ARCHIVE
Monthly Archives: June, 2017
རེས་གཟའ་ཕུར་བུ། ༢༠༡༧།༠༦།༢༩
vot.org -
ཉན་པ།: Listen
ཕབ་ལེན། Download
༸གོང་ས་མཆོག་གིས་ཧི་མ་ལ་ཡའི་བརྒྱུད་ཀྱི་མང་ཚོགས་ནས་ཎ་ལེན་ཌའི་རིག་གཞུང་སླར་གསོ་གནང་གལ་སྐོར་བཀའ་སློབ་བསྩལ་བ།
༸གོང་ས་མཆོག་གིས་སྐུ་ཞབས་ ལིའུ་ཞོ་པོ་ལགས་ལ་ཐུགས་གསོ་བསྩལ་འདུག
སྐོར་སྲུང་འབོད་ཆེན་འགྲེམས་འཇོག་འོག་ཞི་ཅིང་ཕིང་ཧོང་ཀོང་དུ་སླེབས་འདུག
རྒྱ་ནག་ཁྱོན་ཡོངས་སུ་ VPN བརྒྱུད་ལམ་ལ་དམ་བསྒྲགས་ཆེ་རུ་བཏང་པ།
བོད་ཀྱི་བེུད་རྐང་རྩེད་སྤོ་ལོའི་རུ་ཁག་ལ་འགོག་རྐྱེན་འཕྲད་ཀྱང་གོ་སྒྲིག་ཚོགས་ཆུང་གིས་རྒྱབ་སྐྱོར་གནང་འདུག
འཕྲོད་བསྟེན་ལེ་ཚན། ཕྲུ་གུ་བཙས་རྗེས་ཀྱི་འཕྲོད་བསྟེན་སྐོར།
Thursday 29/06/2017
Dalai Lama urges Himalayan people to help revive Nalanda tradition in India
Dalai Lama expresses concern for Liu Xiaobo, calls for best medical treatment
Security lockdown as Chinese President Xi Jinping's visit to Hong Kong begins
China tightens censorship, orders mobile app stores to remove VPN apps
Vancouver soccer tournament cuts ties with BC Soccer Association over Tibetan women's team
HEALTH FEATURE: Mother and Child care by Nurse Yangchen la
༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་ནང་༸ཞབས་སོར་བདེ་བར་འཁོད་པ།
vot.org -
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཨ་རིའི་ནང་གི་མཛད་འཕྲིན་ཁག་ལེགས་གྲུབ་ཀྱིས་ཁ་སང་རྒྱ་གར་གྱི་རྒྱལ་ས་ལྡི་ལིར་༸ཞབས་སོར་བདེ་བར་འཁོད་ཡོད་པ་དང་། དེ་རིང་ ༦ ཚེས་ ༢༨ ཉིན་སྔ་དྲོ་རྒྱལ་ས་ལྡི་ལི་ནས་མཁའ་ལམ་བརྒྱུད་ལ་དྭགས་རྒྱལ་ས་སླེ་བ་ཀུ་ལ་གནམ་ཐང་དུ་༸ཞབས་སོར་བདེ་བར་འཁོད་འདུག མགོན་པོ་༸གང་ཉིད་མཆོག་གནམ་ཐང་ནས་སླེའི་ཕོ་བྲང་དུ་ཆིབས་སྒྱུར་སྐབས་ཕེབས་ལམ་གྱི་གཡས་གཡོན་དུ་བོད་རིགས་གཙོས་པའི་ས་གནས་མང་ཚོགས་རྣམས་ཀྱིས་ཕྱག་ཏུ་དྭངས་གཙང་མཇལ་དར་གཙོས་བདུག་སྤོས་བསྣམས་ཤིང་། གྲོ་སོ་ཕྱེ་མར་ཆང་ཕུད་བཅས་འདེགས་འབུལ་གྱིས་ཕེབས་བསུའི་སྣེ་ལེན་གཟབ་རྒྱས་ཞུས་འདུག
རྩ་བའི་༸གོང་ས་༸སྐྱབས་མགོན་ཆེན་པོ་མཆོག་གི་མཛད་འཆར་སྔོན་སྒྲིག་ལྟར་ན། ༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་སུ་ཟླ་ ༦ ཚེས་ ༢༨ ནས་ཟླ་ ༨ ཚེས་ ༩ བར་ཟླ་བ་གཅིག་ལྷག་རིང་ལ་བཞུགས་ཞག་མཛད་རྒྱུ་དང་ཆོས་འབྲེལ་སོགས་ཀྱི་མཛད་འཕྲིན་ཁག་ཅིག་བསྐྱང་རྒྱུ་ཡིན་པ་རེད།
དེ་རིང་ཟླ་ ༦ ཚེས་ ༢༨ ནས་ཟླ་ ༧ ཚེས་ ༥ བར་ཞི་བའི་ཚལ་ཕོ་བྲང་དུ་སྐུ་ངལ་གསོ་བཞུགས་མཛད་རྒྱུ་དང། ཚེས་ ༦ ཉིན་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་མགོན་པོ་༸གང་ཉིད་མཆོག་ཕྱི་ལུགས་ལྟར་དགུངས་གྲངས་ ༨༢ བཞེས་པའི་༸སྐུའི་འཁྲུངས་ལྷ་དབྱར་གསོལ་སྲུང་བརྩི་དང་སྦྲགས། བོད་མི་དང་ལ་དྭགས་གཞུང་དམངས་གཉིས་ནས་སྔར་དང་མི་འདྲ་བའི་སྲུང་བརྩི་རྒྱས་པ་ཞུ་རྒྱུ་མ་ཟད། ལ་དྭགས་བསོད་ནམས་གླིང་གཞིས་སྒར་གྱི་བོད་མི་རྣམས་ནས་མགོན་པོ་༸གང་ཉིད་མཆོག་ལ་བསྟན་འགྲོའི་ཕན་བདེའི་སླད་༸སྐུ་ཚེ་མི་འཇིག་རྡོ་རྗེའི་ཁམས་སུ་བརྟན་ཕྱིར་བརྟན་བཞུགས་བསྟར་འབུལ་ཞུ་རྒྱུ་རེད་འདུག