Tibetan Royal Year of 2151 | Year of the Wood Dragon

Homepage

རེས་གཟའ་ལྷག་པ། ༢༠༡༨།༠༦།༡༣

ཉན་པ།: Listen ཕབ་ལེན། Download བྷལ་ཊིཀ་མང་ཚོགས་ཚོར་དུས་རབས་འདི་གྲོས་མོལ་གྱི་དུས་རབས་ཤིག་ཡོང་བར་འགན་ཡོད། སྲིད་སྐྱོང་དབུ་བཞུགས་ཐོག་ཁེ་ན་ཌའི་གཞུང་མང་གཉིས་ལ་ཐུགས་རྗེ་ཆེ་ཞུའི་ལས་རིམ་ཚོགས་པ། ཁེ་ན་ཌའི་གྲོས་ཚོགས་སུ་སྲིད་སྐྱོང་ལྷན་ཞུགས་ཐོག་བོད་དོན་ཉན་ཞིབ་ཀྱི་ལས་རིམ་གནང་བ། བསྟན་འཛིན་རྡོ་རྗེ་ལགས་ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་ཚོགས་གཙོར་བསྐོ་གཞག ཕ་རན་སི་ནང་ཧི་མཱ་ལ་ཡའི་དུས་སྟོན་ཐེངས་ ༡༨ པ་མཇུག་སྒྲིལ། Wednesday 13/06/2018 Dalai Lama urges Baltic States to contribute towards the creation of a peaceful 21st Century Sikyong attends Thank You Canada event in Ottawa Sikyong and TPiE delegation attends Tibet hearing in Canadian Parliament Dr. Tenzin Dorjee unanimously elected as Chairman of USCIRF 18th Himalayan Festival concludes in Paris

སྲིད་སྐྱོང་མཆོག་དབུ་བཞུགས་ཐོག་ཁེ་ན་ཌའི་གཞུང་མང་གཉིས་ལ་ཐུགས་རྗེ་ཆེ་ཞུའི་ལས་རིམ་ཚོགས་འདུག

