Homepage

དེ་སྔ་བལ་ཡུལ་ལ་ས་ཡོམ་གྱི་གོད་ཆག་བྱུང་རྗེས་འགྲམ་གྲོང་བརྡལ་དུ་གཏན་སྡོད་བྱེད་མཁན་བོད་མི་རྣམས་རྒྱ་གཞུང་གིས་གཞིས་ཀ་རྩེར་གནས་སྤོ་བྱེད་བཅུག་པའི་གྲས་བོད་གཉའ་ལམ་རྫོང་ཁོངས་ནས་ཡིན་པའི་སྐལ་བཟང་ལྷ་མོ་ལགས་ཕྱི་ལོ་ ༢༠༠༨ ལོར་རྒྱ་གར་དུ་བཙན་བྱོལ་ལ་ཕེབས་ཡོད་པ་དང་། ཕྱི་ལོ་ ༢༠༡༥ ཟླ་ ༤ པའི་ནང་བོད་ནང་ཡོད་པའི་ཁོ་མོའི་པཱ་ལགས་སུ་ནད་གཞི་ཚབས་ཆེན་ཞིག་ཕོག་ནས་གཤག་བཅོས་ཆེད་སྨན་ཁང་དུ་ཡོད་པའི་གནས་ཚུལ་ཐོས་རྗེས་ཁོ་མོས་བལ་ཡུལ་རྒྱ་ནག་གཞུང་ཚབ་ཁང་ནས་ཁྲིམས་མཐུན་ལམ་ཡིག་ཞུས་པ་ལྟར་དེ་ལྟར་རག་ནས་ཕྱིར་ཕ་ཡུལ་དུ་ལོག་འདུག་ཀྱང་གཉའ་ལམ་རྫོང་ཉེན་རྟོག་པས་ཁོ་མོར་འདྲི་རྩད་དང་ལམ་ཡིག་ཕྱིར་བསྡུ་བྱས་ཏེ་གང་དུ་ཡང་འགྲོ་བསྐྱོད་མི་ཆོག་པའི་བཟང་བཙོན་ལྟ་བུར་བཞག་འདུག ཁོ་མོས་ཐེངས་གཉིས་བྲོས་བྱོལ་འགྲོ་རྒྱུའི་ཐབས་ཤེས་གནང་ནས་མཐར་ཕྱི་ལོ་ ༢༠༡༦ ཟླ་བཞི་པར་བལ་ཡུལ་དུ་འབྱོར་ཐུབ་ཀྱང་གཉའ་ལམ་རྫོང་ཉེན་རྟོག་པས་ཁོ་མོའི་ནང་མིར་ཁོ་མོ་ཉིན་གསུམ་ནང་ཚུད་ཕྱིར་ལོག་བྱེད་བཅུག་དགོས་པའི་སུན་གཙེར་དང་སྤུན་ཆུང་བ་འཛིན་བཟུང་བཀག་ཉར་གྱིས་འདྲི་རྩད་དང་རྡུང་རྡེག་ཚད་མེད་བཏང་བ་མ་ཟད་རྒྱ་གཞུང་གི་སྤྱི་དམངས་ཐོབ་ཐང་དཔང་ཡིག་འཕྲོག་པ་དང་ནང་མི་ཚོར་སྲིད་གཞུང་གིས་སྤྲོད་བཞིན་པའི་ཐོབ་ཐང་ཡོད་ཚད་བཀག་འདུག དེ་བས་ཀྱང་གཉའ་ལམ་རྫོང་ཉེན་རྟོག་པས་དངོས་ཤུགས་བརྒྱུད་གསུམ་ནས་ཁོ་མོ་ཕྱིར་ལོག་བྱེད་པའི་ཐབས་ཤེས་མང་དག་བྱས་འདུག ཁོ་མོ་ད་བར་སོ་སོའི་བདེ་འཇགས་ཆེད་བལ་ཡུལ་ནང་ས་གནས་གཅིག་ཏུ་གནས་མ་ནུས་པར་སྐབས་རེ་རྒྱ་གར་དུ་ཉེན་གཡོལ་ཆེད་འགྲོ་དགོས་པ་བྱུང་བཞིན་ཡོད་པ་དང་། གཉའ་ལམ་རྫོང་ས་གནས་རྒྱ་ནག་ཉེན་རྟོག་པ་དང་སྲིད་གཞུང་གིས་ད་དུང་ཁོ་མོའི་ནང་མིར་དཀའ་ངལ་དང་སུན་གཙེར་བཟོ་བཞིན་ཡོད་པ་རེད་འདུག ལྷག་དོན་འདི་ལོའི་ཟླ་ལྔ་པའི་ནང་ཁོ་མོའི་གྲོང་ཚོ་ནས་ཡུལ་མི་ ༤༠༠ ལྷག་བལ་བོད་ས་མཚམས་སུ་དབྱར་རྩ་དགུན་འབུ་འཐུ་བར་བཏང་ཡོད་ཀྱང་ཁོ་མོ་ཆབ་སྲིད་ཀྱི་ནག་ཉེ་བསགས་ཏེ་བྲོས་བྱོལ་སོང་ལུགས་བརྗོད་དེ་ཁོ་མོའི་ནང་མིར་དབྱར་རྩ་དགུན་འབུ་འཐུ་བར་བཏང་མེད་པ་མ་ཟད་དེ་མིན་གཉའ་ལམ་གྲོང་ཚོའི་ཡུལ་མི་རྣམས་ལ་རྒྱ་གཞུང་གིས་སྤྲད་པའི་ལམ་ཡིག་འཁྱེར་ཏེ་བལ་བོད་གཉིས་སུ་འགྲོ་བསྐྱོད་བྱེད་ཆོག་ཀྱང་ཁོ་མོའི་ནང་མིར་ལམ་ཡིག་གཏན་ནས་མ་སྤྲད་པའི་དཀའ་ངལ་འཕྲད་འདུག སྐལ་བཟང་ལྷ་མོས་རྒྱ་གཞུང་ཉེན་རྟོག་པས་དེ་ལྟར་བྱེད་དོན་གཙོ་བོ་ནི་ཁོ་མོ་བོད་དུ་ལོག་པའི་ལོ་དེར་བཞུགས་སྒར་རྡ་རམ་ས་ལར་བོད་གཞུང་མང་ཡོངས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༨༠ ལ་ཕེབས་པའི་༸སྐུའི་གྱ་སྟོན་སྲུང་བརྩི་གནང་སྐོར་གནས་ཚུལ་དང་པར་རིས་བཅས་ཁོ་མོའི་བཟའ་ཟླའི་སྐད་འཕྲིན་རྒྱབ་ངོས་སུ་བཞག་ཡོད་པ་དེ་རང་ཉིད་ཀྱི་སྐད་འཕྲིན་རྒྱབ་ལ་བཞག་པ་མ་ཟད་མི་གཞན་ལ་ཡང་ཁྱབ་སྤེལ་བྱས་པའིི་ཉེས་འཛུགས་བྱས་སྐོར་འགྲེལ་བརྗོད་གནང་སོང་།

བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་འཛམ་གླིང་དཀྱིལ་ཤར་ཁུལ་གྱི་རྒྱལ་ཁབ་ Israel ནང་ཆེད་ཕེབས་ཀྱིས་ས་གནས་བོད་མི་དང་བོད་དོན་རྒྱབ་སྐྱོར་བ་རྣམས་དང་ཐུགས་འཕྲད་གནང་བ་མ་ཟད་འདི་བཞིན་ Israel གྱི་གྲོང་ཁྱེར་ Jerusalem ནང་ཇིའུ་མི་རིགས་ཚོས་གནས་ཆེན་ཞིག་ཏུ་ངོས་འཛིན་གནང་བའི་ Wailing Wall  གྱང་ངོས་སུ་བོད་དོན་བདེན་མཐའ་གསལ་ནས་བོད་མི་རྣམས་ལ་རང་དབང་ཐོབ་པ་དང་། ༸གོང་ས་༸སྐྱབས་མགོན་ཆེན་པོ་མཆོག་རང་ཡུལ་བོད་དུ་ཕྱིར་གང་མགྱོགས་ཕེབས་ཐུབ་པར་ཐུགས་སྨོན་གནང་འདུག སྲིད་སྐྱོང་མཆོག་ནས་ཨིས་རེལ་གཞུང་འབྲེལ་གྱི་གསར་ཁང་ IBA གསར་འགོད་པ་སྐུ་ཞབས་ Yaakov Ahimeir ལགས་དང་རང་དབང་ཅན་གྱི་གསར་ཁང་ The Jerusalem Post སྤྱི་ཁྱབ་རྩོམ་སྒྲིག་པ་གཞོན་པ་ལྕམ་ Tovah Lazaroff