་པར་མངོན་གསལ་གནང་འདུགདེ་རིང་ bloomberg quint གསར་འགྱུར་ལས་ཁང་གིས་དེ་འབྲེལ་གནས་ཚུལ་བཀོད་པར་པེ་ཅིང་དུ་འཚོགས་རྒྱུའི་ཨོ་རྩལ་འགྲན་ཚོགས་ཀྱི་མཛད་སྒོར་མགྲོན་འབོད་བྲས་པའི་རྒྱལ་ཁབ་ཁག་གི་འགོ་ཁྲིད་ཁོངས་ནས་ཨུ་རུ་སུའི་སྲིད་འཛིན་སྐུ་ཞབས་ Vladimir Putin གཙོས་གཞན་འགོ་ཁྲིད་མི་སྣ་བཅིུས་མང་གཙོ་རྒྱབ་འགལ་གྱི་སྲིད་དབང་སྒེར་འཛིན་ལམ་ལུགས་འཛིན་མཁན་ཤ་སྟག་ཆགས་ཀྱི་ཡོད་པ་དང་རྒྱལ་ཁབ་དེ་དག་ནི་དབྱིན་ཡུལ་ལོན་ཊོན་དུ་རྟེན་གཞི་བྱས་པའི་ Economist Intelligence Unit ཞེས་པའི་ཚོགས་པས་དེ་སྔ་འདོན་སྤེལ་གནང་བའི་མང་གཙོའི་ཚད་གཞི་མཚུངས་བསྡུར་གནང་སྟེ་གྲུབ་དོན་སྙན་ཐོ་ནང་དུ་མི་གཅིག་དབང་འཛིན་རིང་ལུགས་ཀྱི་གཞུང་ཤ་སྟག་ཆགས་ཡོད་པ་མངོན་གསལ་གནང་ཡོད། ཨོ་རྩལ་འགྲན་ཚོགས་ཐོག་མགྲོན་འབོད་བྱས་པའི་རྒྱལ་ཁབ་ ༢༡ དེ་དག་གི་ཁོངས་ནས་རྒྱལ་ཁབ་བརྒྱད་ནི་ཨ་རིའི་རང་དབང་ཁང་པའི་སྙན་ཐོ་ནང་རང་དབང་ཡོད་པའི་རྒྱལ་ཁབ་ལ་ངོས་འཛིན་གནང་འདུགའདས་ལོར་ཨ་རིས་གཙོས་ནུབ་ཕྱོགས་རྒྱལ་ཁབ་ཁག་ཅིག་ནས་རྒྱ་གཞུང་གིས་ཤིན་ཅང་མང་ཚོགས་ཀྱི་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་གནས་སྟངས་ལུང་འདྲེན་གྱིས་ཨོ་རྩལ་འགྲན་ཚོགས་ཐོག་གཞུང་འབྲེལ་སྐུ་ཚབ་གཏོང་རྒྱུ་མིན་པའི་ཡོངས་གྲགས་གནང་བའི་མཚམས་སུ་རྒྱ་གཞུང་གིས་ཨ་རིའི་ངོས་ནས་སྐྱོན་བརྗོད་གནང་བ་དེ་དག་རྫུན་གཏམ་ཡིན་པར་འགྲེལ་བརྗོད་ཀྱིས་དེ་འབྲེལ་ལྟ་སྤྱོད་མི་མཐུན་པའི་རྒྱབ་འགལ་གྱི་ ཆབ་སྲིད་མི་སྣ་འགྲན་ཚོགས་ཐོག་མགྲོན་འབོད་བྱ་རྩིས་མེད་ཅེས་ལན་འདེབས་བྱས་ཡོད།སྤྱིར་ཨོ་རྩལ་འགྲན་ཚོགས་ལ་དུས་རྒྱུན་ནས་མཉམ་ཞུགས་གནང་མཁན་མང་དག་ཅིག་ཡོང་གི་ཡོད་པ་དང་དེའི་ནང་རྒྱལ་སྤྱིའི་གཞུང་ནས་རང་ཉིད་ཀྱི་འགོ་ཁྲིད་སོགས་ཆེད་གཏོང་གནང་སྲོལ་ཡོད་ཀྱང་ཐེངས་འདིའི་པེ་ཅིང་གི་དགུན་དུས་ཨོ་རྩལ་འགྲན་ཚོགས་ཐོག་ཨ་རིས་གཙོས་པའི་མང་གཙོའི་རྒྱལ་ཁབ་ཁག་ཅིག་ནས་རྒྱ་ནག་གི་འགྲོ་བ་མིའི་ཐོབ་ཐང་གི་གནད་དོན་དང་སྒོས་ཏོག་དབྱིབས་གཉན་རིམས་ལ་ཁ་གཡར་ནས་དེ་དག་གི་འགོ་ཁྲིད་ཁག་མཉམ་ཞུགས་གནང་གི་མེད་པ་དང་། Pew ཉམས་ཞིབ་ལྟེ་གནས་ཁང་གིས་དཔྱད་ཞིབ་གནང་བའི་གྲུབ་དོན་ནང་གསལ་འདས་པའི་ལོ་ཤས་ནས་ནུབ་ཕྱོགས་རྒྱལ་ཁབ་ཁག་གི་ངོས་ནས་རྒྱ་ནག་ལ་རྒྱབ་སྐྱོར་གྱི་རྣམ་པ་མངོན་གསལ་གནང་མཁན་ཇེ་ཉུང་ཆགས་ཡོད་པ་བཀོད་འདུགདེ་རིང་སྲིད་འཛིན་ཞི་ཅིན་ཕིང་གིས་དྲྭ་བརྙན་བརྒྱུད་པེ་ཅིང་དུ་ཚོགས་པའི་རྒྱལ་སྤྱིའི་ཨོ་རྩལ་ལྷན་ཚོགས་ཀྱི་ཚོགས་ཆེན་ཐེངས་ ༡༣༩ སྒོ་འབྱེད་མཛད་སྒོར་མཉམ་ཞུགས་ཀྱིས་གཏམ་བཤད་བྱས་པ་དང་སྐབས་དེར་ཞི་ཅིན་ཕིང་གིས་པེ་ཅིང་དུ་ཕེབས་པའི་རྒྱལ་སྤྱིའི་ཨོ་རྩལ་ལྷན་ཚོགས་ཀྱི་ཚོགས་གཙོ་སྐུ་ཞབས་ Thomas Bach གཙོས་ལྷན་ཚོགས་ཀྱི་ཚོགས་མི་རྣམ་པར་དགའ་བསུའི་འཚམས་འདྲི་བྱས་པ་དང་སྦྲགས། འཛམ་གླིང་འདིར་དེ་སྔ་ལོ་ངོ་བརྒྱ་ཡི་ནང་ཚུད་ལ་བྱུང་མྱོང་མེད་པའི་འཛམ་གླིང་རྒྱ་ཁྱབ་ཏུ་ཁྱབ་པའི་ཏོག་དབྱིབས་གཉན་རིམས་རྐྱེན་གྱིས་འགྲོ་བ་མིའི་རིགས་ལ་ཞི་ལྷིང་མེད་པའི་ངལ་བ་དུ་མ་འཕྲད་ཡོད་པའི་དཀའ་ཚེགས་ཅན་གྱི་དུས་སུ་རྒྱལ་སྤྱིའི་ཨོ་རྩལ་ལྷན་ཚོགས་ཀྱིས་སྙིང་སྟོབས་དང་བཟོད་བསྲན་ཐོག་ནས་གོ་ལ་ཆིག་སྒྲིལ་དང་མཉམ་སྦྲེལ་ཡོང་སླད་སྐུལ་འདེད་གནང་རྒྱུར་དམིགས་བསལ་འགན་འཁུར་བཞེས་པ་མ་ཟད། ལྷག་དོན་འདས་པའི་ལོ་ཤས་ནས་རྒྱ་ནག་ནང་གི་རྩེད་རིགས་ཡར་རྒྱས་མཚོན་པའི་ཐེངས་འདིའི་ཨོ་རྩལ་འགྲན་ཚོགས་གོ་སྒྲིག་བྱ་རྒྱུར་རྒྱབ་སྐྱོར་དང་ལམ་སྟོན་གནང་བ་སོགས་ལ་ཐུགས་རྗེ་ཆེ་ཞེས་བཤད་པ་མ་ཟད། རྒྱ་ནག་གི་ངོས་ནས་ཨོ་རྩལ་འགྲན་ཚོགས་ཀྱི་ལས་འགུལ་ནང་ཆ་ཤས་ཧུར་བརྩོན་