Monthly Archives: August, 2016

བོད་མི་མང་སྤྱི་འཐུས་ལྷན་ཚོགས་ཀྱིས་རྒྱ་གར་དབུས་གཞུང་གི་ན་གཞོན་རྩེད་རིགས་ལས་དོན་ལྷན་ཁང་གི་བློན་ཆེན་  Shri Vijay Goel  མཆོག་གིས་གཙོས་པའི་རྒྱ་གར་གྱི་རྩེད་འགྲན་རྣམ་པར་འདི་ལོའི་རྒྱལ་སྤྱིའི་ཨོ་རྩེད་འགྲན་སྡུར་ནང་དུ་ལོ་རྒྱུས་ཀྱི་རང་བཞིན་པའི་གྲུབ་འབྲས་གཟེངས་སུ་ཐོན་པར་དགའ་བསུའི་འཚམས་འདྲི་ཞུས་འདུག དེའང་འཚམས་འདྲིའི་གསུང་འཕྲིན་དེའི་ནང་། ཉེ་ཆར་ཕྱི་ལོ་ ༢༠༡༦ ལོའི་རྒྱལ་སྤྱིའི་ཨོ་རྩེད་འགྲན་སྡུར་སྐབས་རྒྱ་གར་གྱི་བུད་མེད་རྩེད་འགྲན་པ་ P.V. Sindhu དང་། Sakshi Malik   དེ་བཞིན་ Dipa Karmakar བཅས་ནས་རྒྱལ་སྤྱིའི་སྡིངས་ཆའི་ཐོག་རྒྱ་གར་བུད་མེད་ཀྱི་ནུས་རྩལ་མངོན་བཏོན་གྱིས་རྒྱ་གར་མང་ཚོགས་རྣམས་དགའ་སྤོབས་སྐྱེས་གཞི་བཟོས་སྟབས། རྒྱ་གར་ཨོ་རྩེད་འགྲན་ཞུགས་རྣམ་པའི་སློབ་སྟོན་པ་རྣམས་ཀྱི་འབད་བརྩོན་ལ་བསྔགས་བརྗོད་ཞུ་རྒྱུ་མ་ཟད། སླད་མར་རྒྱ་གར་གྱི་རྩེད་འགྲན་པ་གང་མང་མཉམ་ཞུགས་གནང་ཐུབ་པའི་རེ་བ་དང་ཡིད་ཆེས་ཡོད་ཅེས་གསུངས་འདུག འདི་ག་རླུང་འཕྲིན་ཁང་གིས་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་ཨ་ཅཱརྱ་ཡེ་ཤེས་ཕུན་ཚོགས་མཆོག་ལ་དེ་འབྲེལ་འཚམས་འདྲིའི་གསུང་འཕྲིན་ཐོག་བཅར་འདྲི་ཞུས་པར་ཁོང་གིས་ཉེ་ཆར་ཕྱི་ལོ་ ༢༠༡༦ ལོའི་རྒྱལ་སྤྱིའི་ཨོ་རྩེད་འགྲན་སྡུར་དེའི་ནང་རྒྱ་རིགས་མི་འབོར་ས་ཡ་མང་པོ་ཡོད་པའི་ཁྲོད་བོད་ནང་གི་བོད་མི་ཚོས་གོ་སྐབས་ཆེས་བཞེས་ཀྱིས་འབད་བརྩོན་གནང་སྟེ། རྒྱལ་སྤྱིའི་ཨོ་རྩེད་འགྲན་སྡུར་ཐོག་མཉམ་ཞུགས་གནང་ཐུབ་པར་ཡི་རངས་ཀྱི་བསྔགས་བརྗོད་དང་དགའ་བསུའི་འཚམས་འདྲི་ཞུས་པ་མ་ཟད། ཁྱད་པར་དུ་ཕྱི་རྒྱལ་དང་རང་དབང་ལུང་པར་ཡོད་པའི་བྱེས་བཞུགས་བོད་མི་ཚོས་ཀྱང་དེ་ལྟར་གོ་སྐབས་ཆེས་བཞེས་ཀྱིས་རྒྱལ་སྤྱིའི་རྩེད་འགྲན་གྱི་སྡིངས་ཆར་སླེབས་ཐུབ་ཐབས་གནང་དགོས་གལ་ཡིན་པ་གསུངས་ཀྱི་འདུག      

བོད་མི་ཆབ་སྲིད་བཙོན་པ་ཀུན་མཁྱེན་ལགས་རྒྱ་གཞུང་གི་བཙོན་ཁང་ནས་ལོ་ ༩ རིང་གི་བཙོན་འཇུག་དུས་ཡུན་ཚང་རྗེས་ཞབས་ཐང་པོ་མེད་པའི་འོག་གློད་གྲོལ་བཏང་འདུག    དེའང་ཟླ་ ༨ ཚེས་ ༢༡ ཉིན་བོད་མདོ་ཁམས་ལི་ཐང་གཡོན་རུ་ནས་ཡིན་པའི་ཀུན་མཁྱེན་ལགས་རྒྱ་གཞུང་གི་བཙོན་ཁང་ལས་གློད་གྲོལ་བཏང་ཡོད་ཀྱང། ད་ལྟའི་ཆར་ཁོང་གི་ཞབས་གཉིས་པོ་ཐང་པོ་མེད་པ་གྱུར་ཡོད་པ་ཤེས་རྟོགས་བྱུང་ཡོད། འདི་ག་རླུང་འཕྲིན་ཁང་དུ་གྲྭ་བློ་བཟང་ལགས་ཀྱིས་ཁུངས་ལྡན་གནས་ཚུལ་ངོ་སྤྲོད་གནང་དོན་ལ། རྒྱ་གཞུང་གིས་དེ་སྔ་༢༠༠༧ ལོར་འཛིན་བཟུང་བཙོན་འཇུག་བྱས་པའི་བོད་མི་ཆབ་སྲིད་བཙོན་པ་ཨ་ཀྲུག་བློ་བོ་ལགས་དང་ཀུན་མཁྱེན་ལགས་རྣམ་པ་གཉིས་ལས་ཀུན་མཁྱེན་ལགས་ཟླ་ ༨ ཚེས་ ༢༡ ཉིན་གྱི་མཚན་མོ་བོད་ནང་གི་ཆུ་ཚོད་ ༡༢ ཐོག་གསང་སྟབས་ཀྱིས་གློད་གྲོལ་བཏང་ཡོད་ཀྱང་། ཁོང་གི་ཞབས་གཉིས་པོ་ཐང་པོ་མེད་པ་གྱུར་ཡོད་སྐོར་གསུངས་པ་མ་ཟད། ཨ་ཀྲུག་བློ་བོ་ལགས་ད་ལྟའི་ཆར་རྒྱ་གཞུང་གི་བཙོན་འཇུག་འོག་ལ་མུ་མཐུད་གནས་ཡོད་པ་ཤེས་རྟོགས་བྱུང་བ་ཙམ་ལས་སྐུ་གཟགས་ཀྱི་གནས་བབ་སོགས་ཞིབ་ཕྲའི་གནས་ཚུལ་གང་ཡང་ཤེས་རྟོགས་ཐུབ་ཀྱི་མེད་པ་གསུངས་སོང་། གཞི་རྩའི་ཀུན་མཁྱེན་ལགས་ནི་ཕྱི་ལོ་ ༢༠༠༧ ལོའི་ཟླ་ ༨ ཚེས་ ༡ ཉིན་མདོ་ཁམས་ལི་ཐང་རྟ་རྒྱུགས་ཆེན་མོའི་སྐབས་རྒྱལ་གཅེས་པ་རུང་རྒྱས་ཨ་གྲགས་ལགས་ཀྱིས་༸གོང་ས་མཆོག་བོད་ལ་ཕེབས་དགོས། བོད་ལ་རང་དབང་དགོས་ཅེས་གསུང་བཤད་གནང་བར་བརྟེན་རྒྱ་གཞུང་ཉེན་རྟོག་པས་ཁོང་འཛིན་བཟུང་གིས་ལོ་ ༨ རིང་བཙོན་འཇུག་ཁྲིམས་ཐག་བཅད་རྗེས། རུང་རྒྱས་ཨ་གྲགས་ལགས་ཀྱི་ཚ་བོ་ཨ་ཀྲུག་བློ་བོ་ལགས་དང་ཀུན་མཁྱེན་གཉིས་ཀྱིས་དེ་འབྲེལ་སྦྱར་ཡིག་བཀྲམ་པ་དང་ རྒྱལ་ཁབ་ཀྱི་གསང་བ་ཕྱིར་བསྒྲགས་བྱས་པའི་ཉེས་མིང་འོག་ཨ་ཀྲུག་བློ་བོ་ལགས་ལ་ལོ་ ༡༠ དང་། ཀུན་མཁྱེན་ལགས་ལ་ལོ་ ༩ འི་བཙུན་འཇུག་ཁྲིམས་ཐག་བཅད་ཡོད་པ་རེད། རྩ་བའི་ཀུན་མཁྱེན་ལགས་ནི་བོད་ཁམས་ལི་ཐང་གཡོན་རུ་འབྲོག་ཁུལ་ནས་ཡིན་ཞིང་། ཁོང་གི་ཕྱག་ལས་དངོས་ནི་སློབ་གྲྭའི་དགེ་རྒན་ཞིག་ཡིན་པ་རེད་འདུག་ལ། ཁོང་གི་ངག་སྙན་པོ་ཡོད་པས་རྡུང་ལེན་པ་ཞིག་ཀྱང་ཡིན་འདུག

ལ་དྭགས་ཀྱི་ཁྲིག་དགོན་ཚུལ་ཁྲིམས་རྣམ་དག་གླིང་དུ་ཟླ་འདིའི་ཚེས་ ༩ ནས་དབུ་འཛུགས་ཀྱིས་ཚེས་ ༢༢ བར་བཅས་ཁྱོན་ཉིན་གྲངས་བཅོ་ལྔའི་རིང་ལ་བྱང་ཆུང་ལམ་སྒྲོན་བརྗོད་གཞི་གཙོ་བོར་བཞག་པའི་ཐོག་དབྱར་ཆོས་ཆེན་མོ་ཐེངས་བཞི་པ་ཚོགས་ཡོད་པ་ལྟར་ཁ་སང་ལེགས་གྲུབ་ཀྱི་མཛད་སྒོ་འཚོགས་ཡོད་པ་རེད། ཁ་སང་ཟླ་ ༨ ཚེས་ ༢༢ ཉིན་གྱི་སྔ་དྲོ་ཚོུད་ ༡༠།༠༠ ནས་ཉིན་རྒྱབ་ཚོུད་ ༣།༠༠ བར་ལ་དྭགས་ཁྲིག་རྩེ་དགོན་པར་སྐུ་མགྲོན་གཙོ་བོ་ས་གནས་ཀྱི་བཀྲིས་ལྷུན་པོ་དགོན་པའི་མཁན་རིན་པོ་ཆེ་བློ་བཟང་ཚེ་བརྟན་མཆོག་གིས་གཙོས། ལ་དྭགས་རི་ལྗོངས་ཡར་རྒྱས་ཚོགས་པའི་དབུ་སྐྱོང་འབུམ་རམས་པ་བསོད་ནམས་ཟླ་བ་ལགས་དང་། དེ་བཞིན་ལ་དྭགས་ནང་པའི་ཚོགས་འདུའི་ཚོགས་གཙོ་སྐུ་ཞབས་ཚེ་དབང་འཕྲིན་ལས་སོགས་གཞུང་དང་གཞུང་འབྲེལ་མིན་པའི་ཚོགས་ཁག་གི་མཛད་གཙོ་རྣམ་པ། མང་ཚོགས་བརྒྱ་སྐོར་ཁ་ཤས་ལྷན་འཛོམས་ཐོག་དབྱར་ཆོས་ཆེན་མོ་ལེགས་གྲུབ་ཀྱི་མཛད་སྒོ་འཚོགས་ཡོད་པ་རེད། སྐབས་དེར་དབྱར་ཆོས་ཆེན་མོ་གོ་སྒྲིག་པ་ཁྲིག་རྩེ་དགོན་པའི་མཁན་པོ་རིན་པོ་ཆེ་ངག་དབང་བྱམས་པ་བསྟན་འཛིན་མཆོག་གིས་སྐུ་མགྲོན་གཙོ་བོ་མཆོག་གིས་དབུས་པའི་གནད་ཡོད་དཔོན་རིགས་དང་ས་གནས་ཀྱི་མང་ཚོགས་བཅས་པར་འདི་ལོའི་དབྱར་ཆོས་ཆེན་མོ་དེ་སྔར་ལས་ཚགས་ཚུད་དང་གཞི་རྒྱ་ཆེ་བ་ཙམ་དུ་མ་ཟད། སྒོས་སུ་ཚོགས་འདུས་འདི་ནས་དགེ་བཙུན་ཙམ་མ་ཡིན་པར་སློབ་ཕྲུག་དང་མི་མང་དཀྱུས་མ་མང་དག་ལ་སློབ་སྦྱོང་དང་གོ་རྟོགས་མི་དམན་པ་ཐོབ་ཡོད་སྐོར་གསུངས་ཏེ་འབྲེལ་ཡོད་ཚང་མར་ཐུགས་རྗེ་ཆེ་ཞེས་གསུངས་སོང་། གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་སློབ་ལམ་སྟོན་བཞིན། ལ་དྭགས་སུ་དབྱར་ཆོས་ཆེན་མོ་ཐོག་མ་དེ་ ༢༠༡༣ ལོར་མཚན་ཉིད་སློབ་གྲྭར་ཚོགས་པ་དང་། ཐེངས་གཉིས་པ་ལི་འཁྱིལ་དགོན་པ་དང་། གསུམ་པ་དཔེ་ཐུབ་དགོན་པར་ཚོགས་ཡོད་པ་རེད། དེའང་བགྲོ་གླེང་དང་གསུང་བཤད་སོགས་ལས་བོད་ཀྱི་ཆོས་བརྒྱུད་ནང་ཕན་ཚུན་དབར་ཐུགས་མཐུན་འཐུས་གཙང་དང་མང་ཚོགས་ལ་ནང་ཆོས་ངོ་སྤྲོད། ལྷག་པར་དུ་ཆོས་ལུགས་གཞན་དང་མཐུན་སྒྲིལ་གོང་སྤེལ་ཆེད་དུ་དམིགས་པ་ཞིག་ཡིན་པ་རེད། ད་ལན་གྱི་དབྱར་ཆོས་འདིའི་ཐོག་ལ་དྭགས་སླེ་དང་ནུབ་ར། དེ་བཞིན་ཟངས་དཀར་སོགས་ནས་ཆོས་བརྒྱུད་རིས་མེད་ཀྱི་དགོན་ཁག་ ༢༡ གི་དགེ་བཙུན་གྱི་སྐུ་ཚབ་དང་ཁྱད་པར་ཉེ་འཁོར་སློབ་གྲྭ་ཁག་ ༡༠ ལྷག་གི་སློབ་ཕྲུག་སྐུ་ཚབ་བཅས་ཁྱོན་ མཉམ་ཞུགས་གནང་མཁན་མི་གྲངས་ ༣༠༠ ལྷག་བྱུང་ཡོད་པ་དང་། ཉིན་གྲངས་ ༡༥ དེའི་རིང་ལ་གདན་ཞུས་ཆོས་བརྒྱུད་སོ་སོའི་ནང་པའི་དགེ་བཤེས་ཁག་ཅིག་དང་། ས་གནས་ཀྱི་ཡི་ཤུ་དང་ཁ་ཆེའི་མཁས་པ་འགའ།  མི་རིགས་དང་ཆོས་ལུགས་མཐུན་སྒྲིིལ་གྱི་གལ་གནད་དང་ཆང་རག་གི་ཉེས་དམིགས། ནང་ཆོས་དང་ཚན་རིག་གྱི་འབྲེལ་བའི་སྐོར།  བདེན་བཞི་དང་ཐེག་པ་གསུམ་སོགས་བརྗོད་གཞི་སྣ་མང་ཐོག་གསུང་བཤད་དང་། ཉིན་ལྟར་བྱང་ཆུབ་ལམ་སྒྲོན་གྱི་གཞུང་ཐོག་དམ་བཅའ་དང་རྩོད་པ་སོགས་རྩོད་གནང་ཡོད་པ་རེད། ལོ་རྗེས་མའི་ལ་དྭགས་ནང་གི་་དབྱར་ཆོས་ཆེན་མོ་དེ་ནུབ་ར་བདེ་སྐྱིད་དགོན་དུ་ཚོགས་རྒྱུའི་གསལ་བསྒྲགས་བསྐྱངས་པའི་ཐོག་ཁ་སང་ལ་དྭགས་པའི་གཞས་པ་དང་གཞས་མ་རྣམས་ནས་བྱོན་པ་ལེགས་སོ། བྱོན་པ་ལེགས་སོ། ༸རྒྱལ་དབང་བསྟན་འཛིན་རྒྱ་མཚོ་མཁྱེན། སེམས་པ་སྐྱིད་དོ། རང་ཡུལ་ལ་དྭགས་མི་དམངས་ཚང་མ་ཞེས་བསྟོད་དབྱངས་ཕུལ་ནས། ཁྲིིག་དགོན་དབྱར་ཆོས་ཆེན་མོ་ཐེངས་བཞི་པ་དེ་རྒྱལ་ཁའི་ངང་མཇུག་སྒྲིིལ་གནང་ཡོད་པ་རེད། རྩ་བའི་ཟླ་ ༨ ཚེས་ ༩ ཉིན་༸གོང་ས་༸སྐྱབས་མགོན་ཆེན་པོ་མཆོག་གིས་ཐེངས་འདིའི་དབྱར་ཆོས་ཆེན་མོ་དབུ་འབྱེད་བསྐྱངས་པའི་སྐབས་ད་བར་ཚོགས་གྲུབ་པའི་དབྱར་ཆོས་དེ་དག་ཡག་པོ་བྱུང་ཡོད་པར་བསྔགས་བརྗོད་ཀྱིས་ཐུགས་རྗེ་ཞུ་དང་སྦྲགས། ལས་རིམ་འདི་ལྟ་བུ་བརྒྱུད་སངས་རྒྱས་ཀྱི་བསྟན་པ་འཛིན་སྐྱོང་སྤེལ་གསུམ་གནང་གལ་ཡིན་པ་བཀའ་སློབ་གནང་ཡོད་པ་རེད།

ཉན་པ།: Listen ཕབ་ལེན། Download རྒྱ་ནག་གི་སྲིད་འཛིན་ཞི་ཅིང་ཕིང་བོད་མཚོ་སྔོན་ཁུལ་དུ་འཚམས་གཟིགས་སུ་ཕྱིན་འདུག རྒྱ་གཞུང་གིས་ཨ་མདོ་རྔ་བ་ཁུལ་དུ་གསང་བའི་ལྟ་སྲུང་གི་ལས་གཞི་རྒྱ་ཆེ་སྤེལ་བཞིན་པ། རྒྱ་གཞུང་གིས་ཆེས་དམ་དྲག་རྐྱེན་པས་ཁུལ་དེའི་མི་མང་ནས་རང་གི་རང་ལ་དམ་དྲག་གི་གནས་སྟངས་བཟོ་བཞིན་འདུག རྒྱ་གར་ནང་སྐྱེས་མིན་ལ་ལྟོས་མེད་བོད་མི་ཡིན་ཕྱིན་ཆད་སྨན་ཞབས་པའི་ལས་ཀ་བྱེད་ཆོག་པའི་ཆོག་མཆན་ཐོབ་འདུག བོད་མདོ་སྨད་བླ་བྲང་ནང་དུ་ཆུ་ལོག་གི་གནོད་འཚེ་བྱུང་འདུག ལ་དྭགས་སུ་དབྱར་ཆོས་ཆེན་མོ་ཐེངས་བཞི་པ་ལེགས་པར་མཇུག་སྒྲིལ་གནང་འདུག Tuesday 23/08/2016 Xi Jinping visits Qinghai, meets local Tibetans Bright smiles, beautiful costumes, and lots & lots of surveillance: Tweets journalist visiting Ngaba Self censorship, chilling effect of China’s censorship in Tibet and Xinjiang India approves registration of Tibetan nurses under Indian Nursing Council Labrang hit by flood, local and monks pitch in to help clear debris Thiksey Great Summer Religious Council concludes

