Monthly Archives: May, 2017

ཉན་པ།: Listen ཕབ་ལེན། Download ༸གོང་ས་མཆོག་གིས་ཝིཏྲ་ནམ་དད་ལྡན་པ་ཁག་ཅིག་ལ་ནང་ཆོས་ངོ་སྤྲོད་དང་འགྲོ་བ་མིའི་རིན་ཐང་སྐོར་བཀའ་སློབ་བསྩལ་བ། ༸གོང་ས་མཆོག་གིས་ཤི་རི་ལང་ཀར་ཆུ་ལོག་གི་གནོད་འཚེ་ཕོག་མཁན་ལ་ཐུགས་གསོ་མཛད་འདུག འཇར་མན་སྲིད་བློན་མཆོག་ལ་རྒྱ་ནག་དང་མཉམ་དུ་འགྲོ་བ་མིའི་ཐོབ་ཐང་སྐོར་གླེང་དགོས་པའི་ཞུ་འབོད། ཀརྨ་པ་རིན་པོ་ཆེ་མཆོག་ཨོ་ཊེ་རིའོ་མངའ་སྡེའི་གྲོས་ཚོགས་སུ་གདན་འདྲེན་ཞུས་འདུག ཨ་རིའི་གྲོས་ཚོགས་འཐུས་མིས་ཨེ་ལིཊ་ཀྱིས་རྒྱ་གཞུང་ནས་ཁོང་ལ་སྐྱོན་བརྗོད་བྱེད་པ་དེ་བྱབ་ཆུང་ཞིག་ཏུ་གསུངས་འདུག དམིགས་བསལ་ལེ་ཚན། ༸གོང་ས་མཆོག་གིས་རྣམ་རྒྱལ་གྲྭ་ཚང་སློབ་གཉེར་བ་རྣམས་ལ་བསྩལ་བའི་བཀའ་སློབ་ཀྱི་ཚན་པ་ཞིག Wednesday 31/05/2017 Dalai Lama meets Vietnamese CEOs Dalai Lama expresses sympathy over flood in Sri Lanka Angela Merkel urged to talk on Human Rights with Chinese premier Karmapa visits Canada, meets Ontario politicians US lawmaker criticises China’s ‘negative and silly Tibet obsession’ FEATURE: Dalai Lama's speech to new students of Namgyal Monastery

༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་༸རྒྱལ་བའི་ཕོ་བྲང་མཇལ་འཕྲད་ཁང་དུ་ཁ་སང་ནས་དབུ་འཛུགས་ཀྱིས་ཝི་ཏི་ནམ་གྱི་ CEO ཚོགས་པས་ཇི་ལྟར་གསོལ་འདེབས་ཞུ་དོན་ལྟར། ཝི་ཏི་ནམ་གྱི་དགེ་འདུན་པ་དང་ཚོང་པ། སྒྱུ་རྩལ་བ། ཤེས་ཡོན་ཅན་སོགས་དད་ལྡན་མི་སྣ་ ༡༡༥ ལྷག་ལ་ནང་ཆོས་དང་འགྲོ་བ་མིའི་རིན་ཐང་གི་སྐོར་ལ་བཀའ་སློབ་རྩོལ་བཞིན་འདུག དེ་རིང་ཉིན་གཉིས་པའི་སྔ་ཐོག་མགོན་པོ་༸གང་ཉིད་མཆོག་ནས་དད་ལྡན་པ་རྣམས་ལ་ནང་ཆོས་ངོ་སྤྲོད་མ་བསྩལ་བའི་གོང་དུ་འཛམ་བུ་གླིང་འདིའི་ཐོག་ཡོད་པའི་འགྲོ་བ་མི་རྣམས་ལ་འཕྲད་བཞིན་པའི་སྡུག་བསྔལ་མང་པོ་ཞིག་སེམས་ཀྱི་འགྲོ་སྟངས་ཡག་པོ་ཞིག་མ་ཤེས་པའི་དབང་གིས་ཡོང་གི་ཡོད་པ་དང་། ལྷག་པར་དུ་དུས་རབས་ ༢༡ འདིའི་ནང་འཕྲད་བཞིན་པའི་བཀའ་རྙོག་ཕལ་མོ་ཆེ་འགྲོ་བ་མིས་བཟོས་པ་ཞིག་ཡིན་སྟབས། ཆོས་དད་ཡོད་མེད་ལ་མ་ལྟོས་པར་འགྲོ་བ་མི་རྣམས་ཨ་མའི་བྱམས་བརྩེ་འོག་ནས་འཚར་ལོངས་བྱུང་བ་འབའ་ཞིག་ཡིན་པས་རང་ཆས་སུ་ཡོད་པའི་བྱམས་བརྩེའི་བསམ་པ་དེ་གོང་མཐོར་གཏང་སྟེ་དུས་རབས་ ༢༡ པ་འདི་བྱམས་བརྩེ་དང་ལྡན་པའི་དུས་རབས་ཤིག་ཏུ་བསྐྲུན་དགོས་པར་བཀའ་བརྩལ་འདུག དེ་བཞིན་༸གོང་ས་མཆོག་གིས་ནང་པ་སངས་རྒྱས་པའི་ནང་ཆོས་ངོ་སྤྲོད་ཁྲོད་སྤྱི་ཡོངས་ནས་ནང་པ་ཞིག་ཡིན་ན་བདེན་བཞི་མི་རྟག་སོགས་བཅུ་དྲུག་དང་ལྟ་བ་བཀའ་རྟགས་ཀྱི་ཕྱག་རྒྱ་བཞི་པོ་ཁས་ལེན་བྱེད་ཀྱི་ཡོད་པ་སོགས་བཀའ་འགྲེལ་དང་སྦྲགས། སྟོན་པའི་ཆོས་འཁོར་རིམ་པ་གསུམ་གྱི་སྐོར་ཆོས་འབྲེལ་བསྩལ་ཡོད་པ་རེད། ལྷག་དོན་མགོན་པོ་༸གང་ཉིད་མཆོག་གིས་ནང་པའི་གཞུང་ལུགས་ཁག་གཅིག་རྒྱ་ཡིག་ཐོག་ཏུ་ཡོད་པ་གང་ཞིག་བོད་ཡིག་ཐོག་མེད་པ་དེ་དག་བོད་ཡིག་ནང་ཚུར་ཕབ་བསྒྱུར་གནང་དགོས་པ་དང་། བོད་ཡིག་ནང་ཡོད་བཞིན་པའི་དབུ་མའི་གཞུང་དེ་དག་རྒྱ་ཡིག་དང་ཉི་ཧོང་གི་སྐད་ཡིག