Tibetan Royal Year of 2151 | Year of the Wood Dragon

ARCHIVE

Monthly Archives: May, 2018

རེས་གཟའ་ཕུར་བུ། ༢༠༡༨།༠༥།༣༡

ཉན་པ།: Listen ཕབ་ལེན། Download རྒྱལ་སྤྱིའི་དབུ་མའི་ལམ་མི་མང་ཚོགས་ཆེན་ཐེངས་དང་པོ་མཇུག་སྒྲིལ་གནང་སོང་། CONFIA རྐང་སྤོལ་འགྲན་བསྡུར་ནང་བོད་མིའི་རྩེད་འགྲན་པ་མཉམ་ཞུགས། ཐེ་ཝན་ཐོག་འཛིན་པའི་ལངས་ཕྱོགས་རྐྱེན་གྱིས་རྒྱ་ནག་དང་ལྷན་དུ་ཚོང་འབྲེལ་ལ་འགོག་རྐྱེན་འཕྲད་བཞིན་པ། དམིགས་བསལ་ལས་རིམ། སྨན་པ་རིན་ཆེན་བཟང་མོ་ལགས་ཀྱིས་མཁལ་མའི་ནད་གཞི་ངོ་སྤྲོད། Thursday 31/05/2018 First International Umaylam Conference concludes CONIFA 2018 begins:Tibetan Football Team plays against Abkhazia Costco facing Chinese ire over Taiwan stance HEALTH FEATURE: Dr. Rinchen Sangmo on Kidney disease

རྒྱལ་སྤྱིའི་དབུ་མའི་ལམ་མི་མང་ཚོགས་ཆེན་ཐེངས་དང་པོ་མཇུག་སྒྲིལ་དང་སྐབས་ལྔ་པའི་རྒྱུན་ལས་གསར་འདེམས།

ཟླ་ ༥ ཚེས་ ༢༦ ཉིན་བཞུགས་སྒར་དུ་རྟེན་གཞི་བྱས་པའི་བོད་ཀྱི་ཟློས་གར་ཚོགས་པའི་ཚོགས་ཁང་དུ་བསྐོང་ཚོགས་གནང་བའི་རྒྱལ་སྤྱིའི་དབུ་མའི་ལམ་མི་མང་ཚོགས་ཆེན་ཐེངས་དང་པོ་དེ་རིང་མཇུག་སྒྲིལ་དང་འབྲེལ་སྐབས་ལྔ་པའི་རྒྱུན་ལས་གསར་པ་འོས་འདེམས་གནང་སོང་། ཚོགས་ཆེན་མཇུག་སྒྲིལ་གྱི་མཛད་སྒོའི་སྐུ་མགྲོན་གཙོ་བོ་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་ཆེད་ཕེབས་གནང་ཡོད་པ་དང་། སྐབས་དེར་རིན་པོ་ཆེ་མཆོག་གིས་ཐེངས་འདིའི་ཚོགས་ཆེན་ཐོག་བཅར་བའི་གཞོན་སྐྱེས་གཙོ་གྱུར་ཚོགས་བཅར་བ་རྣམས་ལ་འགའ་བསུའི་བསྔགས་བརྗོད་དང་འབྲེལ། དབུ་མའི་ལམ་གྱི་སྲིད་བྱུས་འདི་འབྱུང་འགྱུར་བོད་དོན་བདེན་མཐའ་གསལ་ཐབས་སུ་གྲོས་བསྡུར་རིམ་པ་གནང་མཐར་མང་གཙོའི་ལམ་ནས་གཏན་འབེབས་གནང་བའི་སྲིད་བྱུས་ཤིག་ཡིན་པ་ངོ་སྤྲོད་གནང་སོང་། ལྷག་དོན་སྲིད་བྱུས་འདི་ལ་ཁ་ཞེ་གཉིས་མེད་ཀྱི་རྒྱབ་སྐྱོར་གནང་བར་སྲིད་བྱུས་དེའི་དགོངས་དོན་རྟོགས་དགོས་གལ་ཡིན་སྟབས། སྲིད་བྱུས་དེ་དང་འབྲེལ་བའི་ཡིག་ཆ་ཁག་ལ་གཟིགས་རྒྱུ་ཤིན་ཏུ་ནས་གལ་ཆེན་པོ་ཡིན་པར་ལམ་སྟོན་གནང་སོང་བ་མ་ཟད་མ་འོངས་པར་རྒྱ་ནག་གི་རྩ་ཁྲིམས་ལ་འགྱུར་བ་རིགས་གཏང་དགོས་བྱུང་ཡང་དབུ་མའི་ལམ་གྱི་སྒྲོམ་གཞི་ལ་ཆེ་ས་ནས་འགྱུར་བ་གཏང་དགོས་པ་ཆགས་ཀྱི་མ་རེད་ཅེས་བཀའ་བསྩལ་ཡོད་པ་རེད། རྒྱ་ནག་གི་དམག་སྲིད་དཔལ་གསུམ་གྱི་གནས་བབ་དང་ང་རང་ཚོ་བོད་པའི་ལག་ཏུ་ཡོད་པའི་གདམ་ག་སོགས་ཕྱོགས་གང་ནས་བལྟས་ཀྱང་དབུ་མའི་ལམ་འདི་ཡང་དག་པ་ཞིག་ཡིན་པ་སོགས་གསུངས་ཡོད། དེ་རིང་ཚོགས་འདུ་ཉིན་མཐའ་མིའི་ཐོག་ཚོགས་བཅར་བ་རྣམ་པའི་ངོས་ནས་དགོངས་ཚུལ་ཤུགས་ཆེ་ཕེབས་པ་ལྟར། ད་ཡོད་དབུ་མའི་ལམ་མི་མང་ལས་འགུལ་ཁང་ཞེས་པའི་ཚོགས་པ་དེ་རྒྱལ་སྤྱིའི་དབུ་མའི་ལམ་ལས་འགུལ་ཁང་དུ་བསྒྱུར་བཅོས་ཀྱིས་གཞོན་སྐྱེས་བརྒྱ་ཆ་དགུ་བཅུ་ལྷག་ཡོད་པའི་སྐབས་ལྔ་པའི་རྒྱུན་ལས་མི་གྲངས་བཅུ་དྲུག་གསར་འདེམས་གནང་ཡོད།

