Tibetan Royal Year of 2151 | Year of the Wood Dragon

ARCHIVE

Monthly Archives: April, 2018

རྒྱ་གར་གྱི་གྲོས་ཚོགས་གོང་འོག་གི་འཐུས་མི་ ༡༦ ནས་༸གོང་ས་མཆོག་ལ་མཇལ་བཅར་ཞུས་པ།

བཞུགས་སྒར་༸རྒྱལ་བའི་ཕོ་བྲང་དུ་རྒྱ་གར་དབུས་གྲོས་ཚོགས་གོང་འོག་གི་འཐུས་མི་ ༡༦ དབུས་པའི་འབྲེལ་ཡོད་མི་སྣ་ཁག་ཅིག་ནས་༸གོང་ས་༸སྐྱབས་མགོན་ཆེན་པོ་མཆོག་ལ་མཇལ་བཅར་ཞུས་སོང་། དེ་རིང་ཟླ་ ༤ ཚེས་ ༣༠ ཉིན་སྔ་དྲོ་བཞུགས་སྒར་༸རྒྱལ་བའི་ཕོ་བྲང་དུ་མཇལ་བཅར་ཞུ་མཁན་ཁོངས་སུ་རྒྱ་གར་ BJP གཞུང་འཛིན་ཚོགས་པའི་གྲོས་ཚོགས་འོག་མའི་འཐུས་མི་སྐུ་ཞབས་ Ramesh Bais ལགས་ཀྱིས་སྣེ་ཁྲིད་པའི་གྲོས་ཚོགས་གོང་འོག་གི་འཐུས་མི་ ༡༥ དང་། དེ་བཞིན་ Parliamentary Committee on Social Justice and empowerment འམ་གྲོས་ཚོགས་སྤྱི་ཚོགས་ཀྱི་དྲང་བདེན་དང་ནུས་སྟོབས་གོང་འཕེལ་ཚན་པའི་ངེས་སྟོན་པ་སྐུ་ཞབས་ Ashok sajwan ལགས་ཀྱིས་སྣེ་ཁྲིད་པའི་འབྲེལ་ཡོད་ལས་བྱེད་བཅས་ཁྱོན་གཞུང་གྱི་གནད་ཡོད་མི་སྣ་ ༢༥ ཆེད་བཅར་ཞུས་ཡོད་པ་རེད། ༸གོང་ས་༸སྐྱབས་མགོན་ཆེན་པོ་མཆོག་གིས་གྲོས་ཚོགས་འཐུས་མི་རྣམ་པར་༸གང་ཉིད་མཆོག་རྒྱ་གར་དུ་བཙན་བྱོལ་ལ་ཕེབས་ནས་བཞུགས་སྒར་དྷ་སར་ད་བར་ལོ་ངོ་ ༥༩ ལྷག་རིང་བཞུགས་ཞག་མཛད་པར་བརྟེན། དྷ་ས་འདི་མགོན་པོ་མཆོག་གི་བཞུགས་གནས་ཆགས་ཡོད་པ་དང། ད་རེས་གྲོས་ཚོགས་འཐུས་མི་རྣམ་པ་བཞུགས་སྒར་དུ་མགོན་པོ་༸གང་ཉིད་མཆོག་གི་མཇལ་ཁ་ཞུ་བར་ཆེད་བཅར་གནང་བར་འཚམས་འདྲི་གནང་བ་དང་སྦྲགས། ༸གང་ཉིད་མཆོག་༸སྐུ་ན་ཕྲ་མོ་སྐབས་ནས་མང་གཙོའི་ལམ་སྲོལ་ལ་ཡིད་སྨོན་གནང་བཞིན་ཡོད་པ་དང། རྒྱ་གར་དེ་ཡང་འཛམ་གླིང་ཁྲོད་མང་གཙོའི་རྒྱལ་ཁབ་ཆེ་གྲས་ཤིག་ཡིན་པར་ཡི་རང་བསྔགས་བརྗོད་ཀྱང་མཛད་འདུག ལྷག་པར་དུ་༸གོང་ས་མཆོག་གིས་གྲོས་ཚོགས་འཐུས་མི་རྣམ་པར་༸གང་ཉིད་མཆོག་ནས་དེ་སྔ་ ༡༩༥༦ ལོ་ནས་ད་བར་རྒྱ་གར་གྱི་སྲིད་བློན་རིམ་པ་མཇལ་མོལ་བྱུང་བའི་སྔ་རྗེས་ཀྱི་ལོ་རྒྱུས་དང་། འདས་པའི་ལོ་ངོ་ ༢༠༠༠ ལྷག་གི་ལོ་རྒྱུས་ལྡན་པའི་རྒྱ་གར་གྱི་གནའ་བོའི་རིག་གནས་དང་དེ་འབྲེལ་སེམས་ཁམས་རིག་པ་དང་ཚད་རྡུལ་དངོས་ཁམས་རིག་པ་བཅས་ལེགས་བྱང་གི་རིན་ཐང་དང་གལ་གནད་སྐོར་ལམ་སྟོན་མཛད་པ་མ་ཟད།  མགོན་པོ་མཆོག་གི་ཐུགས་བསྐྱེད་མཛད་ཁུར་དམ་བཅའ་བཞི་པ་སྟེ། དེང་སྐབས་རྒྱ་གར་གྱི་གནའ་བོའི་རིགས་གནས་དེ་དག་བསྐྱར་གསོ་དང་རྒྱ་གར་མང་ཚོགས་ཁྲོད་གོ་རྟོགས་ཡོང་སླད་འབད་བརྩོན་གནང་བཞིན་ཡོད་སྐོར་བཀའ་བསྩལ་འདུག ཁྱད་པར་དུ་༸གོང་ས་མཆོག་གིས་སྤྱི་ཚོགས་ཁྲོད་ཀྱི་མང་ཚོགས་ཚང་མར་འདྲ་མཉམ་ལྟ་ཚུལ་འཛིན་རྒྱུ་ནི་ཧ་ཅང་གལ་ཆེན་པོ་ཡིན་པ་དང་། ཉེ་སྔོན་Chilkur Balaji  དགོན་པའི་ཆོས་དཔོན་ Archaka CS Rangarajan མཆོག་ནས་རྒྱ་གར་གྱི་རིགས་དམན་དཱ་ལིཏ་གྱི་དད་ལྡན་ལ་བྱམས་སྐྱོང་གནང་བའི་ཕྱག་བཞེས་ལ་ཆེས་བསྟོད་མཛད་པ་དང་ཆབས་ཅིག རྩ་བའི་རྒྱ་གར་སྤྱི་ཚོགས་ཁྲོད་རིགས་རུས་དབྱེ་འབྱེད་ཀྱི་ལམ་སྲོལ་དེ་ནི་རྒྱ་གར་གྱི་རིག་གཞུང་གི་ཆ་ཤས་ཡིན་པ་དེ་ལྟར་ཡང་། ད་ལྟའི་དུས་སྐབས་འདིར་ལམ་སྲོལ་རྙིང་པ་འཛིན་བཞིན་པའི་དུས་ཚོད་དེ་རྫོགས་ཟིན་པ་དང་ལམ་སྲོལ་དེ་ངེས་པར་དུ་བསྒྱུར་བཅོས་ཤིག་གཏོང་དགོས་པར་བཀའ་ནན་བསྩལ་འདུག ༸གོང་ས་མཆོག་གི་མཇལ་བཅར་ཞུ་བར་སྣེ་ཁྲིད་གནང་མཁན་གྲོས་ཚོགས་འཐུས་མི་སྐུ་ཞབས་ Ramesh Bais ལགས་ཀྱིས་གསར་འགོད་པའི་བཅར་འདྲི་དང་ལེན་གནང་བ་དང་འབྲེལ་ང་ཚོ་གྲོས་ཚོགས་འཐུས་མི་ཚོས་རྒྱུན་རིང་པོ་ནས་༸གོང་ས་ཏཱ་ལའི་བླ་མ་མཆོག་དང་མཇལ་འཕྲད་ཞུ་རྒྱུའི་གོ་སྐབས་བྱུང་ན་བསམ་པའི་རེ་འདོད་ཆེན་པོ་བྱེད་དོན་བཞིན་དེ་རིང་དངོས་སུ་བསམ་དོན་གྲུབ་པ་བྱུང་སྟབས་དགའ་ཚོར་ཆེན་པོ་བྱུང་ཞེས་འགྲེལ་བརྗོད་གནང་སོང་། ལྷག་དོན་མཇལ་འཕྲད་སྐབས་༸གོང་ས་མཆོག་གིས་ང་ཚོ་གྲོས་ཚོགས་འཐུས་མི་ཚོ་དང་ལྷན་མཇལ་བཅར་ཞུས་པ་དེ་བྱིན་རླབས་ཆེན་པོ་དང་བཀའ་མོལ་ལྷུག་པོ་བྱུང་སོང་ཞེས་གསུངས་ཡོད།