ལགས་རྣམ་གཉིས་སོ་སོའི་བཅར་འདྲི་དང་ལན་གནང་ཐོག་བོད་མི་རྣམས་ནས་གཉིས་སྨན་དབུ་མའི་ལམ་གྱི་སྲིད་བྱུས་ཐོག་རྒྱ་གཞུང་གི་རྩ་ཁྲིམས་ནང་གསལ་བའི་མིང་དོན་མཚུངས་པའི་རང་སྲིད་རང་སྐྱོང་གི་གནས་བབ་རྩོད་བཞིན་ཡོད་པ་དང་། འཐབ་རྩོད་ཀྱི་ངོ་བོ་དེ་འཚེ་བ་མེད་པ་དང་གྲོས་མོལ་གྱི་ལམ་ནས་འབད་བརྩོན་གནང་བཞིན་ཡོད་སྟབས། ཨ་རིའི་སྲིད་གཞུང་གི་ངོས་ནས་ཀྱང་བོད་མིའི་གཉིས་སྨན་དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་གནང་མུས་ཡིན་པ་ལྟར། ཨིས་རེལ་རྒྱལ་ཁབ་ཀྱི་འགོ་ཁྲིད་རྣམས་ནས་ཀྱང་དེའི་ཐོག་རྒྱབ་སྐྱོབ་གནང་འོས་པ་ཞིག་རེད་ཅེས་གསུངས་འདུག ལྷག་པར་དུ་སྲིད་སྐྱོང་མཆོག་མཆོག་གིས་ The Jerusalem Post གསར་ཁང་གི་བཅར་འདྲིར་འདས་པའི་ལོ་རྒྱུས་ནང་ཆབ་སྲིད་ཀྱི་དཀའ་རྙོག་འོག་ཇིའུ་མི་རིགས་མང་པོའི་ཚེ་སྲོག་ཤོར་བ་དང་། རང་ཉིད་ཀྱི་ངོ་བོ་དང་རིག་གཞུང་སྲུང་སྐྱོབ་གནང་རྒྱུའི་ཐད་དཀའ་ངལ་ཆེན་པོ་འཕྲད་ཡོད་པ་ལྟར་འདས་པའི་ལོ་ངོ་དྲུག་ཅུ་ལྷག་སོང་རིང་བོད་ཀྱི་གནས་སྟངས་ཁྲོད་ལ་ཡང་བོད་མི་བརྒྱ་ཕྲག་མང་པོའི་ཚེ་སྲོག་ཤོར་ཡོད་པ་མ་ཟད། རྒྱ་གཞུང་གི་དྲག་པོའི་སྲིད་བྱུས་འོག་བོད་མི་རིགས་ཀྱི་ངོ་བོ་དང་རིག་གཞུང་སྲུང་སྐྱོབ་གནང་རྒྱུའི་ཐོག་དཀའ་ངལ་ཆེན་པོ་འཕྲད་བཞིན་ཡོད་པ་སོགས་འགྲེལ་བརྗོད་དང་སྦྲགས། དཀའ་ངལ་དེ་དག་ཇིའུ་མི་རིགས་རྣམས་ནས་རེ་བ་དང་སེམས་ཤུགས་མ་ཆག་པར་སེལ་ཐུབ་པ་བྱུང་ཡོད་སྟབས། ང་ཚོ་བོད་མིའི་ངོས་ནས་ཀྱང་ཇིའུ་མི་རིགས་ཀྱི་སེམས་ཤུགས་དང་སྙིང་སྟོབས་ལ་རེ་ལྟོས་ཐོག་བོད་ཀྱི་དཀའ་ངལ་དེ་དག་སེལ་བར་གདོང་ལེན་གནང་ཚེ་དེ་ལྟར་ཐུབ་ངེས་ཡིན་པ་གསུངས་འདུག སྲིད་སྐྱོང་མཆོག་ནས་ཕྱི་ལོ་ ༢༠༠༩ ལོ་ནས་ད་བར་བོད་ཕྱི་ནང་གཉིས་སུ་བྱུང་བའི་རང་སྲེག་གི་གནད་དོན་དང་ཨ་རིའི་རང་དབང་ཁང་པའི་ལོ་འཁོར་སྙན་ཐོའི་ནང་བོད་འདི་འགྲོ་བ་མིའི་ཐོབ་ཐང་གི་གནས་སྟངས་ཆེས་སྡུག་ཤོས་གྲས་སུ་ཐེར་བཏོན་གནང་བའི་གནས་ཚུལ་ཁག་ཅིག་ལུང་འདྲེན་དང་འབྲེལ། ད་ལྟའི་ཆར་རྒྱ་ནག་གཞུང་གི་དྲག་པོའི་སྲིད་བྱུས་འོག་བོད་ནང་གི་བོད་མི་ཚོར་གཞི་རྩའི་འགྲོ་བ་མིའི་ཐོབ་ཐང་མེད་པ་དང་། རྒྱ་གཞུང་གི་འཛུགས་སྐྲུན་ལས་གཞི་འོག་བོད་ཀྱི་རང་བྱུང་ཁོར་ཡུག་ལ་གནོད་འཚེ་དང་གཏོར་སྐྱོན་ཆེན་པོ་གཏོང་བཞིན་ཡོད་པ་སོགས་འགྲེལ་བརྗོད་གནང་འདུག