Monthly Archives: October, 2017

ཉན་པ།: Listen ཕབ་ལེན། Download བོད་ཀྱི་ཡར་ཀླུང་གཙང་པོ་ནས་ཤར་ཏུ་ཀི་སི་ཐན་བར་ཆུ་འོག་སྦུགས་ལམ་བཟོ་འཆར་འདུག ཞི་བདེ་དང་དྲང་བདེན། འགྲོ་བ་མིའི་ཐོབ་ཐང་སོགས་ཀྱི་བགྲོ་གླེང་ཐོག་བོད་མི་མཉམ་ཞུགས་ཀྱིས་གསུང་བཤད་གནང་བ། མུམ་བའེ་གློག་བརྙན་དུས་སྟོན་ཐོག་བོད་ཀྱི་གློག་བརྙན་གཟིགས་འབུལ། ཞི་ཅིང་ཕིང་གི་དུས་རབས་གསར་པའི་ལྟ་གྲུབ་ནང་འགྲོ་བ་མིའི་ཐོབ་ཐང་སྐོར་གང་ཡང་འཁོད་མེད་སྐོར་གསུངས་འདུག དམིགས་བསལ་ལེ་ཚན། གཞས་པ་བུ་ཆུང་ལགས་ཀྱིས་བླངས་པའི་རྨི་ལམ། Tuesday 31/10/2017 Tibetan parliamentarian speaks at the Italian Senate Human Rights Seminar China denies plan to build tunnel to divert Brahmaputra river in Tibet Mumbai Film Festival feature film about Political struggle of Tibetan farmers Activists fear further repression in Xi Jinping’s new era MUSIC FEATURE: ‘Milam’ by Bhuchung

བོད་ཀྱི་ཡར་ཀླུང་གཙང་པོ་ནས་ཤར་ཏུ་ཀི་སི་ཐན་གྱི་སྐམ་སའི་ས་ཁུལ་བར་སྤྱི་ལེ་ ༡༠༠༠ ལྷག་གི་རིང་ཚད་ལྡན་པའི་ཆུ་འོག་སྦུབས་ལམ་ཞིག་བཟོ་འཆར་ཡོད་པའི་གནས་ཚུལ་ཐོན་འདུག་པ་མ་ཟད། གལ་ཏེ་ལས་གཞི་དེ་ཡོངས་སུ་བསྒྲུབ་ཚེ་འཛམ་གླིང་ནང་གི་ཆུ་འོག་སྦུབས་ལམ་རིང་ཤོས་དེ་ཆགས་ཀྱི་འདུག དེ་རིང་རྒྱ་གར་དང་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་ཐོན་པར་གཞིགས་ན། ཉེ་ཆར་རྒྱ་ནག་ནང་གི་བཟོ་སྐྲུན་ཁེ་ལས་མི་སྣ་ཁག་ཅིག་གིས་རྒྱ་ནག་གཞུང་ལ་བོད་ཀྱི་ཡར་ཀླུང་གཙང་པོ་ནས་ཤར་ཏུ་ཀི་སི་ཐན་བར་དུ་ཆོ་འོག་སྦུབས་ལམ་བཟོ་རྒྱུའི་ལས་འཆར་ཞིག་རྒྱ་ནག་གཞུང་ལ་སྤྲད་འདུག ལས་འཆར་དེར་གཞིགས་ཚེ་ཆུ་འོག་སྦུབས་ལམ་དེ་བཞིན་བོད་ཀྱི་ཡར་ཀླུང་གཙང་པོའི་ཁུལ་གྱི་ཟངས་རི་རྫོངས་ས་ཁུལ་ནས་ Taklamakan ཞེས་པའི་ཤར་ཏུ་ཀི་སི་ཐན་གྱི་བྱེ་ཐང་ས་ཁུལ་བར་བཟོ་འཆར་ཡོད་པ་དང་ལས་འཆར་སྤྱི་ཡོངས་ཀྱི་འགྲོ་གྲོན་ནི་ཨ་སྒོར་ཐེར་འབུམ་ ༡༥༠ ལྷག་ཚོད་དཔག་བྱེད་མུས་རེད་འདུག རླུང་འཕྲིན་ཁང་གིས་བོད་མིའི་སྒྲིག་འཛུགས་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་བདེ་ཆེན་དཔལ་མོ་ལགས་སུ་དེ་འབྲེལ་བཅར་འདྲི་ཞུས་པས་པར་ཁོང་གིས་ད་ལྟའི་ལས་འཆར་དེའི་འགྲོ་གྲོན་དང་ཁོར་ཡུག་གི་གནད་དོན། དེ་བཞིན་རྒྱ་ནག་གི་འཕྲུལ་ཆས་ནུས་པ་སོགས་སྤྱི་ཡོངས་ནས་བསྒྲུབ་ཐུབ་རྒྱུ་མེད་སྐོར་གསུངས་སོང་། ད་ལན་གྱི་ལས་འཆར་དེ་དང་འབྲེལ་ཡོད་རྒྱ་ནག་ནང་གི་བཟོ་སྐྲུན་ཆེད་ལས་པས་ཧོང་ཀོང་ནང་གི་ The South China morning post གསར་ཁང་ཐོག་འགྲེལ་བརྗོད་བྱས་པར་ལས་འཆར་དེ་རྒྱ་གཞུང་ལ་སྤྲད་ཟིན་ཡོད་པ་དང། རིང་མིན་ ༢༠༡༨ ལོའི་ཕྱི་ཟླ་ ༣ པའི་ནང་ཚུད་ལ་ཆོག་མཆན་ཐོབ་རྒྱུ་ཡིན་པར་ཚོད་དཔག་བྱེད་བཞིན་ཡོད་པ་བཤད་འདུག རྒྱ་གར་གྱི་གསར་ཁང་ The Times of India དྲ་གནས་ཐོག་ཡར་ཀླུང་གཙང་པོ་ཁ་བསྒྱུར་གྱི་ལས་འཆར་དེར་རྒྱ་ནག་གཞུང་ལ་ཆོག་མཆན་སྤྲད་ཚེ་ཡར་ཀླུང་གཙང་པོའི་ཐོག་འཚོ་བརྟེན་བྱེད་བཞིན་པའི་གཤམ་འོག་རྒྱལ་ཁབ་ཁག་ལ་ཆུའི་དཀའ་ངལ་དང་ཆུ་ལོག་གྱི་གནོད་འཚེ་ཡོང་རྒྱུའི་ཉེན་ཁ་ཡོད་སྐོར་ཡང་འགྲེལ་བརྗོད་བྱས་འདུག ཡར་ཀླུང་གཙང་པོའི་ཁ་བསྒྱུར་གྱི་གནད་དོན་ཐོག་དེ་རིང་རྒྱ་གཞུང་གིས་ཕྱི་སྲིད་ལྷན་ཁང་གི་མགྲིན་ཚབ་པ་ Hua Chuying ཡིས་ཡར་ཀླུང་གཙང་པོ་ནས་ཤར་ཏུ་ཀི་སི་ཐན་བར་གྱི་ཆུ་འོག་སྦུབས་ལམ་བཟོ་རྒྱུའི་གནས་ཚུལ་དེ་ནི་བདེན་པ་མིན་སྐོར་ལན་འདེབས་དང་འབྲེལ། རྒྱ་གཞུང་གིས་རྒྱལ་ཁབ་ཕན་ཚུན་དབར་གྱི་གཙང་ཆུ་མཉམ་ལས་ཐོག་གུས་བརྩི་དང་གནད་ཆེར་བརྩི་བཞིན་ཡོད་ཅེས་བརྗོད་འདུག རྩ་བའི་རྒྱ་གཞུང་གིས་ཐེངས་ ༡༢ པའི་ལོ་ལྔ་རེའི་འཆར་གཞི་ནང་དུ་བོད་ཀྱི་ཡར་ཀླུང་གཙང་པོའི་སྟེང་ཆུ་རགས་ཁག་མི་འདྲ་བ་ ༡༡ རྒྱབ་འཆར་ཡོད་པ་དང་། དེའི་ཁྲོད་ནས་ལས་གཞི་འགྲོ་བཞིན་པ་རྫང་མོ་ཆུ་རགས་ལས་གཞི་དེ་ཆགས་ཀྱི་ཡོད་པ་རེད། དེ་སྔོན་རྒྱལ་ཁབ་ཀྱི་བདེ་འཇགས་ཐོག་ཞིབ་འཇུག་གནང་མཁན་སྐུ་ཞབས Joel Wuthnow ལགས་ཀྱིས་ཉེ་ཆར་རྒྱ་དཀར་ནག་གཉིས་དབར་ལ་མཐའ་མཚམས་ཀྱི་རྩོད་རྙོག་ཙམ་མ་ཟད། བོད་བརྒྱུད་ནས་རྒྱ་གར་བྱང་ཤར་ཨ་རུ་ནཱ་ཅལ་མངའ་ཁུལ་དུ་རྒྱུག་བཞིན་པའི་ཡར་ཀླུང་གཙང་པོར་ཚོར་བ་རྣོ་བའི་གནད་དོན་ཛ་དྲག་ཞིག་ཆགས་ཡོད་པར་འགྲེལ་བརྗོད་གནང་འདུག རྒྱལ་སྤྱིའི་གཙང་ཆུ་ཆེ་ཁག་གི་ཐོ་གཞུང་ཁྲོད་ནས་ཡར་ཀླུང་གཙང་པོ་དེ་སྟངས་འཛིན་བྱེད་ཕྱོགས་སྐྱོ་ཤོས་ཀྱི་གྲས་ཆགས་ཡོད་པ་དང་། དེ་བཞིན་ད་ལྟའི་ཆར་གཙང་པོ་དེར་བརྟེན་མཁན་གྱི་རྒྱལ་ཁབ་རྒྱ་ནག་གཙོས་པའི་གཤམ་འོག་རྒྱལ་ཁབ་རྒྱ་གར་དང་བྷང་ལ་དེ་ཤི་བཅས་རྒྱལ་ཁབ་ཕན་ཚུན་དབར་མཉམ་གནས་ཀྱི་ལམ་ནས་གཙང་ཆུ་བེད་སྤྱོད་དང་སྟངས་འཛིན་བྱ་རྒྱུའི་ཐོུང་གི་ཚོགས་པ་དང་། ཆིངས་ཡིག་གཅིག་ཀྱང་བཞག་མེད་སྟབས་རྒྱལ་ཁབ་ཕྱོགས་ཕན་ཚུན་དབར་གཙང་ཆུའི་ཐོག་རྩོད་རྙོག་ཡོང་གི་ཡོད་པར་འགྲེལ་བརྗོད་བྱས་ཡོད་པ་རེད།

ཉེ་ཆར་ཟླ་བ་འདིའི་ཚེས་ ༢༧ ནས་ ༢༩ བར་ཉིན་གྲངས་གསུམ་རིང་ཨི་ཊ་ལིའི་རྒྱལ་ས་ Rome ནང་དུ་ཞི་བདེ་དང་དྲང་བདེན། འགྲོ་བ་མིའི་ཐོབ་ཐང་། ཆོས་དད་རང་མོས་སོགས་ཀྱི་བགྲོ་གླེང་ལྷན་ཚོགས་ཤིག་བསྐོང་ཚོགས་གནང་བའི་ཐོག་ཡོ་རོབ་སྤྱི་འཐུས་ཐུབ་བསྟན་དབང་ཆེན་ལགས་མཉམ་ཞུགས་ཀྱིས་བོད་དོན་གསུང་བཤད་གནང་འདུག ལྷན་ཚོགས་དེ་ནི་ཨི་ཊ་ལིའི་ Nonviolent Radical Party ཞེས་པའི་འཚེ་མེད་ཞི་བའི་ཆབ་སྲིད་ཚོགས་པས་གོ་སྒྲིག་འོག་ཁུལ་དེའི་རྒྱལ་ས་རོམ་ནང་རྟེན་གཞི་བྱས་པའི་ཆབ་སྲིད་ཚོགས་པ་དེའི་ཚོགས་ཁང་དུ་བསྐོང་ཚོགས་གནང་འདུག ཨ་རི་དང་ཕ་རན་སི། ཨ་ཧྥི་རི་ཀ དེ་བཞིན་ཨེ་ཤ་ཡ་སོགས་རྒྱལ་ཁབ་འདྲ་མིན་ ༡༥ ཙམ་ནས་གཞུང་ཚབ་པ་དང་གྲོས་ཚོགས་འཐུས་མི། མཁས་དབང་བཅས་ཁྱོན་གསུང་བཤད་གནང་མཁན་མི་སྣ་ ༤༠ མན་ཙམ་གདན་འདྲེན་ཞུས་འདུག་པ་མ་ཟད། བོད་མིའི་ཕྱོགས་ནས་ཡོ་རོབ་སྤྱི་འཐུས་ཐུབ་བསྟན་དབང་ཆེན་ལགས་ཀྱང་གདན་ཞུ་གནང་ཐོག་བོད་ནང་གི་ཛ་དྲག་གནས་སྟངས་དང་དྲང་བདེན་ཐོག་ལས་འགུལ་སྤེལ་ཕྱོགས། དེ་བཞིན་ཆོས་དད་རང་མོས་དང་འགྲོ་བ་མིའི་ཐོབ་ཐང་ལ་སོགས་པའི་བརྗོད་གཞི་འདྲ་མིན་ཐོག་གསུང་བཤད་དང་དྲི་བ་འདྲི་ལན་གྱི་ལས་རིམ་ཞིག་ཀྱང་གནང་འདུག རླུང་འཕྲིན་ཁང་གི་གསར་འགོད་པས་སྤྱི་འཐུབ་བསྟན་དབང་ཆེན་ལགས་སུ་བགྲོ་གླེང་ལྷན་ཚོགས་དེ་དང་འབྲེལ་བའི་ཐོག་བཀའ་འདྲི་ཁག་ཅིག་ཞུས་ཡོད།

ཉན་པ།: Listen ཕབ་ལེན། Download ༢༠༡༧ ལོའི་བོད་ཀྱི་མཛངས་པ་ཨང་དང་པོ་དེ་ཉི་མ་ལགས་ལ་ཐོབ་སོང། རྒྱ་གར་གྱི་ཚོགས་པ་ཆེ་གྲས་ཤིག་གིས་བོད་མིར་རང་དབང་རང་བཙན་སྤྲོད་དགོས་པའི་དགོས་འདུན་བཏོན་པ། ཐེ་ཝན་ནང་དུ་ལྷག་དཀར་སྲུང་བརྩི་ཞུ་ཐོག་བོད་ཀྱི་སྐད་ཡིག་གལ་གནད་སྐོར་གོ་རྟོགས་སྤེལ་འདུག སློབ་དཔོན་ཟམ་གདོང་རིན་པོ་ཆེ་མཆོག་གིས་ཆོས་ལུགས་ལ་མ་བརྟེན་པའི་བཟང་སྤྱོད་ཐོག་གསུང་བཤད་གནང་བ། སྲིད་སྐྱོང་མཆོག་གིས་བོད་ཀྱི་ཟློས་གར་ཚོགས་པའི་བེུད་ཉལ་ཁང་གསར་པ་དབུ་འབྱེད་གནང་འདུག Monday 30/10/2017 Nyima, law student from Bangalore wins first ever Mr. Tibet title Sawdeshi Maharally calls for boycott of Chinese goods and freedom to Tibetans Lhakar event in Taiwan highlights Significance of Tibetan language Samdhong Rinpoche speaks on Secular Ethics at Drepung Monastery Sikyong inaugurates newly built girls hostel at TIPA

རྒྱ་གར་གྱི་གཞུང་འཛིན་  BJP  ཆབ་སྲིད་ཚོགས་པ་དང་འབྲེལ་བ་ཡོད་པའི་  Swadesh Jagaran Manch ཚོགས་པས་རྒྱ་གར་གཞུང་མང་གཉིས་ཀྱི་ངོས་ནས་བོད་མིའི་རང་དབང་རང་བཙན་ཐོག་རྒྱབ་སྐྱོར་གནང་དགོས་པའི་དགོས་འདུན་བཏོན་ཡོད་པ་རེད། ཁ་སང་རྒྱ་གར་གྱི་རྒྱལ་ས་ལྡི་ལིའི་རམ་ལི་ལ་ཐང་ཆེན་དུ་ Swadeshi Jagaran Manch  ཚོགས་པས་རྒྱ་ནག་གི་དངོས་ཟོག་བེད་སྤྱོད་དང་ཉོ་ཚོང་སོགས་བཀག་སྡོམ་གྱི་གཞི་རྒྱ་ཆེ་བའི་ལས་འགུལ་ཞིག་གོ་སྒྲིག་ཞུས་ཡོད་པ་དང་།    རྒྱ་གར་རྒྱལ་ཡོངས་ནས་ལས་འགུལ་བ་ཁྲི་ཚོ་དུ་མ་འདུ་འཛོམས་བྱུང་བའི་ལས་འགུལ་དེའི་ཁྲོད་ Swadeshi Jagaran Manch  ཚོགས་པས་དེང་སྐབས་རྒྱ་ནག་གི་དཔལ་འབྱོར་ཡར་རྒྱས་དང་བསྟུན་ཅ་དངོས་ཕྱི་ཚོང་འཕེལ་རྒྱས་འགྲོ་བཞིན་པ་དེས་རྒྱ་གར་གཙོས་པའི་ཁྱིམ་མཚེས་རྒྱལ་ཁབ་མང་པོ་ཞིག་གི་བཟོ་གྲྭ་སྒོ་རྒྱབ་དགོས་བྱུང་བ་དང་།   ལྷག་པར་དམག་དོན་གྱི་སྟོབས་ཤུགས་ཀྱང་དེ་མཚུངས་འཕེལ་རྒྱས་འགྲོ་བཞིན་པ་དེས་བོད་ཧྲིལ་པོ་བཙན་བཟུང་བྱས་པ་མ་ཟད།   རྒྱ་གར་གཙོས་པའི་ཁྱིམ་མཚེས་རྒྱལ་ཁབ་ཁག་ཅིག་གི་ས་ཁྱོན་བཙན་བཟུང་བྱེད་བཞིན་པ་དེས་རྒྱལ་སྤྱིའི་ཁྱོན་དུ་བདེ་འཇགས་ལ་ཤུགས་རྐྱེན་ངན་པ་ཞིག་ཐེབས་ཀྱི་ཡོད་སྟབས། རྒྱ་གར་གཞུང་མང་གཉིས་ཀྱིས་རྒྱ་ནག་གི་དངོས་ཟོག་བེད་སྤྱོད་དང་ཉོ་ཚོང་སོགས་བཀག་སྡོམ་བྱེད་དགོས་པ་མ་ཟད།   གཞུང་ཕྱོགས་ནས་རྒྱ་ནག་དང་མཉམ་དུ་བཞག་པའི་ཚོང་འབྲེལ་གྲོས་མཐུན་ཁག་ཕྱིར་འཐེན་བྱེད་གོས། ལྷག་དོན་འཛམ་གླིང་རྒྱལ་ཁབ་གཞན་ཁག་དང་འབྲེལ་བ་གནང་པའི་བརྒྱུད་རྒྱ་ནག་དེ་རྒྱལ་སྤྱིའི་ཚོང་ར་ཁག་ནས་ཁེར་རྐྱང་འཇོག་ཐབས་བྱེད་དགོས་པའི་དགོས་འདུན་ཡང་བཏོན་ཡོད་པ་རེད། Swadeshi Jagaran Manch  