Homepage

དེ་རིང་ཕྱི་ཚེས་༡༨ ཉིན་གྱི་སྔ་དྲོ་ཆུ་ཚོད་དགུ་པ་ཡོལ་ཙམ་ལ་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་མདུན་ལམ་སློབ་སྟོན་ཚན་པས་གོ་སྒྲིག་འོག་བཞུགས་སྒར་ཉེ་འདབ་སུ་རྟེན་གཞི་བྱས་པའི་དབུས་སྣེ་ལེན་ཁང་གི་འཛིན་སྐྱོང་སྦྱོང་བརྡར་ཁང་དུ་རྒྱ་གར་གྱི་མཐོ་སློབ་འདྲ་མིན་ནང་སློབ་གཉེར་གནང་བཞིན་པའི་བོད་རིགས་གཞོན་སྐྱེས་ལྔ་བཅུ་ལྷག་ལ་འགོ་ཁྲིད་ཀྱི་ཟབ་སྦྱོང་ཞིག་གནང་འགོ་བཙུགས་སོང་། སྐབས་དེར་ཟབ་སྦྱོང་དབུ་འབྱེད་མཛད་སྒོའི་སྐུ་མགྲོན་གཙོ་བོ་ཤེས་རིག་བཀའ་བློན་པདྨ་དབྱངས་ཅན་མཆོག་ནས་ད་ལྟའི་ཆ་ལ་འཛམ་བུ་གླིང་འདིའི་ཐོག་འགྲོ་བ་མི་ཐེར་འབུམ་བདུན་ལྷག་ཡོད་པའི་ནང་ནས་ཐེར་འབུམ་གཉིས་ལྷག་གཞོན་སྐྱེས་ལོ་ན་༡༨ ནས་༢༩ བར་ཆགས་ཀྱི་ཡོད་སྟབས། རྒྱ་སྤྱིའི་ཉམས་ཞིབ་པ་དང་མཁས་པ་མང་པོ་ཞིག་ནས་གཞོན་སྐྱེས་ཚོས་བཟང་ངན་ག་རེ་གནང་པ་ཡིན་ན་དེས་སྤྱི་ཚོགས་ཐོག་ལ་ནུས་པ་ཆེན་པོ་ཐོན་གྱི་ཡོད་སྐོར་གསུང་བཞིན་པ་འགྲེལ་བརྗོད་དང་སྦྲགས། གཞོན་སྐྱེས་རྣམས་ལ་སྤྱི་ཚོགས་བཟང་པོ་ཞིག་བསྐྲུན་རྒྱུའི་དམིགས་བསལ་གྱི་འགན་ཡོད་པ་དང་། ལྷག་པར་དུ་བོད་པའི་གཞོན་སྐྱེས་རྣམས་ལ་༸གོང་ས་སྐྱབས་མགོན་ཆེན་པོ་མཆོག་གི་དགོངས་བཞེས་ལམ་བསྟོན་ཕེབས་དོན་ལྟར། ཆེ་ས་ནས་འཛམས་གླིང་ཐོག་ཞི་བདེ་ཁྱབ་སྤེལ་གནང་ཐུབ་མཁན་གྱི་ན་གཞོན་འགོ་ཁྲིད་ཅིག་བྱེད་དགོས་ཀྱི་རེད་ཅེས་གསུངས་ཡོད། མ་ཟད་བཀའ་བློན་མཆོག་ནས་སྤྱིར་འགོ་ཁྲིད་ཀྱི་ཁྱད་ཆོས་དང་འབྲེལ། རང་ཉིད་ཀྱི་གཤམ་ལ་ཡོད་པའི་མི་མང་ལ་སྐད་ཆ་བཤད་རྒྱུའི་གོ་སྐབས་སྤྲོད་ཐུབ་པ་དང་། ཁོང་རྣམས་པས་གང་གསུངས་པ་དེ་དག་ཉན་ཐུབ་པ། དེ་ནས་གནད་དོན་ཐོག་བསམ་བློ་དང་དཔྱད་པ་གནང་ཐུབ་པ་ཙམ་མ་ཟད། གནད་དོན་རྣམས་གོ་བདེ་པོའི་ཐོག་ནས་མི་མང་ལ་འགྲེལ་བཤད་རྒྱབ་ཐུབ་པ། དེ་བཞིན་གནས་ཚུལ་གང་འདྲ་ཞིག་ཡིན་ཡང་བཟང་ཕྱོགས་ནས་ལྟ་ཐུབ་མཁན་སོགས་ཀྱི་ཁྱད་ཆོས་ལྡན་པས་མ་འོངས་བོད་པའི་འགོ་ཁྲིད་བཟང་པོ་ཞིག་བྱེད་རྒྱུ་གལ་ཆེན་པོ་ཡིན་པ་གསུངས་སོང་།   