རེས་གཟའ་ཟླ་བ། ༢༠༡༨།༠༤།༣༠

ཉན་པ།: Listen ཕབ་ལེན། Download རྒྱ་གར་གྱི་གྲོས་ཚོགས་འཐུས་མི་ནས་༸གོང་ས་མཆོག་ལ་མཇལ་བཅར་ཞུས་པ། མོ་དཱི་དང་ཞི་ཅིང་ཕིང་གཉིས་དབར་ས་མཚམས་ཀྱི་གནད་དོན་ཐོག་གྲོས་མོལ། བོད་མདོ་སྨད་རེབ་གོང་དུ་བོད་མིའི་ས་ཞིང་བཙན་འཕྲོག་བྱས་འདུག ཤེས་རིག་བཀའ་བློན་ནས་ཉམས་ཞིབ་ཀྱི་གལ་གནད་སྐོར་གསུངས་པ། ཨ་རི་དོན་གཅོད་ནས་ཁེ་ན་ཌའི་གྲོས་ཚོགས་ཀྱི་ཉན་ཞིབ་ཐོག་ལྷན་བཞུགས། དམིགས་བསལ་ལས་རིམ། ༸རྒྱལ་མཆོག་སྐུ་ཕྲེང་བཞི་པའི་སྐོར། Monday 30/04/2018 16 Indian MPs call on the Dalai Lama Modi, Xi detail measures to resolve border issue Chinese authorities confiscate farmlands of Tibetans in Rebgong Education Kalon underscores importance of research North America Tibet Representative testifies before Canadian Parliament HISTORY FEATURE: 4TH Dalai Lama