ལྷག་པར་དུ་རྒྱ་ནག་གཞུང་ནས་རྒྱལ་སྤྱིའི་གསར་འགོད་པ་རྣམས་བོད་ནང་རང་དབང་ཐོག་འགྲོ་བསྐྱོད་གནང་རྒྱུར་བཀག་སྡོམ་རིགས་བྱེད་བཞིན་ཡོད་སྟབས། བོད་ནང་གི་དངོས་ཡོད་གནས་ཚུལ་ཕྱིར་ཐོན་དཀའ་བ་ཆགས་ཡོད་པ་འགྲེལ་བརྗོད་དང་འབྲེལ། ཨིས་རེལ་གཙོས་པའི་རྒྱལ་སྤྱིའི་རྒྱལ་ཁབ་ཁག་ནས་རྒྱ་ནག་སྤྱིའི་གནས་སྟངས་ངོ་མ་དེ་ཤེས་དགོས་ཚེ་དང་ཐོག་བོད་ཀྱི་ལོ་རྒྱུས་དང་ད་ལྟའི་བོད་ཀྱི་གནས་སྟངས་ངོ་མ་དེ་དག་ཤེས་དགོས་གལ་ཡིན་པ་གསུངས་འདུག གཞི་རྩའི་ཐེངས་འདིའི་འཚམས་གཟིགས་ཁྲོད་སྲིད་སྐྱོང་མཆོག་ནས་ཡུལ་དེའི་ཆབ་སྲིད་ཀྱི་འགོ་ཁྲིད་དང་གནད་ཡོད་མི་སྣ་སོགས་དང་མཇལ་མོལ་གནང་རྒྱུའི་འཆར་གཞི་མེད་ཀྱང་། ཁ་སང་བཅར་འདྲི་དེའི་བརྒྱུད་སྲིད་སྐྱོང་མཆོག་ནས་རིམ་པས་མ་འོངས་པར་ཡུལ་དེའི་ནང་ཆབ་སྲིད་དང་འབྲེལ་བའི་ཐོག་ནས་འཚམས་གཟིགས་གནང་སྐབས། Israel གཞུང་དང་གྲོས་ཚོགས་འཐུས་མི་རྣམས་ནས་རྒྱ་གཞུང་གི་གནོན་ཤུགས་འོག་མ་སོང་པར་མང་གཙོ་དང་འཚེ་བ་མེད་པའི་ཐབས་ལམ། འགྲོ་བ་མིའི་ཐོབ་ཐང་བཅས་གཙོ་བཟུང་ཐོག་ཐུག་འཕྲད་གནང་མཁན་ཇི་ཙམ་བྱུང་ཡོད་མེད་བལྟ་རྒྱུ་རེད་ཅེས་གསུངས་འདུག

ཉན་པ།: Listen ཕབ་ལེན། Download བོད་ཀྱི་བེུད་ལེ་ཚན། ༸གོང་ས་མཆོག་གིས་བོད་རིགས་ཁ་ཆེ་བ་རྣམས་ལ་བསྩལ་བའི་བཀའ་སློབ། Sunday 24/06/2018 Women of Tibet: Sakina Bhatt, a Tibetan Muslim working at Central Tibetan Administration Dalai Lama’s speech to Tibetan Muslims

ཉན་པ།: Listen ཕབ་ལེན། Download བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་འདུན་ལམ་སློབ་སྟོན་ཚན་པའི་འགན་འཛིན་སྒྲོལ་དཀར་དབང་མོ་ལགས་དང་། དང་བླང་ཐོག་འདུན་ལམ་སློབ་སྟོན་གྱི་ཞབས་ཞུ་གྲུབ་མཁན་ཉི་མ་དབྱངས་ཅན་ལགས་གཉིས་དང་ལྷན་དུ་གླེང་མོལ་གྱི་ལས་རིམ། Saturday 23/06/2018 In conversation with DOE’s Chief Counselor Dolkar Wangmo and Volunteer Counselor Nyima Yangchen