ཁ་སང་ཟླ་ ༦ ཚེས་ ༡༢ ཉིན་ཕྱི་དྲོ་ཁེ་ན་ཌའི་རྒྱལ་ས་ Ottawa ནང་ཚོགས་པའི་ཡུལ་དེའི་གཞུང་མང་གཉིས་ལ་ཐུགས་རྗེ་ཆེ་ཞུའི་ལས་རིམ་ཐོག་ཁེ་ན་ཌའི་རིག་གནས་སྲུང་སྐྱོབ་བློན་ཆེན་ལྕམ་ Melanie Joly ལགས་དང་ཁེ་ན་ཌའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ Arif Virani ལགས་དང་ཚོགས་གཞོན་སྐུ་ཞབས་ Garnett Genuis ལགས་གཙོས་ཆབ་སྲིད་ཚོགས་པ་ཁག་གི་གྲོས་ཚོགས་འཐུས་མི་ཁག་ཅིག ལྷག་དོན་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་བོད་མི་མང་སྤྱི་འཐུས་ལྷན་ཚོགས་ཀྱི་འཐུས་མི་དྲུག་ལས་གྲུབ་པའི་སྐུ་ཚབ་ཚོགས་ཆུང་། དེ་བཞིན་ཨ་རིའི་བོད་ཀྱི་སྐུ་ཚབ་དོན་གཅོད་སོགས་ཕེབས་ཡོད་པ་མ་ཟད། ས་གནས་བོད་རིགས་མང་ཚོགས་ནས་ཀྱང་མཉམ་ཞུགས་གནང་ཐོག་ཁེ་ན་ཌའི་གཞུང་མང་གཉིས་ལ་ཐུགས་རྗེ་ཆེ་ཞུའི་མངར་ཟས་ Cake འདེགས་འབུལ་དང་རིན་ཆེན་གཉིས་པ་དངུལ་ལས་གྲུབ་པའི་ཆོས་ཀྱི་འཁོར་ལོའི་གཟེངས་རྟགས་ཤིག་འབུལ་ལམ་ཞུས་འདུག དུས་ཚིགས་དེ་དང་བསྟུན་བོད་མིའི་བླ་ན་མེད་པའི་དབུ་ཁྲིད་དང་ཁེ་ན་ཌའི་ཆེ་བསྟོད་མི་སེར་ཡིན་པ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བརྙན་འཕྲིན་བརྒྱུད་ཁེ་ན་ཌའི་གཞུང་མང་གཉིས་ལ་ཐུགས་རྗེ་ཆེ་ཞུའི་གསུང་འཕྲིན་ཞིག་བསྩལ་འདུག་པ་དང་། དེའི་ནང་༸གང་ཉིད་མཆོག་གིས་ཁེ་ན་ཌའི་གཞུང་མང་རྣམས་ནི་ལོ་ངོ་བཅུ་ཕྲག་ལྷག་གི་གོང་ནས་བོད་དོན་ལ་རྒྱབ་སྐྱོར་ཤུགས་ཆེ་གནང་མཁན་ཞིག་ཡིན་པ་མ་ཟད།  ཡུལ་དེའི་ནང་གཏན་སྡོད་གནང་མཁན་སྐྱབས་བཅོལ་བ་བོད་མི་མང་པོར་མཐུན་འགྱུར་གང་ཐུབ་སྦྱོར་བཞིན་ཡོད་པ་དང་ལྷག་དོན་དཀའ་ངལ་ཆེ་བའི་ཡུལ་ལུང་འདྲ་མིན་གྱི་སྐྱབས་བཅོལ་བ་གཞན་རྣམས་ལའང་སྟབས་བདེའི་ཐོག་ངོས་བཞེས་གནང་མུས་ཡིན་པར་ངོ་མཚར་ལྡན་པའི་ཡི་རང་ཡོད་པ་བཀའ་བསྩལ་འདུག དེ་བཞིན་མགོན་པོ་༸གང་ཉིད་མཆོག་གིས་ཁེ་ན་ཌའི་རྒྱལ་ཁབ་དང་གཞུང་མང་བཅས་ལ་ང་ཚོ་ལུང་པ་མེད་པ་དང་རྒྱལ་ཁབ་མེད་པའི་སྐྱབས་བཅོལ་བའི་གནས་བབ་ཐོག་ནས་ཐུགས་རྗེ་ཆེ་ཞེས་བཀའ་བསྩལ་གནང་འདུག་པ་དང་ཆབས་ཅིག ང་ཚོ་བྱམས་བརྩེ་ལྡན་པའི་གཅེས་སྐྱོང་འོག་འཚོ་གནས་ཐུབ་ཡོད་པ་མ་ཟད། བཙན་བྱོལ་དུ་གྱར་ནས་ལོ་ངོ་ ༦༠ འཁོར་ལ་ཉེ་བའི་དུས་ཡུན་འདིའི་ནང་གྲུབ་འབྲས་གང་ལེགས་སོན་ཡོད་པར་བརྟེན་ཁེ་ན་ཌའི་གཞུང་མང་ཚོའི་ངོས་ནས་དོན་སྙིང་ལྡན་པའི་མཐུན་འགྱུར་གནང་བ་བཅས་ལ་ཐུགས་རྗེ་ཆེ་ཞེས་གསུང་འཕྲིན་བསྩལ་འདུག ཁ་སང་མཛད་སྒོའི་ཐོག་བཅར་བའི་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ནས་ ཁེ་ན་ཌའི་གཞུང་དང་བོད་མིའི་དབར་ཐོག་མ་འབྲེལ་བ་བྱུང་ཚུལ་ངོ་སྤྲོད་དང་འབྲེལ། ཁེ་ན་ཌའི་གཞུང་གི་ངོས་ནས་ཐོག་མ་རྒྱ་གར་ནས་བོད་མི་སྐྱབས་བཅོལ་བ་ ༢༢༠ ཙམ་ཞིག་ཡུལ་དེའི་ནང་གཏན་སྡོད་ཆོག་པའི་ངོས་ལེན་གནང་བ་དང་དེ་ནས་ཕྱི་ལོ་ ༡༩༨༡ ལོར་༸གོང་ས་༸སྐྱབས་མགོན་ཆེན་པོ་མཆོག་ཡུལ་དེའི་ནང་ཐོག་མ་ཆིབས་བསྒྱུར་མཛད་ཡོད་པ་བཅས་ལུང་འདྲེན་གནང་སྟེ་ཁེ་ན་ཌའི་གཞུང་མང་གཉིས་ལ་ཐུགས་རྗེ་ཆེ་ཞེས་གསུངས་འདུག དེ་བཞིན་ཁེ་ན་ཌའི་གཞུང་གིས་བོད་མིའི་ཆོས་དང་རིག་གཞུང་། སྐད་ཡིག་སྲུང་སྐྱོབ་དང་བོད་མིའི་འགྲོ་བ་མིའི་ཐོབ་ཐང་སྲུང་སྐྱོབ་སོགས་ལ་རྒྱབ་སྐྱོར་གནང་བར་བཀའ་དྲིན་ཆེ་ཞེས་གསུངས་པ་དང་སྦྲགས། ཁེ་ན་ཌའི་གཞུང་གིས་གཙོས་པའི་རྒྱལ་སྤྱིའི་ཡུལ་གྲུ་གཞན་ཚོས་ཀྱང་རྒྱ་གཞུང་ནས་རྒྱལ་སྤྱིའི་རྩ་ཁྲིམས་ཁག་ལ་སྲུང་བརྩི་གནང་ཐོག་བོད་མིའི་ཐོབ་ཐང་སྲུང་སྐྱོབ་དང་བོད་མིའི་གནད་དོན་ལ་ཐག་གཅོདཡོང་ཐབས་སུ་༸གོང་ས་མཆོག་གི་སྐུ་ཚབ་དང་བཀའ་བསྡུར་གནང་ནས་དོན་ཕན་སོན་ཐབས་ཡོང་བར་རེ་སྐུལ་ཞུས་འདུག ལྷག་དོན་ཁེ་ན་ཌའི་རིག་གནས་སྲུང་སྐྱོབ་བློན་ཆེན་ལྕམ་ Melanie Joly ལགས་ཀྱིས་གཙོས་པའི་ཁེ་ན་ཌའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྦྲེལ་པོ་བཅས་ནས་ཀྱང་ཡུལ་དེར་གནས་སྡོད་བོད་མིའི་ངོས་ནས་ཁེ་ན་ཌའི་གཞུང་མང་ལ་ཐུགས་རྗེ་ཆེ་ཞུའི་མཛད་སྒོ་ཞིག་གོ་སྒྲིག་གནང་བར་བསྔགས་བརྗོད་དང་སྦྲགས། ཁོང་རྣམས་ནས་ད་བར་ས་གནས་སུ་ཡོད་པའི་བོད་རིགས་དང་ལྷན་དུ་བོད་དོན་དང་འབྲེལ་བའི་ཕྱག་ལས་གནང་རྒྱུའི་གོ་སྐབས་འབྱུང་བཞིན་པར་དགའ་ཚོར་ཆེན་པོ་འདུག་ཅེས་གསུངས་པ་མ་ཟད། ཁེ་ན་ཌའི་གཞུང་གི་ངོས་ནས་བོད་མིའི་འཚེ་མེད་ཞི་བའི་འཐབ་རྩོད་ལ་དུས་རྟག་ཏུ་རྒྱབ་སྐྱོར་གནང་གི་ཡོད་པ་གསུངས་འདུག གཞི་རྩའི་ད་རེས་ཁེ་ན་ཌའི་གཞུང་མང་གཉིས་ལ་ཐུགས་རྗེ་ཆེ་ཞུའི་ལས་རིམ་དེ་ནི་བྱང་ཨ་རིའི་བོད་ཀྱི་སྐུ་ཚབ་དོན་གཅོད་ཁང་དང་ཁེ་ན་ཌའི་གྲོས་ཚོགས་བོད་དོན་རྒྱབ་སྐྱོར་ཚོགས་ཁག དེ་བཞིན་ CTC ཞེས་ཁེ་ན་ཌ་བོད་དོན་རྒྱབ་སྐྱོར་ཚོགས་པ་བཅས་ཀྱིས་རྐང་གོ་སྒྲིག་དང་ཡུལ་དེའི་ནང་གི་བོད་དོན་རྒྱབ་སྐྱོར་ཚོགས་ཁག བོད་རིགས་ཚོགས་པ་ཁག་གིས་རྒྱབ་སྐྱོར་ཞུས་པའི་Canada Tibet  Lobby days Coalition ཞེས་པའི་མཐུན་ཚོགས་ནས་བོད་མིའི་སྒྲིག་འཛུགས་ཀྱི་ཕྱི་ལོ་ ༢༠༡༨ ལོ་འཁོར་མོ་འདི་ཐུགས་རྗེ་ཆེ་ཞུའི་ལོར་སྲུང་བརྩི་ཞུ་རྒྱུར་གཏན་འབེབས་གནང་དོན་བཞིན་གོ་སྒྲིག་གནང་བ་ཞིག་ཡིན་པ་རེད།

ཁེ་ན་ཌའི་གྲོས་ཚོགས་སུ་སྲིད་སྐྱོང་མཆོག་ལྷན་ཞུགས་ཐོག་བོད་དོན་ཉན་ཞིབ་ཀྱི་ལས་རིམ་ཚོགས་པ།

