Monthly Archives: October, 2018

དེ་རིང་བཞུགས་སྒར་༸རྒྱལ་བའི་ཕོ་བྲང་དུ་༸གོང་ས་མཆོག་གིས་ཨ་རི་དང་འཇར་མ་ནི་ནས་ཕེབས་པའི་འགྲེམས་སྟོན་ཁང་ཁག་ཅིག་གི་སྤྱི་ཁྱབ་འགན་འཛིན་དང་འབྲེལ་ཡོད་མཁས་ལས་མི་སྣའི་རུ་ཁག་ལ་འགྲེམས་སྟོན་ཁང་གི་བརྒྱུད་བཟང་སྤྱོད་དང་བྱམས་བརྩེ་གོང་འཕེལ་གཏོང་ཐབས་བགྲོ་གླེང་ཚོགས་བཅར་བར་བཀའ་སློབ་བཀྲིན་བསྩལ་ཡོད་པ་རེད། ཨ་རི་བོད་ཀྱི་སྐུ་ཚབ་དོན་ཁང་དང་བོད་མིའི་སྒྲིག་འཛུགས་ཕྱི་དྲིལ་འགྲེམས་སྟོན་ཚན་པ་གཉིས་ཀྱིས་གོ་སྒྲིག་འོག་ཨ་རི་དང་འཇར་མ་ནི་གཉིས་ནས་ཕེབས་པའི་འགྲེམས་སྟོན་འགན་འཁུར་མི་སྣ་དང་མཁས་ལས་པའི་རུ་ཁག་ཞིག་ཁ་སང་བཞུགས་སྒར་དུ་འབྱོར་ཡོད་པདང་། དེ་རིང་སྔ་དྲོ་བཞུགས་སྒར་༸རྒྱལ་བའི་ཕོ་བྲང་དུ་༸གོང་ས་མཆོག་དང་མཇལ་མོལ་གྱི་བགྲོ་གླེང་ཚོགས་འདུ་ཞིག་ཚོགས་ཡོད་པ་རེད།དེ་རིང་ཉིན་རྒྱབ་ཏུ་མེག་གྷན་དུ་རྟེན་གཞི་བྱས་པའི་ Vaikunth གསོལ་མགྲོན་ཁང་དུ་རུ་ཁག་དེའི་མི་སྣ་ཁག་ཅིག་ནས་རང་ཉིད་ཀྱི་མཁས་ལས་ལས་དོན་དང་འབྲེལ་བའི་གཏམ་བཤད་ཀྱི་ལས་རིམ་ཞིག་དང་འབྲེལ་རུ་ཁག་གི་ལྷན་དུ་ཕེབས་པའི་ཨ་རི་སྐུ་ཚབ་དོན་གཅོད་དངོས་གྲུབ་ཚེ་རིང་མཆོག་ནས་༸གོང་ས་༸སྐྱབས་མགོན་ཆེན་པོ་མཆོག་གིས་ཆོས་ལུགས་ལ་མ་བརྟེན་པའི་བཟང་སྤྱོད་གོང་འཕེལ་གནང་དགོས་གལ་ཡིན་པའི་ལམ་སྟོན་བཀའ་ཕེབས་བཞིན་སྤྱིར་དེང་སྐབས་སློབ་གྲྭ་ཁག་གི་ནང་དེའི་ཐོག་བསླབ་གཞི་གཏན་འབེབས་སོགས་གནང་མུས་ཡིན་པའི་ཁྲོད་ཤེས་ཡོན་གྱི་སྡེ་ཚན་ཙམ་མ་ཟད། མང་ཚོགས་རྒན་གཞོན་བར་གསུམ་བཅར་སའི་འགྲེམས་སྟོན་ཁང་ཁག་ཏུ་ཤེས་ཡོན་དང་འབྲེལ་བའི་ལས་གཞི་མང་དག་ཞིག་སྤེལ་བཞིན་ཡོད་སྟབས། འགྲེམས་སྟོན་གྱི་བརྒྱུད་ནས་ཆོས་ལུགས་ལ་མ་བརྟེན་པའི་བཟང་སྤྱོད་གོང་འཕེལ་གནང་རྒྱུའི་གོ་སྐབས་ཤིག་ཡོད་པར་གཟིགས་ཀྱི་ཡོད་པ་ལྟར་ཆེས་ཐོག་མར་༸གོང་ས་མཆོག་གི༸སྐུའི་དྲུང་ནས་བཀའ་སློབ་ལམ་སྟོན་ཞུ་གནད་ཡིན་པས་ཐེངས་འདིའི་བགྲོ་གླེང་ཚོགས་འདུ་གོ་སྒྲིག་གནང་ཡིན་པ་གསུངས་ཡོད།རུ་ཁག་དེ་སང་ཉིན་དང་གནངས་ཉིན་བཅས་བོད་ཀྱི་འགྲེམས་སྟོན་ཁང་གཙོ་གྱུར་བོད་མིའི་སྒྲིག་འཛུགས་ཀྱི་ལས་ཁུངས་མ་ལག་ཁག་ལ་གཟིགས་སྐོར་དང་ནོར་བུ་གླིང་ཁ་བཅས་ལ་འཚམས་གཟིགས་གནང་གི་འདུག ཟླ་ ༡༡ ཚེས་ ༡ ཉིན་ཕྱིར་མ་ཕེབས་གོང་དུ་༸གོང་ས་མཆོག་དང་སླར་མཇལ་འཕྲད་ཞིག་ཀྱང་གནང་སྲིད་པ་རེད་འདུག