དེ་བཞིན་ཝི་ཏི་ནམ་སོགས་ཀྱི་སྐད་ཡིག་ནང་ཕར་ཕབ་བསྒྱུར་གནང་དགོས་པའི་བཀའ་སློབ་གནང་པ་མ་ཟད། ཝི་ཏི་ནམ་གྱི་མི་མང་རྣམས་རྒྱུན་དུ་མི་གྱོང་པོ་ཞིག་ཡིན་སྟབས་དེ་དག་གི་ཐོག་ལ་སྔར་ལྷག་འབད་བརྩོན་གནང་སྟེ་ཐོག་མར་ཚད་མ་རྣམ་འགྲེལ་དེ་བསྒྱུར་ཐུབ་པ་གནང་དགོས་སྐོར་བཀའ་བསྩལ་འདུག དེ་རིང་ཆོས་འབྲེལ་གྱི་ཉིན་མཐའ་མའི་སྐབས་སུ་ཝི་ཏི་ནམ་གྱི་དད་ལྡན་ཁག་གཅིག་ནས་མགོན་པོ་༸གང་ཉིད་མཆོག་ལ་རྒྱ་ནག་གཞུང་གིས་བོད་སེར་རྟ་བླ་རུང་ཆོས་སྒར་གཏོར་བཤིག་གཏོང་བཞིན་པའི་ཐད་ལ་དགོངས་ཚུལ་གང་ཡོད་བཀའ་འདྲི་ཞུས་པར། མགོན་པོ་མཆོག་ནས་དེ་སྔ་ཡང་རྒྱ་ནག་གཞུང་གིས་བོད་ཀྱི་འབྲས་སྤུངས་དགོན་པ་གཙོས་པའི་ཆོས་སྡེ་མང་པོ་ཞིག་གཏོར་བཤིག་བཏང་ཡོད་པ་སོགས་ལུང་འདྲེན་དང་སྦྲགས། རྒྱ་གཞུང་གིས་ད་ལྟ་གཏོར་བཤིག་གཏོང་བཞིན་པའི་བླ་རུང་ཆོས་སྒར་གྱི་གནས་སྟངས་དེ་སྔར་བཞིན་ཡིད་སྐྱོ་དགོས་པའི་གནད་དོན་ཞིག་ཡིན་པ་བཀའ་བརྩལ་དང་འབྲེལ། རྒྱ་ནག་གཞུང་གིས་སློབ་གཉེར་ཁང་དེའི་ནང་ལ་སློབ་གཉེར་གནང་བཞིན་པའི་སློབ་གཉེར་བའི་ཆོས་དད་དང་བསམ་བློ་ལ་དྲག་པོའི་ཐོག་ནས་དུས་ནམ་ཡང་འགྱུར་བ་གཏང་ཐུབ་ཀྱི་མ་རེད་ཅེས་བཀའ་ལན་མཛད་འདུག  

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཉེ་ཆར་ཤྲི་ལངྐའི་ནང་ཆར་ཞོད་ཧ་ཅང་ཆེན་པོ་བྱུང་བའི་དབང་གིས་ཁུལ་དེར་ཆུ་ལོག་དང་རི་ཉིལ། དེ་བཞིན་ས་རུད་སོགས་ཀྱི་དོན་རྐྱེན་བྱུང་སྟབས། ས་གནས་མང་ཚོགས་དུ་མའི་ཚེ་སྲོག་ཤོར་བ་མ་ཟད། སྡོད་ཁང་དང་ས་ཞིང་སོགས་མི་རྒྱུ་གཉིས་ཀར་གོད་ཆག་ཚབས་ཆེ་ཕོག་པར་ཐུགས་གསོ་མཛད་འདུག དེ་ཡང་མགོན་པོ་༸གང་ཉིད་མཆོག་ནས་ཁ་སང་ཟླ་ ༥ ཚེས་ ༣༠ ཉིན་ཡུལ་དེའི་སྲིད་བློན་ Ranil Wickremesinghe མཆོག་གི་མཚན་ཐོག་ཏུ་ཐུགས་གསོའི་གསུང་འཕྲིན་ཞིག་བསྩལ་བའི་ནང་། མགོན་པོ་༸གང་ས་མཆོག་ནས་ཆུ་ལོག་གི་གོད་ཆག་འོག་དཀའ་སྡུག་ཧ་ཅང་མྱོང་བཞིན་པའི་གནས་སྟངས་ཐད་ལ་ཐུགས་ཕམ་ཆེན་པོ་གནང་བཞིན་ཡོད་པ་དང་། ལྷག་པར་དུ་གོད་ཆག་དེའི་ཁྲོད་ཚེ་སྲོག་ཤོར་བ་རྣམས་ལ་ཐུགས་སྨོན་དང་། རྗེས་ཤུལ་ནང་མི་སྤུན་མཆེད་ཡོངས་ལ་གདུང་སེམས་མཉམ་སྐྱེའི་ཐུགས་གསོ་མཛད་པ་མ་ཟད། ཡུལ་དེའི་མི་མང་རྣམས་ལ་གདུང་སེམས་མཉམ་སྐྱེ་མཚོན་ཕྱིར་མགོན་པོ་༸གང་ཉིད་མཆོག་གི་ཏཱ་ལའི་བླ་མའི་ཐེབས་རྩ་ཁང་བརྒྱུད་ནས་ངལ་སེལ་རོགས་སྐྱོབ་ཀྱི་ཞལ་འདེབས་ཕྲན་བུ་ཞིག་གནང་རྒྱུ་ཡིན་ཞེས་བཀའ་བསྩལ་འདུག