ད་རེས་ཀྱི་འཁྲུངས་ལྷ་དབྱར་གསོལ་གྱི་མཛད་སྟོན་དང་བརྟན་བཞུགས་བསྟར་འབུལ་ཞུ་ཕྱིར་ལ་དྭགས་བསོད་ནམས་གླིང་བོད་མིའི་གཞིས་སྒར་གྱི་ཁྱབ་ཁོངས་ཐག་རིང་བྱང་ཐང་ཁུལ་གྱི་བོད་མི་རྣམས་ནས་༸སྐུའི་འཁྲུངས་སྐར་སྔར་ནུར་སྲུང་བརྩི་ཞུ་རྒྱུ་དང་། ཁོང་རྣམས་ནས་ཞི་བའི་ཚལ་ཕོ་བྲང་དུ་༸སྐུའི་འཁྲུངས་སྐར་གྱི་དགའ་སྟོན་མཛད་སྒོར་མཉམ་ཞུགས་གནང་གི་འདུག
༸གོང་ས་༸སྐྱབས་མགོན་ཆེན་པོ་མཆོག་གི་མཛད་འཆར་ལ་འགྱུར་བ་ཕྲན་བུ་ཕྱིན་ཡོད་པ་དང་། དེའང་མགོན་པོ་མཆོག་ཐོག་མ་ལ་དྭགས་ནུབ་རར་ཆིབས་སྒྱུར་དང་དེ་རྗེས་ཟངས་དཀར་ཁུལ་དུ་ཆིབས་སྒྱུར་མཛད་གཏན་འཁེལ་འདུག ཟླ་ ༧ ཚེས་ ༡༠ ནས་ ༡༣ བར་ལ་དྭགས་ནུབ་ར་ཁུལ་དུ་ཆིབས་བསྒྱུར་གྱིས་ཁུལ་དེར་རྟེན་གཞི་བྱས་པའི་བདེ་དགོན་བཀྲ་ཤིས་ཆོས་གླིང་དགོན་དུ་ཚོགས་རྒྱུའི་ཕར་ཕྱིན་དབྱར་ཆོས་ཆེན་མོའི་འཇུག་བསྡོམས་མཛས་སྒོར་དབུ་བཞུགས་མཛད་རྒྱུ་དང། དེ་རྗེས་ཚེས་ ༡༡ ནས་ ༡༣ བར་༸གོང་ས་མཆོག་ནས་ཁུལ་དེའི་སེར་སྐྱ་མང་ཚོགས་ལ་སློབ་དཔོན་ཀཱ་མ་ལ་ཤི་ལས་མཛད་པའི་སྒོམ་རིམ་བར་པ་དང་རྒྱལ་སྲས་ཐོགས་མེད་བཟང་པོས་མཛད་པའི་ལག་ལེན་སོ་བདུན་མའི་བཀའ་ཆོས་དང་ཚེ་དབང་བཅས་སྩལ་རྒྱུ།
དེ་བཞིན་ཚེས་ ༡༤ ཉིན་ནུབ་རེའི་ཉི་འདབས་ཀྱི་ས་གནས་ Turtukདུ་ཆིབས་སྒྱུར་གྱིས་ས་གནས་མང་ཚོགས་ལ་བཀའ་སློབ་སོགས་ཀྱི་མཛད་འཆར་བསྐྱང་རྒྱུ་ཡིན་པ་དང་། ཕྱི་ཚེས་ ༡༦ ནས་ ༡༨ བར་ཟངས་དཀར་ཁུལ་དུ་སྤྱན་རས་གཟིགས་ཕྱག་སྟོང་སྤྱན་སྟོང་གི་བཀའ་དབང་བཀའ་དྲིན་སྩལ་རྒྱུ་མ་ཟད། ཟླ་ ༧ ཚེས་ ༢༨ ནས་ ༣༠ བར་ལ་དྭགས་རྒྱལ་ས་སླེ་ཞི་བའི་ཚལ་མང་ཚོགས་ཚོར་རྒྱལ་སྲས་ཞི་བ་ལྷས་མཛད་པའི་སྤྱོད་འཇུག་ཆེན་མོའི་གསུང་ཆོས་དང་སྤྱན་རས་གཟིགས་ངན་སོང་ཀུན་གྲོལ་གྱི་བཀའ་དབང་བཀའ་དྲིན་སྩལ་རྒྱུ་ཡིན་པ་རེད་འདུག
དུས་དབང་ཐེངས་ ༣༤ པའི་དངུལ་ལྷག་མ་སྒོར་ས་ཡ་ ༣༡ མན་ཙམ་ཡོད་པ་དེ་བོད་མིའི་སྤྱི་ཚོགས་ཀྱི་བདེ་རྩར་བགོས་འགྲེམས་གནང་འདུག
vot.org -
དེ་རིང་ཟླ་ ༦ ཚེས་ ༢༨ ཉིན་སྔ་དྲོ་བོད་མིའི་སྒྲིག་འཛུགས་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ་འདས་མ་ཐག་པ་དུས་འཁོར་དབང་ཆེན་ཐེངས་ ༣༤ པའི་གོ་སྒྲིག་ཚོགས་ཆུང་གི་ཚོགས་གཙོ་བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་དང་། ཚོགས་གཞོན་འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་མཆོག་གིས་དབུས་པའི་དཔལ་འབྱོར་དྲུང་ཆེ་འཕྲིན་ལས་རྒྱ་མཚོ་ལགས་དང་ཆོས་རིག་དྲུང་ཆེ་བསྟན་འཛིན་ལུང་རྟོགས་ལགས་བཅས་ཆེད་ཕེབས་ཀྱིས་དུས་འཁོར་དབང་ཆེན་ཐེངས་ ༣༤ པའི་དངུལ་བྱུང་སོང་བསྡད་གསུམ་གྱི་མཐའ་མའི་རྩིས་ཁྲ་ཁག་གསལ་བསྒྲགས་གནང་སོང་།
