Monthly Archives: August, 2018

ཉན་པ།: Listen ཕབ་ལེན། Download རྒྱ་གཞུང་ལ་བོད་མི་དང་ཡུ་གུར་ཐོག་དབྱེ་འབྱེད་མཚམས་འཇོག་དགོས་པའི་རེ་སྐུལ་གནང་བ། བཀྲིས་དབང་ཕྱུག་ལགས་སུ་ནག་ཉེས་རྫུན་བཟོ་བྱས་ནས་ཁྲིམས་བཤེར་བྱས་པ་ཐེར་བཏོན། ལྷོ་ཨ་ཕི་རི་ཀ་ནང་གནས་བཞུགས་བོད་དོན་རྒྱབ་སྐྱོར་བ་ཚོར་བཀའ་དྲིན་རྗེས་དྲན་ཞུས་པ། ༸གོང་ས་མཆོག་མེད་པའི་རྗེས་སུ་བོད་ནང་ཟིང་འཁྲུག་མི་ཡོང་བའི་ཆེད་འགྲོ་གྲོན་ཆེན་པོ་གཏོང་བཞིན་པ། དམིགས་བསལ་ལས་རིམ། མི་ནི་སོ་ཊ་བོད་རིགས་སྤྱི་མཐུན་ཚོགས་པའི་སྐོར་ཐུབ་བསྟན་ཟླ་གྲགས་ལགས་དང་གླེང་མོལ། Friday 31/08/2018 UN experts urge China to prevent discrimination against Tibetans and Uyghurs Translated court documents expose China’s sham prosecution of Tashi Wangchuk Office of Tibet, Africa felicitates Durban based Tibet supporters China spends big in Tibet to avert a crisis when the Dalai Lama dies DIASPORA FEATURE: Tibean American Foundation of Minnesotta

མཚོ་སྔོན་ཞིང་ཆེན་མཐོ་རིམ་མི་དམངས་ཁྲིམས་ཁང་གི་ཡིག་ཆེའི་ཐོག་བོད་མིའི་སྐད་ཡིག་ལས་འགུལ་བ་བཀྲིས་དབང་པྱུག་ལགས་སུ་ནག་ཉེས་རྫུན་བཟོ་བྱས་ཏེ་ཁྲིམས་ཆད་བཏང་བའི་གནས་ཚུལ་ཐེར་བཏོན་དང་འབྲེལ་ཁོང་ལ་རྡུང་རྡེག་མནར་གཅོད་ཚད་མེད་གཏང་རྒྱུར་སེམས་འཚབ་གནང་བཞིན་འདུག ཁ་ཉིན་ཨ་རིའི་རྒྱལ་ས་ Washington DC ནང་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་ནས་ཉེ་ཆར་བཀྲིས་དབང་ཕྱུག་ལགས་ཀྱི་ཁྲམས་བཅད་ཐོག་མཚོ་སྔོན་ཞིང་ཆེན་མཐོ་རིམ་མི་དམངས་ཁྲིམས་ཁང་ནས་སྟོན་པའི་ཤོག་ངོས་དྲུག་ཡོད་པའི་ཡིག་ཆ་དེ་དབྱིན་ཡིག་ཐོག་ཕབ་བསྒྱུར་གནང་འདུག་པ་དང་། ཤོག་གྲངས་བཞི་གཟའ་འཁོར་སྔོན་མའི་ནང་སྤྱི་ཚོགས་དྲྭ་རྒྱ་ཐོག་ཏུ་བཀོད་པ་དང་དེའི་ནང་བོད་ཀྱི་མཚོ་སྔོན་ཞིང་ཆེན་གྱི་ཡུལ་ཤུལ་བོད་རིགས་རང་སྐྱོང་ཁུལ་ནས་ཡིན་པའི་བཀྲིས་དབང་ཕྱུག་ལགས་ཀྱི་དངོས་ཡོད་གནས་ཚུལ་ལ་འཁྱོག་བཤད་ཀྱིས་ཁོང་ནས་རྒྱ་ནག་གི་གྲངས་ཉུང་མི་རིགས་ཐོག་འཛིན་པའི་སྲིད་བྱུས་ལ་སྐྱོན་བརྗོད་གནང་ཐོག་གྲངས་ཉུང་མི་རིགས་ཀྱི་མཐུན་སྒྲིལ་དང་རྒྱལ་ཁབ་ཀྱི་ཆིག་སྒྲིལ་ལ་དོ་ཕོག་བཏང་བ་མ་ཟད་ཁ་བྲལ་གྱི་ལས་འགུལ་སྤེལ་བ་སོགས་ཀྱི་ཉེས་འཛུགས་འོག་ཡུལ་ཤུལ་འབྲིང་རིམ་མི་དམངས་ཁྲིམས་ཁང་གིས་བཀྲིས་དབང་ཕྱུག་ལགས་སུ་ལོ་ལྔའི་བཙོན་འཇུག་གི་ཁྲིམས་ཐག་བཅད་པ་དེ་རང་སོར་བཞག་ནས་ཁོང་གི་ཞུ་གཏུག་ལ་ངོས་ལེན་བྱས་མེད་པ་རེད། རྒྱལ་སྤྱིའི་བོད་དོན་ལས་འགུལ་ཁང་གིས་འགྲེལ་བརྗོད་གནང་དོན་ལྟར་ན། བཀྲིས་དབང་ཕྱུག་ལགས་ཀྱི་ཁྲིམས་རྩོད་པ་སྐུ་ཞབས་ Liang Xiajun ལགས་ཀྱིས་ཕྱི་ཚེས་ ༢༣ ཉིན་རང་གི་ Twitter དྲ་གནས་ཐོག་བཀྲིས་དབང་ཕྱུག་ལགས་སུ་རྒྱལ་ཁབ་ཁ་བྲལ་གཏོང་རྒྱུའི་ཀུན་སློང་རྩ་བ་ནས་མེད་པ་དང་རྒྱ་གཞུང་གི་རྩ་ཁྲིམས་དགོངས་དོན་བཞིན་གྲངས་ཉུང་མི་རིགས་ཀྱི་སྐད་ཡིག་སྲུང་སྐྱོབ་ཀྱི་ཐོབ་ཐང་རྩོད་པ་ཞིག་ཡིན་སྐོར་མངོན་གསལ་གནང་འདུག དེ་འབྲེལ་གནས་ཚུལ་ཡོང་ཁུངས་གཞན་ཞིག་ཐོག་བཀྲིས་དབང་ཕྱུག་ལགས་སུ་ཁྲིམས་བཤེར་མ་བྱས་པའི་གོང་དུ་རྒྱ་ནག་གི་ལྷན་ཁང་ཞིག་ནས་ཁོང་ལ་ཉེས་འཛུགས་ཀྱི་ཆ་རྐྱེན་ཁག་ཚང་མེད་སྟབས་ཉེས་མེད་ཡིན་པའི་ར་སྤྲོད་གནང་ཡོད་པ་རེད་འདུག སྐུ་ཞབས་ Liang ལགས་ཀྱིས་སྤྱིར་རྒྱ་གཞུང་གི་རྩ་ཁྲིམས་གཞིར་བཟུང་ན་བཙོན་འཇུག་འོག་ཡོད་པའི་གང་ཟག་དེར་ཉེས་རྡུང་དང་སྡིག་ར་སྐུལ་བའམ་ཁྲིམས་འགལ་གི་བཀག་སྐྱིལ་བྱས་པའི་བརྒྱུད་ནག་ཉེས་ཁས་ལེན་བྱེད་བཅུག་རྒྱུ་ནི་བྱ་མི་རུང་བ་ཞིག་ཡིན་པ་ཤེས་བཞིན་དུ་རྒྱ་གཞུང་གིས་ད་བར་འཛིན་བཟུང་བཙོན་འཇུག་བྱས་པའི་ཆབ་སྲིད་བཙོན་པ་རྣམས་དང་དེའི་ནང་ནས་བོད་མི་ཆབ་སྲིད་བཙོན་པའི་ཐོག་ལ་དངོས་ཤུགས་བརྒྱུད་གསུམ་གྱི་སྒོ་ནས་དམའ་འབེབ་བྱ་རྒྱུ་དང་ཉེས་རྡུང་ཚད་མེད་བཏང་སྟེ་བཙན་དབང་གིས་ནག་ཉེས་ཁས་ལེན་བྱེད་བཅུག་བཞིན་པའི་ལམ་སྲོལ་དེ་ནི་དེ་སྔ་ནས་ཡོད་པ་ཞིག་ཆགས་ཀྱི་ཡོད་སྟབས། ད་རེས་བཀྲིས་དབང་ཕྱུག་ལགས་ཀྱི་གནད་དོན་ཐོག་ལའང་བཙན་དབང་གིས་ནག་ཉེས་ཁས་ལེན་ཞུ་བཅུག་ཡོད་པའི་གནད་དོན་ཐད་རྒྱ་གཞུང་ནས་གསལ་བཤད་གང་ཡང་མེད་པ་དེས་བཀྲིས་དབ་ཕྱུག་ལགས་སུ་བཙན་དབང་གིས་ནག་ཉེས་ཁས་ལེན་བྱེད་བཅུག་པ་ཞིག་མཚོན་ཡོད་ཅེས་འགྲེལ་བརྗོད་གནང་ཡོད། རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ Matteo Mecacci ལགས་ཀྱིས་རྒྱ་གཞུང་གི་ཁྲིམས་ཁང་ནས་བཀྲིས་དབང་ཕྱུག་ལགས་སུ་ཁྲིམས་ཐག་བཅད་པའི་ཁྲིམས་ཡིག་དེ་ནི་ཆེད་མངགས་བཟོ་སྐྲུན་བྱས་པའི་མི་བདེན་པའི་རང་བཞིན་ཞིག་དང་ལྷག་དོན་རྒྱ་ནག་རྒྱལ་ཁབ་ཀྱི་རྩ་ཁྲིམས་ཀྱི་ཁ་ཕྱོགས་བསྒྱུར་རྒྱུའི་བྱུས་ཤིག་ཡིན་པར་ཐེར་འདོན་དང་སྦྲགས། བཀྲིས་དབང་དབང་ཕྱུག་ལགས་ཀྱིས་རྒྱ་ནག་གི་རྩ་ཁྲིམས་དགོངས་དོན་བཞིན་བོད་ཕྲུག་རྣམས་ལ་བོད་ཀྱི་སྐད་ཡིག་སློབ་ཁྲིད་བྱ་རྒྱུའི་གོ་སྐབས་གནང་དགོས་སྐོར་རྒྱ་གཞུང་ལ་འབོད་སྐུལ་ཞུས་པ་ལས་ཁ་བྲལ་གྱི་ལས་འགུལ་གང་ཡང་སྤེལ་མེད་སྐོར་ནན་བརྗོད་གནང་འདུག ཨ་རིའི་གྲོས་ཚོགས་འཐུས་མི་སྐུ་ཞབས་ Marco Rubio ལགས་ནས་ཀྱང་རྒྱ་གཞུང་གི་ཁྲིམས་ཁང་ནས་བོད་མིའི་སྐད་ཡིག་ལས་འགུལ་བ་བཀྲིས་དབང་ཕྱུག་ལགས་ཀྱི་ཞུ་གཏུག་ལ་ངོས་ལེན་བྱས་མེད་པ་དེ་ནི་འཕྱ་སྨོད་བྱ་འོས་པའི་ཁྲིམས་ལུགས་ཤིག་ཆགས་ཡོད་པར་སྐྱོན་བརྗོད་དང་འབྲེལ་ཏེ་མགྱོགས་མྱུར་གློད་བཀྲོལ་དགོས་པའི་ནན་སྐུལ་གནང་འདུག

ཉེ་ཆར་ཟླ་བ་འདིའི་ནང་རྒྱལ་ཚོགས་ཀྱི་མི་རིགས་དབྱེ་འབྱེད་འགོག་ཐབས་ཚོགས་ཆུང་གི་ངོས་ནས་རྒྱ་ནག་ནང་གི་གནས་སྟངས་ཐད་བསྐྱར་ཞིབ་བྱས་རྗེས་ཁ་སང་རྒྱལ་ཚོགས་ཀྱི་འབྲེལ་ཡོད་ཚོགས་ཆུང་ནས་དགོངས་འཆར་སྙན་ཐོ་ཞིག་འདོན་སྤེལ་གནང་འདུག་པ་དང་། དེའི་ནང་རྒྱ་གཞུང་གིས་གྲངས་ཉུང་མི་རིགས་ཐོག་མནར་གཅོད་དང་མང་ཚོགས་ཀྱི་སྤྱི་མང་ཐོབ་ཐང་ལ་དམ་གནོན་དང་། གཞུང་དང་ལྟ་ཕྱོགས་མི་མཐུན་པའི་བློ་འགོག་ཐབས་ཆེད་འཇིགས་སྐུལ་ལ་གདོང་ལེན། ཁ་བྲལ་ལ་གདོང་ལེན་སོགས་ཀྱི་ཁྲིམས་སྒྲིག་ལག་བསྟར་བྱེད་བཞིན་པ།  ལྷག་པར་དུ་བོད་མི་དང་ཡུ་གུར། ནང་སོག་བཅས་ཀྱི་འགྲོ་བ་མིའི་ཐོབ་ཐང་བརྩི་མེད་རྡོག་རོལ་གཏོང་བཞིན་པ་ཐེར་བཏོན་གྱིས་བོད་མི་དང་ཡུ་གུར་གཙོ་གྱུར་གྲངས་ཉུང་མི་རིགས་ཐོག་དབྱེ་འབྱེད་མཚམས་འཇོག་དགོས་པའི་རེ་སྐུལ་གནང་འདུག སྙན་ཐོ་དེའི་ནང་ཚོགས་ཆུང་གི་ངོས་ནས་རྒྱ་གཞུང་གིས་དབྱེ་བའི་བོད་རང་སྐྱོང་ལྗོངས་ཟེར་བ་དང་དེའི་ཕྱི་ཕྱོགས་ཀྱི་བོད་ཀྱི་ས་ཁུལ་གཞན་ཁག་ཏུ་བོད་མིའི་འགྲུལ་བསྐྱོད་ཀྱི་རང་དབང་ལ་དམ་དྲག་ཤུགས་ཆེ་བྱེད་བཞིན་པ་མ་ཟད་བོད་ནང་གི་བོད་མི་རྣམས་ལ་ཕྱི་རྒྱལ་ཡུལ་གྲུ་ཁག་ཏུ་བསྐྱོད་རྒྱུའི་ལག་འཁྱེར་ཧ་ལམ་རྩ་བ་ནས་སྤྲད་ཀྱི་མེད་པའི་གནད་དོན་དང། བོད་རང་སྐྱོང་ལྗོངས་ནང་སློབ་གྲྭ་ཁག་གི་ནང་བོད་ཡིག་སློབ་རྒྱུའི་གནས་ཚད་དེ་རྒྱ་ཡིག་དང་བསྡུར་ན་སྲིད་བྱུས་དང་ལག་བསྟར་ཕྱོགས་གང་ཅིའི་ཐད་ནས་འདྲ་ཉམས་མེད་པར་དམ་དྲག་བྱེད་བཞིན་ཡོད་པ་རེད་འདུག བོད་ཡིག་ཡར་རྒྱས་ཐོག་ཕྱག་ལས་གནང་མཁན་རྣམས་ལ་ཁྲིམས་ཐོག་ནས་ཉེས་ཆད་བཏང་བ་མ་ཟད་ཁྲིམས་བཤེར་སོགས་ཀྱི་སྐབས་སུ་བོད་མི་རྣམས་ལ་སྐད་སྒྱུར་གྱི་མཐུན་གྱུར་མེད་པའི་གནད་དོན་མང་དག་ཞིག་གི་ཐོག་སེམས་འཚབ་ཡོད་སྐོར་གསུངས་པ་དང་འབྲེལ། རྒྱ་གཞུང་གིས་ཤེས་ཡོན་དང་ཁྲིམས་ལུགས་ཀྱི་བརྒྱུད་རིམ་ནང་བོད་ཡིག་དང་བོད་སྐད་གང་མང་སྤྱོད་དགོས་པའི་སྐུལ་མ་གནང་ཐོག་བོད་ཀྱི་སྐད་ཡིག་སྲུང་སྐྱོབ་བྱེད་དགོས་ཞེས་གསུངས་འདུག རྩ་བའི་ཉེ་སྔོན་རྒྱ་ནག་ནང་མི་རིགས་དབྱེ་འབྱེད་ཀྱི་གནས་སྟངས་བསྐྱར་ཞིབ་ཐོག་རྒྱ་གཞུང་གིས་བོད་མི་གཙོ་གྱུར་གྲངས་ཉུང་མི་རིགས་ཐད་མནར་གཅོད་གཏོང་བཞིན་ཡོད་པའི་གླེང་སློང་གནང་ཁག་བདེན་པ་མིན་སྐོར་བཤད་ཡོད་པ་དེ་ལྟར་ཡང། ཚོགས་ཆུང་གི་ངོས་ནས་རྒྱ་གཞུང་གིས་འགྲེལ་བརྗོད་བྱས་པ་དེ་བརྩི་མེད་ཀྱིས་རྒྱ་གཞུང་ནས་གྲངས་ཉུང་མི་རིགས་ཐོག་མནར་གཅོད་དང་མི་སྤྱོད་ལས་འདས་པའི་བྱ་ངན་སྤེལ་རྒྱུའི་ལས་དོན་དེ་དག་བཀག་སྡོམ་ཆེད་དེ་འབྲེལ་ལས་དོན་ཤུགས་ཆེ་སྤེལ་དགོས་གནད་ཡིན་སྐོར་གསུངས་འདུག ལྷག་པར་དུ་རྒྱ་གཞུང་གི་ངོས་ནས་འཇིགས་སྐུལ་དང་དྲག་སྤྱོད་རིང་ལུགས། དེ་བཞིན་ཁ་བྲལ་སོགས་གསལ་ཁ་མེད་པའི་ཐ་ཉད་དེ་དག་གིས་ཞི་བའི་ངང་གནས་བཞིན་པའི་སྤྱི་ཚོགས་ཐོག་ཉེས་འཛུགས་ཀྱི་ཆ་རྐྱེན་བསྐྲུན་སྲིད་པ་དང་གྲངས་ཉུང་མི་རིགས་དང་བོད་མི། ཡུ་གུར། ནང་སྲོགས་བཅས་ཀྱི་ཆོས་དད་གནང་མཁན་རྣམས་ཉེས་ཅན་པར་ངོས་འཛིན་བྱ་སྲིད་པའི་ཉེན་ཁ་ཆེན་པོ་ཡོད་སྟབས་དེ་དག་ཐད་བློ་འཚབ་ཆེན་པོ་ཡོད་པའང་གསུངས་འདུག

