Tibetan Royal Year of 2151 | Year of the Wood Dragon

ARCHIVE

Monthly Archives: December, 2017

རེས་གཟའ་ལྷག་པ། ༢༠༡༧།༡༢།༢༧

ཉན་པ།: Listen ཕབ་ལེན། Download ༸གོང་ས་མཆོག་དེ་རིང་ཉིན་རྒྱབ་རྒྱལ་ས་ལྡི་ལིར་ཞབས་སོར་བདེ་བར་འཁོད་པ། འཇིགས་བྲལ་གློག་བརྙན་བཟོ་བསྐྲུན་པ་དོན་གྲུབ་དབང་ཆེན་ལགས་ཨ་རིར་བདེ་འབྱོར་བྱུང་འདུག དཀོན་པེ་ལགས་ཀྱི་ཆེད་དུ་གཞུང་འབྲེལ་མཆོད་འབུལ་སྨོན་ལམ་ཚོགས་སོང་། རྩ་དོན་རྩོད་མཁན་ཡིན་པའི་ཐོག་སློབ་སྦྱོང་ལ་ཤུགས་གནོན་ཕར་མ་བརྒྱབ་དགོས། ༸ས་སྐྱ་ཁྲི་ཆེན་༤༡ མཆོག་གིས་བོད་ནས་གསར་དུ་འབྱོར་བའི་བོད་མི་ཚོར་གསུངས་འཕྲིན་བསྩལ་བ། Wednesday 27/12/2017 Dalai Lama arrives in Delhi, will speak at Taqreeb conference series tomorrow Tibetan video activist Dhondup Wangchen arrives in USA to Safety CTA holds solidarity prayer vigil for latest Tibet immolator Eight-day leadership workshop for Tibetan tenth graders kicks off 41st Sakya Trichen sends video message to Tibetan newcomers in Gaya

རྩ་དོན་རྩོད་མཁན་ཡིན་པའི་བསམ་པའི་ཐོག་སློབ་སྦྱོང་ལ་ཤུགས་གནོན་ཕར་མ་རྒྱབ་དགོས།

བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་གཏན་ཉིན་སློབ་གྲྭ་ཁག་གི་འཛིན་རིམ་བཅུ་པའི་འགོ་ཁྲིད་ནུས་པ་སྐྱེད་སྲིང་གནང་ཕྱོགས་དང་འབྲེལ་བའི་ཟབ་སྦྱོང་ཐོག བོད་ཕྲུག་སློབ་མ་ཚོས་རྩ་དོན་རྩོད་མཁན་ཡིན་པའི་བསམ་པའི་ཐོག་ནས་སློབ་སྦྱོང་ལ་ཤུགས་གནོན་ཕར་མ་རྒྱབ་དགོས་པ་གསུངས་འདུག བོད་མིའི་སྒྲིག་འཛུགས་ནས་མ་འོངས་པར་བཙན་འབྱོལ་བོད་མིའི་གཞོན་སྐྱེས་ཁྲོད་ནས་བོད་དོན་འཐབ་རྩོད་དང་སྒྲིག་འཛུགས་སྣེ་ཁྲིད་ཐུབ་མཁན་གྱི་ནུས་པ་ལྡན་པའི་འགོ་ཁྲིད་གང་མང་གསོ་སྐྱོང་བྱ་རྒྱུར་དམིགས་ནས། ཕྱི་ལོ་༢༠༡༣ལོར་ནས་བཟུང་ཤེས་རིག་ལས་ཁུངས་ཀྱི་འགོ་ཁྲིད་འོག བཞུགས་སྒར་དུ་བཙན་འབྱོལ་ནང་གི་གཏན་ཉིན་སློབ་གྲྭ་ཁག་གི་འཛིན་པའི་བཅུ་པའི་སློབ་མ་ཚོར་འགོ་ཁྲིད་ནུས་པ་སྐྱེད་སྲིད་ཞེས་པའི་ཟབ་སྦྱོང་ཞིག་ཕུལ་འགོ་བཙུགས་ཡོད་པ་རེད། འདི་ལོའི་འགོ་ཁྲིད་ནུས་པ་སྐྱེས་སྲིང་གྱི་ཟབ་སྦྱོང་ཐེངས་ལྔ་པ་དེ། དེ་རིང་ཕྱི་ཟླ་༡༢པའི་ཚེས་༢༧ཉིན་བཞུགས་སྒར་རྡ་ཤོད་བོད་ཁྱིམ་སློབ་གྲྭའི་ཚོགས་ཁང་ནང་དུ་སྐོང་ཚོགས་གནང་སོང་བ་དང། ཟབ་སྦྱོང་དབུ་འབྱེད་ཀྱི་མཛད་སྒོའི་སྐུ་མགྲོན་གཙོ་བོར་བོད་མིིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་ཨ་རིའི་དོན་གཅོད་དང་ཤེས་རིག་བཀའ་བློན་གཅིག་ལྕོགས་དངོས་འགྲུབ་ཚེ་རིང་མཆོག་གཙོ་བཞུགས་དང། དེ་མིན་པའི་སློབ་གྲྭ་ཁག་༢༦ནས་སློབ་མ་མཁྱོན་༢༦༣བཅས་འདུ་འཛོམས་བྱུང་འདུག ཐེངས་དེའི་འགོ་ཁྲིད་ནུས་པ་སྐྱེད་སྲིང་གི་ཟབ་སྦྱོང་དེ་བཞིན། དེ་རིང་ནས་བདུན་ཕྲག་རྗེས་མའི་རེ་གཟའ་ལྷག་པར་བར་ཉིན་གྲངས་བརྒྱད་རིང་གནང་གི་འདུག་པ་དང། དུས་ཡུན་དེའི་ནང་དུ། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་སྤྱི་འཐུས་ཚོགས་གཙོ་མཁན་པོ་བསོད་ནམ་བསྟན་འཕེལ་མཆོག་གིས་དབུས་པའི་གཞུང་འབྲེལ་གནད་ཡོད་མི་སྣ་དང་ཆེད་ལས་མི་སྣ་ཁག་ནས། སློབ་མ་ཚོར་འགོ་ཁྲིད་ཁྱད་ཆོས་དང། བོད་ཀྱི་མང་གཙོའི་འཕེལ་རིམ། འབྲེལ་ལམ་སྒྱུ་སྩལ། ལང་འཚོ་དར་བབ་ཀྱི་འཕྲོད་བསྟེན། དྲ་རྒྱའི་བདེ་འཇགས་སོགས་བརྗོད་གཞི་ཁག་འདྲ་མིན་ཐོག་གཏམ་བཤད་དང་དྲི་བ་དྲིས་ལན། དེ་བཞིན་སློབ་མའི་ཐད་བརྗོད་གཏམ་བཤད་དང་། སྒྱུ་སྩལ་འཁྲབ་སྟོན། རྩེད་འགྲན་སོགས་ལས་རིམ་འདྲ་མིན་ཐོག་གོ་སྒྲིག་ཞུས་འདུག ཐེངས་དེའི་ཉིན་བརྒྱད་རིང་གི་ཟབ་སྦྱོང་དེའི་ཐོག་བོད་མིའི་སྒྲིག་འཛུགས་ཤེས་རིག་ལས་ཁུངས་ངོས་ནས། ཧིན་སྒོར་འབུམ༢༣ཙམ་འགྲོ་མགྲོན་བཏང་གི་ཡོད་པ་རེད་འདུག        

རེས་གཟའ་མིག་དམར། ༢༠༡༧།༡༢།༢༦

ཉན་པ།: Listen ཕབ་ལེན། Download ༸གོང་ས་མཆོག་གིས་སངས་རྒྱས་ཀྱི་གཞུང་ནས་གསུངས་པའི་མི་ཚེའི་སླབ་བྱ་རྣམས་སློབ་ཚན་དུ་བཞག་དགོས་པ་བཀའ་བསྩལ་བ། སྲིད་སྐྱོང་མཆོག་གིས་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་གསར་པར་འཚམས་འདྲི། རྒྱ་གར་མང་ཚོགས་ཁྲོད་བོད་མིའི་འཐབ་རྩོད་ལ་རྒྱབ་སྐྱོེར་ཚད་མཐོ་རུ་འགྲོ་རྒྱུའི་རེ་བ་མཐོང་གི་ཡོད་པ་གསུངས་སོང་། བོད་མདོ་སྨད་རྔ་པ་ཁུལ་ནས་ Lithium གཏེར་རྫས་ཕོན་ཆེ་བརྙེད་སོན་བྱུང་འདུག གླུ་གཞས་ལེ་ཚན། ང་ཡི་བླ་མ། Tuesday 26/12/2017 Dalai Lama speaks to students and faculties of Tumkur University Sikyong congratulates Shri Jai Ram Thakur, new Chief Minister designate of HP TYC Bharat Jagran Yatra continues, over 50 cities covered so far Massive Lithium deposit found in Ngaba, Tibet MUSIC FEATURE: Nga Yi Lama by Bhuchung and Tenzin Dolma

རྒྱ་གར་མང་ཚོགས་ཁྲོད་བོད་མིའི་འཐབ་རྩོད་ལ་རྒྱབ་སྐྱོེར་ཚད་མཐོ་རུ་འགྲོ་རྒྱུའི་རེ་བ་ཆེན་པོ་ཞིག་མཐོང་གི་འདུག