ཁྱོན་ཡོང་ཁུངས་བྱུང་སྒོ་བཞི་ནས་བསྡོམས་ཧིན་སྒོར་ས་ཡས་ ༣༠༣,༦༤,༡༠༣༤ དང་། འགྲོ་གྲོན་སོང་སྒོར་ ༢༡ གི་ཐོག་ནས་ཁྱོན་བསྡོམས་སྒོར་ས་ཡ་ ༢༧༢,༦༩,༢༥༩༩ གནས་འདུག་པས། དངུལ་འབོར་ལྷག་བསྡད་པ་བསྡོམས་སྒོར་ས་ཡ་ ༣༠,༩༤,༨༤༣༥ བཅས་འདུག དུས་དབང་གོ་སྒྲིག་ཚོགས་ཆུང་གི་ཚོགས་གཙོ་ཆོས་རིག་བཀའ་བློན་མཆོག་གིས་གསར་འགོད་ལྷན་ཚོགས་ཐོག་འདས་མ་ཐག་པའི་དུས་དབང་གི་དངུལ་ལྷག་མ་ཧིན་སྒོར་ས་ཡ་ ༣༡ མན་ཙམ་ཡོད་པ་ཆ་ཚང་དཔལ་ལྡན་དགའ་ལྡན་ཕོ་བྲང་ཡིག་ཚང་གི་སྔོན་བསྩལ་རྩ་འཛིན་ལམ་སྟོན་ཇི་བཞིན་བོད་མིའི་སྒྲིག་འཛུགས་ནས་བཙན་བྱོལ་བོད་མིའི་སྤྱི་ཚོགས་ཀྱི་བདེ་རྩར་བགོས་འགྲེམས་གནང་ཡོད་པ་གསུངས་སོང་། དེའི་ནང་ནས་དངུལ་འབོར་མང་ཤོས་སྒོར་ས་ཡ་བཅུ་ཐམ་པ་གདན་ས་ཁག་གི་དཔེ་འཁྲིད་དགེ་རྒན་དང་། གཞུང་ཆེན་སློབ་གཉེར་གནང་མཁན་ཁྲོད་མཆིན་པའི་གཉན་ཚད་ནད་གཞིའི་སྨན་བཅོས་ཞུ་ཆེད་དུ་བཏང་གནང་འདུག
དེ་བཞིན་དུས་དབང་གོ་སྒྲིག་ཚོགས་ཆུང་ལ་མཐུན་འགྱུར་གནང་མཁན་རྣམས་ལ་ཐུགས་རྗེ་ལེགས་འབུལ་སྒོར་ས་ཡ་ ༩ ལྷག་ཙམ་དང་ནང་སྲིད་ལས་ཁུངས་ཀྱི་ཁྱབ་ཁོངས་སུ་ཡོད་པའི་རྒན་གསོ་ཁང་ཁག་གི་ཆེད་ས་ཡ་བཞི་དང་འབུམ་དགུ་ཙམ་དང་གཞན་ཡང་མ་སུ་རི་བོད་ཁྱིམ་སློབ་གྲྭའི་གཞི་རིམ་སློབ་གྲྭ་མཐར་སོན་རྗེ་མཐོ་སློབ་སློབ་ཡོན་ཆེད་ས་ཡ་བཞི་ཐམ་པ་སོགས་དོན་ཚན་བདུན་ལ་ཆ་བགོས་གནང་འདུག
ཆོས་རིག་བཀའ་བློན་མཆོག་གིས་ཐེངས་འདིའི་མཐའ་བསྡོམས་བྱུང་སོང་འབོར་དང་གསལ་བསྒྲགས་སྔ་མའི་བྱུང་སོང་ཚོད་རྩིས་ཀྱི་གྲངས་འབོར་ལ་བར་ཁྱད་ཕྲན་བུ་སོང་ཡོད་པ་དེ་ནི། གསལ་བསྒྲགས་སྔ་མའི་ནང་གི་ཕྱི་དངུལ་ཁག་ཅིག་གི་ཛ་ཐང་མཐོ་དམའ་སོང་རྐྱེན་ཐོག་མའི་ཚོད་རྩིས་ལྟར་མ་གནས་པ་སོགས་བྱུང་བའི་རྒྱུ་མཚན་ཁ་ཤས་ཡོད་པ་གསལ་བཤད་གནང་སོང་བ་དང། ཁྱད་པར་དུ་དུས་དབང་ཐེངས་ ༣༤ པའི་མཐའ་མའི་རྩིས་ཁྲ་འདི་བཞིན་ད་བར་འགོར་གཞིའི་སྐོར་ལ་འདི་ལྟར་གསུངས་གནང་སོང་།
དུས་དབང་ཐེངས་ ༣༤ པའི་ཚོགས་གོ་སྒྲིག་ཚོགས་ཆུང་གི་ཚོགས་གཙོ་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་ནས་དེ་རིང་སྔ་དྲོ་མཐའ་བསྡོམས་འགྲོ་སོང་གི་བརྒྱ་ཆ་ ༢༩ ལྷག་ཙམ་ཡོན་བདག་ཁག་གི་བསྡུ་འབབ་ཁོངས་ནས་དང་། དེ་འཕྲོས་བརྒྱ་ཆ་ ༧༠ ལྷག་ཙམ་དད་ལྡན་ཆོས་ཞུ་བ་མང་ཚོགས་ཀྱི་ཞལ་འདེབས་ཁོངས་ནས་བྱུང་འདུག་ཅེས་གསུངས་པ་དང་འབྲེལ། འདས་མ་ཐག་པའི་དུས་དབང་སྐོར་གྱི་གསལ་བསྒྲགས་དང་གསལ་བཤད་གནང་མཐར་དུས་འཁོར་དབང་ཆེན་ཐེངས་ ༣༤ པའི་ལས་དོན་ཞུ་སྒོ་མཐའ་དག་ཁྲིམས་སྒྲིག་འགྲོ་ལུགས་དང་ཡོངས་སུ་མཐུན་ཞིང་བྱ་སྤུ་གནོན་གྱི་གོ་རིམ་དང་ལྡན་པ་དང་། མང་ཚོགས་ཞབས་ཞུའི་ལས་དོན་རྣམས་ཀྱང་གནད་དུ་སྨིན་པ་བྱུང་ཡོད་ཅེས་དགའ་སྤྲོ་དང་སྤོབས་པ་ཆེན་པོས་ཞུ་འདོད་བྱུང་ཞེས་སོགས་གསུངས་ཡོད་པ་རེད།
གཞི་རྩའི་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འདི་ལོའི་ཕྱི་ཟླ་ ༡ ཚེས་ ༢ ནས་ ༡༤ བར་གནས་མཆོག་རྡོ་རྗེ་གདན་དུ་བསྩལ་བའི་དཔལ་དུས་ཀྱི་འཁོར་ལོའི་དབང་ཆེན་ཐེངས་ ༣༤ པའི་སྐབས་འཛམ་གླིང་རྒྱལ་ཁབ་ ༩༠ ལྷག་ནས་དད་ལྡན་ཆོས་ཞུ་བ་འབུམ་གཉིས་མན་ཙམ་བཅར་ཡོད་པ་རེད།
རེས་གཟའ་ལྷག་པ། ༢༠༡༧།༠༦།༢༨
vot.org -
ཉན་པ།: Listen
ཕབ་ལེན། Download
༸གོང་ས་མཆོག་ལ་དྭགས་སུ་༸ཞབས་སོར་བདེ་བར་འཁོད་འདུག
ཨ་རིའི་གྲོས་ཚོགས་སུ་༸གོང་ས་མཆོག་གི་འཁྲུངས་སྐར་སྲུང་རྩིས་ཞུས་འདུག