གཞན་ཡང་བཀའ་བློན་མཆོག་ནས་རང་ཉིད་སྒེར་གྱི་མྱོང་བ་ཁག་ཅིག་དྲན་གསོ་དང་སྦྲགས། གཞོན་སྐྱེས་སློབ་མ་རྣམས་ནས་མཐོ་སློབ་ཀྱི་དུས་ཡུན་དེ་སྟངས་འཛིན་གནང་རྒྱུ་གལ་ཆེན་པོ་ཡིན་པ་དང་། ལྷག་པར་དུ་མཐོ་སློབ་ཀྱི་གུང་གསེང་སྐབས་སུ་རང་ཉིད་ཀྱི་ཤེས་ཡོན་དང་འབྲེལ་བའི་ཉམས་ཞིབ་ཀྱི་སློབ་ཚན་ཐོག་ལ་དོ་སྣང་དང་གྲོས་བསྡུར་གནང་རྒྱུ། དེ་བཞིན་སྤྱི་ཚོགས་ལ་ཕན་པའི་དང་ལངས་ཀྱི་ཞབས་ཞུ་གནང་རྒྱུ་གལ་ཆེན་པོ་ཡིན་པ་སོགས་ཀྱི་ལམ་སྟོན་ཡང་གནང་ཡོད། གཞི་རྩའི་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་མདུན་ལམ་སློབ་སྟོན་ཚན་པས་གོ་སྒྲིག་འོག་ལོ་ལྟར་སློབ་གྲྭར་འགྲིམས་བཞིན་པའི་འཛིན་རིམ་བཅུ་པ་དང་གཅུ་གཉིས་ཀྱི་སློབ་མ། དེ་བཞིན་སློབ་གྲྭའི་རྒན་བདག་བཅས་ལ་འགོ་ཁྲིད་ཀྱི་ནུས་པ་བསྐྱེད་སྲིང་གནང་ཕྱོགས་སོགས་དང་འབྲེལ་བའི་ཟབ་སྦྱོང་ཁག་ཅིག་གནང་མུས་ཐོག ཉེས་དུས་ནས་མཐོ་སློབ་འགྲིམས་བཞིན་པའི་གཞོན་སྐྱེས་ཚོ་ལ་ཡང་འགོ་ཁྲིད་ཟབ་སྦྱོང་གནང་འགོ་འཙུགས་ཏེ། དེ་རིང་གི་ཟབ་སྦྱོང་དེ་ཐེངས་གསུམ་པ་དེ་ཆགས་ཀྱི་ཡོད་པ་རེད།

ཉན་པ།: Listen ཕབ་ལེན། Download བློ་གསར་གཞོན་ནུ། དུས་རབས་ཉེར་གཅིག་ནང་གི་ནང་པའི་གཞོན་སྐྱེས། Sunday 17/06/2018 Young Minds: 21st Century Buddhist Youth

ཉན་པ།: Listen ཕབ་ལེན། Download ༸གོང་ས་མཆོག་གིས་རྒྱལ་ས་རི་གྷ་ནང་ཆོས་འབྲེལ་དབུ་འཛུགས་མཛད་པ། ཕ་རན་སིའི་གཞུང་ལ་བཀྲིས་དབང་ཕྱུག་ལགས་ཀྱི་གནད་དོན་འདྲི་རྩད། སྙེ་མོ་གླང་འདུལ་འབྲོག་པའི་རྩྭ་ས་གཏོར་བཤིག་གིས་མང་ཚོགས་ལ་དཀའ་ངལ་འཕྲད་བཞིན་འདུག སུད་ཌེན་ཁྲིམས་ཁང་གིས་རྡོ་རྗེ་རྒྱལ་མཚན་ལ་ཟླ་བ་ ༢༢ ཀྱི་བཙོན་འཇུག་ཁྲིམས་ཐག་བཅད་པ། མདོ་ཁམས་ཆུ་བཞི་སྒང་དྲུག་དབུ་བརྙེས་ནས་ལོ་ངོ་ ༦༠ འཁོར་བར་སྲུང་བརྩི། གསུང་ཆོས་ལས་རིམ། ༸གོང་ས་མཆོག་ནས་བསྩལ་བའི་སྤྱོད་འཇུག་ཆེན་མོའི་བཀའ་ཆོས། Saturday 16/06/2018 Dalai Lama begins 3 day teaching in Riga French Foreign Ministry questioned on jailed Tibetan language advocate Tibetans in Nyemo concerned overforced land grab by authorities Tibetan man found guilty of spying for China Tibetans commemorate 60th anniversary of Chushi Gangdruk FEATURE: Dalai Lama’s teaching on ‘Choejug’

