Tibetan Royal Year of 2151 | Year of the Wood Dragon

ARCHIVE

Monthly Archives: April, 2019

རེས་གཟའ་སྤེན་པ། ༢༠༡༩།༠༤།༢༧

ཉན་པ།: Listen ཕབ་ལེན། Download ༸ཀུན་གཟིགས་༸པཎ་ཆེན་རིན་པོ་ཆེ་མཆོག་གི་༸སྐུའི་འཁྲུངས་སྐར་དང་བོད་མིའི་ལས་འགུལ། Saturday 27/04/2019 Exile Tibetans celebrate Panchen Lama's birthday

རེས་གཟའ་པ་སངས། ༢༠༡༩།༠༤།༢༦

ཉན་པ།: Listen ཕབ་ལེན། Download ༸དཔལ་ནཱ་ལནྡཱའི་མཁས་པའི་གཞུང་ལུགས་དེ་དེང་གི་གོ་ལར་དགོས་མཁོ་ཆགས་ཡོད། བོད་མི་ཆབ་སྲིད་བཙོན་ཟུར་ཞིག་སྐུ་གྲོངས་བ། བེུད་ལ་རྩུབ་སྤྱོད་དང་བཙན་གཡེམ་གྱི་གོ་རྟོགས་ཞན་པོ་ཡོད་པ་མངོན་གསལ། བོད་མི་ལས་འགུལ་བ་དང་རྒྱ་ནག་གཞུང་ཚབ་ལས་བྱེད་དབར་ཁ་རྩོད་ཤོར་བ། ལྷོ་ཕྱོགས་སུ་༸པཎ་ཆེན་རིན་པོ་ཆེའི་༸སྐུའི་འཁྲུངས་སྐར་ཉིན་མར་མེ་ཁྲོམ་སྐོར་གནང་བ། ས་སྐྱའི་གདུང་སྲས་༧བཛྲ་རིན་པོ་ཆེས་ཏཱ་བླ་མ་མཐོ་སློབ་ཏུ་གསུང་བཤད་གནང་བ། Friday 26/04/2019 Dalai Lama arrives back in Dharamsala in good health Dalai Lama speaks to Tibetans and students in Delhi Former political prisoner Pema Wangchen passes away Social attitudes towards women in Tibetan society lacks awareness, says WED report Standoff between Tibetan activists and Chinese consulate staff in Zurich Tibetans worldwide celebrate Panchen Lama birthday

དཀར་མཛེས་ནས་ཡིན་པའི་བོད་མི་ཆབ་སྲིད་བཙོན་ཟུར་པདྨ་དབང་ཆེན་ལགས་དེ་རིང་སྨན་ཁང་དུ་འདས་གྲོངས་སུ་གྱུར་འདུག

དེ་རིང་ཕྱི་ཟླ་ ༤ ཚེས་ ༢༦ ཉིན་བོད་ནང་གི་ཉིན་དགུང་ཕྱག་ཚོད་ ༡༢༌༣༠ ཐོག་བོད་ཁམས་དཀར་མཛེས་རྫོང་མདའ་མདོ་ཤང་། འོང་བཟང་གྲོང་ནས་ཡིན་པའི་བོད་མི་ཆབ་སྲིད་བཙོན་ཟུར་པདྨ་དབང་ཆེན་ལགས་རྒྱ་ནག་ཁྲིན་ཏུ་སྨན་ཁང་ཞིག་ཏུ་དགོངས་པ་རྫོགས་འདུག ཆབ་སྲིད་བཙོན་ཟུར་ཁོང་གིས་དེ་སྔ་ཕྱི་ལོ་ ༢༠༡༦ ལོར་བོད་ཀྱི་ལོ་གསར་སྐབས་ཁོང་གི་གྲོང་སྡེ་དཀར་མཛེས་རྫོང་འོང་བཟང་གྲོང་དུ་བོད་ཀྱི་རྒྱལ་གླུང་བླངས་རྐྱེན་ཟླ་བ་གཅིག་གི་རྗེས་སུ་རྒྱ་གཞུང་དམག་གིས་འཛིན་བཟུང་གིས་ཟླ་བ་གཅིག་དང་ཞགས་མ་བཞིའི་རིང་བཙོན་འཇུག་བྱས་པ་མ་ཟད། རྡུང་རྡེག་དྲག་པོ་བཏང་ཡོད་སྟབས་ཁོང་ནད་གཅོང་ཏུ་གྱུར་རྗེས་བཙོན་གྲོལ་བཏང་བ་དང་ཕྱི་ལོ་ ༢༠༡༧ ལོར་རྒྱ་ནག་གི་སྨན་ཁང་འདྲ་མིན་དུ་བསྟེན་གཏུག་གནང་ཡང་ནད་གཞི་དངོས་གང་ཡིན་ངོས་འཛིན་ཐུབ་མེད་པར་མཐར་རྒྱ་ནག་གི་སྨན་ཁང་ཆེ་བ་ཞིག་ཏུ་ཟླ་བ་གཉིས་ཙམ་བཞུགས་ཏེ་ཅུང་དྲག་སྐྱེད་བྱུང་ཡོད་པ་རེད་འདུག འོན་ཀྱང་ཉེ་ཆར་ཁོང་གི་གཟུགས་གཞིའི་གནས་བབ་ཛ་དྲག་ཏུ་གྱུར་ནས་དཀར་མཛེས་རྫོང་གི་སྨན་ཁང་ཞིག་ཏུ་ཉིན་གཉིས་ཀྱི་རིང་བཞུགས་རྗེས་ཁོང་གི་འདོད་མོས་བཞིན་རྒྱ་ནག་ཁྲིན་ཏུ་སྨན་ཁང་ཞིག་ཏུ་ཁྲིད་ཡོད་ཅིང་ལམ་བར་ནས་ཁོང་ཁ་གྲག་རྒྱུ་མེད་པར་གྱུར་བ་མ་ཟད་སྨན་ཁང་དུ་ཉིན་གསུམ་ཙམ་བཞུགས་ཀྱང་མྱུར་སྐྱོབ་མ་ཐུབ་པར་དེ་རིང་ཕྱི་ཚེས་ ༢༦ ཉིན་དགུང་ཕྱག་ཚོད་བཅུ་གཉིས་དང་ཕྱེད་ཀར་དགོངས་པ་རྫོགས་དུག འདས་གྲོངས་སུ་གྱུར་བའི་ཆབ་སྲིད་བཙོན་ཟུར་ཁོང་གིས་ཕ་མ་གཅིག་པའི་སྤུན་དཔལ་ལྡན་འཕྲིན་ལས་ལགས་ཀྱིས་ཀྱང་ཕྱི་ལོ་ ༢༠༠༨ ལོར་དཀར་མཛེས་རྫོང་ཐོག་ཏུ་རྒྱ་གཞུང་ལ་ཞི་རྒོལ་གནང་རྐྱེན་འཛིན་བཟུང་གིས་ལོ་བཞིའི་བཙོན་འཇུག་ཁྲིམས་ཐག་བཅད་ཡོད་པ་རེད་འདུག དེ་སྔ་ཁོང་རྒྱ་གར་དུ་ཕེབས་ནས་གྷོ་པལ་པུར་བོད་ཁྱིམ་སློབ་གྲྭར་སློབ་སྦྱོང་གནང་མྱོང་ཡོད་པ་དང་ཕྱིས་སུ་གནམ་གཤིས་མ་འཕྲོད་རྐྱེན་ཕྱིར་བོད་དུ་ལོག་ནས་གཉེན་སྒྲིག་གནང་བ་དང་ཕྲུ་གུ་གསུམ་བྱུང་ཡོད་ཀྱང་བཟའ་ཟླ་དང་ཁ་བྲལ་འདུག  ཁོང་དང་ཁོང་གི་སྤུན་མཆེད་དཔལ་ལྡན་འཕྲིན་ལས་ལགས་གཉིས་ཀྱིས་རྒྱ་གཞུང་ལ་ཞི་རྒོལ་གནང་རྐྱེན་དེང་སྐབས་རྒྱ་ནག་གཞུང་གིས་ཁོང་ཚོར་རོགས་རམ་དང་ཐོབ་ཐང་ཡོངས་རྫོགས་བཅད་ཡོད་པ་་མ་ཟད་ཕྲུ་གུ་གཞན་ཚོར་སློབ་ཡོན་སྤྲོད་དགོས་ཀྱི་མེད་ཀྱང་ཁོང་ཚོའི་ཕྲུ་གུ་ཚོར་སློབ་གྲྭར་སློབ་ཡོན་ངེས་པར་དུ་སྤྲོད་དགོས་པ་བཅས་ཀྱི་སྡང་ཟུག་དང་དམ་དྲག་ཆེན་པོ་བྱེད་བཞིན་ཡོད་པ་རེད་འདུག རྩ་བའི་རྒྱ་གར་ལྷོ་ཕྱོགས་སུ་བཞུགས་པའི་འབྲེལ་ཡོད་བོད་མི་ཞིག་གིས་ཁོང་དང་འབྲེལ་བའི་འདྲ་པར་དང་གནས་ཚུལ་མཁོ་སྤྲོད་གནང་སོང་།  