རེས་གཟའ་ལྷག་པ། ༢༠༡༨།༠༥།༣༠

ཉན་པ།: Listen ཕབ་ལེན། Download རྒྱ་མི་དགྲར་བལྟས་ནས་དཀའ་ངལ་སེལ་ཐབས་བྱེད་ན་བསམ་བློ་ཆུང་ཐག་ཆོད་པ་རེད་ཅེས་བཀའ་བསྩལ་བ། བོད་རང་སྐྱོང་ལྗོངས་ཀྱི་ལས་བྱེད་པ་ས་ག་ཟླ་བའི་བྱེད་སྒོར་བཞུགས་མི་ཆོག་པའི་བཀའ་རྒྱ་བཏང་འདུག ཨ་རི་གཞུང་གི་སྙན་ཐོའི་ནང་བོད་དུ་ཆོས་དད་རང་དབང་ལ་དམ་དྲགས་མུ་མཐུད་བྱེད་བཞིན་པ་མངོན་གསལ། བོད་ཀྱི་རྐང་རྩེད་སྤོ་ལོའི་རུ་ཁག་ལ་བསམ་གཏན་འཁྱིལ་སྐྱེད་ཚལ་གྱི་དུས་དྲན་དུ་དགའ་བསུའི་སྣེ་ལེན་ཞུས་པ། དོན་གྲུབ་དབང་ཆེན་ལགས་སུ་ཆེ་བསྟོད་གཟེངས་རྟགས་ཤིག་འབུལ་བ། Wednesday 30/05/2018 It’s a narrow minded ideologue to consider China as our enemy: Dalai Lama Party cadres in TAR warned against engaging in religious activity China Continues to deny Religious Freedom in Tibet: US State Department report Visual Artists Guild honors Dhundup Wangchen in LA Tibetan National Football Team welcomed at Tibetan Peace garden