བླངས་ཏེ་དེའི་སྙིང་སྟོབས་ལ་བརྩི་སྲུང་བྱས་ཡོད་པ་བཞིན་ད་ལན་ཡང་ཨོ་ལམ་པིཀ་ཡི་དམིགས་ཡུལ་རྣམས་དངོས་ཡོད་ལག་བསྟར་ཡོང་སླད་ཁས་ལེན་བྱ་རྒྱུའི་དམ་བཅའ་གཏན་པོ་ཡོད་ཚུལ་བཤད་འདུགཁོ་པས་ད་དུང་པེ་ཅིང་དགུན་དུས་ཨོ་རྩལ་འགྲན་ཚོགས་དེ་སང་ཉིན་ཕྱི་དྲོ་འགོ་འཛུགས་བྱ་ཡི་ཡོད་པ་དང་སྐབས་དེར་འཛམ་གླིང་གི་རྒྱལ་ཁབ་ཚང་མས་རྒྱ་ནག་ལ་དོ་སྣང་བྱ་རྒྱུ་ཡིན་པ་ལྟར་རྒྱ་ནག་གི་ངོས་ནས་ཀྱང་དེར་གྲ་སྒྲིག་བྱས་ཡོད་པ་མ་ཚད་པར་འཛམ་གླིང་ཀུན་ལ་ཨོ་ལམ་པིཀ་ཡི་ཁས་ལེན་རྩ་ཚིག་མཉམ་སྦྲེལ་ཐོག་ཆེས་མྱུར་པོ་དང་མཐོ་པོ། དེ་བཞིན་སྟོབས་ཤུགས་ལྡན་པའི་འབོད་ཚིག་འོག་རྒྱ་གཞུང་ནས་ཐེངས་འདིའི་ཨོ་རྩལ་འགྲན་ཚོགས་བརྒྱུད་མང་ཚོགས་ལ་ཉེན་ཁ་མེད་པ་དང་ངོ་མཚར་ཅན་གྱི་རྩེད་མོ་ཁག་ཅིག་གཟིགས་འབུལ་ཞུ་རྒྱུ་ཡིན་ཞེས་བཤད་ཡོད་པ་རེད།དེ་བཞིན་སྐབས་དེར་རྒྱལ་སྤྱིའི་ཨོ་རྩལ་ལྷན་ཚོགས་ཀྱི་གཙོ་འཛིན་སྐུ་ཞབས་ Thomas Bach ལགས་ཀྱིས་ཐེངས་འདིའི་པེ་ཅིང་ཨོ་རྩལ་འགྲན་ཚོགས་བརྒྱུད་རྒྱལ་སྤྱིའི་དགུན་དུས་རྩེད་འགྲན་གྱི་ལེའུ་གསར་གཏོད་གནང་གི་ཡོད་སྐོར་གསུངས་པ་དང་འབྲེལ། ལྷན་ཚོགས་འདི་ཆབ་སྲིད་ཀྱི་སྒྲིག་འཛུགས་ཤིག་མིན་སྐོར་བསྐྱར་ནན་བྱས་པ་མ་ཟད། རྒྱལ་ཁབ་ཁག་ཅིག་གིས་ཐེངས་འདིའི་ཨོ་རྩལ་འགྲན་ཚོགས་ཐོག་སྐུ་ཚབ་ཆེད་གཏོང་མ་གནང་བའི་ཐག་གཅོད་ལ་ཟུར་ཟ་གནང་སྟེ་སྐྱོན་བརྗོད་ཀྱང་གནང་འདུག

པེ་ཅིང་གི་དགུན་དུས་ཨོ་རྩལ་འཚོགས་ལ་ཉེ་བ་དང་བསྟུན་ནས་དེ་རིང་ཉི་ཧོང་གྲོས་ཚོགས་ནས་རྒྱ་ནག་གི་འགྲོ་བ་མིའི་ཐོབ་ཐང་གི་གནས་སྟངས་ཐོག་གྲོས་ཆོད་ཅིག་བཞག་པ་དང་འབྲེལ་ཏེ། ཉི་ཧོང་གཞུང་འཛིན་གིས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་བབས་ཇེ་བཟང་འགྲོ་བར་མདུན་སྐྱོད་ཅིག་གནང་དགོས་པར་གསུངས་འདུགཉི་ཧོང་གི་གྲོས་ཚོགས་འོག་མས་བཞག་པའི་གྲོས་ཆོད་ནང་རྒྱལ་སྤྱིའི་ཚོགས་སྡེ་ཁག་ནས་ཤིན་ཅང་དང་བོད། དེ་བཞིན་ཧོང་ཀོང་བཅས་ཀྱི་ནང་མང་ཚོགས་བཀག་སྐྱིལ་དང་ཆོས་དད་རང་དབང་ལ་རྡོག་རོལ་གཏོང་བཞིན་པའི་གནད་དོན་ཁག་ལ་བློ་འཚབ་ཡོད་པའི་རྣམ་པ་མངོན་གསལ་གནང་བ་དང་ཆབས་ཅིག འགྲོ་བ་མིའི་ཐོབ་ཐང་གི་གནད་དོན་དེ་རྒྱལ་ནང་གི་གནད་དོན་ཙམ་ཞིག་མིན་པར་གོ་ལ་སྤྱིའི་རིན་ཐང་ངོས་འཛིན་ས་དང་དེ་བཞིན་རྒྱལ་སྤྱིའི་གནད་དོན་ཞིག་ཀྱང་ཆགས་ཀྱི་ཡོད་སྐོར་འཁོད་འདུག ཆབས་ཅིག་ཏུ་གྲོས་ཆོད་དེ་བརྒྱུད་ཉི་ཧོང་གཞུང་ནས་འགྲོ་བ་མིའི་ཐོབ་ཐང་གི་གནད་དོན་དང་འབྲེལ་རྒྱལ་སྤྱིའི་ཚོགས་སྡེ་ཁག་དང་ལྷན་མཉམ་རུབ་ཐོག་ནས་ལས་དོན་གནང་དགོས་ཞེས་གསུངས་ཡོད། སྤྱིར་གྲོས་ཆོད་ནང་ཉི་ཧོང་དང་རྒྱ་ནག་ཕྱོགས་གཉིས་ཀྱི་འབྲེལ་ལམ་ལ་བརྟེན་ནས་རྒྱ་ནག་ཟེར་ནས་ཐད་ཀར་མིང་འབོད་གནང་མེད། ལྷག་པར་དུ་འགྲོ་བ་མིའི་ཐོབ་ཐང་རྡོག་རོལ་ཞེས་པའི་ཚབ་ཏུ་འགྲོ་བ་མིའི་ཐོབ་ཐང་གི་གནས་སྟངས་ཞེས་བཀོད་འདུག གཞི་རྩའི་ཉི་ཧོང་གི་སྲིད་བློན་སྐུ་ཞབས་ Fumio Kishida མཆོག་གིས་དུས་ཚོད་ལན་མང་ཞིག་ལ་ཉི་ཧོང་ནས་རྒྱ་ནག་དང་མཉམ་གནད་དོན་གླེང་སློང་དགོས་པའི་སྐབས་སུ་འཛེམ་ཟོན་རྩ་བ་ནས་གནང་རྒྱུ་མེད་སྐོར་གསུངས་ཡོད་པ་དང་ལྷག་དོན་ཁོང་གིས་ཟླ་བ་ ༡༡ ནང་ཉི་ཧོང་རྒྱལ་སྲུང་གི་བློན་ཆེན་ཟུར་པ་ Gen Nakatani  ཆེད་མངགས་རྒྱ་ནག་གི་འགྲོ་བ་མིའི་ཐོབ་ཐང་དང་འབྲེལ་དམིགས་བསལ་སློབ་སྟོན་པར་བསྐོ་བཞག་གནང་ཡོད་པ་མ་ཟད། ཉེ་ལམ་ཉི་ཧོང་ནས་པེ་ཅིང་གི་དགུན་དུས་ཨོ་རྩལ་ཐོག་གཞུང་ཚབ་མི་སྣ་གཏང་གི་མེད་ཀྱང་དེའི་ཚབ་ཏུ་ཨོ་ལམ་པིཀ་དང་ཐད་འབྲེལ་ཡོད་པའི་ལས་བྱེད་ཁག་ཅིག་གཏང་རྒྱུའི་གསལ་བསྒྲགས་གནང་ཡོད། ཉི་ཧོང་གི་གྲོས་ཚོགས་འོག་མས་བཞག་པའི་གྲོས་ཆོད་སྐོར་ལ་ཉི་ཧོང་བོད་ཀྱི་སྐུ་ཚབ་དོན་