དུས་དབང་༣༤པའི་དངུལ་ལྷག་སྒོར་ས་ཡ་༣༡མན་ཙམ་ཡོད་པ་ཆ་ཚང་སྤྱི་ཚོགས་བདེ་རྩར་བགོས་འགྲེམས་གནང་འདུག
ཆུ་མཛོད་གསར་རྒྱག་ལས་གཞི་འོག་བོད་དེ་ཐིམ་བཞིན་འདུག་ཅེས་གསུངས་འདུག
རྒྱ་གཞུང་ནས་ ལིའུ་ཤོ་ ཡི་གནད་དོན་ཐོག་ཕྱི་རྒྱལ་གཞུང་ཚོགས་སུ་ལའང་ཐེ་བྱུས་བྱ་རྒྱུའི་རང་དབང་མེད་སྐོར་བཤད་འདུག
སྦེལ་ཀོབ་ཏུ་འབྱུང་འགྱུར་མི་རབས་གསར་པའི་འགོ་ཁྲིད་ཟབ་སྦྱོང་ཞིག་གནང་བཞིན་འདུག
Wednesday 28/06/2017
His Holiness the Dalai Lama arrives in Leh, Ladakh
Dalai Lama’s birthday celebrated at Capitol Hill
Kalachakra financial statement released, over 30 million INR distributed for welfare projects
Sacred Tibet sinking beneath China’s hydropower frenzy
Former Home Kalon opens leadership workshop in Bylakuppe, South India
Liu Xiabao’s case an internal matter, says China
ཨ་རིའི་གྲོགས་ཚོགས་སུ་༸གོང་ས་མཆོག་གི་༸སྐུའི་འཁྲུངས་སྐར་སྲུང་བརྩི་དང་ཆེ་བསྟོད་ཀྱི་མཛད་སྒོ་སྔ་ནུར་ཞུས་འདུག
vot.org -
རིང་མིན་ཟླ་ ༧ ཚེས་ ༦ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་ཕྱི་ལུགས་མཆོག་དགུང་གྲངས་ ༨༢ བཞེས་པའི་༸སྐུའི་འཁྲུངས་ལྷ་དབྱར་གསོལ་འཁེལ་གྱི་ཡོད་པ་དང་བསྟུན། ཁ་སང་ཨ་རིའི་རྒྱལ་ས་ Washington DC ནང་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་དང་ཨ་རི་བོད་ཀྱི་སྐུ་ཚབ་དོན་ཁང་གཉིས་ཀྱིས་རྐང་འགན་བཞེས་ཐོག་ཡུལ་དེའི་གྲོས་ཚོགས་ནང་དུ་མགོན་པོ་༸གང་ཉིད་མཆོག་ལ་ཆེ་བསྟོད་ཀྱི་༸སྐུའི་འཁྲུངས་སྐར་དུས་ཆེན་སྔ་ནུར་སྲུང་བརྩི་ཞུས་འདུག
མཛད་སྒོའི་ཐོག་ཨ་མི་རི་ཀའི་མང་གཙོ་ཚོགས་པའི་འགོ་ཁྲིད་ལྕམ་ Nancy Pelosi མཆོག་གཙོས་པའི་ཨ་རིའི་གྲོས་ཚོགས་འཐུས་མི་སྐུ་ཞབས་ Jim Sensenbreaner མཆོག་དང་སྐུ་ཞབས་ Jim McGovern མཆོག་སོགས་ཨ་རིའི་གྲོས་ཚོགས་འཐུས་མིའི་སྐུ་ཚབ་བཅུ་གཉིས་ལྷག་དང་ཨ་མི་རི་ཀའི་རྒྱལ་ཚོགས་ཀྱི་སྐུ་ཚབ་ཟུར་པ་སྐུ་ཞབས་ Keith Harper མཆོག དེ་བཞིན་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ལྷན་ཚོགས་ཀྱི་ཚོགས་གཙོ་དང་མགོན་པོ་༸གང་ཉིད་མཆོག་གི་ཐུགས་ཉེ་བའི་མཛའ་གྲོགས་སྐུ་ཞབས་ Richard Gere ལགས་དང་ཚོགས་པ་དེའི་ཚོགས་གཙོ་སྐུ་ཞབས་ Matteo Mecacci མཆོག གཞན་ཡང་ཨ་རི་བོད་ཀྱི་སྐུ་ཚབ་དོན་གཅོད་སྤེན་པ་ཚེ་རིང་ལགས་ཀྱིས་གཙོས་པའི་གནད་ཡོད་མི་སྣ་དང་བོད་རིགས་བཅས་ཁྱོན་མང་ཚོགས་གསུམ་བརྒྱ་ལྷག་ནས་མཉམ་ཞུགས་གནང་འདུག
སྐབས་དེར་ལྕམ་སྐུ་ Nancy Pelosi མཆོག་གིས་གཙོས་པའི་གྲོས་ཚོགས་འཐུས་མི་རྣམས་ནས་རིམ་བཞིན་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་དང་འབྲེལ་བའི་འཚམས་འདྲིའི་གསུང་བཤད་གནང་ཡོད་པ་དང་། སྐབས་དེར་སྐུ་ཞབས་ Jim McGovern