རྒྱ་མི་དགྲ་ལ་བལྟས་ནས་དཀའ་ངལ་སེལ་ཐབས་བྱ་རྒྱུའི་བསམ་བློ་རྒྱ་ཆུང་དྲགས་པ་རེད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་སྔ་དྲོ་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་ར་བའི་དབུ་གཡབ་ཏུ་བོད་ནས་གསར་དུ་འབྱོར་བ་དང་། ས་གནས་ཁག་ནས་ཕེབས་པའི་བོད་མི། དེ་བཞིན་རྒྱལ་སྤྱིའི་དབུ་མའི་ལམ་མི་མང་ཚོགས་ཆེན་ཐོག་འདུ་འཛོམས་བྱུང་བ་བཅས་ཁྱོན་སེར་སྐྱ་མང་ཚོགས་ ༨༠༠ ལྷག་ལ་མཇལ་ཁ་དང་བཀའ་སློབ་སྩལ་སྐབས་བོད་རྒྱ་གཉིས་ཀྱི་དཀའ་རྙོག་དེ་ནི་མི་དང་མིའི་འབྲེལ་བའི་ཐོག་ནས་སེལ་ཐུབ་རྒྱུ་ཞིག་མ་གཏོགས། རྒྱ་མི་དགྲ་ལ་བལྟས་ནས་དཀའ་ངལ་སེལ་རྒྱུའི་བསམ་བློ་གཏང་ཚེ་དེ་བསམ་བློ་རྒྱ་ཆུང་དྲགས་པ་རེད་ཅེས་བཀའ་བསྩལ་སོང་། ༸གོང་ས་མཆོག་གིས་བོད་མི་ཚོར་རྒྱ་མི་གུང་ཕྲན་ཐོག་མར་བོད་ལ་སླེབས་པ་ནས་བཟུང་བོད་ཀྱི་རྒྱལ་ས་ལྷ་ས་གཙོས་ཆོལ་གསུམ་ནང་གི་གནས་བབ་དང། སྐབས་དེར་༸གང་ཉིད་མཆོག་གིས་དབུས་པའི་བོད་གཞུང་གིས་རྒྱ་གར་དང་རྒྱ་ནག་གཞུང་དང་ལྷན་དུ་ཞི་འགྲིག་ཡོང་རྒྱུའི་ཐད་ལ་འབྲེལ་བ་དང་ཐབས་ཤེས་གང་ཐུབ་གནང་བའི་བརྒྱུད་རིམ་ཞིབ་ཕྲ་དང་། མགོན་པོ་༸གང་ཉིད་མཆོག་བཙན་བྱོལ་དུ་ཕེབས་རྗེས་བོད་གཞུང་དང་བོད་པའི་སློབ་གྲྭ་སོགས་གསར་འཛུགས་གནང་བའི་བརྒྱུད་རིམ། ལྷག་པར་དུ་བོད་དོན་ཆབ་སྲིད་དང་འབྲེལ་ནས་རྒྱལ་ཚོགས་སུ་སྔ་རྗེས་ཞུ་འབོད་གནང་བ་སོགས་ལོ་མང་རིང་གི་༸སྐུའི་མྱོང་བ་དང་འབྲེལ་དབུ་ལམ་གྱི་བྱུང་རིམ་རྒྱབ་ལྗོངས་ཞིབ་ཕྲ་ངོ་སྤྲོད་གནང་བ་མ་ཟད། ཁྱད་པར་དུ་གཉིས་སྨན་དབུ་མའི་ལམ་གྱི་ཐོག་ནས་ད་བར་བོད་ནང་དུ་གཟིགས་སྐོར་རིམ་པ་ཕེབས་ཐུབ་པ་བྱུང་སྐོར་དང། རྒྱ་ནག་གི་སྲིད་འཛིན་དང་ཐད་ཀར་བཀའ་མོལ་བྱུང་བ།  དེ་བཞིན་གཞིས་བྱེས་གཉིས་ཀྱི་བོད་མི་ཕན་ཚུན་དབར་འབྲེལ་ལམ་མཐུད་ཐུབ་པ་བྱུང་བ་དང་། རྒྱ་གར་གཞུང་དང་ཡོ་རོབ་གྲོས་ཚོགས་མཚོན་པའི་རྒྱལ་སྤྱིའི་གཞུང་ཁག་ནས་གཞུང་འབྲེལ་གྱི་རྒྱབ་སྐྱོར་ཐོབ་ཡོད་པ་སོགས་འགྲུབ་འབྲས་གང་ཙམ་ཐོན་ཡོད་སྐོར་བཀའ་བསྩལ་སོང་། དེ་བཞིན་དེང་སྐབས་རྒྱ་ནག་ནང་དུ་ནང་ཆོས་དང་བོད་ཀྱི་སྐད་ཡིག་ལ་དོ་སྣང་བྱེད་མཁན་ཇེ་མང་དུ་འགྲོ་བཞིན་ཡོད་པ་དང་། བོད་རྒྱ་གཉིས་འཆམ་མཐུན་ཡག་པོ་ཞིག་བྱུང་ཐུབ་ཚེ་རྒྱ་ནག་ཏུ་ཡོད་པའི་རྒྱ་རིགས་ནང་པ་ས་ཡ་མང་པོར་ཕན་ཐོགས་ཐུབ་ཀྱི་རེད་ཅེས་ལམ་སྟོན་མཛད་ཡོད། མགོན་པོ་༸གང་ཉིད་མཆོག་གིས་རྒྱ་ནག་གཞུང་གིས་དེ་སྔ་བོད་ཆོལ་ཁ་གསུམ་དང་ཆོལ་བརྒྱུད་དང་བཅས་པ་ཚང་མར་དབྱེ་བ་མེད་པར་སྡུག་པོ་གཅིག་མཚུངས་བཏང་བར་བརྟེན་ད་ཆ་བོད་མི་ཚང་མ་ཆིག་སྒྲིལ་ཆགས་ཡོད་པ་བཀའ་སྩལ་དང་འབྲེལ། བཙན་བྱོལ་དུ་ཡོད་པའི་བོད་མི་ཚོས་ལུང་ཚན་དང་ཆོས་བརྒྱུད། དེ་བཞིན་ཆབ་སྲིད་ལངས་ཕྱོགས་བཅས་ཀྱི་ཆ་ནས་འཐེན་འཁྱེར་བྱེད་རྒྱུ་མེད་པར་བཀའ་ནན་བསྩལ་སོང། ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་གཞོན་སྐྱེས་ཚོར་དེང་གི་འཛམ་བུ་གླིང་འདིའི་ཐོག་བོད་མི་རིགས་ཀྱི་ཆེ་མཐོང་སླེབས་གཞི་ནི་བོད་ཀྱི་ཆོས་དང་རིག་གཞུང་ཆགས་ཀྱི་ཡོད་པ་དང་། དེར་བརྟེན་གཞོན་སྐྱེས་ཚོའི་ངོས་ནས་བོད་ཀྱི་ཐུན་མིན་སྐད་ཡིག་ཐོག་དོ་སྣང་ཆེ་ཙམ་བྱེད་དགོས་ཞེས་ལམ་སྟོན་རྒྱ་ཆེ་མཛད་ཡོད།