ཉན་པ།: Listen ཕབ་ལེན། Download ༸གོང་ས་མཆོག་དབུ་བཞུགས་ཐོག་བཟང་སྤྱོད་དང་བྱམས་བརྩེ་གོང་འཕེལ་གཏོང་ཐབས་བགྲོ་གླེང་ཚོགས་འདུ་ཚོགས་པ། བོད་མཐོ་སྒང་གི་ཚ་དྲོད་མྱུར་ཚད་དེ་གོ་ལ་སྤྱིའི་མྱུར་ཚད་ལས་ལྡབ་གསུམ་གྱི་ཚ་དྲོད་ཆེ་བ་ཆགས་འདུག རྒྱ་གར་ལྷོ་ཕྱོགས་སུ་བོད་རིགས་མཐོ་རིམ་སློབ་མའི་འགོ་ཁྲིད་ཚོགས་འདུ་ཐེངས་དང་པོ་ཚོགས་པ། རྒྱ་ནག་གིས་བདེ་སྲུང་ཐད་ཀྱི་འཕྲུལ་བཟོ་མ་ལག་གསར་འགྲེམས། སྨན་བཅོས་བལྟ་སྐྱོང་གི་ལས་གཞི་ད་དུང་རང་ཁ་རང་གསོ་ཆགས་མེད། Monday 29/10/2018 Dalai Lama speaks on secular ethics to CEOs and Directors of Museums Temperature of Tibet significantly rising Tibetan college students in South India hold first leadership summit Public security expo exhibits China's high-tech security gadgets

རྒྱ་ནག་གིས་རྒྱལ་ནང་གི་བདེ་འཇགས་སྲུང་སྐྱོབ་ཀྱི་ཆེད་དུ་དེང་རབས་ཀྱི་འཕྲུལ་ཆས་གསར་པ་མང་དག་ཞིག་གསར་བཟོ་བྱས་ཏེ་གྲངས་ཉུང་མི་རིགས་ཀྱི་ས་ཁུལ་ལ་ཆེད་དམིགས་ཀྱིས་བེད་སྤྱོད་གཏང་རྒྱུ་རེད་འདུག The Straight Time  ཞེས་པའི་དྲྭ་གནས་ཐོག་གནས་ཚུལ་སྤེལ་བར་ཟླ་བ་འདིའི་ཚེས་ ༢༣ ནས་ ༢༦ བར་རྒྱལ་ས་པེ་ཅིང་དུ་བདེ་འཇགས་སྲུང་སྐྱོབ་དང་འབྲེལ་བའི་འཕྲུལ་ལས་གསར་བཟོའི་མ་ལག་ཁག་ཅིག་ཕྱོགས་བསྡུས་ཀྱིས་འགྲེམས་སྟོན་བྱས་ཡོད་པ་དང་། དེའི་ཁྲོད་དུ་མིའི་གདོང་པ་ངོས་འཛིན་བྱེད་སྤྱད་དང་། iris scanner ཞེས་པའི་མིག་འབྲས་བཤེར་འཚོལ་བྱེད་སྤྱད། དོགས་ཡོད་སྐབས་སུ་ཐད་ཀར་ནམ་མཁའ་ནས་བེད་སྤྱོད་གཏོང་ཐུབ་པའི་མེ་མདའ་དང་མིག་ཤེལ་བརྒྱུད་ནས་དོགས་ཡོད་ངོས་འཛིན་ཐུབ་པ་སོགས་མང་པོ་ཞིག་ཡོད་པ་རེད།  དེ་བཞིན་མིག་འབྲས་བཤེར་འཚོལ་བྱེད་པ་ནི་སྐྱེ་ལྡན་གྱི་གཟུགས་པོའི་མ་ལག་ལ་གཞིར་བཟུང་སྟེ་བཟོས་པ་ཞིག་ཡིན་སྟབས་ནོར་འཁྱུག་མེད་པར་མི་མང་ངོས་འཛིན་ཐུབ་ཀྱི་འདུག