ཉན་པ།: Listen ཕབ་ལེན། Download གར་སོང་ཆ་མེད་དུ་གྱུར་བའི་ཁྲིམས་མཐུན་རང་བཞིན་ལྟ་བུའི་གནས་སྟངས་མཚམས་འཇོག་དགོས། རྒྱ་ནག་དམར་ཤོགས་ཚོགས་པའི་ཚོགས་མི་ཚོས་ཆོས་དད་ལ་དམ་དྲག་ཆེ་རུ་བཏང་འདུག སྲིད་སྐྱོང་མཆོག་ཀོ་ལི་གྷལ་གཞིས་ཆགས་སུ་གཞུང་འབྲེལ་འཚམས་གཟིགས། ཆོས་དབྱིངས་སྐྱིད་ལགས་ཨེ་ཤ་ཡའི་འགྲོས་རྩལ་འགྲན་སྡུར་ཁྲོད་དངུལ་གྱི་རྟགས་མ་ཐོབ་འདུག ཤིན་ཅང་གི་གནད་དོན་དང་འབྲེལ་བའི་རྒྱ་གཞུང་གི་དཔོན་རིགས་ཁག་ཅིག་ལ་ཉེས་ཆད་གཏང་དགོས། དམིགས་བསལ་ལེ་ཚན། སྨན་རམས་པ་འཇམ་དབྱངས་བཀྲིས་ལགས་ནས་རིན་ཆེན་རིལ་བུའི་ཕན་ནུས་སྐོར་གླེང་བ། Thursday 30/08/2018 China urged to end legalised enforced dissappearance in Tibet China targets rumors, religion in updated party rules Sikyong visit Kollegal Dhondeling Tibetan settlement Choeying Kyi wins silver at 2018 Asian games US Lawmakers call for sanction on China over Xinjiang abuses HEALTH and WELLNESS: Benefit of Tibetan Precious Pills by Dr. Jamyang Tashi

དེ་རིང་ཟླ་ ༨ ཚེས་ ༣༠ ཉིན་མོ་འདི་ནི་རྒྱལ་ཚོགས་ཀྱིས་གཏན་འབེབས་གནང་བའི་རྒྱལ་སྤྱིའི་གར་སོང་ཆ་མེད་དུ་གྱུར་བའི་སྐྱེ་བོའི་ཉིན་མོ་དང་བསྟུན། བཞུགས་སྒར་དྷ་རྨ་ས་ལར་རྟེན་གཞི་བྱས་པའི་བོད་ཀྱི་དགུ་བཅུ་གསུམ་ལས་འགུལ་ཚོགས་པས་༸ཀུན་གཟིགས་པཎ་ཆེན་རིན་པོ་ཆེ་མཆོག་གིས་དབུས་པའི་རྒྱ་གཞུང་གི་བཙོན་འཇུག་འོག་གར་སོང་ཆ་མེད་དུ་གྱུར་བ་དང། བཙོན་འཇུག་འོག་སྡུག་སྦྱོང་མྱོང་བཞིན་པའི་བོད་མི་ ༥༡ གི་གནད་དོན་འབུར་སྟོན་དང་འབྲེལ་བོད་ནང་རྒྱ་གཞུང་གི་སྲིད་བྱུས་ལ་ངོ་རྒོལ་གནང་རྐྱེན་གར་སོང་ཆ་མེད་དུ་གྱུར་བའི་ཁྲིམས་མཐུན་རང་བཞིན་ལྟ་བུའི་གནས་སྟངས་དེ་དག་མཚམས་འཇོག་བྱེད་དགོས་པ་དང། ༸ཀུན་གཟིགས་པཎ་ཆེན་དགེ་འདུན་ཆོས་ཀྱི་ཉི་མ་མཆོག་གར་སོང་ཆ་མེད་དུ་གྱུར་བའི་གནས་སྟངས་ལ་རྒྱ་ནག་གཞུང་ནས་རྒྱལ་སྤྱིའི་ཐོག་བརྡ་ལན་ཁ་གསལ་བྱེད་དགོས་པར་འབོད་སྐུལ་གནང་སོང་། བོད་ཀྱི་དགུ་བཅུ་གསུམ་ལས་འགུལ་ཚོགས་པས་མེག་གྷན་ཁྲོམ་གཞུང་དུ་སྔ་དྲོ་ཚོུད་ ༡༠ ཐོག་རྒྱ་གཞུང་གི་བཙོན་འཇུག་འོག་གར་སོང་ཆ་མེད་དུ་གྱུར་བའི་བོད་མི་ཆབ་སྲིད་བཙོན་པ་རྣམས་ཀྱི་གནད་དོན་ངོ་སྤྲོད་དང། རྒྱལ་ཚོགས་ཀྱི་གར་སོང་ཆ་མེད་དུ་གྱུར་བའི་སྐྱེ་བོ་སྲུང་སྐྱོབ་ཚོགས་ཆུང་གི་མཚན་ཐོག་ཏུ་རྒྱ་ནག་གཞུང་ཐད་གནོན་ཤུགས་སྤྲོད་དགོས་པའི་ཞུ་སྙན་ལ་མཚན་རྟགས་བསྡུ་རུབ་ཀྱི་ལས་འགུལ་སྤེལ་ཡོད་པ་རེད། བོད་ནང་རྒྱ་གཞུང་ལ་ངོ་རྒོལ་གནང་མཁན་རྣམས་ཁྲིམས་མཐུན་ལྟ་བུའི་གནས་སྟངས་འོག་གར་སོང་ཆ་མེད་དུ་གཏང་རྒྱུའི་ལམ་སྲོལ་དེ་འཕྲལ་མར་མཚམས་འཇོག་དགོས་པ་དང། བོད་མི་ཆབ་སྲིད་བཙོན་པ་རྣམས་དང་ལྷག་པར་དུ་ལོ་ངོ་བཅུ་ཕྲག་གཉིས་ལྷག་གི་རིང་ལ་རྒྱ་གཞུང་གི་བཙོན་འཇུག་འོག་གར་སོང་ཆ་མེད་དུ་གྱུར་བའི་༸ཀུན་གཟིགས་པཎ་ཆེན་རིན་པོ་ཆེའི་གནད་དོན་ཐད་རྒྱལ་ཚོགས་ཀྱི་གར་སོང་ཆ་མེད་དུ་གྱུར་བའི་ལས་དོན་ཚོགས་ཆུང་རྒྱ་ནག་ལ་ཆེད་བསྐྱོད་ཀྱིས་༸པཎ་ཆེན་རིན་པོ་ཆེ་མཆོག་གི་གནས་བབ་ཁ་གསལ་བཟོ་དགོས། རྒྱ་གཞུང་གི་ཁྲིམས་མཐུན་ཐོག་གར་སོང་ཆ་མེད་དུ་གཏང་ཆོག་པའི་ཁྲིམས་སྒྲིག་མེད་པ་བཟོ་དགོས་པ། རྒྱ་གཞུང་ནས་རྒྱལ་ཚོགས་ཀྱི་གར་སོང་ཆ་མེད་ཀྱི་སྐྱེ་བོ་སྲུང་སྐྱོབ་ཀྱི་ཆིངས་ཡིག་ཐོག་མཚན་རྟགས་བཀོད་དེ་རྒྱལ་སྤྱིའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཁོངས་མི་ཡིན་པའི་ཆ་ནས་དེའི་ཐད་འགན་འཁུར་དང་བརྩི་བཀུར་བྱེད་དགོས་པ་བཅས་ཀྱི་རེ་འདུན་གནང་ཡོད། རྩ་བའི་རྒྱ་གཞུང་ནས་རྒྱལ་སྤྱིའི་གར་སོང་ཆ་མེད་ཀྱི་སྐྱེ་བོ་སྲུང་སྐྱོབ་ཀྱི་ཆིངས་ཡིག་ལ་མཚན་རྟགས་བཀོད་མེད་པ་མ་ཟད། རྒྱ་གཞུང་གིས་ཕྱི་ལོ་ ༢༠༡༢ ལོར་བསྐྱར་བཅོས་གནང་བའི་ཉེས་ཁྲིམས་དོན་ཚན་ ༢༣ ནང་ཉེན་རྟོག་པའི་གདམས་ཁ་བྱས་པའི་ས་གནས་གང་རུང་ཞིག་ལ་ཟླ་དྲུག་དོགས་སྲུང་བྱེད་པ་དེ་ཁྲིམས་མཐུན་ཡིན་ཞེས་འཁོད་ཡོད་པ་མ་ཟད། གལ་ཏེ་གང་ཟག་ཞིག་གི་ནག་ཉེས་རྒྱལ་ཁབ་ཀྱི་བདེ་འཇགས་དང་འཇིགས་སྐུལ་རིང་ལུགས། ལྐོག་ཟ་རུལ་སུངས་དང་འབྲེལ་བ་ཡོད་ཚེ་ཉེན་རྟོག་པས་གང་ཟག་དེའི་གཉེན་ཉེ་སོགས་ཀྱིས་ཤེས་རྟོགས་མི་ཐུབ་པའི་ས་གནས་ཤིག་ལ་བཞག་ན་འགྲིགས་ཀྱི་ཡོད་ཅེས་མཁོད་ཡོད། དེ་བཞིན་རྒྱ་གཞུང་གིས་རྒྱལ་ཚོགས་ཀྱི་གར་སོང་ཆ་མེད་ཀྱི་ཁྱབ་ཁོངས་ཡིན་པའི་ལས་དོན་ཚོགས་ཆུང་དེ་རྒྱ་ནག་ལ་དཔྱད་ཞིབ་ཆེད་བསྐྱོད་ཆོག་པའི་འབོད་སྐུལ་ཞུས་ཀྱང་ཁས་ལེན་བྱས་མེད་པ་རེད། ལྷག་པར་དུ་ཕྱི་ལོ་ ༢༠༡༣ ལོ་ནས་འདི་ལོ་བར་རྒྱལ་ཚོགས་ཀྱིས་དྲན་སྐུལ་རིམ་པ་བྱས་པར་ཡ་ལན་གང་ཡང་བྱས་མེད།

སྲིད་འཛིན་ཞི་ཅིང་ཕིང་གིས་བཏང་འཛིན་འོག་རྒྱ་ནག་དམར་ཤོག་ཚོགས་པའི་ཚོགས་མི་རྣམས་ཀྱི་སྤྱོད་ལམ་དང་འབྲེལ་བའི་སྒྲིག་ཁྲིམས་ཆད་གཅོད་སྲོལ་ཡིག་ཞེས་པ་དེར་བསྐྱར་བཅོས་བྱས་ནས་དམར་ཤོག་ཚོགས་པའི་ཚོགས་མི་ཚོས་ཆོས་དད་ལ་དམ་དྲག་ཆེ་རུ་བཏང་འདུག རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ་ལྟར་ན། རྒྱ་ནག་དབུས་དམར་ཤོག་ཚོགས་པས་ཉེ་ཆར་ཟླ་བ་འདིའི་ཚེས་ ༢༦ ཉིན་དེ་སྔ་གཏན་འབེབས་ཟིན་པའི་རྒྱ་ནག་དམར་ཤོག་ཚོགས་པའི་སྒྲིག་ཁྲིམས་ཆད་གཅོད་སྲོལ་ཡིག་ལ་བསྐྱར་བཅོས་དང་འབྲེལ་ཏེ་དེའི་ནང་འཁོད་པའི་དོན་ཚན་ ༡༠༠ ལྷག་གི་ནང་ནས་དོན་ཚན་ ༥ ལ་བཅོས་སྒྱུར་གྱིས་རྒྱ་ནག་དམར་ཤོག་ཚོགས་པའི་ཚོགས་མི་རྣམས་ནས་ཆོས་ཕྱོགས་ཀྱི་བྱེད་སྒོ་བརྒྱུད་དམར་ཤོག་ཚོགས་པའི་སྲིད་བྱུས་ལ་གཏོར་བཤིག་གཏང་ཚེ་དོ་བདག་དེ་དམར་ཤོག་ཚོགས་པ་ནས་ཕྱིར་འབུད་དང་དེ་བཞིན་ཆོས་ཕྱོགས་ཀྱི་བྱེད་སྒོ་ཁག་ནང་འཛུལ་ཞུགས་བྱེད་མཁན་ཚོགས་མི་གཞན་ཚོའི་ངོས་ནས་ཉེས་པ་ཇི་བསགས་ལ་གཞིགས་པའི་ཉེན་བརྡ་དང་ཕྱིར་འབུད་བྱ་རྒྱུའི་ཐག་གཅོད་བྱས་འདུག རྩ་བའི་དེ་སྔ་གཏན་འབེབས་བྱས་པའི་དམར་ཤོག་ཚོགས་པའི་སྒྲིག་ཁྲིམས་ཆད་གཅོད་སྲོལ་ཡིག་དེའི་དོན་ཚན་ལྔ་པའི་ནང་དམར་ཤོག་ཚོགས་པའི་ཚོགས་མི་རྣམས་ནས་ཆོས་ཕྱོགས་ཀྱི་བྱེད་སྒོ་བརྒྱུད་ཚོགས་པའི་སྲིད་བྱུས་དང་ཐག་གཅོད་ལ་ངོ་རྒོལ་བྱས་པ་དང་མི་རིགས་མཐུན་སྒྲིལ་ལ་གཏོར་བཤིག་གཏང་ཚེ་དེའི་བྱུས་བཀོད་པ་དང་སྒྲིག་འཛུགས་པ། རྐང་འཛིན་པ་བཅས་ལ་དམར་ཤོག་ཚོགས་པའི་ནང་བཞག་ནས་ལྟ་ཞིབ་བྱ་རྒྱུ་དང་ཆོས་ཕྱོགས་ཀྱི་བྱེད་སྒོ་ཁག་ནང་ཞུགས་པ་ཙམ་གྱིས་གནས་ཚུལ་ཆེ་ཆུང་ལ་གཞིགས་པའི་ཉེན་བརྡ་གཏང་རྒྱུའམ་ཆད་པ་གཅོད་རྒྱུ་བཅས་འཁོད་ཡོད་པ་རེད། རྒྱ་ནག་དམར་ཤོག་ཚོགས་པའི་སྒྲིག་ཁྲིམས་ཆད་གཅོད་སྲོལ་ཡིག་དེའི་ནང་ད་དུང་དམར་ཤོག་ཚོགས་པའི་ཚོགས་མི་རྣམས་ནས་ཆབ་སྲིད་ཀྱི་གཏམ་འཆལ་རིགས་སྤེལ་བའི་བརྒྱུད་དམར་ཤོག་ཚོགས་པའི་མཐུན་སྒྲིལ་ལ་གཏོར་བཤིག་གཏང་ཚེ། དོ་བདག་དེའི་ཉེས་པ་ཇི་བསགས་ལ་གཞིགས་པའི་ཉེན་བརྡ་དང་ཚོགས་པ་ནས་ཕྱིར་འབུད་བྱ་རྒྱུ་ཡིན་པའི་དོན་ཚན་གསར་པ་ཞིག་ཁ་སྣོན་བྱས་འདུག འདི་གའི་གསར་འགོད་པས་གནད་དོན་དེའི་ཐད་ཨོ་སི་ཊོ་ལི་ཡའི་སྐུ་ཚབ་དོན་ཁང་གི་རྒྱ་རིགས་འབྲེལ་མཐུད་པ་འབའ་བ་སྐལ་བཟང་རྒྱལ་མཚན་ལགས་སུ་བཀའ་འདྲི་ཞུས་པར་དམར་ཤོག་ཚོགས་པའི་སྒྲིག་ཁྲིམས་ཆད་གཅོད་སྲོལ་ཡིག་ལ་བསྐྱར་བཅོས་བྱས་པ་དེ་ནི་གཙོ་བོ་དམར་ཤོག་ཚོགས་མི་རྣམས་ཀྱི་སྒྲིག་ཁྲིམས་ཆེས་དམ་དུ་གཏང་རྒྱུར་དམིགས་པ་ཞིག་ཡིན་པ་དང་། ལྷག་དོན་ཞི་ཅིང་ཕིང་རྒྱ་ནག་གི་སྲིད་འཛིན་ཆགས་པ་ནས་བཟུང་སྟེ་བོད་མི་གཙོ་གྱུར་ཡུལ་དེའི་ནང་གི་གྲངས་ཉུང་མི་རིགས་རྣམས་ཀྱི་ཆོས་དད་བྱེད་ཕྱོགས་ཀྱི་ཐོག་དམིགས་བསལ་བཏང་འཛིན་གྱིས་སྒྲིག་ཁྲིམས་གསར་གཏོད་བྱེད་བཞིན་པ་དེ་དག་བརྒྱུད་ཞི་ཅིང་ཕིང་མུ་མཐུད་རྒྱ་ནག་དམར་ཤོག་ཚོགས་པའི་འགོ་ཁྲིད་ཤུགས་ཆེན་པོར་གནས་ཡོད་པ་མཚོན་གྱི་ཡོད་སྐོར་གསུངས་པ་མ་ཟད། དེ་སྔ་ནང་ཆོས་ཀྱིས་མ་འོངས་པར་རྒྱ་ནག་ཡར་རྒྱས་འགྲོ་རྒྱུར་ཁེ་ཕན་ཡོད་ཚུལ་བརྗོད་པ་དེ་དོན་ངོ་མ་ལག་བསྟར་ལ་ཐུག་སྐབས་ལྡོག་ཕྱོགས་འགྲོ་ཡི་ཡོད་པའི་རྣམ་པ་ཞིག་མངོན་གྱི་ཡོད་པ་གསུངས་སོང་།