བོད་རང་སྐྱོང་ལྗོངས་ཁྱབ་ཁོངས་སུ་ཏང་ཡོན་དང་ལས་ཁུངས་ལས་བྱེད་ཚོ་ས་ག་ཟླ་བའི་ཆོས་ཕྱོགས་ཀྱི་བྱེད་སྒོར་ཞུགས་མི་ཆོག་པའི་བཀའ་རྒྱ།

རྒྱ་ནག་གཞུང་གིས་ལྷ་ས་གྲོང་ཁྱེར་གཙོ་གྱུར་གཞིས་ཀ་རྩེ་དང་ནག་ཆུ་སོགས་བོད་རང་སྐྱོང་ལྗོངས་ཀྱི་མངའ་འོག་ལས་ཁུངས་ཁག་གི་ལས་བྱེད་དང་གུང་ཁྲན་ཏང་ཡོན་རྒས་ཡོལ་ལས་བྱེད་བཅས་ནས་ས་ག་ཟླ་བའི་སྐབས་དགོན་པར་མཆོད་མཇལ་དང་གླིང་སྐོར་འགྲོ་བ་སོགས་ཆོས་ཕྱོགས་ཀྱི་བྱེད་སྒོའི་ནང་ཞུགས་མི་ཆོག་པའི་བཀའ་རྒྱ་བཏང་བ་མ་ཟད་གལ་སྲིད་མཆོད་མཇལ་དང་གླིང་སྐོར་ལ་འགྲོ་བ་སོགས་ཤེས་རྟོགས་བྱུང་ཚེ་ལྐོག་ལ་བརྙན་པར་བླངས་ཏེ་ལས་བྱེད་ཡིན་ན་ལས་ཁུངས་ནས་ཕྱིར་ཕུད་དང་། རྒས་ཡོལ་ཡིན་ན་རྒས་ཡོལ་གྱི་ཐོབ་ཐང་ཁག་མེད་པ་བཟོ་རྒྱུ།  དེ་ལྟར་མ་བྱུང་ཚེ་གཞུང་གི་ལས་ཁུངས་ལ་ཡོད་པའི་བུ་ཕྲུག་ཚོ་ལས་ཀ་ནས་ཕྱིར་ཕུད་གཏང་རྒྱུའི་བཀའ་རྒྱ་བཀྲམས་ཡོད་པ་རེད་འདུག་ གནས་ཚུལ་མཁོ་སྤྲོད་པས་བརྗོད་དོན་ཕྱི་ལོ་ ༢༠༡༧ དང་ ༢༠༡༦ ལོར་རྒས་ཡོལ་ལས་བྱེད་ཁག་ཅིག་དེ་སྔ་གླིང་སྐོར་དང་མཆོད་མཇལ་ལ་ཕྱིན་པ་ཤེས་རྟོགས་བྱུང་རྗེས་རྒས་ཡོལ་གླ་ཕོགས་བཅད་པའི་དཀའ་ངལ་དངོས་སུ་འཕྲད་ཡོད་པ་མ་ཟད་ལས་བྱེད་ཀྱི་གླ་ཕོགས་དུས་རྒྱུན་དངུལ་ཁང་གི་བྱང་བུ་བརྒྱུད་འབྱོར་གྱི་ཡོད་རུང་རྗེས་སུ་འབྱོར་གྱི་མེད་སྟབས་རྒྱུ་མཚན་ཇི་ཡིན་ལས་ཁུངས་ལ་རྩད་གཅོད་གནང་སྐབས་ཁྱེད་རང་གིས་ཟླ་བ་དང་ཚེས་གྲངས་འདི་འདྲ་ཞིག་ལ་གླིང་སྐོར་དང་ཡང་ན་མཆོད་མཇལ་ལ་ཕྱིན་འདུག་ཅེས་ལྐོག་ལ་བརྒྱབ་པའི་བརྙན་པར་དང་བཅས་དཔང་རྟགས་ཐོག་འགྲེལ་བརྗོད་བྱས་པ་བྱུང་འདུག བཀའ་རྒྱ་དེ་ནི་ལས་ཁུངས་ཁག་ཏུ་བཀྲམས་པ་མ་གཏོགས་མངོན་གསལ་དོད་པོས་ཕྱི་ཕྱོགས་ལ་བཀྲམས་མེད་སྟབས་རྒྱ་ཆེའི་མང་ཚོགས་ནས་ཤེས་རྟོགས་ཐུབ་ཀྱི་མེད་པ་དང་། དེང་སྐབས་བོད་ནང་ཧོབ་དེ་ཁ་ལ་བལྟ་ཚེ་འཕྲུལ་འཁོར་དང་གྲོང་ཁྱེར་འཛུགས་སྐྲུན་སོགས་ཕྱིའི་རྣམ་པ་མཛེས་པོ་དང་ཡར་རྒྱས་ཀྱི་རྣམ་པ་ཡོད་ཀྱང་ནང་གི་གནས་སྟངས་ནི་ལོ་རེ་ནས་ལོ་རེ་བཞིན་ཇེ་སྡུག་ཏུ་འགྲོ་བཞིན་པ་མ་ཟད། ཞིང་འབྲོག་གྲོང་ཁྱེར་དུ་སྤོས་བཅུག་པ་སོགས་ཞི་ལྷོད་ངང་འཚོ་བ་སྐྱེལ་ཐབས་མེད་པ་རེད་འདུག