ཉན་པ།: Listen ཕབ་ལེན། Download ༸གོང་མཆོག་ནས་བདེ་སྐྱེད་ཀྱི་སློབ་ཚན་གསར་པ་དབུ་འབྱེད་གནང་གཏན་འཁེལ་འདུག རྒྱ་བལ་འབྲུག་གསུམ་གི་ས་གནས་འགོ་འཛིན་ཚོགས་ཆེན་ཐེངས་༡༢པ་དབུ་འཛུགས་གནང་བ། ༸སྐྱབས་རྗེ་ཀིརྟི་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས་པ། བོད་ཀྱི་སྣོད་བཅུད་ལ་ཉེན་ཁ་རྒྱ་ནག་གི་སྲིད་བྱུས་ལས་འབྲོག་པ་མ་རེད་གསུངས་འདུག སྐུ་གཤེགས་གྲྭ་ཞི་བརྒྱ་དཔོན་སྐལ་བཟང་དགྲ་འདུལ་ལགས་བཞུགས་འབུལ་གནང་བ། Friday 22/06/2018 Dalai Lama to launch Happiness Curriculum in Delhi Tibetan Settlement Officers gather for annual meet Tibetans offer Tenshug to Kyabche Kirti Rinpoche Biggest threat to Tibet’s ecosystem Chinese policy, not Tibetan nomads Deceased Drapchi Gyakpon Kelsang Damdul cremated today

དེ་རིང་ནས་འགོ་བཛུགས་ཀྱིས་ཕྱི་ཚེས་ ༢༦ བར་ཉིན་གྲངས་ལྔའི་རིང་བཙན་བྱོལ་བོད་མིའི་བསྟི་གནས་བཞུགས་སྒར་རྡ་རམ་ས་ལར་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ཁྱབ་ཁོངས་རྒྱ་བལ་འབྲུག་གསུམ་ནང་དུ་ཡོད་པའི་བོད་མིའི་གཞིས་ཆགས་ཁག་གི་ས་གནས་འགོ་འཛིན་ལྷན་འཛོམས་ཀྱིས་འཛིན་སྐྱོང་ལས་དོན་དང་འབྲེལ་བའི་ཚོགས་ཆེན་ཐེངས་ ༡༢ པ་དབུ་འཛུགས་གནང་སོང་། སྔ་དྲོ་འཛིན་སྐྱོང་ཚོགས་ཆེན་ཐེངས་ ༡༢ པའི་དབུ་འབྱེད་མཛད་སྒོའི་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་ཚབ་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་གཙོ་བཞུགས་ཐོག་ལྷན་ཁང་ཁག་གི་བཀའ་བློན་རྣམ་པ་དང་། དྲུང་ཆེ། དེ་བཞིན་ཚོགས་ཆེན་ཐོག་ཕེབས་པའི་རྒྱ་བལ་འབྲུག་གསུམ་ནང་གི་བཙན་བྱོལ་བོད་མིའི་གཞིས་ཆགས་ ༤༥ ནས་ཁྱོན་ས་གནས་འགོ་འཛིན་ ༤༣ ཆེད་ཕེབས་གནང་འདུག