མཆོག་ནས་མགོན་པོ་༸གང་ཉིད་མཆོག་གི་༸སྐུའི་འཁྲུངས་སྐར་སྐབས་ཨ་རིའི་གྲོས་ཚོགས་འཐུས་མི་རྣམས་ནས་རང་ཉིད་ཀྱི་ཆབ་སྲིད་ཚོགས་པ་དང་མངའ་སྡེ་སོགས་ཀྱི་དབྱེ་བ་མེད་པར་བསམ་པ་གཅིག་མཐུན་ཐོག་ནས་མཉམ་འཛོམས་ཀྱིས་༸སྐུའི་འཁྲུངས་སྐར་སྲུང་བརྩི་ཞུ་བཞིན་པ་འདི་ནི་ཨ་རིའི་གྲོས་ཚོགས་དང་མི་དམངས་ཀྱི་ངོས་ནས་མགོན་པོ་མཆོག་ལ་གུས་བརྩི་དང་ཆེ་མཐོང་། ལྷག་དོན་དུ་མགོན་པོ་མཆོག་གི་བྱམས་བརྩེ་དང་ཞི་བདེ་སོགས་དང་འབྲེལ་བའི་ལམ་སྟོན་བཀའ་སློབ་ཁག་ལ་ཡིད་ཆེས་ཞུ་བཞིན་པའི་རྣམ་པ་གསལ་པོ་རེད་ཅེས་འགྲེལ་བརྗོད་དང་འབྲེལ། ༸གོང་སམཆོག་གི་༸སྐུའི་འཁྲུངས་སྐར་ལ་འཚམས་འདྲི་དང་། རྒྱ་གཞུང་གི་དྲག་པོའི་སྲིད་བྱུས་འོག་སྐྱབས་བཅོལ་དུ་གནས་བཞིན་པའི་བོད་མི་རྣམས་རང་ཉིད་ཀྱི་ཕ་ཡུལ་དུ་ཕྱིར་ལོག་ཐུབ་ནས་ཐུན་མོང་མ་ཡིན་པའི་སྐད་ཡིག་དང་རིག་གཞུང་ཁག་རང་དབང་ངང་ལོངས་སུ་སྤྱོད་རྒྱུའི་རང་དབང་གང་མགྱོགས་ཐོབ་པའི་རེ་བ་ཡོད་ཅེས་གསུངས་འདུག
དེ་བཞིན་སྐུ་ཞབས་ Richard Gere ལགས་ནས་ད་བར་བོད་དོན་ལ་རྒྱབ་སྐྱོར་གནང་མཁན་གྱི་ཨ་རིའི་གྲོས་ཚོགས་འཐུས་མི་སྤྱི་དང་ལྷག་པར་དུ་གྲོས་ཚོགས་འཐུས་མི་དང་བོད་ཀྱི་གནད་དོན་དབར་ལ་རྒྱུན་དུ་ཕྱག་ལས་གནང་མཁན་གྱི་ལས་བྱེད་ཡོངས་ལ་ཐུགས་རྗེ་ཆེ་ཞུས་པ་མ་ཟད། ༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་ལ་འཚམས་འདྲི་དང་། མགོན་པོ་༸གང་ཉིད་མཆོག་གང་མགྱོགས་རྒྱལ་ས་ལྷར་ཡོད་པའི་པོ་ཏ་ལའི་གཟིམས་ཆུང་ནང་དུ་གདན་འདྲེན་ཞུ་རྒྱུར་མུ་མཐུད་ཕྱག་ལས་གནང་དགོས་གལ་ཡིན་པ་སོགས་གསུངས་འདུག
རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ལྷན་ཚོགས་ཀྱི་ཚོགས་གཙོ་སྐུ་ཞབས་ Richard Gere ལགས་ཀྱིས་གཙོས་པའི་ཚོགས་གཙོ་སྐུ་ཞབས་ Matteo Mecacci ལགས་དང་ཚོགས་གཞོན་བུ་ཆུང་ཚེ་རིང་ལགས། དེ་བཞིན་ཚོགས་པ་དེའི་ལས་བྱེད་དང་ཨ་རི་སྐུ་ཚབ་དོན་གཅོད་སྤེན་པ་ཚེ་རིང་ལགས་བཅས་ནས་ཨ་རིའི་ཕྱི་སྲིད་ལས་དོན་ཚོགས་ཆུང་གི་ཚོགས་མི་དྲུག་དང་གྲོས་ཚོགས་ཀྱི་སྔོན་རྩིས་བསྐྱར་ཞིབ་ཚོགས་ཆུང་གི་ཚོགས་གཙོ་ Harold Rogers ལགས། ལས་བྱེད་ཁག་ཅིག་དང་ཐུག་འཕྲད་ཀྱིས་བོད་དོན་སྐོར་དང་། ལྷག་པར་དུ་ཨ་རི་གཞུང་ནས་བོད་དོན་ཐོག་གནང་བཞིན་པའི་མ་དངུལ་དང་ལས་འཆར་སོགས་ཀྱི་ཐོག་ལ་གྲོས་བསྡུར་གནང་འདུག་པ་དང་། སྐབས་དེར་ཨ་རི་གྲོས་ཚོགས་ཀྱི་སྔོན་རྩིས་བསྐྱར་ཞིབ་ཚོགས་ཆུང་གི་ངོས་ནས་ཨ་རི་གཞུང་ནས་བོད་ཐོག་གནང་བཞིན་པའི་མ་དངུལ་དང་ལས་འཆར་ཁག་མུ་མཐུད་གནང་རྒྱུར་རྒྱབ་སྐྱོར་ཡོད་པ་སོགས་གསུངས་འདུག
རེས་གཟའ་མིག་དམར། ༢༠༡༧།༠༦།༢༧
vot.org -
ཉན་པ།: Listen
ཕབ་ལེན། Download
Liu Xiaobo ལགས་བཙོན་གྲོལ་ཐོབ་ཀྱང་ཁོང་གི་འཕྲོད་བསྟེན་ཐོག་སེམས་ཚབས་ཆེན་པོ་གནང་བཞིན་འདུག
རྒྱ་ནག་དང་ཡུ་རོབ་མཐུན་ཚོགས་དབར་སྔར་ལྷག་འབྲེལ་བ་གཏིང་ཟབ་ཏུ་ཕྱིན་ཚེ་བོད་ཀྱི་གནད་དོན་ལ་འགག་རྩ་ཆགས་ཡོད།
རྒྱ་གཞུང་གིས་བཙོན་འཇུག་ཁྲིམས་ཐག་བཅད་པའི་དགེ་འདུན་པ་གཉིས་ལ་ཆ་རྐྱེན་མེད་པར་གློད་བཀྲོལ་གཏོང་དགོས།
བྱང་ཨ་རི་ཁུལ་གྱི་ས་གནས་བོད་ཀྱི་གཞོན་ལྷན་ནས་ཞི་རྒྱ་ཆེ་བའི་བོད་དོན་གྱི་ལས་འགུལ་སྤེལ་རྒྱུར་ཐག་གཅོད་བྱུང་འདུག
གླུ་གཞས་ལེ་ཚན། ཨ་ནུ་རིང་ལུགས་ཀྱི་གཞས་འཕུར།
Tuesday 27/06/2017
Mounting concerns over Liu Xiaobo’s health, Nobel Committee extends standing invitation