རྒྱ་ནག་གཞུང་གྱིས་བོད་མདོ་སྨད་རྔ་བ་ཁུལ་དུ་ས་གནས་མི་མང་གཙོས་པའི་ཡུལ་སྐོར་སྤྲོ་འཆམ་པ་དང་རྒྱལ་སྤྱིའི་གསར་འགོད་པ་རྣམས་ལ་ཆེས་དམ་དྲག་གི་ཚོད་འཛིན་ཐུབ་ཕྱིར་གསང་སྟབས་ཀྱིས་ལྟ་སྲུང་ལས་གཞི་རྒྱ་སྐྱེད་གཏོང་བཞིན་པ་གསལ་བཏོན་གནང་འདུག དེ་ཡང་ཨ་རིའི་ནུབ་ཕྱོགས་ཀྱི་མངའ་སྡེ་ California འི་གྲོང་ཁྱེར་ Los Angeles ནང་ལ་རྟེན་གཞི་བྱས་པའི་ Los Angeles Times གསར་སྤེལ་ཁང་གི་ཨེ་ཤེ་ཡ་མངའ་ཁུལ་གྱི་གསར་འགོད་པ་སྐུ་ཞབས་ Jonathan Kaiman ལགས་ཉེ་ཆར་བོད་མདོ་སྨད་རྔ་བ་ཁུལ་ཁྲོ་ཆུ་རྫོང་གྱི་ས་གནས་ཁག་ཅིག་ཏུ་བསྐྱོད་འདུག་པ་མ་ཟད། སྐབས་དེར་ཁོང་གིས་ས་གནས་སུ་དངོས་ཀྱི་གཟིགས་ཚུལ་ཇི་བྱུང་གནས་སྟངས་ཁག་ཅིག་འདྲ་པར་དང་ལྷན་དུ་རང་ཉིད་ཀྱི་དྲ་གནས་འཕྱུལ་བྱ་འམ་ Twitter ཐོག་བཀོད་འདུག གནས་ཚུལ་དེའི་ནང་ཁོང་གིས་རྔ་བ་ཁུལ་ཁྲོ་ཆུ་རྫོང་ཁོངས་སུ་རྒྱ་ནག་གཞུང་གིས་སྡོད་ཁང་དང་ཟམ་པ་སོགས་དེང་དུས་ཅན་གྱི་འཛུགས་སྐྲུན་ལས་གཞི་རྒྱ་ཆེ་སྤེལ་ཡོད་ཀྱང་། དེ་དག་བེད་སྤྱོད་བྱེད་མཁན་མང་ཆེ་བ་ས་གནས་སུ་ཡོད་པའི་རྒྱ་རིགས་ཚོ་ལས་བོད་མི་རྣམས་ལ་ཐོབ་ཐང་དེ་ཙམ་མེད་སྐོར་འགྲེལ་བརྗོད་དང་སྦྲགས། ཁོང་གིས་ཆེད་མངགས་ས་གནས་བོད་རིགས་ཁག་ཅིག་དང་གླེང་མོལ་གནང་ཐབས་ཞུས་ཀྱང་། རྒྱ་གཞུང་གིས་དམ་དྲག་འོག་ས་གནས་བོད་མི་ཚོས་རང་ཉིད་ཀྱི་ཉིན་རེའི་འཚོ་ཐབས་དང་ས་ཞིང་གི་བདག་དབང་། དེ་བཞིན་དཔལ་འབྱོར་གྱི་ཡོང་འབབ་བཅས་ཀྱི་ཐད་ལ་གླེང་སློང་གང་ཡང་གནང་གི་མེད་སྐོར་བཀོད་ཡོད་པ་རེད། ད་དུང་ཁོང་གིས་ཟུར་ཟའི་རྣམ་པ་དང་བཅས་ཁུལ་དེར་རྒྱ་གཞུང་གིས་ཆེད་འཛུགས་བྱས་པའི་གསང་བའི་པར་ལེན་པ་ཁག་ཅིག་གི་པར་དང་། ཁོང་གནས་སྡོད་བྱེད་སའི་མགྲོན་ཁང་ནང་དུ་ཆེད་འཛུགས་བྱས་པའི་ཉེན་རྟོག་སྡོད་ཁང་སོགས་ཀྱི་པར་བླངས་ཏེ་རྔ་བ་ཁུལ་དུ་བོད་རིགས་དང་རྒྱལ་སྤྱིའི་ཡུལ་སྐོར་སྤྲོ་འཆམ་པ་རྣམས་ལ་གསང་སྟབས་ཀྱིས་ལྟ་སྲུང་ལས་ཀ་བྱེད་མཁན་སྔར་ལྷག་འགྲེམས་འཇོག་བྱས་འདུག་ཅེས་འགྲེལ་བརྗོད་གནང་འདུག གཞན་ཡང་ཁོང་གིས་དྲ་གནས་ཐོག་ས་ཁུལ་དེའི་ནང་རྒྱ་ཡིག་ཐོག་རྒྱ་གཞུང་གིས་ཁྲིམས་ལུགས་དབང་བསྒྱུར་འོག་གྲོང་གསེབ་རྣམས་ལ་མང་གཙོའི་རང་དབང་ཐོབ་ཡོད་ཅེས་པའི་མིང་བྱང་སྦྱར་སྟེ། ས་གནས་མི་མང་རྣམས་གླུ་གཞས་བླངས་བཅུག་ཡོད་སྐོར་དང་། ཁོང་གི་རྗེས་འབྲངས་པ་དང་གྲོགས་པོ་ཁག་ཅིག་གིས་རྒྱ་གཞུང་གིས་ས་གནས་མི་མང་རྣམས་གླུ་གཞས་བླངས་བཅུག་པ་དེ་ནི་གསར་འགོད་པ་དང་དངོས་ཐུག་གིས་གླེང་སློང་གནང་རྒྱུའི་གོ་སྐབས་རྣམས་བཀག་ཐབས་ཀྱི་བྱུས་ཤིག་ཡིན་པར་འགྲེལ་བརྗོད་བྱས་འདུག