Monthly Archives: May, 2017

ཉན་པ།: Listen ཕབ་ལེན། Download ༸གོང་ས་མཆོག་གིས་ནང་པའི་གཞུང་ལུགས་ནས་སྦྱང་པའི་ཡོན་ཏན་རྣམས་འགྲོ་བ་མིར་ལེགས་སྐྱས་སུ་འབུལ་རྒྱུའི་དུས་ལ་བབ་ཡོད་ཅེས་བཀའ་སྩལ་འདུག རྒྱལ་ཚོགས་ནང་དུ་བོད་དོན་དང་འབྲེལ་བའི་ཛ་དྲག་གི་ཚོགས་འདུ་ཞིག་ཚོགས་དགོས་པའི་གོམ་གྲོས་ཀྱི་ལས་འགུལ་སྤེལ་བ། རྒྱལ་ཚོགས་ཀྱིས་བོད་མི་སྐད་ཡིག་ལས་འགུལ་བ་བཀྲིས་དབང་ཕྱུག་ལགས་དང་བསྟན་འཛིན་བདེ་ལེགས་རིན་པོ་ཆེ་དམ་པའི་སྤུན་མཆེད་ཀྱི་གནད་དོན་ཐད་རྒྱ་གཞུང་ལ་འདྲི་རྩད་བྱས་འདུག འདི་ལོ་སླར་ཡང་སྲིད་སྐྱོང་སློབ་ཡོན་ཐོབ་མཁན་སློབ་མ་གཅིག་ཀྱང་བྱུང་མི་འདུག ༸གོང་ས་མཆོག་གི་ཕྱག་དེབ་རྡུལ་སྙེད་འཇིག་རྟེན་ལས་ནང་ཆོས་དང་ཚན་རིག་དབར་བགྲོ་གློེང་ཚོགས་པ། དམིགས་བསལ་ལེ་ཚན། འོད་སྲུངས་དང་ཡུམ་བརྟན་སྐོར། Monday 29/05/2017 Time to offer knowledge learned from Buddhist text to humanity: Dalai Lama UN mandate holders question China on Tashi Wangchuk and Nyima Lhamo CBSE Class XII result declared, no ‘Sikyong scholarship’ recipient TYC holds protest march, urges UN Special Session on Tibet Debate on Buddhism and Science held at Gaden Monastery HISTORY FEATURE: Sons of Lang Dharma, the last king of Tibet

དེ་རིང་ཟླ་ ༥ ཚེས་ ༢༩ ཉིན་རྒྱ་གར་གྱི་རྒྱལ་ས་ལྡི་ལིར་མཉམ་འབྲེལ་རྒྱལ་ཚོགས་ཀྱི་ནང་དུ་བོད་དོན་དང་འབྲེལ་བའི་ཛ་དྲག་གི་ཚོགས་འདུ་ཞིག་ཚོགས་དགོས་པའི་གོམ་བགྲོད་ཀྱི་ལས་འགུལ་ཞིག་སྤེལ་འདུག བཞུགས་སྒར་དུ་རྟེན་གཞི་བྱས་པའི་དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་དེ་རིང་སྔ་དྲོ་ཚོུ་ ༡༠།༠༠ ཐོག་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་དང་ཚོགས་གཞོན་རྣམ་གཉིས་ཀྱིས་དབུས་པའི་རྒྱུན་ལས་ཁག་གཅིག ལྡི་ལི་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་རྒྱུན་ལས་དང་ཚོགས་མི། དེ་བཞིན་ས་གནས་བོད་རིགས་སློབ་མ་དང་མང་ཚོགས་བཅས་ཁྱོན་མི་གྲགས་ ༣༠༠ ལྷག་རྒྱལ་ས་ལྡི་ལིའི་ Khan ཁྲོམ་གཞུང་དུ་ཚང་འཛོམས་ཀྱིས་ཁུལ་དེར་རྟེན་གཞི་བྱས་པའི་རྒྱལ་སྤྱིའི་མཉམ་འབྲེལ་རྒྱལ་ཚོགས་ཀྱི་ཡན་ལག་ལས་ཁུངས་ཕྱོགས་སུ་ད་བར་བོད་ཕྱི་ནང་གཉིས་སུ་བོད་མི་རིགས་ཀྱི་རྩ་དོན་སླད་དུ་རང་ལུས་མེར་སྲེག་གནང་མཁན་གྱི་རྒྱལ་གཅེས་པ་རྣམ་པའི་སྐུ་པར་དང་བོད་ཀྱི་རྒྱལ་དར་འཕྱར་ཞིང་། བོད་ལ་རང་དབང་དགོས། རང་ལུས་མེར་སྲེག་གནང་མཁན་ཚོའི་མངོན་འདོད་ལ་བརྩི་སྲུང་དགོས་ཞེས་སྐད་འབོད་གནང་པ་དང་། དེ་བཞིན་རྒྱ་ནག་གཞུང་ལ་ངོ་རྒོལ་དང་རྒྱལ་ཚོགས་ནས་བོད་དོན་ཐོག་དམིགས་བསལ་གྱི་དོ་སྣང་དགོས་པ་སོགས་ཀྱི་ཞུ་གཏུག་གི་གོམ་བགྲོད་ལས་འགུལ་ཞིག་སྤེལ་ཡོད་པ་རེད། ལས་འགུལ་གྱི་དམིགས་ཡུལ་གཙོ་བོ་དེ་ནི། རྒྱལ་སྤྱིའི་མཉམ་འབྲེལ་རྒྱ་ཚོགས་ཀྱི་ངོས་ནས་བོད་མིའི་རང་སྲེག་གི་གནད་དོན་ལ་དོ་སྣང་གནང་སྟེ་ཁོང་རྣམ་པའི་མངོན་འདོད་དང་བོད་ནང་གི་ཛ་དྲག་གནས་སྟངས་གང་མགྱོགས་སེལ་ཐབས་སུ་རྒྱལ་ཚོགས་ཀྱི་ནང་དུ་བོད་དོན་དང་འབྲེལ་བའི་ཛ་དྲག་གི་ཚོགས་འདུ་ཞིག་ཚོགས་དགོས་པ་མ་ཟད། བོད་ནང་གི་ཛ་དྲག་གནས་སྟངས་ཀྱི་འགན་དབང་ཡོངས་རྫོགས་རྒྱ་ནག་གཞུང་ལ་ཡོད་པའི་གནོན་ཤུགས་སྤྲོད་དགོས་པ་སོགས་ཡིན་པ་རེད། ཤེས་རྟོགས་བྱུང་བར། དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་ཟླ་ ༦ ཚེས་ ༥ ཉིན་སླར་ཡང་རྒྱལ་ས་ལྡི་ལིའི་ Khan ཁྲོམ་གཞུང་ནས་རྒྱལ་ཚོགས་ཀྱི་ཡན་ལག་ལས་ཁུངས་བར་བོད་ནང་གི་ཁོར་ཡུག་གནས་སྟངས་སྐོར་ལ་ཞུ་གཏུག་གི་གོམ་བགྲོད་ལས་འགུལ་ཞིག་སྤེལ་གནང་རྒྱུ་རེད་འདུག

མཉམ་འབྲེལ་རྒྱལ་ཚོགས་ཀྱི་སྐུ་ཚབ་ཚོགས་ཆུང་ལྔ་ཟུང་སྦྲེལ་གྱིས་བོད་མི་སྐད་ཡིག་ལས་འགུལ་བ་བཀྲིས་དབང་ཕྱུག་ལགས་དང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པའི་སྤུན་མཆེད་ཀྱི་གནད་དོན་ཐད་རྒྱ་གཞུང་ལ་འདྲི་རྩད་བྱས་འདུག དེ་ཡང་ཚོགས་ཆུང་ལྔ་པོ་དེ་དག་ནས་སྔ་ལོ་ཟླ་ ༡༢ ནས་འདི་ལོའི་ཟླ་ ༢ བར་གྱི་དུས་ཡུན་དེའི་ཁྲོད་རྒྱ་གཞུང་ལ་གོང་གསལ་གྱི་གནད་དོན་དེ་ཡིག་ཐོག་ནས་འདྲི་རྩད་གནང་ཡོད་པ་དེ་ལྟར་ཡང་། དེའི་ནང་གི་ནང་དོན་ཁག་ད་བར་གསང་བ་གནང་སྟེ་ཁ་ཉིན་གཞི་ནས་ཡོངས་བསྒྲགས་གནང་འདུག འདྲི་རྩད་ཀྱི་ཞུ་ཡིག་དེའི་ནང་ཞིབ་འཇུག་མི་སྣས་རྒྱ་གཞུང་གིས་བོད་མི་སྐད་ཡིག་ལས་འགུལ་བ་བཀྲིས་དབང་ཕྱུག་ལགས་གློ་བུར་དུ་འཛིན་བྱུང་བྱས་ཏེ་ཁོང་ལ་རང་གི་ནང་མི་དང་ཁྲིམས་རྩོད་པ་སོགས་ཐུག་འཕྲད་བྱ་རྒྱུའི་གོ་སྐབས་འཕྲོག་པ་དང་། བཀག་ཉར་འོག་ལུས་སེམས་གཉིས་ཀར་སྡུག་སྦྱོང་ཚད་མེད་བཏང་པ་མ་ཟད། ཁོང་ལ་ཁྲིམས་འགལ་གྱི་ནག་ཉེས་གཡོགས་ཁག་བདེན་པ་ར་སྤྲོད་བྱ་རྒྱུའི་ཐོབ་ཐང་གང་ཡང་སྤྲོད་མེད་པ་རེད། ལྷག་དོན་བཀྲིས་དབང་ཕྱུག་ལགས་ནས་རང་ཉིད་ཀྱི་སྨྲ་བརྗོད་རང་དབང་དང་རིག་གཞུང་ལོངས་སུ་སྤྱོད་པ་དེ་རྒྱལ་ཁབ་ཁ་བྲལ་གྱི་ནག་ཉེས་ཞིག་ཏུ་ངོས་འཛིན་པ་དེར་བློ་འཚབ་ཆེན་པོ་ཡོད་སྐོར་གསུངས་འདུག ཚོགས་ཆུང་དེ་དག་གིས་ཐེངས་འདིའི་ཞུ་ཡིག་བརྒྱུད་རྒྱ་ནག་གཞུང་ལ་བོད་མི་བཀྲིས་དབང་ཕྱུག་ལགས་ལ་གཞི་རྩའི་གནད་དོན་གང་གི་འོག་བཙོན་འཇུག་བྱས་པ་གསལ་བཤད་དང་རྒྱལ་སྤྱིའི་འབྲུ་དོན་དང་མཐུན་པའི་ཁོང་ལ་འཕྲོད་བསྟེན་གྱི་དགོས་མཁོ་ཁག་སྤྲོད་དགོས་པ་མ་ཟད། རྒྱ་གཞུང་ནས་བོད་མི་རྣམས་རང་མི་རིགས་ཀྱི་སྐད་ཡིག་རང་དབང་ཐོག་བེད་སྤྱོད་བྱ་ཆོག་པའི་ཐབས་ལམ་འཚོལ་ཞིབ་ཡོང་བའི་འབོད་སྐུལ་ཡང་གནང་འདུག རྒྱལ་ཚོགས་ཀྱི་སྨྲ་བརྗོད་དང་བསམ་བརྗོད་རང་དབང་སྲུང་སྐྱོབ་གནང་མཁན་གྱི་དམིགས་བསལ་སྐུ་ཚབ་ཚོགས་ཆུང་དང་འགྲོ་བ་མིའི་ཐོབ་ཐང་སྲུང་སྐྱོབ་གནང་མཁན་གྱི་དམིགས་བསལ་སྐུ་ཚབ། གཞན་ཡང་ཆོས་དད་རང་དབང་གི་དམིགས་བསལ་སྐུ་ཚབ་ཚོགས་ཆུང་བཅས་གསུམ་ནས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པའི་ཚ་མོ་ཉི་མ་ལྷ་མོ་ལགས་དང་སྒྲོལ་དཀར་ལྷ་མོ་ལགས་རྣམ་གཉིས་ཀྱི་གནད་དོན་ཐོག་ལ་བློ་འཚབ་དང་འབྲེལ་རྒྱ་གཞུང་གིས་སྔ་ལོ་རིན་པོ་ཆེ་དམ་པའི་ཚ་མོ་གཉིས་འཛིན་བཟུང་བཙན་ཁྲིད་བྱས་པ་མ་ཟད། སྐབས་དེར་ལི་ཐང་ནང་གི་བོད་མི་ཞི་རྒོལ་བ་ཚོར་དྲག་གནོན་ཤུགས་ཆེ་བྱས་པ་དང་། ལྷག་དོན་ལི་ཐང་དང་ནག་ཆུ་ས་གནས་ཀྱི་མང་ཚོགས་ཚོའི་སྨྲ་བརྗོད་རང་དབང་དང་བསམ་བརྗོད་རང་དབང་། དེ་བཞིན་འདུ་འཛོམས་རང་དབང་བཅས་ལ་སྟངས་འཛིན་ནན་པོ་བྱ་ཕྱིར་ས་གནས་དེ་དག་གི་དྲ་རྒྱའི་བརྒྱུད་ལམ་ཡོངས་རྫོགས་བཀག་འགོག་བྱས་པ་ཐེར་བཏོན་གནང་འདུག