བོད་མིས་༸དཔལ་ནཱ་ལནྡཱའི་མཁས་པའི་བཞེད་གཞུང་ཉར་ཚགས་གནང་བ་དེ་དེང་གི་གོ་ལར་དགོས་མཁོ་ཆགས་ཡོད།

རྒྱ་གར་རྒྱལ་ས་ལྡི་ལི་ནང་གནས་བཞུགས་ས་གནས་བོད་མིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཇི་ལྟར་གསོལ་འདེབས་ཞུས་དོན་ལྟར་དེ་རིང་ཟླ་ ༤ ཚེས་ ༢༦ ཉིན་གྱི་སྔ་དྲོ་ལྡི་ལི་གསར་པའི་རོ་ཧི་ནི་ཁུལ་དུ་ཡོད་པའི་བོད་ཁྱིམ་སྡོད་ཁང་གི་ཚོགས་ཁང་དུ་༸གོང་ས་མཆོག་གིས་བོད་མིས་༸དཔལ་ནཱ་ལནྡཱའི་མཁས་པའི་བཞེད་གཞུང་ཉར་ཚགས་གནང་བ་དེ་དེང་གི་གོ་ལར་དགོས་མཁོ་ཆགས་ཡོད་པར་བཀའ་བསྩལ་ཡོད།༸གོང་ས་མཆོག་གིས་མང་ཚོགས་ལ་བཀའ་སློབ་མ་བསྩལ་གོང་དུ་མགོན་པོ་༸གང་ཉིད་མཆོག་ལ་སྙུན་གཞི་བཞེས་རྐྱེན་ངོ་སྤྲོད་མཛད་པ་དང་འབྲེལ། སྨན་པས་༸གོང་ས་མཆོག་གི་མགུལ་གློ་དང་མཁལ་མར་སྙུན་གཞི་བཞེས་ཡོད་པ་ཞུས་སྐོར་ལུང་འདྲེན་གྱིས་ཉེ་ལམ་སྙུན་གཞི་བཞེས་རྐྱེན་སྨན་པས་སྨན་ཁབ་རྒྱག་སྐབས་ཅུང་མི་བདེ་བ་དང་སུན་པོ་བྱུང་སོང་། འོན་ཀྱང་ད་ཆ་སྙུན་གཞི་དྭངས་སྐྱེད་སངས་དྲག་བྱུང་ཡོད་ཅེས་བཀའ་བསྩལ་བསྩལ་འདུག ༸གོང་ས་མཆོག་གིས་སྐབས་དེར་བོད་མི་ཚོས་ལོ་ངོ་སྟོང་ཕྲག་རིང་རྒྱ་གར་གྱི་གནའ་བོའི་རིག་གནས་དཔལ་ནཱ་ལནྡཱའི་ཆོས་བརྒྱུད་ཉར་ཚགས་གནང་བ་དང་སྦྲགས། ད་ཆ་འཛམ་གླིང་ཁྲོད་དུ་ནང་པའི་སེམས་ཁམས་རིག་པ་དང་ཚད་མ་རིག་པ། ལྟ་གྲུབ་སོགས་ལ་ཚན་རིག་པ་དང་གཙུག་ལག་སློབ་ཁང་སོགས་ནས་ཐུགས་སྣང་དང་། ངོ་མཚར་སྐྱེས་གཞིར་གྱུར་ཡོད་སྟབས། བོད་མིས་༸དཔལ་ནཱ་ལནྡཱའི་མཁས་པའི་བཞེད་གཞུང་ཉར་ཚགས་གནང་བ་དེ་དེང་གི་གོ་ལར་དགོས་མཁོ་ཆེན་པོ་ཆགས་ཡོད་པ་མ་ཟད། སྒོས་སུ་ནུབ་ཕྱོགས་པ་ཚོ་སེམས་ཁམས་རིག་པའི་ཐོག་དེ་ཙམ་ཤེས་རྟོགས་མེད་སྟབས།  འཇིག་རྟེན་ཁམས་ཀྱི་རིག་པ་ Cosmology ཐོག་གནས་ཚད་ཡག་པོ་ཡོད་པའི་ང་ཚོ་བོད་མིའི་ངོས་ནས་དེའི་ཐོག་སློབ་གཉེར་བརྗེ་ལེན་བྱེད་དགོས་པར་བཀའ་བསྩལ་འདུག  ༸གོང་ས་མཆོག་གིས་རིག་གནས་ཆེ་བ་ལྔ་ལས་ལྟ་གྲུབ་རིག་པ་དང་ཚད་མ་རིག་པ། སེམས་ཁམས་རིག་པ་སོགས་འགྲེལ་བརྗོད་སླད་བོད་ཡིག་དེ་ཧ་ཅང་ཡར་རྒྱས་ཕྱིན་ཡོད་སྟབས་ནཱ་ལནྡཱའི་གཞུང་ཐོག་འགྲེལ་བརྗོད་ཡག་ཤོས་ཐུབ་པའི་སྐད་ཡིག་དེ་བོད་ཀྱི་སྐད་ཡིག་ཡིན་པས་བོད་མི་རིགས་ཀྱི་གཟི་བརྗིད་དང་སྤོབས་པ་བྱ་འོས་ཤིག་ཡིན་པར་བརྟེན་བོད་མི་ན་གཞོན་ཚོས་བོད་ཡིག་ལ་དོ་སྣང་བྱེད་དགོས་གལ་ཡིན་པ་སོགས་ལམ་སྟོན་མཛད་འདུག ལྷག་དོན་སློབ་གྲྭ་ཁག་ཏུ་ཕྱིའི་འཕྲོད་བསྟེན་སྐོར་སློབ་བཞིན་ཡོད་ཀྱང་ནང་སེམས་ཀྱི་འཕྲོད་བསྟེན་ཐོག་དོ་སྣང་ཧ་ཅང་ཞན་པས་སློབ་གྲྭ་ཁག་གི་བྱིས་པ་ཚོར་ཆུང་དུས་སྐབས་ནས་དེའི་ཐད་སློབ་སྦྱོང་གནང་གནད་ཡིན་པར་བསྩལ་ཡོད།ལྷག་དོན་རྒྱ་གར་ནས་རྒྱལ་ཁབ་འདིའི་གནའ་བོའི་རིག་གནས་ཉར་ཚགས་དེ་ཙམ་གནང་གི་མེད་སྟབས་མགོན་པོ་༸གང་ཉིད་མཆོག་གིས་ཡང་ཡང་འབོད་སྐུལ་གནང་བར་བརྟེན་དེང་སྐབས་དེའི་ཐད་དོ་སྣང་གནང་བཞིན་པ་དང་། ད་ཆ་འཛམ་གླིང་སྤྱི་ཡོངས་ནས་བྱམས་བརྩེ་དང་སེམས་ཞི་བདེ་བག་ཕེབས་ཐོག་དོ་སྣང་གནང་སྟབས་དེ་འབྲེལ་ཤེས་རྟོགས་ཡོད་མཁན་བོད་པ་ཁོ་ན་ལས་མེད་པས་བོད་མི་གཞོན་སྐྱེས་ཚོས་དེང་དུས་ཀྱི་ཤེས་ཡོན་ཙམ་མིན་པར་བོད་རང་གི་སེམས་ཁམས་རིག་པའི་ཤེས་ཡོན་ཐོག་སློབ་གཉེར་བྱེད་ཐུབ་ཚེ་དེས་མི་རབས་རྗེས་མར་ལེགས་སྐྱེས་ཆེན་པོ་ཞིག་ཕུལ་ཐུབ་པའི་ཐུགས་རེ་ཡོད་སྐོར་བཀའ་སློབ་བཀྲིན་ཆེ་བ་མཛད་ཡོད་པ་རེད། དེ་རིང་སྔ་དྲོ་རོ་ཧི་ནི་བོད་ཁྱིམ་དུ་བཀའ་སློབ་ཀྱི་མཛད་འཕྲིན་བསྐྱངས་གྲུབ་མཚམས་༸གོང་ས་༸སྐྱབས་མགོན་ཆེན་པོ་མཆོག་རྒྱལ་ས་ལྡི་ལི་ནས་མཁའ་ལམ་བརྒྱུད་བཞུགས་སྒར་དྷ་རྨ་ས་ལའི་གྷ་གྷལ་གནམ་ཐང་དུ་༸ཞབས་སོར་བདེ་བར་འཁོད་གནང་མཛད་ཡོད་པ་དང་། སྐབས་དེར་ཕྱི་ནང་གི་གསར་འགོད་པ་རྣམས་ལ་ཉེ་སྔོན་མགོན་པོ་༸གང་ཉིད་མཆོག་ལ་སྙུན་གཞི་ལྗིད་པོ་བཞེས་ཡོད་ཀྱང་། ད་ལྟ་མཆོག་༸སྐུ་ཁམས་ཧ་ཅང་དྭངས་སྐྱེད་སངས་དྲག་བྱུང་སྟབས་མཛད་དཀའ་གང་ཡང་མི་འདུག་ཅེས་བཀའ་བསྩལ་སོང་། གཞི་རྩའི་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཉེ་སྔོན་ཟླ་བ་འདིའི་ཕྱི་ཚེས་ ༩ ཉིན་གློ་བུར་དུ་མགུལ་གློར་གཉན་ཕྲན་བཞེས་རྐྱེན་རྒྱལ་ས་ལྡི་ལིའི་ Max སྨན་ཁང་དུ་སྨན་པ་བསྟེན་གཏུག་གིས་༸སྐུའི་འཕྲོད་བཞེས་བརྟག་དཔྱད་གནང་བ་དང་ཁུལ་དེར་གཟའ་འཁོར་གཉིས་ལྷག་ཙམ་རིང་ལ་༸སྐུ་ངལ་གསོ་བཞུགས་མཛད་དགོས་བྱུང་ཡོད་པ་ལྟར། ༸སྐུའི་འཕྲོད་བཞེས་བརྟག་དཔྱད་དང་༸སྐུ་ཁམས་ཆེས་དྭངས་སྐྱེད་ལེགས་གྲུབ་ཀྱིས་དེ་རིང་ཟླ་ ༤ ཚེས་ ༢༦ ཉིན་སྔ་དྲོ་ཚོུད་ ༡༡ ཡོལ་ཙམ་ལ་བཞུགས་སྒར་དུ་༸ཞབས་སོར་བདེ་བར་འཁོད་སོང་།