བོད་མདོ་སྨད་རེབ་གོང་དུ་བོད་མིའི་ས་ཞིང་བཙན་འཕྲོག་བྱས་འདུག

ཟླ་བ་འདིའི་ཕྱི་ཚེས་ ༡༨ ཉིན་བོད་མདོ་སྨད་རེབ་གོང་སྒོ་དམར་ས་གནས་རྒྱ་ནག་གཞུང་ཕྱོགས་ཀྱིས་རེབ་གོང་སྨད་པ་སྡེ་བ་བདུན་གྱི་ཁོངས་རི་རྩ་སྡེ་བ་ཡོད་སར་མེ་འཁོར་འབབ་ཚུགས་འཛུགས་སྐྲུན་དང་། རེབ་གོང་ཞོ་ཕུང་ཕྱོགས་སུ་ཆུ་མཛོད་གློག་ཁང་གསར་རྒྱག་སོགས་འཛུགས་སྐྲུན་ལ་ཁ་གཡར་ཏེ་རེབ་གོང་སྙན་ཐོག་དང་སྒོ་དམར་སྡེ་བའི་ས་ཞིང་ཨེ་ཀ་ཆིག་སྟོང་ལྷག་ལ་རིན་གོང་ཧ་ཅང་དམའ་པོ་ལས་མ་སྤྲད་པ་མ་ཟད་ད་ལོ་ཞིང་ཁ་འདེབས་མ་བཅུག་པར་གཞུང་བཞེས་བཏང་འདུག ས་གནས་མང་ཚོགས་ཀྱི་མ་འོངས་པའི་འཚོ་རྟེན་མེད་པར་གྱུར་བར་བརྟེན་ཧ་ཅང་བློ་འཚབ་ཆེན་པོའི་ངང་གནས་ཡོད་པ་དང་། ས་གནས་རྒྱ་ནག་སྲིད་གཞུང་གིས་ཞུང་བཞེས་བཏང་བའི་ས་ཞིང་དེ་དག་རིན་གོང་ཁེ་བོ་ཐོག་ངེས་པར་དུ་བཙོང་དགོས་པའི་བཙན་བཀའ་བཏང་བར་ཡུལ་མི་ཚོས་ས་ཞིང་དེ་དག་བཙོང་ནས་དངུལ་ཏོག་ཙམ་རག་ནས་འཚོལ་བ་འཁྱོལ་ཙམ་ཡོང་གི་ཡོད་ནའང་། དེ་དག་ང་ཚོའི་མི་རབས་རྗེས་མའི་བུ་ཕྲུག་རྣམས་ཀྱི་འཚོ་བའི་རྟེན་གཞི་ས་ཞིང་མེད་ན་འཚོ་བ་ཇི་ལྟར་བསྐྱེལ་དགོས་སམ་ཞེས་ས་གནས་རྫོང་སྲིད་གཞུང་ལ་རེ་སྐུལ་ཞུས་ཀྱང་ཉན་འཇོག་བྱས་མེད་པ་རེད་འདུག སྤྱིར་སྔ་ལོའི་ཟླ་ ༣  པའི་ནང་རྒྱ་ནག་གཞུང་གིས་ཡར་རྒྱས་དང་འཛུགས་སྐྲུན་ལ་ཁ་གཡར་ཏེ་གོང་གསལ་སྡེ་བ་དེ་དག་གི་ས་ཞིང་རྒྱལ་ཁབ་ལ་སྤྲོད་དགོས་པའི་བཙན་བཀའ་བཏང་ཡོད་པ་དང་། སྐབས་དེར་ས་གནས་མང་ཚོགས་ཀྱིས་ས་ཞིང་གཞུང་བཞེས་བཏང་ན་ཁོ་ཚོའི་མི་རབས་རྗེས་མ་ཚོར་འཚོ་བའི་རྟེན་གཞི་གང་ཡང་མེད་པར་གྱུར་རྒྱུ་མ་ཟད། རྒྱ་མི་མང་པོ་གནས་སྤོ་བྱས་ཏེ་བོད་ཀྱི་ཡུལ་སྲོལ་གོམས་གཤིས་དང་རིག་གཞུང་བཅས་ལ་ཉམས་ཉེས་ཡོང་རྒྱུ་ཡིན་སྟབས་དེ་ལྟར་མི་དགོས་པའི་གོང་རིམ་ལ་ཞུ་གཏུག་རིམ་པར་བྱས་ཀྱང་དེ་ནི་རྒྱལ་ཁབ་ཀྱི་བཀའ་ཡིན་པར་བརྗོད་ནས་མང་ཚོགས་ཀྱི་རེ་འདུན་ལ་བདག་སྤྲོད་གང་ཡང་མ་བྱས་པར་ཉེ་ཆར་དངོས་སུ་གཞུང་བཞེས་བཏང་འདུག དེ་བཞིན་ཉེ་འཁོར་གྱི་རེབ་གོང་སེང་གཞོང་སྡེ་བ་དང་རྒྱལ་ཚང་མ་སྡེ་བ། ཧོར་རྒྱ་སོགས་སུ་ཡང་ས་ཞིང་གཞུང་ལམ་དང་ཁང་བརྩེགས་སྐྲུན་ཡུལ་དུ་ཁེལ་བ་རྣམས་གཞུང་བཞེས་བཏང་བ་མ་ཟད། ཨེ་ཀར་རེར་གུན་གསབ་རྒྱ་སྒོར་ཁྲི་ ༢༥ ཡས་མས་ལས་སྤྲད་མེད་པ་རེད། འོན་ཀྱང་གོང་གསལ་སྒོ་དམར་སྡེ་བའི་ས་ཞིང་ལ་ཨེ་ཀ་གཅིག་ལ་རྒྱ་སྒོར་ཁྲི་ ༡༣ དང་ཁྲི་ ༡༤ ཡས་མས་མ་གཏོགས་མ་སྤྲད་པར་གུན་གསབ་ཉུང་བ་སྤྲད་འདུག

