Monthly Archives: November, 2016

ཉན་པ།: Listen ཕབ་ལེན། Download གཞས་པ་ཁ་རག་སྤེན་པ་ལགས་དང་གླེང་མོལ། Sunday 27/11/2016 In conversation with Tibetan singer Kharag Penpa

ཉན་པ།: Listen ཕབ་ལེན། Download རྒྱ་གར་ནང་ཁྲིམས་མཐུན་དངུལ་ཉར་ཕྱོགས་དང་བེད་སྤྱོད་གཏོང་ཕྱོགས། Saturday 26/11/2016 Demonetization and banking system in India

ཉན་པ།: Listen ཕབ་ལེན། Download རྡ་ས་ས་གནས་ཚོགས་སྡེ་ཁག་གི་འགོ་ཁྲིད་ཚོགས་ཆེན་ཐེངས་དང་པོ་དབུ་འཛུགས། བདེ་ཆེན་རྫོང་ཡན་མིན་གྲོང་སྡེའི་བོད་མི་རྣམས་བཙན་དབང་གིས་གནས་སྤོ་གཏོང་བཞིན་པར་ཞུ་གཏུག ཁྲི་ཟུར་ཟམ་གདོང་རིན་པོ་ཆེ་མཆོག་གིས་སེར་བྱེས་སློབ་གྲྭར་ལམ་སྟོན་གསུང་བཤད་གནང་པ། དཔལ་འབྱོལ་བཀའ་ཟུར་མཆོག་གིས་བོད་པའི་ཚོགས་པ་ཚོས་གནས་ཡུལ་རྒྱ་གར་གྱི་ཁྲིམས་སྒྲིག་ཤེས་རྒྱུ་གལ་ཆེ་ཡིན་པ་གསུངས་པ། རྒྱ་རིགས་འགྲོ་བ་མིའི་ཐོབ་ཐང་ཁྲིམས་རྩོད་པ་ Jiang Tianyong ལགས་ཤེས་རྟོགས་མེད་པར་འགྱུར་འདུག Friday 25/11/2016 First ever conference of Dharamsala Tibetan Local Leaders held Tibetans of Yamen village in Dechen County appeal local government against forced relocation Former Kalon Tripa speaks to Sera Jey middle school monks Workshop on Legal Aspects of NGO’s with Special Reference to FCRA underway Chinese rights activist Jiang Tianyong missing

དེ་རིང་ཟླ་ ༡༡ ཚེས་ ༢༥ ཉིན་བཞུགས་སྒར་བོད་ཀྱི་གསོལ་མགྲོན་ཁང་དུ་བོད་ཀྱི་བདེ་རྩ་ཚོགས་པས་གོ་སྒྲིག་འོག་དཔལ་འབྱོར་བཀའ་ཟུར་ཚེ་རིང་དོན་གྲུབ་མཆོག་གིས་བོད་པའི་ཚོགས་པ་ཁག་ལ་རྒྱ་གར་གཞུང་གི་ཁྲིམས་ཐོག་ཡོད་པའི་འབབ་ཁྲལ་འབུལ་ཕྱོགས་དང་། ཕྱི་དངུལ་ལེན་ཕྱོགས། དེ་བཞིན་སྤྱོད་ཕྱོགས་སོགས་དང་འབྲེལ་བའི་ཟབ་སྦྱོང་གནང་པའི་བརྒྱུད། བཙན་བྱོལ་བོད་མིའི་སྤྱི་ཚོགས་ནང་གི་ཚོགས་པ་ཁག་གིས་གནས་ཡུལ་རྒྱ་གར་གྱི་ཁྲིམས་དང་སྒྲིག་གཞི་ཤེས་དགོས་རྒྱུ་ཧ་ཅང་གི་གལ་ཆེ་ཡིན་པ་དང་།  