བོད་ཀྱི་གཞོན་ནུ་ལྷན་ཚོགས་དབུས་ས་གཉིས་སྡེ་ཚན་གསུམ་ལ་ཆ་བགོས་ཀྱིས་རྒྱ་གར་གཞུང་དམངས་ཁྲོད་བོད་དོན་གོ་རྟོགས་ཀྱི་གཞི་རྒྱ་ཆེ་བའི་རྒྱལ་ཡོངས་སྐོར་བསྐྱོད་ལས་འགུལ་སྤེལ་བཞིན་པའི་ཁྲོད། གཞོན་ནུ་ལྷན་ཚོགས་ཀྱི་ཕྱི་དྲིལ་འགན་འཛིན་ཚེ་དབང་སྒྲོལ་མ་ལགས་ཀྱིས་རྒྱ་གར་གྱི་གཞི་རིམ་མང་ཚོགས་ཁྲོད་ནས་བོད་མིའི་འཐབ་རྩོད་ལ་རྒྱབ་སྐྱོེར་ཚད་མཐོ་རུ་འགྲོ་རྒྱུའི་རེ་བ་ཆེན་པོ་ཞིག་མཐོང་གི་འདུག་ཅེས་གསུངས་སོང་། དེའང་བོད་ཀྱི་གཞོན་ནུ་ལྷན་ཚོགས་ནས་ཉེ་ལམ་ཕྱི་ཟླ་༡༢ཚེས་༡༠ སྟེ་རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོར་རྒྱ་གར་གཞུང་དམངས་ཁྲོད་བོད་དོན་གོ་རྟོགས་ཆེད་གཞི་རྒྱ་ཆེ་བའི་རྒྱལ་ཡོངས་སྐོར་བསྐྱོད་ཀྱི་ལས་འགུལ་འགོ་འཛུགས་གནང་སྟེ་དེ་རིང་ཉིན་གྲངས་༡༦ འགྲོ་ཡི་ཡོད་པ་དང་། སྐོར་བསྐྱོད་ཀྱི་ལས་འགུལ་དེ་སྡེ་ཚན་མི་འདྲ་བ་གསུམ་ལ་ཆ་བགོས་གནང་ཐོག་རྒྱ་གར་བྱང་ཤར་དང་བྱང་ཕྱོགས། ལྷོ་ཕྱོགས་བཅས་ས་ཁུལ་གསུམ་ནང་སྐོར་བསྐྱོད་ཀྱིས་རྒྱ་གར་གཞུང་དམངས་ལ་དོན་ཚན་གསུམ་ཅན་གྱི་འབོད་སྐུལ་ཞུས་བཞིན་འདུག རྒྱ་གར་བྱང་ཤར་ཁུལ་གྱི་ལས་འགུལ་དེ་ནི་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཞོན་རྟ་མགྲིན་སྲི་གཅོད་ལགས་དང་སྤྱི་ཚོགས་ཞབས་ཞུའི་འགན་འཛིན་བཀྲིས་དར་རྒྱས་ལགས་གཉིས་ཀྱིས་སྣེ་འཁྲིད་དང་བྱང་ཤར་ས་གནས་གཞོན་ནུའི་རྒྱུན་ལས་བཅས་དང་མཉམ་འབྲེལ་གནང་པའི་ཐོག་Salugara གྲོང་ཁྱེར་ནས་འགོ་འཛུགས་ཀྱིས་ད་ཆ་ཁར་ཤང་དུ་འབྱོར་འདུག་ལ། བོད་དོན་གོ་རྟོགས་ཀྱི་སྐོར་བསྐྱོད་འདིའི་རིང་ས་གནས་ཁག་གི་རྒྱ་གར་གྱི་བློན་ཆེན་དང་ཆབ་སྲིད་མི་སྣ་སོགས་མཇལ་འཕྲད་གང་ལེགས་བྱུང་པ་མ་ཟད། མང་ཁྲོད་བོད་དོན་གོ་རྟོགས་དང་བོད་མིར་རྒྱབ་སྐྱོར་གྱི་མཚན་རྟགས་བསྡུ་རུབ་རྒྱ་ཆེ་གནང་བཞིན་འདུག དེ་བཞིན་རྒྱ་གར་ལྷོ་ཕྱོགས་ཁུལ་གྱི་བོད་དོན་གོ་རྟོགས་ཀྱི་ལས་འགུལ་དེ་ནི་གཞོན་ནུ་ལྷན་ཚོགས་ཀྱི་ཕྱི་དྲིལ་དྲིལ་བསྒྲགས་འགན་འཛིན་ཚེ་དབང་སྒྲོལ་མ་ལགས་དང་སྒྲིག་འཛུགས་འགན་འཛིན་སྤེན་པ་ཚེ་རིང་ལགས་གཉིས་ཀྱིས་སྣེ་འཁྲིད་ཐོག་Chennai གྲོང་ཁྱེར་ནས་འགོ་འཛུགས་གནང་ཞིང་ད་ཕན་ས་གནས་ཁག་༨ ཙམ་ནང་སྐོར་བསྐྱོད་ལེགས་གྲུབ་ཟིན་ཏེ་ད་ཆ་Nasik གྲོང་ཁྱེར་དུ་འབྱོར་འདུག ཡང་རྒྱ་གར་བྱང་ཕྱོགས་ཁུལ་གྱི་བོད་དོན་གོ་རྟོགས་ཀྱི་ལས་འགུལ་དེ་ནི་གཞོན་ནུ་ལྷན་ཚོགས་ཀྱི་རིག་གཞུང་འགན་འཛིན་བཀྲིས་དོན་གྲུབ་ལགས་ཀྱིས་སྣེ་འཁྲིད་འོག་བཞུགས་སྒར་ནས་ཐོག་མར་འགོ་འཛུགས་གནང་སྟེ་ད་བར་རྒྱ་གར་གྱི་གྲོང་ཁྱེར་ཆེ་ཁག་༢༦ཙམ་ནང་སྐོར་བསྐྱོད་ལེགས་གྲུབ་བྱུང་འདུག བོད་ཀྱི་གཞོན་ནུ་ལྷན་ཚོགས་དབུས་ས་གཉིས་ནས་རྒྱ་གར་གཞུང་མང་ཁྲོད་བོད་དོན་གོ་རྟོགས་ཆེད་གཞི་རྒྱ་ཆེ་བའི་རྒྱལ་ཡོངས་སྐོར་བསྐྱོད་ཀྱི་ལས་འགུལ་དེ་ཕྱི་ཟླ་དང་པོའི་ཟླ་དཀྱིལ་བར་མུ་མཐུད་སྤེལ་རྒྱུ་ཡིན་པ་དང་དུས་ཡུན་དེའི་རིང་རྒྱ་གར་གྱི་གྲོང་ཁྱེར་དང་གྲོང་སྡེ་ཆེ་ཁག་༡༥༠ ཙམ་ནང་སྐོར་བསྐྱོད་གནང་རྒྱུ་རེད་འདུག