ཟླ་ ༦ ཚེས་ ༡༡ ཉིན་ནས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ཁེ་ན་ཌའི་གཞུང་མང་གཉིས་ལ་ཐུགས་རྗེ་ཆེ་ཞུའི་མཛད་སྒོར་མཉམ་ཞུགས་གནང་རྒྱུ་གཙོས་ས་གནས་ཀྱི་གནད་ཡོད་མི་སྣ་ཚོར་བོད་དོན་ཞུ་སྐུལ་སོགས་གནང་བཞིན་ཡོད་པ་དང་བསྟུན། ཁ་སང་ཁེ་ན་ཌའི་གྲོས་ཚོགས་སུ་སྲིད་སྐྱོང་བློ་བཟང་སེང་གེ་མཆོག་གིས་གཙོས་པའི་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་གི་ཚོགས་མི་སྤྱི་འཐུས་ཁག་ཅིག དེ་བཞིན་བྱང་ཨ་རིའི་སྐུ་ཚབ་དོན་གཅོད་དངོས་གྲུབ་ཚེ་རིང་ལགས་དང་ཁེ་ན་ཌའི་གྲོས་ཚོགས་ཀྱི་ཕྱི་སྲིད་ལས་དོན་ཚོགས་ཆུང་གི་ཚོགས་གཙོ་སྐུ་ཞབས་ Robert Nault ལགས་སོགས་ལྷན་ཞུགས་ཐོག་གྲོས་ཚོགས་ཀྱི་ཕྱི་སྲིད་ལས་དོན་ཚོགས་ཆུང་མདུན་དུ་བོད་དོན་ཉན་ཞིབ་ཀྱི་ལས་རིམ་ཞིག་ཚོགས་འདུག སྲིད་སྐྱོང་བློ་བཟང་སེང་གེ་མཆོག་གིས་ཉེ་དུས་སུ་རྒྱ་གཞུང་གིས་དབྱེ་བའི་བོད་རང་སྐྱོང་ལྗོངས་ཁུལ་གྱི་སྐུ་ཚབ་རུ་ཁག་ཞིག་ཁེ་ན་ཌར་གཞུང་འབྲེལ་འཚམས་གཟིགས་སུ་འབྱོར་ནས་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་སོགས་ཀྱི་ཐོག་གཏམ་བཤད་བྱས་པ་དེ་དག་ཆེད་མངགས་རྒྱ་གཞུང་གི་དྲིལ་བསྒྲགས་ལས་དོན་སྤེལ་རྒྱུ་དང་། ལྷག་པར་དུ་རྒྱ་ནག་གཞུང་གིས་མུ་མཐུད་བོད་ནང་འགྲོ་བ་མིའི་ཐོབ་ཐང་བརྩི་མེད་རྡོག་རོལ་གཏོང་བཞིན་པའི་གནས་སྟངས་རྣམས་སྦས་གསང་བྱེད་ཆེད་ཡིན་པ་གསུངས་པ་དང་སྦྲགས། ད་རེས་འདིར་ཕེབས་པའི་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་གཙོས་པའི་སྐུ་ཚབ་དོན་གཅོད་རྣམ་པ་བོད་ཆོལ་གསུམ་མི་མང་གི་སྐུ་ཚབ་ངོ་མ་ཡིན་ཞེས་ངོ་སྤྲོད་གནང་འདུག དེ་བཞིན་ཉེ་ཆར་རྒྱ་ནག་གི་སྐུ་ཚབ་རྣམས་ནས་བོད་ནང་རང་དབང་ཆེན་པོ་ཡོད་སྐོར་བཤད་ཡོད་ཀྱང་ལོ་ལྟར་ཨ་རིའི་རང་དབང་ཁང་པས་འདོན་སྤེལ་གནང་བཞིན་པའི་བོད་ནང་གི་འགྲོ་བ་མའི་ཐོབ་ཐང་གི་སྙན་ཐོའི་ནང་བོད་ནང་གྱི་བོད་མི་ཚོར་གཞི་རྩའི་འགྲོ་བ་མིའི་ཐོབ་ཐང་མེད་པ་མ་ཟད། ལྷག་དོན་ཕྱི་ལོ་ ༢༠༡༦༌༌༡༧ ལོའི་སྙན་ཐོའི་ནང་བོད་འདི་འཛམ་གླིང་ཐོག་རང་དབང་མེད་པའི་རྒྱལ་ཁབ་ཆེས་སྡུག་ཤོས་ཀྱི་གྲས་སུ་ཐེར་བཏོན་གནང་ཡོད་པ་སོགས་ལུང་འདྲེན་དང་སྦྲགས། བོད་ནང་ཡོད་པའི་བོད་མི་ཚོར་གཞི་རྩའི་འགྲོ་བ་མིའི་ཐོབ་ཐང་མེད་པའི་དབང་གིས་ད་བར་རྒྱ་གཞུང་གི་སྲིད་བྱུས་ལ་མ་བཟོད་པར་བོད་མི་ ༡༥༢ ལྷག་གིས་རང་ལུས་མེར་བསྲེགས་གནང་ཡོད་པ་དང་། ཁོང་རྣམ་པའི་ནང་མིའི་གནས་སྟངས་གཙོས་བོད་ནང་གི་དངོས་ཡོད་གནས་སྟངས་ཕྱིར་གྱར་མི་ཡོང་བའི་ཆེད་མུ་མཐུད་རྒྱལ་སྤྱིའི་གསར་འགོད་པ་དང་གཞུང་འབྲེལ་གྱི་སྐུ་ཚབ་མི་སྣ། ཡུལ་སྐོར་སྤྲོ་འཆམ་པ་སོགས་བོད་དུ་རང་དབང་ཐོག་བསྐྱོད་རྒྱུར་དམ་དྲག་ཤུགས་ཆེ་བྱེད་བཞིན་ཡོད་པ་མངོན་གསལ་གནང་འདུག སྐབས་དེའི་སྲིད་སྐྱོང་མཆོག་གི་གསུང་བཤད་གྲུབ་མ་ཐག་ཁེ་ན་ཌའི་གྲོས་ཚོགས་འཐུས་མི་སྐུ་ཞབས་ Garnett Genius ལགས་ནས་རྒྱ་ནག་གཞུང་གིས་བར་སྐབས་ཤིག་ནས་ཁོར་ཡུག་སྲུང་སྐྱོབ་ཐོག་ཤུགས་སྣོན་བྱ་རྒྱུ་ཡིན་སྐོར་བརྗོད་པ་དེ་བདེན་པ་ཇི་ཙམ་རེད་དམ་ཞེས་བཀའ་འདྲི་གནང་བར་སྲིད་སྐྱོང་མཆོག་གིས་བར་སྐབས་ནས་ཞི་ཅིང་ཕིང་གིས་གཙོས་པའི་རྒྱ་ནག་གི་འགོ་ཁྲིད་ཁག་ཅིག་ནས་ཁོར་ཡུག་སྲུང་སྐྱོབ་སྐོར་བཤད་ཡོད་ཀྱང་། འདས་པའི་ལོ་དུས་ནས་རྒྱ་གཞུང་གིས་བོད་ནང་གཏེར་ཁ་སྔོག་འདོན་དང་ས་གནས་མི་མང་གི་སྲོལ་རྒྱུན་དང་མི་མཐུན་པའི་འཛུགས་སྐྲུན་ཀྱི་ལས་གཞི་རྒྱ་ཆེ་སྤེལ་ནས་བོད་མིའི་ཆོས་ཕྱོགས་ཀྱི་རང་དབང་ལའང་དོ་ཕོག་ཆེན་པོ་གཏོང་བཞིན་པ་གསུངས་འདུག གྲོས་ཚོགས་འཐུས་མི་སྐུ་ཞབས་ Arif Virani  ལགས་དང་སྐུ་ཞབས་ Raj Saini ལགས་རྣམ་གཉིས་ཀྱིས་གཙོས་པའི་གྲོས་ཚོགས་འཐུས་མི་ཁག་ཅིག་ནས་བོད་མིའི་སྐད་ཡིག་ལས་འགུལ་བ་བཀྲ་ཤིས་དབང་ཕྱུག་ལགས་དང་། ༸ཀུན་གཟིགས་པཎ་ཆེན་དགེ་འདུན་ཆོས་ཀྱི་ཉི་མ་མཆོག དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་ཡང་སྲིད་ཀྱི་གནད་དོན་དང་འབྲེལ་བའི་བཀའ་འདྲི་ཁག་ཅིག་ཞུས་པར་སྲིད་སྐྱོང་མཆོག་ནས་བཀྲ་ཤིས་དབང་ཕྱུག་ལགས་ཀྱིས་སྐད་ཡིག་ཐོག་ལས་འགུལ་སྤེལ་བ་དེ་དག་རྒྱ་ནག་གཞུང་གི་རྩ་ཁྲིམས་དང་ཡོངས་སུ་མཐུན་པ་ལས་ཁྲིམས་འགལ་གང་ཡང་མ་རེད། འོན་ཀྱང་རྒྱ་གཞུང་གིས་རང་ཉིད་ཀྱི་རྩ་ཁྲིམས་ལ་བརྩི་སྲུང་མ་བྱས་པར་བཀྲ་ཤིས་དབང་ཕྱུག་ལགས་ལ་ཁྲིམས་ཐག་བཅད་པ་དེས་རྒྱ་གཞུང་གི་བོད་མིའི་ངོ་བོ་རྩ་མེད་གཏོང་བཞིན་པའི་རྣམ་པ་གསལ་པོ་ཞིག་རེད་ཅེས་གསུངས་ཡོད་པ་རེད། རྒྱ་གཞུང་ནས་༸ཀུན་གཟིགས་པཎ་ཆེན་རིན་པོ་ཆེའི་གནད་དོན་ཐོག་མུ་མཐུད་ཁ་གསལ་གང་ཡང་མེད་པར་བཞག་པ་དེ་ནི་བོད་མིའི་ཆོས་དད་རང་དབང་ལ་དམ་དྲག་བྱེད་བཞིན་པའི་རྣམ་པ་མངོན་གསལ་ཞིག་དང་། ལྷག་དོན་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་ཡང་སྲིད་ཀྱི་གནད་དོན་དང་འབྲེལ་བའི་ཐག་གཅོད་ཀྱི་འགན་དབང་དེ་༸གོང་ས་མཆོག་༸སྐུ་སྒེར་ལ་ཡོད་པ་མ་གཏོགས་རྒྱ་གཞུང་ལ་ཐེ་བྱུས་བྱ་རྒྱུའི་ཐོབ་ཐང་མེད་སྐོར་གསུངས་པ་དང་ཆབས་ཅིག་ཏུ་ཉེ་ཆར་ཨ་རིའི་གྲོས་ཚོགས་ནས་༸གོང་ས་མཆོག་གི་༸སྐུའི་ཡང་སྲིད་གནད་དོན་ཐོག་རྒྱ་ནག་གཞུང་ནས་ཐེ་བྱུས་བྱ་རྒྱུའི་ཐོབ་ཐང་དང་རང་དབང་མེད་ཅེས་གྲོས་ཆོད་བཞག་པ་ལྟར་ཁེ་ན་ཌའི་གྲོས་ཚོགས་ནས་ཀྱང་དེ་ལྟར་གནང་ཐུབ་རྒྱུར་འབད་བརྩོན་གནང་རོགས་ཞེས་འབོད་སྐུལ་ཞུས་འདུག གཞི་རྩའི་ཉན་ཞིབ་ཀྱི་ལས་རིམ་ཐོག་སྲིད་སྐྱོང་བློ་བཟང་སེང་གེ་མཆོག་ནས་རྒྱ་གཞུང་གིས་བོད་ནང་འགྲོ་བ་མིའི་ཐོབ་ཐང་བརྩི་མེད་རྡོག་རོལ་གཏོང་བཞིན་པའི་གནས་སྟངས་ཙམ་མ་ཟད་བཙན་བྱོལ་བོད་མིའི་མང་གཙོའི་འཕེལ་རིམ་དང་། གཞིས་ཆགས་དང་མི་མང་གི་ཤེས་ཡོན་གནས་སྟངས། ལྷག་པར་དུ་བོད་མིའི་སྒྲིག་འཛུགས་ནས་གཉིས་སྨན་དབུ་མའི་ལམ་གྱི་སྲིད་བྱུས་ཀྱི་ཐོག་ནས་བོད་རྒྱ་གཉིས་ཀར་ཕན་པའི་མིང་དོན་མཚུངས་པའི་རང་སྲིད་རང་སྐྱོང་གི་གནས་བབ་རྩོད་བཞིན་ཡོད་པ་སོགས་ནན་བརྗོད་གནང་འདུག