འཇར་མ་ནིའི་ནང་རྟེན་གཞི་བྱས་པའི་ཡོ་རོབ་ཀྱི་རིག་གཞུང་དང་འཕྲུལ་ཆས་ཀྱི་མཁས་དབང་།  དམིགས་བསལ་དུ་རྒྱ་ནག་གི་བདེ་འཇགས་ཆེད་མཁས་པ་ Adrian Zenz ལགས་ཀྱིས་ཆེད་བཏོན་གནང་བའི་སྙན་ཐོ་ནང་གསལ་ལྟར་ན། ཕྱི་ལོ་ ༢༠༡༧ ལོའི་རྒྱ་ནག་ནང་གི་བདེ་འཇགས་མ་དངུལ་གྱི་འགྲོ་གྲོན་རྒྱ་སྒོར་ཁྲག་ཁྲིག་ཆེན་མོ་ ༡༢.༤ ལྷག་བརྒལ་ཡོད་པ་དང་། དེ་ནི་སྤྱི་ཡོངས་ཀྱི་ལོ་གཅིག་གི་བདེ་འཇགས་ཀྱི་མ་དངུལ་ལས་བརྒྱ་ཆ་ ༡༢.༤ ལས་འཕར་ཡོད་པ་ཞིག་ཡིན་པ་རེད། སྐུ་ཞབས་ Zenz ལགས་ཀྱིས་རྒྱ་གཞུང་གིས་གྲངས་ཉུང་མི་རིགས་ཀྱི་ས་ཁུལ་ཁག་གི་བདེ་འཇགས་སྲུང་སྐྱོབ་ཐད་དམིགས་བསལ་གྱི་འབད་བརྩོན་ཆེ་བ་བྱེད་བཞིན་པ་དང། དཔེར་ན་བོད་ནང་ལ་ཆ་མཚོན་ན་ཉེ་བའི་ལོ་ཤས་ནས་རྒྱ་ནག་དམར་ཤོག་གི་སྲིད་བྱུས་ལ་ངོ་རྒོལ་གྱིས་རང་ལུས་མེར་བསྲེགས་གནང་མཁན་མང་པོ་བྱུང་བར་བརྟེན། རྒྱ་ནག་གིས་ཕྱི་ལོ་ ༢༠༠༧ ནས་ ༢༠༡༦ བར་གྱི་དུས་ཡུན་དེ་དག་ཁྲོད་བདེ་འཇགས་ཐད་ཀྱི་མ་དངུལ་གཏོང་ཕྱོགས་དེ་བརྒྱ་ཆ་ ༤༠༠ ལྷག་འཕར་ཡོད་པ་དང་།  དེ་བཞིན་ཕྱི་ལོ་ ༢༠༡༧ ལོར་རྒྱ་ནག་ནང་གི་ཡུ་གུར་བྱང་ནུབ་ས་ཁུལ་དུ་རིམ་པ་མང་པོའི་དོགས་སྲུང་འཕྲུལ་ཆས་མང་པོ་བསྒྲིགས་ཏེ་བདེ་སྲུང་མ་དངུལ་གྱི་འགྲོ་གྲོན་བརྒྱ་ཆ་ ༡༠༠ ཙམ་སྤར་ཡོད་པ་མ་ཟད་དེ་ནི་ས་ཁུལ་དེའི་འཕྲོད་བསྟེན་གྱི་མ་དངུལ་དང་བསྡུར་ན་ལྡབ་གཉིས་ལས་བརྒལ་ཟིན་སྐོར་འགྲེལ་བརྗོད་བྱས་འདུག རྒྱལ་ས་པེ་ཅིང་དུ་ཚོགས་པའི་བདེ་འཇགས་སྲུང་སྐྱོབ་དང་འབྲེལ་བའི་འཕྲུལ་ལས་གསར་བཟོའི་མ་ལག་འགྲེམས་སྟོན་ཐོག་རྒྱ་ནག་གི་གྲོང་ཁྱེར་ Shenzhen ནང་རྟེན་གཞི་བྱས་ཡོད་པའི་བཟོ་གྲྭ་ ZNV ཟེར་བས་བརྙན་ལམ་ནས་མིའི་གདོང་གི་རྣམ་འགྱུར་དང་ནང་སེམས་ཀྱི་ཆ་ཕྲ་མོ་སོགས་ཀྱང་ཤེས་རྟོགས་ཐུབ་པའི་བདེ་སྲུང་གི་འཕྲུལ་ལས་གསར་བཟོ་བྱས་ཡོད་པ་དང་།  དེ་དག་གི་སྤྱོད་སྒོ་གཅིག་ནི་ཉེན་རྟོག་པས་འདྲི་གཅོད་སྐབས་སུ་སྤྱོད་བཞིན་ཡོད་པ་འཁོད་འདུག རྒྱ་ནག་ནང་གི་ཞིབ་འཇུག་རང་བཞིན་གྱི་མི་མང་བདེ་སྲུང་ཁང་ཞིག་གིས་མེ་མདའ་བེད་སྤྱོད་གཏོང་ཕྱོགས་ཐད་ནས་བརྙན་ལམ་གྱི་རྩེད་མོ་དེ་འདྲ་བཟོས་ཏེ་ཉེན་རྟོག་པ་ཚོར་མེ་མདའ་རྒྱག་ཕྱོགས་ཀྱི་སློབ་སྦྱོང་སྤྲོད་ཀྱི་ཡོད་པ་དང་། ད་ལྟའི་ཆར་དེ་ལྟ་བུའི་རོལ་རྩེད་ཀྱི་མཉེན་ཆས་མ་ལག་ ༣༠ ལྷག་གསར་བཟོ་བྱས་ཡོད་པ་འཁོད་འདུག

