ཉན་པ།: Listen
- མ་འོངས་པའི་བསྟན་འཛིན་གྱི་སྐྱེས་བུ་རབ་བྱུང་ཕོ་མོ་ན་གཞོན་སྐྱེད་བསྲིང་མཛད་སྟངས་སྐོར་གླེང་བ།
Sunday 15/12/2019
-
- Discussion on Monastic Education
Tibetan News Archive
༸གོང་ས་མཆོག་གིས་འབྲས་སྤུང་སྒོ་མང་གི་ཆོས་ར་དབུ་འབྱེད་རབ་གནས་དང་ཨེ་མོ་རི་དང་བོད་ཀྱི་ཚན་རིག་ལས་རིམ་གྱི་མཛད་སྒོར་དབུ་བཞུགས་མཛད་སོང་།
དེ་རིང་འདི་ག་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་གཞིས་ཆགས་སུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་དཔལ་ལྡནའབྲས་སྤུངས་བཀྲིས་སྒོ་མང་གྲྭ་ཚང་གི་ཆོས་ར་གསར་པ་དབུ་འབྱེད་བཀྲིན་བསྩལ་གནང་མཛད་ཡོད་པ་མ་ཟད། འབྲས་སྤུང་བཀྲིས་སྒོ་མང་གྲྭ་ཚང་གི་མཁན་པོ་དགེ་བཤེས་བློ་བཟང་རྒྱལ་མཚན་ལགས་ནས་སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་ལ་ཆོས་ར་གསར་པ་དེའི་ནང་ལ་ཤེས་ཡོན་གྱི་ལྟེ་གནས་ཤིག་ལ་དགོས་ངེས་ཀྱི་མཐུན་རྐྱེན་ཆ་ཚང་ལྡན་ཡོད་པའི་གནད་དོན་དང་། གྲྭ་ཚང་སྤྱིའི་ལས་བསྡོམས་སོགས་སྙན་སྒྲོན་ཞུས་པ་ཡོད་པ་རེད། 
དེ་རྗེས་ཨེ་མོ་རི་དང་བོད་ཀྱི་ཚན་རིག་ལས་རིམ་གྱི་འགན་འཛིན་དགེ་བཤེས་བློ་བཟང་བསྟན་འཛིན་ནེ་གི་ལགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་གཞི་གཞི་ཟུང་། འདས་པའི་ལོ་དྲུག་རིང་གི་དེང་རབས་ཀྱི་ཚན་རིག་གི་བསླབ་གཞི་དེ་དག་གདན་ས་ཆོས་སྒར་ཁག་ཏུ་ལག་བསྟར་བྱས་ཏེ། དེ་རིང་གི་མཛད་སྒོ་དེ་ལས་འཆར་ཆ་ཚང་གྲུབ་པའི་སློབ་གཉེར་བ་དང་པོ་བསླབ་པ་ཐར་སོན་གྱི་མཛད སྒོ་ཞིག་ཡིན་པ་དང་། ལྷག་པར་ལས་འཆར་དེའི་སྔ་ཕྱི་བརྒྱུད་གསུམ་གྱི་གྲུབ་འབྲས་ཡོངས་རྫོགས་༸གོང་ས་མཆོག་གི་བཀྲིན་ཡིན་སྐོར་གསུངས་པ་མ་ཟད་། ད་ཆ་གདན་ས་ཁག་གཙོ་བོར་གྱུར་པའི་དགོན་སྡེ་ཁག་ནང་སྲོལ་རྒྱུན་གྱི་གཞུང་ཆེན་སློབ་གཉེར་དང་བསྟུན་དེང་རབས་ཀྱི་ཚན་རིག་གི་སློབ་སྦྱོང་ཡང་དུས་མཉམ་བྱེད་ཐུབ་པ་བྱུང་ཡོད་སྐོར་སོགས་ཀྱི་ངོ་སྤྲོད་ལས་བསྡོམས་སྙན་སྒྲོན་ཞུས་པ་མ་ཟད། ལས་འཆར་དེའི་ཕྱག་སྦྲེལ་དགེ་བཤེས་ལྷག་རྡོར་ལགས་ཀྱིས་ལས་འཆར་དེ་ཐོག་མ་དབུ་འཛུགས་གནང་སྐབས་ཀྱི་དཀའ་ངལ་ཇི་འཕྲད་དང་གདོང་ལེན་གང་གནང་སོགས་ཀྱི་གནད་དོན་ངོ་སྤྲོད་གནང་སོང་།