Improved EU-China ties significant for Tibet: OoT Brussels Representative
Tibet rights group calls for immediate release of 2 Thangkor Socktsang monks
17th North America TYC Working Committee meeting concludes
MUSIC FEATURE: ‘Fly’ by Anu Ranglug
སྐུ་ཞབས་ Liu Xiaobo ལགས་བཙོན་གྲོལ་ཐོབ་ཀྱང་ཁོང་གི་འཕྲོད་བསྟེན་ཐོག་བློ་ཚབས་ཆེན་པོ་གནང་བཞིན་འདུག
vot.org -
ཁ་སང་རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་རྒྱ་ནག་གཞུང་གིས་འགྲོ་བ་མིའི་ཐོབ་ཐང་འཐབ་རྩོད་པ་དང་ནོ་སྦེལ་ཞི་བདེའི་གཟེངས་རྟགས་བཞེས་མྱོང་མཁན་སྐུ་ཞབས་ Liu Xiaobo ལགས་སྨན་བཅོས་ཀྱི་ཐོབ་ཐང་འོག་བཙོན་ཁང་ནས་གློད་བཀྲོལ་བཏང་པའི་གནས་ཚུལ་ཡོངས་ཁྱབ་གནང་ཡོད་པ་མ་ཟད། ཁོང་གི་གཅེན་པོ་ Liu Xiaoguang ལགས་དང་ཁྲིམས་རྩོད་པ་ Mo Shaoping ལགས་རྣམ་གཉིས་ཀྱིས་གསར་ཁང་ཁག་གི་བཅར་འདྲིར་དང་ལེན་གནང་པར་ཟླ་བ་སྔོན་མའི་ཕྱི་ཚེས་ ༢༣ ཉིན་སྐུ་ཞབས་ Liu Xiaobo ལགས་ལ་མཆིན་པའི་སྐྲན་ནད་ཕོག་ཡོད་པ་ཤེས་རྗེས་རྒྱ་གཞུང་གིས་ཁོང་ལ་སྨན་བཅོས་ཀྱི་ཐོབ་ཐང་འོག་གློད་བཀྲོལ་བཏང་དོན་ལྟར་ད་ལྟའི་ཆར་ཁོང་རྒྱ་ནག་གི་ Liaoning ཞིང་ཆེན་གྱི་གྲོང་ཁྱེར་ Shenyang ནང་དུ་སྨན་བཅོས་གནང་བཞིན་སྐོར་འགྲེལ་བརྗོད་གནང་ཡོད་པ་རེད།
སྐུ་ཞབས་ Liu Xiaobo ལགས་ལ་འབྲས་ནད་ཕོག་ནས་བཙོན་ཁང་ནས་གློད་བཀྲོལ་བཏང་པའི་གནས་ཚུལ་དང་འབྲེལ། ཁ་སང་ནོར་ཝེ་རྒྱལ་ས་ཨོས་ལོ་ནང་དུ་རྟེན་གཞི་བྱས་པའི་ནོ་སྦེལ་ཞི་བདེའི་ལྷན་ཚོགས་ནས་ཡོངས་ཁྱབ་བསྒྲགས་གཏམ་ཞིག་སྤེལ་དོན། སྐུ་ཞབས་ Liu Xiaobo ལགས་བཙོན་ཁང་ནས་གློད་བཀྲོལ་ཐོབ་པར་དགའ་དགོས་པའི་གནས་སྟངས་ཤིག་ཡིན་ཀྱང་། རྒྱ་གཞུང་གིས་ཁོང་ནད་གཞི་དྲག་པོ་དེ་འདྲ་ཞིག་མ་ཕོག་གི་བར་དུ་གློད་བཀྲོལ་མ་གཏང་པ་དེ་ནི་བློ་འགྱོད་ཅན་གྱི་བྱེད་སྟངས་ཤིག་ཡིན་པ་མ་ཟད། གལ་སྲིད་རྒྱ་གཞུང་གིས་ཁོང་གི་སྨྲ་བརྗོད་རང་དབང་སོགས་ལ་དམ་དྲག་གིས་བཙོན་འཇུག་བྱས་མེད་ཚེ་གནས་སྟངས་དེ་ལྟར་ཡོང་མི་སྲིད་པ་ཞིག་ཀྱང་རེད་ཅེས་གསུངས་པ་དང་སྦྲགས། རྒྱ་ནག་གཞུང་ནས་སྐུ་ཞབས་ Liu Xiaobo ལགས་ཀྱི་སྨན་བཅོས་ཐད་ལ་མཐུན་འགྱུར་གང་ལེགས་གནང་དགོས་པ་མ་ཟད། ལྷན་ཚོགས་དེའི་ངོས་ནས་སྐུ་ཞབས་ Liu Xiaobo ལགས་གང་མགྱོགས་ཨོས་ལོ་ནང་དུ་དེ་སྔ་ ༢༠༡༠ ལོར་ནོ་སྦེལ་ཞི་བདེའི་ལྷན་ཚོགས་ནས་ཁོང་ལ་ཕུལ་བའི་ནོ་སྦེལ་ཞི་བདེའི་གཟེངས་རྟགས་ཀྱི་བྱ་དགའ་དེ་བཞེས་པར་ཕེབས་རྒྱུའི་མགྲོན་བརྡ་ཡང་བཏང་འདུག
གཞན་ཡང་ཁ་སང་ CECC ཞེས་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་ནས་ཀྱང་ཡོངས་ཁྱབས་བསྒྲགས་གཏམ་ཞིག་སྤེལ་ཏེ། ཨ་རིའི་སྲིད་འཛིན་སྐུ་ཞབས་ཊམ་མཆོག་ནས་སྐུ་ཞབས་ལི་ཞའོ་བོ་ལགས་དང་ཁོང་གི་སྐུ་ཟླ་ Liu Xia ལགས་རྣམ་གཉིས་འཕྲོད་བསྟེན་དང་བདེ་འཇགས་སོགས་ལ་དམིགས་ཏེ་འཕྲལ་མར་ཨ་རིར་སྨན་བཅོས་ཆེད་དུ་གཞི་སྤེས་ཐུབ་ཐབས་གནང་དགོས་པ་གསུངས་པ་མ་ཟད། ལྷག་པར་དུ་ད་ལྟའི་ཆར་སྐུ་ཞབས་ Liu Xiaobo