བསྟན་འཛིན་རྡོ་རྗེ་ལགས་ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་ཚོགས་གཙོར་བསྐོ་གཞག

ཟླ་ ༦ ཚེས་ ༡༢ ཉིན་ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱིས་གཞུང་འབྲེལ་གསལ་བསྒྲགས་ཤིག་སྤེལ་བའི་ནང་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་འགན་འཛིན་གྲས་སུ་ཡོད་པ་བོད་མི་ཨ་རི་བ་འབུམ་རམས་པ་བསྟན་འཛིན་རྡོ་རྗེ་ལགས་ལྷན་ཚོགས་དེའི་ཚོགས་གཙོར་བསྐོ་གཞག་གནང་བ་དང་། ཚོགས་གཙོ་གཞོན་པར་ལྕམ་ Kristina Arriaga ལགས་དང་ལྕམ་ Gayle Manchin ལགས་རྣམ་གཉིས་བསྐོ་གཞག་གནང་འདུག ཐེངས་འདིའི་འོས་འདེམས་དེ་སྔ་རྒྱུན་ལྟར་གསང་བའི་ཐོག་ནས་འོས་འདེམས་གནང་བ་ཞིག་མ་ཡིན་པར་ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་འགན་འཛིན་མི་རེ་ངོ་རེ་ནས་སྲིད་དོན་ཕྱོགས་ལྷུང་སྤངས་ཏེ་སྤྱི་མོས་ཀྱི་ཐོག་ནས་ཁོང་ཚོགས་གཙོར་བསྐོ་གཞག་གནང་ཡོད་པ་རེད། གསལ་བསྒྲགས་ནང་འཁོད་པར་གཞིགས་ཚེ་བསྟན་འཛིན་རྡོ་རྗེ་ལགས་ཀྱིས་ཁོང་རང་ཉིད་ཚོགས་གཙོར་སྤྱི་མོས་ཀྱི་ཐོག་ནས་འདེམས་ཐོན་བྱུང་བ་ནི་ཆེ་བསྟོད་ཞིག་དང་རྩ་ཆེན་ཞིག་ཏུ་ངོས་འཛིན་གནང་བཞིན་ཡོད་པ་དང་། གོ་ལ་འདིའི་ཐོག་ཆོས་དད་རང་དབང་གི་དཀའ་ངལ་ཉིན་རེ་ནས་ཉིན་རེ་བཞིན་ཇེ་ཆེར་འགྲོ་བཞིན་ཡོད་སྟབས་ང་ཚོ་ཕྱག་སྦྲེལ་ཀུན་མཉམ་རུབ་ཀྱི་ཐོག་ནས་གདོང་ལེན་གྱི་ལས་གཞི་སྤེལ་རྒྱུ་ཡིན་ཞེས་གསུངས་པ་མ་ཟད་མྱོང་བཞིན་པའི་དཀའ་ངལ་དེ་དག་སེལ་སླད་ཨ་རིའི་ཕོ་བྲང་དཀར་པོ་དང་། སྲིད་གཞུང་གི་དྲུང་ཆེ། ཨ་རིའི་རྒྱལ་ཡོངས་གྲོས་ཚོགས་སུའང་ཞུ་སྐུལ་གནང་ངེས་ཡིན་པ་གསུངས་འདུག རྩ་བའི་བསྟན་འཛིན་རྡོ་རྗེ་ལགས་སྔ་ལོའི་ཕྱི་ཟླ་ ༡ ནང་ཨ་རིའི་གཞུང་གི་ཆོས་དད་རང་དབང་ལྷན་ཚོགས་ཀྱི་འགན་འཛིན་གྱི་གྲས་སུ་བསྐོ་གཞག་གནང་བ་དང་ཉེ་ལམ་ལས་གནས་དེའི་ཐོག་སླར་བསྐོ་གཞག་གནང་ཡོད་པ་རེད།  