སངས་རྒྱས་ཀྱི་གཞུང་ནས་གསུངས་པའི་མི་ཚེའི་བསླབ་བྱ་དེ་དག་སློབ་གྲྭའི་སློབ་ཚན་དུ་བཞག་དགོས།

འཕགས་ཡུལ་ལྷོ་ཕྱོགས་སེར་བྱེས་མཁས་སྙན་གྲྭ་ཚང་དང་ལྷོ་ཕྱོགས་སྦེང་ལོར་གྲོང་ཁྱེར་དུ་ཡོད་པའི་ཏུམ་ཀུར་གཙུག་ལག་སློབ་ཆེན་གཉིས་ཐོུང་གིས་གོ་སྒྲིག་འོག་དེ་རིང་ཕྱི་ཟླ་༡༢ ཚེས་༢༦ ཉིན་སྔ་ཐོག་ཚོུད་༩།༣༠ ཐོག་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་སྦེང་ལོར་གྲོང་ཁྱེར་ཁུལ་གྱི་ཏུམ་ཀུར་གཙུག་ལག་སློབ་ཆེན་དུ་ཁུལ་དེའི་མང་ཚོགས་དང་སློབ་ཕྲུག་བཅས་སྟོང་ཕྲག་ཁ་ཤས་ལ་དེང་གི་དུས་འདིར་འཚམས་པའི་འཇིག་རྟེན་ཡོངས་ཁྱབ་ཀྱི་བཟང་སྤྱོད་ཞེས་པའི་བརྗོད་གཞིའི་ཐོག་བཀའ་སློབ་བརྩལ་གནང་མཛད་འདུག ༸གོང་ས་སྐྱབས་མགོན་ཆེན་པོ་མཆོག་གིས་སྐབས་དེར་བོད་ཀྱི་ནང་པའི་དགོན་སྡེ་ཁག་ནས་གནའ་རབས་སངས་རྒྱས་བཅོམ་ལྡན་འདས་ཀྱི་གཞུང་ནས་གསུངས་པའི་བྱམས་དང་སྙིང་རྗེ་ལ་སོགས་པ་མི་ཚེ་བདེ་སྐྱིད་ཡོང་ཐབས་ལ་སྨན་པའི་བསླབ་བྱ་དེ་དག་སློབ་གྲྭའི་སློབ་ཚན་ནང་དུ་བཅུག་ཐུབ་ན་དགེ་མཚན་ཡོད་པ་མ་ཟད་དེ་ལྟར་ཡོང་ཐབས་གནང་དགོས་པའི་ལམ་སྟོན་མཛད་ཡོད་པ་རེད། དེ་དང་ཕྱོགས་མཚུངས་ཏུམ་ཀུར་གཙུག་ལག་སློབ་ཆེན་གྱི་ཉེ་བའི་རིགས་བདག་སྐུ་ཞབས་ Jayasheela.་ལགས་ཀྱིས་ཕྱི་ལོ་༢༠༡༢ ལོར་ཏུམ་ཀུར་གཙུག་ལག་སློབ་ཆེན་དང་སེར་བྱེས་མཁས་སྙན་གྲ་ཚང་གཉིས་དབར་ཤེས་ཡོན་བརྗེ་ལེན་གྱི་ལས་གཞིའི་གྲོས་ཆོད་ལ་མཚན་རྟགས་བཀོད་པ་ནས་བཟུང་༸གོང་ས་སྐྱབས་མགོན་ཆེན་པོ་མཆོག་དབུ་བཞུགས་ཀྱི་མཐོ་སློབ་དེའི་ནང་རྒྱལ་སྤྱིའི་རང་བཞིན་ལྡན་པའི་བགྲོ་གླེང་ཚོགས་ཆེན་ཐེངས་གསུམ་དང་སེར་བྱེས་གྲྭ་ཚང་དུ་ཚོགས་འདུ་ཐེངས་གཅིག་བཅས་ཚོགས་ཡོད་ཅིང་ཚོགས་ཆེན་དེ་དག་ཚོགས་པའི་བརྒྱུད་༸གང་ཉིད་མཆོག་གིས་བཀའ་རྩོམ་ཕྱག་དེབ་ནང་པའི་ལྟ་སྤྱོད་ཀུན་བཏུས་དང་བྱམས་བརྩའི་ནུས་སྟོབས་ལ་སོགས་པའི་ཕྱག་དེབ་དེ་དག་མང་ཚོགས་ལ་ཕན་ཐོགས་ཡོང་ཆེད་Karnataka འི་ཡུལ་སྐད་ཐོག་འགྱུར་རྒྱུ་དང་དེ་བཞིན་ནང་པའི་ཚད་མ་རིག་པའི་གཞུང་ནས་བཤད་པའི་དེང་དུས་ཤེས་ཡོན་དང་འབྲེལ་བ་ཡོད་པ་རྣམས་ཕྱོགས་བསྡུས་བྱས་ཏེ་མ་འོངས་པར་ཏུམ་ཀུར་གཙུག་ལག་སློབ་ཆེན་གྱི་སློབ་ཚན་ནང་འཇོག་འཆར་ཡོད་པ་ལ་སོགས་པའིི་མ་འོངས་པའི་ལས་འཆར་ཁག་ཅིག་སྙན་སྒྲོན་གནང་ཡོད་པ་རེད། སྤྱིར་Karnataka མངའ་སྡེའི་ནང་ནང་པའི་མི་འབོར་མང་ཤོས་དེ་ཏུམ་ཀུར་ས་ཁུལ་ཆགས་ཡོད་ཅིང་ཏུམ་ཀུར་གྲོང་སྡེའི་ནང་ལ་ནང་པའི་ཁྱིམ་ཚང་༢༠༠ ལྷག་ཙམ་ཞིག་ཡོད་པ་རེད་འདུག་ལ་ཐེངས་འདིའི་བཀའ་སློབ་ཀྱི་ལས་རིམ་དེ་ཡང་ཏུམ་ཀུར་མང་ཚོགས་དང་སློབ་ཕྲུག་ཚོར་གཙོ་བོར་དམིགས་པ་ཞིག་རེད་འདུག ཚོགས་ཆེན་དེའི་ཐོག་ཏུམ་ཀུར་མཐོ་སློབ་ཀྱི་ཉེ་བའི་རིགས་བདག་སྐུ་ཞབས་ Jayasheela.མཆོག་དང་དྲུང་ཆེ། ཉེ་བའི་རིགས་བདག་བཞོན་པ་བཅས་ཀྱིས་དབུས་ཏུམ་ཀུར་མཐོ་སློབ་ཀྱི་དགེ་ལས་སློབ་ཕྲུག་རྣམས་དང་སེར་བྱེས་སྨད་ཀྱི་མཁན་རིན་པོ་ཆེ་རྣམ་གཉིས། གཞན་ཡང་རྣམ་གྲོལ་གླིང་དགོན་པ་དང་རྫོང་ཆོས་གྲྭ་ཚང་བཀྲིས་ལྷུན་པོ་བཅས་ནས་ཀྱང་དགེ་འདུན་པ་ཁག་ཅིག་དང་སྦེང་ལོར་གྲོང་ཁྱེར་ཁུལ་ནས་བོད་རིགས་སློབ་ཕྲུག་དང་མང་ཚོགས་བཅས་ཁྱོན་མི་གྲངས་སྟོང་ཕྲག་གསུམ་བརྒལ་བ་མཉམ་ཞུགས་གནང་ཡོད་པ་རེད།      