༢༠༡༧ ལོའི་བོད་ཀྱི་མཛངས་མའི་འགྲན་སྡུར་ནང་ལ་རྒྱ་གར་དང་ཨ་རི། དེ་བཞིན་ཡུ་རོབ་ཀྱི་རྒྱལ་ཁབ་Austria བཅས་ནང་བཞུགས་པའི་བོད་ཀྱི་བེུད་ ༩ ནས་མཉམ་ཞུགས་གནང་འདུག དེ་རིང་ཟླ་ ༥ ཚེས་ ༣༠ ཉིན་སྔ་དྲོ་ཚོུད་ ༡༡།༠༠ ཐོག་བོད་ཀྱི་མཛངས་མའི་འགྲན་སྡུར་གོ་སྒྲིག་གནང་མཁན་བློ་བཟང་དབང་རྒྱལ་ལགས་ཀྱིས་བཞུགས་སྒར་དུ་འདི་ལོའི་བོད་ཀྱི་མཛངས་མའི་འགྲན་སྡུར་དང་འབྲེལ་བའི་ཡོངས་ཁྱབ་གསར་འགོད་ལྷན་ཚོགས་ཤིག་བསྐོང་ཚོགས་གནང་སྟེ། འདས་པའི་ལོ་ཤས་ནང་དུ་འགྲན་སྡུར་འདིའི་ནང་ལ་མཉམ་ཞུགས་གནང་མཁན་བོད་ཀྱི་བེུད་གཅིག་མ་གཏོགས་ཕེབས་མེད་པའི་གནས་སྟངས་རིགས་ཆགས་ཡོད་ཀྱང་། ད་རེས་བོད་ཀྱི་མཛངས་མའི་འགྲན་སྡུར་ཐེངས་ ༡༥ པ་འདི་ནི་འཛུལ་ཞུགས་པ་མང་ཤོས་དེ་ཆགས་ཡོད་སྐོར་གསུངས་པ་དང་འབྲེལ། མཉམ་ཞུགས་པ་རྣམས་རིམ་པ་བཞིན་ངོ་སྤྲོད་གནང་སོང་། འདི་ལོའི་མཛངས་མའི་འགྲན་སྡུར་གྱི་ལས་རིམ་དེ་དེ་རིང་ནས་དབུ་འཛུགས་གནང་སྟེ། ཟླ་ ༦ ཚེས་ ༢ ཉིན་རྒྱབ་ཏུ་ Swim suit འམ་རྐྱལ་གོས་ཀྱི་འགྲན་བསྡུར་དང་། ཚེས་ ༣ ཉིན་སྒྱུ་རྩལ་གྱིའགྲན་བསྡུར། དེ་བཞིན་ཚེས་ ༤ སྟེ་རེས་གཟའ་ཉི་མའི་དགོང་མོ་བཞུགས་སྒར་དུ་རྟེན་གཞི་བྱས་པའི་བོད་ཀྱི་ཟློས་གར་ཚོགས་པའི་ཐང་ཆེན་དུ་བེུད་རྣམས་ནས་རང་ཉིད་ཀྱི་ངོ་སྤྲོད་གནང་རྒྱུ་དང་དྲི་བ་དྲིས་ལན། ལྷག་དོན་བོད་ཀྱི་ཐུན་མོང་མ་ཡིན་པའི་ཆས་གོས་ཀྱི་འགྲན་སྡུར་སོགས་གནང་ཐོག་དངོས་གཞིའི་འགྲན་བསྡུར་དེ་གནང་གི་ཡོད་པ་རེད། ད་ལོའི་བོད་ཀྱི་མཛངས་མ་འགྲན་སྡུར་ཁྲོད་ཨང་དང་པོའི་དབུ་རྒྱན་ཐོབ་མཁན་ལ་བྱ་དགའ་ཧིན་སྒོར་ ༡༠༠༠༠༠།༠༠ ཡོད་པ་དང་། ཨང་གཉིས་པར་ཧིན་སྒོར་ ༥༠༠༠༠ དང་ཨང་གསུམ་པར་ཧིན་སྒོར་ ༢༥༠༠༠ བཅས་ཀྱི་བྱ་དགའ་གནང་གི་ཡོད་པ་རེད།

ཉན་པ།: Listen ཕབ་ལེན། Download ཡུ་རོབ་མཐུན་ཚོགས་དང་རྒྱ་ནག་དབར་གྱི་འགྲོ་བ་མིའི་ཐོབ་ཐང་གི་གྲོས་མོལ་ལ་བསྐྱར་ཞིབ་དགོས་གསུངས་འདུག ས་ག་ཟླ་བའི་ཆོས་ཕྱོགས་ཀྱི་བྱེད་སྒོར་ཞུགས་མི་ཆོག་པའི་བཙན་བཀའ་བཏང་པ། ༢༠༡༧ ལོའི་བོད་ཀྱི་མཛངས་མའི་འགྲན་བསྡུར་ནང་བོད་ཀྱི་བེུད་ ༩ མཉམ་ཞུགས། ཨ་རུ་ནཱ་ཅལ་མངའ་སྡེའི་བོད་དོན་རྒྱབ་སྐྱོར་ཚོགས་པས་རྒྱ་གཞུང་ལ་༸གོང་ས་མཆོག་དང་གྲོས་མོལ་གནང་དགོས་པའི་ཞུ་འབོད། དམིགས་བསལ་ལེ་ཚན། བསྟན་འཛིན་བཟང་པོ་ལགས་ཀྱི་གླུ་གཞས་བོད་ཀྱི་མཛངས་མ། Tuesday 30/05/2017 European Parliamentarians urge EU to review rights dialogue with China China restricts Tibetans from taking part in ‘Saka Dawa’ celebrations 9 Tibetan women vie for Miss Tibet crown this year Arunachal TSG urges China to hold dialogue with Dalai Lama SONG FEATURE: ‘Miss Tibet’ by Tenzin Sangpo