གཅོད་ཨརྱ་ཚེ་དབང་རྒྱལ་པོ་ལགས་སུ་བཀའ་འདྲི་ཞུས་པར་ད་ལན་ཉི་ཧོང་གྲོས་ཚོགས་ནས་གྲོས་ཆོདབཞག་པ་དེས་རྒྱ་ནག་གིས་མུ་མཐུད་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་གནད་དོན་དེ་གལ་ཆེ་དོན་ཆེར་རྩིས་ཏེ་གྲོས་ཆོད་བཞག་པ་ཞིག་དང་། གྲོས་ཆོད་དེའི་ནང་རྒྱ་ནག་ཟེར་ནས་མིང་འབོད་སོགས་གནང་མེད་ཀྱང་གྲོས་ཆོད་ནང་ཚིག་ཤུགས་ཆེན་པོ་སྤྱོད་ཡོད་པ་མ་ཟད་གྲོས་ཆོད་དེའི་བརྒྱུད་རྒྱ་ནག་ལ་ཉི་ཧོང་གིས་འགྲོ་བ་མིའི་ཐོབ་ཐང་གི་གནད་དོན་ལ་ཐུགས་ཚབས་ཆེན་པོ་གནང་གི་ཡོད་པའི་བརྡ་ལན་གསལ་པོ་ཞིག་གནང་ཐུབ་ཡོད་ཅེས་གསུངས་སོང་།

རིང་མིན་བདུན་ཕྲག་འདིའི་རེས་གཟའ་པ་སངས་ཉིན་རྒྱ་ནག་གྱི་རྒྱལ་ས་པེ་ཅིང་དུ་རྒྱལ་སྤྱིའི་དགུན་དུས་ཨོ་ལམ་པིག་རྩེད་འགྲན་འཚོགས་གཏན་ཁེལ་ཡོད་པ་དང་བསྟུན། Inter-Parliamentary Alliance on China ཞེས་རྒྱ་ནག་ལ་གདོང་ལེན་གནང་མཁན་གྱི་རྒྱལ་སྤྱིའི་གྲོས་ཚོགས་འཐུས་མི་ལས་གྲུབ་པའི་ཚོགས་པའི་ཚོགས་མི་ཁག་ཅིག་ཐུན་མོང་གིས་རྒྱ་ནག་ནང་དགུན་དུས་ཨོ་རྩལ་མ་འཚོགས་གོང་ལ་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ལྷན་ཁང་ནས་ཤིན་ཅང་ནང་གི་འགྲོ་བ་མིའི་ཐོབ་ཐང་གི་གནས་བབ་སྙན་ཐོ་ཡོངས་གྲགས་བྱེད་དགོས་ཞེས་གསུངས་འདུགཉེ་ཆར་རྒྱ་ནག་གཞུང་ནས་ཤིན་ཅང་གི་གནད་དོན་དང་འབྲེལ་ཏེ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་གཙོ་འཛིན་ལྕམ་སྐུ་ Michelle Bachelet ལགས་ཤིན་ཅང་དུ་སྐྱོད་རྒྱུའི་ཆོག་མཆན་ཕུལ་བའི་གནས་ཚུལ་ཞིག་ཐོན་ཡོད་ཀྱང་། དེའི་ཆ་རྐྱེན་དུ་རྒྱ་ནག་གི་ཨོ་རྩལ་འགྲན་ཚོགས་ཟིན་པའི་རྗེས་སུ་སྙན་ཐོ་འདོན་སྤེལ་གནང་རྒྱུ་ཡིན་སྐོར་བཤད་ཡོད་པ་རེད། གནད་དོན་དེ་འབྲེལ་ཉེ་ཆར་ IPAC