Monthly Archives: October, 2016

ཁ་སང་ཟླ་ ༡༠ ཚེས་ ༢༧ ཉིན་རྒྱལ་སྤྱིའི་ཆོས་དད་རང་དབང་ཉིན་མོའམ་ International Religious Freedom Day དང་བསྟུན། All Party Parliamentary Group for Tibet ཞེས་དབྱིན་ཡུལ་གྲོས་ཚོགས་བོད་དོན་རྒྱབ་སྐྱོར་ཚོགས་པས་རྒྱ་གཞུང་ལ་བོད་གསེར་རྟ་བླ་རུང་ཆོས་སྒར་དུ་གཏོར་བཤིག་གི་ལས་གཞི་རྒྱ་ཆེ་སྤེལ་བཞིན་པ་འཕྲལ་མར་མཚམས་འཇོག་དགོས་པའི་དགོས་འདུན་ཁག་ཅིག་མངོན་བཏོན་གནང་འདུག དེ་ཡང་ཁ་སང་  Tibet Society ཞེས་དབྱིན་ཡུལ་བོད་དོན་རྒྱབ་སྐྱོར་ཚོགས་པའི་དྲ་གནས་ཐོག་དབྱིན་ཡུལ་ནང་གི་ཆབ་སྲིད་ཚོགས་པ་འདྲ་མིན་གྱི་གྲོས་ཚོགས་འཐུས་མི་ལས་གྲུབ་པའི་བོད་དོན་རྒྱབ་སྐྱོར་ཚོགས་པས་གསར་འགོད་བསྒྲགས་གཏམ་ཞིག་འདོན་སྤེལ་གནང་པའི་ནང་འཁོད་དོན་ལ། བོད་ཤར་ཕྱོགས་ཁུལ་དུ་རྒྱ་ནག་གཞུང་གིས་བཀོད་སྒྲིག་འོག་བོད་མིའི་ཆོས་དད་རང་དབང་ལ་དམ་དབསྒྲགས་ཀྱི་ལས་གཞི་སྣ་མང་ཞིག་སྤེལ་བཞིན་པའི་གནས་ཚུལ་རིམ་པ་འབྱོར་ཁག་ལ་བློ་འཚབ་ཀྱི་རྣམ་པ་ཤུགས་ཆེ་བཏོན་པ་དང་འབྲེལ། རྒྱ་ནག་གཞུང་ལ་བླ་རུང་ནང་བསྟན་སློབ་གླིང་ཆོས་སྒར་དང་ཡར་ཆེན་སྒར་གཉིས་སུ་གྲྭ་ཤག་གཏོར་བཤིག་དང་གྲྭ་བཙུན་ཕྱིར་ཕུད། དེ་བཞིན་དགོན་པའི་འཛིན་སྐྱོང་གི་ལས་དོན་ལ་ཐེ་བྱུས་བྱེད་པའི་ལས་དོན་ཁག་འཕྲལ་དུ་མཚམས་འཇོག་དགོས་པ་མ་ཟད། དགོན་པ་ནས་ཕྱིར་ཕུད་བཏང་ཟིན་པ་རྣམས་རང་དགོན་དུ་ཕྱིར་ལོག་གནང་བཅུག་སྟེ་གཏོར་བཤིག་བཏང་པའི་གྲྭ་ཤག་རྣམས་བསྐྱར་བཟོ་དགོས་པའི་དགོས་འདུན་བཏོན་གནང་འདུག དབྱིན་ཡུལ་གྲོས་ཚོགས་བོད་དོན་རྒྱབ་སྐྱོར་ཚོགས་པས་དབྱིན་ཡུལ་གཞུང་འཛིན་པ་རྣམས་ལ་རྒྱ་ནག་དང་ལྷན་དུ་གནད་དོན་དེའི་ཐོག་ཐད་ཀར་གླེང་སློང་གནང་པ་དང་འབྲེལ་དབྱིན་གཞུང་གི་རུ་ཁག་གཅིག་བོད་ནང་དང་། ལྷག་པར་དུ་བླ་རུང་ཆོས་སྒར་དང་ཡར་ཆེན་སྒར་བཅས་ལ་བཀག་སྡོམ་གང་ཡང་མེད་པར་བསྐྱོད་ཆོག་པར་གནོན་ཤུགས་སྤྲོད་དགོས་པ་དང། རྒྱ་ནག་གཞུང་ལ་རང་རྒྱལ་ཁབ་ཀྱི་ཁྲིམས་དང་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཡོངས་ཁྱབ་གསལ་བསྒྲགས་ནང་གསལ་ལྟར་མང་ཚོགས་ལ་ཆོས་དད་རང་དབང་སྤྲོད་དགོས་པར་དྲན་གསོའང་གནང་དགོས་པ་མ་ཟད། ལྷག་དོན་བླ་རུང་སྒར་གི་གནས་སྟངས་དང་འབྲེལ་རྒྱ་གཞུང་གིས་བོད་མིའི་ཆོས་དད་རང་དབང་བརྩི་མེད་རྡོག་རོལ་གཏོང་བཞིན་པའི་གནས་སྟངས་ལ་བློ་འཚབ་ཤུགས་ཆེ་ཡོད་པའི་ཡོངས་ཁྱབ་བསྒྲགས་གཏམ་ཞིག་སྤེལ་དགོས་པ་སོགས་གསུངས་འདུག རྩ་བའི་ APPGT ཞེས་དབྱིན་ཡུལ་གྲོས་ཚོགས་བོད་དོན་རྒྱབ་སྐྱོར་ཚོགས་པ་དེ་ཐོག་མར་ཕྱི་ལོ་ ༡༩༨༦ ལོར་གསར་བཙུགས་གནང་ཞིང་། དབྱིན་ཡུལ་ཁུལ་དུ་བོད་མི་དང་བོད་དོན་ལ་རྒྱབ་སྐྱོར་ཡོད་པའི་གྲོས་ཚོགས་འཐུས་མི་དང་དཔོན་རིགས་རྣམས་ལས་གྲུབ་པའི་ཚོགས་པ་ཞིག་ཡིན་པ་རེད།  ཚོགས་པ་དེའི་དམིགས་ཡུལ་གཙོ་བོ་ནི་བོད་དེ་རྒྱ་ནག་གི་དབང་བསྒྱུར་བྱས་པའི་རྒྱལ་ཁབ་གཅིག་དང་། ལོ་རྒྱུས་སུ་རང་བཙན་གྱི་གནས་བབ་འོག་དབྱིན་ཡུལ་དང་འབྲེལ་བ་ཡོད་པའི་རྒྱལ་ཁབ་ཞིག་ལ་ངོས་འཛིན་ཞུས་ཏེ་དབྱིན་ཡུལ་གཞུང་ལ་གནོན་ཤུགས་སྤྲོད་ནས་བོད་རྒྱ་གཉིས་དབར་གྲོས་མོལ་གྱི་མཐུན་འགྱུར་བསྐྲུན་རྒྱུ་དེ་ཡིན་པ་རེད།

ཉན་པ།: Listen ཕབ་ལེན། Download དབྱིན་ཡུལ་གྲོས་ཚོགས་འཐུས་མི་ཁག་ཅིག་ནས་བླ་རུང་སྒར་གཏོར་མཚམས་འཇོག་དགོས་པའི་དགོས་འདུན་བཏོན་འདུག རིག་གནས་གསར་བརྗེ་དྲན་གསོའི་པར་རིས་འགྲེམས་སྟོན། ཅེཀ་རིག་གཞུང་བློན་ཆེན་ནས་༸གོང་ས་མཆོག་མཇལ་ཁ་ཞུས་པར་བརྟེན་ཁོང་གི་ཨ་ཁུར་གཟེངས་རྟགས་ཕྱིར་འཐེན། ཞི་ཅིང་ཕིང་ལ་སྲོག་ཤིང་འགོ་ཁྲིད་ཅེས་པའི་གོ་གནས་ཆེན་པོ་ཞིག་སྤྲད་འདུག དམིགས་བསལ་ལེ་ཚན། སྐེ་རགས་བོད་ཀྱི་དཔེ་གསར་གྱོན་ཆས་བཟོ་ཚོང་ཁང་། Friday 28/10/2016 UK Parliamentarians urge China to halt demolition of Larung Gar Revisiting the ‘Cultural Revolution in Tibet’: Exhibition in Dharamsala Czech President's snub of holocaust survivor outrages countrymen Xi Jinping declared Core Leader by CCP DIASPORA FEATURE: ‘KERAA’ Tibetan clothing designer and manufacturer