སྐབས་དེར་ད་དུང་ཨེ་མོ་རི་དང་བོད་ཀྱི་ཚན་རིག་ལས་རིམ་དང་འབྲེལ་བའི་དགོས་ངེས་ཅན་གྱི་ཕྱག་དེབ་གཏན་འབེབས་ལེགས་ཟིན་བྱུང་པའི་དཔེ་དེབ་ཁག་གཅིག་དཔར་ཕུད་ཞུས་ཡོད་པ་མ་ཟད། ལས་འཆར་དེའི་འགན་འཛིན་དགེ་བཤེས་བློ་བཟང་བསྟན་འཛིན་ནེ་གི་ལགས་ཀྱིས་དེ་རེས་༸གོང་ས་༸སྐྱབས་མགོན་ཆེན་པོ་སྐུ་དངོས་དབུ་བཞུགས་ཐོག་ལས་རིམ་གྱི་མཛད་སྒོ་གཉེར་རྒྱུ་བྱུང་བ་ནི་ཤིན་ཏུ་ནས་སྐལ་བཟང་གི་གོ་སྐབས་ཤིག་བྱུང་བ་ངོ་སྤྲོད་གནང་གི་འདུག
དེ་རིང་གི་མཛད་སྒོའི་ཐོག་ལ་འཇམ་མགོན་རྒྱལ་བའི་རྒྱལ་ཚབ་ལས་ཟུར་རྣམ་གཉིས་མཆོག་གིས་དབུས་པའི་ཤར་བྱང་ཆོས་རྗེ་རྣམ་གཉིས། འབྲོག་རི་བོ་དགེ་ལྡན་པའི་དགོན་ཁག་གི་མཁན་བླ་སྤྲུལ་རྣམ་པ། དེ་བཞིན་ཕྱི་རྒྱལ་བའི་མི་རིགས་དང་། ཧི་མཱ་ལ་ཡའི་རི་རྒྱུད་ཀྱི་དད་ལྡན། བོད་མི་བཅས་ཁྱོན་མི་མང་སྟོང་ཕྲག་འགའ་ཤས་འདུ་འཛོམས་བྱུང་འདུག
རེས་གཟའ་སྤེན་པ། ༢༠༡༩།༡༢།༡༤
ཉན་པ།: Listen
- ཨེ་མོ་རི་དང་བོད་ཀྱི་ཚན་རིག་ལས་རིམ་གྱི་དངོས་གཞི་ལག་བསྟར་གྱི་ལེའུ་མཇུག་བསྒྲིལ་མཛད་སྒོ་ཚོགས་པ།
- ༸གོང་ས་མཆོག་གིས་འབྲས་སྤུངས་བཀྲིས་སྒོ་མང་གྲྭ་ཚང་གི་ཆོས་ར་གསར་པར་པཎ་གྲུབ་བསྟོད་ཆེན་དང་ལྟ་མགུར་ཨ་མ་ངོ་ཤེས་ཀྱི་བཀའ་ཆོས་བསྩལ་བ།
- འབྲས་སྤུངས་བློ་གསལ་གླིང་སྒོམ་སྒྲུབ་དང་ཚན་རིག་ལྟེ་གནས་ཁང་གི་སྐོར་ལ་དམིགས་བསལ་བཅར་འདྲི།
- ཨུ་རུ་སུའི་ཚན་རིག་ལྟེ་གནས་ཁང་དབུ་འབྱེད་གནང་བ།
- བཀའ་སློབ་ལས་རིམ། ༸གོང་ས་མཆོག་གིས་ཤེས་རབ་སྙིང་པོ་དང་ལམ་གཙོ་རྣམ་གསུམ་སྐོར་བཀའ་ཆོས་བསྩལ་བ།
Saturday 14/12/2019
-
- Dalai Lama graces celebration marking 6 year implementation phase of Emory Tibetan science initiative
- Dalai Lama inaugurates new courtyard of Gomang monastery, confers teaching
- Interview with Abbot of Drepung Loseling on Center for Meditation and Science
- Dalai Lama meets Russian scientists, inaugurates science center
- FEATURE: Dalai Lama teaching on Heart Sutra
རེས་གཟའ་པ་སངས། ༢༠༡༩།༡༢།༡༣
ཉན་པ།: Listen
ཕབ་ལེན། Download- ཨ་རིའི་གཞུང་གིས་བོད་ནང་དམ་དྲག་བྱེད་མཁན་རྒྱ་གཞུང་དཔོན་རིགས་ཀྱི་མཚན་ཐོའི་སྙན་ཐོ་འདོན་སྤེལ་གནང་རྒྱུ།
- འགྲོ་བ་མིའི་ཐོབ་ཐང་ཚོགས་འདུའི་ཐོག་བོད་ནང་གི་ཆོས་དད་རང་དབང་གི་གནད་དོན་སྐོར་གླེང་སློང་།