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཡུ་རོབ་ Latvia འི་རྒྱལ་ས་ Riga ནང་དུ་༸རྗེ་ཙོང་ཁ་པ་ཆེན་པོས་མཛད་པའི་རྟེན་འབྲེལ་བསྟོད་པའི་བཀའ་ཆོས་དབུ་འཛུགས་བཀའ་དྲིན་བསྐྱངས་འདུག ༸གོང་ས་མཆོག་ཟླ་ ༦ ཚེས་ ༡༡ ནས་ཡུ་རོབ་བྷལ་ཊིཀ་རྒྱལ་ཁབ་ Lithuania དང་ Latvia འི་ནང་མང་ཚོགས་ལ་བཀའ་སློབ་དང་ཆོས་འབྲེལ་གྱི་མཛད་འཕྲིན་ཁག་ཅིག་སྐྱོང་ཡོད་བཞིན་པ་ལྟར། མགོན་པོ་༸གང་ཉིད་མཆོག་གིས་དེ་རིང་སྔ་དྲོ་ས་གནས་དེའི་དད་ལྡན་མང་ཚོགས་སྤྱི་དང་སྒོས་སུ་ནང་སོག་དང་ཨུ་རུ་སུ་ནས་ཆེད་བཅར་ཞུས་པའི་དད་ལྡན་ཆོས་ཞུ་བ་རྣམས་ལ་རྡོ་རྗེ་གཅོད་པ་དང་རྟེན་འབྲེལ་བསྟོད་པའི་བཀའ་ཆོས་དབུ་འཛུགས་བཀའ་དྲིན་བསྐྱངས་ཡོད་པ་རེད། བཀའ་ཆོས་ཀྱི་ཐོག་མ་དེར་༸གོང་ས་མཆོག་གིས་ཆོས་ཞུ་བ་རྣམས་ལ་འཚམས་འདྲི་དང་སྦྲགས་ཏེ་ནང་པ་སངས་རྒྱས་པའི་ཆོས་ཀྱི་ངོ་སྤྲོད་གནང་བ་དང་། འཛམ་གླིང་ཐོག་འཚོ་བ་བདེ་སྡུག་མྱོང་མཁན་གྱི་སེམས་ཅན་ཐམས་ཅད་སྡུག་བསྔལ་མི་འདོད་པ་དང་བདེ་བ་འདོད་མཁན་གཅིག་མཚུངས་ཡིན་པ་དེ་ལྟར་ཡང་། བདེ་སྡུག་གྱི་རྒྱུ་ངོ་མ་དེ་གང་ཡིན་ཤེས་རྟོགས་ལེགས་པོ་མ་ཐུབ་པའི་དབང་གིས་དཀའ་ངལ་མང་དག་ཞིག་འཕྲད་བཞིན་ཡོད་པར་བཀའ་བསྩལ་དང་ཆབས་ཅིག་ཏུ་ང་ཚོས་ལུས་སེམས་གཉིས་ཀྱི་སྡུག་བསྔག་དང་ཡིད་བློའི་སྡུག་བསྔལ་གྱི་རྒྱུ་དེ་དག་ལ་དང་དོད་མི་གནང་པར་གཉེན་པོ་བསྟན་དགོས་གལ་ཡིན་པ་བཀའ་བསྩལ་འདུག འཛམ་གླིང་ཐོག་འཇིག་རྟེན་བཀོད་པ་པོ་འདོད་མཁན་གྱི་ཆོས་བརྒྱུད་དང་དེ་ལྟར་མི་འདོད་མཁན་གྱི་ཆོས་བརྒྱུད་སོགས་རིགས་མང་པོ་ཡོད་ཀྱང་། ཆོས་བརྒྱུད་ཚང་མའི་ནང་བསླབ་བྱ་གཙོ་བོ་དེ་བྱམས་བརྩེ་ཡིན་སྟབས་འགྲོ་བ་མིའི་སྤྱི་ཚོགས་ནང་བྱམས་བརྩེ་གོང་འཕེལ་གནང་གལ་ཡིན་པ་དང་། དེ་ལྟར་བྱུང་ཚེ་རིམ་པས་འཛམ་བུ་གླིང་འདི་ཞི་བདེ་ལྡན་པ་ཞིག་བསྐྲུན་ཐུབ་ངེས་རེད་ཅེས་ལམ་སྟོན་མཛད་ཡོད། དེ་བཞིན་༸གོང་ས་མཆོག་ནས་སངས་རྒྱས་ཀྱིས་ཆོས་འཁོར་རིམ་པ་གསུམ་སྐོར་བའི་མཛད་པ་དང་། ནང་ནང་ཆོས་དར་ཚུལ་སོགས་ངོ་སྤྲོད་མཛད་པ་དང་ཆབས་ཅིག་ཏུ་དུས་ད་ལྟ་ལའང་སངས་རྒྱས་ཀྱི་བཀའ་འགྱུར་དང་བསྟན་འགྱུར། ལེགས་སྦྱར་ཐོག་ཡོད་པའི་སེམས་ཁམས་རིག་པ་དང་ཚད་མ་རིག་པའི་རྣམ་གཞག་དེ་དག་ཆ་ཚང་བ་ཞིག་བོད་ཐོག་མཇལ་རྒྱུ་ཡོད་སྟབས། རིག་གནས་དེ་དག་ཐོག་སློབ་གཉེར་གནང་བར་ངེས་པརདུ་བོད་ཡིག་ཤེས་དགོས་གནད་ཡིན་པའི་ལམ་བསྟོན་མཛད་འདུག