དེ་ཡང་ཉེ་ལམ་རྒྱ་ནག་གཞུང་ལྷ་ས་གྲོང་ཁྱེར་སློབ་གསོ་ཅུས་ཟེར་བས་བོད་རང་སྐྱོང་ལྷ་ས་གྲོང་ཁྱེར་ཁུལ་གྱི་སློབ་གྲྭ་ཁག་གི་སློབ་ཕྲུག་དང་ཕ་མ་ཁྱིམ་བདག་བཅས་ལ་ས་ག་ཟླ་བའི་ཆོས་ཕྱོགས་ཀྱི་བྱེད་སྒོར་མཉམ་ཞུགས་དང་ཆོས་ཕྱོགས་ཀྱི་བྱེད་སྒོ་སྤེལ་མི་ཆོག་པ་དང་དེ་འདྲ་མི་བྱེད་པའི་འགན་ལེན་བྱེད་དགོས་པ་མ་ཟད། གལ་ཏེ་དེ་ལྟར་བྱུང་ཚེ་ཐག་གཅོད་ནན་པོ་བྱ་རྒྱུ་ཡིན་ལུགས་ཀྱི་བཙན་བཀའ་བཏང་ཡོད་པ་རེད་འདུག དེ་འབྲེལ་ས་གནས་བོད་མི་ཞིག་གིས་དྲ་ལམ་བརྒྱུད་གནས་ཚུལ་བརྗོད་དོན།  ཁོང་གིས་ས་ག་ཟླ་བ་ནི་ནང་པ་སངས་རྒྱས་པའི་ཆོས་ལུགས་ཀྱི་ངོས་ནས་དུས་ཆེན་གལ་ཆེ་ཤོས་གྲས་ཤིག་ཡིན་པ་དང་། བོད་མི་ཚོས་དུས་ཚོད་དེའི་རིང་ལ་ཕྱག་འཚལ་སྐོར་སྦྱོང་སོགས་གནང་ནས་སྡིག་སྤོང་དགེ་སྒྲུབ་རྒྱ་ཆེ་གནང་སྲོལ་ཡོད་པ་ལྟར། སློབ་གྲྭའི་གུང་གསེང་སྐབས་རང་གི་ཕྲུ་གུ་འཁྲིད་ནས་མཆོད་མཇལ་དང་གླིང་སྐོར་འགྲོ་རྒྱུའི་ལམ་སྲོལ་ཡོད་པ་རེད། འོན་ཀྱང་འདི་ལོའི་ས་ག་ཟླ་བ་མ་ཤར་བའི་གོང་ནས་རྒྱལ་ཁབ་སློབ་གསོ་ཅུས་ཟེར་བས་སློབ་ཕྲུག་གིི་ཕ་མ་དང་ཁྱིམ་བདག་ཚོས་ས་ག་ཟླ་བའི་ཆོས་ཕྱོགས་ཀྱི་བྱེད་སྒོ་སྤེལ་སར་བསྐྱོད་མི་ཆོག་པ་མ་ཟད། རང་ཉིད་ཀྱི་ངོས་ནས་ཀྱང་ཆོས་ཕྱོགས་ཀྱི་བྱེད་སྒོ་སྤེལ་མི་ཆོག་པའི་བཙན་བཀའ་བཏང་ཡོད་པ་རེད་ཅེས་གསུངས་པ་དང་། སྤྱིར་རྒྱ་གཞུང་གིས་སློབ་ཕྲུག་ཞིག་ནས་ཆོས་ལུགས་ཀྱི་བྱེད་སྒོར་ཞུགས་མི་ཆོག་ཅེས་དེ་སྔོན་ནས་བཤད་ཀྱི་ཡོད་པས་དེ་ནི་གནས་ཚུལ་གསར་པ་གང་ཡང་མ་རེད། ཕ་མ་ཁག་གཅིག་གིས་དེ་དག་ལ་ལྟོས་མེད་གུང་གསེང་སྐབས་ཕྲུ་གུ་དགོན་པར་མཆོད་མཇལ་དང་གླིང་སྐོར་སོགས་ལ་འཁྲིད་ཀྱི་ཡོད་པ་རེད་ཅེས་གསུངས་སོང་། འོན་ཏང་འདི་ལོ་དམིགས་བསལ་ཕ་མ་དང་ཁྱིམ་བདག་རྣམས་ཆོས་ལུགས་ཀྱི་བྱེད་སྒོར་ཞུགས་མི་ཆོག་པ་དང་། དེ་འབྲེལ་གནས་ཚུལ་ལྷག་ཚེ་ཐག་གཅོད་ནན་པོ་བྱེད་རྒྱུ་ཡིན་ཚུལ་བཤད་པ་ནི་གནས་ཚུལ་གསར་པ་ཞིག་ཡིན་སྟབས། ཁྱིམ་བདག་དང་ཕ་མ་རྣམས་ནས་དེར་བློ་འཚབ་ཆེན་པོ་གནང་བཞིན་ཡོད་སྐོར་འགྲེལ་བརྗོད་གནང་ཡོད། སྤྱིར་རྒྱ་གཞུང་གི་རྩ་ཁྲིམས་ནང་དུ་སྤྱི་དམངས་ཚང་མས་ཆོས་ལུགས་དད་པ་རང་མོས་དང་ཆོས་ལ་དད་པ་བྱེད་མཁན་ལ་བཙན་དབང་གིས་བཀག་འགོག་བྱེད་མི་ཆོག་ཅེས་གསལ་པོ་འཁོད་ཡོད་ཀྱང་། ལག་བསྟར་བྱེད་མཁན་མེད་པ་དང་གནས་ལུགས་རྒྱུ་མཚན་བཤད་ས་མི་འདུག་ཅེས་འགྲེལ་བརྗོད་གནང་སོང་། དེ་དང་ཕྱོགས་མཚུངས་ལྷ་ས་གྲོང་ཁྱེར་རྗེ་འབུམ་སྒང་སློབ་ཆུང་ཡིག་ཚང་ནས་ཟླ་ ༥ ཚེས་ ༢༧ ཉིན་ཕ་མ་དང་སློབ་ཕྲུག་ཚོས་ས་ག་ཟླ་བའི་ཆོས་ལུགས་ཀྱི་བྱེད་སྒོར་ཞུགས་མི་ཆོག་པའི་བརྡ་ཐོ་ཞིག་བཏང་པའི་ནང་འཁོད་དོན།  གོང་རིམ་སློབ་གསོ་ཚན་པ་ཁག་གི་བརྡ་ཐོའི་ནང་དོན་གཞིར་བཟུང་། ངེད་སློབ་གྲྭའི་དགེ་སློབ་དང་རྒྱབ་ཕྱོགས་ལས་དོན་མི་སྣ་ཡོངས་ལ། ས་ག་ཟླ་བའི་ཆོས་ལུགས་དུས་ཆེན་དང་། ཟླ་མཆོད་དུས་ཆེན། ངལ་གསོའི་རིང་རྣམ་པ་འདྲ་མིན་གྱི་ཆོས་ལུགས་བྱེད་སྒོ་ཡོད་ཚད་ལ་ཞུགས་མི་ཆོག་པའི་བཀའ་རྒྱ་ནན་པོ་བཏང་ཡོད་པས། ཁྱིམ་བདག་རྣམ་པས་སྔར་མུས་བཞིན་སློབ་གྲྭའི་ལས་དོན་ཁག་ལ་རྒྱབ་སྐྱོར་གནང་སྟེ།  