གསར་འགོད་པ་ Jonathan Kaiman ལགས་ཀྱིས་བོད་མདོ་སྨད་རྔ་བ་ཁུལ་ཁྲོ་ཆུ་རྫོང་གི་གོམས་སྲོལ་དང་རིག་གཞུང་སོགས་སྙིང་རྗེ་པོ་འདུག་ཀྱང་། ད་ལྟ་ཡང་ས་ཁུལ་དེར་མཐོང་རྒྱུ་མང་ཤོས་ཡོད་པ་ནི་གསང་བའི་ལྟ་སྲུང་གི་ལས་མི་འབའ་ཞིག་ཡིན་པ་གསུངས་འདུག རྩ་བའི་བོད་མདོ་སྨད་རྔ་བ་ས་ཁུལ་དེ་ནི་རྒྱ་གཞུང་གི་སྲིད་བྱུས་ལ་མ་བཟོད་པར་རང་ལུས་མེར་སྲེག་གི་དོན་རྐྱེན་མང་ཤོས་བྱུང་སའི་ས་ཚིགས་ཤིག་ཆགས་ཀྱི་ཡོད་པ་མ་ཟད། ལྷག་པར་དུ་སྤྱི་ལོ་ ༢༠༠༨ ལོར་བོད་ནང་ས་བྱི་་ཞི་རྒོལ་ཆེན་མོ་བྱུང་བ་དུས་དེ་ནས་ཟུང་སྟེ་རྒྱ་གཞུང་གིས་གསང་སྟབས་འོག་ལྟ་སྲུང་ལས་གཞི་རྒྱ་ཆེ་ཤོས་སྤེལ་ཡུལ་གྱི་མངའ་ཁུལ་ཞིག་ཏུ་གྱུར་ཡོད་པ་རེད།

རྒྱ་གར་དབུས་འཕྲོད་བསྟེན་ལྷན་ཁང་གིས་བོད་མི་ཚོས་རང་ཉིད་རྒྱ་གར་ནང་དུ་སྐྱེས་མིན་ལ་མ་ལྟོས་པར་རྒྱ་གར་ནང་གི་སྨན་ཞབས་པའི་སློབ་གཉེར་ཁང་ཚད་ལྡན་ཞིག་ཏུ་སླེབ་གཉེར་གནང་པའི་ཕྱག་འཁྱེར་ཡོད་ཚེ། རྒྱ་གར་ནང་དུ་ལས་ཀ་བྱེད་ཆོག་པའི་ཆོག་མཆན་གནང་འདུག གཞི་རྩའི་ཕྱི་ལོ་ ༢༠༡༣ ལོའི་ཟླ་ ༣ ཚེས་ ༢༥ ཉིན་རྒྱ་གར་དབུས་སྨན་ཞབས་ལྷན་ཚོགས་ཀྱིས་བོད་མི་མཚོན་པའི་ཕྱི་རྒྱལ་མི་རིགས་ཚོས་རྒྱ་གར་ནང་དུ་སྨན་ཞབས་པའི་སློབ་གཉེར་བྱ་རྒྱུ་གོ་སྐབས་གནང་པ་ལས་རྒྱ་གར་ནང་གི་སྨན་ཁང་ཁག་ཏུ་ལས་ཀ་བྱེད་མི་ཆོག་པའི་བཀོད་ཁྱབ་ཞིག་གནང་སྟེ། བོད་པའི་སྨན་ཞབས་མང་པོ་ཞིག་ལ་དཀའ་ངལ་འཕྲད་འགོ་བཙུགས་ཡོད། འོན་ཀྱང་ཕྱིས་སུ་བོད་མིའི་སྒྲིག་འཛུགས་ཀྱིས་རྒྱ་གར་དབུས་གཞུང་ལ་ཞུ་གཏུགས་རིམ་པ་གནང་པར་བརྟེན། ཕྱི་ལོ་ ༢༠༡༤ ལོའི་ཟླ་ ༡ ཚེས་ ༢༩ ཉིན་རྒྱ་གར་དབུས་སྨན་པའི་ལྷན་ཚོགས་ནས་རྒྱ་གར་ནང་སྐྱེས་པའི་སྐྱེས་ཚེས་ལག་འཁྱེར་ཁུངས་ལྡན་ཡོད་པའི་བོད་མི་ཚོས་རྒྱ་གར་གྱི་སྨན་ཁང་ཁག་ཏུ་སྨན་ཞབས་པའི་ལས་ཀ་བྱེད་ཆོག་པའི་ཐག་གཅོད་གནང་ཡོད་པ་རེད། ཕྱིས་སུ་རྒྱ་གར་བྱང་ཕྱོགས་ཨུཏྲཁཎྡྲ་མངའ་ཁུལ་དུ་བོད་པའི་སྨན་ཞབས་པ་ཁག་ཅིག་ལ་རྒྱ་གར་ནང་དུ་སྐྱེས་པའི་སྐྱེས་ཚེས་ལག་འཁྱེར་ཡོད་མེད་རྟོག་ཞིབ་ཀྱིས་དེ་ལྟར་མེད་རིགས་རྣམས་རྒྱ་གར་གྱི་སྨན་ཁང་ཁག་ཏུ་ལས་ཀ་བྱེད་མི་ཆོག་པའི་དཀའ་ངལ་རབས་དང་རིམ་པ་འཕྲད་པའི་གནས་སྟངས་བྱུང་ཡོད་པ་དང། ལྡི་ལི་སྐུ་ཚབ་དོན་གཅོད་ཁང་གིས་འདི་ལོའི་ཕྱི་ཟླ་ ༣ ནང་དུ་རྒྱ་གར་དབུས་འཕྲོད་བསྟེན་ལྷན་ཁང་དང། དེ་བཞིན་ཕྱི་སྲིད་ལས་ཁུངས་གཉིས་སུ་བསྐྱར་དུ་ཞུ་གཏུགས་རིམ་པ་གནང་མཐར། རྒྱ་གར་དབུས་གཞུང་གིས་སླད་མར་བོད་མི་ཚོས་རྒྱ་གར་ནང་དུ་སྐྱེས་མིན་ལ་མ་ལྟོས་པར་རྒྱ་གར་ནང་གི་སྨན་ཞབས་པའི་སློབ་གཉེར་ཁང་ཚད་ལྡན་ཞིག་ཏུ་སླེབ་གཉེར་གནང་པའི་ཕྱག་འཁྱེར་ཡོད་ཚེ། རྒྱ་གར་ནང་དུ་ལས་ཀ་བྱེད་ཆོག་པའི་ཆོག་མཆན་གནང་ཡོད་པ་རེད་འདུག