ཁ་སང་ཟླ་ ༨ ཚེས་ ༢༩ ཉིན་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་རྒྱ་གར་ལྷོ་ཕྱོགས་ཀོ་ལི་གྷལ་དོན་ལྡན་གླིང་བོད་མིའི་གཞིས་ཆགས་སུ་གཞུང་འབྲེལལ་འཚམས་གཟིགས་གནང་ཡོད་པ་དང་། གཞིས་ཆགས་མང་ཚོགས་ཚོགས་ཁང་དུ་ནང་མང་ཚོགས་རྣམས་ལ་འཚམས་འདྲི་གནང་བ་དང་ཆབས་ཅིག་ཏུ་ཀོ་ལི་གྷལ་དོན་ལྡན་གླིང་དུ་རྒྱ་གར་གཞུང་གི་ས་ཐོ་ལག་འཛིན་གྱི་སྲིད་བྱུས་དེ་ད་བར་ལག་བསྟར་ཐུབ་མེད་ཀྱང་ཉེ་དུས་ཀ་ན་ཊ་ཀ་གཞུང་བློན་ཆེན་ལས་ཁུངས་ནས་ས་ཐོ་ལག་འཛིན་གྱི་སྲིད་བྱུས་ལག་བསྟར་བཀའ་ཁྲོལ་ཐོབ་ཡོད་སྐོར་མང་ཚོགས་ལ་གསལ་བཤད་གནང་ཡོད་པ་རེད། དེ་བཞིན་རྒྱ་གར་གཞུང་ནས་རྩིས་ལེན་བྱས་ཏེ་ཟླ་བ་གསུམ་ཙམ་ཕྱིན་པའི་སམ་བྷོ་ཌ་ཉིན་སློབ་ལ་གཟིགས་སྐོར་གནང་སྟེ་དགེ་ལས་སློབ་ཕྲུག་དང་ཕ་མ་བཅས་ལ་མ་འོངས་སློབ་གྲྭའི་འཛིན་སྐྱོང་གནང་ཕྱོགས་དང་འབྲེལ་བའི་གསུང་བཤད་གནང་བ་དང་དྲི་བ་ཁག་ལ་ལན་འདེབས་གནང་ཡོད་པ་རེད། དགེ་རྒན་ཚོས་སྙན་གསེང་ཞུས་དོན་བཞིན་སློབ་གྲྭའི་གནས་སྟངས་བཟང་དུ་གཏང་བར་མཐུན་གྱུར་གང་མགྱོགས་གནང་རྒྱུའི་ཞལ་བཞེས་གནང་འདུག གཞན་ཡང་ཀོ་ལི་གྷལ་དོན་ལྡན་གླིང་གི་རྩེད་ཐང་དུ་གསར་སྐྲུན་ཞུས་པའི་ལུས་སྦྱོང་ར་བ་དབུ་འབྱེད་གནང་ཡོད་པ་རེད།

ཉན་པ།: Listen ཕབ་ལེན། Download རྒྱ་གར་གྱི་སྲིད་བློན་ཟུར་པ་དགོངས་པ་རྫོགས་པར་མྱ་ངན་གུས་འདུད་ཀྱི་མཆོད་འབུལ། ཡུ་རོབ་གྲོས་ཚོགས་སུ་ལམ་ལྷོང་ལྡན་པའི་བཙན་བྱོལ་བོད་མིའི་གནས་སྟངས་མཚོན་པའི་པར་རིས་འགྲེམས་སྟོན་དབུ་འཛུགས། ཆོལ་གསུམ་ཐུན་མོང་དང་བྱང་ཤར་བོད་མིའི་གཞིས་སྒར་ཚོས་༸གོང་ས་མཆོག་ལ་བརྟན་བཞུགས་བསྟར་འབུལ་ཞུ་རྒྱུ། ཧོང་ཀོང་ཁྲིམས་རྩོད་པ་གཉིས་ལ་པེ་ཅིང་མཐོ་སློབ་ནང་སློབ་ཁྲིད་གནང་རྒྱུར་བཀག་སྡོམ། བཀའ་སློབ་ལས་རིམ། ༸གོང་ས་མཆོག་ནས་ས་རཱ་མཐོ་སློབ་ཏུ་ཚུགས་པའི་སྐབས་དང་པོའི་ནང་པའི་ཚན་རིག་དང་ལྟ་གྲུབ་འཛིན་གྲཱའི་དགེ་སློབ་ཚོར་བསྩལ་བའི་བཀའ་སློབ Wednesday 29/08/2018 Tibet exiles lead prayer congregation for the late PM Vajpayee Photo exhibition in European Parliament: Tibetans in Diaspora, a success story 'Tenshug' Long life offering for the Dalai Lama next week HK rights lawyers barred from teaching in mainland FEATURE: HHDL’s talk to students of Buddhist Science & Philosophy, CHTS