དོན་གྲུབ་དབང་ཆེན་ལགས་སུ་ཆེ་བསྟོད་གཟེངས་རྟགས།

ཁ་སང་ཟླ་ ༥ ཚེས་ ༢༩ ཉིན་ཨ་རི་གྲོང་ཁྱེར་ལོས་ཨེན་ཇལ་དུ་ཡོད་པའི་རྒྱ་རིགས་མང་གཙོ་དོན་གཉེར་བ་རྣམས་ཀྱིས་ཆེད་འཛུགས་གནང་བའི་ Visual Artists Guild  ཞེས་པའི་མཐུན་ཚོཊ་ཀྱིས་བོད་མི་ཆབ་སྲིད་བཙོན་ཟུར་དོན་གྲུབ་དབང་ཆེན་ལགས་ལ་རང་དབང་ཐོབ་པར་ཆེ་བསྟོད་གཟེངས་རྟགས་ཤིག་ཕུལ་འདུག མཐུན་ཚོཊ་དེས་ལོ་ལྟར་དྲུག་བཞི་དོན་རྐྱེན་སྲུང་བརྩི་དང་འབྲེལ་སྨྲ་བརྗོད་རང་དབང་གི་ཐོབ་ཐང་རྩོད་ལེན་པ་རྣམས་ལ་ཆེ་བསྟོད་གཟེངས་རྟགས་འབུལ་ལམ་ཞུ་སྲོལ་ཡོད་པ་ལྟར། འདི་ལོའི་ཐེངས་ ༢༩ པའི་དྲུག་བཞི་དོན་རྐྱེན་སྲུང་བརྩི་དང་བསྟུན་འཇིགས་བྲལ་གློག་བརྙན་བཟོ་སྐྲུན་པ་བོད་མི་ཆབ་སྲིད་བཙོན་ཟུར་དོན་གྲུབ་དབང་ཆེན་ལགས་དང་། རྒྱ་རིགས་མང་གཙོའི་ལས་འགུལ་བ་ཀྲང་ལི་ལགས་དང་། རྒྱ་རིགས་ཁྲིམས་རྩོད་པ་ཝང་ཆོན་ཀྲང་གི་བཟའ་ཟླ་ལི་ཝུའེ་ཀྲུ་བཅས་རྒྱ་ནག་གི་བཙོན་ཁང་དུ་དཀའ་སྡུག་དུ་མ་མྱངས་མཐར་རང་དབང་ཐོབ་པ་ཁོང་གསུམ་ལ་སྨྲ་བརྗོད་རང་དབང་གི་ཆེ་བསྟོད་གཟེངས་རྟགས་ཤིག་ཕུལ་ཡོད་པ་རེད། དེ་སྔ་ཕྱི་ལོ་ ༢༠༡༣ ལོར་དོན་གྲུབ་དབང་ཆེན་ལགས་རྒྱ་གཞུང་གིས་བཙོན་འཇུག་འོག་ཏུ་སྡུག་སྦྱོང་མྱོང་བཞིན་སྐབས་ཚོགས་པ་དེས་དོན་གྲུབ་དབང་ཆེན་ལགས་སུ་སྨྲ་བརྗོད་རང་དབང་གི་གཟེངས་རྟགས་ཤིག་ཁོང་གི་སྐུ་ཟླ་ལྷ་མོ་མཚོའི་ཕྱག་ཏུ་ཕུལ་གནང་བ་དེ་མཛད་སྒོའི་ཐོག་ལྷ་མོ་མཚོ་ལགས་ཀྱིས་དོན་གྲུབ་དབང་ཆེན་ལགས་སུ་དངོས་སུ་འབུལ་ལམ་ཞུས་ཡོད་པ་མ་ཟད། དོན་གྲུབ་དབང་ཆེན་ལགས་ནས་བོད་ནང་ཀྱི་དཀའ་སྡུག་དང་འབྲེལ་བའི་གནས་སྟངས་ངོ་སྤྲོད་དང་འཇིགས་བྲལ་གྱི་གློག་བརྙན་གཟིགས་འབུལ་ཞུས་ཡོད་པ་རེད། སྐབས་དེར་ཚོགས་པ་དེའི་གཙོ་འཛིན་རྒྱ་རིགས་སྐུ་ཞབས་ཨེན་ལའོ་ལགས་གཙོས་ཁེ་ལི་ཕོ་ནི་ཡ་བོད་ཀྱི་གྲོགས་པོ་ཚོགས་པའི་ཚོགས་གཙོ། དོན་གྲུབ་དབང་ཆེན་ལགས་ཀྱི་ནང་མིར་རོགས་རམ་གནང་མཁན། ས་གནས་བོད་རིགས་བཅས་ཁྱོན་མི་གྲང་བརྒྱ་ལྷག་འདུ་འཛོམས་གནང་འདུག གཞི་རྩའི་བོད་མི་གློག་བརྙན་བཟོ་བསྐྲུན་པ་དོན་གྲུབ་དབང་ཆེན་ལགས་ཀྱིས་ཕྱི་ལོ་ ༢༠༠༨ ལོར་བོད་ནང་གི་བོད་མི་ཚོར་དངོས་སུ་ཐུག་འཕྲད་ཀྱིས་འཇིགས་བྲལ་ཞེས་པའི་གློག་བརྙན་ཞིག་བཟོ་སྐྲུན་གནང་རྗེས་རྒྱ་ནག་གཞུང་གིས་ཁོང་ལ་རྒྱལ་ཁབ་ཁ་བྲལ་གྱི་བྱ་སྤྱོད་སྤེལ་བའི་ཉེས་མིང་འོག་འཛིན་བཟུང་བྱས་ཏེ། ཕྱི་ལོ་ ༢༠༠༨ ནས་ ༢༠༡༤ བར་མི་ལོ་དྲུག་གི་རིང་བཙོན་འཇུག་ཁྲིམས་ཐག་བཅད་ཡོད་པ་དང་། ཕྱི་ལོ་ ༢༠༡༤ ལོ་མཇུག་ཏུ་ཁོང་བཙོན་གྲོལ་ཐོབ་ཡོད་ཀྱང་རྒྱ་གཞུང་གི་ལྟ་སྲུང་འོག་ལོ་གསུམ་རིང་ཆབ་སྲིད་ཀྱི་ཐོབ་ཐང་གང་ཡང་མེད་པར་གནས་དགོས་བྱུང་ཡོད་པ་རེད། ཕྱི་ལོ་ ༢༠༡༧ ཟླ་ ༡༢ ཚེས་ ༢༥ ཉིན་བོད་ནས་བྲོས་བྱོལ་གྱིས་ཨ་རིའི་ California མངའ་སྡེའི་ San Fransicco གྲོང་ཁྱེར་དུ་བདེ་འབྱོར་བྱུང་ཡོད་པ་རེད།