གལ་ཏེ་ཁྲིམས་སྒྲིག་དང་དོ་མཉམ་པར་འགྲོ་མ་ཐུབ་ཚེ་དཀའ་ངལ་ནང་ལྷུང་ངེས་ཡིན་པ་རེད་ཅེས་གསུངས་སོང་། ཐེངས་འདིའི་ཟབ་སྦྱོང་ནང་རྡ་ས་ཉེ་འཁོར་གྱི་བོད་པའི་དགོན་སྡེ་ཁག་དང་། གཞུང་འབྲེལ་མིན་པའི་ཚོགས་ཁག  དེ་བཞིན་ལྡི་ལི་དང་ཅན་དི་གྷར་བཅས་ནས་ཚོགས་པ་ ༢༧ གྱི་ཚོགས་བཅར་ཁྱོན་ ༤༣ ཆེད་ཕེབས་གནང་འདུག བོད་ཀྱི་བདེ་རྩ་ཚོགས་པའི་འགན་འཛིན་ཚེ་རིང་དོན་གྲུབ་ལགས་ཀྱིས་དེ་ལྟར་གོ་སྒྲིག་ཞུ་དོན་གང་ཡིན་གསུངས་པར་བོད་པའི་སྤྱི་ཚོགས་ཁྲོད་ནས་གཞུང་འབྲེལ་མ་ཡིན་པའི་ཚོགས་པ་མང་པོ་ཞིག་གིས་རྣམ་ཀུན་ནས་ Foreign Contribution Regulation Act འམ་རྒྱ་གར་གྱི་ཁྲིམས་ཐོག་ཡོད་པའི་ཕྱི་དངུལ་ལེན་ཕྱོགས་དང་སྤྱོད་ཕྱོགས་སོགས་ལ་དོ་སྣང་དང་གོ་རྟོགས་དེ་ཙམ་མེད་པར་བརྟེན་ད་ལན་གྱི་ཟབ་སྦྱོང་འདི་ཆེད་མངགས་གོ་སྒྲིག་ཞུས་པ་ཡིན་ཅེས་གསུངས་སོང་། དེ་རིང་ཉིན་དང་པོའི་ཟབ་སྦྱོང་ཐོག་དཔལ་འབྱོར་བཀའ་ཟུར་ཚེ་རིང་དོན་གྲུབ་མཆོག་གིས་ཚོགས་བཅར་བ་ཚོར་གཞུང་འབྲེལ་མ་ཡིན་པའི་ཚོགས་པ་ཁག་ཁྲིམས་ཐོག་ནས་དེབ་སྐྱེལ་ཞུ་ཕྱོགས་དང་། ཁྲལ་འབབ་འབུལ་ཕྱོགས་སོགས་ཀྱི་ཐོག་ལ་ཟབ་ཁྲིད་གནང་ཡོད་པ་རེད། གཞི་རྩའི་བཞུགས་སྒར་དུ་ཡོད་པའི་བོད་ཀྱི་བདེ་རྩ་ཚོགས་པ་དེས་བཙན་བྱོལ་བོད་མིིའི་སྤྱི་ཚོགས་ཁྲོད་དུ་འཕྲོད་བསྟེན་དང་། ཤེས་ཡོན། དུད་འགྲོ་གཅེས་སྐྱོང་སོགས་ཀྱི་ལས་གཞི་སྣ་མང་ཐོག་ཞབས་ཞུ་སྒྲུབ་མུས་ཡིན་པ་རེད།

ཉན་པ།: Listen ཕབ་ལེན། Download སྲིད་སྐྱོང་མཆོག་གིས་ཁེ་ན་ཌའི་གྲོས་ཚོགས་སུ་བོད་ནང་གི་འགྲོ་བ་མིའི་ཐོབ་ཐང་གི་ཉན་ཞིབ་ཐོག་ལྷན་ཞུགས་གནང་འདུག ༸གོང་ས་མཆོག་གིས་སྐུ་ཞབས་ཊརམ་དང་མཇལ་འཕྲད་བྱུང་རྒྱུའི་ཐུགས་རེ་གནང་བཞིན་ཡོད་པ་བཀའ་བསྩལ་འདུག རྒྱལ་སྤྱིའི་གྲོས་ཚོགས་འཐུས་མི་ཁག་གིས་སོག་ཡུལ་གཞུང་ནས་༸གོང་ས་མཆོག་ཡུལ་དེར་གདན་ཞུས་གནང་པར་བསྔགས་བརྗོད། རྒྱ་གར་གྲོས་ཚོགས་ནང་རྒྱ་གཞུང་གིས་ཡར་ཀླུང་གཙང་པོའི་ཆུ་ཕྲན་བཀག་པའི་གནད་དོན་སྐོར་གླེང་པ། ལྡི་ལི་མངའ་སྡེའི་གཞུང་གིས་མེ་སྐྱོན་ཕོག་པའི་བོད་མི་སུད་ཚོང་པར་ཧིན་སྒོར་འབུམ་ ༡༣༨ གནང་འདུག འཕྲོད་བསྟེན་ཤེས་བྱ་ངོ་སྤྲོད། གསེར་ཁབ་སྐོར། Thuraday 24/11/2016 Sikyong testifies on Tibet’s critical situation at Canadian parliamentary committee hearing Dalai Lama has ‘No Worries’ about Trump’s Presidency, hopes to visit him after inauguration Parliamentarians on Tibet applaud Mongolia on Dalai Lama’s visit Indian parliamentarians express concern over China blocking Brahmaputra chanel Delhi donates 138 lakh INR to fire afflicted Lal Quilla sweater sellers HEALTH FEATURE: Golden Needle Therapy in Tibetan Medicine

ཟླ་བ་འདིའི་ཚེས་༢༣ ཉིན་རྒྱབ་རྒྱ་གར་གྱི་རྒྱལ་ས་ལྡི་ལིའི་མངའ་སྡེ་གཞུང་གི་ངོས་ནས་ཉེ་ཆར་ཚེས་༨ ཉིན་མེ་སྐྱོན་གྱི་གོད་ཆག་ཕོག་པའི་ལྡི་ལི་Lal Qila སུད་ཚོང་ཚོགས་པར་ཧིན་སྒོར་འབུམ་༡༣༨ ཀྱི་རོགས་སྐྱོར་གནང་འདུག་པ་དང་དེའང་ལྡི་ལི་མངའ་སྡེ་གཞུང་གིས་ཟས་ཆས་མཁོ་སྤྲོད་དང་ཁོར་ཡུག ཤིང་ནགས་བཅས་ཀྱི་བློན་ཆེན་སྐུ་ཞབས་Imran Hussain མཆོག་ཁ་སང་དངོས་སུ་བོད་མི་ཁྲོམ་ས་མེ་སྐྱོན་ཤོར་ཡུལ་དེར་ཕེབས་ཏེ་ཁྲོམ་ས་༡༣༨ ཡོད་པའི་ཁྲོམ་བདག་མི་རེ་ངོ་རེར་འབུམ་རེ་རེ་དངུལ་འཛིན་གསོལ་སྩལ་གནང་འདུག གཞི་རྩའི་ས་ཁང་མེ་སྐྱོན་ཤོར་བའི་གནས་ཚུལ་དེའི་ཁྲོད་ཤིམ་ལ་དང་བདེ་སྐྱིང་གླིང་། ཌ་ལོ་ཧོ་སི། ལྡི་ལི། དེ་བཞིན་ལྷ་ས་ཁ་ཆེའི་མི་ཚང་ ༣༠ ཙམ་གྱི་ཚོང་ཁང་བཅས་ཁྱོན་ཚོང་ཁང་ ༡༣༨ ཤུལ་མེད་བར་གྱུར་ཡོད་པ་དང་། བོད་མིའི་སྒྲིག་འཛུགས་བཀའ་ཤག་གི་ངོས་ནས་མེ་སྐྱོན་ཕོག་པའི་བོད་མི་སུད་ཚོང་བར་ཛ་དྲག་ངལ་སེལ་ཆེད་ཧིན་སྒོར་འབུམ་ ༡༥ དང་དེ་རྗེས་སླར་འབུམ་ ༣༠ གནང་ཡོད་པ་མ་ཟད། བོད་མི་མང་སྤྱི་འཐུས་ཚོགས་ཀྱི་ཀྱང་ངལ་སེལ་ཐེབས་རྩ་ནས་ཧིན་སྒོར་ ༧༠༠༠༠ ཐམ་པ་གསོལ་རས་གནང་ཡོད་པ་དང་། རྒྱལ་སྤྱིའི་ཁྱོན་ལ་གནས་པའི་བོད་མི་གཙོས་རྒྱལ་གར་སོགས་ནས་གདུང་སེམས་མཉམ་བསྐྱེད་ཀྱི་ཞལ་འདེབས་གནང་སོན་བྱུང་བཞིན་ཡོད་པ་རེད།

