Monthly Archives: January, 2017

དེ་རིང་ཟླ་ ༡ ཚེས་ ༢༧ ཉིན་བོད་མིའི་སྐད་ཡིག་སྲུང་སྐྱོབ་ཀྱི་ལས་འགུལ་བ་བཀྲིས་དབང་ཕྱུག་ལགས་ལ་རྒྱ་ནག་གཞུང་གིས་རྒྱལ་ཁབ་ཁ་བྲལ་གྱི་ལས་འགུལ་སྤེལ་བར་ཉེས་འཛུགས་ཀྱིས་བཙོན་འཇུག་འོག་ལོ་ངོ་ཧྲིལ་པོ་གཅིག་འཁོར་གྱི་ཡོད་པ་དང་།  རིང་མིན་ཁོང་ལ་ཁྲིམས་ཐོག་ནས་ཁྲིམས་བཤེར་གནང་འཆར་ཡོད་སྟབས། རྒྱ་གཞུང་ལ་བཀྲིས་དབང་ཕྱུག་ལགས་ཆ་རྐྱེན་གང་ཡང་མེད་པར་འཕྲལ་མར་གློད་གྲོལ་དགོས་པའི་ཞུ་འབོད་གནང་སོང་། དེའང་དེ་རིང་བོད་རང་བཙན་སློབ་ཕྲུག་ཚོགས་པས་རྐང་འགན་བཞེས་ཐོག་རྒྱ་གར་དང་ཨ་རི། དེ་བཞིན་དབྱིན་ཡུལ་སོགས་རྒྱལ་སྤྱིའི་གྲོང་ཁྱེར་ཆེ་གྲས་ནང་བཀྲིས་དབང་ཕྱུག་ལགས་འཕྲལ་མར་གློད་གྲོལ་གཏོང་དགོས་པའི་གཞི་རྒྱ་ཆེ་བའི་ལས་འགུལ་རྣམ་པ་འདྲ་མིན་བརྒྱུད་སྤེལ་བཞིན་པ་ལྟར། བཞུགས་སྒར་དྷ་སར་དེ་རིང་སྔ་དྲོ་ཚོུད་ ༡༡།༣༠ ཐོག་ཐེག་ཆེན་ཆོས་གླིང་གཙུག་ལག་ཁང་གི་རྒྱལ་སྒོའི་མདུན་དུ་མང་ཚོགས་ཀྱི་མཚན་རྟགས་བསྡུ་རུབ་དང་གསར་འགོད་བསྒྲགས་གཏམ་ཞིག་སྤེལ་གནང་སོང་། བསྒྲགས་གཏམ་དེའི་ནང་ལ་བཀྲིས་དབང་ཕྱུག་ལགས་ཀྱི་ད་བར་ཕྱག་ལས་གང་གནང་པ་དེ་དག་རྒྱ་གཞུང་གི་རྩ་ཁྲིམས་དང་མཐུན་པའི་བོད་ཀྱི་རིག་གཞུང་སྲུང་སྐྱོབ་ཆེད་བོད་ཀྱི་སྐད་ཡིག་དེ་རྒྱ་ཡིག་དང་མཚུངས་པར་སློབ་གྲྭ་ཁག་ཏུ་སློབ་འཁྲིད་གནང་དགོས་པར་ཞུ་སྐུལ་གནང་པ་ཙམ་ལས་དེ་མིན་རྒྱལ་ཁབ་ཁ་བྲལ་གྱི་ལས་དོན་གང་ཡང་སྤེལ་མེད་པ་ཤེས་ཁར།  རྒྱ་གཞུང་གིས་ཁོང་ལ་ ཆབ་སྲིད་ཉེས་མིང་གཡོག་པ་དེ་ནི་འགྲོ་བ་མིའི་སྨྲ་བརྗོད་རང་དབང་ལ་བརྩི་མེད་རྡོག་རོལ་བཏང་པ་མ་ཟད། ཁོང་ཕྲལ་དུ་གློད་གྲོལ་གཏོང་དགོས་པའི་དགོས་འདུན་བཏོན་འདུག རྒྱ་གར་བོད་རང་བཙན་སློབ་ཕྲུག་ཚོགས་པའི་ངེས་སྟོན་པ་བསྟན་འཛིན་ཚེ་ལྷ་ལགས་ཀྱིས་ལས་འགུལ་དེའི་ཐོག་ནས་བཀྲིས་དབང་ཕྱུག་ལགས་གློད་གྲོལ་ཡོང་བར་མང་ཚོགས་ཀྱི་རྒྱབ་སྐྱོར་ཐོབ་པའི་མཚན་རྟགས་དང་ཞུ་འབོད་རྣམས་རིང་མིན་རྒྱ་ནག་གི་རྒྱལ་ས་པེ་ཅིང་དུ་ཡོད་པའི་ཕྱིའི་རྒྱལ་ཁབ་ཀྱི་ཕྱི་སྲིད་བློན་ཆེན་དང་གཞུང་ཚབ་རྣམ་པའི་མཚན་ཐོག་ཏུ་ཕུལ་རྒྱུ་ཡིན་པ་དང་། མི་སྒེར་ཚོས་ཀྱང་བཀྲིས་དབང་ཕྱུག་ལགས་ལ་ཁྲིམས་བཤེར་གནང་འཆར་ཡོད་པ་དེ་ཕྱིར་འཐེན་དགོས་པའི་ཞུ་འབོད་གནང་པ་རྒྱ་གཞུང་གི་ས་གནས་འགོ་ཁྲིད་དང་ཁྲིམས་ཁང་། དེ་བཞིན་རྒྱལ་སྤྱིའི་རྒྱལ་ཁབ་ཁག་གི་ཕྱི་སྲིད་བློན་ཆེན་སོགས་ལ་ངེས་ཕུལ་གནང་རྒྱུ་རེད་འདུག དེ་བཞིན་ཁོང་གིས་དེ་རིང་ཨ་རིའི་ནིའུ་ཡོག་གྲོང་ཁྱེར་ནང་དུའང་བོད་རང་བཙན་སློབ་ཕྲུག་ཚོགས་པས་གཙོ་ཁྲིད་འོག་བོད་མི་ལས་འགུལ་བ་རྣམས་ཀྱིས་ས་ཁུལ་དེའི་རྒྱ་ནག་གཞུང་ཚབ་ལས་ཁུངས་ཀྱི་ཕྱི་ཕྱོགས་སུ་འདུ་འཛོམས་གནང་སྟེ་བཀྲིས་དབང་ཕྱུག་ལགས་ནས་ནག་ཉེས་གང་ཡང་བསགས་མེད་པས་ཁོང་ལ་བཙོན་འཇུག་གི་ཁྲིམས་ཆད་གཏང་མི་ཆོག་པར་འཕྲལ་མར་གློད་གྲོལ་གཏོང་དགོས་པའི་འཕྲད་དར་བསྣམས་ཏེ་རྒྱ་ནག་གཞུང་ལ་ངོ་རྒོལ་སྐད་འབོད་གནང་པ་དང་འདི་བཞིན་མང་ཚོགས་ཀྱི་རྒྱབ་སྐྱོར་ཡོད་པའི་མཚན་རྟགས་བསྡུ་རུབ་གནང་འདུག གཞན་ཡང་བོད་མིའི་གཞུང་དང་གཞུང་འབྲེལ་མིན་པའི་ཚོགས་སྡེ་ཁག་གིས་རྒྱ་གཞུང་ལ་སྐྱོན་བརྗོད་གནང་པ་དང་སྦྲགས་ཏེ་ཁོང་གློད་གྲོལ་དགོས་པའི་ཞུ་འབོད་ཀྱི་ལས་འགུལ་སྣ་མང་སྤེལ་ཡོད་པ་རེད། ཉེ་ཆར་དབྱིན་ཡུལ་དུ་རྟེན་གཞི་བྱས་པའི་རྒྱལ་སྤྱིའི་ཉེས་ཡངས་ཚོགས་པ་དང་བོད་རང་དབང་ཚོགས་པ། དེ་བཞིན་ Tibet Society དང་རྒྱལ་སྤྱིའི་བོད་དོན་འབྲེལ་མཐུད་ལས་ཁང་བཅས་བོད་དོན་རྒྱབ་སྐྱོར་དང་འགྲོ་བ་མིའི་ཐོབ་ཐང་སྲུང་སྐྱོབ་གནང་མཁན་གྱི་ཚོགས་སྡེ་ཚོས་ཀྱང་བསྒྲགས་གཏམ་སྤེལ་བའི་བརྒྱུད་རྒྱ་གཞུང་གིས་ཐག་གཅོད་བྱས་པ་དེར་སྐྱོན་བརྗོད་ཤུགས་ཆེ་གནང་པ་མ་ཟད། ཁོང་གང་མགྱོགས་གློད་གྲོལ་གཏོང་དགོས་པའི་མི་མང་གི་མཚན་རྟགས་བསྡུ་རུབ་དང་ངོ་རྒོལ་སོགས་ཀྱི་ལས་འགུལ་རྒྱ་ཆེ་སྤེལ་བཞིན་ཡོད་པ་རེད། གཞི་རྩའི་བཀྲ་ཤིས་དབང་ཕྱུག་ལགས་ནི་བོད་མདོ་ཁམས་ཡུལ་ཤུལ་ས་ཁུལ་དུ་བོད་ཀྱི་སྐད་ཡིག་དང་རིག་གནས་སྲུང་སྐྱོབ་ཆེད་ཕྱག་ལས་གནང་མཁན་ཞིག་ཡིན་པ་དང་། ཁོང་གིས་ས་གནས་རྒྱ་གཞུང་གིས་བོད་ཀྱི་སྐད་ཡིག་དང་རིག་གནས་ཉམས་རྒུད་གཏོང་བཞིན་ཡོད་པ་གོང་རིམ་སྲིད་གཞུང་ལ་འབོད་སྐུལ་གནང་པ་མ་ཟད་། ཨ་རིའི་ New York Times  རྒྱལ་སྤྱིའི་བརྒྱུད་ལམ་ཐོག་གནད་ཚུལ་དེ་དག་གསུང་པར་བརྟེན་རྒྱ་གཞུང་ཉེན་རྟོག་པས་ཁོང་ལ་རྒྱལ་ཁབ་ཁ་བྲལ་གྱི་སྐུལ་སློང་ཞེས་པའི་ཆབ་སྲིད་ཀྱི་ནག་ཉེས་འོག་འཛིན་བཟུང་གིས་ཟླ་བ་གསུམ་ཙམ་གར་སོང་ཆ་མེད་དུ་གྱུར།  ས་གནས་ཉེན་རྟོག་པས་བཀྲིས་དབང་ཕྱུག་ལགས་ཀྱིས་བོད་རང་བཙན་གྱི་ལས་འགུལ་སྤེལ་བ་དང་།  རྒྱལ་ཁབ་ཁ་བྲལ་གཏོང་ཐབས་བྱེད་པའི་ཆབ་སྲིད་ཀྱི་ནག་འོག་ད་བར་ཞིབ་འཇུག་རིམ་པ་གཉིས་བྱས་མཐར་ཉེ་ཆར་ཟླ་འདིའི་ཚེས་ ༤ ཉིན་རྒྱ་ནག་གཞུང་གིས་བཀྲ་ཤིས་དབང་ཕྱུག་ལགས་ལ་རྒྱལ་ཁབ་ཁ་བྲལ་གྱི་ལས་འགུལ་སྤེལ་བའི་ཆབ་སྲིད་ཀྱི་ནག་ཉེས་འོག་རིང་མིན་ཁྲིམས་ཐོག་ནས་ཁྲིམས་བཤེར་བྱ་གཏན་འཁེལ་ཡོད་པ་རེད།

ཁ་སང་ཟླ་ ༡ ཚེས་ ༢༦ ཉིན་རྒྱ་ནག་གཞུང་འབྲེལ་ཀྲུང་གོའི་བོད་སྐད་རླུང་འཕྲིན་དྲ་ཐོག་གནས་ཚུལ་སྤེལ་བར་གཞིགས་ན། བོད་རིགས་ལུས་རྩལ་བ་ཆོས་དབྱིངས་སྐྱིད་ལགས་ལ་ཕྱི་ལོ་ ༢༠༡༦ ལོའི་ཀྲུང་གོའི་ལུས་རྩལ་གཟི་བརྗིད་གཟེངས་རྟགས་ཞེས་པ་སྟེ་རྒྱ་ནག་གི་ལུས་རྩལ་ཁྱབ་ཁོངས་ཀྱི་གཟེངས་རྟགས་ཆེ་ཤོས་དེ་ཐོབ་འདུག དེའང་ལུས་རྩལ་གཟི་བརྗིད་གཟེངས་རྟགས་ཞེས་པ་དེ་རྒྱ་གཞུང་གི་རྩལ་འགྲན་པའི་ཁོངས་སུ་གཙོ་བོ་འཛམ་གླིང་གི་ཟིན་ཐོ་བརྒལ་མཁན་དང་། འཛམ་གླིང་ཁྱོན་ནས་ཨང་དང་པོ་ཐོབ་མཁན་སོགས་ལུས་རྩལ་ལས་དོན་ནང་བྱས་རྗེས་ཆེ་བའི་ལུས་རྩལ་བ་དང་ལུས་རྩལ་དགེ་རྒན་སོགས་ལ་གནང་སྲོལ་ཡོད་པ་ཞིག་རེད་འདུག དེའང་ ༡༩༥༩ ལོའི་རྒྱ་ནག་རྒྱལ་ཡོངས་ལུས་རྩལ་འགྲན་ཚོགས་སྐབས་དང་པོ་ནས་གཟེངས་རྟགས་དེ་གནང་མགོ་ཚུགས་འདུག རྩ་བའི་ཆོས་དབྱིངས་སྐྱིད་ལགས་ནི ༡༩༩༠ ལོར་མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་ཧེ་ཡན་རྫོང་ཝ་འཇོག་ཡུལ་ཚོའི་བོད་རིགས་འབྲོག་ཁྱིམ་དཀྱུས་མ་ཞིག་ཏུ་འཁྲུངས་ཞིང་། རྒྱལ་སྤྱིའི་ཨོ་རྩལ་འགྲན་ཚོགས་སྟེང་བྱ་དགའ་ཐོབ་མཁན་གྱི་བོད་པ་ཐོག་མ་དེ་ཡིན་པ་དང་། ཁོང་ ༢༠༡༠ ཟླ་ ༧ པའི་ནང་རྒྱལ་ཁབ་མཆོང་རྒྱུག་འཕེན་གསུམ་རུ་ཁག་ཏུ་ཞུགས་རྗེས། ༢༠༡༢ ལོར་དབྱིན་ཡུལ་གྱི་རྒྱལ་ས་ལོན་ཏོན་དུ་འཚོགས་པའི་ཨོ་རྩལ་འགྲན་ཚོགས་སྐབས་ ༣༠ པའི་ཐོག་སྤྱི་ལེ་ ༢༠ ཅན་གྱི་བུད་མེད་འགྲོས་རྩལ་འགྲན་བསྡུར་ཁྲོད་དངུལ་གྱི་རྟགས་མ་ཐོབ་པ་མ་ཟད། དེ་སྔའི་ཨེ་ཤ་ཡའི་འགྲོས་རྒྱུག་ལུས་རྩལ་གྱི་ཟིན་ཐོ་གསར་པ་བཏོད་ཡོད་པ་རེད། དེ་བཞིན་ཕྱི་ལོ་ ༢༠༡༥ ལོའི་སི་ཕེན་རྒྱལ་ཁབ་ཏུ་ཚོགས་པའི་རྒྱལ་སྤྱིའི་མཆོང་རྒྱུག་འཕེན་གསུམ་འགྲན་བསྡུར་གྱི་སྤྱི་ལེ་ ༢༠ ཅན་གྱི་བུད་མེད་འགྲོས་རྩལ་འགྲན་བསྡུར་ཁྲོད་ཨང་གཉིས་པ་དང་། རྒྱ་ནག་རྒྱལ་ཡོངས་རྟིང་རྩོད་འགྲོས་རྩལ་འགྲན་བསྡུར་གྱི་སྤྱི་ལེ་ ༢༠ ཅན་གྱི་བུད་མེད་འགྲོས་རྒྱུག་འགྲན་བསྡུར་ཁྲོད་ཨང་དང་པོ་བཅས་ཐོབ་མྱོང་ཡོད་པ་རེད། ད་ལྟའི་ཆར་ཁོང་ ༢༠༡༧ ལོའི་རྒྱལ་ཡོངས་ལུས་རྩལ་འགྲན་ཚོགས་སྐབས་ ༡༣ པའི་ནང་དུ་མཉམ་ཞུགས་གནང་རྒྱུ་དང་འབྲེལ་སྦྱོང་བརྡར་གནང་མུས་ཡིན་པ་རེད་འདུག

བོད་མི་ཆབ་སྲིད་བཙོན་ཟུར་བླ་བྲང་འཇིགས་མེད་རྒྱ་མཚོ་འམ་ཡོངས་གྲགས་སུ་འཇིགས་མེད་མགོ་རིལ་ལགས་ཀྱིས་ཉེ་ཆར་”སྲོག་གི་ཉེན་ཁ་ལས་སླར་ཡང་གསོན་པ་”ཞེས་པའི་ཕྱག་བྲིས་ཤིག་ཕྱི་ཕྱོགས་སུ་འབྱོར་བའི་ནང་དུ་རྒྱ་ནག་གཞུང་གིས་ཁོང་ལ་སྡུག་རྩུབ་དང་མནར་གཅོད་ཇི་ཙམ་བཏང་ཡང་ཁོང་ཉིད་ཆོད་སེམས་བརྟན་པོ་གནས་ཡོད་པའི་ཕྱག་བྲིས་ཤིག་གནང་འདུག དེའང་བཙན་བྱོལ་དུ་ཡོད་པའི་ཁོང་གི་དགེ་ཕྲུག་དགེ་འདུན་ཕུན་ཚོགས་ལགས་ལ་ཟླ་ ༡༢ ཚེས་ ༢༠ ཉིན་ཕྱག་བྲིས་དེ་ལག་སོན་བྱུང་འདུག་པ་དང། ཕྱག་བྲིས་དེའི་ནང་དུ་ཨ་ཁུ་འཇིགས་མེད་ལགས་ཀྱིས་རྒྱ་ནག་གཞུང་གིས་ཁོང་ལ་ནག་ཉེས་འདྲ་མིན་གཡོག་སྟེ་བཙོན་འཇུག་ཁྲིམས་ཆད་འོག་སྡུག་རྩུབ་དང་མནར་གཅོད་ཚད་མེད་བཏང་ཡོད་ཀྱང་། ཁོང་གི་ཕུགས་ཀྱི་དམ་བཅའ་ལ་འགྱུར་བ་རྩ་བ་ནས་གཏོང་ཐུབ་ཀྱི་མེད་པ་དང་། ཁོང་གི་ཕྱག་བྲིས་ལ་གཞིགས་ཚེ་དེ་ལས་ལྡོག་སྟེ་བདེན་དང་གནས་ལུགས་ཀྱི་སླད་དུ་དང་། དྲང་བདེན་བློ་དཀར་གྱི་ཕྱིར་དུ་ང་ལ་སྟོབས་ཤུགས་དང་ནུས་མཐུ། སྙིང་རུས། བཟོད་བསྲན་སོགས་སྔར་མ་བྱུང་བ་མང་པོ་བསྩལ་སོང་བ་འདི་ནི་བདེན་དང་གནས་ལུགས་ཀྱི་སྟོབས་ཤུགས་ཡིན་པར་ཏན་ཏན་ཡིད་ཆེས་པ་ཡིན་ཅེས་གསུངས་འདུག རྒྱ་གར་ལྷོ་ཕྱོགས་སུ་བཞུགས་པའི་གྲྭ་དགེ་འདུན་ཕུན་ཚོགས་ལགས་ལ་ཨ་ཁུ་འཇིགས་མེད་ལགས་ཀྱི་ཕྱག་བྲིས་དང་འབྲེལ་ད་ལྟའི་ཆར་ཁོང་གི་གཟུགས་གཞིའི་གནས་སྟངས་བཅས་ཀྱི་སྐོར་བཅར་འདྲི་ཞུས་པར་ཁོང་གིས་བླ་བྲང་འཇིགས་མེད་རྒྱ་མཚོ་ལགས་ཀྱི་ཕྱག་བྲིས་དེའི་ནང་དུ་དེ་མིན་ “ངའི་རིགས་ལ་བཅིངས་པའི་ལྷག་བསམ། ངའི་ཡུལ་ལ་བཟུང་བའི་བརྩེ་བ། ངའི་སྤུན་ཟླར་བཅོལ་བའི་རེ་བ་སོགས་ནི་མི་འགྱུར་བྲག་རི་བཞིན་སུས་ཀྱང་གཞོམ་གཞིག་གཏོང་མི་ནུས་པ་བཞིན་དུ། འཛམ་གླིང་ཞི་བདེ་དང་། རྒྱལ་ཁམས་དར་རྒྱས། སེམས་ལྡན་བདེ་སྐྱིད་སོགས་ཀྱི་སླད་དུ་སྡུག་རུས་མཐའ་འཁྱོལ་བྱེད་ངེས་པའང་བདག་གིས་བདེན་དོན་གྱིས་བཞེངས་པའི་ཚེ་སྲོག་གི་དམ་བཅའ་ཡིན་ལ། ནམ་ཞིག་ཚེ་སྲོག་གི་མར་མེ་རླུང་གིས་བསད་པའམ། བླ་སྲོག་གི་དར་ལྕོག་གྲི་ཡིས་གཏུབ་པ་གང་ཡིན་ན་ཡང་འཆི་ཁའི་ཁ་ཆེམས་སམ་སྙིང་གཏམ་དྲོན་མོའང་འདི་ཡིན་” ཅེས་སོགས་བཀོད་ཡོད་པ་གསུངས་སོང་། རྩ་བའི་ཕྱི་ལོ་ ༢༠༠༨ ལོ་ནས་བཟུང་སྟེ་བླ་བྲང་འཇིགས་མེད་རྒྱ་མཚོ་ལགས་རྒྱ་གཞུང་གིས་ཐེངས་བཞི་ཙམ་འཛིན་བཟུང་གིས་བཀག་ཉར་བྱས་ཡོད་པ་དང་། དེའི་ཁྲོད་ལས་ཕྱི་ལོ་ ༢༠༡༡ ཟླ་ ༨ པའི་ནང་ཁོང་འཛིན་བཟུང་གིས་ལོ་གསུམ་རིང་ཁྲིམས་ཆད་གང་ཡང་མ་བཅད་པར་གསང་འཇུག་བྱས་ཡོད། དེ་རྗེས་ ༢༠༡༤ ཟླ་ ༨ པའི་ནང་ཁོང་ལ་དངོས་སུ་ལོ་ ༥ རིང་བཙོན་འཇུག་ཁྲིམས་ཆད་བཅད་ཡོད་པ་རེད། གཞན་ཡང་ ༢༠༡༦ ཟླ་ ༡༠ ཚེས་ ༢༦ ཉིན་ཁོང་བཙོན་གྲོལ་བཏང་སྐབས་སུའང་བཙོན་ཁང་གི་འབྲེལ་ཡོད་ལས་བྱེད་པས་འཇིགས་མེད་རྒྱ་མཚོ་ལགས་ཀྱི་ཡུལ་མིའི་ཐོབ་ཐང་ལག་འཁྱེར་དང་གློག་ཀླད། ཡིག་ཆ་དང་དངུལ་ཁུག་སོགས་ཕྱིར་སློག་བྱས་མེད། བཙོན་གྲོལ་ཐོབ་ནས་ཟླ་གཅིག་རྗེས་སུ་གཟུགས་གཞིའི་གནས་སྟངས་ཞན་པའི་འོག་ཁོང་སྨན་ཁང་དུ་ཕེབས་དགོས་པ་བྱུང་ཡོད། སྐབས་དེར་སྨན་པས་ཁོང་ལ་ཟ་ཁུ་གཅིན་སྙི་དང་། སྙིང་ནད། མཆིན་ནད། དེ་བཞིན་ཁྲག་ཤེད་མཐོ་བ་དང་མིག་ནད་བཅས་ཀྱི་ན་ཚ་ཁག་ཅིག་ཡོད་པ་ནད་རྟགས་མངོན་གསལ་བྱས་འདུག འོན་ཏང་སྐབས་དེར་ཁོང་ལ་ཡུལ་མིའི་ཐོབ་ཐང་ལང་འཁྱེར་མེད་པས་ས་གནས་གཞུང་གི་སྨན་ཁང་མ་གཏོགས་གཞན་དུ་སྨན་བཅོས་བྱ་མི་ཆོག་པ་དང་། བཙོན་གྲོལ་ཐོབ་པའི་རྗེས་སུའང་ཉེན་རྟོག་པས་རྟ་སྲུང་འོག་གནས་དགོས་པའི་གནས་སྟངས་ཤིག་ཆགས་ཡོད་པ་རེད།

ཉན་པ།: Listen ཕབ་ལེན། Download བོད་མིའི་སྒྲིག་འཛུགས་ཀྱིས་རྒྱ་གར་མང་གཙོའི་ཉིན་མོ་སྲུང་བརྩི་ཞུས་པ། དུས་དབང་དུ་བཅར་བའི་བོད་མི་ཚོའི་ཕྱིར་བསྐྱོད་ལག་འཁྱེར་བེད་མེད་བཟོ་བཞིན་འདུག ཡུ་རོབ་གྲོས་ཚོགས་སུ་འདི་ལོའི་བོད་དོན་རྒྱབ་སྐྱོར་གྱི་ཚོགས་འདུ་ཐེངས་དང་པོ་ཚོགས་པ། སེར་བྱེས་གྲྭ་ཚང་དུ་སློབ་ཕྲུག་ཚོར་དགུན་དུས་བོད་ཀྱི་རིག་གནས་ཟུར་སྦྱོང་ཐེངས་ ༧ དབུ་འཛུགས། ཕོ་བྲང་པོ་ཏཱ་ལ་དྲན་གསོ་གནང་པའི་བརྒྱུད་བོད་རང་བཙན་ཉིན་མོ་སྲུང་བརྩི་ཞུ་འཆར། འཕྲོད་བསྟེན་ཤེས་བྱ། ཕོ་བའི་ནད་རྟགས་དང་སྔོན་འགོག Thursday 26/01/2017 CTA celebrates 68th Indian Republic Day Passports of Kalachakra returnees torn on arrival, further punitive measures feared First Tibet Interest Group meeting of 2017 held in the European Parliament Winter Tibetan language class for students begin at Sera Monastery SFT to mark Declaration of Tibetan Independence day with #CelebratePotala campaign HEALTH FEATURE: Dr. Rinzin Sangmo on Symptoms and Precaution of Gastroenteritis