བོད་མིའི་སྤྱི་ཚོགས་ཁྲོད་བེུད་ལ་རྩུབ་སྤྱོད་དང་བཙན་གཡེམ་གྱི་གནད་དོན་ཐོག་གོ་རྟོགས་ཞན་པོ་ཡོད་པ་མངོན་གསལ།

དབུས་བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་ཁྱབ་ཁོངས་བེུད་ནུས་སྟོབས་གོང་འཕེལ་སྡེ་ཚན་ནས་རྒྱ་གར་དང་བལ་ཡུལ་ནང་གི་བོད་མིའི་སྤྱི་ཚོགས་ཁྲོད་བེུད་ཀྱི་གནས་སྟངས་ཐོག་སྙན་ཐོ་ཞིག་འདོན་སྤེལ་གནང་བར་བོད་མིའི་སྤྱི་ཚོགས་ཁྲོད་བེུད་ལ་རྩུབ་སྤྱོད་དང་བཙན་གཡེམ་གྱི་གནད་དོན་ཐོག་གོ་རྟོགས་ཞན་པོ་ཡོད་པར་མངོན་གསལ་གནང་འདུགཉེ་ཆར་བོད་མིའི་སྒྲིག་འཛུགས་ཀྱི་བེུད་ནུས་སྟོབས་གོང་འཕེལ་སྡེ་ཚན་གྱིས་སྙན་ཐོ་དེ་འདོན་སྤེལ་གནང་བའི་ནང་བོད་པའི་སྤྱི་ཚོགས་ཁྲོད་ Gender Stereotypes འམ་ཕོ་མོའི་མ་དག་རྒྱུན་འབྱམས་དང་ཁྱིམ་ཚང་དང་ལས་ཀ་བྱ་ཡུལ། དེ་བཞིན་སྤྱི་ཚོགས་ཁྲོད་བེུད་ཀྱི་གནས་བབ་ལ་ལྟ་ཚུལ་དང་། ཐག་གཅོད་གནང་རྒྱུའི་བརྒྱུད་རིམ་ཁྲོད་བེུད་ནས་ཆ་ཤས་བཞེས་ཕྱོགས། སྤྱི་ཚོགས་ཁྲོད་ཕོ་མོ་འདྲ་མཉམ་དང་ཕོ་མོའི་རྟགས་ཀྱི་ཁྱད་པར་དང་འཕྲོད་བསྟེན། དེ་བཞིན་བེུད་ཐོག་རྩུབ་སྤྱོད་དང་བཙན་གཡེམ་ཀྱི་གནད་དོན། བོད་མིའི་སྒྲིག་འཛུགས་ཀྱི་བེུད་ནུས་སྟོབས་གོང་འཕེལ་སྡེ་ཚན་བཅས་ཀྱི་སྐོར་གོ་རྟོགས་ཇི་ཙམ་ཡོད་མེད་ཐོག་ཕྱི་ལོ་ ༢༠༡༧ ལོ་ནས་ཉམས་ཞིབ་གནང་བ་ཞིག་ཆགས་ཀྱི་འདུགདེའི་ཁྲོད་རྒྱ་གར་དང་བལ་ཡུལ་གཉིས་ཀྱི་ནང་སློབ་ཕྲུག་དང་དགེ་རྒན། གྲྭ་བཙུན་དང་མང་ཚོགས། དེ་བཞིན་བོད་མི་མང་སྤྱི་འཐུས་དང་བོད་མིའི་སྒྲིག་འཛུགས་ཀྱི་དབང་ལྡན་མི་སྣ་ཁག་གཅིག་བཅས་ཁྱོན་མི་གྲངས་ ༢༠༠༠ ཙམ་ལ་འདྲི་རྩད་གནང་བ་ལས་བོད་པའི་སྤྱི་ཚོགས་ནང་སྤྱིར་དེང་སྐབས་བེུད་གཙོ་གྱུར་བུ་ཕྲུག་ཡོངས་ལ་ཤེས་ཡོན་གྱི་གོ་སྐབས་ཐོབ་བཞིན་ཡོད་པ་དང་། ཁྱིམ་ཚང་ནང་བེུད་ཀྱི་ཤུགས་རྐྱེན་ཆེ་བ་ཡོད་པ། སྤྱི་ཚོགས་ཀྱི་གནད་དོན་ཐོག་བེུད་ནས་ཐག་གཅོད་གནང་རྒྱུ་སོགས་ཤུགས་རྐྱེན་དེ་ཙམ་མེད་པ་མ་ཟད་དེ་བཞིན་འོས་བསྡུ་སོགས་ཀྱི་སྐབས་སུའང་བེུད་རྣམས་ལ་གནོན་ཤུགས་མེད་པར་འོས་འཕང་རྒྱུའི་རང་དབང་ཡོད་པ་སོགས་མངོན་གསལ་བྱུང་ཡོད་པ་དེ་ལྟར་ཡང་། བོད་མིའི་སྤྱི་ཚོགས་ཁྲོད་ཟླ་མཚན་དང་ཕྲུ་གུ་མངོན་འགོག་སོགས་བེུད་དང་འབྲེལ་བའི་གནད་དོན། ལྷག་དོན་བེུད་ཐོག་རྩུབ་སྤྱོད་དང་བཙན་གཡེམ་སོགས་ཀྱི་གནས་ཚུལ་འཕྲད་སྐབས་ཞལ་གསང་པོའི་ཐོག་ནས་གསུང་མཁན་ཉུང་ཉུང་ཡིན་ཁར་གོ་རྟོགས་ཀྱང་ཞན་པོ་ཡོད་པ་མ་ཟད། ལྷག་པར་དུ་མང་ཚོགས་ཁྲོད་བོད་མིའི་སྒྲིག་འཛུགས་ཀྱི་བེུད་ནུས་སྟབས་གོང་འཕེལ་དང་འབྲེལ་བའི་སྲིད་བྱུས་དང་སྡེ་ཚན་ཆེད་འཛུགས་གནང་བའི་ཐོག་ལ་གོ་རྟོགས་ཞན་པོ་ཡོད་སྐོར་སོགས་ཆེས་མངོན་གསལ་གནང་འདུག་པ་མ་ཟད། མཐོ་སློབ་ཏུ་སྐྱོད་བཞིན་པའི་སློབ་ཕྲུག་ཁྲོད་བེུད་ཀྱི་ལས་འགན་ནི་ཕྲུ་གུའི་སྐྱེས་མ་ཞིག་ལ་ངོས་འཛིན་གནང་གི་ཡོད་པ་སོགས་ཀྱང་གསལ་འདོན་གནང་ཡོད་པ་རེད།ཐེངས་འདིའི་སྙན་ཐོ་འདོན་སྤེལ་གནང་བ་དང་འབྲེལ། གཙོ་བོ་བཙན་བྱོལ་བོད་མིའི་སྤྱི་ཚོགས་ཀྱི་ཡན་ལག་འདྲ་མིན་ནང་བེུད་ཀྱི་གནད་དོན་དང་འབྲེལ་བའི་གོ་རྟོགས་ལས་རིམ་ཤུགས་ཆེ་རུ་གཏང་རྒྱུ་དང་། བེུད་ནུས་སྟོབས་གོང་འཕེལ་སྡེ་ཚན་དེ་ལས་འཆར་ཞིག་གི་ངོ་བོར་ངོས་འཛིན་གནང་བ་ཙམ་མིན་པར་སྒྲིག་འཛུགས་ཀྱི་ཆ་ཤས་གལ་ཆེན་ཞིག་ཏུ་ངོས་འཛིན་གནང་དགོས་གལ་ཡིན་པ་དང་། དེའི་ནང་ད་ལྟའི་ཆར་བེུད་ཀྱི་གནད་དོན་དང་འབྲེལ་བའི་སློབ་སྦྱོང་གནང་མྱོང་ཡོད་པའི་ལས་བྱེད་གཉིས་མ་གཏོགས་མེད་སྟབས། ཆེད་ལས་སློབ་སྦྱོང་གནང་མྱོང་ཡོད་མཁན་མང་བ་ཆེད་བསྐོ་གནང་དགོས་པ་དང་སྡེ་ཚན་གྱི་ལས་གཞི་ཁག་ལ་དུས་ནས་དུས་སུ་དཔྱད་ཞིབ་དགོས་པ། དེ་བཞིན་བོད་མིའི་སྒྲིག་འཛུགས་ཀྱི་ལྷན་ཁང་ཁག་གི་ནང་བེུད་ཀྱི་གནད་དོན་དང་འབྲེལ་བའི་ལས་བྱེད་བསྐོ་གཞག་གནང་གནད་ཡིན་པ་སོགས་ཀྱི་དགོས་འདུན་ཆེད་བཏོན་གནང་ཡོད་པ་རེད།རྩ་བའི་ལས་གཞི་དེ་ US AID ཞེས་པའི་ཨ་རིའི་རོགས་ཚོགས་ཀྱི་མཐུན་འགྱུར་འོག་ཕྱི་ལོ་ ༢༠༡༧༌༡༨ ལོ་གཉིས་ལ་གནད་དོན་དེའི་ཐོག་ཕྱིའི་ཁྱད་ལས་མི་སྣས་སྣེ་ཁྲིད་འོག་དཔལ་འབྱོར་ལས་ཁུངས་ཀྱི་ཚོགས་ལས་ཡར་རྒྱས་ཐེབས་རྩ་དང་བེུད་ནུས་སྟོབས་གོང་འཕེལ་སྡེ་ཚན་གཉིས་ཀྱི་ལས་བྱེད་དབུས་པའི་ས་གནས་སུ་རྟོག་ཞིབ་ཆེད་མི་སྣ་ ༨ ཆེད་བསྐོ་ཐོག་རྒྱ་གར་དང་བལ་ཡུལ་གྱི་ས་གནས་གང་སར་ལོ་གཉིས་ཙམ་གྱི་རིང་ལ་ཞིབ་འཇུག་གནང་བའི་གྲུབ་དོན་སྙན་ཐོ་འདོན་སྤེལ་གནང་བ་ཞིག་ཡིན་པ་རེད།

