Tibetan Royal Year of 2151 | Year of the Wood Dragon

ARCHIVE

Monthly Archives: January, 2018

རེས་གཟའ་ཟླ་བ། ༢༠༡༨།༠༡།༢༩

ཉན་པ།: Listen ཕབ་ལེན། Download ༸གོང་ས་མཆོག་༸སྐུའི་འཕྲོད་བཞེས་བརྟག་དཔྱད་ཆེད་ལྡི་ལིར་ཉིན་གྲངས་གསུམ་རིང་བཞུགས་ཞག་མཛད་རྒྱུ། བོད་གསེར་རྟ་བླ་རུང་ཆོས་སྒར་ལ་བཏང་འཛིན་བྱེད་མཁན་རྒྱ་ནག་དམར་ཤོག་ཚོགས་པའི་ལས་བྱེད་ ༢༠༠ ཙམ་བསྐོ་བཞག་བྱས་འདུག ཧངྒྷཱ་རིའི་གྲོས་ཚོགས་ནང་བོད་དོན་རྒྱབ་སྐྱོར་ཚོགས་པ་གསར་འཛུགས་གནང་དགོས་པའི་འབོད་སྐུལ། སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པ་ཀཿ ཐོག་དགེ་རྩེ་རིན་པོ་ཆེ་མཆོག་ནས་༸གོང་ས་མཆོག་ལ་གསར་མཇལ་ཞུས་པ། བོད་ཀྱི་རྒྱལ་རབས་དང་ལོ་རྒྱུས་ངོ་སྤྲོད། རྒྱལ་མཆོག་༸སྐུ་ཕྲེང་གསུམ་པ། Monday 29/01/2018 Dalai Lama arrives in Delhi, to undergo routine health check Over 200 CPC cadres taking over all management of Larung Gar Swiss Tibetan Representative urges for formation of Tibet group in Hungarian Parliament Special feature: Interview with newly enthroned 7th head of Nyingma Sect HISTORY FEATURE: The 3rd Dalai Lama Sonam Gyatso

བོད་གསེར་རྟ་བླ་རུང་ཆོས་སྒར་ལ་བཏང་འཛིན་བྱེད་མཁན་རྒྱ་ནག་དམར་ཤོག་ཚོགས་པའི་ལས་བྱེད་ ༢༠༠ ཙམ་བསྐོ་བཞག