རེས་གཟའ་མིག་དམར། ༢༠༡༨།༠༥།༢༩

ཉན་པ།: Listen ཕབ་ལེན། Download ༸གོང་ས་མཆོག་གིས་ཆོལ་གསུམ་གྱི་འཐེན་འཁྱེར་བྱ་རྒྱུ་ནི་རྗེས་ལུས་ཡིན་པ་བཀའ་བསྩལ་བ། རྒྱ་གཞུང་གི་ཆབ་སྲིད་སློབ་གསོའི་ལྟེ་གནས་ཁང་དུ་བོད་མིར་བཙན་གཡེམ་དང་མནར་གཅོད་གཏོང་བཞིན་པ། བོད་དུ་གནམ་གཤིས་འགྱུར་ལྡོག་རྐྱེན་པས་ཚ་དྲོད་འཕེལ་བ། སེར་བྱེས་མཁན་རིན་པོ་ཆེས་བོད་མི་རྣམས་ཆིག་སྒྲིལ་དགོས་པའི་ལམ་སྟོན་གནང་འདུག དམིགས་བསལ་ལས་རིམ། གཞས་མ་དོན་གྲུབ་ཆོས་སྐྱིད། Tuesday 29/05/2018 Regional bias is an outdated: Dalai Lama to students and faculty of Sherab Gatsel Lobling School Tibetan monk’s account reveals torture and sexual abuse rampant in China’s ‘political re-education’ centers Warmer and wetter Tibet due to global climate change Serchen Khen Rinpoche speaks to local Tibetans on Unity and Harmony MUSIC FEATURE: Tibetan singer Dhondup Choekyi