རེས་གཟའ་མིག་དམར། ༢༠༡༨།༠༦།༡༢

ཉན་པ།: Listen ཕབ་ལེན། Download ༸གོང་ས་མཆོག་གི་སྙུང་གཞིའི་སྐོར་གྱི་གནས་ཚུལ་དེ་ཁུངས་ལུང་མེད་པ་རེད་ཅེས་གསུངས་སོང་། རྒྱ་གཞུང་གིས་ཆབ་སྲིད་བཙོན་ཟུར་ཞིག་གི་ནང་མི་ཚོར་འདྲི་རྩད་དང་ཉེས་ཆད་བཏང་འདུག བོད་ནང་གི་སློབ་གྲྭ་ཁག་ནང་དམག་སྦྱོང་སྤྲད་པ། ཁེ་ན་ཌའི་གཞུང་མང་ལ་ཐུགས་རྗེ་ཆེ་ཞུའི་ལས་རིམ་དབུ་འཛུགས། མང་ཚོགས་རྩིས་ཁྲའི་ཚོགས་ཆུང་སྐབས་དགུ་པའི་ལས་དོན་དབུ་འཛུགས། ཨུ་རུ་སུའི་ཚན་རིག་པ་དང་ནང་པའི་མཁས་དབང་དབར་བགྲོ་གླེང་གནང་བའི་དུས་དེབ་འདོན་སྤེལ། གླུ་གཞས་ལས་རིམ། ཐང་ཐང་པདྨ་དབང་གྲགས་ལགས་ཀྱིས་བླངས་པའི་གླུ་གཞས་ས་ག་ཟླ་བ། Tuesday 12/06/2018 News of Dalai Lama’s terminal illness baseless, says private secretary Family of former political prisoner harassed and threatened China giving military training in Tibetan schools Thank you Canada: Week-long series of event begins in Ottawa New Book on recent dialogue between Russian scientists and Tibetan Buddhist Scholars released TPiE’s 9th Public Accounts Committee commences work MUSIC FEATURE: ‘Saka Dawa’ by Thang Thang Pema Wangdak

༸གོང་ས་མཆོག་གི་༸སྐུའི་སྙུང་གཞི་སྐོར་སྤེལ་བའི་གནས་ཚུལ་དེ་ཁུངས་ལུང་མེད་པ་རེད།

༸དཔལ་ལྡན་དགའ་ལྡན་ཕོ་བྲང་གི་དྲུང་ཆེ་འཆི་མེད་རིན་འཛིན་ལགས་ཀྱིས་བརྒྱུད་ལམ་ཁག་ཏུ་༸གོང་ས་༸སྐྱབས་མགོན་ཆེན་པོ་མཆོག་ལ་ཛ་དྲག་ཆེ་བའི་༸སྐུའི་སྙུང་གཞི་ཡོད་པའི་གནས་ཚུལ་སྤེལ་བ་དེ་ཚོ་ཁུངས་ལུང་མེད་པའི་གནས་ཚུལ་ཞིག་ཡིན་པ་དང། དོན་དངོས་ཐོག་ད་ལྟའི་ཆར་མགོན་པོ་༸གང་ཉིད་མཆོག་༸སྐུ་ཁམས་གསལ་ཐང་ཡིན་པས་མང་ཚོགས་ཚོ་བློ་བདེ་པོའི་ངང་ནས་བཞུགས་རོགས་ཞེས་གསུངས་སོང། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ད་རེས་རྒྱ་གར་ནས་ཡོ་རོབ་རྒྱལ་ཁབ་ལ་ཊི་ཝི་ཡ་དང་ལི་ཐོ་ནི་ཡ་ནང་ཆིབས་བསྒྱུར་མཛད་པ་དང་འབྲེལ། དེ་རིང་རྒྱ་གར་གྱི་ The Quint དང་ National Heralded དེ་བཞིན་ The Tribune བཅས་ཀྱི་གསར་འགྱུར་ནང་༸གོང་ས་མཆོག་ལ་ Prostate Cancer འམ་ལྒང་པའི་འབྲས་ནད་ཡོད་སྐོར་དང། དེ་བཞིན་༸སྐུའི་སྙུང་གཞི་དེའི་ཆེད་མགོན་པོ་༸གང་ཉིད་མཆོག་ལོ་ཤས་ནང་ཨ་རིར་༸སྐུའི་འཕྲོད་བཞེས་བརྟག་དཔྱད་གནང་བཞིན་ཡོད་སྐོར་གྱི་གནས་ཚུལ་སྤེལ་འདུག འདི་ག་རླུང་འཕྲིན་ཁང་ནས་བརྒྱུད་ལམ་ཁག་ཏུ་སྤེལ་བའི་གནས་ཚུལ་དང་འབྲེལ་དེ་རིང་༸དཔལ་ལྡན་དགའ་ལྡན་ཕོ་བྲང་གི་དྲུང་ཆེ་འཆི་མེད་རིན་འཛིན་ལགས་སུ་བཅར་འདྲི་ཞུས་པར་ཁོང་གིས་ད་རེས་བརྒྱུད་ལམ་ཁག་ཅིག་གིས་༸གོང་ས་༸སྐྱབས་མགོན་ཆེན་པོ་མཆོག་ལ་ཛ་དྲག་ཆེ་བའི་༸སྐུའི་སྙུང་གཞི་ཡོད་པའི་གནས་ཚུལ་སྤེལ་བ་དེ་ཚོ་ཁུངས་ལུང་མེད་པའི་གནས་ཚུལ་ཞིག་ཡིན་པ་དང། དོན་དངོས་ཐོག་ད་ལྟའི་ཆར་མགོན་པོ་༸གང་ཉིད་མཆོག་༸སྐུ་ཁམས་གསལ་ཐང་ཡིན་པ་དང་། མགོན་པོ་༸གང་ཉིད་མཆོག་གི་མཛད་འཆར་ཁག་མང་དུ་ཕྱིན་པ་མ་གཏོགས་འགྱུར་བ་གང་ཡང་ཕྱིན་མེད་སྟབས་ མང་ཚོགས་ཚོ་བློ་བདེ་པོའི་ངང་ནས་བཞུགས་རོགས་ཞེས་གསུངས་སོང། ༸གོང་ས་༸སྐྱབས་མགོན་ཆེན་པོ་མཆོག་དེ་རིང་རྒྱ་གར་གྱི་རྒྱལ་ས་ལྡི་ལི་ནས་ཡོ་རོབ་རྒྱལ་ཁབ་ལི་ཐོ་ནི་ཡ་དང་ལ་ཊི་ཝི་ཡ་ནང་ཆིབས་བསྒྱུར་མཛད་ཡོད་པ་དང། ཁུལ་དེའི་ནང་གི་མཛད་འཆར་གཙོ་བོ་ནི་མཐོ་རིམ་སློབ་གྲྭ་དང་མང་ཚོགས་ལ་བཀའ་སློབ་བསྩལ་རྒྱུ་དང་། མང་ཚོགས་ལ་ཆོས་འབྲེལ་སོགས་ཀྱི་མཛད་འཆར་ཁག་ཅིག་བསྐྱང་གཏན་ཁེལ་ཡོད་པ་རེད། རྩ་བའི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འདི་ལོའི་ཕྱི་ཟླ་ ༤ པའི་ནང་རྒྱ་གར་གྱི་རྒྱལ་ས་ལྡི་ལིར་༸སྐུའི་འཕྲོད་བཞེས་བརྟག་དཔྱད་གནང་ཕྱིར་ཆིབས་བསྒྱུར་མཛད་ཡོད་པ་དང་། སྐབས་དེར་༸གོང་ས་མཆོག་དང་ལྷན་བཅར་ཞུས་པའི་༸སྐུའི་ཕྱི་ལུགས་བླ་སྨན་པ་ས་འདུ་ཚང་ཚེ་བརྟན་རྡོ་རྗེ་ལགས་ཀྱིས་༸གོང་ས་མཆོག་གི་༸སྐུའི་འཕྲོད་བཞེས་བརྟག་དཔྱད་ལེགས་གྲུབ་བྱུང་ཡོད་པས་༸གང་ཉིད་མཆོག་༸སྐུ་ཁམས་གསལ་ཐང་ཡིན་པ་གསུངས་ཡོད།