ཉན་པ།: Listen ཕབ་ལེན། Download ཨ་རིའི་སྐུ་ཚབ་དོན་གཅོད་མཆོག་ནས་བོད་དོན་དམིགས་བསལ་འབྲེལ་མཐུད་པ་དང་མཇལ་འཕྲད་ཞུས་འདུག སྲིད་སྐྱོང་མཆོག་གིས་ India Ideas ལྷན་ཚོགས་ཐོག་གསུང་བཤད་གནང་གི་འདུག སེམས་གུ་ཡངས་གློག་བརྙན་དུས་སྟོན་ཐེངས་ ༡༢ དབུ་འཛུགས། རྒྱ་ནག་དེ་བཞིན་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་སུ་གདམ་རྒྱུ་མེད་པའི་ཞུ་འབོད། ཤེས་རིག་ལས་ཁུངས་ནས་ཕྲུག་གྲངས་༨༥༠ཙམ་ལ་ཡར་ཐོན་ཚོང་ལས་སྐོར་ཟབ་སྦྱོང་གནང་འདུག འཕྲོད་བསྟན་ཤེས་བྱ་ངོ་སྤྲོད། བྱིས་པའི་སྔོན་འགོག་ཁབ་སྐོར། Thursday 27/10/2016 Representative Penpa Tsering meets US Special Coordinator for Tibet Sikyong to speak at 3rd India Ideas Conclave 12th Annual Free Spirit Film Festival begins at Dharamsala End China’s membership on UNHRC: Chinese Human Rights Defenders DoE holds Entrepreneurship Awareness program in Tibetan secondary schools HEALTH FEATURE: Nurse Yangchen la speaks on Immunization

ཉན་པ།: Listen ཕབ་ལེན། Download སྲིད་སྐྱོང་མཆོག་གིས་རྒྱ་གར་མང་ཚོགས་ལ་ དྷི་ཝ་ལིའི་ འཚམས་འདྲི་གནང་སོང་། གྲྭ་འཇིགས་མེད་རྒྱ་མཚོ་ལགས་བཙོན་བཀྲོལ་བཏང་འདུག རྒྱ་ནག་གཞུང་ནས་ཞལ་འདེབས་བླང་རྒྱུར་དོགས་ཟོན་བྱ་དགོས་པ་གསུངས་འདུག འབྲས་སྤུངས་དགོན་ཕྱག་བཏབ་ནས་ལོ་ངོ་ ༦༠༠ འཁོར་བའི་རྗེས་དྲན། བོད་ནང་གངས་རུད་མི་འདྲ་བ་གཉིས་ཀྱི་རྒྱུ་རྐྱེན་རྩད་གཅོད་གཏོང་བཞིན་པ། དམིགས་བསལ་ལེ་ཚན། ༸གོང་ས་མཆོག་གིས་DC ནང་གི་བོད་རིགས་མང་ཚོགས་ལ་བསྩལ་བའི་བཀའ་སློབ། Wednesday 26/10/2016 Sikyong sends Diwali greetings to Indian friends Labrang Jigme Gyatso released from prison Alarm raised over China’s influence in Australia’s higher education sector Twin ice avalanches in Tibet leave scientists baffled Drepung monastery begins preliminary ceremonies of its 600th Anniversary FEATURE: Dalai Lama’s speech to DC Tibetans in 2016