འདི་ག་རླུང་འཕྲིན་ཁང་གིས་གནད་དོན་དེའི་སྔ་རྗེས་བྱུང་རིམ་ཁག་རྒྱུས་མངའ་ཡོད་པ་དང་དེར་གཙོ་འགན་བཞེས་མཁན་དེ་སྔའི་ལྡི་ལི་དོན་གཅོད་དང་བཀའ་ཟུར་བསྟན་པ་ཚེ་རིང་མཆོག་ལ་བཀའ་འདྲི་ཞུས་པར་ཁོང་གིས་དེ་སྔ་རྒྱ་གར་དབུས་གཞུང་གིས་བོད་མི་སུ་ཡིན་རུང་རྒྱ་གར་རང་དུ་སྐྱེས་པ་ཞིག་ཡིན་དགོས་པ་ལས་དེ་མིན་མི་འགྲིག་ཚུལ་གསུངས་ཡོད་ཀྱང་། ང་ཚོས་རྒྱ་གར་གྱི་བློན་ཆེན་ལས་ཁུངས་དང་། དབུས་འཕྲོད་བསྟེན་ལྷན་ཁང་། དེ་བཞིན་ཕྱི་སྲིད་ལས་ཁུངས་སོགས་ལ་བོད་མི་རྣམས་ནི་བལ་ཡུལ་དང་འབྲུག བྷང་ལ་དེ་ཤའི་མི་དམངས་དང་མི་གཅིག་ཚུལ་བསྐྱར་དུ་ཞུས་ཏེ་བོད་མི་རྣམས་ས་གནས་གང་དུ་སྐྱེས་རུང་གནས་ཡུལ་འདིར་བསྡད་ནས་ལས་ཀ་བྱེད་རྒྱུ་མ་གཏོགས་གཞན་མེད་ལུགས་ནན་ཞུ་ལྟར། བོད་མི་ཡིན་ཕྱིན་ཆད་རྒྱ་གར་ནང་དུ་སྐྱེས་མིན་ལ་མ་ལྟོས་པར་རྒྱ་གར་ནང་དུ་སྨན་ཞབས་པའི་ལས་ཀ་བྱེད་ཆོག་པའི་ཆོག་མཆན་ཐོབ་ཡོད་སྐོར་གསུངས་སོང་།

རྒྱ་གཞུང་གིས་རྒྱལ་ཁབ་ཀྱི་ཚོར་བ་རྣོ་བའི་གནས་ཚུལ་ཕྱིར་བསྒྲགས་བྱེད་མཁན་ཚོ་གང་བྱུང་འཛིན་བཟུང་གིས་མང་ཚོགས་ཐོག་ཚོད་འཛིན་བྱེད་བཞིན་ཡོད་སྟབས། ད་ཆ་གནད་དོན་དེས་བོད་མི་དང་ཡུ་གུར་མི་རིགས་རྣམས་ནས་རང་གིསརང་ལ་དམ་དྲག་བྱས་ཏེ་རྒྱ་གཞུང་གི་གདུག་རྩུབ་ལས་གཡོལ་ཐབས་གནང་པ་མངོན་གསལ་གནང་འདུག དེ་ཡང་ Daily Dot ཞེས་པའི་གསར་ཁང་ཐོག་དཔྱད་རྩོམ་ཞིག་སྤེལ་བར་གཞིགས་ན། གསར་ཁང་དེའི་གསར་འགོད་པ་སྐུ་ཞབས་ Nithin Coca ལགས་ཀྱིས་དེང་དུས་ཁ་པར་དང་སྤྱི་ཚོགས་བརྒྱུད་ལམ་ཁག་སྤྱོད་ཤུགས་ཆེན་པོ་བྱེད་བཞིན་པའི་དུས་སྐབས་འདིར་བཟང་ངན་གྱི་གནས་ཚུལ་གང་ཞིག་འཛམ་གླིང་སྤྱི་ལ་ཁྱབ་མྱུར་ཆེ་བའི་ཁྲོད། འདི་ལོ་ཕྱི་ཟླ་ ༣ ནང་ཕྲུ་གུ་ལྔ་ཅན་གྱི་མ་བསོད་ནམས་འཚོ་ལགས་ཀྱིས་རྒྱ་གཞུང་ལ་ངོ་རྒོལ་གྱིས་བོད་མདོ་སྨད་རྔ་བ་ཁུལ་མཛོད་དགེ་རྫོང་དུ་རང་ལུས་མེར་སྲེག་བཏང་ཡོད་ཀྱང་། རྒྱ་གཞུང་གིས་ཆེས་དམ་དྲག་གནས་སྟངས་འོག་གནས་ཚུལ་དེ་འདི་ལོའི་ཕྱི་ཟླ་ ༥ ནང་གཞི་ནས་གཞི་རིམ་མང་ཚོགས་ཀྱིས་ཤེས་རྟོགས་བྱུང་ཡོད་པ་ལུང་འདྲེན་དང་འབྲེལ། གནས་སྟངས་དེ་འདྲ་བྱུང་དོན་གང་ཡིན་གྱི་གནད་དོན་ཁག་ཅིག་གླེང་འདུག ད་དུང་དཔྱད་རྩོམ་དེའི་ནང་རྒྱལ་སྤྱིའི་གསར་འགོད་པ་སྲུང་སྐྱོབ་ཚོགས་པའི་བྱང་ཤར་ཨེ་ཤེ་ཡ་སྡེ་ཚན་གྱི་གསར་འགོད་པ་ Yaqiu Wang ལགས་ཀྱིས་ཆབ་སྲིད་ཚོགས་པ་གཅིག་ལས་གྲུབ་པའི་རྒྱ་ནག་གི་དབང་ཆ་གཅིག་བསྡུས་རིང་ལུགས་ཀྱི་གཞུང་དེ་གནསཚུལ་སྟངས་འཛིན་བྱ་རྒྱུ་ཐད་ཤུགས་ཆེ་བརྟེན་གྱི་ཡོད་པ་པ་དང་། རྒྱ་གཞུང་ནས་ཁུལ་དེའི་ནང་གི་མི་མང་གཙོས་རྒྱ་ནག་ཕྱི་ལ་གནས་པའི་མང་ཚོགས་ཁྲོད་བོད་དང་ཤིན་ཅང་གཉིས་ནང་ད་བར་ཐབས་སྡུག་གི་གནས་ཚུལ་བྱུང་དང་བྱུང་བཞིན་པ་ཁག་ཤེས་རྟོགས་བྱུང་བཅུག་འདོད་མེད་སྐོར་བརྗོད་འདུག གསར་འགོད་པ་ Nithin Coca