རྒྱ་ནག་གཞུང་གིས་བོད་གསེར་རྟ་བླ་རུང་སྒར་གྱི་འཛིན་སྐྱོང་དང་བདེ་འཇགས། དཔལ་འབྱོར། སློབ་ཁྲིད་དང་སློབ་ཞུགས་སོགས་ཀྱི་ལས་དོན་ཡོངས་ལ་བཏང་འཛིན་ཆེད་རྒྱ་ནག་དམར་ཤོག་ཚོགས་པའི་ལས་བྱེད་ ༢༠༠ ཙམ་བསྐོ་བཞག་བྱས་ཡོད་པ་མངོན་གསལ་གནང་འདུག དེ་ཡང་ཉེ་ཆར་ཟླ་ ༡ ཚེས་ ༢༤ ཉིན་ཨ་རིར་རྟེན་གཞི་བྱས་པའི་འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་གནས་ཚུལ་སྤེལ་བར་ལྟ་ཞིབ་ཚོགས་པར་རྒྱ་ནག་གཞུང་འབྲེལ་ཡིག་ཆ་ཞིག་ལག་སོན་བྱུང་བའི་ནང་བླ་རུང་སྒར་དུ་གྲྭ་ཤག་གཏོར་བཤིག་དང་གྲྭ་བཙུན་ཕྱིར་ཕུད་ཀྱི་ལས་རིམ་ཡོངས་མཇུག་སྒྲིལ་རྗེས། མ་འོངས་པར་དགོན་པའི་འཛིན་སྐྱོང་དང་བདེ་འཇགས། དཔལ་འབྱོར། སློབ་ཁྲིད། སློབ་ཞུགས། དེ་བཞིན་སློབ་ཁྲིད་ཀྱི་ནང་དོན་གཏན་འབེབས་བཅས་ཀྱི་ལས་དོན་ཡོངས་རྫོགས་ཐོག་ལ་བཏང་འཛིན་བྱ་སླད་རྒྱ་ནག་དམར་ཤོག་ཚོགས་པའི་ལས་བྱེད་ ༢༠༠ ཙམ་བསྐོ་བཞག་བྱས་ཡོད་པ་བཀོད་འདུག སྔ་ལོའི་ཕྱི་ཟླ་ ༨ པའི་ནང་རྒྱ་གཞུང་གིས་བླ་རུང་སྒར་དང་འབྲེལ་བའི་ཡིག་ཆ་འདོན་སྤེལ་བྱས་ཡོད་པ་ལྟར་བླ་རུང་སྒར་དེ་ལྔ་རིག་ནང་བསྟན་སློབ་གླིང་དང་བླ་རུང་ཆོས་སྒར་ཞེས་དུམ་བུ་གཉིས་སུ་དབྱེ་རྒྱུ་དང། དུམ་བུ་གཉིས་པོའི་འཛིན་སྐྱོང་ཙམ་མ་ཟད། ཚོགས་སྡེ་ཆེ་ཆུང་ཡོངས་རྫོགས་ནང་དུ་ཚོགས་མི་བརྒྱ་ཆ་ ༥༠ དམར་ཤོག་ཚོགས་པའི་ལས་བྱེད་བཞག་རྒྱུ། ལྷག་ཏུ་ལྔ་རིག་ནང་བསྟན་སློབ་གླིང་གཅིག་པོའི་ནང་དུ་ལས་བྱེད་པ་ ༩༧ བཞག་རྒྱུ་ཡིན་པ་བཞིན་ཚོགས་སྡེ་ཆེ་ཆུང་ཚང་མའི་འགོ་འཛིན་གྱི་གནས་རིམ་མཐོ་ཤོས་སུ་རྒྱ་གཞུང་མི་སྣ་བཞག་ཡོད་པ་རེད། རྒྱ་གཞུང་གི་ཡིག་ཆའི་ནང་ཕྱིན་ཆད་བླ་རུང་སྒར་དུ་ཟི་ཁྲོན་ཞིང་ཆེན་ཁོངས་ནས་ཡིན་པ་མ་གཏོགས་ཕྱི་ཕྱོགས་ནས་སློབ་མ་འཛུལ་ཞུགས་མི་ཆོག་པ་དང་། ནང་བསྟན་སློབ་གླིང་དུ་འཛིན་གྲྭ་ཁྱོན་ཡོངས་ཀྱི་བརྒྱ་ཆ་ ༤༠ ཆབ་སྲིད་དང་ཆོས་ཐོག་འབྲེལ་མེད་གནད་དོན་གཞན་གྱི་ཐོག་སློབ་ཁྲིད་བྱ་རྒྱུ་དང་། དེ་བཞིན་སློབ་གཉེར་བ་གསར་ཞུགས་སྐབས་ཆབ་སྲིད་ཀྱི་ལངས་ཕྱོགས་དང། རྒྱལ་ཁབ་ལ་ཞེན་ཁོགས། རྒྱ་ནག་གི་རིག་གཞུང་དང་དམར་ཤོག་ཚོགས་པའི་ལྟ་གྲུབ་ལ་ངོས་ལེན་གནང་མིན་དེ་ཆ་རྐྱེན་གལ་ཆེ་ཞིག་ཆགས་རྒྱུ་ཡིན་པ་སོགས་འཁོད་འདུག འགྲོ་བ་མིའི་ཐོབ་ཐང་ལྟ་ཞིབ་ཚོགས་པའི་རྒྱ་ནག་སྡེ་ཚན་གྱི་ངེས་སྟོན་པ་ལྕམ་ Sophie Richardson ལགས་ཀྱིས་རྒྱ་ནག་གཞུང་གིས་བླ་རུང་སྒར་གྱི་བཏང་འཛིན་དང་འབྲེལ་བའི་བསྒྱུར་བཅོས་དེ་དག་བོད་མིའི་ཆོས་དད་རང་དབང་དང་ཡོངས་སུ་དངོས་འགལ་ཆགས་ཡོད་པ་མ་ཟད། དེས་མང་ཚོགས་ཀྱི་ངོས་ནས་གཞུང་ལ་མི་དགའ་བའི་ཚོར་ཤུགས་ཆེ་རུ་གཏང་ངེས་ཡིན་པ་མངོན་གསལ་གནང་འདུག ད་དུང་ཁོང་གིས་རྒྱ་གཞུང་གིས་དེ་ལྟར་བྱེད་བཞིན་ཡོད་པ་དེས་གྲྭ་བཙུན་ཕྱིར་ཕུད་ཙམ་མ་ཟད་ཆོས་སྒར་གྱི་ལས་དོན་ཡོངས་ཀྱི་ཐོག་བཏང་འཛིན་དོ་ནན་དང་ཐེ་བྱུས་བྱ་རྒྱུར་ཆེད་དམིགས་ཀྱིས་ལས་དོན་སྤེལ་བ་ཞིག་ཡིན་པ་གསུངས་འདུག་པ་དང་ཆབས་ཅིག མ་འོངས་པར་རྒྱ་ནག་གི་མི་སེར་ཡོངས་རྫོགས་ཀྱི་ཆོས་དད་རང་དབང་ལ་དྲག་གནོན་གྱི་ཉེན་ཁ་ཆེ་རུ་འགྲོ་རྒྱུ་ཡིན་པ་མངོན་གསལ་ཆགས་ཡོད་པ་གསུངས་འདུག རྩ་བའི་བོད་གསེར་རྟ་བླ་རུང་སྒར་དུ་རྒྱ་ནག་གཞུང་གིས་ཕྱི་ལོ་ ༢༠༡༦ ལོའི་ཕྱི་ཟླ་ ༧ པ་ནས་བཟུང་གྲྭ་ཤག་གཏོར་བཤིག་དང་གྲྭ་བཙུན་ཕྱིར་ཕུད་ཀྱི་ལས་གཞི་སྤེལ་བའི་ཁྲོད། བླ་རུང་ཆོས་སྒར་གྱི་གྲྭ་ཤག་ ༤༧༠༠ ལྷག་གཏོར་བཤིགས་བཏང་ཟིན་པ་དང་། བླ་རུང་སྒར་དང་ཡར་ཆེན་སྒར་གཉིས་ནས་གྲྭ་བཙུན་དང་སློབ་གཉེར་བ་ཁྱོན་ ༤༨༠༠ ལྷག་ཕྱིར་ཕུད་བཏང་ཡོད་པ་རེད།