ཚོགས་པའི་གྲོས་ཚོགས་འཐུས་མི་ཁག་ཅིག་ཅིག་ནས་མཉམ་འབྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་གཙོ་འཛིན་ལྕམ་སྐུ་ Michelle Bachelet ལགས་ཀྱི་མཚན་ཐོག་ལ་སྙན་ཞུ་ཞིག་ཕུལ་བའི་ནང་དེ་སྔ་ཕྱི་ལོ་ ༢༠༢༠ ཕྱི་ཟླ་ ༦ པའི་ནང་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐོག་ཕྱག་ལས་གནང་མཁན་གྱི་ཆེས་མཐོའི་རང་དབང་ཅན་གྱི་སྐུ་ཚབ་ལྔ་བཅུས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་ནས་རྒྱ་ནག་གཞུང་ནས་ཤིན་ཅང་ནང་ཡུ་གུར་བ་གཙོས་གྲངས་ཉུང་མི་རིགས་མང་དག་ཅིག་འཛིན་བཟུང་བཙན་ཁྲིད་བྱས་པའི་གནད་དོན་སྐོར་ཞིབ་འཇུག་འཐུས་གཙང་ཞིག་གནང་སྟེ་སྙན་ཐོ་ཞིག་ངེས་པར་དུ་འདོན་སྤེལ་གནང་དགོས་པའི་ཞུ་སྐུལ་གནང་བ་དེ་ད་ཆ་ལོ་གཅིག་དང་ཕྱད་ཀ་ཙམ་འགྲོ་བཞིན་ཡོད་ཀྱང་། རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་ནས་གནད་དོན་འདིའི་སྐོར་ཁ་གསལ་གང་ཡང་གསུངས་མེད་སྟབས་ཆེས་མཐོའི་སྐུ་ཚབ་རྣམ་པའི་ངོས་ནས་དེར་ཐུགས་ཕམ་ཆེན་པོ་ཡོད་སྐོར་གསུངས་ཡོད།ལྷག་པར་དུ་ད་ཆ་རྒྱ་ནག་ལ་རྒྱལ་སྤྱིའི་དགུན་དུས་ཨོ་ལམ་པིག་རྩེད་འགྲན་དངོས་སུ་འཚོགས་ལ་ཉེ་བའི་མཚམས་འདིར་རྒྱལ་སྤྱིའི་སྲིད་གཞུང་དང་མང་ཚོགས་མང་པོས་རྒྱ་ནག་ལ་དོ་སྣང་དང་སྐྱོན་བརྗོད་བྱེད་བཞིན་པའི་སྐབས་སུ་རྒྱ་ནག་གཞུང་ནས་ད་བར་ཤིན་ཅང་ནང་ཡུ་གུར་མི་སེར་གཙོ་གྱུར་རྒྱ་ནག་གི་མངའ་འོག་ཏུ་ཡོད་པའི་གྲངས་ཉུང་མི་རིགས་ཐོག་ལག་བསྟར་བྱེད་བཞིན་པའི་དྲག་རྩུབ་ཅན་གྱི་སྲིད་བྱུས་དང་འགྲོ་བ་མིའི་ཐོབ་ཐང་རྩིས་མེད་རྡོག་རོལ་གཏོང་བཞིན་པའི་བྱ་སྤྱོད་ཐོག་འགན་ཁུར་ལྡན་པ་ཞིག་བཟོ་གལ་ཡིན་པར་འགྲེལ་བརྗོད་གནང་བ་དང་ཆབས་ཅིག ལྕམ་སྐུ་ Michelle Bachelet