བོད་རིགས་སློབ་ཕྲུག་ཚོར་དམག་སྦྱོང་སྤྲོད་བཞིན་འདུག

རྒྱ་གཞུང་གིས་དེང་སྐབས་བོད་ཀྱི་ས་ཁྱོན་ཡོངས་ནང་བོད་རིགས་སློབ་ཕྲུག་ཚོར་སློབ་གྲྭའི་ནང་དམག་སྦྱོང་འཛིན་གྲྭ་ཞིག་ཚོགས་ནས་དམག་གི་སྦྱོང་བརྡར་སྤྲོད་བཞིན་ཡོད་པ་རེད་འདུག ཉེ་བའི་ཆར་ཟླ་བ་འདིའིི་ནང་བོད་ཁམས་དཀར་མཛེས་ཁུལ་རྟའུ་རྫོང་ནང་ཡོད་པའི་སློབ་གྲྭ་ཞིག་གི་ནང་དུའང་སློབ་ཕྲུག་ཚོར་དམག་ཆས་གཡོག་ཏེ་དམག་སྦྱོང་སྤྲོད་བཞིན་ཡོད་པ་དང་རྟའུ་རྫོང་ནང་ཡོད་པའི་བོད་པའི་སློབ་གྲྭ་དེའི་ནང་གཟའ་འཁོར་རེར་དམག་སྦྱོང་ཐེངས་གཉིས་རེ་གནང་དགོོས་ཀྱི་ཡོད་པ་རེད་འདུག སློབ་ཕྲུག་ཚོར་དམག་སྦྱོང་ཆེད་དམག་གི་སྒྲིག་ཆས་ཆ་ཚང་ལ་རྒྱ་སྒོར་ ༨༠ རེ་སྤྲད་ནས་ངེས་པར་དུ་ཉོ་དགོས་ཀྱི་ཡོད་པ་དང་། མེ་མདའ་འཕེན་སྟངས། ཆུ་དང་ཤིང་ལ་མཆོང་རྒྱུག་གནང་སྟངས་སོགས་དམག་སྦྱོང་སྣ་ཚོགས་ཤིག་སྦྱོང་བརྡར་སྤྲོད་མུས་རེད་འདུག སློབ་ཕྲུག་ལ་དམག་སྦྱོང་སྤྲོད་པའི་ལམ་ལུགས་དེ་ནི་ཕྱི་ལོ་ ༢༠༡༥ ཙམ་ནས་རྒྱལ་ཁབ་ཀྱིས་ཡོངས་ཁྱབ་གཏན་འབེབས་འོག་བོད་མདོ་དབུས་ཁམས་གསུམ་གྱི་སློབ་གྲྭ་ཡོངས་སུ་ལག་བསྟར་བྱེད་འགོ་ཚུགས་ཡོད་ཅིང་དམག་སྦྱོང་སྤྲོད་དོན་ནི་སློབ་ཕྲུག་རྣམས་སློབ་འབྲིང་འཛིན་རིམ་བཅུ་གཉིས་ཐོན་རྗེས་དམག་མིར་ཞུགས་ཚེ་དཀའ་ངལ་མེད་པར་འཛུལ་ཞུགས་ཐུབ་ཆེད་ཡིན་སྐོར་བརྗོད་འདུག

རྒྱ་གཞུང་གིས་རྒྱ་གར་ལ་ཡོད་པའི་ཆབ་སྲིད་བཙོན་ཟུར་ཞིག་གི་ཨ་མ་གཙོས་ནང་མི་ཚོར་འདྲི་རྩད་དང་ གང་བྱུང་ཉེས་ཆད་བཏང་འདུག