༸གོང་ས་མཆོག་༸སྐུའི་འཕྲོད་བཞེས་བརྟག་དཔྱད་ཆེད་ལྡི་ལིར་བཞུགས་ཞག་མཛད་རྒྱུ།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གནས་མཆོག་རྡོ་རྗེ་གདན་དུ་ཆོས་འབྲེལ་གྱི་མཛད་འཕྲིན་ཁག་ལེགས་གྲུབ་ཀྱིས་རྒྱལ་ས་ལྡི་ལིར་༸སྐུའི་འཕྲོད་བཞེས་བརྟག་དཔྱད་ཆེད་ཉིན་གྲངས་གསུམ་རིང་བཞུགས་ཞག་མཛད་ཀྱི་འདུག དེ་ཡང་༸གོང་ས་༸སྐྱབས་མགོན་ཆེན་པོ་མཆོག་གནས་མཆོག་རྡོ་རྗེ་གདན་དུ་གཟའ་འཁོར་བཞི་ལྷག་གྱི་མཛད་འཕྲིན་ཁག་ལེགས་གྲུབ་ཀྱིས་ཁ་སང་མཁའ་ལམ་བརྒྱུད་རྒྱལ་ས་ལྡི་ལིར་ཆིབས་བསྒྱུར་མཛད་ཡོད་པ་རེད། དེ་རིང་ཚེས་ ༢༩ ནས་ ༣༡ བར་བཅས་ཉིན་གྲངས་གསུམ་རིང་མགོན་པོ་༸གང་ཉིད་མཆོག་ལྡི་ལིར་རྟེན་གཞི་བྱས་པའི་ Max སྨན་ཁང་དུ་ལོ་རེའི་མཚམས་སུ་༸སྐུའི་འཕྲོད་བཞེས་བརྟག་དཔྱད་དང་འབྲེལ་༸སྐུ་གཟུགས་བརྟག་དཔྱད་གནང་སྲོལ་ཡོད་པ་ལྟར་གནང་རྒྱུ་ཡིན་པ་མ་ཟད། ཁུལ་དེར་ཡོད་པའི་རྒྱ་གར་གཞུང་གི་ AIIMS སྨན་ཁང་དུའང་སྤྱན་བརྟག་དཔྱད་གནང་རྒྱུ་རེད་འདུག གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་ཁ་སང་རྡོ་རྗེ་གདན་ནས་ཆིབས་ཐོན་མ་མཛད་གོང་རྡོ་རྗེ་གདན་གྱི་བྱང་ཆུབ་མཆོད་རྟེན་རིན་པོ་ཆེར་གནས་གཟིགས་དང་འབྲེལ་སྟོན་པའི་༸སྐུ་བརྙན་རིན་པོ་ཆེར་ཐུགས་སྨོན་མཛད་ཡོད་པ་དང་། ཕྱི་ཚེས་ ༢༧ ཉིན་སྔ་ཐོག་ཚོུད་ ༨ སྟེང་སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པ་༸སྐྱབས་རྗེ་ཀཿ ཐོག་དགེ་རྩེ་རིན་པོ་ཆེ་མཆོག་གིས་དབུས་པའི་སྔ་འགྱུར་རྙིང་མའི་སྐུ་ཚབ་རྣམ་པ་དང་སྤྱི་འཐུས། རི་མགོ་སྤྲུལ་སྐུ་སོགས་བླ་ཆེན་ཁག་གཅིག་ནས་གནས་མཆོག་རྡོ་རྗེ་གདན་དུ་༸གོང་ས་༸སྐྱབས་མགོན་ཆེན་པོ་མཆོག་ལ་གསར་མཇལ་ཞུས་ཡོད་པ་དང་། ༸སྐྱབས་རྗེ་ཀཿ ཐོག་དགེ་རྩེ་རིན་པོ་ཆེ་མཆོག་གིས་མགོན་པོ་༸གང་ཉིད་མཆོག་ལ་མཎྜལ་རྟེན་གསུམ་འདེགས་འབུལ་ཞུས་ཡོད་པ་དང་། ༸གོང་ས་མཆོག་གིས་རིན་པོ་ཆེ་མཆོག་ལ་གུ་རུའི་སྐུ་བརྙན་བྱིན་ཅན་ཞིག་ཕྱག་རྟགས་སུ་གསོལ་སྩལ་མཛད་དེ་སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པར་འདེམས་ཐོན་བྱུང་བར་དགའ་བསུའི་འཚམས་འདྲི་ཡང་མཛད་ཡོད་པ་རེད། དེ་བཞིན་༸གོང་ས་མཆོག་ནས་ཕྱི་ཚེས་ ༢༥ ཉིན་བྱང་ཆུབ་མཆོད་རྟེན་ཆེན་གྱི་ཉེ་འགྲམ་དུ་རྟེན་གཞི་བྱས་པའི་ཐའི་ལེནྜི་དགོན་པ་གསར་པ་ At Watpa ཞེས་པ་དབུ་འབྱེད་རབ་གནས་མཛད་པ་དང་ཆབས་ཅིག ཆོས་ལུགས་ཚང་མའི་དམིགས་ཡུལ་ནི་བདེ་སྐྱིད་བསྐྲུན་རྒྱུ་གཅིག་མཚུངས་ཡིན་པ་རེད། ལྷག་ཏུ་དེང་སྐབས་ཚན་རིག་མཁས་པ་མང་པོས་ནང་པའི་སེམས་ཁམས་རིག་པའི་ཐོག་དམིགས་བསལ་དོ་སྣང་བྱེད་བཞིན་ཡོད་སྟབས་ནང་ཆོས་ལ་བསླབ་པ་སློབ་གཉེར་གནང་རྒྱུ་གལ་ཆེ་ཡིན་པར་ལམ་སྟོན་བཀྲིན་བསྩལ་འདུག གསར་འགོད་པས་དཔལ་ལྡན་དགའ་ལྡན་ཕོ་བྲང་གི་རྒྱ་གར་དང་ལྷོ་ཤར་ཨེ་ཤ་ཡའི་ངེས་སྟོན་པ་བཀའ་ཟུར་བསྟན་པ་ཚེ་རིང་ལགས་སུ་༸གང་ཉིད་མཆོག་གི་༸སྐུའི་འཕྲོད་བཞེས་བརྟག་དཔྱད་དང་འབྲེལ་བའི་ཐོག་བཀའ་འདྲི་ཁག་ཅིག་ཞུས་ཡོད། རྩ་བའི་༸གོང་ས་༸སྐྱབས་མགོན་ཆེན་པོ་མཆོག་ཟླ་བ་སྔོན་མའི་ཕྱི་ཚེས་ ༧ ཉིན་བཞུགས་སྒར་ནས་ཕེབས་ཐོན་གྱིས་ད་བར་ཟླ་བ་གཉིས་ཙམ་རིང་རྒྱ་གར་ལྷོ་ཕྱོགས་ཀྱི་གྲོང་ཁྱེར་མུམ་བའེ་དང་སྦེང་ལོར། པུ་ནེ། རྒྱ་གར་ལྷོ་ཕྱོགས་བོད་མིའི་གཞིས་ཆགས་ཁག་ཅིག ཝཱ་རཱ་ཎ་སཱི། དེ་བཞིན་རྡོ་གདན་བཅས་སུ་མང་ཚོགས་ལ་བཀའ་སློབ་དང་ཆོས་འབྲེལ་གྱི་མཛད་འཕྲིན་རྒྱ་ཆེ་བསྐྱངས་ཡོད་པ་རེད། མཛད་འཆར་ལྟར་ན། མགོན་པོ་༸གང་ཉིད་མཆོག་གི་༸སྐུའི་འཕྲིད་བཞེས་བརྟག་དཔྱད་གྲུབ་རྗེས་ཟླ་ ༢ ཚེས་ ༡ ཉིན་བཞུགས་སྒར་དུ་ཚུར་ཆིབས་བསྒྱུར་མཛད་ཀྱི་ཡོད་པ་དང་། ཟླ་ ༣ ཚེས་ ༢ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་སྐྱེས་རབས་སོ་བཞིའི་བཀའ་ཆོས་བསྩལ་རྒྱུ་ཡིན་པ་རེད།

རེས་གཟའ་ཉི་མ། ༢༠༡༨།༠༡།༢༨

ཉན་པ།: Listen ཕབ་ལེན། Download བདེ་ལེགས་སྨན་ཁང་གི་བྱིས་པའི་སྨན་པ་བསོད་ནམས་སྟོབས་རྒྱལ་ལགས་དང་ལྷན་དུ་བྱིས་པའི་ནད་གཞི་མངོན་འགོག་གི་ཁྱབ་བརྒྱབ་ཕྱོགས་དང་ཟས་ཅུད་སྐོར་གླེང་མོལ། Saturday 28/01/2018 Immunization and Nutrition: Interview with Pediatrician Dr. Sonam Topgyal

རེས་གཟའ་སྤེན་པ། ༢༠༡༨།༠༡།༢༧

ཉན་པ།: Listen ཕབ་ལེན། Download ༢༠༡༨ རྒྱ་གར་ལ་ཐུགས་རྗེ་ཆེ་ཞུའི་ལོ་ཞེས་པའི་སྐོར་ལ་གནད་འདྲི། Saturday 27/01/2018 THANK YOU INDIA: Interview with DIIR Sec, Tenzin Dhardon Sharling

རེས་གཟའ་པ་སངས། ༢༠༡༨།༠༡།༢༦

ཉན་པ།: Listen ཕབ་ལེན། Download གནས་མཆོག་རྡོ་རྗེ་གདན་དུ་སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པའི་ཁྲི་འདོན་མཛད་སྒོ་གནང་བ། བོད་མིའི་སྒྲིག་འཛུགས་ཀྱིས་རྒྱ་གར་མང་གཙོ་ཉིན་མོར་འཚམས་འདྲི་གནང་བ། ༸སྐུའི་བླ་སྨན་ཟུར་པ་ཡེ་ཤེས་དོན་ལྡན་ལགས་ལ་རྒྱ་གར་གྱི་ཆེས་མཐོའི་གཟེངས་རྟགས་པདྨ་ཤྲི་ཕུལ་འདུག སྲིད་སྐྱོང་མཆོག་ཧྥ་རན་སིའི་གྲོས་ཚོགས་འཐུས་མི་དང་མཇལ་འཕྲད། དམིགས་བསལ་ལེ་ཚན། འཛམ་གླིང་ཤེས་ཡོན་ཐེབས་རྩ་ཁང་གི་གཞོན་སྐྱེས་མགྲིན་ཚབ་པ་བསྟན་འཛིན་ཆོས་དབྱངས་ལགས་སུ་བཅར་འདྲི། Friday 26/01/2018 Enthronement ceremony of the 7th head of Nyingma Sect takes place in Bodhgaya Indian Government confers Padma Shri Award to Dr. Yeshi Dhonden CTA greets India on 69th Republic Day Sikyong meets with French parliamentarians, urges for Tibet support DIASPORA FEATURE: Tenzin Choeyang, Youth Ambassador of World Literacy Foundation

གནས་མཆོག་རྡོ་རྗེ་གདན་དུ་སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པའི་ཁྲི་འདོན་མཛད་སྒོ་གནང་བ།

