Monthly Archives: March, 2017

དེ་རིང་ཟླ་ ༣ ཚེས་ ༢༩ ཉིན་བོད་ཀྱི་སྨན་རྩིས་ཁང་དབུ་བརྙེས་ནས་ལོ་ངོ་ ༡༠༡ འཁོར་བའི་དུས་དྲན་མཛད་སྒོའི་ཐོག་འཕྲོད་བསྟེན་བཀའ་བློན་མཆོག་གིས་ད་ལྟའི་ཆར་བཙན་བྱོལ་བོད་མིའི་སྤྱི་ཚོགས་ཁྲོད་དུ་གསོ་རིག་དང་ཕྱི་ལུག་ཀྱི་སྨན་བཅོས་གཉིས་ཟུང་འབྲེལ་གྱིས་ནད་རིགས་སྔོན་འགོག་ཤུགས་ཆེ་གནང་དགོས་ཀྱི་འདུག་ཅེས་གསུངས་སོང་། རྩ་བའི་ཕྱི་ལོ་ ༡༦༩༦ ལོར་༸རྒྱལ་མཆོག་ལྔ་པ་ཆེན་པོ་མཆོག་གིས་བོད་ཀྱི་རྒྱལ་ས་ལྷ་སའི་ལྕགས་པོ་རིར་སྨན་པ་གྲྭ་ཚང་ཆེས་ཐོག་མ་གསར་བཙུགས་བསྐྱངས་པ་དང་། དེ་ནས་ཕྱི་ལོ་ ༡༩༡༦ ལོར་༸རྒྱལ་མཆོག་སྐུ་ཕྲེང་བཅུ་གསུམ་ཆེན་པོ་མཆོག་གིས་བསྐྱར་དུ་བོད་ཀྱི་རྒྱལ་ས་ལྷ་སར་གསོ་དཔྱད་སྨན་སྐར་དཔྱད་རྩིས་ཀྱི་རིག་པ་གཉིས་ཀྱི་སློབ་གཉེར་ཁང་གསར་བཙུགས་གནང་ནས་རིམ་པས་བོད་ཀྱི་ཆོལ་ཁ་གསུམ་གཙོས་པའི་འབྲུག་ཡུག་དང་འབྲས་ལྗོངས། དེ་བཞིན་ཁུ་ནུ་དང་ལ་དྭགས་བཅས་ནས་སློབ་ཕྲུག་བསྡུ་བཞེས་གནང་གི་ཡོད་པ་རེད། འོན་ཀྱང་ཕྱི་ལོ་ ༡༩༥༩ ལོར་བོད་ལ་དུས་འགྱུར་བྱུང་རྗེས་༸རྒྱལ་མཆོག་སྐུ་ཕྲེང་བཅུ་བཞི་པ་ཆེན་པོ་མཆོག་གིས་ཐུགས་དགོངས་ཆེ་བཞེས་ཀྱིས་བོད་ཀྱི་གསོ་བ་རིག་པའི་སྨན་གཞུང་མི་ཉམས་རྒྱུན་འཛིན་དང་ཉམས་པ་སླར་གསོ་གནང་ཕྱིར་ཕྱི་ལོ་ ༡༩༦༣ ལོར་རྒྱ་གར་གྱི་བྱང་ཕྱོགས་བཞུགས་སྒར་དྷ་རྨ་ས་ལར་བོད་ཀྱི་སྨན་རྩིས་ཁང་དངོས་སུ་དབུ་བརྙེས་པ་ནས་བཟུང་ད་བར་རྒྱ་གར་གཙོས་པའི་འཛམ་གླིང་ཡུལ་གྲུ་ཀུན་ལ་བོད་ཀྱི་གསོ་རིག་སྨན་པའི་ཞབས་ཞུ་གནང་དང་གནང་མུས་ཡིན་སྟབས། མང་ཚོགས་ཀྱི་ངོས་ནས་ཀྱང་གདེང་འཇོག་མི་དམན་པ་ཞིག་ཐོབ་བཞིན་ཡོད། དེ་རིང་བཞུགས་སྒར་དབུས་སྨན་རྩིས་ཁང་དུ་བོད་ཀྱི་སྨན་རྩིས་ཁང་དབུ་བརྙེས་ནས་ལོ་ངོ་ ༡༠༡ འཁོར་བ་དང་བཙན་བྱོལ་དུ་ཆེད་བཙུགས་གནང་ནས་ལོ་ངོ་ ༥༦ འཁོར་བའི་དུས་དྲན་སྲུང་བརྩི་ཞུས་ཡོད་པ་དང་། མཛད་སྒོའི་མགྲོན་གྱི་གཙོ་བོར་བོད་མིིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག དམིགས་བསལ་སྐུ་མགྲོན་འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་མཆོག་གིས་གཙོས་པའི་གཞུང་འབྲེལ་དང་གཞུང་འབྲེལ་མིན་པའི་ཚོགས་སྡེ་ཁག་གི་ལས་ཀྱི་སྣེ་མོ་བ་སོགས་ཆེད་ཕེབས་བྱུང་འདུག མཛད་སྒོའི་ཐོག་འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་མཆོག་གིས་འདས་པའི་ལོ་དུས་ནང་ལ་སྨན་རྩིས་ཁང་ནས་མང་ཚོགས་ཀྱི་འཕྲོད་བསྟེན་ཐོག་གནང་བཞིན་པའི་ཕྱག་ལས་ཁག་ལ་ཡི་རངས་བསྔགས་བརྗོད་དང་འབྲེལ། ད་ལྟའི་ཆར་བཙན་བྱོལ་བོད་མིའི་འདུ་འཛོམས་ཆེ་བའི་སྤྱི་ཚོགས་ཁྲོད་ཊི་སྦི་དང་མཆིན་པའི་གཉན་ཚད་ཀྱི་ནད་གཞི་གཉིས་པོའི་གནས་སྟངས་ནི་འཇིགས་སྣང་བྱ་དགོས་པའི་གནས་བབས་ཤིག་ཆགས་ཡོད་པ་གསུངས་སོང་།  སྨན་རྩིས་ཁང་གི་སྨན་པ་རྒན་གྲས་ཚོས་ནད་རིགས་དེའི་ཐོག་གོ་རྟོགས་ཀྱི་སྐོར་བསྐྱོད་གནང་རྒྱུ་གནད་ཆེ་འདུག་ཅེས་དང་། ལྷག་པར་དུ་ད་ལྟའི་དུས་སྐབས་འདིར་གསོ་རིག་དང་ཕྱི་ལུག་ཀྱི་སྨན་བཅོས་གཉིས་ཟུང་འབྲེལ་གྱིས་ནད་རིགས་སྔོན་འགོག་ཤུགས་ཆེ་གནང་དགོས་ཀྱི་འདུག་ཅེས་གསུངས་སོང་། སྐུ་མགྲོན་གཙོ་བོ་སྲིད་སྐྱོང་བློ་བཟང་སེང་གེ་མཆོག་གིས་བོད་ཀྱི་གསོ་རིག་སྨན་པ་ཚོས་ནང་ཆོས་ལས་གསུང་པའི་སེམས་ཁམས་རིག་པའི་ལྟ་གྲུབ་གཙོ་འཛིན་ཐོག་ནས་སྨན་བཅོས་གནང་དགོས་གལ་ཡིན་པ་དང་། ལྷག་པར་དུ་དེང་གི་སྤྱི་ཚོགས་ཁྲོད་བོད་ཀྱི་གསོ་རིག་སྨན་པ་མང་པོ་ཞིག་ཐོན་བཞིན་པར་བརྟེན་བོད་ཀྱི་སྨན་རྩིས་ཁང་གིས་བོད་སྨན་གྱི་སྤུས་ཚད་དང་སློབ་གསོ་གཉིས་ཀ་ཚད་མཐོ་ཤོས་ཤིག་གི་ཐོག་རྒྱུན་སྐྱོང་གནང་དགོས་གལ་ཡིན་པ་གསུངས་ཡོད། དབུས་སྨན་རྩིས་ཁང་གི་འགན་འཛིན་ཚེ་རིང་བཀྲིས་ལགས་ཀྱིས་སྨན་རྩིས་ཁང་གི་ལས་བསྡོམས་སྙན་སྒྲོན་ཞུས་པ་དང་འབྲེལ། འདས་པའི་ལོ་ལྔའི་ནང་བོད་ཀྱི་སྨན་རྩིས་ཁང་གི་དཔལ་འབྱོར་དང་ཐོན་རྫས་རྣམས་སྔར་ལྷག་ཡར་རྒྱས་ཕྱིན་ཡོད་པ་སོགས་གསུངས་སོང་། རྩ་བའི་དེ་རིང་བོད་ཀྱི་སྨན་རྩིས་ཁང་དབུ་བརྙེས་པའི་ཉིན་མོ་དང་བསྟུན། སྨན་རྩིས་ཁང་གི་སྨན་པ་རྣམས་ཀྱིས་བརྩམས་པའི་ནད་རིགས་སྔོན་འགོག་དང་། ཉམས་ཞིབ་ལས་དོན་དང་འབྲེལ་བའི་དཔེ་དེབ་དང་གྲུབ་དོན་སྙན་ཐོ་དབུ་འབྱེད་གནང་སོང་། དེ་བཞིན་འདི་ལོ་སྨན་རྩིས་ཁང་གིས་༸གོང་ས་མཆོག་གི་བཀའ་དགོངས་ལྟར་དེང་དུས་དང་མཐུན་པའི་གསོ་རིག་སྨན་བཅུ་གསར་བཟོ་ཞུས་འདུག