Monthly Archives: December, 2016

དེ་རིང་ཟླ་ ༡༢ ཚེས་ ༣༡ ཉིན་གནས་མཆོག་རྡོ་རྗེ་གདན་ཁུལ་གྱི་རིས་མེད་ཆོས་ལུགས་གྲོགས་པོའི་མཐུན་ཚོགས་ཀྱིས་ཇི་ལྟར་གསོལ་འདེབས་ཞུས་དོན་ལྟར། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཉིན་རྒྱབ་ཏུ་དུས་དབང་ཆོས་ར་བར་གྷ་ཡ་ཁུལ་དུ་རྟེན་གཞི་བྱས་པའི་རྒྱ་གར་གྱི་སློབ་གྲྭ་ཉི་ཤུ་རྩ་ལྔའི་དགེ་ལས་སློབ་ཕྲུག་སྟོང་ཕྲག་བརྒལ་བར་བདེ་སྐྱིད་དང་ལྡན་པའི་མི་ཚེའི་སྙིང་པོ་སྐོར་བཀའ་སློབ་བསྩལ་ཡོད་པ་རེད། སྐབས་དེར་༸གོང་ས་མཆོག་གིས་ཆེས་ཐོག་མར་དེ་རིང་གནས་ཁྱད་པར་ཅན་འདིར་སློབ་ཕྲུག་མང་པོ་ཞིག་འཛོམས་སར་༸གང་ཉིད་མཆོག་གིས་བཀའ་སློབ་བསྩལ་རྒྱུའི་གོ་སྐབས་བཟང་པོ་བྱུང་བར་དགའ་འོས་པར་ངོས་བཞེས་ཀྱིས་འཚམས་འདྲི་མཛད་ཡོད་པ་དང་། འགྲོ་བ་མིའི་གཅིག་གྱུར་གྱི་གཞི་རྩ་དེའི་ཐོག་བདེ་སྐྱིད་དང་ལྡན་པའི་འཛམ་བུ་གླིང་ཞིག་ཡོང་ཐབས་གནང་དགོས་སྐོར་དང་། ལྷག་དོན་དུས་རབས་ ༢༡ པའི་གཞོན་སྐྱེས་ཚོར་དམིགས་བསལ་གྱི་འོས་འགན་ཞིག་ཡོད་པར་བཀའ་བསྩལ་མཛད་ཡོད་པ་རེད། མགོན་པོ་༸གང་ཉིད་མཆོག་གིས་མུ་མཐུད་གསུངས་པར་ངོས་རང་ད་ལྟ་ལོ་ ༨༡ ལ་སྤེབས་ཡོད་པ་དང་། ངོས་ལ་ད་ལྟའི་མི་ཚེ་ཧྲིལ་པོ་འདིའི་ནང་དཀའ་ངལ་མང་དག་ཞིག་འཕྲད་ཡོད་ཀྱང་། རྒྱལ་ཁབ་འདྲ་མིན་ནང་བསྐྱོད་རྒྱུའི་གོ་སྐབས་བྱུང་བ་དེའི་བརྒྱུད་ངོས་ལ་ཡིད་ཆེས་བརྟན་པོ་ཞིག་རྙེད་ཡོད་པ་ནི་ངལ་བ་གང་ཞིག་འཕྲད་པ་དེ་སེལ་བར་སོ་སོ་རང་ཉིད་ལ་རག་ལུས་ཡོད། ང་ཚོ་ཚང་མ་འགྲོ་བ་མི་གཅིག་མཚུངས་ཡིན་པ་དང་འཛམ་བུ་གླིང་འདི་བདེ་སྐྱིད་དང་ལྡན་པ་ཞིག་ཡོང་བར་ལྡེ་མིག་ལྟ་བུ་དེ་གཅིག་གྱུར་གྱི་འདུ་ཤེས་འཛིན་རྒྱུ་དེ་ཡིན་པར་ལམ་སྟོན་བཀའ་སློབ་བསྩལ་ཡོད་པ་རེད། ཁྱད་པར་དུ་༸གོང་ས་མཆོག་གིས་སློབ་ཕྲུག་ཁྱེད་རང་ཚོ་མ་འོངས་པར་འཛམ་བུ་གླིང་འདི་བདེ་སྐྱིད་དང་ལྡན་པ་ཞིག་བཟོ་རྒྱུའི་འགན་ཡོད་པ་དང་། དེ་ལྟར་ཡོང་བར་ནང་སེམས་ཀྱི་ཞི་བདེ་དེ་གཙོ་བོ་ཆགས་ཡོད་སྟབས། ནང་སེམས་ཀྱི་ཞི་བདེ་ཡོང་བར་བྱམས་དང་སྙིང་རྗེ་གཉིས་པོ་མེད་དུ་མི་རུང་བ་ཞིག་ཡིན་སྐོར་སོགས་ལམ་སྟོན་མཛད་ཡོད་པ་རེད། དེ་བཞིན་༸གང་ཉིད་མཆོག་གིས་དེང་སྐབས་རྒྱ་གར་གྱི་ཤེས་ཡོན་སྡེ་ཚན་ཁག་ཅིག་གིས་ཆོས་དང་མ་འབྲེལ་བའི་བཟང་སྤྱོད་ཀྱི་སློབ་ཚན་སློབ་ཁྲིད་གནང་ཐབས་གནང་བཞིན་པར་ཡི་རངས་བསྔགས་བརྗོད་གནང་ཡོད་པ་ཟད། ཤེས་ཡོན་ནི་མི་ཚེ་དོན་སྙིང་ལྡན་པ་ཞིག་ཡོང་བར་བྱེད་པའི་ཐབས་ལམ་ཞིག་ཡིན་པ་དང་། ཤེས་ཡོན་གྱི་ལམ་ལུགས་དེའི་འོག་ནས་སྤྱི་ཚོགས་ནང་མི་ཚེའི་དོན་སྙིང་སྐོར་གནས་ཚུལ་ཁྱབ་སྤེལ་ཐུབ་ཀྱི་ཡོད་པའི་ལམ་སྟོན་མཛད་ཡོད། གཞི་རྩའི་མ་གྷ་ད་གཙུག་ལག་སློབ་གཉེར་ཁང་དང་། གྷ་ཡ་མཐོ་རིམ་སློབ་གྲྭ།   New Enlightenment བཅས་ཀྱིས་༸གོང་ས་མཆོག་གི་བཀའ་སློབ་གོ་སྒྲིག་ཞུ་དོན་ནི་བྱམས་བརྩེ་ལྡན་པའི་སྤྱི་ཚོགས་ཤིག་ཡོང་བར་མི་རབས་གཞོན་པ་ཚོ་སྐྱེད་སྲིང་གནང་རྒྱུ་དེ་ཡིན་པ་རེད། ༸གོང་ས་མཆོག་ནས་བྷི་ཧར་མངའ་སྡེའི་སློབ་ཕྲུག་སྟོང་ཕྲག་བརྒལ་བར་བདེ་སྐྱིད་དང་ལྡན་པའི་མི་ཚེའི་སྙིང་པོ་སྐོར་བཀའ་སློབ་བསྩལ་རྒྱུའི་མཛད་རིམ་ལེགས་པར་གྲུབ་བསྟུན་ས་གནས་དེར་རྟེན་གཞི་བྱས་པའི་སྔ་འགྱུར་རྙིང་མའི་དཔལ་ཡུལ་ཐུབ་བསྟན་བཤད་སྒྲུབ་ཆོས་འཁོར་དར་རྒྱས་གླིང་གསར་བཞེས་ལེགས་གྲུབ་བྱུང་བའི་མཛད་སྒོར་དབུ་བཞུགས་མཛད་ཡོད་པ་རེད། རྩ་བའི་དེ་རིང་ཉིན་རྒྱབ་ཏུ་༸གོང་ས་མཆོག་དུས་དབང་གསུང་ཆོས་ར་བར་ཆིབས་བསྒྱུར་མ་གནང་གོང་ལ་སློབ་གྲྭ་དེ་དག་གི་སློབ་ཕྲུག་སྐུ་ཚབ་ཚོས་རིག་གཞུང་འཁྲབ་སྟོན་དང་། བརྗོད་གཞི་འདྲ་མིན་ཐོག་གཏམ་བཤད་གནང་པ་མ་ཟད། ཁག་ཅིག་གིས་རྒྱ་གར་དང་འབྲེལ་བ་སྦྱར་ནས་བོད་ཀྱི་ཆབ་སྲིད་གནད་དོན་སྐོར་ཡང་གསུངས་ཡོད་པ་རེད།  

ཉན་པ།: Listen ཕབ་ལེན། Download ༸གོང་ས་མཆོག་གིས་བྷི་ཧར་མངའ་སྡེའི་སློབ་ཕྲུག་སྟོང་ཕྲག་བརྒལ་བར་བདེ་སྐྱིད་དང་ལྡན་པའི་མི་ཚེའི་སྙིང་པོ་སྐོར་བཀའ་སློབ་བསྩལ་བ། བོད་མིའི་སྐད་ཡིག་ལས་འགུལ་བ་བཀྲིས་དབང་ཕྱུག་ལགས་འཕྲད་མར་གློད་གྲོལ་གཏོང་དགོས་པ་གསུངས་འདུག དུས་དབང་སྐབས་འཕྲོད་བསྟེན་བསྟེན་ཕྱོགས་སོགས་ཀྱི་སྐོར་བཅར་འདྲི། ༸གོང་ས་མཆོག་གིས་ཆེས་ཐོག་མའི་དགེ་བཤེས་མིའི་སློབ་མཐར་སོན་པ་རྣམས་ལ་བཀའ་སློབ། Saturday 31/12/2016 Dalai Lama interacts with youth of Bihar TCHRD urges China to release Tibetan language advocate from unlawful detention Health tips for Kalachakra by Dr. Rinzin Sangmo Excerpt from Dalai Lama’s speech to first ever Geshema degree holders

ཉན་པ།: Listen ཕབ་ལེན། Download བླ་རུང་སྒར་ནས་སླར་ཡང་གྲྭ་བཙུན་བརྒྱ་ཕྲག་ཁ་ཤས་ཕྱིར་ཕུད་བཏང་པ། ཤེས་རིག་བཀའ་བློན་མཆོག་ནས་རྒྱ་གར་དབུས་གཞུང་གི་ཤེས་ཡོན་དྲུང་ཆེ་གཅིག་དང་མཇལ་འཕྲད་གནང་འདུག རྒྱ་གཞུང་གིས་མེ་འཁོར་བརྒྱུད་བོད་ཀྱི་ཆུ་འོར་འདྲེན། དུས་དབང་སྐབས་བོད་རིགས་ན་གཞོན་དབར་རྐང་རྩེད་སྤོ་ལོའི་འགྲན་བསྡུར་གནང་འཆར། དམིགས་བསལ་ལེ་ཚན། སྐེ་རགས་བོད་ཀྱི་དཔེ་གསར་གྱོན་ཆས་བཟོ་ཚོང་ཁང་། Friday 30/12/2016 Hundreds more monks and nuns evicted from Larung Gar CTA Education Kalon meets with Education Secretary of HRD Ministry China starts transporting bottled water from Tibet Champions League tournament to be held in Bodh Gaya during Kalachakra DIASPORA FEATURE: ‘KERAA’ Tibetan clothing designer and manufacturer

ཟླ་བ་འདིའི་ཚེས་ ༢༤ དང་། ༢༨ བཅས་ཁག་སོ་སོར་རྒྱ་གཞུང་གི་དྲག་ཆས་ཉེན་རྟོག་མི་སྣས་བོད་གསེར་རྟ་བླ་རུང་ཆོས་སྒས་ནས་གྲྭ་བཙུན་བརྒྱ་ཕྲག་ཁ་ཤས་ཤིག་བཙན་དབང་གིས་ཕྱིར་ཕུད་བཏང་པ་མ་ཟད། ཁོང་རྣམ་པའི་གྲྭ་ཤག་ཀྱང་མུ་མཐུད་གཏོར་བཤིག་གཏོང་བཞིན་ཡོད་པ་རེད། དེའང་ཟླ་ ༡༢ ཚེས་ ༢༤ ཉིན་ཕྱི་དྲོ་ཚོུད་ ༤།༠༠ ཡོལ་ཙམ་ལ་རྒྱ་གཞུང་གིས་བོད་རང་སྐྱོང་ལྗོངས་ཀྱི་ཁུལ་ནས་ཡིན་པའི་གྲྭ་བཙུན་ ༢༠༠ ལྷག་བཙན་དབང་གིས་ཕྱིར་ཕུད་བྱས་པ་མ་ཟད། ཚེས་ ༢༨ ཉིན་སླར་ཡང་ཡུལ་ཤུལ་རྫ་སྟོད་དང་རྨ་སྟོད། དར་ལག་བཅས་ནས་ཡིན་པའིབཙུན་མ་བརྒྱ་ཕྲག་ཁ་ཤས་ཀྱང་ཕྱིར་ཕུད་བཏང་འདུག གཞི་རྩའི་ཟླ་བ་འདིའི་ཕྱི་ཚེས་ ༢༤ ཉིན་རྒྱ་གཞུང་གིས་བོད་རང་སྐྱོང་ལྗོངས་ནས་ཡིན་པའི་གྲྭ་པ་བརྒྱ་ཕྲག་ཁ་ཤས་ཕྱིར་ཕུད་བཏང་ཡོད་པ་དང་འདི་བཞིན་ཚེས་ ༢༨ ཉིན་བཙུན་པ་བརྒྱ་ཕྲག་ཞིག་མི་འདོད་བཞིན་དུ་དགོན་པ་ནས་ཕྱིར་ཕུད་བཏང་ཡོད་པ་མ་ཟད། ཁོང་རྣམས་མི་འདོད་བཞིན་དུ་གསེར་རྟ་བླ་རུང་ཆོས་སྒར་ནས་ཁ་བྲལ་དགོས་བྱུང་ཡོད་ཅིང་། དགོན་པ་དང་ཁ་བྲལ་མ་ཐུབ་པའི་ངུ་འབོད་དང་དྲན་པ་རྒྱལ་བའི་གནས་ཚུལ་ཡང་ཐོན་ཡོད་པ་རེད། རྒྱ་གཞུང་གིས་དགོན་པའི་གྲྭ་བཙུན་རྣམས་ཕྱིར་ཕུད་བཏང་ཟིན་རྗེས་ཁོང་རྣམ་པའི་གྲྭ་ཤག་ཀྱང་མུ་མཐུད་གཏོར་བཤིག་གཏོང་མུས་ཡིན་པ་རེད། དེ་བཞིན་སེར་རྟ་བླ་རུང་ཆོས་སྒར་ནང་བསྟན་སློབ་གླིང་དུ་སློབ་གཉེར་གནང་མཁན་རྒྱ་རིགས་གྲྭ་བཙུན་དང་དགེ་བསྙེན་སོགས་མང་དག་ཞིག་ཡོད་པ་དེད་དག་ཀྱང་དགོན་པ་ནས་ཕྱིར་ཕུད་བཏང་དང་གཏོང་བཞིན་ཡོད་པ་རེད། རྩ་བའི་བོད་སེར་རྟ་བླ་རུང་ཆོས་སྒར་ནས་ད་བར་ཕྱིར་ཕུད་བཏང་ཟིན་པའི་གྲྭ་བཙུན་མང་ཆེ་བ་བོད་རང་སྐྱོང་ལྗོངས་ཀྱི་ཁོངས་ནས་ཡིན་པ་དང་། བླ་རུང་སྒར་ནས་ཕྱིར་ཕུད་བཏང་བའི་གྲྭ་བཙུན་རྣམས་ལ་༼བླ་རུང་ལྔ་རིག་ནང་བསྟན་སློབ་གླིང་གི་སློབ་གསོའི་སྒོ་ནས་རང་ཡུལ་མངགས་པའི་ཇོ་སེར་རྣམས་ཀྱི་དམ་བཅའ་ཡི་གེ་༽ ཞེས་བོད་རྒྱ་གཉིས་ཀྱི་ཐོག་ལ་འཁོད་པའི་དམ་བཅའ་བའི་ཡི་གེ་ཞིག་སྟེང་དུ་སླར་བླ་རུང་སྒར་དུ་ཕྱིར་ལོག་གནང་རྒྱུ་མིན་ཅེས་པའི་མཚན་རྟགས་བཀོད་བཅུག་ཡོད་པ་དང་། དམ་བཅའ་བའི་ཡི་གེ་དེའི་ནང་འཁོད་དོན། གསེར་རྟ་རྫོང་ལྔ་རིག་ནང་བསྟན་སློབ་གླིང་གི་དྲིལ་བསྒྲགས་སྒྲིག་བཅོས་ལས་དོན་གྱི་བླང་བྱ་ལྟར། ང་རང་བླ་རུང་ལྔ་རིག་ནང་