རེས་གཟའ་ཉི་མ། ༢༠༡༨།༠༤།༢༩

ཉན་པ།: Listen ཕབ་ལེན། Download བློ་གསར་གཞོན་ནུ། ན་གཞོན་ལྷ་མོའི་སྒྱུ་སྩལ་བ་ཁག་ཅིག་དང་གླེང་མོལ། Sunday 29/04/2018 Young Minds: In conversation with young artists of the 23rd Tibetan Opera Festival

རེས་གཟའ་སྤེན་པ། ༢༠༡༨།༠༤།༢༨

ཉན་པ།: Listen ཕབ་ལེན། Download མོ་དཱི་དང་ཞི་ཅིང་ཕིང་གཉིས་དབར་རྒྱ་ནག་གི་ཝུ་ཧཱན་གྲོང་ཁྱེར་ནང་དུ་ནང་ལུགས་ཀྱི་གྲོས་མོལ་གནང་བཞིན་པ་དང་བསྟུན་རྒྱ་དཀར་ནག་གཉིས་ཀྱི་འབྲེལ་ལམ་དང་རྒྱ་གར་གྱི་བོད་ཐོག་འཛིན་པའི་སྲིད་བྱུས་སྐོར་ལ་གླེང་མོལ། Saturday 28/04/2018 Modi-Xi Informal Meet in Wuhan: Sino-India ties and India’s Tibet Policy

རེས་གཟའ་པ་སངས། ༢༠༡༨།༠༤།༢༧

ཉན་པ།: Listen ཕབ་ལེན། Download མོ་དཱི་དང་ཞི་ཅིང་ཕིང་གཉིས་ཀྱི་ནང་ལུགས་མཇལ་མོལ་སྐབས་བོད་ཀྱི་གནད་དོན་གླེང་བའི་རེ་འབོད། ཨ་རིའི་ཕྱི་སྲིད་ལས་ཁུངས་ནས་༸པན་ཆེན་རིན་པོ་ཆེ་མཆོག་འཕྲལ་དུ་གློད་བཀྲོལ་དགོས་པ་གསུངས་འདུག བོད་མི་གློག་བརྙན་བཟོ་སྐྲུན་པར་མ་དངུལ་འབུམ་ ༢ རེ་གནང་རྒྱུ། ལ་དྭགས་བོད་མི་རྣམས་ནས་རྒྱ་གར་གཞུང་མང་ལ་ཐུགས་རྗེ་ཆེ་ཞུས་པ། སྨན་རི་གླིང་དུ་རིས་མེད་མདོ་སྔགས་བགྲོ་གླེང་ཚོགས་ཆེན་ཐེངས་དང་པོ་ཚོགས་པ། Friday 27/04/2018 Exile Tibetans on Xi-Modi Informal meet in Wuhan US State Department calls for immediate release of Panchen Lama CTA announces Tibet TV Take-Off Film Grant-2018, launches new app Thank You India program held in Ladakh Sonamling Tibetan settlement Non-Sectarian Meet on Sutra and Tantra held at Menriling Monastery

ཨ་རིའི་གྲོས་ཚོགས་ནས་བོད་བརྒྱུད་ནང་བསྟན་གྱི་བླ་སྤྲུལ་ཡང་སྲིད་ངོས་འཛིན་ཞུ་ཕྱོགས་ལ་རྒྱབ་སྐྱོར་གྱི་གྲོས་ཆོད་བཞག་པ།