བོད་མི་ལས་འགུལ་བ་དང་རྒྱ་ནག་གཞུང་ཚབ་ལས་བྱེད་དབར་ཁ་རྩོད་ཤོར་བ།

ཁ་སང་ ༸ཀུན་གཟིགས་༸པཎ་ཆེན་རིན་པོ་ཆེ་སྐུ་ཕྲེང་ ༡༡ པ་དགེ་འདུན་ཆོས་ཀྱི་ཉི་མ་མཆོག་གི་༸སྐུའི་འཁྲུངས་སྐར་སྐབས་སུ་སུད་སི་གྲོང་ཁྱེར་ཛུ་རིག་ནང་རྟེན་གཞི་བྱས་པའི་རྒྱ་ནག་གཞུང་ཚབ་ཡན་ལག་ལས་ཁུངས་ཀྱི་འབྲེལ་ཡོད་ལས་བྱེད་དང་བོད་མི་ལས་འགུལ་བ་དབར་ཁ་རྩོད་ཤོར་འདུག ༸ཀུན་གཟིགས་༸པཎ་ཆེན་སྐུ་ཕྲེང་བཅིུག་པ་དགེ་འདུན་ཆོས་ཀྱི་ཉི་མ་མཆོག་དགུང་གྲངས་ ༣༠ ལ་ཕེབས་པའི་༸སྐུའི་འཁྲུངས་སྐར་དང་བསྟུན། སུད་སི་ས་གནས་བེུད་ཚོགས་པ་དང་ཡོ་རོབ་བོད་ཀྱི་གཞོན་ནུ་མཐུན་ཚོགས་མཉམ་འབྲེལ་གྱིས་གྲོང་ཁྱེར་ཛུ་རིག་ནང་རྟེན་གཞི་བྱས་པའི་རྒྱ་ནག་གཞུང་ཚབ་ཡན་ལག་ལས་ཁུངས་ཀྱི་མདུན་དུ་འདུ་འཛོམས་ཀྱིས་བོད་མི་ལས་འགུལ་བ་རྣམས་ནས་ལག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་༸སྐུ་པར་དང་ལྷན་རིན་པོ་ཆེ་མཆོག་གར་སོང་ཆ་མེད་དུ་གྱུར་པ་དང་། རིན་པོ་ཆེ་མཆོག་གང་དུ་ཡོད་མེད་རྩད་གཅོད་གནང་རོགས། བོད་མིར་རང་དབང་དགོས་པ་སོགས་ཀྱི་འབོད་ཚིག་འཁོད་པའི་ཕྲེད་དར་བསྣམས་ཏེ་ངོ་རྒོལ་སྐད་འབོད་གནང་ཡོད་པ་རེད།ལྷག་པར་དུ་སྐབས་དེར་སྐད་འབོད་ཀྱི་ལས་འགུལ་གྲུབ་མཚམས་སུ་ལས་འགུལ་སྣེ་ཁྲིད་པ་ཁག་གཅིག་གིས་ས་གནས་བོད་མི་ཚོས་༸པཎ་ཆེན་རིན་པོ་ཆེ་མཆོག་ལ་འཚམ་འདྲི་ཞུས་པའི་འཕྲིན་ཡིག་དང་འཚམས་ཤོག་འཁྱེར་ནས་ཁུལ་དེར་ཡོད་པའི་རྒྱ་ནག་གཞུང་ཚབ་ཡན་ལག་ལས་ཁུངས་ཀྱི་ཡིག་སྒམ་ནང་དུ་བླུག་པར་སྐྱོད་སྐབས་རྒྱ་གཞུང་གི་འབྲེལ་ཡོད་ལས་བྱེད་ཁག་གཅིག་གཞུང་ཚབ་ལས་ཁུངས་ནས་ཕྱིར་ཐོན་ཐོག་བོད་མི་དེ་དག་ལ་བཀག་འགོག་གིས་ཡིག་སྒམ་ནང་འཚམས་ཤོག་བླུག་མ་འཇུག་སྟབས་བོད་མི་ལས་འགུལ་བ་དང་གཞུང་ཚབ་འབྲེལ་ཡོད་ལས་བྱེད་དབར་ཁ་རྩོད་ཤོར་འདུག དེ་དང་ཕྱོགས་མཚུངས་སུ་ཁ་སང་༸པཎ་ཆེན་རིན་པོ་ཆེ་མཆོག་གི་༸སྐུའི་འཁྲུང་སྐར་བསྟུན། བྷེལ་འཇམ་ནང་ལ་ཆ་མཚོན་ན་བྷེལ་འཇམ་ས་གནས་བོད་ཀྱི་གཞོན་ནུའི་ཚོགས་པས་གོ་སྒྲིག་ཞུས་པ་དང་ས་གནས་བོད་པའི་ཚོགས་སྐྱིད་ཁག་ནས་མཐུན་འགྱུར་གནང་ཐོག་དེ་རིང་སྔ་དྲོ་བྷེལ་འཇམ་གྲོང་ཁྱེར་ Antwerp ནས་ཡོ་རོབ་གྲོས་ཚོགས་གནས་ཡུལ་དང་བྷེལ་འཇམ་རྒྱལ་ས་ Brussels བར་རྐང་འཁོར་སྐོར་སྐྱོད་ཀྱི་ལས་འགུལ་སྤེལ་ཡོད་པ་རེད།ས་གནས་ཡུལ་མིའི་ཁྲོད་ལ་༸པཎ་ཆེན་རིན་པོ་ཆེ་མཆོག་གི་གནད་དོན་གོ་རྟོགས་སྤེལ་རྒྱུ་དང་རྒྱ་ནག་གཞུང་ནས་རིན་པོ་མཆོག་གང་མགྱོགས་གློད་བཀྲོལ་དགོས་པ་དང་དེ་བཞིན་རྒྱ་གཞུང་ལ་བླ་སྤྲུལ་ཡང་སྲིད་ངོས་འཛིན་ཞུ་རྒྱུའི་ཐོབ་ཐང་མེད་པར་བརྡ་ལན་སྤྲད་རྒྱུ་བཅས་ཀྱི་ཆེད་དུ་རེད་འདུགདེ་བཞིན་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་དགུང་གྲངས་ ༣༠ ལ་ཕེབས་པའི་༸སྐུའི་འཁྲུངས་སྐར་ཉིན་མོར་བོད་མི་ཚོར་རིན་པོ་ཆེ་མཆོག་གི་གསེར་ཞལ་དངོས་སུ་མཇལ་རྒྱུ་མེད་ཀྱང་། རིན་པོ་ཆེ་མཆོག་༸སྐུ་འཚོ་བཞུགས་ཡོད་པ་ལྟར་ཡོ་རོབ་རྒྱལ་ཁབ་གཞན་འཇར་མ་ནི། ཨོ་སི་ཊོ་རིཡ། སུད་སི། ལེག་ཏེན་སིཊཡན། ཕ་རན་སི། བྷེལ་འཇམ། ནོར་ཝེ། ཨི་ཊ་ལི། ནེ་ཐར་ལན་ཌི། ཅེཀ་སྤྱི་མཐུན་རྒྱལ་ཁབ། དབྱིན་ཡུལ། དེ་བཞིན་ཧྥི་ལན་ཌི་བཅས་ནང་གནས་སྡོད་བོད་མི་ཚོས་རྒྱལ་ཁབ་དེ་དག་གི་གལ་འགངས་ཆེ་བའི་ས་ཚིགས་སུ་འདུ་འཛོམས་ཀྱིས་རང་ལུགས་གཟབ་སྤྲོས་ལེགས་པར་སྤྲས་པ། ལག་ཏུ་དཀར་གཙང་གི་མཇལ་དར་དང་༸པན་ཆེན་རིན་པོ་ཆེའི་༸སྐུ་པར། དེ་བཞིན་བོད་ཀྱི་རྒྱལ་དར་བསྣམས་ནས་སྤྱི་ཚོགས་དྲྭ་ལམ་བརྒྱུད་༸པཎ་ཆེན་རིན་པོ་ཆེ་མཆོག་གི་༸སྐུའི་འཁྲུངས་སྐར་ལ་འཚམས་འདྲི་ཞུས་པ་མ་ཟད་མང་ཚོགས་རྣམས་ལ་མངར་ཟས་བགོས་འགྲེམས་སོགས་རྣམ་པ་འདྲ་མིན་གྱི་ཐོག་ནས་བོད་མི་ཚོས་དགའ་སྐྱོ་འདྲེས་མའི་ཚོར་ཟུང་གིས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་དགུང་ལོ་ ༣༠ བཞེས་པའི་༸སྐུའི་འཁྲུངས་སྐར་དུས་ཆེན་སྲུང་བརྩི་ཞུས་ཡོད། དེ་དང་ཕྱོགས་མཚུངས་ཁ་སང་ཨ་རི་དང་ཨོ་སི་ཊོ་ལི་ཡ་གཙོ་གྱུར་རྒྱལ་སྤྱིའི་ཁྲོད་དུ་ངོ་རྒོལ་དང་རིན་པོ་ཆེ་མཆོག་གློད་བཀྲོལ་དགོས་པའི་ཞུ་འབོད། མང་ཚོགས་ལ་མངར་ཟས་བགོས་འགྲེམས་སོགས་རྣམ་པ་འདྲ་མིན་ཐོག་ནས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་༸སྐུའི་འཁྲུངས་སྐར་སྲུང་བརྩི་ཞུས་པ་དང་། ལྷག་དོན་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གི་ཚོགས་གཙོ་སྐུ་ཞབས་ Jim McGovern ལགས་དང་ཨ་རིའི་གཞུང་གི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་ཚོགས་གཙོ་སྐུ་ཞབས་བསྟན་འཛིན་རྡོ་རྗེ་ལགས་རྣམ་གཉིས་ཀྱིས་རྒྱ་གཞུང་ནས་༸ཀུན་གཟིགས་༸པཎ་ཆེན་རིན་པོ་ཆེ་མཆོག་གློད་བཀྲོལ་དགོས་པ་དང་བོད་ནང་ཆོས་ལུགས་ཀྱི་རང་དབང་ལ་དམ་དྲག་ཤུགས་ཆེ་བྱེད་བཞིན་པའི་གནས་སྟངས་མངོན་གསལ་གནང་བའི་བསྒྲགས་གཏམ་འདོན་སྤེལ་གནང་ཐོག་ཉིན་མོ་དེ་སྲུང་བརྩི་ཞུས་ཡོད་པ་རེད།

རེས་གཟའ་ཕུར་བུ། ༢༠༡༩།༠༤།༢༥

ཉན་པ།: Listen ཕབ་ལེན། Download གཞུང་འབྲེལ་ཐོག་༸ཀུན་གཟིགས་པཎ་ཆེན་རིན་པོ་ཆེ་སྐུ་ཕྲེང ༡༡ པའི་འཁྲུངས་སྐར་དང་༸སྐུ་ཕྲེང་ ༡༠ པ་མཆོག་གི་བཀའ་དྲིན་རྗེས་དྲན་མཛད་སྒོ་ཚོགས་པ། བྱེས་ཀྱི་གདན་ས་བཀྲིས་ལྷུན་པོར་༸པཎ་ཆེན་སྐུ་ཕྲེང་བཅིུག་པའི་འཁྲུངས་སྐར་སྲུང་བརྩི། བཞུགས་སྒར་ནས་གཞི་རྒྱ་ཆེ་བའི་གོམ་བགྲོད་ལས་འགུལ་དབུ་འཛུགས། སྦག་སྦག་སྐོར་སྐྱོད་ཀྱིས་ལས་འགུལ་ལྡི་ལིར་མཇུག་སྒྲིལ། Thursday 25/04/2019 CTA celebrates 30th birthday of 11th Panchen Lama and legacy of the 10th Panchen Speaker and Religion Kalon attends Panchen Lama birthday celebration at Tashi Lhunpo Peace march for Panchen Lama begins from Dharamsala, Gangtok, Dehradun etc. Bike rally for Panchen Rinpoche concludes in Delhi