བསྟན་སློབ་གླིང་དང་ཁ་བྲལ་ཏེ་ཕ་ཡུལ་དུ་སླེབས་རྗེས། སྔར་ལྟར་རྒྱལ་གཅེས་ཆོས་གཅེས་དང། སྡོམ་སྲུང་། ཁྲིམས་བརྩི་བྱེད་པ་མ་ཟད། ཕྱིར་བླ་རུང་སྔ་རིག་ནང་བསྟན་སློབ་གླིང་དུ་འོང་ནས་གཏན་སྡོད་མི་བྱེད་པའི་དམ་བཅའ་བཞག་བཅུག་པ་མ་ཟད། དེ་བཞིན་ཕྱིར་ཕུད་བཏང་ཟིན་རྗེས་ཐད་ཀར་རང་ཁྱིམ་དུ་ལོག་མ་བཅུག་པར་ཟླ་ཤས་རིང་བཀག་བསྐྱིལ་བྱས་ཡོད་པ་དང་། སྐྱ་ཆས་གྱོན་བཅུག་སྟེ་ཉིན་ལྟར་རྒྱ་གཞུང་གི་རྒྱལ་གཅེས་ཆོས་གཅེས་ཟེར་བའི་ཆབ་སྲིད་སློབ་གསོ་སྤེལ་བ་དང་གུང་ཁྲན་ཏང་ལ་བསྟོད་པའི་གླུ་གཞས་གཏོང་བཅུག་པ་སོགས་སུནགཙེར་ཚད་མེད་བཟོ་བཞིན་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་བྷི་ཧར་ནང་ཆང་རག་བཀག་སྡོམ་གནང་པར་བསྔགས་བརྗོད་གནང་འདུག རྒྱ་གཞུང་གིས་བོད་ནང་ཆོས་ཕྱོགས་ཐོག་དམ་དྲག་ཆེ་རུ་གཏང་རྒྱུ་ཡིན་པ་བརྗོད་འདུག སྐུ་ཞབས་སན་དྷིཤ་ལགས་ཀྱི་བོད་དོན་རྐང་འཁོར་སྐོར་བསྐྱོད་ཀྱི་ལས་འགུལ་མཇུག་སྒྲིལ། བཀྲིས་དབང་ཕྱུག་ལགས་ཀྱི་ཁྲིམས་བཤེར་ཕྱིར་འགྱངས་བྱས་འདུག འཕྲོད་བསྟེན་ཤེས་བྱ་ངོ་སྤྲོད། སྨྱོ་རྫས་ངན་གོམ་སྐོར། Thursday 29/12/2016 Dalai Lama praises Nitish Kumar for alcohol prohibition in Bihar China says party control over religion in Tibet will only increase Tibet supporter Sandesh Meshram’s cycle rally for Tibet concludes in Bodh Gaya Chinese prosecutors ask for more time in Tibetan language activist’s case HEALTH FEATURE: Drug and Substance Abuse

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་བྷི་ཧར་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ནི་ཏིཤ་ཀུ་མཱར་མཆོག་རྣམ་གཉིས་ཁ་སང་ཉིན་དགུང་རྒྱལ་ས་པ་ཊ་ནཱར་མཇལ་འཕྲད་གྲུབ་བསྟུན། ༸གོང་ས་མཆོག་གིས་ཕྱི་ནང་གི་གསར་འགོད་པ་རྣམས་ལ་ད་རེས་༸གང་ཉིད་མཆོག་གི་ཐུགས་ཉེ་བའི་མཛའ་གྲོགས་སྤྱི་ཁྱབ་བློན་ཆེན་སྐུ་ཞབས་ནི་ཏིཤ་ཀུ་མཱར་མཆོག་དང་མཇལ་མོལ་བྱུང་བར་ཐུགས་དགྱེས་ཚོར་ཆེན་པོ་བྱུང་ཡོད་པ་བཀའ་གནང་པ་དང་སྦྲགས་ཏེ་ཁོང་གིས་མངའ་སྡེ་འདིའི་ནང་ཆང་རག་བཀག་སྡོམ་གནང་པར་བསྔགས་བརྗོད་མཛད་ཡོད་པ་རེད། རྒྱ་གར་གྱི་ News 18 གསར་ཁང་ཐོག་གནས་ཚུལ་སྤེལ་བར་སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་སང་གི་མི་ཚོར་ཁོང་ཁྲོ་དང་སེམས་ཁྲལ་མང་དག་ཞིག་འཕྲད་བཞིན་པའི་གནས་སྟངས་ལས་མཐར་ཐབས་སུ་སྨྱོ་རྫས་ Drugs དང་ཆང་རག་ལ་བསྟེན་གྱི་ཡོད་པ་དེ་ནི་ནོར་བ་ཡིན་ཞིང་། ཁོང་ཁྲོ་དང་སེམས་ཁྲལ་རིགས་ལ་བློ་སྦྱོང་བྱེད་པའི་ཐོག་ནས་བཅོས་ཐབས་གནང་དགོས་ཀྱི་རེད་ཅེས་ལམ་སྟོན་བསྩལ་འདུག དེ་བཞིན་༸གོང་ས་མཆོག་གིས་རྒྱ་གར་དང་བོད་པའི་དབར་ཆོས་ཕྱོགས་ནས་བླ་སློབ་ཀྱི་འབྲེལ་བ་ཡོད་སྐོར་བཀའ་གནང་པ་དང་འབྲེལ། དེང་གི་ཆར་ནུབ་ཕྱོགས་པའི་ཚན་རིག་པ་ཚོས་ཀྱང་རྒྱ་གར་གྱི་གནའ་བོའི་ལྟ་གྲུབ་དང་ཤེས་ཡོན་ལ་སློབ་སྦྱོང་གནང་གི་ཡོད་སྐོར་ཡང་བཀའ་བསྩལ་མཛད་ཡོད་པ་རེད། རྩ་བའི་ཁ་སང་ཚེས་ ༢༨ ཉིན་༸གོང་ས་མཆོག་བྷི་ཧར་གྱི་རྒྱལ་ས་པ་ཊ་ནཱར་༸ཞབས་སོར་བཀྲིན་བསྐྱངས་སྐབས་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ནི་ཏིཤ་ཀུ་མཱར་མཆོག་ནས་གནམ་ཐང་དུ་༸གང་ཉིད་མཆོག་གི་ཕེབས་བསུར་ཆེད་བཅར་ཞུས་ཡོད་པ་མ་ཟད། རྗེས་སུ་སྤྱི་ཁྱབ་བློན་མཆོག་ནི་ཏིཤ་ཀུ་མཱར་མཆོག་གིས་མགོན་པོ་མཆོག་ཁོང་གི་བཞུགས་གནས་སུ་གདན་ཞུས་ཀྱིས་ཉིན་དགུང་ལྗགས་སྨིན་འདེགས་འབུལ་གྱིས་ ལྷན་རྒྱས་གནང་ཡོད། ༸གང་ཉིད་མཆོག་ཉིན་རྒྱབ་ཚོུད་ ༣།༠༠ ཙམ་ལ་གྷ་ཡཱ་གནམ་ཐང་དུ་༸ཞབས་སོར་བདེ་བར་འཁོད་སྐབས་ས་གནས་རྫོང་དཔོན་དང་ཉེན་རྟོག་འགོ་དཔོན། རྒྱ་གར་གྱི་གནད་ཡོད་མི་སྣ་ཁག་ཅིག