ཨ་རིའི་གྲོས་ཚོགས་གོང་མའི་ནང་མང་མོས་ཐོག་བོད་བརྒྱུད་ནང་བསྟན་གྱི་བླ་སྤྲུལ་ངོས་འཛིན་ཞུ་རྒྱུའི་སྲོལ་རྒྱུན་ལམ་ལུགས་ལ་རྒྱབ་སྐྱོར་གྱི་གྲོས་ཆོད་ཞིག་འཇོག་པ་དང་འབྲེལ་ཏེ་བོད་མི་ཚོར་རང་ཉིད་ཀྱི་ཆོས་ཕྱོགས་ཀྱི་དབུ་ཁྲིད་ངོས་འཛིན་ཞུ་རྒྱུའི་ཐོབ་ཐང་ཡོད་པ་ལས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་གཞུང་ཕྱོགས་ནས་བོད་བརྒྱུད་ནང་བསྟན་གྱི་ཆོས་ཕྱོགས་ཀྱི་གནང་སྒོ་ཐོག་ཐེ་བྱུས་བྱེད་བཞིན་པ་ནི་ནོར་འཁྲུལ་ཞིག་རེད་ཅེས་གསུངས་འདུག གྲོས་ཆོད་དེ་ནི་ཁ་སང་ཚེས་ ༢༥ ཉིན་མོ་སྟེ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་དགུང་གྲངས་ ༢༩ ལ་ཕེབས་པའི་༸སྐུའི་འཁྲུངས་སྐར་དུས་ཚིགས་དང་བསྟུན། ཨ་རིའི་གྲོས་ཚོགས་འཐུས་མི་སྐུ་ཞབས་ Partrick leahy ལགས་ཀྱིས་ཁོང་གི་ཕྱག་རོགས་གྲོས་ཚོགས་འཐུས་མི་ Feinstein ལགས་ Curz ལགས། དེ་བཞིན་ Rubio ལགས་བཅས་ཀྱི་སྐུ་ཚབ་གནང་ནས་ངོ་སྤྲོད་གནང་འདུག བོད་མིའི་སྒྲིག་འཛུགས་ཀྱི་དྲ་གནས་ཐོག་གནས་ཚུལ་སྤེལ་བར་གཞིགས་ན། ད་ལན་ཨ་རིའི་གྲོས་ཚོགས་གོང་མའི་ནང་འཇོག་གནང་བའི་བོད་བརྒྱུད་ནང་བསྟན་བླ་སྤྲུལ་ཡང་སྲིད་ངོས་འཛིན་ཞུ་ཕྱོགས་ཀྱི་གྲོས་ཆོད་དེ་ནི་ཨ་རིའི་གྲོས་ཚོགས་ནས་བོད་མི་བླ་སྤྲུལ་ཡང་སྲིད་ངོས་འཛིན་ཞུ་ཕྱོགས་ཐད་ལ་གྲོས་ཆོད་འཇོག་པ་ཆེས་ཐོག་མ་ཆགས་ཀྱི་འདུག་པ་དང་། ཨ་རིའི་གྲོས་ཚོགས་སུ་འཇོག་པའི་གྲོས་ཆོད་དེ་གཙོ་བོ་དེ་སྔ་ཕྱི་ལོ་ ༢༠༡༡ ལོར་༸གོང་ས་༸སྐྱབས་མགོན་ཆེན་པོ་མཆོག་གིས་༸སྐུའི་ཡང་སྲིད་སྐོར་བསྩལ་བའི་ཡོངས་ཁྱབ་བསྒྲགས་གཏམ་ལུང་འདྲེན་གནང་འདུག ༸གོང་ས་༸སྐྱབས་མགོན་ཆེན་པོ་མཆོག་གིས་སྐབས་དེར་མགོན་པོ་༸གང་ཉིད་མཆོག་མ་འོངས་པར་༸རྗེ་དགེ་འདུན་གྲུབ་ཀྱི་དགུང་གྲངས་ཙམ་དུ་ཕེབས་སྐབས་ཆོས་བརྒྱུད་བླ་ཆེན་ཁག་དང༌། བོད་མི་གཙོས་པའི་འབྲེལ་ཡོད་དད་ལྡན་མང་ཚོགས་ལ་གོ་བསྡུར་གནང་སྟེ་༸རྒྱལ་དབང་སྐུ་ཕྲེང་རྒྱུན་མཐུད་དགོས་མིན་བསྐྱར་ཞིབ་ཀྱིས་ཐུགས་ཐག་གཅད་གནང་འཆར་ཡོད་པ་དང།  