ཐེངས་འདིའི་ས་གནས་འགོ་འཛིན་གྱི་འཛིན་སྐྱོང་ཚོགས་ཆེན་ཐོག༸གོང་ས་མཆོག་གི་༸སྐུ་ཕྱྭའི་སྲུང་སྐྱོབ་དང་། སྔ་ལོའི་ཚོགས་ཆེན་གྲོས་ཆོད་ལ་བསྐྱར་ཞིབ། ༢༠༡༤ ལོའི་སྐྱབས་བཅོལ་བོད་མིའི་མཐུན་རྐྱེན་སྦྱོར་སྤྲོད་ཀྱི་སྲིད་བྱུས་ད་བར་ས་གནས་ག་ཚོད་ནང་ལག་བསྟར་གནང་ཐུབ་ཡོད་པ་དང་དེའི་གྲུབ་འབྲས་སྐོར། ལྔ་དང་ལྔ་བཅུའི་སྲིད་བྱུས་དགོངས་དོན་ལྟར་གཞིས་ཆགས་སྲ་བརྟན་དང་ས་གནས་འགོ་འཛིན་ཀྱི་ལས་ཁུངས་ཁག་རང་ཁ་རང་གསོ་ཡོང་ཐབས། འབྱུང་འགྱུར་ལོ་གསུམ་ནང་ཛ་དྲག་གི་གལ་ཆེའི་ལས་འཆར་སྤེལ་རྒྱུ། བོད་ནས་བྱེས་སུ་ཕེབས་པའི་བོད་མིར་སྡོད་ཁང་མེད་པའི་དཀའ་ངལ་སེལ་ཐབས་བྱ་རྒྱུའི་སྐོར། དེ་བཞིན་གཞིས་ཆགས་ཁག་གི་མཉམ་འབྲེལ་དང་སྤྱི་མཐུན་མཉམ་འབྲེལ། བཟོ་ཚོགས་བཅས་ཀྱི་གནས་སྟངས་སྐོར་ཐོག་མའི་དམིགས་ཡུལ་བཞིན་ཇི་ཙམ་བསྒྲུབ་ཐུབ་ཡོད་མེད་བཅས་གྲོས་གཞི་ཁག་མི་འདྲ་བ་བདུན་གྱི་ཐོག་བཀའ་བསྡུར་གནང་རྒྱུ་རེད་འདུག

དེ་རིང་ཕྱི་ཟླ་ ༦ པའི་ཚེས་ ༢༡ སྟེ་རྒྱལ་སྤྱི་ཁྱོན་ཡོངས་སུ་ International Yoga Day རྒྱལ་སྤྱིའི་དབུགས་སྦྱོང་ཉིན་མོ་ཞེས་སྲུང་བརྩི་གནང་བཞིན་པ་དང་བསྟུན། བཞུགས་སྒར་རྡ་རམ་ས་ལར་ Toward a Healthy India རྒྱ་གར་གྱི་འཕྲོད་བསྟན་གོང་འཕེལ་ཞེས་པའི་བརྗོད་གཞིའི་འོག་དབུགས་སྦྱོང་་གི་དམིགས་བསལ་ལས་རིམ་ཞིག་གིས་བརྒྱུད་དེ་རིང་གི་ཉིན་མོ་དེ་སྲུང་བརྩི་ཞུས་སོང། དེ་ཡང་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ནས་དེ་རིང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་རྒྱ་གར་རྒྱལ་ས་ལྡི་ལི་ནས་དབུགས་སྦྱོང་སློབ་ཁྲིད་པ་ཚེ་རིང་དབྱངས་འཛོམས་གདན་ཞུས་ཐོག་དབུགས་སྦྱོང་སློབ་འཁྲིད་ཀྱི་དམིགས་བསལ་ལས་རིམ་དང་སྦྲགས་ནས་རྒྱ་གར་གཞུང་མང་ལ་ཐུགས་རྗེ་ཆེ་ཞུས་པ་དང། སྔ་འདྲོ་ཕྱག་ཚོད་ ༦།༣༠ ནས་ ༧།༣༠ བར་ཚོགས་པའི་ལས་རིམ་དེའི་ཐོག་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང། རྡ་སྟེང་བོད་ཁྱིམ་སློབ་གྲྭའི་འཛིན་རིམ་བདུན་པ་དང་བརྒྱད་པའི་སློབ་ཕྲུག་ཁག་ཅིག དེ་བཞིན་བཞུགས་སྒར་ཁུལ་གྱི་མང་ཚོགས་བཅས་ནས་མཉམ་བཞུགས་གནང་འདུག