རྒྱལ་སྤྱིའི་གྲོས་ཚོགས་ཀྱི་བོད་དོན་འབྲེལ་མཐུད་ཚོགས་པས་སོག་པོའི་གཞུང་གིས་༸གོང་ས་མཆོག་སོག་ཡུལ་དུ་ཆིབས་སྒྱུར་བསྐྱང་ཆེད་རྒྱ་ནག་གཞུང་གི་གནོན་ཤུགས་ལ་མ་ལྟོས་པར་མཐུན་འགྱུར་ཞུས་པར་བསྔགས་བརྗོད་ཞུས་འདུག དེ་ཡང་རྒྱལ་སྤྱིའི་གྲོས་ཚོགས་ཀྱི་བོད་དོན་འབྲེལ་མཐུད་ཚོགས་པས་ཁ་སང་བསྒྲགས་གཏམ་ཞིག་སྤེལ་འདུག་པའི་ནང་། ༸གོང་ས་མཆོག་ཉེ་ཆར་སོག་ཡུལ་ནང་དུ་ཆིབས་བསྒྱུར་གྱིས་ཁུལ་དེའི་སོག་པོ་ནང་པ་ཚོར་གསུང་ཆོས་བསྩལ་ཐུབ་པར་སོག་ཡུལ་གཞུང་ལ་བསྔགས་བརྗོད་ཞུས་པ་དང་སྦྲགས། ལྷག་དོན་དུ་རྒྱ་གཞུང་གིས་དགག་བྱེད་པར་ལྟོས་མེད་སོག་ཡུལ་གཞུང་ནས་རྒྱལ་ཁབ་ཀྱི་རིན་ཐང་ལ་བརྩི་བཀུར་ཞུས་ཏེ་མགོན་པོ་མཆོག་ཡུལ་དེར་གདན་ཞུས་གནང་པ་ལྟར། སོག་པོའི་གཞུང་མིག་དཔེར་བཟུང་ནས་ནང་པའི་རྒྱལ་ཁབ་གཞན་ཚོས་ཀྱང་༸གོང་ས་མཆོག་གདན་འདྲེན་ཞུ་ཐབས་གནང་དགོས་པའི་འབོད་སྐུལ་གནང་འདུག དེ་བཞིན་ཨོ་སི་ཊོ་ལི་ཡའི་གྲོས་ཚོགས་འཐུས་མི་ལྕམ་ Lisa Singh ལགས་ནས་ཀྱང་རང་གི་ Twitter དྲ་གནས་ཐོག་ ཉེ་ཆར་སོག་པོའི་སྲིད་གཞུང་གིས་མགོན་པོ་མཆོག་སོག་ཡུལ་དུ་གདན་ཞུས་ཀྱིས་ཕེབས་བསུ་གཟབ་རྒྱས་ཞུས་པར་དགའ་བསུ་དང་གཞུང་དེ་ཉིད་ཀྱི་ལངས་ཕྱོགས་བརྟན་པོར་འཛིན་པར་བསྔགས་བརྗོད་ཀྱང་ཞུས་འདུག གཞན་ཡང་ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གི་དྲ་རྒྱའི་ཐོག་འགན་འཛིན་གཞོན་པ་བུ་ཆུང་ཚེ་རིང་ལགས་ནས་ཀྱང་ཉེ་ཆར་སོག་ཡུལ་དུ་༸གོང་ས་མཆོག་གིས་མཛད་འཕྲིན་བསྐྱངས་པ་འདི་གལ་གནད་ཆེན་པོ་ཆགས་ཡོད་སྐོར་ལ་དཔྱད་རྩོམ་ཞིག་སྤེལ་འདུག་པ་དང་། དེའི་ནང་ ༸གོང་ས་མཆོག་དེ་སྔ་ ༡༩༥༩ ནས་བཟུང་བོད་མི་ཁོ་ནའི་ཆོས་ཕྱོགས་ཀྱི་དབུ་ཁྲིད་ཞིག་ལ་ངོས་འཛིན་གནང་བཞིན་ཡོད་ནའང་། ད་ཆ་རྒྱུན་སྲོལ་གྱི་བསམ་བློ་དེ་རིམ་བཞིན་འགྱུར་བ་ཕྱིན་ནས་མགོན་པོ་མཆོག་ལ་དད་གུས་བྱེད་མཁན་ཤར་ཕྱོགས་དང་ནུབ་ཕྱོགས་རྒྱལ་ཁབ་ཁག་ཙམ་མིན་པར་རྒྱལ་སྤྱིའི་ཡུལ་གྲུ་གང་ས་ནས་ཇེ་མང་དུ་འགྲོ་བཞིན་ཡོད་པ་སོགས་གསལ་བཏོན་གནང་འདུག