ཉན་པ།: Listen ཕབ་ལེན། Download བོད་ཀྱི་རིག་གཞུང་དང་སྒྱུ་རྩལ་གྱི་དོ་ར། བོད་ཀྱི་རྡོ་བརྐོས་སྒྱུ་སྩལ་སྐོར་གླེང་བ། གཟའ་འཁོར་བསྐྱར་ཞིབ། Sunday 28/10/2018 Art and Culture: Tibetan Mani Carving Art Week Review

ཉན་པ།: Listen ཕབ་ལེན། Download བོད་ཕྲུག་ཁྱིམ་སྡེའི་སྤྱི་ཡོངས་ཀྱི་གནས་སྟངས་དང་ཤེས་ཡོན་གྱི་བསྟི་གནས་འདི་རྒྱུན་འཛིན་གནང་ཕྱོགས་སྐོར་གླེང་བ། Saturday 27/10/2018 In conversation with Thupten Dorjee, President of TCV

ཉན་པ།: Listen ཕབ་ལེན། Download ས་སྤྲེལ་ཞི་རྒོལ་ཆེན་མོ་བྱུང་ནས་ལོ་ངོ་ ༥༠ འཁོར་བའི་དུས་དྲན་སྲུང་བརྩི། ཉི་ཧོང་ནང་བོད་དང་ཤིན་ཅང་གཙོ་གྱུར་རྒྱ་གཞུང་འོག་གདུག་རྩུབ་མྱོང་བཞིན་པའི་རྒྱལ་ཁབ་ཁག་གི་གཅིག་སྒྲིལ་ཚོགས་འདུ། ༸སྐུའི་གཅུང་མོ་བཀའ་ཟུར་༸རྗེ་བཙུན་པདྨ་མཆོག་ལ་ངག་གི་བདག་པོའི་མཚན་གནས་ཕུལ་བ། དབྱིན་ཡུལ་གྱི་ཆེད་མཁས་པ་བདུན་གྱིས་བོད་པའི་སྤྱི་ཚོགས་སུ་རྒྱུས་ལོན་གནང་བ། ལྷོ་ཕྱོགས་བོད་མིའི་གཞིས་སྒར་གཉིས་ཀྱི་འགོ་འཛིན་འཕོ་འགྱུར། Friday 26/10/2018 1968 ‘Satrel’ Tibet Protest anniversary marked with discussion program First solidarity meeting of Free Indo-Pacific Alliance held in Japan CIHTS Sarnath honors Ama Jetsun Pema UK Delegation visits Dharamsala, meets with Dalai Lama Two settlements officers of South India Tibetan settlements transferred

དེ་རིང་ཟླ་ ༡༠ ཚེས་ ༢༦ ཉིན་རྒྱབ་ཚོུད་ ༢  ཐོག་དྷ་སར་རྟེན་གཞི་བྱས་པའི་བོད་ཀྱི་དཔེ་མཛོད་ཁང་གི་ཚོགས་ཁང་དུ་འགུ་ལོག་དམ་ཆོས་དཔལ་བཟང་ལགས་དང་རྨེའུ་རུ་མའི་རྭ་བདེ་ལགས་རྣམ་གཉིས་ཀྱིས་གོ་སྒྲིག་འོག་ ༡༩༦༨ ལོར་ས་སྤྲེལ་ཞི་རྒོལ་ཆེན་མོ་བྱུང་ནས་ལོ་ངོ་ ༥༠ འཁོར་བ་དང་བསྟུན། ཞི་རྒོལ་ཆེན་མོ་དེའི་སྐོར་རྒྱ་ཆེ་མང་ཚོགས་ནས་མཁྱེན་རྟོགས་ཡོང་ཆེད་དང་ལོ་རྒྱུས་ཉམས་ཞིབ་པ་རྣམས་ལ་ཕན་ཐོགས་ཡོང་བར་ཆེད་དམིགས་ཀྱིས་ས་སྤྲེལ་ཞི་རྒོལ་ཆེན་མའི་སྐོར་ལ་རྒྱུས་མངའ་ཡོད་པའི་མི་སྣ་ཁག་ཅིག་གདན་ཞུ་ཐོག་གོ་རྟོགས་སྤེལ་སོང་། རྩ་བའི་ས་སྤྲེལ་ཞི་རྒོལ་ཆེན་མོ་ནི་རིག་གནས་གསར་བརྗེའི་སྐབས་ཀྱི་ཚོགས་པའི་མིང་ཞིག་ཡིན་པ་དང་རིམ་བཞིན་རྒྱ་ནག་དམར་པའི་མནར་གཅོད་གདུག་རྩུབ་འོག་སྨྲ་བརྗོད་རང་དབང་དང་ཆོས་དད་རང་དབང་མེད་པའི་རྐྱེན་གྱིས་ཚོགས་པའི་ངོ་བོ་བསྒྱུར་ནས་དགུང་ཁྲན་ཏང་ལ་ངོ་རྒོལ་གནང་མཁན་ཞིག་ཆགས་ཡོད་པ་རེད།སྐབས་དེར་གཏམ་བཤད་གནང་མཁན་གྱི་གྲས་སུ་འགུལ་ལོག་དམ་ཆོས་དཔལ་བཟང་ལགས་དང་། རྨེའུ་རུ་མའི་རྭ་བདེ་ལེགས་ལགས། སྐུ་སྒེར་དྲུང་ཆེ་རྔ་བ་ཚེ་རྒྱམ་ལགས། ས་རཱ་མཐོ་སློབ་ཀྱི་དགེ་རྒན་གཙང་ཕྲུག་སྟོབས་ལགས་བཅས་གདན་ཞུ་གནང་ཡོད་པ་དང་། ཁོང་རྣམས་ནས་ཞིང་ཆེན་གསུམ་དང་ཁུལ་བཞིའི་རྫོང་ཁག་ ༡༤ ནས་མི་མང་གིས་རྒྱ་གཞུང་ལ་ཞི་རྒོལ། ཞི་རྒོལ་ནང་དངོས་སུ་ཞུགས་པའི་བརྒྱུད་རིམ་དང་མཐོང་ཐོས་ཇི་བྱུང་རྣམས་གསལ་བཤད། སྐབས་དེར་བོད་མི་དམར་གསོད་དང་རྐྱེན་ལམ་དུ་བཏང་བའི་མཚན་གཞུང་ཡོངས་ཁྱབ་གནང་བ་དང་། ཕྱི་ལོ་ ༡༩༦༩ ལོར་སྙེ་མོའི་ཞི་རྒོལ་གྱི་གནས་སྟངས་སོགས་་བརྗོད་གཞི་ཁག་མི་འདྲ་བ་བཞིའི་ཐོག་གཏམ་བཤད་གནང་ཡོད་པ་རེད།སྐུ་སྒེར་དྲུང་ཆེ་རྔ་བ་ཚེ་རྒྱམ་ལགས་ཀྱིས་ཧོང་ཁྲན་གྱི་ལོ་རྒྱུས་དེ་བོད་གངས་ཅན་གྱི་ལོ་རྒྱུས་སུ་གལ་ཆེན་ཞིག་ཡིན་སྐོར་གསུངས་པ་དང་འབྲེལ། ལོ་རྒྱུས་དེ་ཤེས་མཁན་གྱི་མི་སྣ་ཧ་ཅང་ཉུང་ཉུང་ཡིན་སྟབས་རྒན་པ་རྣམས་ཡོད་ཐོག་ལ་ཡིག་འཇོག་གནང་ཐུབ་ཚེ་ལོ་རྒྱུས་ཀྱི་ཉམས་ཞིབ་པར་ཕན་ཐོགས་ཆེན་པོ་ཞིག་ཡོང་ངེས་ཡིན་པར་གསུངས་ཡོད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གཅུང་མོ་བཀའ་ཟུར་ཨ་མ་རྗེ་བཙུན་པདྨ་མཆོག་གིས་བཙན་བྱོལ་དུ་ཤེས་ཡོན་དང་རིག་གཞུང་། སྤྱི་ཚོགས། འགྲོ་བ་མིའི་རིན་ཐང་བཅས་ཀྱི་ཐོག་མཛད་རྗེས་རླབས་ཆེན་འཇོག་གནང་བར་ཆེ་བསྟོད་ཀྱི་ངག་གི་བདག་པོ་ཞེས་པའི་མཚན་གནས་དང་ཕྱག་འཁྱེར་ཕུལ་འདུགདེའང་ཁ་སང་ཟླ་ ༡༠ ཚེས་ ༢༥ ཉིན་གྱི་སྔ་དྲོ་ཚོུད་ ༡༠༌༣༠ སྟེང་ཝཱ་རཱ་ཎ་སཱིའི་སཱརནཱཐ་ཁུལ་དུ་རྟེན་གཞི་བྱས་པའི་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གི་ཨ་ཏཱིཤ་ཚོགས་ཁང་ཆེན་མོར་སྐུ་མགྲོན་དུ་ཝེ་ཏི་ནམ་གྱི་ནང་པའི་སློབ་དཔོན་ Thich Nhat Hanh མཆོག་གི་སྐུ་ཚབ་དང་རྒྱ་གར་དབུས་གཞུང་གི་རིག་གཞུང་བློན་ཆེན་སྐུ་ཞབས་ Dr. Mahesh Sharma མཆོག སྐུ་ཞབས་དཔལ་ལྡན་བརྒྱ་དང་བརྒྱད་ Vidyashreesha Teertha Swamiji མཆོག ༸སྐུའི་གཅུང་མོ་བཀའ་ཟུར་༸རྗེ་བཙུན་པདྨ་མཆོག དེ་བཞིན་གཙུག་ལག་སློབ་གཉེར་ཁང་དེའི་སློབ་ཟུར་དང་དགེ་ལས་སློབ་གཉེར་བ་བཅས་ལྷན་འཛོམས་ཐོག་བསླབ་པ་མཐར་སོན་པའི་དགའ་སྟོན་ཐེངས་ ༡༥ པའི་མཛད་སྒོ་གཟབ་རྒྱས་ཚོགས་ཡོད་པ་རེད། མཛད་སྒོའི་ཆེས་ཐོག་མར་གཙུག་ལག་སློབ་གཉེར་ཁང་གི་ཉེ་བའི་རིགས་བདག་པདྨ་ཤྲི་དགེ་བཤེས་ངག་དབང་བསམ་གཏན་ལགས་ཀྱིས་དབུས་བོད་ཀྱི་གཙུག་ལག་སློབ་གཉེར་ཁང་འདིའི་རིགས་བདག་གི་དབང་ཚད་ཐོག་ནས་ཐེངས་འདིའི་བསླབ་པ་མཐར་སོན་པའི་དགའ་སྟོན་ ༡༥ པ་བསྐོང་ཚོགས་དང་མཛད་སྒོའི་སྐུ་མགྲོན་རྣམས་ལ་ཤེས་ཡོན་དང་རིག་གཞུང་། སྤྱི་ཚོགས། འགྲོ་བ་མིའི་རིན་ཐང་བཅས་ཀྱི་ཐོག་མཛད་རྗེས་རླབས་ཆེན་འཇོག་གནང་བར་ཆེ་བསྟོད་ཀྱི་ངག་གི་བདག་པོ་ཞེས་པའི་མཚན་གནས་དང་ཕྱག་འཁྱེར་ཕུལ་སྐོར་ངོ་སྤྲོད་གནང་ཡོད།མཛད་སྒོའི་ཐོག་༸སྐུའི་གཅུང་མོ་བཀའ་ཟུར་གངས་ཅན་བོད་ཀྱི་ཨ་མ་༸རྗེ་བཙུན་པདྨ་མཆོག་གིས་ཐོག་མར་མཛད་སྒོའི་སྐུ་མགྲོན་རྣམ་པས་གཙོས་པའི་དགེ་ལས་སློབ་གཉེར་བ་ཡོངས་ལ་འཚམས་འདྲི་དང་འབྲེལ། བོད་ཕྲུག་ཚོའི་ཆེད་དུ་ང་ཚོས་ཕྱག་ལས་གནང་བར་ངོས་འཛིན་གྱིས་ད་རེས་ཆེ་བསྟོད་ཀྱི་ཕྱག་འཁྱེར་གནང་བར་དགའ་ཚོར་ཆེན་པོ་བྱུང་ཞེས་གསུངས་པ་མ་ཟད། ༸གོང་ས་༸སྐྱབས་མགོན་ཆེན་པོ་མཆོག་གིས་བཙན་བྱོལ་དུ་ཞབས་སོར་འཁོད་མ་ཐག་མགོན་པོ་༸གང་ཉིད་མཆོག་གི་དགོངས་པར་བོད་ཕྲུག་ཚོར་ཤེས་ཡོན་ལེགས་པོ་ཞིག་སྤྲོད་དགོས་གནད་ཡིན་པར་གཟིགས་ཡོད་པ་དང་། བོད་ཕྲུག་དེ་དག་ནི་མ་འོངས་བོད་ཀྱི་སོན་རྩར་དགོངས་བཞེས་ཀྱིས་གནའ་དེང་ཟུང་འབྲེལ་གྱི་ཤེས་ཡོན་ཐོག་ཐུགས་བརྩོན་གནང་ཡོད་པ་ལྟར། བོད་ཕྲུག་ཁྱིམ་སྡེ་ནས་ཀྱང་ཤེས་ཡོན་གྱི་ཐོག་ཕྱག་ལས་གནང་ནས་ད་ཆ་མི་ལོ་ཧྲིལ་པོ་ ༥༨ འཁོར་གྱི་ཡོད་སྐོར་ངོ་སྤྲོད་གནང་འདུགདེ་བཞིན་བཀའ་ཟུར་མཆོག་གིས་ལོ་དེ་དག་ནང་བོད་ཕྲུག་ཁྱིམ་སྡེ་ནས་བོད་ཕྲུག་སློབ་མ་ ༥༢༠༠༠ ལྷག་སློབ་མཐར་སོན་ཡོད་པ་དེ་དག་རྒྱ་གར་དབུས་གཞུང་དང་དང་བླངས་བ། ཚོགས་སྒེར་སོགས་ཕྱག་རོགས་གནང་མཁན་ཀུན་གྱི་བཀྲིན་ཉག་གཅིག་ཡིན་སྐོར་གསུངས་ཡོད་པ་དང་ཆབས་ཅིག ཝཱ་ཎ་དབུས་བོད་ཀྱི་གཙུག་ལག་ཁང་འདི་ནས་བོད་པའི་གཞོན་སྐྱེས་ཀྱི་མདུན་ལམ་དང་༸གོང་ས་མཆོག་གི་བཀའ་དགོངས་གཞིར་བཟུང་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་མི་ཉམས་རྒྱུན་འཛིན་ཐད་ལ་ཕྱག་ལས་གང་ཐུབ་ཞུ་ཡོད་པ་དང་།ལྷག་དོན་རིག་གཞུང་དེ་དག་ནི་༸གོང་ས་མཆོག་ནས་བཀའ་སློབ་ཕེབས་པ་བཞིན་སློབ་གཉེར་གནང་ཚེ་འཛམ་གླིང་མི་མང་ཡོངས་ཀྱི་ནང་སེམས་ཀྱི་བདེ་སྐྱིད་དང་གོ་ལའི་ཐོག་ཞི་བདེ་ཁྱབ་སྤེལ་གནང་རྒྱུར་དགེ་མཚན་ལྡན་ཡོད་པ་སོགས་ལམ་སྟོན་བསྩལ་འདུག གཞི་རྩའི་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གིས་ཉེ་བའི་རིགས་བདག་དགེ་བཤེས་ངག་དབང་བསམ་གཏན་ལགས་ཀྱིས་དབུས་བོད་ཀྱི་གཙུག་ལག་སློབ་གཉེར་ཁང་འདིའི་རིགས་བདག་གི་དབང་ཚད་ཐོག་ནས་རིགས་པའི་ཆུ་གཏེར་དང་ཁྱད་འཕགས་སློབ་དཔོན། གསོ་བ་རིག་པའི་སྨན་རམས་པའི་སློབ་དཔོན། བོད་ཀྱི་ནང་པའི་ལྟ་གྲུབ་སློབ་དཔོན། གསོ་བ་རིག་པ་དང་བོད་ཀྱི་རྩིས་རིག་པའི་སློབ་དཔོན། བོད་དང་ནང་པའི་གནའ་དེང་སྒྱུ་རྩལ་རིག་པའི་སློབ་དཔོན། བསྟན་བཅོས་དང་ཨཱཙཱརྱ། དེ་བཞིན་དགེ་འོས་དང་ཚན་རིག་དགེ་འོས་ཀྱི་སློབ་ཐོན་པ་བཅས་ཁྱོན་ ༢༠༠ ལྷག་ལ་ཕྱག་འཁྱེར་གསོལ་བསྩལ་གནང་ཡོད་པ་རེད།

ཟླ་བ་འདིའི་ཚེས་ ༢༥ ཉིན་དབྱིན་ཡུལ་སྐུ་ཚབ་དོན་གཅོད་ཁང་གིས་གོ་སྒྲིག་གི་འོག་འབྲེལ་མཐུད་པ་བསྟན་འཛིན་ཀུན་དགའ་ལགས་བརྒྱུད་ནས་དབྱིན་ཡུལ་གྱི་སྒྱུ་རྩལ་བ་དང་ཁོར་ཡུག་གི་ཆེད་མཁས་པ་སོགས་མི་སྣ་བདུན་གྱིས་བཙན་བྱོལ་བོད་པའི་སྤྱི་ཚོགས་སུ་འཚམས་གཟིགས་གནང་སྟེ་དེ་རིང་ཞོགས་པར་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུས་འདུག