ཤེས་རྟོགས་བྱུང་བར་བཞུགས་སྒར་དུ་རྟེན་གཞི་བྱས་པའི་དབུས་སྨན་རྩིས་ཁང་དུ་སྨན་དང་རྩིས་གཉིས་ཀྱི་སྡེ་ཚན་ཡོད་པ་དང་། དེའི་ཁྱབ་ཁོངས་སུ་ཡན་ལག་སྨན་ཁང་ ༥༥ ལྷག་དང་། ད་བར་སྨན་པའི་གྲངས་ ༣༤༠ ལྷག་ཐོན་ཟིན་ཡོད་པ་རེད།

ཉན་པ།: Listen ཕབ་ལེན། Download སུད་སི་གྲོས་ཚོགས་འཐུས་མི་ཁག་ཅིག་ནས་སྲིད་སྐྱོང་མཆོག་དང་མཇལ་འཕྲད་ཞུས་འདུག ཨོ་སི་ཊོ་ལི་ཡའི་གྲོས་ཚོགས་ཀྱི་ཕྱི་སྲིད་ལས་དོན་ཚོགས་ཆུང་དུ་བོད་དོན་གཏམ་བཤད་གནང་པ། བཙན་བྱོལ་བོད་མིའི་སྤྱི་ཚོགས་དེ་ཤེས་ཡོན་གྱི་སྐྱབས་བཅོལ་བ་ཆགས་རྒྱུའི་ཉེན་ཁ་ཡོད་སྐོར་གསུངས་སོང་། ༸དཔལ་ས་སྐྱ་བདག་ཁྲི་རིན་པོ་ཆེ་དབུ་བཞུགས་ཀམ་རའོ་བོད་མིའི་གཞིས་ཆགས་ལོ་༥༠འཁོར་བའི་དུས་དྲན་སྲུང་བརྩི། Tuesday 28/03/2017 Swiss parliamentary delegation visits Dharamsala, meets with Sikyong Australian Parliamentary Committee on Foreign Affairs hear Tibet lobby pleas Tibetan School Systems’ Heads meeting concludes Sakya Ghongma Rinpoche graces golden jubilee of Kumrao Tibetan settlement

སུད་སི་རྒྱལ་ཡོངས་གྲོས་ཚོགས་གོང་འོག་གཉིས་ཀྱི་འཐུས་མི་དྲུག་གིས་གཙོས་སྐུ་ཚབ་ཚོགས་ཆུང་ཞིག་ཁ་སང་ནས་བཞུགས་སྒར་དུ་འཚམས་གཟིགས་སུ་ཕེབས་ཡོད་པ་ལྟར། དེ་རིང་ཕྱི་དྲོ་སྐུ་ཚབ་རྣམ་པས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་མཇལ་འཕྲད་གནང་འདུག གྲོས་ཚོགས་འཐུས་མིའི་ཁོངས་སུད་སི་གྲོས་ཚོགས་ཀྱི་ཚོགས་གཙོ་ཟུར་པ་ལྕམ་ Maya Graf མཆོག་གིས་གཙོས་པའི་གྲོས་ཚོགས་འཐུས་མི་ལྕམ་ Rosmarie Quadranti ལགས། ལྕམ་Marianne Streiff ལགས་དང་ལྕམ་ Prisca Birrer Heimo ལགས། ལྕམ་ Barbara