རེ་བ་ནན་པོས་བུ་ཕྲུག་ཚོར་རྨོངས་དད་དང་། ཆོས་ལུགས་ཀྱི་བྱེད་སྒོར་ཞུགས་སུ་འཇུག་མི་རུང་ལ།  རང་ཉིད་ཀྱང་མི་ཞུགས་པའི་འགན་ལེན་བྱེད་དགོས་ཞེས་འཁོད་ཡོད་པ་རེད། སྤྱིར་ཆོས་ལུགས་དད་པ་རང་མོས་ཡིན་པའི་སྐོར་ལ་རྒྱ་ནག་གཞུང་གི་རྩ་ཁྲིམས་ཀྱི་དོན་ཚན་ ༣༦ ནང་༼  ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་ཆོས་ལུགས་དད་མོས་རང་དབང་ཡོད། རྒྱལ་ཁབ་ཀྱི་དབང་འཛིན་ལས་ཁུངས་དང་སྤྱི་ཚོགས་ཚོགས་པ། གང་ཟག་སུ་གང་གིས་སྤྱི་དམངས་ལ་བཙན་ཤེད་ཀྱི་ཆོས་ལུགས་དད་མོས་བྱེད་དུ་འཇུག་པའམ། སྤྱི་དམངས་ཀྱི་ཆོས་ལུགས་དད་མོས་བཙན་འགོག་བྱས་མི་ཆོག ༽  ༼   རྒྱལ་ཁབ་ཀྱིས་རྒྱུན་ལྡན་གྱི་ཚོས་ལུགས་བྱེད་སྒོ་དང་ཆོས་སྤྱོད་ལ་སྲུང་སྐྱོབ་བྱེད་རྒྱུ་ཡིན་ཞེས་འཁོད་ཡོད་པ་རེད། ༽  གནས་དོན་དེའི་ཐོག་ལ་དེང་སྐབས་སྤྱི་ཚོགས་དྲ་ལམ་ཁག་ཏུ་ཚ་ཚ་འུར་འུར་ངང་བགྲོ་གླེང་དང་ཡིག་ཐོག་ནས་བསམ་ཚུལ་འདྲ་མིན་སྤེལ་མཁན་སོགས་ཤུགས་ཆེ་བྱུང་བཞིན་ཡོད་པ་རེད་འདུག  

རྒྱ་གར་བྱང་ཤར་ཨ་རུ་ནཱ་ཅལ་ངའ་སྡེའི་བོད་དོན་རྒྱབ་སྐྱོར་ཚོགས་པས་བོད་ཀྱི་གནད་དོན་མ་སེལ་གྱི་བར་དུ་བོད་དོན་ལ་རྒྱབ་སྐྱོར་དང་གདུང་སེམས་མཉམ་བསྐྱེད་ཀྱི་ལས་འགུལ་རིམ་པ་སྤེལ་རྒྱུའི་ཁས་ལེན་དམ་བཅའ་ཞུས་པ་དང་འབྲེལ། རྒྱ་ནག་གཞུང་ལ་༸གོང་ས་མཆོག་དང་གྲོས་མོལ་གནང་དགོས་པའི་ནན་སྐུལ་གནང་འདུག དེའང་ཨ་རུ་ནཱ་ཅལ་མངའ་སྡེའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ Gicho Kabak ལགས་ཀྱིས་གཙོས་པའི་སྐུ་ཚབ་འཐུས་མི་ཁག་གཅིག་ནས་ཟླ་བ་འདིའི་ཚེས་ ༢༥ ཉིན་རྒྱ་གར་གྱི་རྒྱལ་ས་ལྡི་ལིར་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་མོལ་ཞུས་ཡོད་པ་དང་། ཐེངས་དེའི་མཇལ་མོལ་གྲུབ་རྗེས་ཕྱི་ཉིན་ཚེས་ ༢༦ སྟེ་རེས་གཟའ་པ་སངས་ཉིན་ཚོགས་པ་དེའི་ངོས་ནས་གསར་འགོད་བསྒྲགས་གཏམ་ཞིག་སྤེལ་བའི་ནང་ལ། དབུས་བོད་མིའི་སྒྲིག་འཛུགས་ཀྱི་ངོས་ནས་གཉིས་སྨན་དབུ་མའི་ལམ་གྱི་སྲིད་བྱུས་གཞི་རྩ་བཟུང་བའི་ཐོག་བོད་རིགས་ཡོངས་ལ་མིང་དོན་མཚུངས་པའི་རང་སྲིད་རང་སྐྱོང་ཀྱི་ཁེ་དབང་ལས་བོད་རང་བཙན་རྩ་བ་ནས་རྩོད་ཀྱི་མེད་པ་ཟད། བོད་མིའི་འཐབ་རྩོད་དེའང་རྒྱ་ནག་མི་མང་ལ་ཁ་གཏད་གཅག་རྒྱུ་ཞིག་གཏན་ནས་མ་རེད་ཅེས་གསུངས་འདུག གཞན་ཡང་བསྒྲགས་གཏམ་དེའི་ནང་དུ་དེ་སྔ་ཕྱོ་ལོ་ ༡༩༧༩ ལོར་སྐུའི་གཅེན་པོ་རྒྱལ་ལོ་དོན་གྲུབ་མཆོག་རྒྱ་ནག་ཏུ་ཕེབས་སྐབས་རྒྱ་ནག་གི་འགོ་ཁྲིད་ཏིང་ཞའོ་ཕེང་གིས་ཁོང་ལ་རང་བཙན་མ་གཏོགས་གནད་དོན་གཞན་གང་ཞིག་ཡིན་རུང་གྲོས་མོལ་གྱི་ལམ་ནས་སེལ་ཐུབ་རྒྱུ་ཡོད་པ་བཤད་དོན་ལྟར། མགོན་པོ་༸གང་ཉིད་མཆོག་ནས་དེར་ཐུགས་རེ་ཆེན་པོ་གནང་ཡོད་སྐོར་ཡང་བཀོད་འདུག