དེ་བཞིན་མགོན་པོ་༸གང་ཉིད་མཆོག་གིས་ཐེངས་འདིའི་ཆོས་འབྲེལ་ཐོག་ནང་སོག་དང་ཨ་རུ་སུ་ནས་དད་ལྡན་མི་ཉུང་བ་ཞིག་ཆེད་བཅར་ཞུས་ཡོད་སྟབས། འདས་པའི་ལོ་རྒྱུས་ཁྲོད་བོད་དང་སོག་པོའི་དབར་ཆོས་འབྲེལ་ཡོད་སྐོར་ངོ་སྤྲོད་དང་སྦྲགས། བར་སྐབས་ཤིག་ནས་སོག་ཡུལ་ནང་ནང་ཆོས་ཉམས་གུད་བྱུང་ཡོད་ཀྱང་། ད་ལྟའི་ཆར་རྒྱ་གར་ནང་ཡོད་པའི་བོད་པའི་དགོན་སྡེ་གྲྭ་ཚང་ཁག་ཏུ་སོག་པོའི་སློབ་གཉེར་བ་མང་པོ་ཡོད་སྟབས་ཁོང་རྣམས་ནས་རིམ་པས་སངས་རྒྱས་ཀྱི་བསྟན་པ་ལ་ཕན་ཐོགས་ཆེན་པོ་བསྒྲུབ་ཐུབ་ཀྱི་རེད་ཅེས་བཀའ་བསྩལ་ཡོད། སྐབས་དེའི་སྔོན་འགྲོའི་ནང་ཆོས་ངོ་སྤྲོད་གྲུབ་མ་ཐག་མགོན་པོ་༸གང་ཉིད་མཆོག་ནས་ཐེངས་འདིའི་ཆོས་འབྲེལ་དངོས་གཞི་རྡོ་རྗེ་གཅོད་པའི་བཀའ་ཆོས་བཀའ་དྲིན་བསྩལ་ཡོད་པ་དང་། བཀའ་ཆོས་ཀྱི་འཕྲོ་སྐྱོང་དེ་སང་སྔ་ཐོག་མུ་མཐུད་མཛད་རྒྱུ་ཡིན་པ་མ་ཟད། གནངས་ཉིན་ཆོས་འབྲེལ་ཉིན་མཐའ་མར་མགོན་པོ་༸གང་ཉིད་མཆོག་ནས་དད་ལྡན་མང་ཚོགས་རྣམས་ལ་སྤྱན་རས་གཟིགས་ཀྱི་བཀའ་དབང་དང་༸རྗེ་བཙུན་འཇམ་དཔལ་དབྱངས་དཀར་པོའི་རྗེས་གནང་བཀའ་དྲིན་བསྩལ་གྱི་ཡོད་པ་རེད། གཞི་རྩའི་ཐེངས་འདིའི་ Latvia ནང་གི་ཆོས་འབྲེལ་གྱི་མཛད་འཆར་འདི་ཨུ་རུ་སུ་དང་ Latvia འི་ནང་ལ་རྟེན་གཞི་བྱས་པའི་བོད་སྐྱོབ་ཚོགས་པ་དང་། རུ་སུ་བོད་ཀྱི་སྐུ་ཚབ་དོན་གཅོད་བཅས་ཀྱིས་གོ་སྒྲིག་ཞུས་པ་ཞིག་ཡིན་པ་དང་། ལོ་ཤས་གོང་ནས་ཨུ་རུ་སུ་དང་ཡུ་རོབ་ Baltic རྒྱལ་ཁབ་ཁག་ཏུ་ཡོད་པའི་དད་ལྡན་ཉམ་ཐག་རྣམས་གཙོ་གྱུར་ས་གནས་མི་མང་ཚོར་དཔལ་འབྱོར་དང་འགྲོ་བསྐྱོད་སོགས་ཀྱི་དཀའ་ངལ་ཆེན་པོ་འཕྲད་བཞིན་ཡོད་སྟབས། མགོན་པོ་༸གང་ཉིད་མཆོག་ནས་ཐུགས་བརྩེ་བ་ཆེན་པོས་ཕྱི་ལོ་ ༢༠༡༤ ལོ་ནས་ད་བར་ཁུལ་དེར་ཆོས་འབྲེལ་ཐེངས་བཞི་ལྷག་བསྐྱངས་གནང་མཛད་ཡོད་པ་རེད།