Gysi ལགས་དང་ལྕམ་ Gina Ruetschiལགས་བཅས་ཕེབས་འདུག་པ་དང་།ཁོང་རྣམས་དང་ལྷན་དུ་ཡུ་རོབ་སྤྱི་འཐུས་ཐུབ་བསྟན་དབང་ཆེན་ལགས་དང་ཟམ་མདོ་བྱམས་པ་ཚེ་རིང་ལགས་རྣམ་གཉིས། སུད་སི་སྐུ་ཚབ་དོན་གཅོད་དངོས་གྲུབ་རྡོ་རྗེ་ལགས། དེ་བཞིན་ Swiss Liechtenstein བོད་རིགས་མི་མང་གི་སྐུ་ཚབ་སོགས་ཁྱོན་སྐུ་ཚབ་ ༡༤ ཆེད་ཕེབས་གནང་འདུག ཁ་སང་སྐུ་ཚབ་རྣམ་པ་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་དང་མཇལ་འཕྲད་གནང་འདུག་པ་དང་དེ་རིང་ཕྱི་དྲོ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་མཇལ་འཕྲད་གནང་ཡོད། འཚམས་གཟིགས་འདིའི་སྐོར་ལ་སུད་སི་སྐུ་ཚབ་དོན་གཅོད་དངོས་གྲུབ་རྡོ་རྗེ་ལགས་སུ་བཅར་འདྲི་ཞུས་པར་ཁོང་གིས་ད་རེས་གྲོས་ཚོགས་འཐུས་མི་རྣམ་པ་བཞུགས་སྒར་དུ་ཕེབས་དོན་གཙོ་བོ་ནི་བོད་མིའི་སྒྲིག་འཛུགས་དང་བོད་པའི་སྤྱི་ཚོགས་ཀྱི་གནས་སྟངས་རྒྱུས་ལོན་གནང་ཆེད་ཡིན་པ་གསུངས་སོང་། སྐུ་ཚབ་ཚོགས་ཆུང་ནས་དེ་རིང་བོད་མི་མང་སྤྱི་འཐུས་ལྷན་ཚོགས་དང་བོད་ཀྱི་སྲིད་བྱུས་ཉམས་ཞིབ་ཁང་། དེ་བཞིན་བོད་ཀྱི་དཔེ་མཛོད་ཁང་དང་དབུས་སྨན་རྩིས་ཁང་སོགས་སུ་གཟིགས་སྐོར་གནང་ཡོད་པ་རེད། ཤེས་རྟོགས་བྱུང་བར་སང་ཉིན་གྲོས་ཚོགས་འཐུས་མི་རྣམ་པ་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུ་རྒྱུ་དང་། དེ་རྗེས་བོད་མིའི་གཞུང་འབྲེལ་མིན་པའི་ཚོགས་པ་ཁག་དང་ལྷན་དུ་གླེང་མོལ་ཡང་གནང་རྒྱུ་ཡིན་པ་རེད་འདུག

དེའང་ཁ་སང་ཟླ་ ༣ ཚེས་ ༢༧ ཉིན་དབུ་འཛུགས་ཀྱིས་ཨ་རི་དང་སྦེལ་ཇམ། ཨོ་སི་ཊོ་ལི་ཡ་བཅས་རྒྱལ་ཁབ་གསུམ་ནང་དུ་བོད་དོན་ཞུ་གཏུག་གི་ཉིན་མོ་སྲུང་བརྩི་ཞུས་པའི་ཁྲོད། དེ་དག་གི་ནང་དུ་བོད་མི་དང་བོད་དོན་རྒྱབ་སྐྱོར་བའི་རུ་ཁག་གིས་ཡུལ་སོ་སོའི་གྲོས་ཚོགས་འཐུས་མི་གང་མང་དང་མཇལ་འཕྲད་ཞུས་ནས་བོད་དོན་ཞུ་གཏུག་གི་ལས་འགུལ་སྤེལ་ཡོད་པ་རེད། དེ་རིང་ཨོ་སི་ཊོ་ལི་ཡ་ནང་དུ་བོད་དོན་ཞུ་གཏུག་རུ་ཁག་ཞིག་གིས་ཨོ་སི་ཊོ་ལི་ཡའི་གྲོས་ཚོགས་ཀྱི་ཕྱི་སྲིད་ལས་དོན་ཚོགས་ཆུང་མདུན་དུ་ད་ལྟའི་བོད་ནང་གི་ཛ་དྲག་གནས་སྟངས་དང་བོད་དོན་འཐབ་རྩོད་ཀྱི་གནས་བབས་ཇི་ཆགས་སོགས་ཀྱི་སྐོར་སྙན་གསེང་ཞུས་འདུག