ལགས་ལ་མཆིན་པའི་འབྲས་ནད་ཕོག་པས་སྨན་བཅོས་ཆེད་གློད་བཀྲོལ་བཏང་ཡོད་ཀྱང་། རྒྱ་ནག་གཞུང་གི་ངོས་ནས་སྨན་བཅོས་ཀྱི་དུས་ཡུན་དང་། ཁོང་ལ་ནད་གཞི་ནམ་ཕོག་ཡོད་མེད། དེ་བཞིན་ཁོང་གི་སྐུ་ཟླ་བཟང་བཙོན་འོག་ནས་གློད་བཀྲོད་གཏང་མིན་གྱི་གནས་སྟངས་ཐོག་གསལ་ཁ་གང་ཡང་མེད་སྟབས་དེ་ནི་དྲི་བ་གནད་ཆེ་ཞིག་ཆགས་ཡོད་སྐོར་སོགས་གསུངས་སོང་། ད་དུང་ཁོང་གིས་སྐུ་ཞབས་ Liu Xiaobo ལགས་བཙོན་ཁང་ནང་འདས་གྲོངས་སུ་འགྱུར་རྒྱུའི་ནག་ཉེས་ནས་མཐར་ཐབས་བྱས་པའི་གཡོ་སྒྱུ་ཞིག་རེད་ཅེས་རྒྱ་ནག་གཞུང་ལ་སྐྱོན་བརྗོད་ནན་པོ་གནང་འདུག
བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་ཉམས་ཞིབ་པ་པདྨ་ཆོས་སྒྲོན་ལགས་ཀྱིས་སྐུ་ཞབས་ Liu Xiaobo ལགས་ཀྱི་གནས་སྟངས་དེ་ཡིད་སྐྱོ་དགོས་པ་ཞིག་དང་། ཁོང་ཡུན་རིང་འཚོ་ཐུབ་མིན་ཐད་ལ་སེམས་ཚབས་ཆེན་པོ་ཡོད་པ་གསུངས་སོང་། དེ་བཞིན་དེ་རིང་བོད་མིའི་སྒྲིག་འཛུགས་ཀྱི་དྲ་གནས་ཐོག་ལ་སྐུ་ཞབས་ Liu Xiaobo ལགས་ཀྱི་གནས་སྟངས་དང་འབྲེལ་བའི་གནས་ཚུལ་འདོན་སྤེལ་གནང་ཡོད་སྟབས། དྲིལ་བསྒྲགས་དྲུང་ཆེ་ཤར་གླིང་བསྟན་འཛིན་ཟླ་སྒྲོན་ལགས་སུ་བཅར་འདྲི་ཞུས་པར་ཁོང་གིས་སྐུ་ཞབས་ Liu Xiaobo ལགས་ཀྱི་གནས་སྟངས་ཐད་ལ་གདུང་སེམས་མཉམ་བསྐྱེད་དང་རེ་བ་བཟང་ས་ནས་གནང་བཞིན་ཡོད་པ་གསུངས་ཡོད།
ཞི་རྩའི་སྐུ་ཞབས་ Liu Xiaobo ལགས་ནི་རྒྱ་ནག་ནང་འགྲོ་བ་མིའི་ཐོབ་ཐང་དང་མང་གཙོ་སོགས་ཀྱི་ཐད་ལ་ཕྱག་ལས་བསྟུད་མར་གནང་སྟབས། རྒྱ་གཞུང་གིས་ ༢༠༠༩ ལོར་ཁོང་རྒྱལ་ཁབ་ཀྱི་སྲིད་དབང་མགོ་རྟིང་སློག་ཐབས་བྱས་པའི་ནག་ཉེས་འོག་ལོ་ངོ་བཅུ་གཅིག་རིང་བརྩོན་འཇུག་གི་ཁྲིམ་ཐག་བཅད་ཡོད་པ་དང་། རྒྱ་གཞུང་གིས་ཁོང་གི་བཟའ་ཟླ་ Liu Xia ལགས་ཀྱང་བཟང་བཙོན་འོག་ཏུ་བཞག་ཡོད་པ་རེད།
རྒྱ་ནག་དང་ཡུ་རོབ་མཐུན་ཚོགས་དབར་སྔར་ལྷག་འབྲེལ་བ་གཏིང་ཟབ་ཏུ་ཕྱིན་ཚེ་བོད་ཀྱི་གནད་དོན་ལ་འགག་རྩ་ཆགས་ཡོད།
vot.org -
ཉེ་ཆར་ཡུ་རོབ་མཐུན་ཚོགས་ཀྱི་སྐུ་ཚབ་རྣམ་པ་བོད་ནང་དུ་འཚམས་གཟིགས་ལ་ཕེབས་བཞིན་པའི་ཁྲོད། སྦར་སེལ་སྐུ་ཚབ་དོན་གཅོད་བཀྲིས་ཕུན་ཚོགས་ལགས་ཀྱིས་རྒྱ་ནག་དང་ཡུ་རོབ་མཐུན་ཚོགས་དབར་སྔར་ལྷག་འབྲེལ་བ་གཏིང་ཟབ་ཏུ་ཕྱིན་ཚེ་བོད་ཀྱི་གནད་དོན་ལ་འགག་རྩ་ཆགས་ཡོད་ཅེས་གསུངས་སོང།
རྒྱ་ནག་ནང་དུ་ཡོད་པའི་ཡུ་རོབ་མཐུན་ཚོགས་ཀྱི་གཞུང་ཚབ་སྐུ་ཞབས་ Hans Dietmar Schweisgut མཆོག་གིས་སྣེ་ཁྲིད་པའི་ཡུ་རོབ་མཐུན་ཚོགས་ཀྱི་སྐུ་ཚབ་མི་སྣ་ཁག་ཅིག ཟླ་བ་འདིའི་ཕྱི་ཚེས་ ༢༦ ནས་ ༣༠ བར་རྒྱ་ནག་གིས་དབྱེ་བའི་བོད་རང་སྐྱོང་ལྗོངས་ས་ཁུལ་དུ་གཞུང་འབྲེལ་འཚམས་གཟིགས་གནང་བཞིན་ཡོད་པ་དང། ཐེངས་འདིའི་འཚམས་གཟིགས་ནི་རྒྱ་གཞུང་རང་གིས་མགྲོན་འབོད་བྱས་པ་ཞིག་ཡིན་པ་རེད།
ཡུ་རོབ་མཐུན་ཚོགས་ནས་སྤེལ་བའི་གསར་འགོད་གསལ་བསྒྲགས་ལ་གཞིགས་ཚེ་འཚམས་གཟིགས་དེའི་ཁྲོད་སྐུ་ཚབ་རྣམ་པས་བོད་ཀྱི་རྒྱལ་སར་ཡོད་པའི་རང་སྐྱོང་ལྗོངས་ཀྱི་ཤེས་ཡོན་སློབ་གསོ་ཚན་པ་དང། འཕྲོད་བསྟེན་དང་ཁྱིམ་ཚང་འཆར་འགོད་ལས་ཁང། བཅོས་བསྒྱུར་དང་ཡར་རྒྱས་གོང་འཕེལ་ཚན་པ། དེ་བཞིན་གྲངས་ཉུང་མི་རིགས་དང་ཆོས་དོན་ལས་ཁང་བཅས་ཀྱི་འགོ་གཙོ་དང་དང་ཐུག་འཕྲད་གནང་རྒྱུ་དང་འབྲེལ། བོད་རང་སྐྱོང་ལྗོངས་ས་ཁུལ་གྱི་དཔལ་འབྱོར་དང་སྤྱི་ཚོགས་ཡར་རྒྱས་གནས་བབ་དང། ས་གནས་མང་ཚོགས་ཀྱི་ཤེས་ཡོན་དང་ཆོས་ཕྱོགས། དེ་བཞིན་འགྲོ་བ་མིའི་ཐོབ་ཐང་བཅས་ཀྱི་གནད་དོན་སྐོར་གླེང་སློང་གནང་རྒྱུ་ཡིན་པ་བརྗོད་འདུག