༸ཀུན་གཟིགས་༸པཎ་ཆེན་རིན་པོ་ཆེ་སྐུ་ཕྲེང་ ༡༡ པ་དགེ་འདུན་ཆོས་ཀྱི་ཉི་མ་མཆོག་གི་༸སྐུའི་འཁྲུངས་སྐར་དང་༸སྐུ་ཕྲེང་ ༡༠ པ་མཆོག་ལ་བཀའ་དྲིན་རྗེས་དྲན་ཞུ་རྒྱུའི་མཛད་སྒོ་ཚོགས་པ།

དེ་རིང་ཕྱི་ཟླ་ ༤ ཕྱི་ཚེས་ ༢༥ ཉིན་མོ་འདི་ནི་༸ཀུན་གཟིགས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་དགུང་ལོ་ ༣༠ བཞེས་པའི་༸སྐུའི་འཁྲུངས་སྐར་དུས་ཆེན་དང་བསྟུན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་མིའི་སྒྲིག་འཛུགས་ཀྱིས་གོ་སྒྲིག་འོག་༸ཀུན་གཟིགས་༸པཎ་ཆེན་རིན་པོ་ཆེ་སྐུ་ཕྲེང་ ༡༡ པ་མཆོག་གི་༸སྐུའི་འཁྲུངས་སྐར་དང་༸སྐུ་ཕྲེང་ ༡༠ པ་ཆེན་པོ་མཆོག་གི་བཀའ་དྲིན་རྗེས་དྲན་མཛད་སྒོ་གཟབ་རྒྱས་ངང་ཚོགས་པ་དང་འབྲེལ་རྒྱ་ནག་གཞུང་ནས་ཆུང་སྲིད་རིན་པོ་ཆེ་མཆོག་གློད་བཀྲོལ་གཏོང་དགོས་པ་མ་ཟད། བོད་མིའི་བླ་སྤྲུལ་ཡང་སྲིད་ཀྱི་གནད་དོན་ཐོག་ཐེ་བྱུས་བྱ་རྒྱུའི་ཐོབ་ཐང་རྩ་བ་ནས་ཡོད་མ་རེད་ཅེས་ནན་པོ་གསུངས་སོང་།དེ་རིང་སྔ་དྲོའི་ཆུ་ཚོད་ ༡༠ སྟེང་དབུ་འཛུགས་གནང་བའི་གཞུང་འབྲེལ་མཛད་སྒོའི་ཐོག་སྐུ་མགྲོན་གཙོ་བོ་ཧིན་བོད་མཛའ་འབྲེལ་ཚོགས་པའི་ཚོགས་གཙོ་སྐུ་ཞབས་ཨ་ཇེ་སེངྒ་མཆོག་དང་། དམིགས་བསལ་སྐུ་མགྲོན་༸སྐྱབས་རྗེ་ཀིརྟི་བློ་བཟང་བསྟན་འཛིན་རིན་པོ་ཆེ་མཆོག དེ་བཞིན་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ། ཉེ་འཁོར་སློབ་གྲྭ་ཁག་གི་སློབ་མ། ས་གནས་མི་མང་བཅས་ནས་མཉམ་ཞུགས་གནང་ཡོད་པ་རེད།སྐབས་དེར་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་༸པཎ་ཆེན་༸སྐུ་ཕྲེང་ ༡༠ པ་མཆོག་གིས་མཛད་པའི་ཡིག་འབྲུ་ཁྲི་བདུན་གྱི་ནང་ལ་རྒྱ་གཞུང་གིས་བོད་ཀྱི་རིག་གཞུང་རྩ་མེད་གཏོང་བཞིན་པའི་གནས་ཚུལ་རྣམས་ཁ་གསལ་བཀོད་ཡོད་པ་དང་། རིམ་པས་རྒྱ་ནག་གཞུང་ནས་ཁོང་བཙོན་འཇུག་བྱས་པ་སོགས་རིན་པོ་ཆེ་མཆོག་གི་མཛད་རྗེས་ཁག་དྲན་གསོ་དང་སྦྲགས། རྒྱ་གཞུང་གི་དམ་དྲག་དང་དྲག་པོའི་སྲིད་བྱུས་གང་སྤེལ་ལ་ལྟོས་མེད་བོད་ཆོལ་ཁ་གསུམ་དུ་བོད་ཀྱི་ཐུན་མོང་མ་ཡིན་པའི་ཆོས་སྡེ་ཁག་དང་བོད་ཀྱི་སྐད། རིག་གཞུང་། ལེགས་བྱང་དང་བཅས་པ་བསྐྱར་གསོ་གནང་ཐུབ་པ་དེ་ནི་གཙོ་བོ་རིན་པོ་ཆེ་མཆོག་གི་བཀའ་དྲིན་ཡིན་པ་གསུངས་ཡོད།སྲིད་སྐྱོང་མཆོག་གིས་རྒྱ་ནག་གཞུང་ནས་བཙན་ཁྲིད་བྱས་པའི་༸ཀུན་གཟིགས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་ངེས་པར་དུ་གློད་བཀྲོལ་བཏང་ནས་ཐུན་མོང་མ་ཡིན་པའི་ཆོས་ཕྱོགས་ཀྱི་མཛད་པ་ཁག་རང་དབང་ལྡན་པའི་ཐོག་ནས་བསྐྱང་འཇུག་དགོས་པའི་དགོས་འདུན་ཆེད་བཏོན་དང་འབྲེལ་ཏེ། རྒྱ་ནག་གཞུང་ལ་བོད་མིའི་བླ་སྤྲུལ་ཡང་སྲིད་ཀྱི་གནད་དོན་ཐོག་ཐེསབྱུས་བྱ་རྒྱུའི་ཐོབ་ཐང་རྩ་བ་ནས་ཡོད་མ་རེད་ཅེས་ནན་པོ་གསུངས་ཡོད།དེ་བཞིན་བོད་མི་མང་སྤྱི་འཐུས་ཚོགས་གཞོན་ཨཱ་ཙཱརྱ་ཡེ་ཤེས་ཕུན་ཚོགས་མཆོག་གིས་༸པཎ་ཆེན་སྐུ་འཕྲེང་བཅུ་པ་མཆོག་གིས་བོད་རྒྱལ་ཁབ་དང་མི་རིགས་ཐོག་བཞག་པའི་རླབས་ཆེན་གྱི་མཛད་རྗེས་ཁག་དྲན་གསོ་དང་འབྲེལ་ནས་༸པཎ་ཆེན་༸སྐུ་གོང་མའི་ཡང་སྲིད་༸པཎ་ཆེན་ཆུང་སྲིད་རིན་པོ་ཆེ་མཆོག་རྒྱ་གཞུང་གི་བཙན་འོག་ནས་བཙོན་གྲོལ་ཡོང་ཐབས་སུ་བོད་མིའི་སྒྲིག་འཛུགས་དང་ཚོགས་པ་ཁག