དཔྱད་རྩོམ་དེའི་ནང་ཁོང་གིས་ད་དུང་སོག་ཡུལ་ལྟར་བུར་ཆ་མཚོན་ན་ལོ་རྒྱུས་ཀྱི་ཐོག་ནས་སོག་ཡུལ་མི་མང་དང་༸གོང་ས་མཆོག་གི་དབར་ལ་ཐུན་མིན་གྱི་འབྲེལ་བ་གཏིང་ཟབ་ཡོད་ཅིང་། དེ་མཚུངས་སོག་ཡུལ་མི་མང་ཁྲོད་ནས་མང་ཆེ་བ་ནང་ཆོས་ཀྱི་རྗེས་འཇུག་པ་ཞིག་ཡིན་སྟབས། ད་ལན་གྱི་ཆིབས་བསྒྱུར་སྐབས་མང་ཚོགས་ཀྱིས་༸གང་ཉིད་མཆོག་ལ་དད་གུས་ཀྱི་རྣམ་པ་མངོན་གསལ་གནང་ཐོག་གནམ་གཤིས་གྲང་ངར་ལ་མ་ལྟོས་པར་ས་ཐག་རིང་པོ་ནས་མགོན་པོ་མཆོག་གི་དྲུང་ནས་བཀའ་ཆོས་ཞུ་རྒྱུ་དང་ཞལ་མཇལ་ཐོབ་ཕྱིར་ཆེད་བཅར་ཞུས་ཡོད་སྐོར་སོགས་བཀོད་འདུག ལྷག་དོན་དུ་རྒྱ་ནག་གཞུང་ནས་དུས་ཡུན་རིང་པོར་༸གོང་ས་མཆོག་ལ་འགྲེལ་བརྗོད་ལོག་པ་བརྒྱབ་ཏེ། ༸སྐུ་ཉིད་མཆོག་དཀའ་རྙོག་སེལ་རྒྱུའི་ཐབས་ལམ་ལས་དཀའ་ངལ་བཟོ་གཞི་ཞིག་ལ་ངོས་འཛིན་གྱིས་དཔལ་འབྱོར་གྱི་སྟོབས་ཤུགས་ངོམ་པའི་ཐོག་ནས་མགོན་པོ་མཆོག་འཛམ་གླིང་ཡུལ་གྲུ་འདྲ་མིན་ནང་ཆིབས་བསྒྱུར་མཛད་རྒྱུར་བཀག་འགོག་བྱེད་བཞིན་ཡོད་སྟབས། འཛམ་གླིང་ཐོག་ཡོད་པའི་རྒྱལ་ཁབ་ཆེ་གྲས་གཞན་ཚོས་རྒྱ་གཞུང་གིས་གནོན་ཤུགས་ལ་མགོ་འགུར་ཡོད་པ་མངོན་གསལ་དང་སྦྲགས་ད་ལན་སོག་པའི་སྲིད་གཞུང་གིས་རྒྱ་གཞུང་གིས་གནོན་ཤུགས་འོག་ཏུ་མ་ཕྱིན་པ་དེས་དོན་དངོས་ཐོག་ཡུལ་དེའི་འགོ་ཁྲིད་རྣམ་པས་སོག་ཡུལ་རྒྱལ་ཁབ་ཀྱི་རྩ་འཛིན་དང་རིན་ཐང་ཁག་སྲུང་སྐྱོབ་བྱས་པ་ཞིག་མཚོན་གྱི་ཡོད་སྐོར་བརྗོད་འདུག ལར་ནས་བུ་ཆུང་ཚེ་རིང་ལགས་ཀྱིས་དཔྱད་རྩོམ་དེའི་བརྒྱུད་ད་ལན་སོག་ཡུལ་གྱི་སྙིང་སྟོབས་ལྡན་པའི་དམིགས་དཔེར་བཟང་པོ་དེ་རིམ་བཞིན་རྒྱལ་ཁབ་གཞན་ཚང་མའི་ནང་ལ་ཁྱབ་ཐུབ་པ་གནང་སྟེ་ནམ་ཞིག་རྒྱ་ནག་ནང་ལ་ཡོད་པའི་རྒྱ་རིགས་ནང་པ་ཚོའི་ངོས་ནས་ཀྱང་མགོན་པོ་མཆོག་གི་དྲུང་ནས་གསུང་ཆོས་ཞུ་ཕྱིར་རྒྱ་གཞུང་གི་གནོན་ཤུགས་འོག་མ་ཚུད་པར་བཀའ་ཆོས་ཞུ་ཐུབ་རྒྱུར་འབད་དགོས་གལ་ཡིན་པ་ནན་བརྗོད་གནང་འདུག