Diwali འམ་རྒྱ་གར་གྱི་མཆོད་མེའི་ཕྲེང་བ་འབུལ་བའི་ཧིན་དྷུའི་ཆོས་ཕྱོགས་ཀྱི་དུས་ཆེན་སླེབས་ལ་ཉེ་མཚམས་འདིར། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་དེ་རིང་བོད་མི་ཡོངས་ཀྱི་ཚབ་ཞུས་ནས་རྒྱ་གར་དམངས་ཚོགས་ཀུན་ལ་ Diwali དགའ་སྟོན་ཉིན་མོར་བཀྲ་ཤིས་པའི་འཚམས་འདྲི་གནང་པ་དང་། རྒྱ་གར་རྒྱལ་ཁབ་ཆེན་པོ་དེ་བཞིན་ནུས་སྟོབས་འཕེལ་ཞིང་། བརྟན་ལྷིང་བདེ་སྐྱིད་དང་ལྡན་པ་ཞིག་ཡོང་བའི་རེ་སྨོན་ཞུ་རྒྱུ་ཡིན་པ་གསུངས་གནང་སོང་།   འདི་ལོའི་ Diwali དུས་ཆེན་དེ་ནི་ཟླ་བ་འདིའི་ཕྱི་ཚེས་༣༠འི་ཉིན་འཁྱེལ་ཡོད་པ་ལྟར། ད་ཆ་རྒྱ་གར་བ་མང་ཆེ་བས་ཕྱི་ནང་གད་ཕྱིས་བྱེད་དེ་ཁྲོམ་ནས་མངར་ཟས་སོགས་ཉོ་ཆ་སྣ་ཚོགས་རྒྱག་བཞིན་པའི་དུས་སྐབས་ཡིན་པ་རེད། དུས་ཆེན་དངོས་གཞི་ཉིན་མོར་དད་ལྡན་པ་ཚོས་གོན་ཆས་སོགས་ལེགས་པར་སྤྲད་ནས་ལྷ་ཁང་དང་མཆོད་ཁང་། དེ་བཞིན་ཚོང་ཁང་སོགས་སུ་མཆོད་མེའི་ཕྲེང་བ་སྐར་ཚོགས་ས་ལ་རྒྱན་པ་ལྟར་དུས་ཚིགས་བརྩི་སྲུང་ཞུ་གནང་ཡོད་པ་རེད། རྩ་བའི་ Diwali འམ་མཆོད་མེའི་ཕྲེང་བ་འབུལ་བའི་ཆོས་ཕྱོགས་ཀྱི་དུས་ཆེན་དེ་ནི་གཙོ་བོ་རྒྱ་གར་གྱི་ Ramayan གཏམ་རྒྱུད་ལས་སྐྱེས་བུ་དམ་པ་ Ram ལོ་ ༡༤རིང་ནགས་ཚལ་དུ་བཞུགས་གྲུབ་རྗེས་ Ayodhya ཕོ་བྲང་དུ་ཚུར་ཕེབས་སྐབས་འབངས་མང་ཚོགས་ནས་ Ram ལ་ཕེབས་བསུ་ཞུ་བའི་དགའ་སྟོན་ཉིན་མོ་ཞིག་ཏུ་ངོས་འཛིན་གནང་གི་ཡོད་པ་དང་། ཉིན་དེར་རྒྱ་གར་བ་མང་ཆེ་བས་ཚོང་ལོ་གསར་པ་འགོ་འཛུགས་དང་འབྲེལ། Lakshmi འམ་ལྷ་མོ་དཔལ་མོར་གསོལ་འདེབས་སྨོན་ལམ་དང་མཆོད་པ་ཕུལ་ཏེ་དུས་ཆེན་སྲུང་བརྩི་ཞུས་ཀྱི་ཡོད་པ་རེད་འདུག