དེ་བཞིན་གང་ཟག་སྒེར་སོགས་ནས་ཐུགས་ཁུར་བཞེས་ཐོག་ལས་འགུལ་མུ་མཐུད་སྤེལ་དགོས་པའི་སྐུལ་མ་གནང་སོང་།མཛད་སྒོའི་སྐུ་མགྲོན་གཙོ་བོ་ཧིན་བོད་མཛའ་འབྲེལ་ཚོགས་པའི་ཚོགས་གཙོ་སྐུ་ཞབས་ཨ་ཇེ་སེངྒ་མཆོག་གིས་རྒྱ་ནག་དེ་རྒྱལ་སྤྱིའི་ཐོག་དཔལ་འབྱོར་གྱི་སྟོབས་ཤུགས་ཆེན་པོ་ཆགས་ཡོད་ཀྱང་། རྒྱལ་སྤྱིའི་རྒྱལ་ཁབ་དང་མང་ཚོགས་ཀྱི་ཆེ་མཐོང་དང་གུས་བརྩི་ཐོབ་པར་ད་བར་གསང་བའི་བཙན་ཁྲིད་བྱེད་བཞིན་པའི་༸པཎ་ཆེན་ཆུང་སྲིད་རིན་པོ་ཆེ་མཆོག་གློད་བཀྲོལ་དགོས་པ་མ་ཟད་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་བོད་མི་རྣམས་རང་ཡུལ་དུ་ཕྱིར་ཕེབས་ཐུབ་པ་བཟོ་དགོས་ཞེས་གསུངས་ཡོད།དམིགས་བསལ་སྐུ་མགྲོན་༸སྐྱབས་རྗེ་ཀིརྟི་བློ་བཟང་བསྟན་འཛིན་རིན་པོ་ཆེ་མཆོག་གིས་༸པཎ་ཆེན་སྐུ་འཕྲེང་གོང་མའི་མཛད་རྗེས་རྣམས་དྲན་གསོ་དང་སྦྲགས། ད་ལྟ་རྒྱ་གཞུང་གི་བཙན་ཁྲིད་འོག་ཡོད་པའི་༸པཎ་ཆེན་ཆུང་སྲིད་རིན་པོ་ཆེ་མཆོག་གང་ཟག་སྒེར་ཞིག་ནས་གློ་བུར་དུ་ངོས་གནང་བ་ཞིག་མ་ཡིན་པར་བོད་ཀྱི་ཆོས་དང་རིག་གཞུང་། ལྷར་པར་དུ་བོད་པའི་བླ་སྤྲུལ་ཡང་སྲིད་ངོས་འཛིན་གནང་ཕྱོགས་ཀྱི་སྲོལ་རྒྱུན་དང་མཐུན་པའི་ཐོག་ནས་གནང་ཡོད་པར་འགྲེལ་བརྗོད་གནང་བ་དང་ཆབས་ཅིག་ཏུ་རྒྱ་གཞུང་གི་ངོས་འཛིན་ཞུས་པའི་པཎ་ཆེན་དེ་ཁྲིམས་དང་མཐུན་པ་ཞིག་མིན་པར་གསུངས་ཡོད། རིན་པོ་ཆེ་མཆོག་གིས་ད་དུང་རྒྱ་ནག་གཞུང་གིས་དུས་ནས་དུས་སུ་༸གོང་ས་མཆོག་ཁ་བྲལ་བའི་ཕྱག་ལས་གནང་གི་ཡོད་སྐོར་ཉེས་འཛུགས་བྱེད་བཞིན་ཡོད་ཀྱང་། དོན་ངོ་མའི་ཐོག་ལ་ཁ་བྲལ་བའི་ལས་ཀ་དེ་རྒྱ་ནག་གཞུང་རང་གིས་བྱེད་བཞིན་ཡོད་པར་ནན་པོ་གསུངས་ཡོད།དེ་བཞིན་མཛད་སྒོའི་ཐོག་ཆེད་ཕེབས་གནང་བའི་བྱེས་ཀྱི་གདན་ས་བཀྲིས་ལྷུན་པོའི་སྐུ་ཚབ་སྔགས་ཆེན་རིན་པོ་ཆེ་བསྟན་འཛིན་ཚུལ་ཁྲིམས་མཆོག་གིས་རྒྱ་ནག་གཞུང་ནས་ད་བར་ཆུང་སྲིད་རིན་པོ་ཆེའི་གནས་སྟངས་ཐོག་ཁུངས་ལུང་ལྡན་པའི་ལན་འདེབས་གསལ་བཤད་གང་ཡང་བྱེད་མྱོང་མེད་པ་དང་། ཆུང་སྲིད་རིན་པོ་ཆེའི་གནད་དོན་དེ་བོད་ཀྱི་བླ་ཆེན་གཅིག་གི་གནད་དོན་ཙམ་མིན་པར་རྒྱ་ནག་གཞུང་ནས་བོད་ཀྱི་ནང་ཆོས་དད་རང་དབང་།  འགྲོ་བ་མིའི་ཐོབ་ཐང་སོགས་ཀྱི་ཐད་ལ་ཚད་ལས་འགལ་བའི་བརྩི་མེད་རྡོག་རོལ་བཏང་དང་གཏོང་བཞིན་པའི་ཁུངས་སྐྱེལ་ར་འཕྲོད་གསལ་པོ་བྱེད་ཀྱི་ཡོད་པ་གསུངས་སོང་།  གཞི་རྩའི་དེ་རིང་༸ཀུན་གཟིགས་༸པཎ་ཆེན་ཆུང་སྲིད་རིན་པོ་ཆེ་མཆོག་གི་༸སྐུའི་འཁྲུང་སྐར་ཉིན་མོ་ཞིག་ཡིན་པ་དང་། ༸པཎ་ཆེན་སྐུ་ཐོག་གོང་མའི་བཀའ་དྲིན་རྗེས་དྲན་གྱི་མཛད་སྒོའི་ཐོག་ཆུང་སྲིད་རིན་པོ་ཆེ་༸སྐུ་ཁམས་བདེ་ཞིང་རྒྱ་གཞུང་གི་བཙན་འོག་ནས་མགྱོགས་མྱུར་གློད་བཀྲོལ་ཡོང་བའི་སྨོན་འདུན་གྱི་འཚམས་འདྲི་དང་སྦྲགས། མང་ཚོགས་རྣམས་ལ་མངར་ཟས་བགོས་འགྲེམས་དང་ཆུང་སྲིད་རིན་པོ་ཆེ་མཆོག་དང་འབྲེལ་བའི་བརྙན་ཐུང་གཟིགས་འབུལ་ཞུས་པ་མ་ཟད། བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲེམས་སྟོན་ཁང་དུ་༸པཎ་ཆེན་སྐུ་ཕྲེང་བཅུ་པ་མཆོག་དང་བཅིུག་པ་མཆོག་རྣམ་གཉིས་ཀྱི་༸སྐུ་པར་འགྲེམས་སྟོན་གནང་ཡོད།