གལ་ཏེ་༸རྒྱལ་དབང་སྐུ་ཕྲེང་རྒྱུན་མཐུད་དགོས་པ་དང༌སྐུ་ཕྲེང་བཅོ་ལྔ་པའི་ཡང་སྲིད་ངོས་འཛིན་གནང་དགོས་པའི་དུས་སྐབས་ཤིག་ཤར་ཚེ་དེའི་གནང་སྒོ་ཁག་གི་འགན་ཁུར་གཙོ་བོ་ཏཱ་ལའི་བླ་མའི་བླ་བྲང་དགའ་ལྡན་ཕོ་བྲང་ཡིད་ཆེས་དགེ་རྩའི་དབང་ལྡན་འགན་འཛིན་རྣམས་ལ་ཡོད་པ་ལས། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ཆབ་སྲིད་དབང་འཛིན་པ་གཙོས་པའི་སྲིད་དབང་འཛིན་པ་སུ་ཞིག་ནས་ཡང་སྤྲུལ་འདེམས་སྒྲུག་བྱས་པ་བྱུང་ཚེ་དེ་ལ་སུས་ཀྱང་༸རྒྱལ་བའི་ཡང་སྤྲུལ་དུ་ངོས་འཛིན་དང་དད་མོས་གནང་མི་དགོས་པ་ཡིད་འཇགས་དགོས་པ་སོགས་བཀའ་བསྩལ་ཡོད་པ་རེད། ད་རེས་ཨ་རིའི་གྲོས་ཚོགས་སུ་བོད་བརྒྱུད་ནང་བསྟན་གྱི་བླ་སྤྲུལ་ཡང་སྲིད་ངོས་འཛིན་ཞུ་ཕྱོགས་ཀྱི་གྲོས་ཆོད་དེ་ལྟ་བུ་འཇོག་ཐུབ་པར་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་འབྲེལ་ཡོད་གྲོས་ཚོགས་འཐུས་མི་རྣམ་པར་ཐུགས་རྗེ་ཆེ་ཞུས་པ་དང་འབྲེལ། གྲོས་ཆོད་དེ་ནི་བོད་མིའི་རང་དབང་དང་ཐོབ་ཐང་ལ་རྒྱབ་སྐྱོར་གྱི་རྣམ་པ་ཤུགས་ཆེ་མཚོན་གྱི་ཡོད་པ་མ་ཟད། གྲོས་ཆོད་དེའི་བརྒྱུད་རྒྱ་གཞུང་ལ་རྒྱ་ནག་གཙོས་པའི་རྒྱལ་སྤྱིའི་སྤྱི་ཚོགས་ལ་མིག་དཔེ་ཞིག་དང་བརྡ་ལན་ཤུགས་ཆེ་སྤྲད་ཡོད་པ་གསུངས་འདུག ལྷག་དོན་ཨ་རིའི་གྲོས་ཆོད་དེའི་ནང་ད་དུང་བོད་མིའི་གཞི་རྩའི་ཐོབ་ཐང་དང་རང་དབང་ལ་རྒྱབ་སྐྱོར་གནང་བ་དང་འབྲེལ། རྒྱ་ནག་ཏུ་ཡོད་པའི་ཨ་རིའི་གཞུང་ཚབ་པའི་ངོས་ནས་རྒྱ་གཞུང་གི་བཙོན་འཇུག་འོག་ཡོད་པའི་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་དང་མཇལ་འཕྲད་ཞུ་དགོས་པའང་གསུངས་ཡོད་པ་རེད།  

Latest news