ཉན་པ།: Listen ཕབ་ལེན། Download བཞུགས་སྒར་དུ་རྒྱལ་སྤྱིའི་དབུགས་སྦྱོང་ཉིན་མོ་སྲུང་བརྩི་ཞུས་སོང་། སྐྱབས་བཅོལ་བོད་མིའི་གནས་བབ་མཚོན་པའི་འཁྲབ་སྟོན་ཞིག་བཀག་སྡོམ་བྱས་པ། པ་ཏི་ཀུལ་བོད་ཁྱིམ་སློབ་གྲྭ་དབུ་བརྙེས་ནས་ལོ་ ༥༠ འཁོར་བའི་དུས་དྲན་སྲུང་བརྩི། གྲྭ་བཞི་བརྒྱ་དཔོན་སྐལ་བཟང་དགྲ་འདུལ་ལགས་དགོངས་པ་རྫོགས་པ། འཕྲོད་བསྟེན་དམིགས་བསལ་ལས་རིམ། རྣམ་བདུན་དབུགས་སྦྱོང་སློབ་སྟོན། Thursday 21/06/2018 Towards a healthy India: Tibetans mark International Yoga Day Play on Tibetan refugees forced to shut down in Nepal CTA mourns demise of Kelsang Damdul, former Drapchi Regiment Captain Patlikuhl TCv marks 50th founding anniversary Health and Wellness: 7 ‘Pranayam’ with Yoga Instructor Samdup Dolma

ཉན་པ།: Listen ཕབ་ལེན། Download ༸གོང་ས་མཆོག་གིས་ཆོས་ཞུ་བས་བཀའ་ཆོས་ཉམས་ལེན་གནང་དགོས་པ་བཀའ་བསྩལ་བ། བོད་ནང་གནམ་ཐང་གསར་རྒྱགས་ནི་རྒྱ་གར་ལ་ཉེན་ཁ་ཡིན་པ་བརྗོད་འདུག འབྱུང་འགྱུར་མི་རབས་གསར་པའི་འགོ་ཁྲིད་ཟབ་སྦྱོང་ཐེངས་གསུམ་པ་དབུ་འཛུགས། མདོ་ཁམས་འཇང་དགུན་ཆོས་ཆེན་ཐེངས་བདུན་པ་ཊེ་ཧོར་དར་རྒྱས་དགོན་དུ་ཚོགས་བཞིན་པ། སྤྱི་འཐུས་ལྷན་ཚོགས་ཀྱི་སྐུ་ཚབ་ནས་དཀར་པོ་ཆེ་བུ་འཁྲིད་ལགས་སུ་འཚམས་འདྲི་ཞུས་པ། ཨོ་སི་ཀྲོ་ལི་ཡའི་ནང་བོད་ཀྱི་སྲོལ་རྒྱུན་མདའ་རྩེད་འགྲན་སྡུར་གནང་བ། Wednesday 20/06/2018 Language advocate Tashi Wangchuk appeals against his sentence 3 new Tibet airports near border pose threat to India NDPT holds leadership workshop for college students TPiE delegation meets Ontario MP Bhutila Karpoche 2018 Australian Tibetan Archery Talent held in New Castle