དེ་བཞིན་དུས་འཁོར་དབང་ཆེན་གོ་སྒྲིག་ཚོགས་ཆུང་གི་ཚོགས་གཙོ་དང་ཚོགས་གཞོན་བཅས་ཀྱིས་ཕེབས་བསུའི་སྣེ་ལེན་ཞུས་པ་མ་ཟད། རྡོ་རྗེ་གདན་གྱི་ཕེབས་ལམ་གཡས་གཡོན་དུ་ཕྱི་ནང་གི་དད་ལྡན་མང་ཚོགས་ཁྲི་ལ་ཉེ་བས་ཕྱག་ཏུ་དཀར་གཙང་གི་མཇལ་དར་དང་བདུག་སྤོས་སོགས་བསྣམས་ཏེ་དགའ་དད་སྤྲོ་གསུམ་འཁོད་པའི་ཐོག་ནས་ཕེབས་བསུ་གཟབ་རྒྱས་ཞུས་ཡོད་པ་རེད། དེ་རིང་ཟླ་ ༡༢ ཚེས་ ༢༩ ཉིན་སྔ་དྲོ་ཚོུ་ ༨།༥༠ ཙམ་ལ་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་གྱི་བྱང་ཆུབ་ཆེན་པོའི་མཆོད་རྟེན་དུ་ཆིབས་བསྒྱུར་གྱིས་རྟེན་གཙོ་སྟོན་པ་ཐུབ་པའི་དབང་པོའི་སྐུ་བརྙན་དྲུང་དུ་ཐུགས་སྨོན་མཛད་འདུག གཞན་ཡང་དེ་མཚུངས་ཨ་རིའི་ gallup.com ཞེས་པའི་ཚོགས་པ་གཅིག་གིས་ཨ་རིའི་མང་ཚོགས་ཁྲོད་ ༢༠༡༦ ལོའི་འཛམ་གླིང་ནང་གི་སྐྱེས་པ་དགའ་མོས་ཆེ་ཤོས་བྱ་ཡུལ་འོས་གྲངས་བསྡུས་རུབ་གནང་པའི་ཁྲོད། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཨང་དྲུག་པར་བདམས་ཐོན་བྱུང་འདུག འོས་གྲངས་ཁྲོད་ཨང་དང་པོ་ད་ལྟའི་སྲིད་འཛིན་ལས་ཐོག་སྐུ་ཞབས་ཨོ་བྷ་མ་མཆོག་དང་གཉིས་པར་བདམས་ཐོན་སྲིད་འཛིན་སྐུ་ཞབས་ཌོ་ནལ་ཊམ་མཆོག་སོགས་རེད་འདུག  

ཉན་པ།: Listen ཕབ་ལེན། Download སྦི་ཧར་སྤྱི་ཁྱབ་བློན་ཆེན་མཆོག་ནས་༸གོང་ས་མཆོག་ལ་འཚམས་འདྲིའི་ཕེབས་བསུ་ཞུས་འདུག དངོས་གྲུབ་རྡོ་རྗེ་ལགས་ནས་ལྷོ་ཨ་ཕྷི་རི་ཀའི་དོན་གཅོད་ཀྱི་ལས་འཁུར་བཞེས་པ། བོད་ཀྱི་གཞོན་ནུ་ལྷན་ཚོགས་ནས་རྡོ་རྗེ་གདན་དུ་གནས་སྐོར་གོ་སྒྲིག་སོགས་ཞབས་ཞུ་སྣ་མང་སྒྲུབ་བཞིན་པ། དུས་དབང་སྐབས་བཙན་བྱོལ་ནང་གི་གཞས་པ་གཞས་མ་༢༥ལྷག་འདུ་འཛོམས་གནང་གི་འདུག བཀའ་སློབ་ཀྱི་ལེ་ཚན། ༸གོང་ས་མཆོག་གིས་གཞན་ཕན་སྒྲུབ་གལ་སྐོར་བཀའ་བསྩལ་བ། Wednesday 28/12/2016 Bihar Chief Minister welcomes Dalai Lama in Bodh Gaya New representative takes charge of Office of Tibet, South Africa TYC engages in various social service activities in Bodh Gaya Over 25 Tibetan singers and musicians to gather in Bodh Gaya during Kalachakra FEATURE: Dalai Lama speech on kindness during Pema Kod and Phenpo ‘Tenshug’