 དེའང་སྔ་ལོ་ ༢༠༡༧ ལོར་ལྷ་ས་གྲོང་ཁྱེར་སྙེ་མོ་རྫོང་མར་རྐྱང་ཤང་གླང་འདུལ་གྲོང་ཚོའི་ཁྱིམ་ཚང་ ༦༠ ལྷག་གི་རྩྭ་ས་མུའུ་ ༥༠༠༠ ལྷག་གི་ཐོག་ས་གནས་རྒྱ་ནག་ས་གནས་སྲིད་གཞུང་གི་དབང་འཛིན་པས་ཞིང་ཁ་འདེབས་རྒྱུ་ཡིན་ཞེས་ས་ཞིང་གཞུང་བཞེས་བཏང་ནས་ས་ཞིང་བཏབ་ཀྱང་མ་སྐྱེས་པར་ད་ཆར་རྩྭ་ས་ཚང་མ་རྩབ་ཧྲལ་ཆགས་ཡོད་ཀྱང་དེར་གུན་གསབ་གང་ཡང་མ་སྤྲད་སྟབས་མང་ཚོགས་ཀྱི་ཕྱུགས་ཟོག་ལ་རྩྭ་ཟ་རྒྱུ་མེད་པར་གྱུར་ཏེ་འཚོ་བར་དཀའ་ངལ་ཆེན་པོ་འཕྲད་བཞིན་ཡོད་པ་རེད་འདུག འོན་ཀྱང་གོང་རིམ་ནས་དེའི་ཐད་དོ་སྣང་དང་བདག་སྤྲོད་གང་ཡང་བྱས་མེད་རྐྱེན་མང་ཚོགས་རྣམས་ལའང་དཀའ་ངལ་ཆེན་པོ་འཕྲད་མུས་རེད་འདུག དེ་འབྲེལ་བརྙན་ཐུང་ཞིག་དྲྭ་ལམ་བརྒྱུད་འབྱོར་བའི་ནང་བའི་གོང་རིམ་དབུ་ཁྲིད་ཚོ་ཕེབས་རོགས། སྲིད་གཞུང་གིས་ཞིང་འདེབས་རྒྱུ་ཡིན་ཟེར་ནས་རྩྭ་རའི་མུའུ་ ༥༠༠༠ ལྷག་དང་ཁྱིམ་ཚང་ ༦༠ ལྷག་གི་རྩྭ་ས་སྤང་རྩྭ་ཚང་མ་བསྔོགས་ནས་འདི་ལྟར་བཞག་འདུག འདིའི་ནང་ཞིང་སྐྱེ་སྲིད་དམ། གོང་རིམ་དབུ་ཁྲིད་ཚོ་ཕེབས་རོགས། བཀའ་དྲིན་ཆེ། རིན་མེད་ཀྱི་ཐོག་ནས་འབྲོག་པ་མང་ཚོགས་ཀྱི་འཚོ་རྟེན་སྤང་རྩྭ་ཚང་མ་ས་སྐྱ་བཟོས་སོང་། ཐུགས་ཁུར་གནང་རོགས་ཞེས་འབོད་སྐུལ་ཞུས་པ་མངོན་རྒྱུ་འདུག དེ་བཞིན་མང་ཚོགས་ལ་རང་གི་འགོ་ཁྲིད་བདམ་པའི་ཐོབ་ཐང་མི་འདུག་འགོ་ཁྲིད་ནི་གོང་རིམ་ཡུལ་ཚོ་སྲིད་གཞུང་ནས་འོས་མི་བཏོན་ཏེ་ཐག་གཅོད་གནང་བ་ལས་ས་གནས་མང་ཚོགས་ལ་དབང་ཆ་གང་ཡང་མི་འདུག ལྷག་དོན་གྲོང་ཁྱེར་ནས་ལས་བྱེད་ལྟ་སྐོར་དུ་ཡོང་སྐབས་ཀྱང་མང་ཚོགས་ལ་བདེ་སྡུག་གི་སྐད་ཆ་ཤོད་དབང་མི་འདུག་ཅེས་གསུངས་འདུག

ཡོ་རོབ་རྒྱལ་ཁབ་སུད་ཌིན་ནང་གནས་སྡོད་བྱེད་མཁན་བོད་མི་རྡོ་རྗེ་རྒྱལ་མཚན་ཟེར་བ་ཞིག་རྒྱ་གཞུང་གི་གསང་ཉུལ་བའི་ལས་སྣེ་ཐོག་ཡུལ་དེའི་སྐྱབས་བཅོལ་བོད་མིའི་གནས་ཚུལ་ཁག་རྒྱ་གཞུང་ལ་མཁོ་སྤྲོད་བྱས་པ་ར་འཕྲོད་བྱུང་སྟབས་སུད་ཌེན་གཞུང་གི་ཁྲིམས་ཁང་གིས་ཟླ་བ ༢༢ ཀྱི་བཙོན་འཇུག་ཁྲིམས་ཐག་བཅད་འདུག བརྒྱུད་ལམ་ཁག་ཏུ་གནས་ཚུལ་སྤེལ་བར་ཁ་སང་ཚེས་ ༡༥ ཉིན་ Sodertorn རྫོང་གི་ཁྲིམས་ཁང་ནས་རང་ལོ་ ༤༩ ཡིན་པ་བོད་མི་རྡོ་རྗེ་རྒྱལ་མཚན་གིས་རྒྱ་གཞུང་གི་གསང་ཉུལ་བའི་ལས་སྣེ་ཐོག་ཕྱི་ལོ་ ༢༠༡༥ ཟླ་ ༧ ནས་ཕྱི་ལོ་ ༢༠༡༧ ཟླ་ ༢ བར་གསང་ཉུལ་བའི་ཁྲིམས་འགལ་ལས་དོན་གཉེར་ཡོད་པ་ར་འཕྲོད་བྱུང་ཡོད་པ་རེད། སུད་ཌེན་གཞུང་གི་ཁྲིམས་རྩོད་པ་སྐུ་ཞབས་ Daniel Eriksson ལགས་ཀྱིས་ Sweden གཞུང་གི་གསང་བའི་ལས་ཁུངས་ནས་ཞིབ་འཇུག་མཐིལ་ཕྱིན་གནང་ཐོག་བོད་མི་དེས་ཁུལ་དེའི་ནང་གནས་སྡོད་སྐྱབས་བཅོལ་བའི་འགྲོ་སྡོད་སྤྱོད་གསུམ་གྱི་སྐོར་དང་། ས་གནས་བོད་མིའི་ཚོགས་འདུ་དང་ཆབ་སྲིད་ཀྱི་ལས་དོན་སོགས་ཀྱི་གནས་ཚུལ་ཁག་གསང་བའི་ངང་ Poland ནང་ཡོད་པའི་རྒྱ་གཞུང་གི་འབྲེལ་ཡོད་ལས་བྱེད་ལ་མཁོ་སྤྲོད་བྱས་ཡོད་པ་ར་འཕྲོད་བྱུང་འདུག་པ་དང་། མི་དེས་བྱ་ངན་སྤེལ་རྐྱེན་སུད་ཌེན་རྒྱལ་ཁབ་ནང་གནས་སྡོད་སྐྱབས་བཅོལ་བོད་མི་གཙོ་གྱུར་རྒྱལ་ཁབ་གཞན་ཁག་ཏུ་གནས་སྡོད་སྐྱབས་བཅོལ་བོད་མི་ཚོར་གནོད་གཞི་ཆེན་པོ་བྱུང་ཡོད་སྲིད་པ་རེད་ཅེས་བཅས་གསུངས་འདུག དེ་སྔོན་སུད་ཌེན་བརྒྱུད་ལམ་ཐོག་རྡོ་རྗེ་རྒྱལ་མཚན་གྱིས་གནས་ཚུལ་མཁོ་སྤྲོད་བྱས་པར་ཨ་སྒོར་ ༦༠༠༠ ཙམ་རག་སོན་བྱུང་ཡོད་པ་བཀོད་ཡོད་ཀྱང་། རྡོ་རྗེ་རྒྱལ་མཚན་གྱི་ཁྲིམས་རྩོད་པ་ Mikael Soderberg ལགས་ཀྱིས་སུད་ཌེན་གཞུང་གིས་ཁོ་པར་ཆད་པ་བཅད་པ་དེ་ངོས་ལེན་བྱས་མེད་པར་མ་ཟད་ཁྲིམས་ཁང་གོང་མར་ཞུ་གཏུག་བྱ་རྒྱུ་ཡིན་ཞེས་འགྲེལ་བརྗོད་གནང་འདུག རྩ་བའི་སུད་ཌེན་ནང་གནས་སྡོད་བྱེད་མཁན་བོད་མི་རྡོ་རྗེ་རྒྱལ་མཚན་ཟེར་བ་དེར་ཕྱི་ལོ ༢༠༡༧ ཟླ་ ༢ ནང་ Sweden གསང་བའི་ལས་ཁུངས་ནས་རྒྱ་གཞུང་གི་གསུང་མྱུལ་བའི་དོགས་གཞིའི་ཐོག་འཛིན་བཟུང་བྱས་པའི་གསལ་བསྒྲགས་ཤིག་གནང་བ་ལས་ཞིབ་ཕྲའི་གནས་ཚུལ་གང་ཡང་སྤེལ་མེད་པ་རེད། ལོ་འདིའི་ཟླ་ ༤ པའི་ནང་སླར་ཡང་འཛིན་བཟུང་གྱིས་གསང་མྱུལ་བའི་མིང་དང་ལོ་ན་བཅས་ཁ་གསལ་བཏོན་བྱས་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་ལ་ཊི་ཝི་ཡའི་རྒྱལ་ས་རི་གྷར་༸ཞབས་སོར་བདེ་བར་འཁོད་པ། ༸གོང་ས་མཆོག་གི་དགུང་ཀེག་སྔ་བསུར་དང་ཞབས་རིམ་གསོག་སྒྲུབ། ཡོ་རོབ་མཐུན་ཚོགས་ནས་རྒྱ་ནག་གི་འགྲོ་བ་མིའི་ཐོབ་ཐང་གླེང་དགོས་པ་གསུངས་འདུག