ཕྱི་ལོ་ ༢༠༡༧ ལོའི་ཡུ་རོབ་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་འདུ་ཐེངས་དང་པོ་དེ་ཁ་སང་ཡུ་རོབ་རྒྱལ་ཁབ་བྷེལ་ཇམ་གྱི་རྒྱལ་ས་ Brussels ནང་དུ་རྟེན་གཞི་བྱས་པའི་ཡུ་་རོབ་གྲོས་ཚོགས་ཀྱི་ཚོགས་ཁང་དུ་ཚོགས་པ་དང་འབྲེལ་ཏེ་གྲོས་ཚོགས་འཐུས་མི་ཚོས་ཉེ་སྔོན་ཡུ་རོབ་གྲོས་ཚོགས་སུ་གསེར་རྟ་བླ་རུང་ཆོས་སྒར་ཐོག་གྲོས་ཆོད་བཞག་པ་དེ་རྒྱུན་སྐྱོང་ཕྱག་བསྟར་གནང་ཕྱོགས་ཐད་གྲོས་བསྡུར་གནང་འདུག ཡུ་རོབ་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་དང་ཡུ་རོབ་གྲོས་ཚོགས་ཀྱི་འཐུས་མི་སྐུ་ཞབས་Thomas Mann ལགས་ཀྱིས་གཙོ་སྐྱོང་གནང་ཐོག་ཚོགས་འདུ་ཚོགས་འདུག སྐབས་དེར་ཡུ་རོབ་གྲོས་ཚོགས་བོད་དོན་རྒྱབ་སྐྱོར་ཚོགས་པའི་གྲོས་ཚོགས་འཐུས་མི་སྐུ་ཞབས་ Csaba Sogorl ལགས་དང་། Laszlo Tokes ལགས། Nathalie ལགས། Griesbeck ལགས། Tunne Kelam ལགས་དང་དེ་བཞིན་ Brussels བོད་ཀྱི་སྐུ་ཚབ་དོན་ཁང་གི་འབྲེལ་ཡོད་ལས་བྱེད་སོགས་ལྷན་འཛོམས་གནང་འདུག ཁ་སང་ཚོགས་འདུ་དེའི་ཐོག་ཚོགས་བཅར་བ་རྣམས་ཀྱིས་གཙོ་བོ་ཟླ་བ་སྔོན་མའི་ཕྱི་ཚེས་ ༡༥ ཉིན་ཡུ་རོབ་གྲོས་ཚོགས་ནང་དུ་རྒྱ་གཞུང་གིས་གསེར་རྟ་བླ་རུང་ཆོས་སྒར་གཏོར་ཤིག་གཏོང་བཞིན་པ་དེ་འཕྲལ་མར་མཚམས་འཇོག་དགོས་པ་སོགས་བོད་དོན་རྒྱབ་སྐྱོར་གྱི་གྲོས་ཆོད་བཞག་དོན་ལྟར། མུ་མཐུད་རྒྱུན་སྐྱོང་ཕྱག་བསྟར་གནང་ཕྱོག་ཐད་ལ་གྲོས་བསྡུར་གནང་འདུག་པ་དང་། ཚོགས་འདུ་གཙོ་སྐྱོང་བ་སྐུ་ཞབས་ Thomas Mann ལགས་ཀྱིས་ད་ལན་ཡུ་རོབ་གྲོས་ཚོགས་ནང་དུ་གྲོས་ཚོགས་ཀྱི་འཐུས་མི་ཚོས་མང་མོས་ཀྱི་ཐོག་ནས་བོད་དོན་ལ་རྒྱབ་སྐྱོར་གྱི་གྲོས་ཆོད་དེ་ལྟ་བུ་བཞག་ཐུབ་པ་དེས་རྒྱ་གཞུང་ལ་བརྡ་ལན་གསལ་པོ་ཞིག་སྤྲོད་ཐུབ་ཡོད་ཅེས་གསུངས་འདུག དེ་བཞིན་སྐབས་དེར་གྲོས་ཚོགས་འཐུས་མི་སྐུ་ཞབས་ Laszlo ལགས་དང་ Tunne Kelam ལགས་རྣམ་གཉིས་ཀྱིས་བོད་དོན་རྒྱབ་སྐྱོར་བ་རྣམས་ནས་ད་ལྟའི་དབང་ཆ་གཅིག་བསྡུས་རིང་ལུགས་ཀྱི་རྒྱ་ནག་གཞུང་འཛིན་ལ་མུ་མཐུད་འཐབ་རྩོད་བྱེད་དགོས་པ་དང་འདི་བཞིན་ཡུ་རོབ་གྲོས་ཚོགས་ཀྱི་ངོས་ནས་ཀྱང་དཔལ་འབྱོར་ཁེ་ཕན་དང་མཉམ་དུ་རང་ཉིད་ཀྱི་ཆེས་མཐོང་དམ་འཛིན་ཐུབ་དགོས་པར་ནན་བརྗོད་གནང་ཡོད་པ་རེད། ཚོགས་འདུའི་ཐོག་བཅར་བའི་སྦར་སེལ་སྐུ་ཚབ་དོན་ཁང་གི་འབྲེལ་ཡོད་ལས་བྱེད་རྣམས་ནས་ཉེ་སྔོན་སྦར་སེལ་སྐུ་ཚབ་དོན་གཅོད་བཀྲ་ཤིས་ཕུན་ཚོགས་ལགས་ཀྱིས་ཕ་རན་སིའི་གྲོས་ཚོགས་འོག་མའི་བོད་དོན་རྒྱབ་སྐྱོར་བ་རྣམས་དང་མཇལ་འཕྲད་ཀྱིས་ཡུ་རོབ་གྲོས་ཚོགས་སུ་རྒྱ་ནག་གཞུང་གིས་གསེར་རྟ་བླ་རུང་ཆོས་སྒར་གཏོར་ཤིག་གཏོང་བཞིན་པ་དེ་འཕྲལ་མར་མཚམས་འཇོག་དགོས་པ་སོགས་བོད་དོན་རྒྱབ་སྐྱོར་གྱི་གྲོས་ཆོད་བཞག་པ་བཞིན་ཕ་རན་སིའི་ཡུལ་གྱི་གྲོས་ཚོགས་སུའང་དེ་མཚུངས་གྲོས་ཆོད་གཅིག་གཞག་ཐུབ་པ་གནང་རོགས་ཞེས་རེ་འདུན་ཤུགས་ཆེ་བཏོན་སྐོར་སྙན་གསེང་ཞུས་འདུག རྩ་བའི་ཕ་རན་སིའི་གྲོས་ཚོགས་འོག་མའི་བོད་དོན་རྒྱབ་སྐྱོར་ཚོགས་པ་ནི་ཐོག་མར་ཕྱི་ལོ་ ༡༩༩༠ ལོར་དབུ་འཛུགས་གནང་པ་ཞིག་ཡིན་ཞིང་། ཕ་རན་སིའི་གྲོས་འོག་མའི་ནང་བོད་དོན་རྒྱབ་སྐྱོར་བ་གྲོས་འཐུས་ཁྱོན་ ༤༥ ཡོད་པ་རེད།

  དེ་རིང་ཕྱི་ཟླ་ ༡ ཚེས་ ༢༦ ཉིན་མོ་སྟེ་དེ་སྔ་ཕྱི་ལོ་ ༡༩༥༠ ལོར་རྒྱ་གར་རྒྱལ་ཁབ་ཀྱི་རྩ་ཁྲིམས་གཏན་ལ་ཕན་ཏེ་རྒྱལ་ཁབ་དེ་མང་གཙོ་དང་སྤྱི་མཐུན་རྒྱལ་ཁབ་ཅིག་ཏུ་ཡོངས་གྲགས་གནང་ནས་ད་བར་ལོ་ངོ་ ༦༨ འཁོར་གྱི་ཡོད་པ་ལྟར། དེ་རིང་རྒྱ་གར་གྱི་རྒྱལ་ས་ལྡི་ལིར་གཙོས་པའི་རྒྱལ་ཁབ་ཁྱོན་ཡོངས་ལ་གཞུང་མང་གཉིས་ཀྱིས་ཉིན་མོ་འདི་བཞིན་སྲུང་བརྩི་གཟབ་རྒྱས་ཞུ་བཞིན་ཡོད་པ་རེད། བཙན་བྱོལ་བོད་མིའི་བསྟི་གནས་བཞུགས་སྒར་དྷ་རྨ་ས་ལར་སྔ་དྲོ་ཚོུད་ ༩།༠༠ སྟེང་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་དབུས་པའི་ཕྱག་སྦྲེལ་བཀའ་བློན་རྣམ་པ་དང་། ལྷན་ཁང་ཁག་གི་དྲུང་ཆེ་ཆུང་རྣམ་པ་ལྷན་འཛོམས་ཀྱིས་རྒྱ་གར་གྱི་རྒྱལ་དར་མཁའ་དབྱིངས་སུ་སྒྲེང་འཛུགས་གནང་ཞིང་། རྒྱ་གར་རྒྱལ་གླུ་བླངས་ནས་དུས་ཆེན་སྲུང་བརྩི་ཞུས་སོང་། སྐབས་དེར་བོད་མིའི་སྒྲིག་འཛུགས་སྲིད་སྐྱོང་བློ་བཟང་སེང་གེ་མཆོག་གིས་བོད་མི་ཡོངས་ཀྱི་ཚབ་ཞུས་ཏེ་དེ་རིང་ཉིན་མོ་འདིར་རྒྱ་གར་གཞུང་མང་ཡོངས་ལ་དགའ་བསུའི་འཚམས་འདྲི་གནང་པ་དང་འབྲེལ། རྒྱ་གར་རྒྱལ་ཁབ་དེ་མང་གཙོའི་ལམ་ལུགས་འོག་འདས་པའི་ལོ་ངོ་ ༦༠ ལྷག་རིང་ཆོས་ལུགས་དང་སྐད་ཡིག་འདྲ་མིན་ཐོག་མཉམ་གནས་ཐུབ་པ་དེ་ནི་བྱེད་རྗེས་ཆེན་པོ་ཞིག་ལ་ངོས་འཛིན་ཞུ་བཞིན་ཡོད་ཅེས་རྒྱ་གར་གཞུང་མང་གཉིས་ལ་ཆེ་བསྟོད་གནང་སོང་། སྔ་ཐོག་མཛད་སྒོ་གྲུབ་བསྟུན། སྔ་དྲོ་ཚོུད་ ༡༡།༠༠ ཐོག་སྲིད་སྐྱོང་མཆོག་ས་གནས་ཀྱི་ཉེན་རྟོག་ལས་ཁུངས་སུ་རྒྱ་གར་ས་གནས་གཞུང་གིས་མཛད་སྒོར་ལྷན་ཞུགས་ཀྱིས་དཔོན་རིགས་ཁག་ཅིག་དང་མཇལ་འཕྲད་ཡང་གནང་འདུག

རྒྱ་ནག་གཞུང་གིས་རྒྱ་ནག་སྤྱི་དང་ལྷག་པར་དུ་བོད་དང་ཤིན་ཅང་སོགས་གྲངས་ཉུང་མི་རིགས་གནས་ཡུལ་ཁག་ཏུ་ས་གནས་སོ་སོའི་ཕ་སྐད་ལས་རྒྱ་སྐད་དང་། རྒྱ་ནག་གི་སྤྱི་སྐད་སློབ་ཁྲིད་བྱ་རྒྱུར་ཤུགས་སྣོན་སྔར་ལྷག་བརྒྱབ་རྒྱུ་ཡིན་ཅེས་བརྗོད་འདུག དེ་ཡང་ Reuters སོགས་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་བར་གཞིགས་ན། ཁ་སང་རྒྱ་ནག་གཞུང་གིས་འབྱུང་འགྱུར་ལོ་ལྔའི་ནང་གྲངས་ཉུང་མི་རིགས་གནས་ཡུལ་ཁག་གི་འཛུགས་བསྐྲུན་ལས་གཞི་དང་འབྲེལ་བའི་སྲིད་བྱུས་ཁག་ཅིག་གཏན་འབེབས་བྱས་ཡོད་པ་དང་། སྐབས་དེར་དེ་སྔ་ནས་རྒྱ་ནག་གཞུང་གིས་གྲངས་ཉུང་མི་རིགས་ཀྱི་ས་གནས་ཁག་ཏུ་རྒྱ་སྐད་སློབ་ཁྲིད་བྱ་རྒྱུར་ཤུགས་སྣོན་རྒྱག་བཞིན་པ་དམ་འཛིན་གྱིས་མ་འོངས་པའི་ལོ་ལྔའི་ནང་ཡང་ས་གནས་དེ་དག་ཏུ་རྒྱ་སྐད་འབྲི་ཀློག་དང་འདི་བཞིན་རྒྱ་གཞུང་གི་སྤྱི་སྐད་སློབ་ཁྲིད་བྱ་རྒྱུར་ཤུགས་སྣོན་སྔར་ལྷག་བརྒྱབ་རྒྱུ་ཡིན་ཅེས་བརྗོད་འདུག རྒྱ་ནག་གཞུང་གིས་གྲངས་ཉུང་མི་རིགས་ཀྱི་ས་གནས་དེ་དག་ནང་དུ་རྒྱ་ནག་གཞུང་འབྲེལ་ཐོག་སྤྱོད་བཞིན་པའི་རྒྱ་ནག་གི་སྤྱི་སྐད་དང་བྲིས་སྟངས་སོགས་ཀྱི་ཐད་ལ་ཤུགས་སྣོན་རྒྱག་བཞིན་པའི་ཁར། གྲངས་ཉུང་མི་རིགས་རྣམས་ལ་རྒྱ་ནག་གཅིག་འགྱུར་གྱི་སྤྱི་སྐད་འབྲི་ཀློག་སོགས་ཀྱི་ཆུ་ཚད་གོང་མཐོར་གཏོང་རྒྱུ་ཡིན་སྐོར་ཡང་བརྗོད་ཡོད་པ་རེད། གཞི་རྩའི་རྒྱ་ནག་གཞུང་གིས་དེ་སྔ་ནས་བོད་དང་ཤིན་ཅང་སོགས་གྲངས་ཉུང་མི་རིགས་ཀྱི་ས་གནས་ཁག་ཏུ་རྒྱལ་ཞེན་གྱི་སློབ་གསོ་སྤེལ་ཏེ་ཕ་སྐད་ལས་རྒྱ་སྐད་སློབ་ཁྲིད་བྱ་རྒྱུར་ཤུགས་སྣོན་སྔར་ལྷག་བརྒྱབ་ཡོད་པ་དང་། ཕྱི་ལོ་ ༢༠༡༠ ལོར་རྒྱ་ནག་གཞུང་ནས་བོད་ཀྱི་ས་ཁུལ་ཁག་ཏུ་ཡོད་པའི་བོད་སློབ་ནང་དུ་རྒྱ་སྐད་གཙོ་ཁྲིད་བྱ་རྒྱུའི་སྲིད་བྱུས་ཤིག་ལག་བསྟར་མགོ་བཙུགས་བྱས་ཡོད་པ་དང་། སྐབས་དེར་བོད་མཚོ་སྔོན་ཁུལ་གཙོ་བོར་འགྱུར་བའི་ཉེ་འཁོར་ས་གནས་ཁག་གི་སློབ་ཕྲུག་སྟོང་ཚོ་བརྒལ་བ་མཉམ་མཐུན་གྱིས་རྒྱ་ནག་གཞུང་གི་སྲིད་བྱུས་ལ་ངོ་རྒོལ་བྱས་པ་མ་ཟད། རྒྱ་ནག་གཞུང་གི་རྩ་ཁྲིམས་ནང་གསལ་བ་ལྟར་གྲངས་ཉུང་མི་རིགས་ཀྱི་སྐད་ཡིག་དང་རིག་གཞུང་ཁག་སྲུང་སྐྱོབ་གནང་དགོས་པའི་ཞུ་འབོད་སོགས་ཀྱི་ལས་འགུལ་རྒྱ་ཆེ་སྤེལ་ཡོད་པ་རེད། ལྷག་པར་དུ་རྒྱ་གཞུང་གི་སྲིད་བྱུས་དེར་རྒྱལ་སྤྱིའི་གཞུང་དང་འགྲོ་བ་མིའི་ཐོབ་ཐང་སྲུང་སྐྱོབ་ཚོགས་པ་སོགས་ནས་སྐྱོན་བརྗོད་རིམ་པ་བྱས་ཀྱང་། རྒྱ་ནག་གཞུང་ནས་མུ་མཐུད་བོད་གཙོས་པའི་གྲངས་ཉུང་མི་རིགས་ཀྱི་ས་ཁུལ་ཁག་ཏུ་རྒྱ་སྐད་གཙོ་ཁྲིད་བྱེད་བཞིན་པ་མ་ཟད། རང་ཉིད་ཀྱི་ཕ་སྐད་སྲུང་སྐྱོབ་ཐོག་ལས་འགུལ་སྤེལ་མཁན་རྣམས་རྒྱལ་ཁབ་ཁ་བྲལ་བཏང་བའི་ཆབ་སྲིད་ཀྱི་ཉེས་མིང་འོག་འཛིན་བཟུང་བཙན་ཁྲིད་ཀྱིས་མཐར་བཙོན་འཇུག་ཁྲིམས་ཐག་སོགས་ཀྱང་བཅད་ཡོད་པ་རེད།  

ཉན་པ།: Listen ཕབ་ལེན། Download རྒྱ་གཞུང་གིས་གྲངས་ཉུང་མི་རིགས་ཚོར་རྒྱ་ནག་གི་སྤྱི་སྐད་སློབ་ཁྲིད་བྱ་རྒྱུར་ཤུགས་སྣོན་བརྒྱབ་རྒྱུ་ཡིན་ཅེས་བརྗོད་པ། རྒྱལ་སྤྱིའི་ངོས་ནས་བོད་དོན་ལ་རྒྱབ་སྐྱོར་ཡོང་བའི་རེ་བ་བརླག་སོང་ཞེས་གསུངས་འདུག རྒྱ་གཞུང་གིས་སླར་སོག་ཡུལ་ལ་རྒྱ་ནག་གི་གལ་ཆེའི་གནད་དོན་ཁག་བརྩི་སྲུང་དགོས་པའི་ཉེན་བརྡ། བུད་མེད་ནུས་སྟོབས་གོང་འཕེལ་གྱི་ཚོགས་ཆེན་ཐེངས་དང་པོ་ཚོགས་རྒྱུ། Wednesday 25/01/2017 China to push Mandarin for minorities I have lost faith in international body in support of Tibet: Anonymous Chinese warns Mongolia to draw lessons from Dalai Lama visit, respect China's core interests CTA to hold First Women's Empowerment Conference in Dharamsala

ཉེ་ཆར་བོད་ནས་གསར་དུ་འབྱོར་བའི་བོད་མི་ཞིག་གིས་རྒྱལ་སྤྱིའི་ངོས་ནས་བོད་དོན་ལ་རྒྱབ་སྐྱོར་ཡོང་བའི་རེ་བ་བརླག་སོང་ཞེས་གསུངས་སོང་། འདི་ག་རླུང་འཕྲིན་ཁང་གིས་བོད་ནས་གསར་དུ་འབྱོར་བའི་བོད་མི་ཞིག་ལ་བཅར་འདྲི་ཞུས་པར་ཁོང་གིས་དང་ལེན་གནང་པ་དང་འབྲེལ་རྒྱལ་སྤྱིའི་ངོས་ནས་བོད་དོན་ལ་རྒྱབ་སྐྱོར་ཡོང་བའི་རེ་བ་བརླག་སོང་ཞེས་གསུངས་སོང་། མཚན་བརྗོད་འདོད་མེད་པའི་བོད་ནས་གསར་དུ་འབྱོར་བའི་བོད་མི་ཁོང་ནི། བོད་ནང་དུ་འགྲོ་འདུག་སྤྱོད་གསུམ་གྱི་རང་དབང་ཅི་ཡང་མེད་སྟབས་ཉེ་ཆར་རང་ཉིད་ཀྱི་གཅེས་པའི་ཕ་ཡུལ་བཞག་སྟེ་ནང་མ་ཆ་ཚང་ཁྲིད་ནས་བཙན་འབྱོལ་དུ་ཕེབས་པ་ཞིག་ཡིན་པ་རེད། བོད་མི་དེས་རླུང་འཕྲིན་ཁང་ལ་འགྲེལ་བརྗོད་གནང་དོན། ང་རང་བོད་ནང་བསྡད་སྐབས་བོད་པའི་གསར་འགྱུར་བརྒྱུད་ལམ་ཁག་ལས་ཨ་རིས་བོད་དོན་ལ་རྒྱབ་སྐྱོར་བྱས་པ་མ་ཟད། སྤྲུ་སྐུ་བསྟན་འཛིན་བདེ་ལེགས་མཆོག་གློད་གྲོལ་དང་སྨན་བཅོས་ཞུ་རྒྱུའི་ཐོག་ལ་རྒྱལ་སྤྱིའི་ཁྱོན་ཡོངས་ནས་ལས་