རེས་གཟའ་ཟླ་བ། ༢༠༡༧།༡༢།༢༥

ཉན་པ།: Listen ཕབ་ལེན། Download ༸གོང་ས་མཆོག་གིས་འཛམ་གླིང་འདིར་བོད་ཐོག་དོ་སྣང་གསར་པ་ཞིག་སླེབས་པ་དེ་བཙན་འབྱོལ་བའི་བྱས་རྗེས་ཡིན་པ་བཀའ་བསྩལ་འདུག རང་ལུས་མེར་བསྲེགས་གནང་མཁན་དཀོན་པེ་ལགས་ཀྱི་པ་ལགས་ཉེན་རྟོགས་པས་བཀག་ཉར་བྱས་འདུག ལོ་རྗེས་མའི་སློབ་དུས་ནས་སློབ་གྲྭ་ཁག་ཏུ་ཆོས་ལུགས་ལ་མ་བརྟེན་པའི་བཟང་སྤྱོད་སློབ་ཁྲིད་གནང་རྒྱུ་རེད་འདུག བོད་ཀྱི་གཞོན་ནུ་ལྷན་ཚོགས་ནས་བོད་མི་གྲངས་༤༠ཙམ་ལ་འགོ་ཁྲིད་ཟབ་སྦྱོང་གནང་བཞིན་འདུག Monday 25/12/2017 Exile Tibetans successful at keeping Tibet issue alive: Dalai Lama in Bengaluru Father of recent Ngaba Tibetan self immolator detained Workshop on Secular Ethics for around 300 Tibetan Teachers TYC organizes 17th leadership training in Delhi