དེ་ཡང་ཨོ་སི་ཊོ་ལི་ཡ་ནང་དུ་བོད་དོན་ཞུ་གཏུག་གི་ལས་རིམ་གོ་སྒྲིག་གནང་མཁན་ ATC འམ་ Australia བོད་དོན་ལྷན་ཁང་གི་ལས་འགུལ་འགན་འཛིན་གདོང་འདུས་སྐྱིད་འཛོམས་ལགས་སུ་དེ་རིང་གི་ལས་འགུལ་དང་འབྲེལ་བའི་བཅར་འདྲི་ཞུས་པར་ཁོང་གིས་དེ་རིང་བོད་མི་དང་བོད་དོན་རྒྱབ་སྐྱོར་བའི་རུ་ཁག་ནས་ཁྱོན་གྲོས་ཚོགས་འཐུས་མི་ ༣༠ ནས་ ༣༥ བར་མཇལ་འཕྲད་ཞུས་ཐུབ་པ་བྱུང་ཡོད་པ་དང་། སྐབས་དེར་གྲོས་ཚོགས་འཐུས་མི་དེ་དག་ལ་ད་ལྟའི་བོད་དོན་ནང་གི་ཛ་དྲག་གནས་སྟངས་དང་བོད་མིའི་འཐབ་རྩོད་ཀྱི་སྐོར་སྙན་གསེང་ཞུས་པ་དང་འབྲེལ། བོད་དོན་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་ཡང་ཞུས་ཡོད་པ་མ་ཟད། གྲོས་ཚོགས་འཐུས་མི་དེ་དག་གིས་ཀྱང་ཐུགས་སྣང་ཆེན་པོས་གསན་ཞིབ་གནང་སྐོར་གསུངས་སོང་། གཞཡན་ཡང་བོད་མི་གསུམ་ལས་གྲུབ་པའི་རུ་ཁག་ཞིག་ནས་ཨོ་སི་ཊོ་ལི་ཡའི་གྲོས་ཚོགས་གོང་འོག་གཉིས་ཀྱི་འཐུས་མི་ལྔ་རེ་དབུ་བཞུགས་ཡོད་པའི་གྲོས་ཚོགས་ཀྱི་ཕྱི་སྲིད་ལས་དོན་ཚོགས་ཆུང་མདུན་དུ་ཚོུད་ ༡ རིང་བོད་དོན་གཏམ་བཤད་སྤེལ་རྒྱུའི་གོ་སྐབས་བྱུང་འདུག ཁོང་རྣམ་པས་ཀྱང་བོད་ཀྱི་གནད་དོན་ལ་གདུང་སེམས་མཉམ་བསྐྱེད་ཡོད་པ་འགྲེལ་བརྗོད་གནང་པ་དང་ཆབས་ཅིག བོད་མིའི་རེ་འདུན་རྣམས་ཨོ་སི་ཊོ་ལི་ཡ་གཞུང་དང་ལྷག་པར་དུ་རྒྱ་ནག་མཉམ་དུ་འབྲེལ་ཡོད་ཕྱི་སྲིད་ལྷན་ཁང་གི་བློན་ཆེན་མཆོག་ལ་ངེས་པར་དུ་སྙན་གསེང་ཞུ་རྒྱུ་ཡིན་པའི་ཞལ་བཞེས་ཀྱང་གནང་འདུག དེ་བཞིན་ཡུ་རུབ་རྒྱལ་ཁབ་ Belgium ནང་དུ་ Italy ནས་ཕེབས་པའི་བོད་མི་གཞོན་སྐྱེས་གཉིས་དང། འཇར་མ་ནི།  ཨོ་སི་ཊེ་རི་ཡ།  པོ་ལེནྜི་བཅས་ནས་ཁྱོན་བོད་མི་གཞོན་སྐྱེས་ལྔ་ལས་གྲུབ་པའི་རུ་ཁག་ཞིག་ནས་ Brussels ནང་དུ་རྟེན་གཞི་བྱས་པའི་ཡུ་རོབ་གྲོས་ཚོགས་ནང་དུ་བོད་དོན་ཞུ་གཏུག་གི་ལས་འགུལ་སྤེལ་ཡོད་པ་ལྟར། ཁ་སང་ཁུལ་དེར་ལས་འགུལ་གོ་སྒྲིག་གནང་མཁན་རྒྱལ་སྤྱིའི་བོད་དོན་ལས་འགུལ་ཁང་གི་ཡུ་རོབ་སྡེ་ཚན་གྱི་ངོས་ནས་བོད་མི་གཞོན་སྐྱེས་དེ་དག་ལ་ཡུ་རོབ་གྲོས་ཚོགས་ཀྱི་འགྲོ་ལུགས་ཁག་དང་ཡུ་རོབ་དང་རྒྱ་ནག་དབར་གྱི་འབྲེལ་ལམ། དེ་བཞིན་བོད་མིའི་སྒྲིག་འཛུགས་ཀྱི་འོས་འགན་དང་ཕྱག་ལས་གནང་ཕྱོགས་སོགས་ཀྱི་སྐོར་ལ་ངོ་སྤྲོད་ཀྱི་ལས་རིམ་ཞིག་ཚོགས་ཐོག་སྦར་སེལ་སྐུ་ཚབ་དོན་བཅོད་སྐུ་ཞབས་བཀྲིས་ཕུན་ཚོགས་ལགས་གཏམ་ཤད་གནང་མཁན་ཁོངས་སུ་གདན་ཞུས་གནང་འདུག དེ་རིང་སྦར་སེལ་སྐུ་ཚབ་དོན་ཁང་གི་མཐུན་འགྱུར་འོག་བོད་མི་ལས་འགུལ་བ་རྣམས་ནས་སྔར་ལོ་༸གོང་ས་མཆོག་ཡུལ་དེར་ཆིབས་བསྒྱུར་མཛད་སྐབས་སུ་གསར་བཙུགས་ཞུས་པའི་ཡུ་རོབ་གྲོས་ཚོགས་འཐུས་མིའི་ཕྱག་རོགས་ཚོགས་པའི་ཚོགས་མི་རྣམས་ཀྱི་ལྷན་དུ་མཇལ་འཕྲད་ཞུས་ཡོད་པ་རེད། དེ་མཚུངས་སུ་ཨ་རི་ནང་དུའང་ཁ་སང་ནས་སང་ཚེས་ ༢༩ བར་བོད་དོན་ཞུ་གཏུག་གི་ལས་འགུལ་སྤེལ་དང་སྤེལ་མུས་ཡིན་པ་རེད།

ཉན་པ།: Listen ཕབ་ལེན། Download སྔོན་འགྲོ་དང་དངོས་གཞི་དགོས་མིན་མི་མང་གི་བསམ་ཚུལ་ལ་རག་ལུས་ཡོད་པ་གསུངས་གནང་སོང་། ཨ་རི་དང་ཡོ་རོབ། ཨོ་སི་ཀྲོ་ལི་ཡ་གསུམ་བོད་དོན་ཞུ་གཏུགས་ཀྱི་ལས་འགུལ་དབུ་འཛུགས། སྲིད་སྐྱོང་མཆོག་གིས་དབུ་བཞུགས་བཙན་བྱོལ་བོད་མིའི་སློབ་གྲྭ་ཁག་གི་འགན་འཛིན་ལྷན་ཚོགས་ཚོགས་པ། རྒྱལ་ཚོགས་ཀྱི་ལས་ཁུངས་མདུན་དུ་བོད་རང་བཙན་ཡིན་པའི་གོ་རྟོགས་ལས་འགུལ་སྤེལ་འདུག Monday 27/03/2017 NDPT hosts debate on the recently concluded Parliamentary session Tibet Lobby days begins in US, Belgium and Australia Sikyong inaugurates Tibetan School Systems’ Heads meeting Exhibition in-front of UN office highlights Tibet’s past independence status

ཉན་པ།: Listen ཕབ་ལེན། Download བོད་མིའི་སྒྲིག་འཛུགས་ཀྱི་རྩིས་ལོ་༢༠༡༧་༡༨ལོའི་སྔོན་རྩིས་དང་ལས་འཆར་ཐོག་གླེང་མོལ། Sunday 26/03/2017 Interview with Paljor Kalon Karma Yeshi on CTA’s 2017-18 Budget