རྒྱ་ནག་གཞུང་ནས་དེ་སྔ་ཕྱི་ལོ་ ༡༩༩༧ ལོར་བོད་མགོ་ལོག་པདྨ་རྫོང་ཐོག་ཏུ་བོད་རང་བཙན་གྱི་ཡིག་ཆ་བཀྲམ་པ་སོགས་ཀྱི་བརྒྱུད་རྒྱ་ནག་གཞུང་ལ་ངོ་རྒོལ་གནང་མཁན་གྱི་ཁོངས་སུ་ཡོད་པ་ཆབ་སྲིད་བཙོན་ཟུར་བསྟན་འཛིན་འོད་ཟེར་ལགས་ཀྱི་ཨ་མ་སྨོན་ལམ་སྐྱིད་ལགས་ཀྱིས་གཙོས་ནང་མི་ཚོར་འདྲི་རྩད་དང་ གང་བྱུང་ཉེས་ཆད་བཏང་འདུག་པ་མ་ཟད། ཁོང་གི་ནང་མི་རྣམས་ནས་བསྟན་འཛིན་འོད་ཟེར་ལགས་གང་དུ་ཡོད་མེད་སོགས་ཁ་གསལ་རྩིད་སྤྲོད་བྱེད་དགོས་པ་དང་དེ་ལྟར་མ་གནང་ཚེ་མཇུག་འབྲས་ཚབས་ཆེན་ཡོང་ངེས་ཡིན་པའི་འཇིགས་སྐུལ་ཡང་བཏང་འདུག ད་ལྟའི་ཆར་སེ་ལ་ཀུལ་བོད་ཁྱིམ་སློབ་གྲྭར་ཕྱག་ལས་གནང་བཞིན་པ་ཆབ་སྲིད་བཙོན་ཟུར་བསྟན་འཛིན་འོད་ཟེར་ལགས་སུ་འདི་ག་རླུང་འཕྲིན་ཁང་ནས་ཁོང་གི་ནང་མིའི་གནས་སྟངས་དང་འབྲེལ་བཀའ་འདྲི་ཁག་ཅིག་ཞུས་པར་ད་ཆར་རྒྱ་ནག་གཞུང་གིས་ཁོང་གི་ཨ་མ་ལགས་ཀྱིས་གཙོས་ནང་མི་ཚོར་སུན་གཙེར་དང་ཉེས་ཆད་རིགས་བཏང་དོན་གཙོ་བོ་ནི་དེ་སྔ་སྤྱི་ལོ་ ༡༩༩༧ ལོར་ཁོང་གིས་གཙོས་ས་གནས་ཀྱི་དགེ་འདུན་པ་ཁག་ཅིག་ནས་མགོ་ལོག་པདྨ་རྫོང་ཐོག་ཏུ་བོད་རང་བཙན་གྱི་ཡིག་ཆ་བཀྲམ་པ་སོགས་ཀྱི་བརྒྱུད་རྒྱ་ནག་གཞུང་ལ་ངོ་རྒོལ་གནང་ཡོད་པ་དང་། སྐབས་དེར་ས་གནས་སྤྱི་བདེ་མི་སྣས་ཁོང་རྣམས་འཛིན་བཟུང་གིས་ཆབ་སྲིད་ཀྱི་ལས་འགུལ་སྤེལ་བའི་ཉེས་མིང་འོག་མི་ལོ་ལྔའི་དུས་བཀག་བཙོན་འཇུག་གི་ཁྲིམས་ཐག་བཅད་ཡོད་ཀྱང་། བཙོན་འཇུག་གི་ལོ་ཚད་མ་ལོང་བར་བརྟེན་ནས་ཟླ་ ༦ རིང་བཀག་ཉར་ཁང་དུ་བསམ་བློའི་སློབ་གསོ་སྤྲད་ནས་གློད་བཀྲོལ་རྗེས་ཁོང་བཙན་བྱོལ་དུ་གསང་བའི་ཐོག་ནས་ཕེབས་རྐྱེན་ཡིན་པ་གསུངས་སོང་། ད་ཆ་རང་ལོ་ ༣༥ ཡིན་པ་བསྟན་འཛིན་འོད་ཟེར་ལགས་ཀྱིས་ས་གནས་རྒྱ་གཞུང་གི་སྤྱི་བདེ་ཉེན་རྟོག་པས་ཟླ་ ༥ ཚེས་ ༢༢ ནས་ཟླ་ ༦ ཚེས་ ༦ བར་ཁོང་གི་ཨ་མ་ལགས་ལ་གང་བྱུང་སུན་གཙེར་རིགས་བཟོས་པ་མ་ཟད། འདས་པའི་བདུན་ཕྲག་གཉིས་རིང་ཨ་མ་ལགས་ཁ་གསལ་གང་ཡང་མེད་པའི་ས་ཆ་ཞིག་ཏུ་བཀག་ཉར་གྱིས་བུ་བསྟན་འཛིན་འོད་ཟེར་གང་དུ་ཡོད་མེད་དང་། གང་ཞིག་བྱེད་ཀྱི་ཡོད་མེད་སོགས་འདྲི་རྩད་བྱས་མཐར་རྒྱ་གཞུང་ནས་ཁོང་གི་སྲིང་མོ་ས་གནས་གཞུང་འབྲེལ་སྨན་ཁང་གི་སྨན་ཞབས་པའི་ལས་གནས་ནས་ཕྱིར་ཕུད་བཏང་བ་དང་། ཁོ་མོའི་བཟའ་ཟླ་ཡང་ལས་གནས་ནས་ཕྱིར་ཕུད་དང་ནང་མིའི་ཚལ་ཞིང་དང་ཟ་འབྲུ་ཉོ་བྱེད་ཀྱི་བྱང་བུ་གཞུང་བཞེས་བཏང་ཡོད་སྐོར་སོགས་འགྲེལ་བརྗོད་གནང་བ་དང་ཆབས་ཅིག རྒྱ་གཞུང་གི་བྱེད་སྟངས་དེ་ལ་བློ་ཕམ་དང་རང་ལོ་ ༦༩ ཡིན་པའི་ཨ་མ་ལགས་ཀྱི་བདེ་ཐང་ཐད་བློ་འཚབ་ཆེན་པོ་གནང་བཞིན་ཡོད་པའང་གསུངས་ཡོད། གཞི་རྩའི་ཆབ་སྲིད་བཙོན་ཟུར་བསྟན་འཛིན་འོད་ཟེར་ལགས་ཕྱི་ལོ་ ༢༠༠༠ ལོར་རྒྱ་གར་ནང་བྲོས་བྱོལ་དུ་ཕེབས་རྗེས་སུ་ཇཱ་བོད་ཁྱིམ་སློབ་གྲྭར་སློབ་སྦྱོང་དང་། དེ་རྗེས་རླངས་འཁོར་ལག་རྩལ་ཐོག་སྦྱང་བརྩོན་གྱིས་ད་ལྟའི་ཆར་སེ་ལ་ཀུལ་བོད་ཁྱིམ་སློབ་གྲྭར་ཕྱག་ལས་གནང་བཞིན་ཡོད་པ་རེད། བསྟན་འཛིན་འོད་ཟེར་ལགས་ཀྱིས་གཙོས་པའི་ཁོང་གི་ནང་མི་རྣམས་རྒྱུན་དུ་ཆབ་སྲིད་ཀྱི་ལས་འགུལ་ནང་མཉམ་ཞུགས་གནང་མྱོང་ཡོད་པ་དང་། ད་ལྟ་རང་ལོ་ ༤༠ ཡས་མས་ཡིན་པ་ཁོང་གི་གཅེན་པོ་ཕུ་བོ་རྡོ་ཕྲུག་དེ་སྔ་ ༡༩༩༧ ལོར་པདྨ་རྫོང་ཐོག་ཏུ་བོད་རང་བཙན་གྱི་ཡིག་ཆ་བཀྲམ་པའི་ལས་འགུལ་ཁྲོད་རྒྱ་གཞུང་གིས་འཛིན་བཟུང་བྱས་ཏེ་མི་ལོ་ ༦ རིང་དུས་བཀག་བཙོན་འཇུག་གི་ཁྲིམས་ཐག་བཅད་ཡོད་པ་དང་། དེ་ནས་ཕྱི་ལོ་ ༢༠༠༣ ལོར་གློད་བཀྲོལ་ཐོབ་ཀྱང་། ཕྱི་ལོ་ ༢༠༠༨ ལོའི་ས་བྱི་ཞི་རྒོལ་ཆེན་མོའི་ནང་མཉམ་ཞུགས་གནང་བར་བརྟེན་རྒྱ་གཞུང་གིས་ཁོང་སླར་ཡང་འཛིན་བཟུང་གིས་བཙོན་ཁང་དུ་བཙོན་འཇུག་བྱས་ཡོད་ཀྱང་། ཁྲིམས་ཆད་ཀྱི་ལོ་ལ་ཚད་བཀག་ཡོད་མེད་སོགས་ཤེས་རྟོགས་གང་ཡང་མེད་པ་རེད། གཞན་ཡང་བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ནས་ཀྱང་བསྟན་འཛིན་འོད་ཟེར་ལགས་ཀྱི་ནང་མིའི་གནས་སྟངས་ཕྱིར་བསྒྲགས་དང་སྦྲགས། རྒྱ་ནག་དམར་ཤོག་གཞུང་ནས་བསྟན་འཛིན་འོད་ཟེར་ལགས་རྩིས་སྤྲོད་དགོས་རབས་བཤད་ནས་ཁོང་གི་ནང་མི་ཚོར་གང་བྱུང་བརྡབ་གསིག་བཏང་བར་མཐའ་གཅིག་ཏུ་ངོ་རྒོལ་ཡོད་ལ། རྒྱ་གཞུང་ནས་བསྟན་འཛིན་འོད་ཟེར་གྱི་སྲིང་མོ་དང་མག་པ་གཉིས་ཀྱི་ལས་གནས་ཕྱིེར་སྤྲོད་དགོས་པར་མ་ཟད། ནང་མིའི་ཚལ་ཞིང་དང་ཟ་འབྲུ་ཉོ་བྱེད་ཀྱི་བྱང་བུ་ཡང་ཕྱིར་སྤྲོད་དགོས་པའི་འབོད་སྐུལ་ཞུས་པ་ཆབས་ཅིག རྒྱ་ནག་གཞུང་ཕྱོགས་ནས་བོད་ཀྱི་ཆབ་སྲིད་བཙོན་པ་དང་ཁོང་རྣམ་པའི་ནང་མི་ཚོར་འཇིགས་སྐུལ་དང་བརྡབ་གསིག་གཏོང་བཞིན་པ་མྱུར་དུ་མཚམས་འཇོག་དགོས་ཞེས་གསུངས་འདུག