འཛམ་གླིང་འདིར་བོད་ཐོག་དོ་སྣང་གསར་པ་ཞིག་སླེབས་པ་དེ་ནི་བཙན་བྱོལ་བའི་བྱས་རྗེས་རེད།

དེ་རིང་ཕྱི་ཟླ་༡༢་ཚེས་༢༥ ཉིན་བོད་མིའི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་སྦེང་ལོར་གྲོང་ཁྱེར་ནང་གི་palace Ground རྒྱལ་ཁང་ཐང་ཆེན་དུ་སྦེང་ལོར་དང་མེ་སོར། མེང་ལོར། ཧེ་ཏར་སྦ་ཐ། ཅེ་ནའི་སོགས་ལྷོ་ཕྱོགས་གྲོང་ཁྱེར་ཁག་ནང་མཐོ་སློབ་འགྲིམ་བཞིན་པའི་བོད་རིགས་སློབ་ཕྲུག་རྣམས་དང་དེ་བཞིན་འབྲུག་པ་སོགས་ཧི་མ་ལ་ཡའི་ས་ཁུལ་ཁག་ནས་ཕེབས་པའི་མཐོ་རིམ་སློབ་མ་དང་མང་ཚོགས་བཅས་༣༠༠༠ ཙམ་ལ་མཇལ་ཁ་དང་ལམ་སྟོན་བཀའ་སློབ་བརྩལ་གནང་མཛད་འདུག སྐབས་དེར་མགོན་པོ་༸གང་ཉིད་མཆོག་གིས་བོད་ས་ཤོར་བ་ནས་ད་བར་གཙོ་བོ་གཞིས་ལུས་རྒྱ་ཆེའི་མང་ཚོགས་ཀྱི་ལྷག་བསམ་སྙིང་སྟོབས་དང་ལ་རྒྱ་བཅས་གཡོ་བ་མེད་པའི་སྒོ་ནས་བོད་ཀྱི་སྐད་ཡིག་རིག་གཞུང་བཅས་སྲུང་སྐྱོབ་བྱས་ཡོད་པ་དང་ཕྱོགས་མཚུངས་བཙན་བྱོལ་བོད་མི་ཚོས་ཀྱང་ད་བར་གཞི་ལུས་རྒྱ་ཆེའི་མང་ཚོགས་ཀྱི་རེ་བ་བཅོལ་བ་བཞིན་ཧུར་ཐག་བྱས་ཏེ་འདས་པའི་ལོ་ངོ་དེ་དག་རིང་ང་ཚོས་མི་གོ་ཆོད་པ་ཞིག་བྱས་ཡོད་པ་མ་ཟད་འཛམ་གླིང་འདིར་བོད་ཐོག་དོ་སྣང་གསར་པ་ཞིག་སླེབས་པ་དེ་ཡང་བཙན་བྱོལ་བའི་བྱས་རྗེས་གཙོ་བོོ་ཞིག་ཡིན་པའི་བཀའ་བརྩལ་གནང་མཛད་ཡོད། ༸གོང་ས་སྐྱབས་མགོན་ཆེན་པོ་མཆོག་གིས་ད་དུང་ ༡༩༧༤ ལོ་ནས་རྒྱ་ནག་དང་གྲོས་མོལ་བྱས་ཏེ་ཞི་བའི་ཐོག་ནས་བོད་ཀྱི་གནད་དོོན་ཐག་གཅོད་ཡོང་ཐབས་སུ་དབུ་མའི་ལམ་གྱི་སྲིད་ཇུས་གཏན་འབེབས་བྱས་པ་དང་སྲིད་ཇུས་དེ་ལ་རྟེན་ནས་༡༩༧༩ ཙམ་ནས་བོད་ནང་ཕྱི་ནང་གཉེན་འཕྲད་འགྲོ་འོང་དང་བོད་རྒྱ་འབྲེལ་མོལ་གྱི་ལམ་ཁ་ཕྱེས་ཐུབ་པ་བྱུང་བ་སོགས་ངོ་སྤྲོད་དང་འབྲེལ་རྒྱ་ནག་གཞུང་གིས་ད་བར་ཏཱ་བླའི་བླ་མར་གཞི་མེད་སྐྱོན་བརྗོད་བྱས་ཡོད་ཀྱང་དེར་ཕན་འབྲས་གང་ཡང་མ་ཐོན་སྟབས་དེང་སྐབས་རྒྱ་ནག་དཔོན་རིགས་ནང་ཏཱ་བླའི་བླ་མར་སྐྱོན་བརྗོད་བྱེད་པ་ལས་འབྲེལ་བ་བྱེད་རྒྱུའི་བསམ་ཚུལ་འཛིན་མཁན་ཇི་མང་དུ་འགྲོ་བཞིན་ཡོད་པ་སོགས་འགྱུར་ལྡོག་གི་གནས་སྟངས་མང་དག་ཞིག་ལ་བརྟེན་ནས་བོད་དོན་བདེན་མཐའ་སེལ་ངེས་ཡིན་སྟབས་གཙོ་བོ་གཞོན་སྐྱེས་ཚོས་ཤེས་ཡོན་ལ་སྦྱངས་བརྩོན་བྱེད་དགོས་པའི་ལམ་སྟོན་མཛད་གནང་ཡོད་པ་རེད། རྩ་བའི་ཁ་སང་ཕྱི་ཚེས་༢༤ཉིན་༸གོང་ས་སྐྱབས་མགོན་ཆེན་པོ་མཆོག་གིས་སྦེང་ལོར་གྲོང་ཁྱེར་ནང་ཡོད་པའི་Seshadripuram ཤེས་ཡོན་བསྟི་གནས་ཁང་དབུ་བརྙེས་ཏེ་ལོ་ངོ་༢༥ འཁོར་བའི་རྗེས་དྲན་མཛད་སྒོར་དབུ་བཞུགས་མཛད་པ་མ་ཟད་སློབ་ཕྲུག་༥༠༠༠ཙམ་ལ་༸གང་ཉིད་མཆོག་གིས་དེང་སྐབས་རྒྱ་གར་གནའ་བོའི་རིག་གཞུང་བསྐྱར་གསོའི་མཛད་འཁུར་བཞི་པ་བཞེས་བཞིན་པ་དང་འབྲེལ་བའི་བཀའ་སློབ་ཟབ་རྒྱས་གནང་ཡོད་པ་རེད། སང་ཉིན་ཕྱི་ཚེས་༢༦ ཉིན་༸གོང་ས་སྐྱབས་མགོན་ཆེན་པོ་མཆོག་གིས་སྦེང་ལོར་གྲོང་ཁྱེར་ནང་གི་ཏུམ་ཀུར་གཙུག་ལག་སློབ་ཆེན་དུ་ཁུལ་དེའི་མང་ཚོགས་སྟོང་ཕྲག་མང་པོར་བཟང་སྤྱོད་དང་འབྲེལ་བའི་སྐོར་ལམ་སྟོན་བཀའ་སློབ་བརྩལ་རྒྱུ་མ་ཟད་གནངས་ཉིན་སྔ་དྲོ་༸གོང་ས་མཆོག་སྦེང་ལོར་ནས་ལྡི་ལི་ཕྱོགས་སུ་ཆིབས་ཞལ་བསྒྱུར་གནང་འཆར་ཡོད་པ་རེད།