ཌེན་མག་ཉེན་རྟོག་པ་དང་བོད་དོན་ལས་འགུལ་བའི་གྱོད་གཞིར་ཞིབ་འཇུགགཏིང་ཟབ་ཏུ་བཏང་བ། རྒྱ་གར་ལྷོ་ཕྱོགས་སུ་༸རྒྱལ་དབང་ཀརྨ་པའི་སྐུའི་འཁྲུངས་སྐར་སྲུང་བརྩི། ནང་ཆོས་དང་ཚན་རིག་ཐོག་དངོས་ཁམས་དང་འབྲེལ་བའི་པར་རིས་འགྲེམས་སྟོན། Friday 15/06/2018 Dalai Lama arrives in Riga for a three day visit Prayer service held to ward off obstacles to Dalai Lama’s long life EU urged to ‘throw full weight behind’ human rights with China Summit Denmark widens probe into police and pro-Tibet protesters Tibetans in South India celebrate Karmapa’s birthday

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཡུ་རོབ་རྒྱལ་ཁབ་ Lithuania ནང་གི་མང་ཚོགས་ལ་བཀའ་སློབ་བསྩལ་རྒྱུ་སོགས་ཀྱི་མཛད་འཕྲིན་ཁག་ལེགས་པར་གྲུབ་ཡོད་པ་ལྟར་དེ་རིང་སྔ་ཐོག་མགོན་པོ་༸གང་ཉིད་མཆོག་ཡུལ་དེ་ནས་ཆིབས་ཐོན་གྱིས་ཡོ་རོབ་རྒྱལ་ཁབ་ Latvia འི་རྒྱལ་ས་ Riga ནང་༸ཞབས་སོར་བདེ་བར་འཁོད་འདུག ༸གོང་ས་མཆོག་རྒྱལ་ས་རི་གྷའི་གནམ་ཐང་དུ་༸ཞབས་སོར་བདེ་བར་འཁོད་སྐབས་ཐེངས་འདིའི་ཆིབས་བསྒྱུར་གསོལ་འདེབས་ཞུ་མཁན་བོད་སྐྱོབ་ཚོགས་པའི་ཚོགས་མི་དང་རུ་སུ་བོད་ཀྱི་སྐུ་ཚབ་དོན་གཅོད་ཏེ་ལོ་རིན་པོ་ཆེ་མཆོག དེ་བཞིན་རི་གྷ་ནང་རྟེན་གཞི་བྱས་པའི་རྒྱ་གར་གཞུང་ཚབ་ལས་ཁུངས་ཀྱི་ལས་བྱེད།  ནང་སོག་དང་ཨུ་རུ་སུ་ནས་ཆེད་བཅར་ཞུས་པའི་དད་ལྡན་ཆོས་ཞུ་བ་གཙོས་ས་གནས་མང་ཚོགས་ཉིས་བརྒྱ་ལྷག་གིས་ལག་ཏུ་དཀར་གཙང་མཇལ་དར་དང་གདུག་སྤོས་སོགས་བསྣམས་ཏེ་དགའ་དད་སྤྲོ་གསུམ་ཐོག་ནས་ཕེབས་བསུའི་སྣེ་ལན་གཟབ་རྒྱས་ཞུས་འདུག འདི་ག་རླུང་འཕྲིན་ཁང་ནས་ཐེངས་འདིའི་རི་གྷ་ནང་གི་༸གོང་ས་༸སྐྱབས་མགོན་ཆེན་པོ་མཆོག་གི་མཛད་འཆར་དང་འབྲེལ་མཛད་འཆར་གོ་སྒྲིག་ཞུ་མཁན་ཁོངས་སུ་ཡོད་པ་རུ་སུ་བོད་ཀྱི་སྐུ་ཚབ་དོན་གཅོད་ཏེ་ལོ་རིན་པོ་ཆེ་མཆོག་ལ་ཞལ་པར་བརྒྱུད་བཀའ་འདྲི་ཁག་ཅིག་ཞུས་པར་༸གོང་ས་༸སྐྱབས་མགོན་ཆེན་པོ་མཆོག་ནས་སང་ཉིན་ཚེས་ ༡༦ ཉིན་དབུ་འཛུགས་ཀྱིས་ཚེས་ ༡༨ བར་ཁུལ་དེར་རྟེན་གཞི་བྱས་པའི་ Skonto