མང་ཚོགས་རྩིས་ཁྲའི་ཚོགས་ཆུང་སྐབས་ ༩ པའི་ལས་དོན་དབུ་འཛུགས།

ཁ་སང་ཟླ་ ༦ ཚེས་ ༡༡ ཉིན་བོད་མི་མང་སྤྱི་འཐུས་ལྷན་ཚོགས་ཀྱི་མང་ཚོགས་རྩིས་ཁྲའི་ཚོགས་ཆུང་སྐབས་དགུ་པའི་ལས་དོན་དབུ་འཛུགས་གནང་ཡོད་པ་དང་། ལས་དོན་དེའི་ཁོངས་སུ་བོད་མི་སྒྲིག་འཛུགས་ཀྱི་ལྷན་ཁང་ཁག་དང་དེའི་ཁྱབ་ཁོངས་སུ་ཡོད་པའི་སྡེ་ཚན་ཁག རང་དབང་ཅན་གྱི་སྡེ་ཚན། སྒེར་གྱི་ཚོགས་པ་སོགས་ཀྱི་རྩིས་ལོ་ ༢༠༡༥ ནས་ ༢༠༡༦ དང་། རྩིས་ཞིབ་ཟིན་པའི་ ༢༠༡༧ ལོའི་རྩིས་ཁྲ་ཁག་ཅིག དེ་བཞིན་ཕྱི་ལོ་  ༢༠༡༤ ལོའི་ལྷག་ལུས་རྩིས་ཁྲར་ཞིབ་འཇུག་གནང་རྒྱུ་རེད་འདུག མང་ཚོགས་རྩིས་ཁྲའི་ཚོགས་ཆུང་གི་ངོས་ནས་བོད་མི་སྒྲིག་འཛུགས་ཀྱི་ལས་ཁུངས་མ་ལག་དང་བཅས་པའི་རྩིས་ལོ་ ༢༠༡༥༌༌༡༦ ལོར་ཞིབ་འཇུག་གནང་ཟིན་པའི་སྙན་ཐོ་དེ་ལོ་རྗེས་མའི་བོད་མི་མང་སྤྱི་འཐུས་ལྷན་ཚོགས་ཀྱི་སྔོན་རྩིས་གྲོས་ཚོགས་སུ་འབུལ་རྒྱུ་རེད་འདུག སྤྱི་འཐུས་ཀླུ་ཚང་རྒྱ་རིགས་ཐར་ལགས་ཀྱིས་ལོ་རེ་ནས་ལོ་རེ་བཞིན་རྩིས་རྙོག་རྣམས་གཙང་དུ་འགྲོ་བཞིན་པའི་རྣམ་པ་ཞིག་ཡོང་གི་ཡོད་པ་དང་བོད་མིའི་སྒྲིག་འཛུགས་ལའང་ཕན་ཐོགས་ཆེན་པོ་འབྱུང་བཞིན་ཡོད་པ་གསུངས་སོང་། རྩ་བའི་འདི་ལོའི་བོད་མི་མང་སྤྱི་འཐུས་ལྷན་ཚོགས་ཀྱི་མང་ཚོགས་རྩིས་ཁྲའི་ཚོགས་ཆུང་སྐབས་དགུ་པའི་མི་འགྲོར་སྤྱི་འཐུས་ཀླུ་ཚང་རྒྱ་རིགས་ཐར་ལགས་དང་། སྤྱི་འཐུས་མཁན་པོ་ཀཿ བྲག་དངོས་གྲུབ་བསོད་ནམས་ལགས། སྤྱི་འཐུས་དགེ་བཤེས་ལྷ་རམས་པ་གོ་བོ་བློ་བཟང་ཕན་བདེ་ལགས། སྤྱི་འཐུས་དོན་གྲུབ་བཀྲ་ཤིས་ལགས། སྤྱི་འཐུས་བློ་བཟང་ཆོས་འབྱོར་ལགས་བཅས་བསྐོ་གཞག་གནང་ཡོད་པ་རེད།

Latest news