ལྷག་དོན་ཚོགས་པ་དེའི་ངོས་ནས་༸གོང་ས་མཆོག་ལ་བོད་ཀྱི་གནད་དོན་མ་སེལ་གྱི་བར་དུ་བོད་དོན་དང་འབྲེལ་བའི་བགྲོ་གླེང་དང་དུས་དེབ་འགྲེམས་སྤེལ་གནང་པའི་བརྒྱུད་བོད་དོན་ལ་རྒྱབ་སྐྱོར་དང་གདུང་སེམས་བསྐྱེད་གནང་རྒྱུའི་ཁས་ལེན་ཡང་ཞུས་ཡོད་པ་མ་ཟད། མགོན་པོ་༸གང་ཉིད་མཆོག་གི་ངོས་ནས་ཀྱང་ད་རེས་ཨ་རུ་ནཱ་ཅལ་མངའ་སྡེའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་མཆོག་གིས་དབུས་པའི་ཚོགས་མི་རྣམས་ལ་བོད་དོན་ལ་རྒྱབ་སྐྱོར་དང་གདུང་སེམས་བསྐྱེད་གནང་པར་ལེགས་གསོལ་མཛད་ཡོད་པ་རེད་འདུག རྩ་བའི་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ Gicho Kabak ལགས་ཀྱིས་གཙོས་པའི་ཚོགས་གཞོན་མངའ་སྡེའི་བློན་ཆེན་ཟུར་པ་ Tanyong Tatak ལགས་དང་སྤྱི་ཁྱབ་དྲུང་ཆེ་ Anok Wangsa ལགས་སོགས་སྐུ་ཚབ་འཐུས་མི་ལྔ་ནས་༸གོང་ས་མཆོག་གི་མཇལ་ཁ་ཞུས་འདུག

ཁ་སང་ཚེས་ ༢༩ ཉིན་ཨ་རིའི་ Los Angeles གྲོང་ཁྱེར་གྱི་ china town ཞེས་པའི་རྒྱ་རིགས་གྲོང་ཚོའི་ནང་རྟེན་གཞི་བྱས་པའི་མངའ་སྡེའི་སྐྱེད་མོས་ཚལ་དུ་རྒྱ་ནག་གི་འགྲོ་བ་མིའི་ཐོབ་ཐང་དང་འབྲེལ་བའི་རོལ་དབྱངས་དང་སྒྱུ་རྩལ་གྱི་དུས་སྟོན་ཞིག་འཚོགས་གཏན་འཁེལ་ཡོད་ཀྱང་། ས་གནས་རྒྱ་རིགས་མང་ཚོགས་ནས་དེར་འགག་པ་བྱེད་པར་བརྟེན་སྐྱེད་མོས་ཚལ་དེའི་ནང་དུ་ཚོགས་ཐུབ་མིན་ཐད་དཀའ་ངལ་འཕྲད་བཞིན་པ་རེད་འདུག The epoch times གསར་ཤོག་ཐོག་གནས་ཚུལ་ཐོན་པར་གཞིགས་ན། ས་གནས་རྒྱ་རིགས་གྲོང་ཚོའི་ཚོང་པ་ཚོགས་པའི་ཚོགས་གཙོ་ George Yu ནས་དུས་སྟོན་གོ་སྒྲིག་གནང་མཁན་ཚོས་དུས་སྟོན་དེའི་ཐོག་ནས་བོད་རང་བཙན་དང་རྒྱ་ནག་གི་ཁོར་ཡུག་འབགས་བཙོག་གི་གནད་དོན། ཧྥ་ལུང་ཆོས་བརྒྱུད་པའི་ནང་ཁྲོལ་བཙན་དབང་གིས་ཚོང་ལས་བྱེད་བཞིན་པའི་གནད་དོན་སོགས་ཕྱིར་འཐེན་མ་བྱེད་ཀྱི་བར་དུ་སྐྱེད་མོས་ཚལ་དུ་དུས་སྟོན་དེ་ཚོགས་རྒྱུར་ཁོང་རྣམ་པས་རྒྱབ་སྐྱོར་ཞུ་ཐབས་མེད་ཅེས་བརྗོད་ཡོད་པ་དང་། དུས་སྟོན་གོ་སྒྲིག་གནང་མཁན་ཚོའི་ངོས་ནས་ George Yu ཡི་སྐད་ཆ་དེ་ནི་མི་རིགས་དབྱེ་འབྱེད་ཀྱི་གནད་དོན་ཞིག་དང་། དེ་སྔ་རྒྱ་གཞུང་གིས་རང་ཉིད་ཀྱི་རྒྱལ་ཁབ་ཀྱི་ས་མཚམས་འགལ་ནས་ཕྱིའི་རྒྱལ་ཁབ་ཀྱི་གནད་དོན་ལ་ཐེ་གཏོགས་བྱེད་པའི་གནས་ཚུལ་རིམ་པ་བྱུང་བ་དང་གཅིག་མཚུངས་ཡིན་པར་སྐྱོན་བརྗོད་བྱེད་བཞིན་པ་རེད་འདུག རྩ་བའི་ blacklisted དུས་སྟོན་དེ་ནི་རྐང་རྒྱ་ནག་ནང་མང་ཚོགས་ལ་དམ་དྲག་དང་དྲང་བདེན་མ་ཡིན་པའི་གནད་དོན་མང་པོ་ཞིག་བྱུང་བཞིན་ཡོད་ཀྱང་། འཛམ་གླིང་ཚོགས་སྡེ་ཁག་ནས་ཁ་ཁུ་སིམ་པོར་གནས་བཞིན་པ་ལ་གདོང་ལེན་གནང་ཕྱིར་ལོ་ལྟར་གོ་སྒྲིག་གནང་གི་ཡོད་པ་དང་། དུས་སྟོན་གྱི་འགན་འཛིན་Nick Janicki ནས་ཐོག་མར་ཕྱི་ཟླ་ ༡༢ པའི་ནང་མངའ་སྡེའིས་སྐྱེད་མོས་ཚལ་དུ་དུས་སྟོན་གོ་སྒྲིག་ཞུ་རྒྱུའི་ཆོག་མཆན་ཞུ་དོན་ལྟར། ཟླ་དང་པོའི་ནང་ཆོག་མཆན་ཐོན་ཟིན་ཡང་། ཉེས་ཆར་ཟླ་ ༥ ནང་ Nick Janicki ནས་ས་གནས་རྒྱ་རིགས་གྲོང་ཚོའི་ཚོང་པ་ཚོགས་པའི་ཚོགས་གཙོ་ George