རྒྱ་གར་བྱང་ཤར་ ཨ་རུ་ན་ཅལ་ མངའ་སྡེའི་སྤྱིའི་ཁྱབ་བློན་ཆེན་སྐུ་ཞབས་ པདྨ་མཁའ་འགྲོ་མཆོག་ནས་༸གོང་ས་༸སྐྱབས་མགོན་ཆེན་པོ་མཆོག་ཁུལ་དེར་ཆིབས་སྒྱུར་གསོལ་འདེབས་ཞུས་ཡོད་པ་ལྟར། ཉིན་ཤས་གོང་རྒྱ་གར་དབུས་གཞུང་ནས་མགོན་པོ་མཆོག་མངའ་སྡེ་དེ་གར་ཆིབས་སྒྱུར་བསྐྱངས་ཆོག་པའི་ཆོག་མཆན་ཕུལ་འདུག དེ་རིང་ Deccan Herald སོགས་རྒྱ་གར་གྱི་གསར་གནས་ཁག་ཅིག་གི་ཐོག་གནས་ཚུལ་ཐོན་པར། ཉིན་ཤས་གོང་སྟེ་ཕྱི་ཚེས་ ༢༡ ཉིན་རྒྱ་གར་ནང་གི་ཨ་རིའི་གཞུང་ཚབ་པ་ཆེན་མོ་སྐུ་ཞབས་ Richard Verma མཆོག་ཨ་རུ་ན་ཅལ་རྟ་དབང་དུས་སྟོན་དུ་ཕེབས་པའི་ཐད་རྒྱ་ནག་གཞུང་ནས་ཨ་རི་དང་རྒྱ་གར་གཞུང་ལ་སྐྱོན་བརྗོད་ཤུགས་ཆེ་བྱས་ཡོད་པའི་དུས་མཚམས་འདིར། རྒྱ་གར་དབུས་གཞུང་ནས་༸གོང་ས་མཆོག་མངའ་སྡེ་དེ་གར་ཆིབས་སྒྱུར་བསྐྱངས་ཆོག་པའི་ཆོག་མཆན་ཕུལ་ཡོད་སྟབས་རྒྱ་ནག་གཞུང་ཁོང་ཁྲོ་ལངས་ངེས་ཡིན་པ་གསུངས་འདུག རྩ་བའི་རྒྱ་ནག་གཞུང་ནས་ད་རེས་ཨ་རིའི་གཞུང་ཚབ་པ་ཆེན་མོ་ཨ་རུ་ན་ཅལ་དུ་ཕེབས་པའི་ཐད་ལ་སྐྱོན་བརྗོད་ཤུགས་ཆེ་ཡོད་སྐོར་བཤད་པ་དང་སྦྲགས། ས་ཁུལ་དེ་ནི་རྒྱ་དཀར་ནག་གཉིས་དབར་རྩོད་གཞི་ཅན་ཆགས་ཡོད་པ་བཤད་འདུག འོན་ཀྱང་རྒྱ་གར་གཞུང་ནས་པེ་ཅིང་གི་གང་བཤད་པ་ལ་ཁས་ལེན་མ་བྱེད་པར་ཨ་རུ་ན་ཅལ་ནི་རྒྱ་གར་གྱི་ཁ་བྲལ་ཐབས་མེད་པའི་ས་མཚམས་མངའ་ཁུལ་ཞིག་ཡིན་པ་གསུངས་འདུག    ད་དུང་པེ་ཅིང་ནས་ད་རེས་ཨ་རིས་རྒྱ་དཀར་ནག་གཉིས་དབར་ཐེས་བྱུས་བྱས་པ་དེས་ད་བར་ཕྱོགས་གཉིས་བར་ལ་ལྷིང་འཇགས་པའི་ས་མཚམས་ཀྱི་དཀའ་རྙོག་དེ་སླར་ཡང་དཀྲུག་ནས་ཉེན་འཚབ་ཆེ་རུ་གཏོང་རྐྱེན་ཞིག་ཏུ་བཤད་པའི་ཐད་རྒྱ་གར་ཕྱི་སྲིད་ལས་ཁུངས་ཀྱི་མགྲིན་་ཚབ་པ་ Vikas Swarup མཆོག་གིས་རྒྱ་གར་ནང་གི་ཨ་རིའི་གཞུང་ཚབ་ཆེན་མོ་ཞིག་རྒྱ་གར་ས་ཁུལ་ཞིག་ཏུ་ཕེབས་པ་ལ་ཧ་སངས་དགོས་ཡག་གང་ཡང་ཡོད་མ་རེད་ཅེས་ལན་འདེབས་གནང་འདུག ད་རེས་ཨ་རིའི་གཞུང་ཚབ་པ་ཆེན་མོ་མཆོག་དང་དེ་བཞིན་༸གོང་ས་མཆོག་ཨ་རུ་ན་ཅལ་མངའ་སྡེར་ཆིབས་སྒྱར་བསྐྱང་རྒྱུའི་གནད་དོན་ལས། སླར་ཡང་རྒྱ་དཀར་ནག་གཉིས་དབར་དུས་ཡུན་རིང་ཞིག་ནས་ལྷག་ཡོད་པའི་ས་མཚམས་ཀྱི་དཀའ་རྙོག་ཐོག་དོ་སྣང་དང་གླེང་སློང་བྱུང་གཞི་ཞིག་ཏུ་གྱུར་འདུག གཞི་རྩའི་༸གོང་ས་མཆོག་ལོ་རྗེས་མའི་ཕྱི་ཟླ་༣ པའི་ནང་ཨ་རུ་ན་ཅལ་མངའ་སྡེར་ཆིབས་བསྐྱང་གི་ཡོད་པ་དེ་ནི་ཁུལ་དེར་ཆིབས་སྒྱུར་བསྐྱངས་ཐེངས་གཉིས་པ་ཆགས་ཀྱི་འདུག དེ་སྔ་༢༠༠༩་ལོར་ད་ལྟའི་སྤྱི་ཁྱབ་བློན་ཆེན་པདྨ་འགྲོ་མཆོག་གིས་ཡབ་དམ་པ་རྡོ་རྗེ་མཁའ་འགྲོ་མཆོག་མངའ་སྡེའི་སྤྱི་ཁྱབ་བློན་ཆེན་གནང་སྐབས་སུ་༸གོང་ས་མཆོག་ས་གནས་སུ་གདན་འདྲེན་ཞུས་ཡོད་པ་རེད།

ཉན་པ།: Listen ཕབ་ལེན། Download རྒྱ་གར་དབུས་གཞུང་ནས་༸གོང་ས་མཆོག་ཨ་རུ་ན་ཅལ་ནང་ཕེབས་རྒྱུའི་ཆོག་མཆན་ཕུལ་འདུག ༸གོང་ས་མཆོག་མེ་སོར་གཙུག་ལག་སློབ་གྲྭའི་བསླབ་པ་མཐར་སོན་གྱི་མཛད་སྒོར་དབུ་བཞུགས་མཛད་རྒྱུ་རེད་འདུག རྒྱ་ནག་དེ་བཞིན་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་རྒྱུན་ལས་ཁོངས་གདམ་རྒྱུ་མེད་སྐོར་གསུངས་འདུག རྒྱ་གར་བྱང་ཤར་ཁུལ་དུ་དབུ་མའི་ལམ་སྐོར་ཟབ་སྦྱོང་གནང་བཞིན་འདུག རྔ་བ་ཀིརྟི་དགོན་དུ་ཚད་མའི་དགུན་ཆོས་ཆེན་མོ་མཇུག་སྒྲིལ་གནང་འདུག གླུ་གཞས་ལས་རིམ། གཞས་པ་བསོད་ནམས་སྟོབས་ལྡན་ལགས་ཀྱིས་བླངས་པའི་ Tuesday 25/10/2016 Indian Government okays Dalai Lama’s visit to Arunachal Dalai Lama to address University of Mysore convocation Say no to China’s membership on the UN Human Rights Council: Yang Jianli DIIR holds two-day workshop on ‘Umaylam’ at Gangtok 10th Winter Debate Session at Kirti Monastery concludes MUSIC FEATURE: Sonam Topten and his song ‘Palkyi la’

ཉན་པ།: Listen ཕབ་ལེན། Download ༸གོང་ས་མཆོག་ཡོ་རོབ་རྒྱལ་ཁབ་ལྔའི་ནང་མཛད་འཕྲིན་ལེགས་སྒྲུབ་ཀྱིས་བཞུགས་སྒར་དུ་༸ཞབས་སོར་བདེ་བར་འཁོད་པ། ༸གོང་ས་མཆོག་གིས་བོད་མི་ཚོས་བོད་ཀྱི་སྐད་ཡིག་ཉར་ཚགས་ཐུབ་པ་གནང་རྒྱུ་གལ་ཆེ་ཡིན་པ་བཀའ་བསྩལ་འདུག ཀརྨ་པ་རིན་པོ་ཆེ་མཆོག་གིས་བོད་མི་ཚོས་རང་མི་རིགས་ཀྱི་རིག་གཞུང་ལ་མཐའ་གཅིག་ཏུ་བློ་དཀར་སེམས་དཀར་བྱེད་དགོས་ཅེས་གསུངས་སོང་། རྡ་རམ་ས་ལ་རྒྱལ་སྤྱིའི་གློག་བརྙན་དུས་སྟོན་ཐེངས་ལྔ་པ་རྡ་སྟེང་བོད་ཁྱིམ་སློབ་གྲྭར་འཚོག་རྒྱུ། བོད་དོན་སྦག་སྦག་སྐོར་བསྐྱོད་ཀྱི་ལས་འགུལ་བ་རྣམས་སྦེལ་ཀོབ་དུ་འབྱོར་འདུག