- ཨི་ཊ་ལིའི་བོད་ཀྱི་དུས་སྟོན་ཐོག་བོད་ཀྱི་གནད་དོན་ཐད་བགྲོ་གླེང་གནང་བ།
- པྲག་གྲོང་སྡེའི་ལྷན་ཚོགས་ཀྱིས་ཐཱེ་པཱེ་དང་ལྷན་དུ་སྤུན་སྲིང་གྲོང་ཁྱེར་གྱི་གན་ཡིག་བཞག་པ།
- བོད་ཀྱི་གཞོན་ནུ་ལྷན་ཚོགས་ཀྱི་ཕྱག་ལས་གནང་ཕྱོགས་ཐད་གོ་རྟོགས་སྐོར་བསྐྱོད་གནང་བཞིན་པ།
- དམིགས་བསལ་ལས་རིམ། བདག་མེད་སེམས་ཅན་ལ་བྱམས་སྐྱོང་གནང་མཁན་གྱི་ཁྱིམ་ཚང་།
Thursday 13/12/2019
- US to release report this month with list of Chinese officials denied entry to US under RATA
- Conference on human rights held at UN, Tibetan Bureau staff speaks of rights issue in Tibet
- Weeklong Tibet Festival kicks off in Rome
- TYC begins speaking tour in India
- Prague ditches Beijing for Taipei in new sister city deal
- DIASPORA FEATURE: Retired couple taking care of stray animals
འགྲོ་བ་མིའི་ཐོབ་ཐང་ཚོགས་འདུའི་ཐོག་བོད་ནང་གི་ཆོས་དད་རང་དབང་གི་གནད་དོན་གླེང་བ།
འཛམ་གླིང་མཉམ་འབྲེལ་རྒྱལ་ཚོགས་ཀྱིས་རྒྱལ་སྤྱིའི་འགྲོ་བ་མིའི་ཐོབ་ཐང་ཀྱི་ཡོངས་ཁྱབ་གསལ་བསྒྲགས་སྤེལ་ནས་མི་ལོ་ཧྲིལ་པོ་༧༡འཁོར་བའི་དུས་ཚིགས་དང་བསྟུན། འདི་ག་སུད་སི་གྲོང་ཁྱེར་ཇི་ནི་ལྦའི་ནང་རྟེན་གཞི་བྱས་པའི་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་ཁུངས་སུ་སྐོང་འཚོགས་བྱས་པའི་འགྲོ་བ་མིའི་ཐོབ་ཐང་ལྷན་ཚོགས་ཐོག བོད་མིའི་སྐུ་ཚབ་ཀྱིས་བོད་ནང་གི་འགྲོ་བ་མིའི་ཐོབ་ཐང་གི་གནད་དོན་སྤྱི་དང་ཡང་སྒོས་བོད་ནང་གི་ཆོས་དད་རང་དབང་གནས་བབ་སྐོར་གླེང་སློང་བྱས་འདུག
དེ་ཡང། ཟླ་བ་འདིའི་ཕྱི་ཚེས་༡༠་དང་༡༡བཅས་ཀྱི་བར། འདི་ག་རྒྱལ་ཚོགས་ཀྱི་ཟུར་ཚོགས་ཚོགས་སའི་ཚོགས་ཁང་ནང་དུ་འགྲོ་བ་མིའི་ཐོབ་ཐང་སྲུང་སྐྱོབ་གནང་མཁན་གྱི་རྒྱལ་སྤྱིའི་གཞུང་འབྲེལ་མིན་པའི་སྤྱི་མང་ཚོགས་སྡེ་ཁག་༡༩དང་འདི་གའི་གཞུང་ཚབ་ཁག་ཅིག་བཅས་ཀྱི་ཐུན་མོང་གི་གོ་སྒྲིག་འོག འདས་མ་འོངས་ད་ལྟ་གསུམ་གྱི་རྒྱལ་སྤྱིའི་འགྲོ་བ་མིའི་ཐོབ་ཐང་གནས་བབ་ཞེས་པའི་བརྗོད་གཞིའི་ཐོག་ལྷན་ཚོགས་ཤིག་སྐོང་ཚོགས་བྱས་འདུག་ཅིང། ལྷན་ཚོགས་འདིའི་ཐོག་སུད་སི་སྐུ་ཚབ་དོན་གཅོད་ཁང་གི་འགྲོ་བ་མིའི་ཐོབ་ཐང་འབྲེལ་ཡོད་ལས་བྱེད་འཕྲིན་ལས་ཆོས་སྐྱིད་ལགས་ཀྱིས། ཆོས་དད་དང་འགྲོ་བ་མིའི་ཐོབ་ཐང་ཞེས་པའི་བརྗོད་གཞིའི་ཐོག་གཏམ་བཤད་སྤེལ་བ་དང་འབྲེལ། ད་ལྟའི་ཆར་བོད་ནང་གི་བོད་མིའི་ཆོས་དད་རང་དབང་གི་གནས་བབ་ནི་ཉིན་རེ་བཞིན་ཇེ་ཞན་ཇེ་སྡུག་ཏུ་འགྲོ་བཞིན་ཡོད་པ་དང་། ལྷག་པར་དུ་བོད་ནང་གི་བོད་པའི་དགེ་འདུན་པ་དང་བཙུན་མ་ཚོ་ནི་བོད་མིའི་ཆོས་དད་རང་དབང་སྲུང་སྐྱོབ་གནང་མཁན་གཙོ་བོ་ཞིག་ཆགས་ཀྱི་ཡོད་པ་མ་ཟད། ད་བར་བོད་ནང་བོད་མི་༡༥༤ལྷག་གིས་རང་ལུས་མེར་བསྲེགས་བཏང་བའི་གནས་ཚུལ་བྱུང་བའི་ཁྲོད་ནས་མང་ཆེ་བ་དགེ་འདུན་པ་དང་བཙུན་མ་ཆགས་ཀྱི་ཡོད་པ་སོགས་བོད་ནང་གི་ད་ལྟའི་མང་ཚོགས་ཀྱི་ཆོས་དད་རང་དབང་དང་འགྲོ་བ་མིའི་ཐོབ་ཐང་གནས་བབ་སྐོར་གླེང་སློང་བྱས་འདུག 
སྐབས་དེའི་ལྷན་ཚོགས་དང་འབྲེལ་འདི་ག་རླུང་འཕྲིན་ཁང་ལ་འཕྲིན་ལས་ཆོས་སྐྱིད་ལགས་ཀྱིས་འགྲེལ་བརྗོད་གནང་དོན།
རྩ་བའི་ཐེངས་འདིའི་འགྲོ་བ་མིའི་ཐོབ་ཐང་ལྷན་ཚོགས་དེ་སྣེ་ཁྲིད་གནང་མཁན་དེ་ནི་འགྲོ་བ་མིའི་ཐོབ་ཐང་དང་བཟོད་བསྲན་གྱི་ཚོགས་པ་དང་། དེ་བཞིན་འགྲོ་བ་མིའི་ཐོང་ཐང་ཐད་ཀྱི་གཞོན་སྐྱེས་ཚོགས་པ། གཞན་ཡང་འགྲོ་བ་མིའི་ཐོབ་ཐང་གི་ཆིག་སྒྲིལ་ཚོགས་པ་བཅས་ཀྱི་འགྲོ་བ་མིའི་ཐོབ་ཐང་སྲུང་སྐྱོབ་གནང་མཁན་ཚོགས་པ་ཁག་མཉམ་རུབ་ཐོག མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་སྤེལ་བའི་ཡིག་ཆ་རྣམས་བོད་ཡིག་ཏུ་ཕབ་བསྒྱུར་གྱིས། བཙན་བྱོལ་རྒྱ་གར་ནང་གི་བོད་མིའི་གཞི་ཆགས་ཁག་གི་མང་ཚོགས་ཁྲོད་བགོ་འགྲེམས་དང་། དེ་བཞིན་མང་ཚོགས་ལ་འགྲོ་བ་མིའི་ཐོབ་ཐང་གོ་རྟོགས་ཀྱི་ཟབ་སྦྱོང་ཡང་གོ་སྒྲིག་གནང་མྱོང་ཡོད་པ་རེད་འདུག
༸གོང་ས་མཆོག་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་བོད་མིའི་གཞིས་སྒར་དུ་༸ཞབས་སོར་བདེ་བར་འཁོད་པ།
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸ གོང་ས་༸ སྐྱབས་མགོན་ཆེན་པོ་མཆོག་དེ་རིང་ཟླ་ ༡༢ ཚེས་ ༡༢ ཉིན་གྱི་སྔ་དྲོ་ཚོུད་ ༡༡ ཙམ་ལ་རྒྱ་གར་གྱི་གྷོ་ཝ་གྲོང་ཁྱེར་ནང་གི་མཛད་འཕྲིན་ཁག་ལེགས་གྲུབ་ཀྱིས་མོན་གྷོ་འདོད་རྒུ་གླིང་དུ་༸ཞབས་སོར་བདེ་བར་འཁོད་པ་དང་། སྐབས་དེར་འཇམ་མགོན་༸རྒྱལ་བའི་རྒྱལ་ཚབ་དགའ་ལྡན་ཁྲི་རིན་པོ་ཆེ་མཆོག་གིས་དབུས་པའི་ཁྲི་ཟུར་རིན་པོ་ཆེ་མཆོག་ཤར་བྱང་ཆོས་རྗེ་རྣམ་གཉིས། དཔལ་ལྡན་འབྲས་དཀར་སྤུངས་པའི་མཁན་བླ་འདུས་མང་། དེ་བཞིན་སེར་སྐྱ་མང་ཚོགས་སྟོང་ཕྲག་ལྷག་གིས་དཔལ་ལྡན་འབྲས་སྤུངས་བླ་སྤྱིའི་ཚོགས་ཁང་ཆེན་མོར་ཕེབས་བསུའི་སྣེ་ལེན་གཟབ་རྒྱས་ཞུས་སོང་།