Yu དང་ཐུག་འཕྲད་རྗེས་ཆོག་མཆན་དེ་ཕྱིར་འཐེན་གནང་ཡོད་པ་རེད་འདུག དེའང་ཟླ་ ༥ ཚེས་ ༡༢ ཉིན་མཇལ་འཕྲད་དེའི་སྐབས་སུ་རྒྱ་རིགས་ George Yu ནས་ཐོག་མའི་ཆར་ Janicki ལགས་སུ་བོད་རང་བཙན་དང་ཁོར་ཡུག་ཙམ་མ་ཟད། རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནད་དོན་གཞན་ཁག་གཅིག་དང་འབྲེལ་བའི་བརྙན་པར་ཁ་ཤས་ཕྱིར་འཐེན་དགོས་པའི་དགོས་འདུན་བཏོན་པ་ལྟར་དེ་དང་ལེན་བྱས་ཡོད་ཀྱང་། དེ་རྗེས་བསྐྱར་དུ་དུས་སྟོན་དེའི་ཐོག་ཧྥ་ལུང་གོང་ཆོས་བརྒྱུད་ཀྱི་གནད་དོན་རིགས་རྩ་བ་ནས་སྟོན་མི་ཆོག་པ་བརྗོད་པར་དང་ལེན་མ་གནང་སྟབས། དེའི་ཕྱི་ཉིན་ཡུ་ནས་གློག་འཕྲིན་ཞིག་གི་བརྒྱུད་དུས་སྟོན་དེར་རྒྱབ་སྐྱོར་བྱ་རྒྱུ་མིན་པ་དང་། སྐྱེད་མོས་ཚལ་དེ་ནས་དུས་སྟོན་དེར་ཆོག་མཆན་སྤྲད་རྒྱུ་མིན་པའི་འགྲེལ་བརྗོད་བྱས་འདུག དུས་སྟོན་གྱི་སྒྱུ་རྩལ་འཁྲབ་ཁྲིད་འགན་འཛིན་ Kate Vareshaka ལགས་ནས་དེ་ནི་མི་རིགས་དབྱེ་འབྱེད་ཀྱི་གནད་དོན་ཞིག་ཡིན་པ་དང་། རྒྱ་རིགས་གྲོང་ཚོ་ཞིག་ལ་ཨ་རིའི་མི་སེར་ཚོས་སྤྱི་དམངས་ཀྱི་ས་ཆ་ཞིག་བེད་སྤྱོད་བྱེད་པར་ཐག་གཅོད་རྒྱུའི་དབང་ཚད་སྤྲོད་པ་དེ་ནི་ཆེས་བློ་འཚབ་བྱ་དགོས་པའི་གནད་དོན་ཞིག་རེད་ཅེས་གསུངས་འདུག

  ༸གོང་ས་༸སྐྱབས་མགོན་ཆེན་པོ་མཆོག་གིས་ནང་པའི་གཞུང་ལུགས་ནས་སྦྱང་བའི་ཡོན་ཏན་རྣམས་ད་ཆ་ནང་པའི་སྤྱི་ཚོགས་ཙམ་མིན་པར། འགྲོ་བ་མིའི་འཇིག་རྟེན་འདིར་ལེགས་སྐྱེས་འབུལ་རྒྱུའི་དུས་ལ་བབ་ཡོད་ཅེས་བཀའ་གནང་སོང། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་སྔ་དྲོ་བཞུགས་སྒར་༸རྒྱལ་བའི་ཕོ་བྲང་དུ་ཨ་རིའི་ཨེ་མོ་རི་གཙུག་ལག་སློབ་གཉེར་ཁང་གི་སློབ་མ་ ༣༠ ཙམ་ཞིག་དང་ལྷན་ཚོུད་གཅིག་ཙམ་རིང་མཇལ་མོལ་དང་སློབ་མ་རྣམ་པའི་ངོས་ནས་བཀའ་འདྲི་ཞུས་ཁག་ལ་བཀའ་ལན་བསྩལ་ཡོད་པ་རེད། སྐབས་དེར་༸གོང་ས་མཆོག་ནས་ཐོག་མར་སློབ་མ་རྣམས་ལ་ངོས་ནས་ནང་པའི་གཞུང་ཆེན་ནང་འཁོད་པའི་སེམས་ཁམས་རིག་པའི་རྣམ་གཞག་དེ་ནང་པའི་ཆོས་ཀྱི་སེམས་ཁམས་རིག་པ་ཞེས་མ་ཡིན་པར། རྒྱ་གར་གྱི་གནའ་བོའི་སེམས་ཁམས་རིག་པའི་རྣམ་གཞག་ཞེས་འབོད་ཀྱི་ཡོད། རྒྱ་གར་གྱི་གནའ་བོའི་ཡོན་ཏན་དེ་དག་ཐོག་མར་རྒྱ་གར་རྒྱལ་ནང་དང་དེ་རྗེས་རིམ་བཞིན་འཛམ་གླིང་ཡོངས་ལ་གོང་འཕེལ་གཏོང་རྒྱུ་ནི་ངོས་ཀྱི་འགན་ཁུར་གཙོ་གྲས་ཤིག་ཆགས་ཀྱི་ཡོད་ཅེས་བཀའ་བསྩལ་བ་མ་ཟད། དེའི་ཐོག་རྒྱ་གར་ནང་ལོ་ངོ་སྟོང་ཕྲག་གོང་ནས་ཆོས་ལུགས་འདྲ་མིན་ཁག་འཆམ་མཐུན་མཉམ་གནས་བྱེད་བཞིན་ཡོད་པ་དེར་མིག་དཔེ་བལྟ་ནས་ཆོས་ལུགས་མཐུན་སྒྲིལ་གོང་མཐོར་གཏོང་རྒྱུར་འབད་བརྩོན་ཤུགས་ཆེ་གནང་རྒྱུ་ནི་ཧ་ཅང་གི་གལ་ཆེན་ཡིན་པར་བཀའ་བསྩལ་འདུག དེ་རྗེས་ཨེ་མོ་རི་གཙུག་ལག་སློབ་གཉེར་ཁང་གི་སློབ་མ་ཁག་གཅིག་ནས་༸གོང་ས་མཆོག་ལ་གནད་དོན་འདྲ་མིན་ཐོག་ལ་བཀའ་འདྲི་ཞུས་པའི་ཁོངས་ནས་སློབ་མ་ཞིག་གིས་༸གོང་ས་མཆོག་གི་ངོས་ནས་དུས་རབས་ ༢༡ པ་དེ་ཞི་བདེ་དང་ལྡན་པའི་དུས་རབས་ཤིག་ཏུ་འགྱུར་ཐུབ་མིན་ནི་དུས་རབས་ ༢༡ པ་འདིའི་ནང་གི་མང་ཚོགས་ཀྱི་ལག་ཏུ་ཡོད་པ་བཀའ་སྩལ་ལྟར། དེང་གི་སྤྱི་ཚོགས་ནང་ཁུལ་དབར་དབྱེ་བ་མང་བ་དང་དབུལ་ཕྱུག་ཁྱད་པར་ཆེ་བ། ལྷག་དོན་མི་རིགས་རིང་ལུགས་ཀྱི་དཀའ་ངལ་དུ་མའི་ཁྲོད་ང་ཚོས་ཞི་བདེ་ཇི་ལྟར་བསྐྲུན་དགོས་ཀྱི་རེད་དམ་ཞེས་བཀའ་འདྲི་ཞུས་པར། མགོན་པོ་༸གང་ཉིད་མཆོག་གིས་འཛམ་གླིང་འདིའི་ནང་གི་འགྲོ་བ་མི་རྣམས་ཕན་ཚུན་གཅིག་ལ་གཅིག་བརྟེན་གྱི་སྤྱི་ཚོགས་ཀྱི་སེམས་ཅན་ཞིག་ཡིན་སྟབས། འགྲོ་བ་མི་གཅིག་འགྱུར་གྱི་བློ་གོང་འཕེལ་གཏོང་རྒྱུ་ནི་བདེ་སྐྱིད་ཀྱི་རྩ་བ་ཡིན་པ་དང་། དེ་ནི་གཙོ་བོ་ཤེས་ཡོན་གྱི་ལམ་ནས་གོ་རྟོགས་སྤེལ་བའི་བརྒྱུད་བསྒྲུབ་ཐུབ་པ་ཞིག་རེད་ཅེས་བཀའ་བསྩལ་སོང་བ་དང་། ལྷག་དོན་༸གོང་ས་མཆོག་ནི་ཡུ་རོབ་མཐུན་ཚོགས་ཀྱི་སྒྲོམ་གཞིར་ཡིད་སྨོན་ཆེན་པོ་མཛད་བཞིན་ཡོད་པ་དང་། དེ་ལྟ་བུའི་སྒྲོམ་གཞི་ཞིག་མ་འོངས་པར་ཨ་ཕི་རི་ཀའི་གླིང་ཕྲན་དང་། ལྷོ་ཨ་མི་རི་ཀ། ཨེ་ཤ་ཡ་བཅས་སུ་བྱུང་ཐུབ་ན་ཕུགས་རྒྱང་རིང་པོའི་ཐོག་ནས་ཞི་བདེ་བསྐྲུན་ཐུབ་ངེས་ཡིན་པར་བཀའ་བསྩལ་བ་མ་ཟད། དབྱིན་ཡུལ་གཞུང་ཡུ་རོབ་མཐུན་ཚོགས་ནས་ཕྱིར་ཐོན་པ་དང། ཉེ་བའི་འར་ཨ་མི་རི་ཀའི་སྲིད་འཛིན་ trump མཆོག་ནས་ཨ་མི་རི་ཀ་དང་པོ་ཞེས་པའི་ལྟ་གྲུབ་བཟུང་བཞིན་པ་བཅས་རང་ཉིད་ཀྱི་རྒྱལ་ཁབ་ཀྱི་ཁེ་ཕན་དང་པོར་བཞག་པ་ནི་འཕྲལ་སེལ་མ་གཏོགས་ཕུགས་རྒྱང་རིང་པོའི་དགོངས་པ་མ་བཞེས་པ་ཞིག་ལ་ངོས་འཛིན་གནང་གི་ཡོད་ཅེས་བཀའ་ནན་བསྩལ་འདུག དེ་བཞིན་བོད་ཀྱི་གནད་དོན་དང་འབྲེལ་མགོན་པོ་༸གང་ཉིད་མཆོག་ནས་སྔ་རྗེས་སུ་གཉིས་སྨན་དབུ་མའི་ལམ་གྱི་ཐོག་ལ་དགོངས་པ་བཞེས་ཕྱོགས་ཞིབ་ཕྲ་བཀའ་འགྲེལ་དང་སྦྲགས། ༸གོང་ས་མཆོག་ནས་བོད་ལ་རང་བཙན་རྩ་བ་ནས་རྩོད་ཀྱི་མེད་པའི་བཞེངས་ཕྱོགས་བསྐྱར་ནན་མཛད་པ་དང་། ལྷག་དོན་གཉིས་སྨན་དབུ་མའི་ལམ་གྱི་ཐབས་ལམ་ལ་བརྟེན་ནས་ད་སྐབས་རྒྱ་རིགས་མང་པོས་བོད་མིར་རྒྱབ་སྐྱོར་གནང་གི་ཡོད་སྟབས།  འཚེ་བའི་ཐབས་ལམ་འམ་མི་གསོད་ཁྲག་སྦྱོར་གྱི་བརྒྱུད་ནས་རང་བཙན་ལེན་ཐུབ་རྒྱུ་མེད་སྐོར་བཀའ་བསྩལ་བ་མ་ཟད། འགྲོ་བ་མི་གཅིག་གྱུར་གྱི་བློ་འཁྱེར་ཐོག་རྒྱ་རིགས་དང་བོད་རིགས་གཉིས་སྤུན་མཆེད་ཀྱི་བསམ་བློ་འཛིན་ནས་གནད་དོན་དེ་སེལ་དགོས་ཀྱི་རེད་ཅེས་བཀའ་སློབ་ཟབ་མོ་བསྩལ་འདུག གཞི་རྩའི་ཨ་རིའི་ཨེ་མོ་རི་གཙུག་ལག་སློབ་གཉེར་ཁང་གི་སློབ་མ་དེ་དག་ནང་ཆོས་དང་ཚན་རིག་གི་འབྲེལ་བ་འི་སྐོར་ལ་སློབ་སྦྱོང་གནང་བཞིན་ཡོད་པ་ལྟར། ད་ཆ་ས་རཱ་མཐོ་སློབ་ཏུ་བདུན་ཕྲག་གསུམ་རིང་གི་དབྱར་ཁའི་ཟབ་སྦྱོང་ནང་མཉམ་ཞུགས་གནང་མུས་ཡིན་པ་དང་། དེ་རྗེས་ཁོང་རྣམས་རྒྱ་གར་ལྷོ་ཕྱོགས་འབྲས་སྤུངས་བློ་གསལ་གླིང་དུ་བདུན་ཕྲག་གསུམ་རིང་སློབ་གཉེར་གནང་ཕྱིར་ཕེབས་ཀྱི་ཡོད་པ་རེད།