རང་ལུས་མེར་བསྲེགས་གནང་མཁན་དཀོན་པེ་ལགས་ཀྱི་པ་ལགས་ཉེན་རྟོགས་པས་བཀག་ཉར་བྱས་འདུག

ཁེ་ཉིན་ཕྱི་ཚེས་ ༢༣ ཉིན་མདོ་སྨད་རྔ་བ་ནང་དུ་རང་ལུས་མེར་བསྲེགས་གནང་སྟེ་འདས་གྲོངས་སུ་གྱུར་བ་བོད་མི་དཀོན་པེ་ལགས་ཀྱི་ཕ་རྒྱ་སྐྱབས་ལགས་རྒྱ་གཞུང་གིས་འབར་ཁམས་ནང་དཀག་ཉར་བྱས་འདུག དེ་ཡང་ཚེས་ ༢༣ རེས་གཟའ་སྤེན་པའི་ཕྱི་འདྲོ་ཕྱག་ཚོད་ ༦ ཡས་མས་ཞིག་ལ་བོད་མདོ་སྨད་རྔ་བའི་ནང་དུ་བོད་མི་དཀོན་པེ་ལགས་ཀྱིས་རྒྱ་ནག་གཞུང་གི་བོད་ཐོག་འཛིན་པའི་དྲག་པོའི་སྲིད་བྱུས་ལ་ངོ་རྒོལ་གྱིས་རང་ལུས་མེར་སྲེག་གནང་ཡོད་པ་དང་། ཚེས་ ༢༤ སྔ་འདྲོ་ཕྱག་ཚོད་ ༥ པ་ཙམ་ལ་འབར་ཁམས་སྨན་ཁང་ནང་སྐུ་འདས་གྲོངས་སུ་གྱུར་འདུག རྒྱ་ནག་གཞུང་གིས་དཀོན་པེ་ལགས་ཀྱི་ནང་མིར་ཁོང་གི་རུས་ཐལ་ཙམ་ལས་སྤྲད་མེད་པ་མ་ཟད། དམ་པ་ཁོང་གི་ཆེད་དུ་སྨན་རིན་སྒོར་ཁྲི་ཁ་ཤས་སོང་ཡོད་ཚུལ་བརྗོད་ནས་ཁོང་གི་ཕ་རྒྱ་ཁྱབ་ལགས་འབར་ཁམས་དུ་བཀག་ཉར་བྱས་ནས་བཞག་འདུག ད་ལྟའི་ཆར་རྔ་བ་ནང་དུ་ས་གནས་བོད་མི་རྣམས་ནས་ཚོང་ཁང་དང་བཟའ་ཁང་སོགས་སྒོ་རྒྱབས་ནས་དཀོན་པེ་ལགས་ཀྱི་ནང་མིར་གདུང་སེམས་མཉམ་བསྐྱེད་ཞུ་བཞིན་པ་རེད་འདུག དཀོན་པེ་ལགས་ཀྱི་རང་ལུས་མེར་བསྲེགས་གནང་པའི་གནད་དོན་དང་འབྲེལ། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས། བོད་མི་ཚོས་གཅིག་རྗེས་གཉིས་མཐུད་ཀྱིས་རང་ལུས་མེར་བསྲེགས་བཏང་པའི་རྒྱུ་རྐྱེན་དང། དེ་ལྟར་མུ་མཐུད་མི་ཡོང་བའི་ཐབས་ལམ་གཉིས་ཀ་རྒྱ་གཞུང་རང་གི་ལག་པར་ཡོད་པ་རྟོགས་ཐུབ་དགོས་ཀྱི་རེད་ཅེས་གསུངས་བ་དང་ཆབས་གཅིག རྒྱ་ནག་གཞུང་གི་ངོས་ནས་བོད་ནང་གི་བོད་མིའི་ཁྲིམས་མཐུན་གྱི་མངོན་འདོད་ཁག་ལ་དྭང་ལེན་བྱེད་དགོས་པ་དང། བོད་ཐོག་འཛིན་པའི་སྲིད་བྱུས་ནོར་བ་རྣམས་ལ་བསྐྱར་ཞིབ་བྱེད་དགོས་ཀྱི་རེད་ཅེས་གསུངས་འདུག བོད་མི་དཀོན་པེ་ལགས་ཀྱིས་རྒྱ་གཞུང་ལ་ཞི་རྒོལ་གྱིས་རངབསྲེགས་གནང་པའི་གནད་དོན་དང་འབྲེལ། ཨ་རིའི་ནིའུ་ཡོག་དང་ནིའུ་ཇར་སི་ ས་གནས་གཞོན་ནུ་ལྷན་ཚོགས་ཀྱི་གོ་སྒྲིག་འོག ཁེ་ཉིན་ཕྱི་འདྲོ་ཁུལ་དེར་རྟེན་གཞི་བྱས་པའི་རྒྱ་ནག་གཞུང་ཚབ་ལས་ཁུངས་མདུན་དུ་ངོ་རྒོལ་སྐད་འབོད་དང་སྨོན་ལམ་གསུང་འདོན་གནང་སྟེ། བོད་མི་དཀོད་པེ་ལགས་དམ་པ་དེ་ཉིད་དང་ཁོང་གི་ནང་མི་ཉེ་འབྲེལ་རྣམས་ལ་གདུང་སེམས་མཉམས་བསྐྱེད་ཞུས་འདུག  

Latest news