མགོན་པོ་༸གང་ཉིད་མཆོག་གིས་ཕེབས་སྟོན་མཛད་སྒོར་དབུ་བཞུགས་ཀྱིས་དཔལ་ལྡན་འབྲས་དཀར་སྤུངས་པའི་མཁན་བླ་འདུས་མང་ཡོངས་ཀྱིས་གཙོས་པའི་སྐུ་མགྲོན་ཡོངས་ལ་དགའ་བསུའི་འཚམས་འདྲི་མཛད་པ་དང་འབྲེལ་ཏེ་རྒྱ་གར་གྱི་གནའ་བོའི་རིག་གཞུང་དེ་དག་དེང་སྐབས་ཀྱི་འཛམ་གླིང་འདིའི་ཐོག་ལ་དགོས་གལ་ཆེནཔོ་ཡིན་སྐོར་བཀའ་བསྩལ་བ་མ་ཟད། དེ་སྔ་བོད་ནང་ལ་དཔལ་ལྡན་འབྲས་དཀར་སྤུངས་པ་ཞེས་པ་དེ་བོད་གངས་ཅན་ལྗོངས་སུ་དཔལ་ནཱ་ལེནྡཱ་ཞེས་གསུང་སྲོལ་ཡོད་པ་ལྟར་དོན་ལ་གནས་པའི་སློབ་གཉེར་ཁང་ཞིག་ཡོད་སྐོར་བཀའ་བསྩལ་སོང་། ༸གོང་ས་མཆོག་གིས་དེ་བཞིན་ད་རེས་དགའ་འབྲས་ཀྱི་རྩོད་རྒྱུགས་ཀྱི་དམ་འཇོག་ལ་ཆེད་གཟིགས་གནང་ཕྱིར་ཆིབས་བསྒྱུར་བཀྲིན་བསྐྱངས་པ་ཞིག་ཡིན་སྟབས་དགེ་འདུན་པ་ཚོས་རིག་པས་དཔྱད་དེ་དམ་འཇོག་གནང་དགོས་གལ་ཡིན་པའི་ལམ་སྟོན་མཛད་སོང་།
གཞི་རྩའི་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐེངས་འདིའི་ཆིབས་བསྒྱུར་བཀྲིན་མཛད་དོན་གཙོ་བོ་ནི་ཁུལ་འདིར་རྟེན་གཞི་བྱས་པའི་དགའ་འབྲས་བླ་སྤྱི་གཉིས་ནས་འཇམ་མགོན་བླ་མ་ ༸རྗེ་ཙོང་ཁ་པ་ཆེན་པོ་མཆོག་གདུལ་བྱ་རྟག་འཛིན་ཅན་གྱི་ངོ་བོར་དགོངས་པ་ཆོས་དབྱིངས་སུ་ཐིམ་ཚུལ་བསྟན་ནས་མི་ལོ་ ༦༠༠འཁོར་བའི་རྗེས་དྲན་དང་འབྲེལ་མཛད་འཆར་ཁག་གཅིག་བསྐྱང་ཕྱིར་གདན་ཞུ་གསོལ་འདེབས་ཞུས་པ་ཞིག་ཡིན་པ་རེད། 
འདི་ག་རླུང་འཕྲིན་ཁང་གིས་དགའ་ལྡན་བྱང་རྩེའི་མཁན་རིན་པོ་ཆེ་བློ་བཟང་བསྟན་པ་མཆོག་ལ་ཐེངས་འདིའི་མཛད་འཆར་ཐུགས་གཏན་འཁེལ་ཁག་དང་འབྲེལ་བའི་བཀའ་འདྲི་ཞུས་པར་གཞིགས་ན། ༸གོང་ས་མཆོག་ཁུལ་འདིར་བདུན་ཕྲག་གཉིས་ཙམ་གྱི་བཞུགས་ཞག་མཛད་རིང་ལ་ཚན་རིག་མཁས་པའི་བགྲོ་གླེང་དང་ཨེ་མོ་རི་དང་བོད་ཀྱི་ཚན་རིག་ལས་འཆར་གྱི་འཇུག་སྡོམ་དང་རྒྱུན་སྐྱོང་གི་ལས་འཆར་གསར་སྤེལ་བཅས་ཀྱིི་མཛད་སྒོར་དབུ་ཞུགས་མཛད་རྒྱུ་གཙོས་པའི་མང་ཚོགས་ལ་ཚེ་དབང་དང་། དམ་འཇོག་ལ་དབུ་བཞུགས་མཛད་རྒྱུ། དེ་བཞིན་དགའ་ལྡན་ལྔ་མཆོད་ཀྱི་མཛད་སྒོ་དང་༸རྗེ་རིན་པོ་ཆེའི་རྣམ་ཐར་དང་འབྲེལ་བའི་མཁས་པའི་བགྲོ་གླེང་བཅས་ཀྱི་ཚོགས་མགོན་དུ་དབུ་བཞུགས་མཛད་རྒྱུའི་མཛད་འཆར་ཡང་ཡོད་པ་རེད། 