ཚོགས་པས་ཁ་སང་གི་ལས་འགུལ་དང་བསྟུན་ནས་དོན་ཚན་ཁག་བརྒྱད་ཡོད་པའི་བསྒྲགས་གཏམ་ཞིག་འགྲེམས་སྤེལ་གནང་ཡོད་པ་དང་། དེའི་ནང་རྒྱ་གར་གཞུང་གི་ངོས་ནས་བོད་མིའི་རང་དབང་རང་བཙན་ཐོག་རྒྱབ་སྐྱོར་གནང་དགོས་པ་མ་ཟད་རྒྱ་གར་གྱི་སྣེ་ཁྲིད་དེ་རྒྱལ་སྤྱིའི་ནང་བོད་དོན་དང་བོད་མིའི་འགྲོ་བ་མིའི་ཐོབ་ཐང་སོགས་ཀྱི་གནད་དོན་ཐོག་གོ་རྟོགས་སྤེལ་བའི་ལས་འགུལ་གཞི་རྒྱ་ཆེ་བ་ཞིག་གོ་སྒྲིག་གནང་དགོས་པ་སོགས་ཀྱི་དགོས་འདུན་ཡང་བཏོན་ཡོད་པ་རེད། ཁ་སང་རྒྱ་ནག་གི་དངོས་ཟོག་བེད་སྤྱོད་དང་ཉོ་ཚོང་སོགས་བཀག་སྡོམ་གྱི་གཞི་རྒྱ་ཆེ་བའི་རྒྱ་གར་གྱི་ལས་འགུལ་དེའི་ཐོག་བོད་མི་མང་སྤྱི་འཐུས་ཚོགས་གཞོན་ཨཱཙཱརྱ་ཡེ་ཤེས་ཕུན་ཚོགས་མཆོག་གིས་དབུས་པའི་ལྡི་ལི་བོད་སྒར་བསམ་ཡས་གླིང་དང་།    ལ་དྭགས་རྡ་རམ་ས་ལ། དེ་བཞིན་ལཱ ལ་ཀི་ལཱའི་སུད་ཚོང་བའི་བོད་མི་ཁག་ཅིག་བཅས་ལས་འགུལ་ནང་མཉམ་ཞུགས་གནང་ཡོད་པ་རེད། བོད་མི་མང་སྤྱི་འཐུས་ཚོགས་གཞོན་ཨཱཙཱརྱ་ཡེ་ཤེས་ཕུན་ཚོགས་མཆོག་ནས་ལས་འགུལ་དེའི་ཐོག་ཕེབས་པའི་རྒྱ་གར་རྒྱལ་ཡོངས་ཀྱི་ཚོགས་མིའི་སྐུ་ཚབ་ཚོའི་ལྷན་དུ་རྒྱལ་ས་ལྡིའི་ས་གནས་ཁག་ཅིག་ཏུ་རྒྱ་མིའི་ཅ་དངོས་ཉོ་ཚོང་མཚམས་འཇོག་གི་ལས་འགུལ་དེའི་བསྒྲགས་གཏམ་འགྲེམས་སྤེལ་དང་གོ་རྟོགས་སྤེལ་ཆེད་སྐོར་བསྐྱོད་ནང་ལྷན་ཞུགས་གནང་ཡོད་པ་རེད། གཞི་རྩའི་རྒྱ་གར་ནང་རྒྱ་མིའི་ཅ་དངོས་ཉོ་ཚོང་མཚམས་འཇོག་གི་ལས་འགུལ་དེ་ལོ་གཉིས་ཀྱི་སྔོན་ཙམ་ནས་འགོ་འཛུགས་བྱས་ཡོད་པ་དང་། Swadeshi Jagaran Manch  ཞེས་པའི་ཚོགས་པ་དེས་རྒྱ་གར་རྒྱལ་ཡོངས་ནང་རྒྱ་ནག་གི་ཅ་དངོས་ཉོ་ཚོང་མཚམས་འཇོག་གི་ལས་འགུལ་དེ་སྔ་ལོར་འགོ་འཛུགས་གནང་ཡོད་པ་རེད། ཁ་སང་གཞི་རྒྱ་ཆེ་བའི་ལས་འགུལདེ་ནི་ལོ་གཅིག་ཧྲིལ་པོ་འཁོར་བའི་མཇུག་སྡོམ་ཉིན་མོ་ཡིན་པ་མ་ཟད།  ཚོགས་པ་དེས་ད་དུང་རྒྱ་མིའི་ཅ་དངོས་ཉོ་ཚོང་མཚམས་འཇོག་གི་ལས་འགུལ་དེ་གཞི་རྒྱ་ཆེ་རུ་གཏང་རྒྱུའི་འཆར་གཞི་ཡོད་པ་རེད།