Monday 24/10/2016 Dalai Lama returns to Dharamsala after completing Europe trip Dalai Lama speaks to Tibetans in and around Italy Karmapa Rinpoche graces 56th Founding Anniversary of TCV School, Dharamsala 5th Dharamsala International Film Festival to be held at TCV School

 བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཡུ་རོབ་རྒྱལ་ཁབ་ལྔའི་ནང་མཛད་འཕྲིན་ལེགས་གྲུབ་ཀྱིས་བཞུགས་སྒར་དུ་༸ཞབས་སོར་བདེ་བར་འཁོད་གནང་སོང་། དེ་རིང་ཟླ་ ༡༠ ཚེས་ ༢༤ ཉིན་སྔ་དྲོ་ཚོུད་ ༡༠།༣༠ ཐོག་མགོན་པོ་༸གང་ཉིད་མཆོག་བཞུགས་སྒར་དུ་༸ཞབས་སོར་བདེ་བར་འཁོད་སྐབས་བཞུགས་སྒར་ཉེ་འདབས་སུ་ཡོད་པའི་གྷ་གལ་གནམ་ཐང་དུ་༸ཞབས་སོར་བདེ་བར་འཁོད་སྐབས་དབུས་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་གཙོས་གཞུང་འབྲེལ་དང་གཞུང་མིན་པའི་ཚོགས་ཁག་གི་གནད་ཡོད་མི་སྣ་སོགས་ཆེད་བཅར་གྱིས་ཕེབས་བསུ་ཞུས་སོང་བ་དང་། བཞུགས་སྒར་དུ་ཆིབས་སྒྱུར་སྐབས་ཕེབས་ལམ་གྱི་གཡས་གཡོན་དུ་སྲི་ཞུ་ལས་བྱེད་རྣམ་པ་དབུས་ས་གནས་བོད་མི་ཚོས་ལག་ཏུ་དཀར་གཙང་གི་མཇལ་དར་དང་དྲི་ཞིམ་གྱི་དུག་སྤོས། ཞུགས་ཏོག་བཅས་བསྣམས་ཏེ་དགའ་དད་སྤྲོ་གསུམ་གྱི་ངང་ནས་མགོན་པོ་མཆོག་ལ་ཕེབས་བསུའི་སྣེ་ལེན་གཟབ་རྒྱས་ཞུས་སོང་། གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་ཡོ་རོབ་རྒྱལ་ཁབ་ལ་ཏི་ཝི་ཡ་དང་སུད་སི། སུ་ལོ་ཝ་ཀི་ཡ། ཅེག་སྤྱི་མཐུན་རྒྱལ་ཁབ། དེ་བཞིན་ཨི་ཊ་ལི་བཅས་རྒྱལ་ཁབ་ཁག་ལྔའི་ནང་འཛད་འཕྲིན་རྒྱ་ཆེ་བསྐྱང་ཕྱིར་ཟླ་ ༡༠ ཚེས་ ༨ ཉིན་བཞུགས་སྒར་ནས་ཕེབས་ཐོན་མཛད་དེ་ཆེས་ཐོག་མར་ཡོ་རོབ་རྒྱལ་ཁབ་ Latvia ཡི་རྒྱལ་ས་ Riga ནང་དུ་༸ཞབས་སོར་བདེ་བར་འཁོད་ཡོད་པ་རེད། ༸གང་ཉིད་མཆོག་གིས་ཚེས་ ༩ ཉིན་རྒྱལ་ས་ལྡི་ལིར་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེའི་བློན་ཆེན་པདྨ་མཁའ་འགྲོ་མཆོག་དང་བློན་ཆེན་གཞོན་པ་ Chbowna Mein མཆོག དེ་བཞིན་མངའ་སྡེ་གྲོས་ཚོགས་ཀྱི་ཚོགས་གཙོ་ T.N Thongdok མཆོག་བཅས་ཀྱིས་གཙོས་པའི་ཨ་རུ་ནཱ་ཅལ་མངའ་སྡེའི་གནད་ཡོད་མི་སྣ་ཁག་ཅིག་གིས་ཇི་ལྟར་གསོལ་འདེབས་ཞུས་དོན་ལྟར། ༸གང་ཉིད་ཀྱི་བཞུགས་གནས་མགྲོན་ཁང་དུ་ཁོང་རྣམས་དང་མཇལ་འཕྲད་གནང་པ་མ་ཟད། སྐབས་དེར་བློན་ཆེན་པདྨ་མཁའ་འགྲོ་མཆོག་ནས་ཨ་རུ་ནཱ་ཅལ་མང་ཚོགས་ཀྱི་ཚབ་ཞུས་ཏེཨ་རུ་ནཱ་ཅལ་མངའ་ཁུལ་གྱི་མང་ཚོགས་རྣམས་ནས་༸གོང་ས་མཆོག་ཁུལ་དེར་ཆིབས་བསྒྱུར་མཛད་རྒྱུར་ངང་སྒུག་ཆེན་པོ་གནང་བཞིན་ཡོད་པ་ལྟར། ༸གང་ཉིད་མཆོག་ཁུལ་དེར་ཆིབས་བསྒྱུར་གནང་སྐྱོང་ཡོང་བའི་གསོལ་འདེབས་ཞུས་པར་མགོན་པོ་མཆོག་ནས་བཀའ་བཞེས་བཟང་པོ་སྨིན་སྩལ་མཛད་དོན་བཞིན་རིང་མིན་ཕྱི་ལོ་ ༢༠༡༧ ལོའི་ཟླ་ ༣ པའི་ནང་བདུན་ཕྲག་གཉིས་པའི་ནང་ཆིབས་བསྒྱུར་བསྐྱང་གཏན་འཁེལ་ཡོད་པ་རེད། དེ་རྗེས་༸གོང་ས་༸སྐྱབས་མགོན་ཆེན་པོ་མཆོག་གིས་ཟླ་འདིའི་ཚེས་ ༡༠ ཉིན་དབུ་འཛུགས་ཀྱིས་ཡོ་རོབ་རྒྱལ་ཁབ་ Latvia ཡི་རྒྱལ་ས་ Riga དང་དེ་རྗེས་ Swiss གྱི་རྒྱལ་ས་ Bern དང་། Zurich གྲོང་ཁྱེར། Slovakia ཡི་རྒྱལ་ས་ Bratislavia དེ་བཞིན་ Cezch སྤྱི་མཐུན་རྒྱལ་ཁབ་གྱི་རྒྱལ་ས་ Prague དང་ Italy གྲོང་ཁྱེར་ Milan བཅས་ཀྱི་ནང་དུ་ཆིབས་སྒྱུར་གྱིས་དད་ལྡན་མང་ཚོགས་རྣམས་ལ་ཆོས་འབྲེལ་གྱི་བཀའ་ཆོས་དང་བླང་དོར་གྱི་བཀའ་སློབ་སོགས་ཀྱི་མཛད་འཆར་ཇི་སྙེད་ཅིག་བསྐྱངས་གནང་ཡོད་པ་རེད། རྩའི་བའི་༸གོང་ས་མཆོག་གིས་ཡོ་རོབ་རྒྱལ་ཁབ་ལྔའི་ནང་མཛད་འཕྲིན་རྒྱ་ཆེ་བསྐྱངས་པའི་ཁྲོད་རྒྱལ་ཁབ་དེ་དག་སོ་སོའི་ནང་བཞུགས་པའི་ས་གནས་བོད་མི་རྣམས་ལ་བཀའ་ཆོས་དང་བཀའ་སློབ་བཀྲིན་ཆེ་བ་བསྩལ་གནང་མཛད་ཡོད་པ་མ་ཟད། ལྷག་དོན་བོད་མི་མི་རེ་ངོ་རེས་རང་ཉིད་བོད་མི་གཅིག་ཡིན་པའི་འདུ་ཤེས་འཛིན་རྒྱུ་དང་དེ་མཚུངས་བོད་ཀྱི་ཆོས་རིག་དག་མི་ཉམས་རྒྱུན་འཛིན་གནང་དགོས་གལ་ཡིན་པ་སོགས་ཀྱི་སྐོར་ལམ་སྟོན་རྒྱ་ཆེ་མཛད་ཡོད་པ་རེད།