དགའ་ལྡན་བྱང་རྩེའི་མཁན་པོ་བློ་བཟང་བསྟན་འཛིན་མཆོག་གིས་ད་རེས་༸གོང་ས་༸སྐྱབས་མགོན་ཆེན་པོ་མཆོག་ལ་ཆིབས་བསྒྱུར་གྱི་གསོལ་འདེབས་ཞུས་དོན་ལྟར་དངོས་སུ་ཆིབས་བསྒྱུར་བཀྲིན་བསྐྱངས་པ་འདི་ནི་ཤིན་ཏུ་ནས་བསྐལ་བཟང་གི་གོ་སྐབས་ཤིག་ཡིན་སྟབས། གོ་སྐབས་འདི་དང་བསྟུན་མགོན་པོ་༸གང་ཉིད་མཆོག་༸སྐུ་ཚེ་ཡུན་རིང་བརྟན་པའི་བརྟན་བཞུགས་རྒྱས་པ་ཞིག་བསྟར་འབུལ་ཞུ་རྒྱུ་དང་།མགོན་པོ་༸གང་ཉིད་མཆོག་ལ་བཀྲིན་རྗེས་དྲན་ཞུ་བའི་འབུལ་རྫས་སུ་༸རྗེ་རིན་པོ་ཆེ་མཆོག་གིས་མཛད་པའི་དྲང་བ་དང་ངེས་པའི་དོན་ལེགས་པར་བཤད་པའི་སྙིང་པོ་གསེར་བྲིས་མ་དང་༸སྐུ་གསུང་ཐུགས་རྟེན་མཚོན་པའི་འབུལ་རྫས་སོགས་འབུལ་ལམ་ཞུ་རྒྱུའི་མཛད་རིམ་ཡང་ཡོད་པ་སོགས་ངོ་སྤྲོད་གནང་ཡོད།
རེས་གཟའ་ཕུར་བུ། ༢༠༡༩།༡༢།༡༢
ཉན་པ།: Listen
- ༸གོང་ས་མཆོག་མོན་གྷོ་འདོད་རྒུ་གླིང་བོད་མིའི་གཞིས་སྒར་དུ་ཞབས་སོར་བདེ་བར་འཁོད་གནང་མཛད་པ།
- ཁེ་ན་ཌ་ལྟ་བུ་ཡིས་རང་དབང་འཐབ་རྩོད་གནང་མཁན་མི་རིགས་རྣམས་ལ་རྒྱབ་སྐྱོར་གནང་རྒྱུའི་འགན་ཡོད།
- སུད་སིའི་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པས་བོད་དོན་དང་འབྲེལ་བའི་ཚོགས་འདུ་ཚོགས་འདུག
- ༸སྐྱབས་རྗེ་སློབ་དཔོན་ཟམ་གདོང་རིན་པོ་ཆེ་མཆོག་གི་མཛད་རྗེས་ལ་ཆེ་བསྟོད་ཀྱིས་གྲོས་ཆོད་ཅིག་གཏན་འབེབས།
- རྒྱ་ནག་རྒྱལ་ཁབ་གསར་འགོད་པ་བཙོན་འཇུག་བྱེད་མཁན་གྱི་རྒྱལ་ཁབ་ཆེས་སྡུག་ཤོས་སུ་མིང་འདོན་བྱས་འདུག
Thursday 12/12/2019
- Dalai Lama arrives in Mundgod after completing Goa program
- Canada urged to take responsibility to support the fight for freedom of others
- Swiss Parliamentary Group for Tibet chalks out action plan for Tibet
- Minnesota State Legislature adopts resolution honoring Prof. Samdhong Rinpoche
- CPJ report names China as world’s worst jailers of journalists
རྒྱ་ནག་རྒྱལ་ཁབ་གསར་འགོད་པ་བཙོན་འཇུག་བྱེད་མཁན་གྱི་རྒྱལ་ཁབ་ཆེས་སྡུག་ཤོས་སུ་མིང་འདོན་བྱས་འདུག