ལགས་ཀྱིས་ད་ཆ་དེང་དུས་འཕྲུལ་ལས་ཀྱི་རྐྱེན་པས་ཕྱོགས་གཅིག་ནས་འཛམ་གླིང་མི་ཕན་ཚུན་དབར་འབྲེལ་ལམ་སྟབས་བདེ་ཆགས་ཡོད་ཀྱང་། ཕྱོགས་གཞན་ཞིག་ལ་རྒྱལ་ཁབ་ཁག་གི་སྲིད་གཞུང་ནས་རང་ཉིད་ཀྱི་ཚོར་བ་རྣོན་བའི་གསང་བའི་གནས་ཚུལ་རྣམས་རྒྱལ་ཁབ་ཕྱི་ལ་ཁྱབ་རྒྱུ་བཀག་སྡོམ་བྱ་རྒྱུའི་ནུས་པ་དེ་ཆེ་རུ་བཏང་ཡོད་པ་དང་། ལྷག་དོན་རྒྱ་ནག་གི་དབང་བསྒྱུར་འོག་ཡོད་པའི་བོད་དང་ཤིན་ཅང་གི་ས་གནས་གཉིས་ནང་གནད་དོན་དེ་མངོན་སུམ་མཐོང་རྒྱུ་ཡོད་པ་རེད། སྤྱིར་གསར་འགོད་པ་དང་ལས་འགུལ་བ་རྣམས་ནས་སྤྱི་ཚོགས་འབྲེལ་མཐུད་ཀྱི་དྲ་བ་འཕྲུལ་བྱ་ Twiiter དང་ངོ་དེབ། Snapchat སོགས་བེད་སྤྱོད་བརྒྱུད་འཛམ་གླིང་ནང་གང་བྱུང་བཞིན་ཡོད་པའི་གནས་ཚུལ་ཁག་རྒྱུས་ལོན་གནང་གི་ཡོད་ཀྱང་། བརྒྱུད་ལམ་དེ་དག་བོད་དང་ཤིན་ཅང་ནང་རང་དབང་ལྡན་པའི་སྒོ་ནས་སྤྱོད་ཐུབ་ཀྱི་མེད་སྟབས། ས་གནས་དེ་དག་ནས་བདེན་དཔང་ར་སྤྲོད་ཀྱི་གནས་ཚུལ་མཁོ་སྒྲུབ་བྱ་རྒྱུ་དཀའ་རུ་འགྲོ་བཞིན་ཡོད་པ་དང་། ཁྱད་པར་དུ་རྒྱ་ནག་གཞུང་གིས་དམ་དྲག་དང་ས་ཁུལ་དེའི་ནང་རྒྱ་ནག་གི་དྲག་གནོན་ལ་ཞེད་སྣང་འོག་རང་གིས་རང་ལ་དམ་དྲག་ཚོད་འཛིན་བྱས་པ་ར་སྤྲོད་གནང་འདུག དཔྱད་རྩོམ་དེའི་ནང་ཕྱི་རྒྱལ་གསར་འགོད་པ་ཁག་ཅིག་གིས་དཔྱད་ཞིབ་བྱས་པའི་གྲུབ་འབྲས་ནང་དོན་ལ་གཞིགས་ན། མང་ཚོགས་ནས་གསར་འགོད་པར་བཀའ་མོལ་གནང་བ་ཙམ་གྱིས་དོ་བདག་དེར་རྒྱ་གཞུང་གིས་བརྙས་བཅོས་དང་བཀག་སྐྱིལ། ཡང་ན་འདྲི་རྩད་དང་ཉེས་ཆད་སྐྱེལ་གྱི་ཡོད་པ་དང་། དེའི་ཁྲོད་སྔ་ལོ་བོད་མི་བཀྲིས་དབང་ཕྱུག་ལགས་ཀྱིས་ཨ་རིའི་ནིའུ་ཡོག་དུས་བབ་ཀྱི་གསར་ཤོག་ཐོག་བོད་ཀྱི་སྐད་ཡིག་སྲུང་སྐྱོབ་ཀྱི་རྩོམ་ཡིག་ཞིག་སྤེལ་བའི་རྗེས་སུ། རྒྱ་གཞུང་གིས་ཁོང་ལ་ཁ་བྲལ་གྱི་ལས་འགུལ་སྤེལ་བའི་ཉེས་མིང་འོག་འཛིན་བཟུང་བཀར་ཉར་བྱས་ཡོད་པ་སོགས་ཐེར་བཏོན་གནང་པ་དང་ཆབས་ཅིག རྒྱ་ནག་ནང་གནས་ཚུལ་དེ་རིགས་ནམ་བྱུང་ཚེ་རྒྱལ་ཁབ་དེའི་ནང་གི་དྲ་རྒྱ་དང་ཁ་པར་གྱི་འབྲེལ་མཐུད་ཡོངས་རྫོགས་བཙན་དབང་གིས་སྒོ་རྒྱག་བཅུག་གི་ཡོད་སྐོར་སོགས་འཁོད་འདུག དེ་བཞིན་ Citizen Lab ཞེས་པའི་དྲ་རྒྱའི་བེད་འཇགས་སྲུང་སྐྱོབ་དང་འབྲེལ་བའི་ཚོགས་པའི་ཉམས་ཞིབ་པ་ Masashi Nishihata ལགས་ཀྱིས་རྒྱ་ནག་གིས་མཉན་ཆས་དང་སྤྱི་ཚོགས་འབྲེལ་མཐུད་ཀྱི་བརྒྱུད་ལམ་ནས་གཙོ་བོ་བོད་དོན་དང་འབྲེལ་བའི་གནས་ཚུལ་ཁག་ལ་གསང་ཞིབ་མྱུལ་ལྟ་བྱས་པ་མ་ཟད། རྒྱ་གཞུང་གིས་བཟོས་པའི་མཉན་ཆས་སྐད་འཕྲིན་འམ་ We Chat ལ་སོགས་པ་རྣམས་རྒྱ་ནག་གཞུང་གི་ཁྲིམས་ལྟར་འགྲོ་དགོས་ཀྱི་ཡོད་པ་བཟོས་པ་དང་། དེ་སྔ་མཉན་ཆས་དེ་བེད་སྤྱོད་བྱས་པའི་བོད་མི་ཁག་ཅིག་འཛིན་བཟུང་བྱས་པའི་གནས་ཚུལ་ཐོན་པ་ལུང་འདྲེན་གནང་འདུག ད་དུང་རྒྱ་གཞུང་གི་ཐབས་བྱུས་ལ་རྟོག་ཞིབ་བྱེད་མཁན་དྲ་རྒྱའི་བདེ་འཇགས་གི་མཁས་ལས་པ་སྐུ་ཞབས་ Greg Walton ལགས་ཀྱིས་གཞི་རིམ་ཚོགས་པ་ཁག་དང་ལྷག་པར་དུ་ཨ་རིའི་གཞུང་གིས་རྒྱབ་སྐྱོར་ཡོད་པའི་ཚོགས་པ་རྣམས་ནས་རྒྱ་ནག་ནང་གི་དྲ་རྒྱའི་རང་དབང་སྲུང་སྐྱོབ་དང་རྒྱལ་ཁབ་དེའི་ནང་གི་གནས་ཚུལ་རྒྱུས་ལོན་ཆེད་སྐུ་ལས་ཚད་མེད་སྐྱོན་བཞིན་ཡོད་ཀྱང་། རྒྱ་གཞུང་གིས་དེ་ལས་ལྡོག་ཏེ་ལྡབ་འགྱུར་གྱིས་མང་ཚོགས་དང་དཔལ་འབྱོར་སོགས་སྤྱོད་པའི་བརྒྱུད་ཁུལ་དེའི་མི་མང་ཐོག་སྟངས་འཛིན་དང་གསང་ཞིབ་མྱུལ་ལྟ་ཤུགས་ཆེ་བྱེད་བཞིན་ཡོད་པར་སྐྱོན་བརྗོད་བྱས་འདུག