རྒྱ་གཞུང་ནས་བོད་མི་གང་བྱུང་དུ་འཛིན་བཟུང་བཙན་ཁྲིད་བྱས་པ་དང་བོད་མི་ཞི་རྒོལ་བར་ཆེས་དྲག་གནོན་གྱི་སྲིད་བྱུས་ལག་བསྟར་བྱས་པ། ལྷག་དོན་བོད་མིའི་ཆོས་ཕྱོགས་ཀྱི་བྱེད་སྒོ་ཁག་ལ་བརྩི་མེད་རྡོག་རོལ་གཏོང་བཞིན་པ་དེ་དག་རྒྱལ་སྤྱིའི་འགྲོ་བ་མིའི་ཐོབ་ཐང་གི་འབྲུ་དོན་ལྟར་གནང་ན་ཁྲིམས་མཐུན་ཇི་ལྟར་ཆགས་མིན་ཐད་གསལ་བཤད་དགོས་པའི་ནན་བརྗོད་གནང་འདུག རྩ་བའི་རྒྱལ་ཚོགས་ཀྱི་དམིགས་བསལ་ཚོགས་ཆུང་ལྔ་པོ་དེ་དག་ནི་གང་བྱུང་དུ་འཛིན་བཟུང་ཐད་ཀྱི་དམིགས་བསལ་སྐུ་ཚབ་དང་རིག་གཞུང་གི་དམིགས་བསལ་སྐུ་ཚབ། དེ་བཞིན་སྨྲ་བརྗོད་རང་དབང་དང་བསམ་བརྗོད་རང་དབང་སྲུང་སྐྱོབ་དང་གོང་འཕེལ་གཏོང་མཁན་གྱི་དམིགས་བསལ་སྐུ་ཚབ། ལྷག་དོན་གྲངས་ཉུང་མི་རིགས་ཀྱི་གནད་དོན་གྱི་དམིགས་བསལ་སྐུ་ཚབ་དང་མི་སྤྱོད་ལས་འདས་པའི་སྡུག་སྦྱོང་མནར་གཅོད་འགོག་ཐབས་ཀྱི་དམིགས་བསལ་སྐུ་ཚབ་བཅས་ཡིན་པ་རེད། གཞི་རྩའི་ད་ལན་རྒྱལ་ཚོགས་ཀྱི་དམིགས་བསལ་ཚོགས་ཆུང་དེ་དག་ནས་རྒྱ་གཞུང་ལ་འདྲི་རྩད་ཀྱི་ཞུ་ཡིག་དེ་ལྟར་གནང་དོན་ནི་ཟླ་ ༦ ནང་ལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གི་ལོ་འཁོར་ལྷན་ཚོགས་ཐེངས་ ༣༥ འཚོགས་གཏན་འཁེལ་བ་དང་ཆེད་བསྟུན་གྱིས་ཕུལ་བ་ཞིག་ཡིན་པ་རེད།

ཉན་པ།: Listen ཕབ་ལེན། Download བོད་ཀྱི་སྒྲ་བསྒྱུར་གཏམ་བརྗོད་ཁང་གི་སྐོར་གླེང་མོལ། Sunday 28/05/2017 Tibetan Art and Culture: Tibetan Dubbing Society

ཉན་པ།: Listen ཕབ་ལེན། Download ༸གོང་ས་མཆོག་གིས་རྡ་སའི་མང་ཚོགས་ལ་སྤྱན་རས་གཟིགས་འཇིག་རྟེན་དབང་ཕྱུག་གི་བཀའ་དབང་བསྩལ་སོང་། འདས་པའི་བདུན་གཅིག་ནང་གི་གལ་ཆེའི་གསར་འགྱུར་ཁག་ལ་བསྐྱར་ཞིབ། Saturday 27/05/2017 Dalai Lama confers Chenrezig Initiation to devotees in Dharamsala Week Review