༸གོང་ས་༸སྐྱབས་མགོན་ཆེན་པོ་མཆོག་གིས་ཉིན་ཤས་རྗེས་གནས་མཆོག་རྡོ་རྗེ་གདན་དུ་དཔལ་དུས་ཀྱི་འཁོར་ལོའི་དབང་ཆེན་བཀྲིན་བསྩལ་གཏན་འཁེལ་ཡོད་པ་དང་འབྲེལ། དེ་རིང་ཟླ་ ༡༢ ཚེས་ ༢༨ ཉིན་སྔ་ཐོག་ཚོུད་ ༡༡ སྟེང་༸གང་ཉིད་མཆོག་རྒྱལ་ས་ལྡི་ལི་ནས་མཁའ་ལམ་བརྒྱུད་རྒྱ་གར་བྱང་ཕྱོགས་མངའ་སྡེ་བྷི་ཧར་གྱི་རྒྱལ་ས་པ་ཊ་ནཱར་༸ཞབས་སོར་བདེ་བར་འཁོད་འདུག་པ་དང་། སྐབས་དེར་གནམ་ཐང་དུ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ནི་ཏིཤ་ཀུ་མཱར་མཆོག་ནས་འཚམས་འདྲིའི་ཕེབས་བསུ་ཞུས་འདུག སྤྱི་ཁྱབ་བློན་མཆོག་ནི་ཏིཤ་ཀུ་མཱར་མཆོག་གིས་མགོན་པོ་༸གང་ཉིད་མཆོག་ཁོང་གི་བཞུགས་གནས་སུ་གདན་ཞུས་ཀྱིས་ཉིན་དགུང་ལྗགས་སྨིན་འདེགས་འབུལ་དང་ཚོུད་ཕྱེད་ཀ་ལྷག་ཙམ་རིང་ལྷན་རྒྱས་བཀའ་མོལ་གནང་སྟེ་ལྷན་བཞུགས་གནང་འདུག ༸གོང་ས་མཆོག་པ་ཊ་ནཱར་༸ཞབས་སོར་བདེ་བར་འཁོད་བསྟུན་སྟོན་པ་རྗེས་དྲན་གྱི་སྐྱེད་མོས་ཚལ་དུ་ཆིབས་སྒྱུར་གྱིས་སྨོན་ལམ་གསུང་འདོན་མཛད་འདུག ༸གོང་ས་༸སྐྱབས་མགོན་ཆེན་པོ་མཆོག་གིས་རྒྱལ་ས་པ་ཊ་ནཱར་སྤྱི་ཁྱབ་བློན་མཆོག་དང་མཇལ་འཕྲད་གནང་གྲུབ་རྗེས་དཔལ་དུས་ཀྱི་འཁོར་ལོའི་དབང་ཆེན་བསྩལ་ཡུལ་གྷ་ཡཱའམ་གནས་མཆོག་རྡོ་རྗེ་གདན་དུ་ཉིན་རྒྱབ་ཚོུད་ ༣།༠༠ ཙམ་ལ་༸ཞབས་སོར་བདེ་བར་འཁོད་ཡོད་པ་དང་། སྐབས་དེར་རྡོ་རྗེ་གདན་གྱི་ཕེབས་ལམ་གཡས་གཡོན་དུ་ཕྱི་ནང་གི་དད་ལྡན་མང་ཚོགས་ཁྲི་ལ་ཉེ་བས་ཕྱག་ཏུ་དཀར་གཙང་གི་མཇལ་དར་དང་བདུག་སྤོས་སོགས་བསྣམས་ཏེ་དགའ་དད་སྤྲོ་གསུམ་འཁོད་པའི་ཐོག་ནས་ཕེབས་བསུའི་སེར་བང་སྒྲིག་འདུག ཤེས་རྟོགས་བྱུང་བར་སང་ཉིན་ནས་མགོན་པོ་༸གང་ཉིད་མཆོག་༸སྐུ་ངལ་གསོ་བཞུགས་ཀྱིས་ཕྱི་ལོ་ ༢༠༡༧ ཟླ་ ༡ ཚེས་ ༢ ཉིན་ནས་དཔལ་དུས་ཀྱི་འཁོར་ལོའི་དབང་ཆེན་ཐེངས་ ༣༤ བཀྲིན་བསྩལ་གནང་གི་ཡོད་པ་རེད།