ལགས་ཀྱིས་སྣེ་ཁྲིད་པའི་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ལྷན་ཁང་གི་ངོས་ནས་རྒྱ་ནག་ནང་དགུན་དུས་ཨོ་རྩལ་མ་འཚོགས་གོང་ལ་ཤིན་ཅང་ནང་གི་འགྲོ་བ་མིའི་ཐོབ་ཐང་གི་གནས་བབས་སྙན་ཐོ་ཡོངས་གྲགས་གནང་དགོས་ཞེས་གསུངས་འདུག ཞུ་སྐུལ་དེའི་ནང་ IPAC ཚོགས་པའི་གྲོས་ཚོགས་འཐུས་མི་རྣམས་ནས་དུས་རྟག་ཏུ་རྒྱལ་ཚོགས་ཀྱི་ལས་དོན་དང་ལྷག་པར་དུ་རྒྱ་ནག་གཞུང་གི་བྱེད་བབ་ཁག་ཐེར་འདོན་གནང་རྒྱུའི་ལས་དོན་ཐོག་དངོས་ཤུགས་བརྒྱུད་གསུམ་ནས་རྒྱབ་སྐྱོར་གནང་གི་ཡོད་ཅེས་གསུངས་འདུག་ལ། ཞུ་སྐུལ་དེའི་ཐོག་ཡོ་རོབ་གྲོས་ཚོགས་ཀྱི་འཐུས་མི་དང་འཇར་མི་ནི། དབྱིན་ཡུལ། ཁེ་ན་ཌ། ཕ་རན་སི། དེ་བཞིན་རྒྱ་གར་དང་ཨོ་སི་ཀྲོ་ལི་ཡ་སོགས་ IPAC ཚོགས་པའི་ཚོགས་མི་རྒྱལ་སྤྱིའི་གྲོས་ཚོགས་འཐུས་མི་ ༢༦ ལྷག་གིས་མཚན་རྟགས་ཆེད་བཀོད་གནང་ཡོད་པ་རེད།གཞི་རྩའི་ཉེ་ཆར་རྒྱ་ནག་གཞུང་ནས་ཤིན་ཅང་གི་གནད་དོན་དང་འབྲེལ་ཏེ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་གཙོ་འཛིན་ལྕམ་སྐུ་ Michelle Bachelet ལགས་ཤིན་ཅང་དུ་སྐྱོད་རྒྱུའི་ཆོག་མཆན་ཕུལ་བའི་གནས་ཚུལ་ཞིག་ཐོན་ཡོད་ཀྱང་། འགྲོ་བ་མིའི་ཐོབ་ཐང་གི་གནད་དོན་ཐོག་དཔྱད་ཞིབ་གནང་མཁན་ཁག་ཅིག་ནས་རྒྱ་ནག་གཞུང་གི་ངོས་ནས་ཆོག་ཆན་ཕུལ་བའི་ནང་ལྕམ་སྐུ་ Michelle Bachelet ལགས་རྒྱ་ནག་གི་ཨོ་རྩལ་འགྲན་ཚོགས་ཟིན་པའི་རྗེས་སུ་ཤིན་ཅང་ཕེབས་ཆོག་ཅེས་བཀོད་པ་དེ་ནི་གཙོ་བོ་རྒྱ་ནག་ནང་འཚོགས་རྒྱུའི་ཨོ་རྩལ་ལ་ཕྱི་ཕྱོགས་ནས་བར་ཆད་མི་ཡོང་བ་དང་། རྒྱ་ནག་རང་ཉིད་ཀྱི་ངོ་སྲུང་སྐྱོབ་བྱེད་རྒྱུར་དམིགས་པ་ཞིག་རེད་ཅེས་གསུང་མཁན་འདུག་ལ། ད་ཆ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་ནས་ཤིང་ཅང་ནང་གི་འགྲོ་བ་མིའི་ཐོབ་ཐང་གི་གནས་བབ་དང་འབྲེལ་བའི་སྙན་ཐོ་དེ་ཡོངས་གྲགས་མ་གནང་པ་དེ་ཡང་རྒྱ་ནག་གཞུང་གི་གནོན་ཤུགས་དབང་གི་ཡིན་པ་ཡང་གསུངས་མཁན་འདུག