རྒྱ་ནག་གིས་བོད་རིགས་མཐུན་ཚོགས་གསར་བཟོ་བྱས་ནས་རྒྱལ་སྤྱིས་བོད་མིར་ལྟ་སྟངས་བསྒྱུར་ཐབས།

ཉེ་ཆར་ཁེ་ན་ཌའི་ Toronto གྲོང་ཁྱེར་ནང་བོད་རིགས་ཚོགས་པ་ཡིན་ཚུལ་གྱིས་གསོལ་སྟོན་གྱི་ལས་རིམ་ཞིག་གོ་སྒྲིག་ཞུས་པ་མ་ཟད། ཁེ་ན་ཌའི་སྲིད་བློན་མཆོག་ནས་ལས་རིམ་དེར་རྒྱབ་སྐྱོར་གྱིས་འཚམས་འཕྲིན་བསྩལ་བ་རྫུན་བཟོ་བྱས་ཏེ་སྤྱི་ཚོགས་དྲྭ་རྒྱའི་ཐོག་སྤྱོད་པའི་གནད་དོན་བྱུང་བ་དང་འབྲེལ། དེ་རིང་རྒྱལ་སྤྱིའི་བོད་དོན་ལས་འགུལ་ཁང་གིས་ཁེ་ན་ཌའི་བོད་རིགས་མཐུན་ཚོགས་ཟེར་བ་ཞིག་གིས་སྲིད་བློན་གྱི་མཚན་ཐོག་ནས་འཚམས་འཕྲིན་རྫུན་བཟོ་བྱས་པ་དེ་ནི་རྒྱ་ནག་གིས་ནུབ་ཕྱོགས་སུ་སྤེལ་བཞིན་པའི་ལས་དོན་བྱེད་ཕྱོགས་ཤིག་ཡིན་པར་གསལ་འདོན་བྱས་པ་མ་ཟད། གནས་ཚུལ་དེ་ལྟ་བུ་ནི་གསར་པ་གང་ཡང་མིན་པར་རྒྱ་ནག་གི་དུས་རྒྱུན་གྱི་གཡོ་སྒྱུ་ཞིག་ཡིན་པར་འགྲེལ་བརྗོད་གནང་འདུགཁ་སང་རྒྱལ་སྤྱིའི་བོད་དོན་ལས་འགུལ་ཁང་གིས་བོད་རིགས་མཐུན་ཚོགས་ཀྱི་ངོ་བོའི་ཐོག་ནས་དགོང་དྲོའི་གསོལ་སྟོན་བཤམ་མཁན་དེ་དག་ནི་ཡོངས་གྲགས་རྒྱ་ནག་གི་འཐབ་ཕྱོགས་གཅིག་གྱུར་ལ་འབྲེལ་བ་ཡོད་པའི་བོད་རིགས་ཉུང་ཤས་ཤིག་ཡིན་པ་ལྟར། གསོལ་སྟོན་ཐོག་མཉམ་ཞུགས་བྱེད་མཁན་དེ་དག་ཀྱང་ཨ་རི་དང་ཁེ་ན་ཌའི་ནང་དུ་ཡོད་པའི་རྒྱ་ནག་དམར་གཞུང་ལ་རྒྱབ་སྐྱོར་བྱེད་མཁན་རྒྱུན་དུ་འབྲེལ་བ་བྱེད་མཁན་འབའ་ཞིག་ཡིན་པ་གསལ་འདོན་གནང་འདུགལྷག་པར་དུ་བོད་རིགས་མཐུན་ཚོགས་ཡིན་ཁུལ་གྱིས་གོ་སྒྲིག་ཞུས་པའི་གསོལ་སྟོན་དེའི་སྟེང་རྒྱ་ནག་གི་རྒྱལ་གླུ་བཏང་ཡོད་པ་མ་ཟད་མཐུན་ཚོགས་དེའི་ཚོགས་གཙོའི་ངོས་ནས་རྒྱ་ནག་སྲིད་གཞུང་གིས་བོད་ཀྱི་སྤྱི་ཚོགས་ལ་འགྱུར་བ་བཏང་དེ་བོད་ལ་དཔལ་འབྱོར་ཡར་རྒྱས་དང་ཆོས་དད་རང་དབང་གི་ཐད་ནས་རོགས་འདེགས་རྒྱ་ཆེར་བྱས་ཡོད་པར་བསྒྲགས་ཏེ་དམར་ཕྱོགས་གཞུང་གིས་རྩ་འཛུགས་བྱས་པའི་བོད་རྒྱ་གཉིས་ཁྱིམ་རྒྱུད་གཅིག་གི་མི་ཡིན་ཞེས་པའི་གཞས་དེ་ཡང་མཛད་སྒོར་བླངས་ཡོད་པ་བཀོད་འདུགརྒྱལ་སྤྱིའི་བོད་དོན་ལས་འགུལ་ཁང་གིས་ཁེ་ན་ཌའི་བོད་རིགས་མཐུན་ཚོགས་དྲུག་གིས་མཉམ་འབྲེལ་ཐོག་སྤེལ་བའི་བསྒྲགས་གཏམ་ནང་བོད་རིགས་ཚོགས་པ་ཡིན་ཁུལ་གྱིས་བོད་རིགས་ནང་ཁུལ་ཁ་འཐོར་གཏོང་རྒྱུར་དམིགས་ཡོད་ཚུལ་གསུངས་པ་དེ་ལུང་འདྲེན་གནང་བ་དང་སྦྲགས། འདི་ལོ་སྤྱི་ཟླ་གཉིས་པའི་ནང་སླར་ཨ་རིའི་ནང་རྒྱ་གཞུང་གི་རྒྱབ་སྐྱོར་ཡོད་པའི་ཚོགས་པ་གསར་པ་ཞིག་ཆེད་འཛུགས་ཀྱིས་ཨ་རིའི་རྒྱ་རིགས་གནས་སྡོད་ས་ཁུལ་དུ་ལོ་གསར་གསོལ་སྟོན་དུ་བྱང་ཨ་རིའི་བོད་རིགས་མཐུན་ཚོགས་ཀྱིས་འཛུལ་ཞུགས་བྱས་ཡོད་ཚུལ་བསྒྲགས་ཡོད་ཀྱང་། ཕྱི་ཟླ་ ༣ ཚེས་ ༢༠ ཉིན་བྱང་ཨ་རིའི་བོད་རིགས་མཐུན་ཚོགས་ཀྱིས་རྒྱ་ནག་གི་ལོ་གསར་དུས་སྟོན་ལ་ཞུགས་མཁན་གྱི་བོད་མི་དེ་དག་གིས་བྱང་ཨ་རིའི་བོད་རིགས་མཐུན་ཚོགས་ཀྱི་ངོ་ཚབ་བྱེད་ཐབས་མེད་པའི་དགག་ལན་གནང་ཡོད་པའང་ཐེར་འདོན་གནང་འདུགཕྱི་ཟླ་གསུམ་པའི་ནང་བྱང་ཨ་རིའི་བོད་རིགས་མཐུན་ཚོགས་ཀྱི་བསྒྲགས་གཏམ་དེའི་ནང་བདེ་ཆེན་སྤྲུལ་སྐུ་ཟེར་བ་དེ་ནི་རྒྱ་ནག་གིས་སྤྱོད་བཞིན་པའི་ཤུགས་ལྡན་བསྟེན་མཁན་ཞིག་ཡིན་པ་དང་། ཁོ་པ་དུས་རྒྱུན་ནས་ཨ་རིའི་ནང་གི་རྒྱ་མིའི་དཔོན་རིགས་ལ་འབྲེལ་བ་ཡོད་པ་མ་ཟད། རྒྱ་ནག་ཏུ་ཡང་ཡང་འགྲོ་བཞིན་ཡོད་སྐོར་ལུང་འདྲེན་གྱིས་ཐེངས་འདིའི་བོད་རིགས་ཚོགས་པའི་ཚོགས་གཙོ་དེའང་བདེ་ཆེན་སྤྲུལ་སྐུ་ཡིན་པའི་གསལ་བཤད་དག་ཀྱང་ཐེར་འདོན་གནང་ཡོད་པ་རེད།གཞན་ཡང་རྒྱལ་སྤྱིའི་བོད་དོན་ལས་འགུལ་ཁང་གིས་ཕྱི་ལོ་ ༢༠༠༠ ལོ་ནས་བཟུང་རྒྱ་ནག་ གིས་རྒྱལ་སྤྱིའི་སྤྱི་ཚོགས་ཁྲོད་བོད་དོན་ལ་ཁ་གཏད་གཅོག་ཐབས་དང་། རྒྱལ་སྤྱིའི་ངོས་ནས་བོད་དོན་ངོས་འཛིན་བྱེད་ཕྱོགས་ལ་འགྱུར་བ་གཏོང་ཐབས་སུ་དྲིལ་བསྒྲགས་ཤུགས་ཆེར་བྱས་ནས་བརྒྱུད་ལམ་སྣ་མང་ཐོག་ལས་དོན་དེར་དོ་སྣང་བྱས་ཏེ་དམིགས་ཡུལ་ལྡན་པའི་ངང་ཚོགས་པ་རྩ་འཛུགས་ཀྱིས་ལས་དོན་སྒྲུབ་བཞིན་ཡོད་པ་གསལ་འདོན་གནང་འདུག རྒྱ་ནག་གིས་རྒྱལ་སྤྱིའི་སྤྱི་ཚོགས་ཁྲོད་བོད་དོན་མངོན་མེད་དུ་གཏོང་རྒྱུའི་ཐབས་ཕྱོགས་གཅིག་གྱུར་ལས་ཁུངས་ཀྱི་སྒྲིག་ཡིག་ནང་ང་ཚོར་སྲིད་གཞུང་གི་ཐབས་བྱུས་དང་སྲིད་བྱུས་ཡག་པོ་ཤེས་མཁན་གྱི་ཧུར་བརྩོན་ཅན་གྱི་མི་མང་པོ་དགོས། དེ་བཞིན་བོད་དོན་དང་ཕྱིའི་རྒྱལ་ཁབ་ཀྱི་སྐད་ཡིག་ཡག་པོ་ཤེས་མཁན་ཡང་མང་པོ་དགོས། དེ་དག་ཡོད་པའི་ཐོག་ནས་རྒྱལ་སྤྱིའི་སྤྱི་ཚོགས་ཁྲོད་དྲིལ་བསྒྲགས་བྱེད་རྒྱུ་གལ་ཆེན་པོ་ཡིན་པ་དང་། ཕྱི་རྒྱལ་གྱི་བོད་རིགས་མཐུན་ཚོགས་ཁག་ནི་ངང་རྒྱུད་རིང་བའི་སྲིད་བྱུས་འདིའི་ཆ་ཤས་གལ་ཆེན་ཞིག་ཡིན་པར་བསྒྲགས་ཡོད་པ་ཡང་ལུང་འདྲེན་གནང་འདུག  

Latest news