ཉན་པ།: Listen ཕབ་ལེན། Download ༸གོང་ས་མཆོག་གིས་རྒྱ་གར་ནི་ནང་སེམས་ཀྱི་རིན་ཐང་དང་ཕྱི་དངོས་པོའི་ཐུན་རྐྱེན་བེད་སྤྱོད་ཟུང་འབྲེལ་ཐོག་ནས་གནང་མཁན་རྒྱལ་ཁབ་གཅིག་པོ་དེ་ཡིན་པ་བཀའ་གནང་འདུག སྲིད་འཛིན་ ཏྲམ་གྱིས་ཨ་རིའི་སྔོན་རྩིས་ནང་བོད་མིར་རོགས་དངུལ་སྤྲོད་མཚམས་འཇོག་རྒྱུའི་འཆར་འབུལ་གནང་འདུག སྲིད་སྐྱོང་མཆོག་གིས་ཨ་རིའི་གྲོས་ཚོགས་འཐུས་མི་ཁག་ཅིག་ལ་དོན་ཚན་བརྒྱད་ཅན་གྱི་ཞུ་འབོད་གནང་འདུག ༸གོང་ས་མཆོག་གི་གནད་དང་འབྲེལ་རྒྱ་རིགས་གྱོན་ཆས་དྲིལ་བསྒྲགས་བྱེད་མཁན་ཞིག་ལས་རིམ་ལས་ཕྱིར་འཐེན་བྱེད་འདུག བཙུན་དགོན་འཇམ་དབྱངས་ཆོས་གླིང་གི་དགེ་བཤེས་མ་གཉིས་ནས་ཁེ་ལི་ཕོར་ནི་ཡར་སྒོམ་སྐོར་སློབ་ཁྲིད་གནང་བཞིན་པ། Friday 26/05/2017 Only India can combine modern technology with Inner Value: Dalai Lama Sikyong presents eight point appeal to US lawmakers Trump administration proposes zero aid to Tibetan community Chinese model pulls out of amfAR Gala Cannes to protest Dalai Lama auction lot 2 Tibetan Geshemas at University of California, Irvine

ཨ་རིའི་སྲིད་འཛིན་ Donald Trumpམཆོག་གིས་ཕྱི་ལོའི་ ༢༠༡༨ ལོའི་ཨ་རིའི་སྔོན་རྩིས་ནང་བོད་མི་ཚོར་རོགས་དངུལ་སྤྲོད་རྒྱུ་མིན་པའི་འཆར་འབུལ་ཞུས་འདུག ཕྱི་ལོ་ ༢༠༠༢ ལོར་ཨ་རིའི་སྲིད་འཛིན་ George W Bush མཆོག་ནས་ཨ་རིའི་གྲོས་ཚོགས་ནང་དུ་ Tibet Policy Act 2002 ཞེས་ཨ་རིའི་བོད་ཐོག་འཛིན་པའི་སྲིད་བྱུས་ཤིག་གཏན་འབེབས་གནང་པ་ནས་བཟུང། USAID བརྒྱུད་ལོ་ལྟར་ཨ་རིའི་གཞུང་གིས་བོད་ཕྱི་ནང་གཉིས་སུ་བོད་མི་རིགས་ཀྱི་ངོ་བོ་སྲུང་སྐྱོབ་དང། ཤེས་ཡོན། འཕྲོད་བསྟེན། དེ་བཞིན་དཔལ་འབྱོར་དང་སྤྱི་ཚོགས་ཡར་རྒྱས་སོགས་ཀྱི་ཐོག་རོགས་དངུལ་གནང་གི་ཡོད་པ་རེད། དེ་རིང་བརྒྱུད་ལམ་ཁག་ཏུ་གནས་ཚུལ་ཐོན་པར་གཞིགས་ན། ཨ་རིའི་སྲིད་འཛིན་ Donald Trump མཆོག་གི་སྲིད་གཞུང་ནས་ཕྱི་ལོ་ ༢༠༡༨ ལོའི་ཨ་རིའི་སྔོན་རྩིས་འཆར་འབུལ་ནང་དུ་ཨ་རིའི་གཞུང་ནས་བོད་ཀྱི་ཐེབས་རྩ་ཁང་བརྒྱུད་ནས་སྤྲོད་བཞིན་པའི་བོད་མིའི་རོགས་དངུལ་དང། བོད་མི་ཆབ་སྲིད་བཙོན་ཟུར་ངག་དབང་ཆོས་འཕེལ་ལགས་ཀྱི་མཚན་ཐོག་གི་རོགས་དངུལ་གཉིས་མེད་པ་བཟོ་རྒྱུའི་འཆར་འབུལ་ཞུས་འདུག་ཀྱང། ཊམ་སྲིད་གཞུང་གིས་དེ་སྔའི་ཨ་རི་གཞུང་ནས་སྤྲོད་བཞིན་པའི་བོད་དོན་དང་འབྲེལ་བའི་སྡེ་ཁག་གང་དང་གང་གི་ཐོག་རོགས་དངུལ་སྤྲོད་རྒྱུ་མིན་པ་ཁ་གསལ་གང་ཡང་འཁོད་མེད་པ་རེད་འདུག ད་རེས་ཀྱི་གནད་དོན་དེའི་ཐོག ཨ་མི་རི་ཀའི་གཞུང་གིས་ཨ་རིའི་མི་མང་གི་དཔྱ་ཁྲལ་རྣམས་ནུས་པ་ལྡན་པའི་ཐོག་ནས་བེད་སྤྱོད་གཏོང་ཆེད། གལ་གནད་ཆེ་བའི་གནད་དོན་ཁག་ལ་འདེམས་ཀ་དང་པོ་སྤྲོད་དགོས་པར་བརྟེན།  ཐག་གཅོད་ཁག་པོ་ཁག་ཅིག་བྱེད་དགོས་བྱུང་”ཞེས་བརྗོད་ཡོད་པ་དང། དེ་རིང་བརྒྱུད་ལམ་ཁག་ཏུ་གནས་ཚུལ་ཐོན་པའི་ནང་དུ་སྲིད་འཛིན་ Trump མཆོག་གི་གྲོས་ཚོགས་སུ་ཕུལ་བའི་འཆར་འབུལ་དེ་ནི། དེ་སྔ་ཨ་རིའི་གྲོས་ཚོགས་སུ་གཏན་འབེབས་གནང་ནས་ལོ་ངོ་བཅུ་ལྷག་ཕྱིན་པའི་ཨ་རིའི་བོད་ཐོག་འཛིན་པའི་སྲིད་བྱུས་ལ་འགྱུར་བ་ཕྱིན་ཡོད་པ་འཁོད་འདུག གོང་གི་གནད་དོན་དེ་དང་འབྲེལ་ཏེ་འདི་ག་རླུང་འཕྲིན་ཁང་ནས་དེ་རིང་བོད་མིའི་སྒྲིག་འཛུགས་ཀྱི་དཔལ་འབྱོར་ལས་ཁུངས་ཀྱི་ཁྱབ་ཁོངས་སྤྱི་ཚོགས་ཡར་རྒྱས་ཐེབས་རྩའི་འགན་འཛིན་དང་དེ་སྔའི་ཨ་རིའི་སྐུ་ཚབ་དོན་གཅོད་ཟུར་པ་སྐལ་རྡོར་ལགས་སུ་བཅར་འདྲི་ཞུས་པར། ཁོང་གིས་སྲིད་འཛིན་ཊོམ་མཆོག་གིས་ད་རེས་སྔོན་རྩིས་འཆར་འབུལ་དེ་ནི་མཐའ་མའི་ཐག་གཅོད་ཞིག་མ་ཡིན་པར། གྲོས་ཚོགས་ཀྱི་སྔོན་རྩིས་བསྐྱར་ཞིབ་ཚོགས་ཆུང་དང། དེ་ནས་གྲོས་ཚོགས་གོང་འོག་གཉིས་ནང་རིམ་བཞིན་རྒྱབ་སྐྱོར་ཐོབ་པ་གནང་དགོས་ཀྱི་ཡོད་པ་མ་ཟད། ལྷག་པར་དུ་འཆར་འབུལ་ཞུས་པའི་སྔོན་རྩིས་དེར་གཞུང་འཛིན་ཚོགས་པའི་ནང་གི་གྲོས་ཚོགས་འཐུས་མི་ཁག་ནས་ཀྱང་མུ་མཐུན་ཡང་གནང་གི་མེད་སྐོར་གསུངས་སོང་། གཞི་རྩའི་གནད་དོན་དེ་བརྒྱུད་ལམ་ཁག་ཏུ་ཡོངས་གྲགས་མ་ཐོན་གོང། ཉེ་ཆར་ཨ་རི་སྐུ་ཚབ་རྣམ་པའི་ཨེ་ཤ་ཡའི་ཁུལ་གྱི་གཞུང་འབྲེལ་འཚམས་གཟིགས་གྲུབ་བསྟུན་གསར་འགོད་ལྷན་ཚོགས་ཐོག