ཚོགས་ཁང་དུ་དད་ལྡན་མང་ཚོགས་ལ་རྟེན་འབྲེལ་བསྟོད་པ་དང་རྡོ་རྗེ་གཅོད་པའི་བཀའ་ཆོས། དེ་བཞིན་༸རྗེ་བཙུན་འཇམ་དཔལ་དབྱངས་དང་སྤྱན་རས་གཟིགས་ཀྱི་བཀའ་དབང་བཀའ་དྲིན་བསྩལ་རྒྱུ་ཡིན་པ་སོགས་གསུངས་སོང་།   གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་གིས་འདས་པའི་ཉི་གྲངས་བཞིའི་རིང་ Lithuania རྒྱལ་ས་ Vilnius ནང་རྟེན་གཞི་བྱས་པའི་ Vilnius གཙུག་ལག་སློབ་གཉེར་ཁང་དུ་དགེ་ལས་སློབ་ཕྲུག་དང་མང་ཚོགས་བཅས་ལ་ཤེས་ཡོན་ལམ་ལུགས་ནང་བཟང་སྤྱོད་དགོས་གལ་སྐོར་བཀའ་སློབ་བཀའ་དྲིན་བསྩལ་ཡོད་པར་མ་ཟད་རྒྱལ་ས་ Vilnius ནང་རྟེན་གཞི་བྱས་པའི་ Siemens Arena ཚོགས་ཁང་ཆེན་མོར་རྒྱབ་ལྗོངས་འདྲ་མིན་ནས་ཡིན་པའི་ས་གནས་མང་ཚོགས་སྟོང་ཕྲག་བརྒལ་བར་བདེ་སྐྱིད་ཀྱི་བསྟན་བཅོས་ཞེས་པའི་བརྗོད་གཞིའི་ཐོག་བཀའ་སློབ་དང་བཀའ་འདྲིར་བཀའ་ལན་མཛད་པ་བཅས་ཀྱི་མཛད་འཕྲིན་བསྐྱངས་ཡོད་པ་རེད། ལྷག་པར་དུ་ཁ་སང་ Lithuania ནང་གི་མཛད་འཕྲིན་ཉིན་མཐའ་མའི་ཐོག་མགོན་པོ་༸གང་ཉིད་མཆོག་ནས་བཞུགས་གནས་གསོལ་མགྲོན་ཁང་དུ་ལི་ཐོ་ནི་ཡའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་འཐུས་མི་བརྒྱད་དང་། བོད་དོན་རྒྱབ་སྐྱོར་བ་ཁག་ཅིག་དང་མཇལ་མོལ་མཛད་འདུག སྐབས་དེར་མགོན་པོ་མཆོག་གིས་ད་བར་ལི་ཐོ་ནི་ཡའི་གྲོས་ཚོགས་འཐུས་མི་དང་མང་ཚོགས་རྣམས་ནས་བོད་དོན་ལ་རྒྱབ་སྐྱོར་གནང་བ་དེས་བོད་མིའི་སྙིང་སྟོབས་ཞུམ་པ་མེད་པར་སྔར་ལྷག་སྲ་བརྟན་ཐུབ་པར་ཕན་ནུས་ཆེན་པོ་ཐོན་ཡོད་པ་མ་ཟད། ལྷག་དོན་རྒྱ་གཞུང་ནས་བོད་ཀྱི་གནད་དོན་དེ་དྲང་བདེན་གྱི་ལམ་ནས་སེལ་ཐབས་གནང་དགོས་པའི་བརྡ་ལན་ཞིག་ཀྱང་སྤྲོད་ཀྱི་ཡོད་སྐོར་བཀའ་བསྩལ་བ་དང་ཆབས་ཅིག་ཏུ་རྒྱབ་སྐྱོར་བ་རྣམས་ནས་བོད་དོན་ལ་རྒྱབ་སྐྱོར་གནང་དང་གནང་བཞིན་པར་ཡི་རང་བསྔགས་བརྗོད་དང་ཐུགས་རྗེ་ཆེ་ཞེས་བཀའ་བསྩལ་འདུག ༸གོང་ས་མཆོག་ནས་བོད་ཀྱི་ཐུན་མོང་མ་ཡིན་པའི་རིག་གཞུང་སྤྱི་དང་སྒོས་སུ་རྒྱ་གར་གྱི་མནའ་བོའི་རིག་གནས་ལས་སེམས་ཁམས་རིག་པའི་རྣམ་གཞག་དེ་དག་དེང་གི་འགྲོ་བ་མིའི་སྤྱི་ཚོགས་ནང་བདེ་སྐྱིད་བསྐྲུན་རྒྱུ་དང་། སེམས་ཚོར་དྲག་པོའི་ཆ་དེ་དག་འགོག་པར་དགེ་མཚན་ཆེན་པོ་ཡོད་པའི་ལམ་སྟོན་རྒྱ་ཆེ་བསྩལ་འདུག