ཨ་རིའི་ནང་དུ་རྟེན་གཞི་བྱས་པའི་Committee to Project Journalist ཞེས་པའི་རྒྱལ་སྤྱིའི་གསར་འགོད་པ་སྲུང་སྐྱོབ་ཚོགས་པས་ཕྱི་ལོ་ ༢༠༡༩ ལོའི་ནང་རྒྱལ་སྤྱིའི་རྒྱལ་ཁབ་ཁག་གི་ཁྲོད་གསར་འགོད་པ་བཙོན་འཇུག་བྱས་པའི་གནད་དོན་ཐད་ཉམས་ཞིབ་སྙན་མཐོ་ཞིག་འདོན་སྤེལ་གནང་འདུག་པའི་ནང་དུ། ལོ་འདིའི་ནང་རྒྱ་ནག་གིས་ཉུང་མཐར་གསར་འགོད་པ་ ༤༨ ཙམ་འཛིན་བཟུང་བྱས་ཡོད་སྐོར་དང་འབྲེལ། རྒྱ་ནག་དེ་འཛམ་གླིང་ནང་གསར་འགོད་པ་མང་ཤོས་བཙོན་འཇུག་བྱེད་མཁན་གྱི་རྒྱལ་ཁབ་ཆེས་སྡུག་ཤོས་ཡིན་པ་གསལ་འདོན་གནང་འདུག
དེ་ཡང་ཁ་སང་ཕྱི་ཚེས་ ༡༡ ཉིན་རྒྱལ་སྤྱིའི་གསར་འགོད་པ་སྲུང་སྐྱོབ་ཚོགས་པའི་དྲ་གནས་ཐོག་སྙན་ཐོ་དེ་འདོན་སྤེལ་གནང་འདུག་པ་ལྟར། ༢༠༡༩ ལོ་འདིའི་ནང་འཛམ་གླིང་ཁྱོན་ཡོངས་སུ་གསར་འགོད་པ་ཁྱོན་ ༢༥༠ ཙམ་འཛིན་བཟུང་བྱས་ཡོད་པ་ཤེས་རྟོགས་བྱུང་ཡོད་པ་དང་། དེང་སྐབས་རྒྱ་ནག་གི་སྲིད་འཛིན་ཞི་ཅིན་ཕིང་་གིས་གསར་གྱུར་བརྒྱུད་ལམ་ཐོག་དམིགས་བསལ་གྱི་དམ་དྲགས་ཤུགས་ཆེར་བྱེད་བཞིན་པ་དང་འབྲེལ། འདི་ལོ་རྒྱ་ནག་གཅིག་པོའི་ནང་དུ་གསར་འགོད་པ་ ༤༨ འཛིན་བཟུང་བྱས་ཡོད་པ་དང་འབྲེལ། འཛམ་གླིང་ནང་གསར་འགོད་པ་མང་ཤོས་འཛིན་བཟུང་བྱེད་མཁན་གྱི་རྒྱལ་ཁབ་ཏུ་མིང་འདོན་གནང་འདུག དེའང་སྔར་ལོ་རྒྱ་གཞུང་གི་གསར་འགོད་པ་ ༤༧ འཛིན་བཟུང་བྱས་པ་ལས་གྲངས་ཁ་གཅིག་གིས་མང་བ་ཡིན་པ་ཡོངས་གྲགས་གནང་འདུག
སྙན་ཐོར་གཞིགས་ན། འདས་པའི་ལོ་གསུམ་དང་བསྡུར་ན་འདི་ལོ་འཛམ་གླིང་ཁྲོད་གསར་འགོད་པ་མང་ཤོས་འཛིན་བཟུང་བྱས་ཡོད་སྟབས་གནས་སྟངས་ཛ་དྲགས་ཡིན་པ་དང་། འཛིན་བཟུང་བྱས་པའི་ཁོངས་ནས་བརྒྱ་ཆ་ ༦༦ རྒྱལ་ཁབ་ཀྱི་གཞུང་ལ་སྐྱོན་བརྗོད་བྱས་པའམ་གཞུང་གི་བྱ་སྤྱོད་ངན་པའི་སྐོར་ལ་གནས་ཚུལ་སྤེལ་མཁན་ཤ་སྟག་ཡིན་པ་དང། བརྒྱ་ཆ་ ༡༣ ཙམ་ཞིག་གདོང་ལེན་བྱས་པའི་ཉེས་མིང་འོག་ཚུད་ཡོད་པ་དང་་བརྒྱ་ཆ་ ༡༢ ཙམ་ཞིག་གནས་ཚུལ་རྫུན་མ་སྤེལ་བའི་ཉེས་མིང་འོག་འཛིན་བཟུང་བྱས་ཡོད་པ་དང་། བརྒྱ་ཆ་ ༢༣ ཙམ་ཞིག་ཉེས་མིང་གང་ཡང་མེད་པར་དོན་མེད་འཛིན་བཟུང་བྱས་བ་ཡིན་པར་གསལ་འདོན་གནང་བ་མ་ཟད། འཛིན་བཟུང་བྱས་པའི་ཁོངས་ནས་བརྒྱ་ཆ་ ༢༧ ཙམ་ཞིག་བཙོན་འཇུག་འོག་འཕྲོད་བསྟེན་གྱི་དཀའ་ངལ་འཕྲད་བཞིན་པ་སོགས་མངོན་གསལ་གནང་འདུག དེའང་གྲངས་ཐོ་འདིའི་ཁོངས་སུ་གསར་འགོད་པ་འཛིན་བཟུང་བྱས་པའི་གནད་དོན་གསལ་པོ་ཤེས་པ་མ་གཏོགས་གར་སོང་ཆ་མེད་དུ་གྱུར་བ་སོགས་བརྩིས་མེད་པ་རེད།