ཆོལ་གསུམ་གྱི་འཐེན་འཁྱེར་བྱ་རྒྱུ་ཞེས་པ་དེ་རྗེས་ལུས་ཤིག་རེད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་བཞུགས་སྒར་༸རྒྱལ་བའི་ཕོ་བྲང་དུ་ཤེས་རབ་དགའ་ཚལ་སློབ་གླིང་གི་དགེ་ལས་སློབ་གཉེར་བ་ཡོངས་ལ་བླང་དོར་བཀའ་སློབ་སྩལ་སྐབས་ཆོལ་གསུམ་གྱི་འཐེན་འཁྱེར་བྱ་རྒྱུ་ཞེས་པ་དེ་རྗེས་ལུས་ཤིག་ཡིན་པ་དང་བོད་ཆོལ་གསུམ་ཆིག་སྒྲིལ་ཐོག་ནས་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་བདག་པོ་རྒྱག་རྒྱུ་དེ་ང་ཚོ་ཚང་མའི་ལས་འགན་རེད་ཅེས་བཀའ་བསྩལ་འདུག དེའང་ཟླ་བ་འདིའི་ཚེས་ ༢༦ ཉིན་བཞུགས་སྒར་ཉེ་འདབས་ཀན་ཡ་ར་ཁུལ་དུ་རྟེན་གཞི་བྱས་པའི་ཤེས་རབ་དགའ་ཚལ་སློབ་གླིང་ཐོག་མར་གསར་འཛུགས་གནང་ནས་མི་ལོ་ ༢༥ འཁོར་བའི་དུས་ཚིགས་ཤིག་ཆགས་ཡོད་སྟབས། ཁ་སང་ཚེས་ ༢༨ ཉིན་སློབ་གླིང་དེའི་དགེ་ལས་སློབ་གཉེར་བ་ཡོངས་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་དམིགས་བསལ་མཇལ་ཁ་དང་བཀའ་སློབ་ལམ་སྟོན་མཛད་འདུག ༸གོང་ས་མཆོག་ནས་སྐབས་དེར་ཐོག་མར་ཁོང་རྣམས་ལ་རྒྱ་ནག་གིས་བོད་ལ་དབང་སྒྱུར་བྱས་པའི་སྔ་རྗེས་ཀྱི་ལོ་རྒྱུས་ངོ་སྤྲོད་དང་འབྲེལ། བོད་མི་རྣམས་བཙན་བྱོལ་དུ་གྱར་དགོས་པའི་རྒྱུ་མཚན་དང་དམིགས་ཡུལ་གཙོ་ཁག་ངོ་སྤྲོད་གནང་ཡོད་པ་དང་འདི་བཞིན་ཤེས་རབ་དགའ་ཚལ་སློབ་གླིང་ནང་ད་ལྟའི་ཆར་བོད་ཆོལ་གསུམ་སོ་སོ་ནས་སློབ་ཕྲུག་གི་གྲངས་འབོར་ཇི་ཙམ་ཡོད་མེད་བཀའ་བསྩལ་དང་འབྲེལ། རྒྱ་ནག་གིས་བོད་ལ་དབང་སྒྱུར་བྱས་པར་བརྟེན་ད་ཆ་རྒྱ་སྡེ་བོད་སྡེ་ཞེས་པ་ལྟོས་མེད་བོད་མི་རྣམས་བཙན་བྱོལ་དུ་ཆོལ་གསུམ་ཆིག་སྒྲིལ་གནང་ནས་གནས་ཡོད་སྐོར་བཀའ་བསྩལ་ཡོད། ལྷག་དོན་ཆོལ་གསུམ་གྱི་འཐེན་འཁྱེར་བྱ་རྒྱུ་ཞེས་པ་དེ་རྗེས་ལུས་ཀྱི་སྐད་ཆ་ཞིག་ཡིན་པ་དང་། ང་ཚོའི་ངོས་ནས་ཆིག་སྒྲིལ་ཐོག་ནས་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་མི་ཉམས་གོང་འཕེལ་གནང་གནད་ཡིན་པ་བཀའ་བསྩལ་འདུག གཞི་རྩའི་ཡོངས་གྲགས་སུ་གསོག་སྒར་སློབ་གྲྭ་ཞེས་འབོད་སྲོལ་ཡོད་པའི་ཤེས་རབ་དགའ་ཚལ་སློབ་གླིང་དེ་བོད་ནས་གསར་དུ་འབྱོར་བའི་གཞོན་སྐྱེས་ལོ་གྲངས་ ༡༨ ནས་ ༣༠ ཟིན་པ་རྣམས་ལ་བོད་ནང་དུ་སློབ་སྦྱོང་གི་གོ་སྐབས་སྤྱི་དང༌། ཁྱད་པར་དུ་བོད་མི་རང་ཉིད་ཀྱི་དགོས་འདུན་བཞིན་ཤེས་ཡོན་སློབ་སྦྱོང་གི་གོ་སྐབས་མ་ཐོབ་པའམ་དང་ཆ་ཚང་མ་ཐོབ་པའི་གཞོན་སྐྱེས་རྣམས་ལ་ཆེད་དམིགས་ཀྱིས་ཕྱི་ལོ་ ༡༩༩༣ ལོར་གསར་འཛུགས་གནང་ཡོད་པ་རེད།

རྒྱ་གཞུང་གི་ཆབ་སྲིད་སློབ་གསོའི་ལྟེ་གནས་ཁང་དུ་བོད་མི་ཚོར་བཙན་གཡེམ་དང་མནར་གཅོད་གཏོང་བཞིན་པ་མངོན་གསལ།