ཁ་ཉིན་ཡུ་རོབ་གྲོས་ཚོགས་སུ་ཡུལ་གྱར་བོད་མིའི་འཚོ་བ་དང་འཐབ་རྩོད་མཚོན་པའི་བཙན་བྱོལ་བོད་མིའི་གནས་སྟངས་ཞེས་པའི་པར་རིས་འགྲེམས་སྟོན་ཞིག་དབུ་འཛུགས་གནང་འདུག འགྲེམས་སྟོན་དེ་ཡུ་རོབ་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་གྲོས་ཚོགས་འཐུས་མི་སྐུ་ཞབས་ Thomas Mann ལགས་ཀྱིས་སྣེ་ཁྲིད་འོག་གོ་སྒྲིག་ཞུས་པ་ཞིག་པ་ཡིན་པ་དང་། དེའི་ནང་ཨི་ཊ་ལི་ནས་ཡིན་པའི་བེུད་པར་པ་སྒྱུ་རྩལ་བ་ལྕམ་ Albertino ལགས་ཀྱིས་བླངས་པའི་ཡུལ་གྱར་བོད་མིའི་གནས་བབ་མཚོན་པའི་འདྲ་པར་ཁག་ཅིག་ཕྱོགས་སྒྲིག་གནང་བ་ཞིག་ཆགས་ཀྱི་འདུག ཐེངས་འདིའི་འགྲེམས་སྟོན་ཐོག་ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་ཚོགས་གཙོ་བསྟན་འཛིན་རྡོ་རྗེ་ལགས་དང་རྒྱ་གར་གྱི་པདྨ་ཤྲི་ཆེས་མཐོའི་གཟེངས་རྟགས་ཐོབ་མཁན་༸སྐུའི་བླ་སྨན་ཟུར་པ་ཡེ་ཤེས་དོན་ལྡན་ལགས་དང་ཝཱ་ཎ་དབུས་བོད་ཀྱི་གཙུག་ལག་སློབ་ཁང་གི་ཉེ་བའི་རིགས་བདག་དགེ་བཤེས་ངག་དབང་བསམ་གཏན་ལགས། དེ་བཞིན་ཁེ་ན་ཌ་ཨོ་ཊེ་རིཡོ་མངའ་སྡེའི་གྲོས་ཚོགས་འཐུས་མི་བུ་འཁྲིད་དཀར་པོ་ཆེ་ལགས་ ཀྱིས་གཙོས་བཙན་བྱོལ་ནང་གཟེངས་སུ་ཐོན་པའི་བོད་མི་བཅུའི་མཚན་ཆེད་སྟོན་གནང་ཐོག་ལམ་ལྷོང་ལྡན་པའི་བཙན་བྱོལ་བོད་མིའི་གནས་སྟངས་མཚོན་ཐབས་གནང་འདུག རྩ་བའི་ཡུ་རོབ་གྲོས་ཚོགས་བོད་དོན་རྒྱབ་སྐྱོར་ཚོགས་པས་ཡུལ་དེའི་གྲོས་ཚོགས་སུ་བཙན་བྱོལ་བོད་མིའི་གནས་སྟངས་མཚོན་པའི་པར་རིས་འགྲེམས་སྟོན་དེ་ཟླ་ ༨ ཚེས་ ༢༧ ཉིན་འགོ་འཛུགས་གནང་འདུག་པ་དང་དབུ་འབྱེད་དེ་རིང་ཉིན་རྒྱབ་ཡུལ་དེའི་ཕྱི་དྲོ་ཚོུད་ ༥ ཐོག་ཚོགས་པ་དེའི་ཚོགས་གཙོ་ཡུ་རོབ་གྲོས་ཚོགས་འཐུས་མི་སྐུ་ཞབས་ Thomas Mann ལགས་ཀྱིས་གནང་བ་མ་ཟད་པར་པ་སྒྱུ་རྩལ་བ་ལྕམ་ Albertino ལགས་ཀྱང་ཆེད་ཕེབས་གནང་ཡོད་པ་རེད། ཡུ་རོབ་གྲོས་ཚོགས་སུ་འགོ་འཛུགས་གནང་བའི་པར་རིས་འགྲེམས་སྟོན་དེ་ནི་ཨི་ཊ་ལི་ནས་ཡིན་པའི་བེུད་པར་པ་སྒྱུ་རྩལ་བ་ལྕམ་ Albertino ལགས་ཀྱིས་འདས་པའི་ལོ་བཅུ་ལྷག་རིང་ལ་རྒྱ་གར་དང་ཡུ་རོབ་གཙོ་བོར་གྱུར་པའི་འཛམ་གླིང་ཡུལ་གྲུ་གང་སར་ཡུལ་གྱར་བོད་མིའི་འཚོ་བ་མཚོན་པའི་བརྙན་ལྡན་ལས་གཞི་ཞིག་ཆགས་ཀྱི་ཡོད་པ་རེད། ཁོ་མོས་དེ་སྔོན་བོད་མིའི་འཚོ་བ་དང་འཐབ་རྩོད་མཚོན་པའི་པར་རིས་དེ་དག་ཕྱོགས་སྒྲིག་གིས་ Out Of Tibet ཞེས་པའི་དཔེ་དེབ་ཞིག་ཀྱང་འགྲེམས་སྟོན་གནང་ཐོག་ད་བར་ཨི་ཊ་ལི་དང་ཕ་རན་སི། ཨ་རིའི་ནིའུ་ཡོག ཁེ་ན་ཌ། ཐེ་ཝན། དེ་བཞིན་བལ་ཡུལ་བཅས་རྒྱལ་ཁབ་མང་པོའི་ནང་གནས་སྡོད་བཙན་བྱོལ་བོད་མིའི་གནས་སྟངས་བརྗོད་ཐབས་གནང་ཡོད་པ་རེད། སྤྱིར་ཁོང་ནི་གཙོ་བོ་སྤྱི་ཚོགས་དང་འགྲོ་བ་མིའི་བདེ་སྡུག་དང་འབྲེལ་བའི་རོགས་སྐྱོར་ལས་གཞི་ཐད་གནས་ཚུལ་སྤེལ་མཁན་ཞིག་ཡིན་པ་དང་ཁོ་མོས་ད་བར་བླངས་པའི་འདྲ་པར་ཁག་ལ་འཛམ་གླིང་ནང་སྙན་གྲགས་ཆེ་བའི་ Canon པར་རིས་གཟེངས་རྟགས་དང་རྒྱལ་སྤྱིའི་པར་རིས་གཟེངས་རྟགས་སོགས་ཐོབ་མྱོང་ཡོད་པ་རེད།