འགུལ་སྣ་མང་སྤེན་བཞིན་ཡོད་པ་དེ་དག་ཉིན་རེ་བཞིན་མ་ཆད་པར་ཉན་གྱི་ཡོད། ཐ་ན་རང་ཉིད་ནས་མ་ཎི་ཕྲེང་སྐོར་གཅིག་མ་འདོན་པར་གསར་འགྱུར་ཉན་པ་ཡིན་ཅེས་གསུངས་པ་མ་མ་ཟད། སྐབས་དེར་གནས་ཚུལ་དེ་དག་ཐོས་ཚེ་རང་ལ་རེ་བ་ཆེན་པོ་ཞིག་སླེབས་སོང་། མཐར་རྒྱ་གཞུང་གིས་སྤྲུལ་སྐུ་བསྟན་འཛིན་བདེ་ལེགས་མཆོག་ལ་དུག་ཕུལ་ནས་སྐུ་དཀྲོངས་པ་རེད། དེར་བརྟེན་རང་ངོས་ལ་རྒྱལ་སྤྱིའི་ཐོག་ནས་བོད་དོན་ལ་རྒྱབ་སྐྱོར་ཡོང་བའི་རེ་བ་བརླག་སོང་བ་དང་། ངའི་བསམ་བློ་ནང་ལ་རྒྱལ་སྤྱིའི་རོགས་རམ་ཡོང་གི་མ་རེད་གང་ཞེད་ན་ཨ་རི་ཡིན་ནའང་རེད་གཞན་སུ་དང་སུ་ཡིན་ཀྱང་ཁ་བཤད་ཙམ་ལས་རྫུན་གཏམ་ཁོ་ན་ཡིན་པའི་ཚོར་སྣང་ཞིག་བྱུང་སོང་ཞེས་གསུངས་སོང་། ཁོང་གིས་མུ་མཐུད་གསུངས་པར་རྩ་བའི་རྒྱལ་སྤྱིའི་ངོས་ནས་རྒྱབ་སྐྱོར་ཡོད་ཅེས་བརྫིད་པོ་བཤད་ཀྱི་ཡོད་པ་རེད། འོན་ཀྱང་སྤྲུལ་སྐུ་བསྟན་འཛིན་བདེ་ལེགས་སྐུ་སྒེར་གཅིག་བཙོན་གྲོལ་ཡོང་བར་གང་ཡང་གནང་ཐུབ་མེད་པ་དང་། དེ་བཞིན་ཁོང་དང་འདྲ་བའི་ཆབ་སྲིད་བཙོན་པ་མང་པོ་ཞིག་ཡོད་པ་དེ་དག་གི་གནད་དོན་ཡང་དེ་མཚུངས་ཡིན་སྟབས། ངའི་སེམས་ནང་ཁག་པོ་ཡིན་པའི་ཚོར་སྣང་ཞིག་ཤུགས་མ་ཐུབ་ཀྱིས་སླེབས་སོང་ཞེས་གསུངས་པ་དང་ཆབས་ཅིག ཁོང་གིས་ང་རང་གི་རྩ་བའི་བླ་མ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་དགོངས་པ་རྫོགས་པར་བརྟེན་བོད་ནང་དུ་བསྡད་ན་རྒྱ་གཞུང་གིས་ཆེས་དམ་བསྒྲགས་འོག་འགྲོ་འདུག་སྤྱོད་གསུམ་གྱི་ཐོག་ལ་དཀའ་ངལ་ཡོད་པ་རེད། རྒྱ་གར་དུ་༸གོང་ས་མཆོག་བཞུགས་ཡོད་པ་སོང་ཙང་འདིར་བསྡད་ན་ཡག་པ་འདུག་བསམ་སྟེ་ནང་མི་ཚང་མ་ཁྲིད་ནས་ཡོང་བ་ཡིན་ཅེས་སོགས་གསུངས་ཀྱི་འདུག དེ་བཞིན་ཁོང་གིས་ང་ཚོ་བོད་ནང་དུ་བསྡད་ན་ཟས་བཟའ་རྒྱུ་མེད་པ་དང་ལྟོག་སྐོམ་ཐེབས་པའི་དཀའ་ངལ་མེད་ཀྱང་། རྒྱ་གཞུང་གིས་ཆེས་དམ་བསྒྲགས་ཆེ་བའི་སྲིད་བྱུས་འོག་སེམས་ལ་དཀའ་ངལ་ཡོད་པ་རེད། དཔེར་ན་གྲོང་གསེབ་ནང་གྲོགས་ཕན་ཚུན་འདུ་འཛོམས་བྱེད་རྒྱུ་མཚོན་འགྲོ་ཆགས་ཉལ་འདུག་སོགས་ཀྱི་བྱ་སྤྱོད་ཐད་ལ་དཀའ་ངལ་ཆེན་པོ་ཡོད་པ་མ་ཟད། ལྷག་དོན་གྲོང་སྡེ་དང་གྲོང་ཁྱེར་སོགས་ཀྱི་ནང་ལ་གསང་ཉུལ་བ་ཆེད་འཇོག་བྱེད་བཞིན་ཡོད་སྐོར་གསུངས་སོང་། ད་དུང་ཁོང་གིས་རྒྱ་གཞུང་གི་སྲིད་བྱུས་ལ་གཞིགས་ན་རང་ཉིད་ཀྱི་བུ་ཕྲུག་ཚོ་ལ་གཞུང་གི་ལས་ཀ་རག་སྲིད་པ་དེར་མ་ལྟོས་པར་བཙན་བྱོལ་དུ་ཁྲིད་ནས་སློབ་གྲྭར་གཏོང་རྒྱུ་ཡིན་ཅེས་གསུངས་ཀྱི་འདུག གཞི་རྩའི་རྒྱ་ནག་གཞུང་གིས་ལི་ཐང་སྤྲུལ་སྐུ་བསྟན་འཛིན་བདེ་ལེགས་རིན་པོ་མཆོག་ལ་ཁྲེན་ཏུར་འབར་རྫས་གས་ཐོར་གྱི་དོན་རྐྱེན་ཞིག་དང་འབྲེལ་བ་ཡོད་པ་བརྗོད་ནས་ཕྱི་ལོ་ ༢༠༠༢ ཟླ་ ༤ ཚེས་ ༧ ཉིན་གྱི་དགོང་མོའི་ཆུ་ཚོད་ ༡༢ ཙམ་ལ་གློ་བུར་དུ་འཛིན་བཟུང་བྱས་ཡོད་པ་དང། དེའི་རྗེས་དུས་འགྱངས་སྲོག་ཁྲིམས་ནས་ཚེ་བཙོན་དུ་འགྱུར་བ་བཏང་སྟེ་བཙོན་ཁང་གི་མནར་གཅོད་འོག་ལོ་ངོ་ ༡༣ རིང་བཞག་མཐར་ ༢༠༡༥ ལོའི་ཟླ་ ༧ ཚེས ༡༢ ཉིན་ཁྲེན་ཏུའི་ཉེ་འཁྲིས་ཁྲན་ཏུ་བཙོན་ཁང་ནང་གློ་བུར་དུ་དགོངས་པ་རྫོགས་པའི་གནས་ཚུལ་ཐོན་ཡོད་པ་རེད།