དེ་བཞིན་ Fordham གཙུག་ལག་སློབ་གཉེར་ཁང་གི་སློབ་དཔོན་ Carl Midner ལགས་ཀྱིས་ཀྱང་རྒྱ་གཞུང་གིས་ཁུལ་དེའི་མི་མང་ཐོག་ཚོད་འཛིན་བྱས་པ་དང་། རྒྱལ་ཁབ་ཀྱི་ཚོར་བ་རྣོ་བའི་གནས་ཚུལ་ཕྱིར་བསྒྲགས་བྱེད་མཁན་ཚོར་གང་བྱུང་འཛིན་བཟུང་གིས་བཙོན་འཇུག་བྱས་ཡོད་པ་རེད། ད་ཆ་བོད་མི་དང་ཡུ་གུར་མི་རིགས་ནས་རང་གིས་རང་ལ་དམ་དྲག་བྱས་ཏེ་རྒྱ་གཞུང་གི་གདུག་རྩུབ་ལས་གཡོལ་ཐབས་གནང་བཞིན་ཡོད་པར་འགྲེལ་བརྗོད་གནང་པ་དང་། གནད་དོན་དེ་ནི་སེམས་འཚབ་བྱ་དགོས་པ་ཞིག་དང་། ཐབས་བྱུས་དེ་ད་ཆ་རྒྱ་གཞུང་གིས་ཁུལ་དེའི་གྲངས་ཉུང་མི་རིགས་ལས་བོད་རིགས་ཐོག་དྲག་གནོན་བྱ་རྒྱུའི་ལམ་ལུགས་ཁྲོད་ལག་ཆ་གཙོ་བོ་ཞིག་ཡིན་པ་མ་ཟད། དེ་ནི་དེང་དུས་འཕྲུལ་ཆས་བཀག་སྡོམ་ལས་ཉེན་ཁ་ཆེ་བ་ཆགས་ཀྱི་ཡོད་ཅེས་གསུངས་འདུག ད་ཆ་བོད་དང་ཤིན་ཅང་ནང་རྒྱ་གཞུང་གིས་དྲག་གནོན་ཚབས་ཆེ་བྱེད་བཞིན་པའི་སྲིད་བྱུས་དེ་རིམ་པའི་རྒྱ་ནག་རྒྱལ་ཡོངས་སུ་ལག་བསྟར་བྱེད་འགོ་འཛུགས་བཞིན་ཡོད་པ་དང་། ད་ལྟའི་དམ་དྲག་གི་གནས་སྟངས་དེའི་འོག་མ་འོངས་པར་བོད་ནང་ཞི་བའི་ངོ་རྒོལ་ལས་འགུལ་སྤེལ་བ་དང་ཡང་ན་རང་ལུས་མེར་སྲེག་གི་དོན་རྐྱེན་ལ་སོགས་པ་བྱུང་ཚེ། གནས་ཚུལ་དེ་རྒྱལ་སྤྱིའི་མང་ཚོགས་ཁྲོད་བསླེབ་པར་དུས་ཚོད་རིང་པོ་འགོར་ངེས་ཡིན་པ་དང་། ཡང་ན་གནས་ཚུལ་དེ་ནམ་ཡང་ཕྱིར་ཐོན་ཐུབ་ཀྱི་མ་རེད་ཅེས་མངོན་གསལ་གནང་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་ཐུགས་རྗེ་ཆེན་པོའི་བཀའ་དབང་བཀྲིན་བསྩལ་ཏེ་ལ་དྭགས་ནང་གི་ཆོས་འབྲེལ་ལེགས་གྲུབ་མཛད་པ། ཨ་རིའི་སྲིད་འཛིན་འོས་མི་གཉིས་ལ་བོད་ཀྱི་གནད་དོན་དེ་གཙོ་གྲས་སུ་ངོས་འཛིན་དགོས་པའི་ཞུ་སྐུལ་གནང་འདུག འཕྲོད་བསྟེན་ཁྱབ་ཁོངས་སྨན་ཁང་ཁག་གི་རྩིས་པ་རྣམ་པར་རྩིས་ཀྱི་ཟབ་སྦྱོང་དབུ་འཛུགས་གནང་པ། རྒྱ་ནག་ནང་ལ་མིའི་ནང་ཁྲོལ་ཚོང་གཉེར་བྱེད་བཞིན་པར་སྐྱོན་བརྗོད། ཁེ་ན་ཌའི་སྲིད་གཞུང་གིས་རྒྱ་ནག་ལྷན་དུ་འབྲེལ་ལམ་གྱི་ངོ་བོ་གསར་པ་ཞིག་གཏོད་ཐུབ་པའི་རེ་བ། དམིགས་བསལ་ལེ་ཚན། སྲིད་སྐྱོང་སྟ་བྲག་གི་མཛད་འཛོལ་དང་གུང་ཕྲན་གིས་བོད་ལ་བཙན་འཛུལ། Monday 22/08/2016 Dalai Lama concludes teachings in Ladakh with ‘Avalokiteshvara’ initiation ICT launches campaign to urge US presidential candidates to make Tibet a priority DoH begins accounting workshop for Tibetan hospital and clinic accountants TTS disputes China’s claim about international event approving its organ transplant industry Trudeau’s China visit, an opportunity to reset tone of Canada’s future relationship with China HISTORY FEATURE: Blunders of Taktra Rinpoche and China’s invasion of Tibet