བསྟན་འཛིན་ཀུན་དགའ་ལགས་སུ་མི་སྣ་དེ་དག་གི་ཆེད་ལས་དང་ཁོང་རྣམས་འདིར་འཚམས་གཟིགས་སུ་ཕེབས་དོན་གང་ཡིན་སོགས་ཀྱི་སྐོར་ལ་བཅར་འདྲི་ཞུས་པར་ཁོང་གིས་ལྕམ Annabel Illingworth ལགས་ཀྱིས་དབུ་ཁྲིད་པའི་མི་སྣ་བདུན་ཡོད་པ་དང་། ཁོང་རྣམས་དམིགས་བསལ་ཆེད་ལས་ཀྱི་མཁས་པ་འབའ་ཞིག་ཡིན་སྟབས་འཇམ་པོའི་སྟོབས་ཤུགས་བརྒྱུད་ནས་བོད་དོན་ཁྱབ་བསྒྲགས་དང་རིག་གཞུང་སོགས་ལ་རྒྱབ་སྐྱོར་ཡོང་ཐབས་སླད་འཚམས་གཟིགས་སུ་ཕེབས་པ་ཞིག་ཆགས་ཡོད་སྐོར་གསུངས་སོང་།གསར་འགོད་པས་པར་པ་དང་དྲྭ་རྒྱ་བྱུས་འགོད་པའི་ལས་རིམ་སྣེ་ཁྲིད་པར་བོད་པའི་སྤྱི་ཚོགས་སུ་ཕེབས་ནས་༸གོང་ས་མཆོག་དང་མཇལ་འཕྲད་ཞུས་ཡོད་སྟབས་ཚོར་བ་ཇི་བྱུང་ཐད་ལ་བཀའ་འདྲི་ཞུས་པར་༸གོང་ས་མཆོག་མཇལ་བའི་དུས་ཡུན་ཐུང་ཐུང་ཞིག་ལས་རག་མ་སོང་། འོན་ཀྱང་༸གོང་ས་མཆོག་ནི་ཐུན་མོང་མ་ཡིན་པའི་བོད་ཀྱི་སྤྱི་ཚོགས་ཀྱི་ཚབ་མཚོན་རང་བཞིན་དང་། དེ་བཞིན་བྱམས་བརྩེའི་བདག་ཉིད་ཆེན་མོ་ཞིག་ཡིན་པར་གསལ་རྟོགས་བྱུང་བ་བཞིན། ང་ཚོས་ད་ཐེངས་ཀྱི་འཚམས་གཟིགས་འདིའི་བརྒྱུད་ནས་གནས་ཚུལ་མང་པོ་ཞིག་ཤེས་རྟོགས་བྱུང་ཡོད་པས་དུས་རྟག་ཏུ་བོད་མི་ཚོ་སེམས་ནང་ལ་བརྟན་པོ་ཉར་ནས་རང་ཉིད་ཀྱི་འཇོན་ཚད་ཀྱིས་བོད་ཀྱི་རིག་གཞུང་སྲུང་སྐྱོབ་གནང་བར་རོགས་འདེགས་གང་ཐུབ་ཞུ་ངེས་ཡིན་ཞེས་གསུངས་སོང་།རྩ་བའི་དབྱིན་ཡུལ་གྱི་ཆེད་མཁས་པའི་འཚམས་གཟིགས་དེ་ནི་ཁ་སང་ཚེས་ ༢༥ ནས་དབུ་འཛུགས་ཀྱིས་ཉིན་གཉིས་རིང་གནང་གི་ཡོད་སྟབས་བཙན་བྱོལ་བོད་མིའི་སྒྲིག་འཛུགས་དང་སྤྱི་འཐུས་ལྷན་ཁང་གིས་གཙོས་པའི་བོད་ཀྱི་དཔེ་མཛོད་ཁང་། དེ་བཞིན་ཕྱི་དྲིལ་ལས་ཁུངས་ཀྱི་འགྲེམས་སྟོན་ཁང་སོགས་ལ་ཆེད་བཅར་གྱིས་བོད་པའི་སྤྱི་ཚོགས་ཁྱོན་ཡོངས་ལ་རྒྱུས་ལོན་གནང་ཡོད་པ་མ་ཟད།  དེ་རིང་ཞོགས་པར་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུས་ཡོད་པ་དང་ཕྱི་དྲོ་ནས་འཚམས་གཟིགས་ཀྱི་ལས་རིམ་མཇུག་སྒྲིལ་གནང་ཡོད་པ་རེད། དེ་བཞིན་ཟླ་བ་འདིའི་ཚེས་ ༡༨ ཉིན་ Scottish  ཡི་རིག་གཞུང་གི་རུ་ཁག་ཞིག་ཀྱང་བཙན་བྱོལ་བོད་མའི་སྤྱི་ཚོགས་ལ་རྒྱུས་ལོན་གནང་ཡོད་པ་རེད།