རྒྱ་ནག་གཞུང་གིས་བོད་ནང་ཆབ་སྲིད་སློབ་གསོའི་མིང་ཐོག་ནས་སློབ་གསོ་ཡོ་བསྲང་ལྟེ་གནས་ཁང་མང་པོ་ཆེད་འཛུགས་བྱས་ཡོད་པའི་ནང་བོད་མི་ཚོར་འཇིགས་སྐུལ་གྱིས་མནར་གཅོད་དང་བཙན་གཡེམ་གཏོང་བཞིན་པ་མངོན་གསལ་གནང་འདུག དེ་ཡང་ཉེ་ཆར་བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ལ་མཚན་བརྗོད་འདོད་མེད་པའི་དགེ་འདུན་པ་ཞིག་གིས་བོད་ནང་གི་དངོས་ཡོད་གནས་སྟངས་བྲིས་པའི་ཁོང་གི་ཉིན་ཐོ་བརྒྱུད་སྤྲོད་གནང་བའི་ནང་འདས་པའི་ལོ་ཤས་ནང་རྒྱ་གཞུང་གིས་བོད་ནང་ཁྲིམས་མེད་ལུགས་མེད་ཀྱི་ཆབ་སྲིད་སློབ་གསོའི་ལྟེ་གནས་ཁང་མང་དག་ཞིག་ཆེད་འཛུགས་བྱས་ཡོད་པ་དང་དེ་དག་གི་ནང་བོད་མི་ཚོར་བཙན་གཡེམ་དང་མནར་གཅོད་གཏོང་བཞིན་པ་སོགས་ཀྱི་གནས་སྟངས་སྐོར་མངོན་གསལ་གནང་འདུག དགེ་འདུན་པ་ཁོང་གིས་གནས་ཚུལ་བརྒྱུད་སྤྲོད་གནང་བའི་བརྒྱུད་དེ་སྔ་རྒྱ་གཞུང་གིས་བོད་རང་སྐྱོང་ལྗོངས་ཟེར་བའི་ས་ཁུལ་ནས་བོད་ཀྱི་ས་ཁུལ་གཞན་ནང་སློབ་གཉེར་གནང་བར་ཕེབས་མཁན་དགེ་འདུན་པ་དང་བཙུན་མ་རྣམས་བཙན་དབང་ཐོག་རང་གི་ཕ་ཡུལ་དུ་ཕྱིར་ལོག་བྱེད་དུ་བཅུག་པ་དང། ཕྱིར་ལོག་གནང་རྗེས་ཁོང་རྣམས་ལ་ཆབ་སྲིད་སློབ་གསོའི་ལྟེ་གནས་ཁང་དུ་བཞུགས་བཅུག་པ་མ་ཟད། ལྟེ་གནས་ཁང་དེ་དག་ནས་གློད་བཀྲོལ་ཐོབ་རྗེས་གྲྭ་ཆས་གྱོན་མི་ཆོག་པ་དང། དགོན་པ་དང་སློབ་གཉེར་ཁང་གཞན་གྱི་ནང་དུ་ཞུགས་མི་ཆོག་པའི་དམ་དྲག་བྱེད་མུས་ཀྱི་གནས་ཚུལ་ཐོན་པ་རྣམས་བདེན་དཔང་ར་སྤྲོད་བྱུང་འདུག དགེ་འདུན་པ་དེས་ཁོང་དེ་སྔོན་ཟླ་བ་ ༤ ཙམ་རིང་བོད་ནག་ཆུ་ཁུལ་སོག་རྫོང་དུ་རྒྱ་གཞུང་གི་ཆེད་འཛུགས་བྱས་པའི་ཆབ་སྲིད་སློབ་གསོ་ལྟེ་གནས་ཁང་དུ་བཙན་དབང་ཐོག་བཞུགས་རིང་རང་གི་མྱོང་བ་རྣམས་ཉིན་ཐོར་བཀོད་ཡོད་པ་རེད་འདུག རྩ་བའི་དགེ་འདུན་པ་ཁོང་ནི་རྒྱ་གཞུང་གིས་དབྱེ་བའི་བོད་རང་སྐྱོང་ལྗོངས་ཟེར་བའི་ནག་ཆུ་ཁུལ་སོག་རྫོང་ནས་ཡིན་ཞིང། འདས་པའི་ལོ་ཤས་ནང་རྒྱ་གཞུང་གིས་བོད་རང་སྐྱོང་ལྗོངས་ཀྱི་གྲྭ་བཙུན་རྣམས་བོད་ཀྱི་ས་ཁུལ་གཞན་གྱི་དགོན་སྡེ་ཁག་ཏུ་སློབ་གཉེར་གནང་མི་ཆོག་པའི་བཙན་བཀའ་བཏང་རྐྱེན་བོད་མཚོ་སྔོན་ཁུལ་ནས་ཕྱིར་ལོག་གནང་གྲས་ཆགས་ཀྱི་འདུག ཁོང་གི་ཉིན་ཐོའི་ནང་ཁོང་ནས་མཚོ་སྔོན་ནང་དུ་སློབ་གཉེར་གནང་ཆེད་དུ་བསྐྱོད་པ་ལས་ཁྲིམས་འགལ་གྱི་བྱ་སྤྱོད་གང་ཡང་སྤེལ་མེད་ཀྱང་། ཕྱི་ལོ་ ༢༠༡༧ ཟླ་ ༧ ཚེས་ ༡༣ ཉིན་རྒྱགཞུང་ཉེན་རྟོག་པས་ཁོང་རང་གི་ཕ་ཡུལ་དུ་བཙན་ཁྲིད་བྱས་ཡོད་པ་དང། སྐབས་དེར་རྒྱ་གཞུང་གི་བཀོད་ཁྱབ་ནང་ཁོང་ཕྱིར་ལོག་མ་གནང་ཚེ་ཁོང་གི་ཕ་མ་དང་སྤུན་མཆེད། ནང་མི་སོགས་འཛིན་བཟུང་བྱ་རྒྱུའི་བཙན་བཀའ་བཏང་ཡོད་པ་མ་ཟད་ནང་མིའི་བྱིས་པ་རྣམས་སློབ་གྲྭར་འགྲོ་མི་ཆོག་པ་དང་། དབྱུར་རྩ་དགུན་བུ་བརྐོ་མི་ཆོག་པ་བཟོ་རྒྱུའི་ཉེན་བརྡ་བཏང་ཡོད་པ་ལྟར་ཁོང་ཕྱིར་ལོག་མ་གནང་ཐབས་མེད་ཀྱི་གནས་སྟངས་བྱུང་ཡོད་པ་གསུངས་འདུག

Latest news