གཞན་ཡང་ཐེངས་འདིའི་འཚམས་གཟིགས་ཁྲོད་སྐུ་ཚབ་རྣམས་ནས་ཁུལ་དེར་ཡོད་པའི་ཤེས་ཡོན་དང་རིག་གཞུང་ལྟེ་གནས་ཁང་དང། དགོན་སྡེ་ཁག་ཏུ་གཟིགས་སྐོར་དུ་ཕེབས་རྒྱུ་རེད་འདུག བོད་ཀྱི་རྒྱལ་ས་ལྷ་ས་ཕུད་པའི་བོད་རང་སྐྱོང་ལྗོངས་ཀྱི་ཤར་ཕྱོགས་ས་ཁུལ་ཉིང་ཁྲི་ཕེབས་ཏེ་ས་གནས་འགོ་གཙོ་དང་ཞིང་འབྲོག་མང་ཚོགས་རྣམས་དང་ཐུག་འཕྲད་ཀྱིས་སོ་ནམ་འདེབས་ལས་དང་ཐོན་སྐྱེད་བཅས་ཀྱི་ཐོག་གླེང་མོལ་གནང་རྒྱུ་ཡིན་པ་འཁོད་འདུག
འདི་ག་རླུང་འཕྲིན་ཁང་ནས་བོད་མིའི་སྒྲིག་འཛུགས་ཀྱི་ཡུ་རོབ་སྦར་སེལ་སྐུ་ཚབ་དོན་གཅོད་བཀྲིས་ཕུན་ཚོགས་ལགས་སུ་འཚམས་གཟིགས་དང་འབྲེལ་བའི་སྐོར་བཀའ་འདྲི་ཞུས་པར་ཁོང་གིས་རྒྱ་ནག་དང་ཡུ་རོབ་མཐུན་ཚོགས་དབར་སྔར་ལྷག་འབྲེལ་བ་གཏིང་ཟབ་ཏུ་ཕྱིན་ཚེ་བོད་ཀྱི་གནད་དོན་ལ་འགག་རྩ་ཆགས་ཡོད་ཅེས་གསུངས་སོང།
རྩ་བའི་བོད་རང་སྐྱོང་ལྗོངས་ཀྱི་ངོས་ནས་མགྲོན་འབོད་བྱས་དོན་ལྟར། ཡུ་རོབ་མཐུན་ཚོགས་ཀྱི་རང་སྐྱོང་ས་ཁུལ་དུ་གཞུང་འབྲེལ་འཚམས་གཟིགས་མཐའ་མ་དེ་ཡུ་རོབ་མཐུན་ཚོགས་ཀྱི་དམིགས་བསལ་སྐུ་ཚབ་སྐུ་ཞབས་ སི་ཊབ་རོ་སི་ལམ་བྷི་རི་ནི་དི་སི་ལགས་ཕྱི་ལོ་ ༢༠༡༣ ལོའི་ཟླ་ ༩ པའི་ནང་ཕེབས་ཡོད་པ་རེད། སྐབས་དེར་ཁོང་གིས་བོད་ཀྱི་མཚོ་སྔོན་ཞིང་ཆེན་དང་བོད་རང་སྐྱོང་ས་ཁུལ་ཁག་ཅིག་ཏུ་ཕེབས་པ་དང་འབྲེལ། བོད་ནང་གི་རང་ལུས་མེར་སྲེག་གནད་དོན་དང་བོད་མིའི་སྨྲ་བརྗོད་དང་ཆོས་དད་རང་དབང། སྐདཡིག ཁོར་ཡུག་སྲུང་སྐྱོབ་གནང་རྒྱུའི་ཐད་རྒྱ་ནག་གཞུང་ནས་ཁྲིམས་ལུགས་དང་མཐུན་པའི་སྟངས་འཛིན་བྱེད་དགོས་པར་ནན་བརྗོད་གནང་ཡོད་པ་རེད།
བྱང་ཨ་རི་ཁུལ་གྱི་ས་གནས་བོད་ཀྱི་གཞོན་ལྷན་ནས་ཞི་རྒྱ་ཆེ་བའི་བོད་དོན་གྱི་ལས་འགུལ་སྤེལ་རྒྱུར་ཐག་གཅོད་བྱུང་འདུག
vot.org -
བྱང་ཨ་རི་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༡༧ མཇུག་སྒྲིལ་དང་འབྲེལ། ཁུལ་དེའི་ས་གནས་བོད་ཀྱི་གཞོན་ནུ་ལྷན་རྣམ་པས་བོད་ནང་གི་ཛ་དྲག་གནས་སྟངས་ལ་གཞིག་པའི་ཉིན་བརྒྱ་དུས་གཅིག་ལ་ཞི་རྒྱ་ཆེ་བའི་བོད་དོན་གྱི་ལས་འགུལ་སྤེལ་རྒྱུར་ཐག་གཅོད་བྱུང་ཡོད་པ་རེད།
བྱང་ཨ་རིའི་ནིའུ་ཡོག་དང་ནིའུ་ཇར་སི་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་ཁུལ་དེར་ཟླ་ ༦ ཚེས་ ༢༣ ནས་ ༢༥ བར་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་བསྟན་འཛིན་འཇིགས་མེད་ལགས་གཙོ་བཞུགས་ཐོག Toronto Washington DC Minnesota San Francisco དེ་བཞིན་ནིའུ་ཡོག་དང་ནིའུ་ཇར་སི་ས་གནས་བོད་ཀྱི་གཞོན་ནུ་ལྷན་ཚོགས་བཅས་ནས་མཉམ་ཞུགས་ཀྱིས་བྱང་ཨ་རི་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༡༧ ཚོགས་ཡོད་པ་རེད། འདི་ག་རླུང་འཕྲིན་ཁང་གིས་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་བསྟན་འཛིན་འཇིགས་མེད་ལགས་སུ་ཐེངས་འདིའི་ཚོགས་འདུ་སྤྱི་དང་སྒོས་ད་ལྟའི་བོད་ཀྱི་གཞོན་ནུ་ལྷན་ཚོགས་ཀྱི་གནས་བབ་སྐོར་ལ་བཅར་འདྲི་ཞུས་ཡོད།