ཆེས་ཐོག་མའི་ཕྱི་ལོ་ ༢༠༡༧ ལོའི་བོད་ཀྱི་མཛངས་པ་འགྲན་སྡུར་ཁྲོད་ནས་ཨང་དང་པོའི་གཟེངས་རྟགས་དང་ཧིན་སྒོར་ ༡,༡༠༠༠༠ བྱ་དགའ་དེ་སྦེ་ལོར་ནས་ཡིན་པ་ཉི་མ་ལགས་ལ་ཐོབ་སོང་། ཁ་ཉིན་ཟླ་ ༡༠ ཚེས་ ༢༨ ཉིན་དགོང་དྲོ་ཚོུད་ ༧།༠༠ ཡོན་ཙམ་ལ་བཞུགས་སྒར་བོད་ཀྱི་ཟློས་གར་ཚོགས་པའི་ཐང་ཆེན་དུ་ཕྱི་ལོ་ ༢༠༡༧ ལོའི་བོད་ཀྱི་མཛངས་པ་འགྲན་སྡུར་ཆེས་མཐའ་མ་དེ་གནང་པའི་བརྒྱུད་རྒྱ་གར་ལྷོ་ཕྱོགས་སྦེང་ལོར་ནས་ཡིན་པའི་ཉི་མ་ལགས་ལ་བོད་ཀྱི་མཛངས་པའི་རྒྱལ་ཁ་ཐོབ་ཡོད་པ་རེད། ཐེངས་དེའི་བོད་ཀྱི་མཛངས་པ་འགྲན་སྡུར་གྱི་ཨང་དང་པོ་དེ་སྦེ་ལོར་དུ་ཁྲིམས་ལུགས་རིག་པའི་ཐོག་སློབ་གཉེར་གནང་བཞིན་པ་བོད་པའི་གཞོན་སྐྱེས་ཉི་མ་ལགས་ལ་ཐོབ་སོང་བ་དང། ཨང་གཉིས་པ་སྦེང་ལོར་ནས་ཡིན་པ་ཚེ་རིང་ཆོས་འཕེལ་ལགས། ཨང་གསུམ་པ་རྡ་ས་ནས་ཡིན་པ་བློ་བཟང་ཆོས་འཕེལ་ལགས་བཅས་ལ་ཐོབ་ཡོད་པ་རེད། སྐབས་དེར་བོད་ཀྱི་མཛངས་པ་འགྲན་བསྡུར་གོ་སྒྲིག་གནང་མཁན་བསྟན་འཛིན་བཀྲིས་ལགས་ཀྱིས་ཨང་དང་པོར་བོད་ཀྱི་མཛངས་པའི་རྟགས་མ་དང་ཧིན་སྒོར་ ༡,༡༠༠༠༠ དང། ཨང་གཉིས་པར་ ༧༠༠༠༠ ཐམ་པ་དང་དེ་བཞིན་ཨང་གསུམ་པར་ ༤༠༠༠༠ བཅས་ཀྱི་བྱ་དགའ་གནང་ཡོད་པ་རེད། སྐབས་དེར་རླུང་འཕྲིན་ཁང་གི་གསར་འགོད་པས་བོད་ཀྱི་མཛངས་པ་ཨང་དང་པོ་ཐོབ་མཁན་ཉི་མ་ལགས་སུ་བཅར་འདྲི་ཞུས་པར་ཁོང་གིས་མ་འོངས་པར་རང་ཉིད་ལ་འཛམ་གླིང་མཛངས་པ་འགྲན་སྡུར་ནང་དུ་མཉམ་ཞུགས་བྱ་རྒྱུའི་གོ་སྐབས་བྱུང་ཚེ་རྒྱལ་སྤྱིའི་སྡིངས་ཆའི་ཐོག་བོད་ཀྱི་གནད་དོན་འཁྱེར་ཐུབ་པ་བྱེད་ཀྱི་ཡིན་ཞེས་གསུངས་སོང། ལོ་ན་ ༢༣ སོན་པའི་བོད་པའི་མཛངས་པ་འགྲན་བསྡུར་གོ་སྒྲིག་གནང་མཁན་དང་གཡག་རྩེད་རིགས་ཚོགས་པའི་འགན་འཛིན་བསྟན་འཛིན་བཀྲིས་ལགས་ཀྱིས་མ་འོངས་པར་གཡག་རྩེད་རིགས་ཚོགས་པའི་ངོས་ནས་བོད་ཀྱི་མཛངས་པ་འགྲན་སྡུར་གཉེར་རྒྱུ་ཡིན་ཞེས་གསུངས་པ་དང་འབྲེལ། བོད་པའི་གཞོན་སྐྱེས་ཚོས་ཆང་རག་རིགས་སྤྱོད་ནས་དུས་ཚོད་འཕྲོ་བརླག་མ་གཏང་པར་རང་ཉིད་ཀྱི་དོ་དབྱིངས་དང་དགའ་མོས་ཡོད་པའི་ཕྱོགས་ལ་འབད་བརྩོན་གནང་ཐོག་མི་ཚེའི་མདུན་ལམ་ལེགས་པོ་བཟོ་དགོས་པ་གསུངས་སོང་། རྩ་བའི་ད་རེས་ཀྱི་ཆེས་ཐོག་མའི་བོད་ཀྱི་མཛངས་པ་འགྲན་སྡུར་དེའི་ནང་ཐོག་མའི་འཆར་བོད་པའི་སྐྱེས་པ་ ༡༧ ནས་མཉམ་ཞུགས་གནང་མཁན་བྱུང་ཡོད་པ་དང་། འགྲན་བསྡུར་ནང་གི་དགོས་ངེས་ཀྱི་ཆ་རྐྱེན་སྒྲིག་གཞི་ལྟར་མཐར་བོད་པའི་སྐྱེས་པ་ལྔ་འདེམས་སྒྲུབ་གནང་ཡོད་པ་རེད། དེ་དག་ནི་སྦེང་ལོར་ནས་ཉི་མ་ལགས་དང་། སྦིར་ནས་ཀརྨ་མཐུ་སྟོབས་ལགས། ཧུན་སུར་ནས་བསྟན་འཛིན་བློ་ལྡན་ལགས། སྦེང་ལོར་ནས་ཚེ་རིང་ཆོས་འཕེལ་ལགས། དེ་བཞིན་རྡ་ས་ནས་བློ་བཟང་ཆོས་འཕེལ་ལགས་བཅས་སྐྱེས་པ་ལྔ་ནས་མཉམ་ཞུགས་གནང་ཡོད་པ་རེད། འགྲན་སྡུར་དེའི་ཁྲོད་དུ་འགྲན་ཞུགས་པ་རྣམས་ནས་རང་ཉིད་སོ་སོའི་རྐྱལ་གོས་བཞེས་ཏེ་རང་ཉིད་ཀྱི་ལུས་པའི་བྲང་ཁོག་དང་། རྐང་ལག་གི་དབྱིབས་དང་རྩལ་སོགས་ལུས་པོ་སྤྱི་ཡོངས་ཀྱི་སྟོབས་དང་བྱད་གཟུགས་རྣམས་གཟུ་དཔང་གཙོས་པའི་མང་ཚོགས་རྣམས་ལ་གཟིགས་འབུལ་ཞུས་ཡོད་པ་མ་ཟད། མཐར་ཁ་ཉིན་ཕྱི་ཚེས་ ༢༨ ཉིན་དགོང་དྲོ་བཞུགས་སྒར་བོད་ཀྱི་ཟློས་སྒར་ཚོགས་པའི་ཐང་ཆེན་དུ་མང་ཚོགས་ཧ་ཅང་མང་པོ་འདུ་འཛོམས་བྱུང་ཐོག་ ༢༠༡༧ ལོའི་བོད་ཀྱི་མཛངས་པ་ཆེས་མཐའ་མའི་འགྲན་སྡུར་དང་གྲུབ་འབྲས་ཇི་སོན་གསལ་བསྒྲགས་གནང་ཡོད་པ་རེད།

ཉན་པ།: Listen ཕབ་ལེན། Download གཞས་མ་བསྟན་འཛིན་སྒྲོན་གསལ་ལགས་དང་གླེང་མོལ། Sunday 29/10/2017 In conversation with Singer Tenzin Donsel

ཉན་པ།: Listen ཕབ་ལེན། Download འདས་པའི་བདུན་གཅིག་ནང་གི་གལ་ཆེའི་གསར་འགྱུར་ཁག་ལ་བསྐྱར་ཞིབ། ཞི་ཅིང་ཕིང་གི་ལས་ཡུན་གཉིས་པའི་སྐབས་བོད་དང་རྒྱ་ནག་གནད་དོན་ཐོག་བཅར་འདྲི་ཞུས་པ། Saturday 28/10/2017 Week review Future of China and Tibet as Xi begins second term: Interview with TPI researcher Tenzin Tseten