ཨ་རིའི་གཞུང་འཛིན་གསར་པའི་ངོས་ནས་ཨ་རིའི་ཐེབས་རྩ་ཁང་བརྒྱུད་རྒྱ་བལ་འབྲུག་གསུམ་ནང་གི་བོད་མི་བཙན་བྱོལ་བ་རྣམས་ལ་མཐུན་འགྱུར་སྦྱོར་རྒྱུའི་ཨ་རིའི་རོགས་དངུལ་ཕོན་ཆེ་ཞིག་ཇེ་ཉུང་གཏོང་རྒྱུའི་སྲིད་བྱུས་དེར་སེམས་འཚབ་དང་འབྲེལ། སྲིད་བྱུས་དེར་ཨ་རིའི་གྲོས་ཚོགས་ཀྱི་ཕྱི་འབྲེལ་ལས་དོན་ཚོགས་ཆུང་དང་མང་གཙོ་ཚོགས་པས་ངོ་རྒོལ་ཡོད་ཅེས་གསུངས་པ་ཡོད་པ་རེད། རྩ་བའི་ཨ་རིའི་བོད་ཐོག་འཛིན་པའི་ ༢༠༠༢ ཞེས་པའི་སྲིད་བྱུས་དེའི་ཐོག་ཨ་རིའི་གཞུང་གི་ངོས་ནས་བོད་མིའི་ངོ་བོ་སྲུང་སྐྱོབ་ཆེད་དུ་ཨ་རིའི་སྲིད་འཛིན་རིམ་པའི་སྲིད་གཞུང་སྐབས་སུ་བོད་དོན་དམིགས་བསལ་འབྲེལ་མཐུད་བསྐོ་གཞག་དང། བོད་ཕྱི་ནང་གཉིས་སུ་ཡོད་པའི་གཞུང་འབྲེལ་མིན་པའི་ཚོགས་པ་ཁག་དང་། ཤེས་ཡོན་དང་རིག་གཞུང། འཕྲོད་བསྟེན་སོགས་ཀྱི་ཐད་ལ་དཔལ་འབྱོར་གྱི་རོགས་རམ་གནང་གི་ཡོད་པ་རེད།

Amfar ཞེས་པའི་ཚོགས་པའི་ངོས་ནས་ Cannes རྒྱལ་སྤྱིའི་གློག་བརྙན་དུས་སྟོན་དང་བསྟུན་དཔལ་འབྱོར་འདུ་འགོད་ཀྱི་ལས་རིམ་ཞིག་གོ་སྒྲིག་ཞུས་ཐོག གློག་བརྙན་འཁྲབ་སྟོན་པ་སོགས་གྲགས་ཅན་མི་སྣ་མང་དག་ཞིག་གདན་ཞུ་ཕུལ་བའི་ཁོངས་སུ་རྒྱ་རིགས་དཔེ་གསར་གྱོན་ཆས་དྲིལ་སྒྲགས་བྱེད་མཁན་ Ming Xi ཞུ་བ་ཁོང་ཡང་ཆེད་འབོད་བྱས་ཡོད་ཀྱང། ཁོང་ནས་༸གོང་ས་༸སྐྱབས་མགོ་ཆེན་པོ་མཆོག་གི་གནད་དོན་ཞིག་གི་རྐྱེན་པས་གློ་བུར་དུ་ལས་རིམ་དེ་ནས་ཕྱིར་འཐེན་བྱས་འདུག Amfar ནི་གཉན་ནད་རེག་དུག་གི་ནད་གཞི་རྩ་འགོག་གི་ཉམས་ཞིབ་ལས་དོན་གཉེར་མཁན་གྱི་ཚོགས་པ་ཞིག་ཡིན་པ་དང། ཚོགས་པ་དེའི་ངོས་ནས་ལོ་ལྟར་རྒྱལ་སྤྱིའི་ཐོག་སྙན་གྲགས་ཆེ་བའི་ Cannes གློག་བརྙན་དུས་སྟོན་དང་བསྟུན་གྲགས་ཅན་མི་སྣ་མང་པོ་གདན་ཞུ་གནང་པའི་བརྒྱུད་དཔེ་གསར་གྱོན་ཆས་དྲིལ་སྒྲགས་དང་རིན་སྤར་འཚོང་སྒྱུར་སོགས་ཀྱི་ལམ་ནས་ཚོགས་པའི་ལས་དོན་ཆེད་དཔལ་འབྱོར་འདུ་འགོད་གནང་གི་ཡོད་པ་དང། ཟླ་བ་འདིའི་ཚེས་ ༢༥ ཉིན་གོ་སྒྲིག་ཞུས་པའི་ཐེངས་འདིའི་དཔལ་འབྱོར་འདུ་འགོད་ཀྱི་ལས་རིམ་ཁྱབ་ཁོངས་སུ་ཉིན་གྲངས་ལྔའི་རིང་བཞུགས་སྒར་དུ་ཆེད་བསྐྱོད་ཀྱིས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་ཁའི་གོ་སྐབས་ཤིག་དང་། དེ་བཞིན་དེ་སྔ་ཕྱི་ལོ་ ༢༠༡༥ ལོར་༸སྐུའི་གྱ་སྟོན་སྐབས་སུ་བསྐྱོན་པའི་མགོན་པོ་༸གང་ཉིད་མཆོག་གི་ 3D ཅན་གྱི་༸སྐུ་པར་བཅས་ auction འམ་རིན་སྤར་འཚོང་སྒྱུར་བཟོས་ཡོད་པ་རེད་འདུག གསར་འགྱུར་བརྒྱུད་ལམ་ཁག་ཏུ་གནས་ཚུལ་ཐོན་གསལ་ལྟར་ན། འདི་ལོའི་ amfAR དཔལ་འབྱོར་འདུ་འགོད་ཀྱི་ལས་རིམ་དེའི་ནང་སྐུ་མགྲོན་དུ་གློག་བརྙན་འཁྲབ་ཁྲིད་པ་ Nicole Kidman དང་། Dustin Hoffman དེ་བཞིན་ Jessica Chastain སོགས་གནད་ཞུ་གནང་ཡོད་པ་མ་ཟད། རྒྱ་ནག་ནང་གི་གྲགས་ཅན་དཔེ་གསར་གྱོན་ཆས་དྲིལ་བསྒྲགས་བྱེད་པོ་ Ming Xi ལགས་ཆེད་འབོད་གནང་ཡོད་ཀྱང་། ཁོང་ནས་ཐེངས་འདིའི་ལས་འཆར་དེ་ཆབ་སྲིད་ཀྱི་ངོ་བོར་བསྒྱུར་ཡོད་པས་དེ་ནས་ཕྱིར་འཐེན་གནང་དགོས་བྱུང་བ་བཀོད་ཡོད་པ་རེད། གནད་དོན་དེ་དང་འབྲེལ་ནས་སྤྱི་ཚོགས་བརྒྱུད་ལམ་ Weibo ཐོག་གླེང་སློང་མང་དག་བྱུང་ཡོད་པ་དང་། ཁག་གཅིག་གིས་ Ming Xi ལགས་ལ་རྒྱབ་སྐྱོར་བྱས་ཏེ་བོད་མི་ཁ་བྲལ་བར་ངོ་རྒོལ་སོགས་བྱས་པ་དང།ཡང་ཁག་གཅིག་གིས་ཁོང་མོར་དགག་པ་བྱས་པ་མ་ཟད། རྒྱ་རིགས་ཀྱི་དཔེ་གསར་གྱོན་ཆས་དྲིལ་བསྒྲགས་བྱེད་པོ་གྲགས་ཅན་ juror Fan Bingbing དང་། Victoria’s Secret གྱོན་ཆས་དྲིལ་བསྒྲགས་བྱེད་པོ་གྲགས་ཅན་  Liu Wen གཉིས་ནས་ཀྱང་ལས་རིམ་དེ་ནས་ཕྱིར་འཐེན་བྱས་ཡོད་སྐོར་གནས་ཚུལ་བཀོད་ཀྱང་Amfar ནས་དེའི་ཐོག་གནས་ཚུལ་ཁ་གསལ་གང་ཡང་འགྲེལ་བརྗོད་གནང་མི་འདུག རྩ་བའི་ amfAR ཚོགས་པས་གློག་བརྙན་དུས་སྟོན་དེའི་ཐོག་ནས་གཉན་ནད་རེག་དུག་རྩ་འགོག་དང་སྨན་བཅོས་ཞུ་ཆེད་དུ་ཨ་སྒོར་ས་ཡ་ $190 མཁོ་སྒྲུབ་གནང་འདུག ལས་འཆར་དེའི་མིང་ལ་ “Golden Age of Hollywood Collection,” ཞེས་བཏགས་འདུག་པ་དེས་ལས་འཆར་དེ་Cannes གློག་བརྙན་དུས་སྟོན་སྐབས་ཀྱི་ལས་རིམ་གཞན་དང་མི་འདྲ་བ་གལ་ཆེ་ཞིག་ཡིན་པ་མཚོན་ཆེད་དུ་ཡིན་པ་རེད་འདུག