དེ་རིང་ཕྱི་ལོ་ ༢༠༡༧ ཟླ་ ༣ ཚེས་ ༢༥ རེས་གཟའ་སྤེན་པའི་ཉིན་སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གསུམ་པའི་ལས་ཉིན་མཐའ་མའི་ཐོག་དཔལ་འབྱོར་ལས་དོན་མཇུག་སྐྱོང་དང་སྦྲགས། བོད་མིའི་སྒྲིག་འཛུགས་ཀྱི་རྩིས་ལོ་ ༢༠༡༧་་༡༨ལོའི་གཏོང་ལེན་ཁྲིམས་ཡིག་ལ་གྲོས་ཚོགས་ནས་སྤྱི་མོས་ཐོག་བཀའ་འཁྲོལ་གཏན་འབེབས་གནང་སོང་། ཐེངས་འདིའི་སྔོན་རྩི་གྲོས་ཚོགས་ཁྲོད་སྤྱི་འཐུས་ལྷན་ཚོགས་ནས་བོད་མིའི་སྒྲིག་འཛུགས་ཀྱི་ལས་ཁུངས་མ་ལག་དང་བཅས་པའི་སྔོན་རྩིས་འཆར་འབུལ་ཟིན་པར་སྒོར་ས་ཡ་ ༥ མན་ཙམ་བཅོག་ཆ་གནང་ཡོད་པ་ཕུད། ཁྱོན་བསྡོམས་ཧིན་སྒོར་ས་ཡ་ ༢༤༣༤ ལྷག་གི་བཀའ་འཁྲོལ་གཏན་འབེབས་གནང་ཡོད་པ་རེད། དེ་རིང་གི་ལས་རིམ་མཐའ་མ་སྤྱི་འཐུས་ཚོགས་གཙོའི་མཇུག་བསྡོམས་གསུང་བཤད་གནང་པའི་ཁྲོད་མཁན་པོ་བསོད་ནམས་བསྟན་འཕེལ་མཆོག་གིས་ཐེངས་འདིའི་གྲོས་ཚོགས་ཀྱི་ལས་ཡུན་མང་ཆེ་བ་དེ་དཔལ་འབྱོར་གྱི་ལས་དོན་ཐོག་བཏང་ནས་གྲོས་ཚོགས་འཐུས་མི་རྣམ་པས་བགྲོ་གླེང་གསལ་བཤད་སོགས་ཞིབ་ཚགས་ཡག་པོ་བྱུང་སོང་ཞེས་གསུངས་གནང་པ་དང་ཆབས་ཅིག རྐང་ད་རེས་བཀའ་འཁྲོལ་གཏན་འབེབས་ཟིན་པའི་འཆར་འབུལ་ཐོག་འཛིན་སྐྱོང་བཀའ་ཤག་གིས་བསྲི་ཚགས་དང་ལྷག་བསམ་རྣམ་དག་སྒོ་ནས་ལས་དོན་དོན་ཕན་ལྡན་པ་བསྒྲུབ་གལ་ཡིན་པ་གསུངས་སོང་། ལྷག་པར་དུ་ཚོགས་གཙོ་མཆོག་གིས་བཅའ་ཁྲིམས་ནས་འཛིན་སྐྱོང་ལ་བསྐུར་བའི་ལས་འགན་ཁག་ལས་ཆབ་སྲིད་ཀྱི་ཆ་ནས་བོད་དོན་བདེན་མཐའ་སེལ་སླད་དངོས་ཤུགས་བརྒྱུད་གསུམ་ནས་ནུས་པ་མཐོ་བ་དང་ཤུགས་རྐྱེན་ཆེ་རུ་གཏོང་གལ་དུ་གཟིགས་ཀྱི་ཡོད་པ་གསུངས་ཡོད། དེ་བཞིན་ཚོགས་གཙོ་མཆོག་གིས་མཇུག་བསྡོམས་གསུང་བཤད་འདིའི་ཐོག་ནས་གྲོས་ཚོགས་ཀྱི་ལས་ཉིན་བཅིུག་རིང་ལ་རྒྱལ་གཅེས་པ་པདྨ་རྒྱལ་མཁན་ལགས་ཀྱིས་རང་ལུས་མེར་བསྲེགས་གནང་པ་དང་། དེ་བཞིན་གསེར་རྟ་ནང་གི་གནས་ཚུལ་སོགས་བོད་ནས་གནས་ཚུལ་ཛ་དྲག་རིགས་མུ་མཐུད་ཐོན་ཡོད་པ་ཕྱིར་དྲན་གནང་པ་དང་སྦྲགས། ཕྱིར་སྡོད་བོད་རིགས་ལས་ཀྱི་སྣེ་མོ་དང་རྒྱ་ཆེ་མང་ཚོགས་ནས་གཞིས་ལུས་བོད་མི་ཚོས་བློས་གཏོང་གནང་པ་དེ་དག་གི་མངོན་འདོད་དང་རེ་བ་ལ་གདུང་སེམས་མཉམ་བསྐྱེད་ཞུ་བ་ཙམ་མ་ཡིན་པར་ཁོང་རྣམ་པའི་མངོན་འདོད་དེ་བསྒྲུབ་ཐུབ་པར་འབད་བརྩོན་གནང་རོགས་ཞེས་སོགས་འབོད་སྐུལ་གནང་སོང་། གཞི་རྩའི་ཐེངས་འདིའི་སྔོན་རྩིས་གྲོས་ཚོགས་སྐབས་རྐང་བོད་མིའི་སྒྲིག་འཛུགས་ཀྱི་ལས་ཁུངས་མ་ལག་བཅས་པའི་རྩིས་ལོ་ ༢༠༡༧་་༡༨ ལོའི་སྔོན་རྩིས་འཆར་འབུལ་ཐོག་ལ་བཀའ་བསྡུར་བྱུང་ཡོད་པ་དང་། དེ་མིན་གྲོས་ཚོགས་ཀྱི་ལས་ཉིན་དང་པོའི་ཐོག་ནས་ད་ལྟའི་བོད་ནང་གི་ཛ་དྲག་གནས་སྟངས་སོགས་ལ་གཞིགས་ཏེ་གཞུང་འབྲེལ་གདུང་སེམས་མཉམ་བསྐྱེད་དང་མྱ་ངན་གུས་འདུད་ཀྱི་རྗེས་དྲན་གྲོས་ཆོད་དང། བཙན་བྱོལ་བོད་མིའི་འོས་བསྡུའི་སྒྲིག་གཞི་བསྐྱར་བཅོས་འཆར་ཟིན་ཚོགས་ཆུང་གི་ཁྲིམས་འཆར་ཐོག་བགྲོ་གླེང་གསལ་བཤད་སོགས་ལྷུག་པོ་བྱུང་སྟབས། མཐའ་དོན་གྲོས་ཚོགས་རྗེས་མའི་ཐོག་དེ་དོན་སྒྲིག་གཞི་བསྐྱར་བཅོས་ཀྱི་བཟོ་བཅོས་གྲོས་ཆོད་གྲོས་འཆར་ཞིག་བསྣམ་རྒྱུའི་ཐག་གཅོད་བྱུང་ཡོད་པ་རེད།

ཉན་པ།: Listen ཕབ་ལེན། Download སྤྱི་འཐུས་ལྷན་ཚོགས་ནས་སྒོར་ས་ཡ་༢༤༣༤ལྷག་གི་སྔོན་རྩིས་བཀའ་འཁྲོལ་གནང་སོང། བོད་མི་ཚོས་ལི་ཁེ་ཆང་རྗེས་དེད་ཀྱིས་མུ་མཐུད་ངོ་རྒོལ་གནང་བཞིན་པ། ཀུ་ཤུ་རྟགས་ཅན་གྱི་ཁ་པར་ཐོན་གསར་ཞིག་རྒྱ་ནག་ནང་བཀག་འགོག བོད་ཀྱི་གཞོན་ནུ་ལྷན་ཚོགས་ནས་རྒྱ་བལ་འབྲུག་གསུམ་ནང་སྐོར་བསྐྱོད་དབུ་འཛུགས། སེར་བྱེས་གྲྭ་ཚང་གི་མཁན་རབས་དོན་བདུན་པའི་ཁྲི་འདོན་མཛད་སྒོ་ཚོགས་འདུག Saturday 25/03/2017 TPiE approves over INR 2400 million budget for CTA Tibetans follow with protests as Li Keqiang winds up Australia visit Apple’s red iPhone connection with Dalai Lama sparks controversy in China TYC begins speaking tour in India, Nepal and Bhutan New Abbot of Sera Jey monastery enthroned