དེ་རིང་ཟླ་ ༡ ཚེས་ ༢༦ སྔ་དྲོ་ཚོུད་ ༨ སྟེང་གནས་མཆོག་རྡོ་རྗེ་གདན་བྱང་ཆུབ་མཆོད་རྟེན་ཆེན་མོ་ནང་དུ་སྔ་འགྱུར་རྙིང་མའི་སྨོན་ལམ་ཆེན་མོར་བཅར་བའི་རྒྱ་བལ་འབྲུག་གསུམ་གྱི་དགོན་སྡེ་ཁག་ནས་ཕེབས་པའི་དགེ་འདུན་འདུས་མང་དགུ་སྟོང་བརྒལ་བ་ལྷན་འཛོམས་ཐོག་དཔལ་སྔ་འགྱུར་རྙིང་མའི་མཁན་བླ་སྤྲུལ་ཁག་དང་རྙིང་མའི་སྤྱི་འཐུས་རྣམ་པ། སྨོན་ལམ་ཆེན་མོའི་ཚོགས་གཙོ་དང་རྒྱུན་ལས་རྣམ་པས་དབུས་པའི་དགོན་སྡེ་ཁག་གི་སྐུ་ཚབ་དགེ་བསྐོས་རྣམ་པ་བཅས་ཀྱིས་རྟེན་འབྲེལ་བཀྲིས་མཇལ་དར་སྒྲོན་འབུལ་སོགས་གནང་ཐོག་ཀཿ ཐོག་བླ་ཆེན་༸སྐྱབས་རྗེ་ཀཿ ཐོག་དགེ་རྩེ་རིན་པོ་ཆེ་མཆོག་སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པར་བདམས་ཐོན་བྱུང་བའི་ཁྲི་འདོན་གྱི་མཛད་སྒོ་ཚོགས་ཡོད་པ་རེད། དེའང་སྔ་འགྱུར་རྙིང་མའི་དབུ་འཛིན་ཁྲི་རབས་དྲུག་པ་སྟག་ལུང་རྩེ་སྤྲུལ་རིན་པོ་ཆེ་མཆོག་ཕྱི་ལོ་ ༢༠༡༧ ཕྱི་ཟླ་ ༡༢ ཚེས་ ༢༣ ཉིན་གནས་མཆོག་རྡོ་རྗེ་གདན་དུ་དགོངས་པ་གཞན་དོན་དུ་གཤེགས་རྗེས་གནས་དུས་ཀྱི་རྐྱེན་པས་རྙིང་མའི་ཆོས་བརྒྱུད་ཀྱི་དབུ་འཛིན་གསར་པ་ད་བར་གཏན་འཁེལ་བ་བྱུང་ཐུབ་མེད་པ་རེད། ད་ལན་གནས་མཆོག་རྡོ་རྗེ་གདན་དུ་སྔ་འགྱུར་རྙིང་མའི་སྨོན་ལམ་ཆེན་མོ་ཐེངས་ ༢༩ པ་ཚོགས་སྐབས་དང་འབྲེལ་སྔ་འགྱུར་རྙིང་མའི་བླ་ཆེན་ཁག་དང་། སྐུ་ཚབ་བཅས་ལྷན་འཛོམས་སར་སྔ་འགྱུར་རྙིང་མའི་དབུ་འཛིན་ཕེབས་ཕྱོགས་སྐོར་གོ་བསྡུར་ཐག་གཅོད་གནང་དགོས་པའི་སྐོར་སྔ་འགྱུར་རྙིང་མའི་སྤྱི་འཐུས་དང་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་དང་སྤྱི་འཐུས་མཁན་པོ་འཇམ་དཔལ་བསྟན་འཛིན་ལགས་རྣམ་གཉིས་ནས་ཞེན་སྐུལ་གནང་དོན་ལྟར་དེ་དོན་གྲོས་བསྡུར་གནང་ཐོག་དཔལ་༸རྒྱལ་བ་ཀཿ ཐོག་པའི་བླ་ཆེན་༸སྐྱབས་རྗེ་ཀཿ ཐོག་དགེ་རྩེ་རིན་པོ་ཆེ་མཆོག་ལ་མོས་མཐུན་གྲོས་ཆོད་བྱུང་བ་བཞིན་གསོལ་འདེབས་ཞུས་ནས་སྔ་འགྱུར་རྙིང་མའི་དབུ་འཛིན་ཁྲི་རབས་ ༧ པའི་མཚན་གནས་ཞལ་བཞེས་ལེགས་ཐོབ་བྱུང་ཡོད་པ་རེད། བོད་ལ་དེ་སྔ་སྔ་འགྱུར་རྙིང་མའི་དབུ་འཛིན་གྱི་ལམ་སྲོལ་དེ་མེད་ཀྱང་དུས་འགྱུར་བྱུང་རྗེས་བཙན་བྱོལ་ནང་རྙིང་མའི་མ་དགོན་དྲུག་ནས། དེ་ཡང་དང་པོ་ཀཿ ཐོག་དང་རྫོགས་ཆེན། ཞེ་ཆེན། སྨིན་གྲོལ་གླིང་། རྡོ་རྗེ་བྲག དཔལ་ཡུལ་བཅས་ཀྱི་བླ་ཆེན་ཁག་རིམ་པས་དབུ་འཛིན་གྱི་མཚན་གནས་ལོ་གསུམ་རིར་རེ་མོས་བཞེས་གནང་རྒྱུའི་ཐུགས་ཐག་བཅད་ཡོད་པ་རེད། གཞི་རྩའི་སྔ་འགྱུར་རྙིང་མའི་དབུ་འཛིན་བདུན་པ་༸སྐྱབས་རྗེ་ཀཿ ཐོག་དགེ་རྩེ་རིན་པོ་ཆེ་མཆོག་ནི་ཕྱི་ལོ་ ༡༩༥༤ ལོར་མགོ་ལོག་རྡོ་ཡུལ་མཁར་ནང་གོང་མའི་ལྷ་ཁང་སུམ་མདོ་རུ་ཡབ་བློ་ལྡན་ཕུན་ཚོགས་དང་། མ་ཡུམ་ཆོས་འཕགས་སྒྲོལ་གཉིས་ཀྱི་སྲས་སུ་སྐུ་འཁྲུངས། ཨ་འཛོམས་རྒྱལ་སྲས་འགྱུར་མེད་རྡོ་རྗེ་མཆོག་དང་། རྫོང་གསར་འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་མཆོག ཀརྨ་པ་རིག་པའི་རྡོ་རྗེ་མཆོག་སོགས་ནས་ངོས་འཛིན་གནང་བ་བཞིན་ཤར་རྒྱལ་བ་ཀཿ ཐོག་དགོན་དུ་ཕྱི་ལོ་ ༡༩༨༠ ལོར་ཁྲི་འདོན་མཛད་སྒོ་གཟབ་རྒྱས་གནང་། དེ་རྗེས་སྤྲུལ་སྐུ་ཉི་ཟླ་མཆོག་དང་། མཁན་ཆེན་འཇིགས་མེད་ཕུན་ཚོགས་མཆོག ཀཿ ཐོག་མཁན་རྒན་རྒྱལ་མཚན་ནོར་བུ་མཆོག ཀཿ ཐོག་རྨོག་ཚ་རིན་པོ་ཆེ། ཨ་འཛོམས་འབྲུག་པ་རིན་པོ་ཆེ་སོགས་ཀྱི་མདུན་ནས་དབང་ལུང་གིས་ཐུགས་རྒྱུད་ཡོངས་སུ་ཕྱུག་པར་མཛད། ཕྱི་ལོ་ ༡༩༩༧ ལོར་འཕགས་ཡུལ་དུ་ཕེབས་འབྱོར་རྗེས་༸གོང་ས་༸སྐྱབས་མགོན་ཆེན་པོ་མཆོག་གི་དབུས། སྐྱབས་རྗེ་འཁྲུལ་ཞིག་རིན་པོ་ཆེ། སྐྱབས་རྗེ་སྟག་ལུང་རྩེ་སྤྲུལ་རིན་པོ་ཆེ། སྐྱབས་རྗེ་གྲུབ་དབང་པད་ནོར་རིན་པོ་ཆེ་སོགས་ཀྱི་མདུན་དབང་ལུང་གདམས་ངག་མང་པོ་ཞུས་ཤིང་། འཕགས་པའི་གནས་ཆེན་ཁག་ཏུ་སྐུ་མཚམས་ལ་བཞུགས་གནང་བ་དང་། འཛམ་གླིང་ཤར་ནུབ་མང་པོ་ཕེབས་ནས་བསྟན་འགྲོའི་དོན་མཛད་གནང་ཡོད།

Latest news