སྔ་ལོ་ Turkey ནང་དུ་གསར་འགོད་པ་ ༦༨ ཙམ་འཛིན་བཟུང་བྱས་པ་ནས་འདི་ལོའི་གྲངས་འབོར་དེ་༤༧ ཆགས་ཡོད་སྟབས། རྒྱ་ནག་གི་སྔར་ལོ་འཛིན་བཟུང་གི་གྲངས་འབོར་ ༤༧ ནས་འདི་ལོའི་གྲངས་འབོར་ ༤༨ ལ་འཕར་ཡོད་པ་དང་སྦྲགས། འདི་ལོ་རྒྱལ་ཁབ་ཅིག་ནང་གསར་འགོད་པ་འཛིན་བཟུང་མང་ཤོས་བྱེད་མཁན་དེ་རྒྱ་ནག་ཆགས་ཡོད་པ་དང་། དེའང་འདས་པའི་ལོ་ཁ་ཤས་ནང་གི་གྲངས་འབོར་མཐོ་ཤོས་དེ་ཡིན་པ་མངོན་གསལ་གནང་འདུག ཡིན་ནའང་རྒྱ་ནག་གཞུང་གི་ཕྱི་སྲིད་ལས་ཁུངས་ཀྱི་མགྲིན་ཚབ་པ་ Hua Chunying ཡིས་གསར་འགོད་པར་འགྲེལ་བརྗོད་བྱས་པའི་ནང་དུ། རྒྱ་ནག་ནི་ཁྲིམས་ཀྱི་དབང་བསྒྱུར་ལ་གུས་བརྩི་ཞུ་མཁན་གྱི་རྒྱལ་ཁབ་ཅིག་ཡིན་སྐོར་དང་འབྲེལ། འཛིན་བཟུང་བྱས་པའི་གསར་འགོད་པ་རྣམས་ཀྱིས་ཁྲིམས་འགལ་གྱི་བྱ་བ་ག་རེ་སྤེལ་ཡོད་པ་དེར་བསམ་བློ་གཏོང་དགོས་པར་བརྗོད་འདུག
ཚོགས་པའི་ངོས་ནས་ད་དུང་། འདི་ལོ་ Turkey ནང་དུ་གསར་འགོད་པ་འཛིན་བཟུང་བྱས་པའི་གྲངས་འབོར་ཉུང་དུ་ཕྱིན་ཡོད་ཀྱང། ཕྱོགས་གཞན་ཞིག་ནས་གནས་སྟངས་ཡར་རྒྱས་ཕྱིན་པ་ལས་ཟློག་སྟེ་ཡུལ་དེའི་སྲིད་འཛིན་གྱི་ངོས་ནས་གསར་འགྱུར་བརྒྱུད་ལམ་ཐོག་དམ་དྲགས་ཤུགས་ཆེ་རུ་བཏང་བ་དང་འབྲེལ། གསར་ཁང་ ༡༠༠ ལྷག་ཙམ་བཙན་དབང་ཐོག་སྒོ་རྒྱག་ཏུ་བཅུག་སྟེ། དེ་དག་གི་གསར་འགོད་པ་རྣམས་ལ་འཇིགས་སྐུལ་བའི་ཉེས་མིང་བཙུགས་པ་དང། མང་པོ་ཞིག་ལས་ཀ་མེད་པ་བཟོས་པ་སོགས་ཀྱི་འགལ་རྐྱེན་མང་པོ་བྱུང་ཡོད་པ་གསུངས་འདུག
གསར་འགོད་པ་སྲུང་སྐྱོབ་ཚོགས་པས་འདི་ལོ་རྒྱ་ནག་ནང་དུ་སྒེར་གྱི་གསར་འགྱུར་སྤེལ་མཁན་གསར་འགོད་པ་ Sophia Huang Xueqin ལགས་ཀྱིས་ཧོང་ཀོང་ནང་གི་དམངས་གཙོའི་ལས་འགུལ་བའི་སྐོར་གནས་ཚུལ་སྤེལ་བ་དང་འབྲེལ་ནས་ཁོང་མོ་འདི་ལོའི་ཕྱི་ཟླ་ ༡༠ བའི་ནང་འཛིན་བཟུང་བྱས་པ་དང་། དེ་བཞིན་ Iran ནང་གི་གསར་འགོད་པ་ Mohammad Mossaed ལགས་ཀྱིས་རང་རྒྱལ་གྱི་ནང་དུ་རྡོ་སྣུམ་གྱི་གོང་ཚད་འཕར་བཞིན་པའི་སྐོར་ལ་Twitter དྲ་གནས་ཐོག་གནས་ཚུལ་སྤེལ་བར་འཛིན་བཟུང་བྱས་པ་སོགས་ཀྱི་གནད་དོན་ལུང་འདྲེན་དང་འབྲེལ། གསར་འགོད་པ་རྣམས་ནས་རང་་ལ་འཁྲི་བའི་ལས་འགན་ཁུར་བར་འཛིན་བཟུང་བྱེད་རྒྱུ་མེད་པར་གསུངས་འདུག
རྩ་བའི་གསར་འགོད་པ་སྲུང་སྐྱོབ་ཚོགས་པའི་ངོས་ནས་ལོ་ལྟར་འཛམ་གླིང་ཁྲོད་གསར་འགོད་པའི་གནས་སྟངས་ཐོག་ལ་ཉམས་ཞིབ་དང་། འཛིན་བཟུང་བྱས་པའི་གསར་འགོད་པ་རྣམས་གློད་བཀྲོལ་ཡོངས་བའི་ལས་འགུལ་འདྲ་མིན་སྤེལ་བཞིན་པའི་ཁྲོད། འདས་པའི་ལོ་འདིའི་ནང་གསར་འགོད་པ་ ༨༠ ཙམ་གློད་བཀྲོལ་ཐུབ་པ་བྱུང་ཡོད་པ་རེད།