Monthly Archives: May, 2016

ཉན་པ།: Listen ཕབ་ལེན། Download ༸གོང་ས་མཆོག་དབུ་བཞུགས་ཐོག་སྲིད་སྐྱོང་མཆོག་གིས་དམ་འབུལ་མཛད་སྒོ་ཚོགས་སོང་། རྔ་བ་ནང་དུ་དགེ་འདུན་པ་གཉིས་འཛིན་བཟུང་གིས་གར་སོང་ཆ་མེད་གྱུར་འདུག ཚེ་བརྟན་ནོར་བུ་ལགས་བོད་རྒྱལ་ཡོངས་མང་གཙོ་ཚོགས་པའི་ཚོགས་གཙོར་བདམས་ཐོན། དམིགས་བསལ་ལེ་ཚན། ཟས་རིགས་འཚོང་མཁན་སྐལ་བཟང་ཟླ་བ་ལགས་སུ་བཅར་འདྲི། Friday 27/05/2016 Dalai Lama appeals for ‘Cholsum’ unity as Sikyong Lobsang Sangay swears in for a second term China arrests Two Kirti monks, whereabouts unknown NDPT elects new executive members, Tseten Norbu elected new President

དེ་རིང་ཟླ་ ༥ ཚེས་ ༢༧ ཉིན་གྱི་སྔ་དྲོ་ཚོུད་ ༩།༣༠ སྟེང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་ར་བར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་མཛད་སྒོའི་གཙོ་མགོན་དུ་དབུ་བཞུགས་གཙོས། སྲིད་སྐྱོང་བློ་བཟང་སེང་གེ་མཆོག་གིས་དབུས་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་། བོད་མི་མང་སྤྱི་འཐུས་ཚོགས་གཙོ་སྦྲེལ་པོ་གཙོས་རྒྱུན་ལས་རྣམ་པ། གནད་ཡོད་སྐུ་མགྲོན་རྣམ་པ། ལྷན་ཁང་ཁག་གི་དྲུང་ཆེ་ཆུང་རྣམ་པ། སྲི་ཞུའི་ལས་བྱེད་རྣམ་པ། གཞུང་འབྲེལ་མིན་པའོ་ཚོགས་ཁག་གི་སྐུ་ཚབ། དེ་བཞིན་བཞུགས་སྒར་ཁུལ་དུ་གཉུག་མར་གནས་པ་དང་གློ་བུར་དུ་ལྷགས་པའི་སེར་སྐྱ་མང་ཚོགས་བཅས་སྟོང་ཕྲག་བརྒལ་བ་འདུ་འཛོམས་ཐོག་བཙན་བྱོལ་བོད་མིའི་བཅའ་ཁྲིམས་རིན་པོ་ཆེའི་དགོངས་དོན་ལྟར་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བའི་མདུན་དུ་སྲིད་སྐྱོང་མཆོག་གིས་ལས་འཁུར་དང་གསང་རྒྱའི་དམ་འབུལ་གྲུབ་བསྟུན། དམ་འབུལ་མ་དེབ་ཐོག་མཚན་རྟགས་བཀོད་གནང་ཡོད་པ་རེད། སྐབས་དེར་སྲིད་སྐྱོང་བློ་བཟང་སེང་གེ་མཆོག་གིས་ཐོག་མར་བོད་མིའི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གུས་ཕྱག་སྔོན་དུ་བཏང་ནས་བཀྲིས་པའི་འཚམས་འདྲི་ཞུས་པ་དང་སྦྲགས། མགོན་པོ་མཆོག་ནས་བདག་ཅག་བོད་འབངས་རྣམས་ལ་ཐུགས་རྗེའི་སྐྱབས་འོག་ནས་ནམ་ཡང་མི་འདོར་བར་ཐུགས་བརྩེ་བ་ཆེན་པོས་དམ་འབུལ་གྱི་མཛད་སྒོའི་ཚོགས་དགོན་དུ་ཆིབས་སྒྱུར་བསྐྱངས་པར་བཀྲིན་བླ་མེད་དུ་ཆེ་ཞེས་དང་། བཀའ་ཤག་གིས་ངོས་ནས་༸གང་ཉིད་ཀྱི་༸སྐུ་ཚེའི་རིང་བོད་མིའི་མངོན་འདོད་འགྲུབ་ཐུབ་པ་ཡོང་ཆེད་བཀའ་ཤག་ནས་འབད་བརྩོན་ཞུ་སྒོ་འཐུས་ཤོར་མེད་པ་ཞུ་རྒྱུའི་དམ་བཅའ་ཕུལ་གནང་སོང་། སྲིད་སྐྱོང་མཆོག་གིས་རྒྱ་ཆེ་མང་ཚོགས་ལ་ཐུགས་རྗེ་ཆེ་ཞུས་པ་དང་། ལྷག་དོན་ཕྱག་སྦྲེལ་བཀའ་བློན་རྣམས་པ་དང་སྲི་ཞུ་ལས་བྱེད་ཡོངས་ནས་ཆབ་སྲིད་དང་འཛིན་སྐྱོང་གི་ལས་དོན་སྤྱིའི་ཐད་ནས་ནུས་པ་མཉམ་སྤུངས་གནང་པར་བསྔགས་བརྗོད་གནང་པ་དང་ཆབས་ཅིག འབྱུང་འགྱུར་བཀའ་ཤག་སྐབས་བཅོ་ལྔ་པའི་ལས་ཡུན་རིང་རང་ནུས་གང་ལྕོགས་ལྷག་བློ་ཆེ་བསྐྱེས་ཀྱིས་ཞབས་ཕྱི་ཞུ་རྒྱུའི་ཁས་ལེན་ཞུ་གནང་པ་མ་ཟད།  བཀའ་ཤག་གི་གཞི་རྩའི་ལྟ་གྲུབ་གསུམ་ལ་རྒྱབ་རྟེན་དུ་བཟུང་སྟེ། སྔར་གྱི་ལས་འཆར་མུ་མཐུད་མཇུག་སྐྱོང་ཐོག་ཆབ་སྲིད་དང་འཛིན་སྐྱོང་གི་ལས་དོན་སྔར་ལྷག་ནུས་པ་ཐོན་པ་ཡོང་ཆེད་ལས་གཞི་གསར་པ་དུས་ནས་དུས་སུ་འབད་བརྩོན་ཞུ་རྒྱུ་དང་། གཞིས་བྱེས་རྒྱ་ཆེ་མང་ཚོགས་ནས་ཀྱང་ཆོས་ཁ་དང་ལུང་ཚན། ཆོས་ལུགས་བཅས་ཀྱི་དབྱེ་བ་མེད་པར་ཕུགས་ཀྱི་བསམ་འདུན་གཅིག་ཡིན་པ་དང་། བོད་རིགས་སྤུན་ཟླ་ཡིན་པའི་འདུ་ཤེས་བརྟན་པོར་བཟུང་སྟེ་མུ་མཐུད་རྒྱབ་སྐྱོར་དང་ཕྱར་གྲུ་མཉམ་འདེགས་གནང་བའི་རེ་བ་གནང་བཞིན་ཡོད་པ་གསུངས་སོང་། དེ་བཞིན་སྲིད་སྐྱོང་མཆོག་གིས་༸གོང་ས་མཆོག་གི་༸སྐུ་མདུན་དུ་ད་ལན་སྲིད་སྐྱོང་དང་སྤྱི་འཐུས་ཀྱི་འོས་བསྡུའི་བརྒྱུད་རིམ་ཁྲོད་བོད་མིའི་ཡ་རབས་བཟང་སྤྱོད་དང་འགལ་བའི་བྱ་སྤྱོད་ཐལ་བ་སོགས་ལ་བརྟེན་ནས་ལྷ་དགོངས་དཀྲུག་པ་བྱུང་ཡོད་སྟབས། གུས་ཅག་རྣམས་ནས་གནོངས་འགྱོད་དྲག་པོས་མཐོལ་བཤགས་ཞུས་པ་དང་འབྲེལ། ཕྱིན་ཆད་མགོན་པོ་མཆོག་ཐུགས་ཕམ་འགྱུར་གཞི་དེ་རིགས་གཏན་ནས་མི་ཡོང་བའི་ཁས་ལེན་དམ་བཅའ་བརྟན་པོ་རྒྱུ་ཞུ་ཡིན་པ་སོགས་གསུངས་ཡོད། མཛད་སྒོའི་གཙོ་མགོན་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་བསྩལ་བའི་ནང། བོད་ཀྱི་ཆོས་དང་རིག་གཞུང་དང་། དེ་ལ་བརྟེན་པའི་བོད་མིའི་ཡ་རབས་བཟང་སྤྱོད་ཀྱི་རིག་གཞུང་གི་གལ་གནད་སྐོར་དང་འབྲེལ། དེ་སྔ་དུས་རབས་བདུན་པ་བརྒྱད་པའི་སྐབས་ཆོས་རྒྱལ་བཀྲིན་ཅན་རྣམས་ཀྱིས་གཙོས་པའི་སྔོན་བྱོན་སྐྱེས་བུ་དམ་པ་ཚོས་ལོ་ངོ་སྟོང་ཕྲག་རིང་གི་རྒྱ་གར་གྱི་དཔལ་ན་ལེནྡྲའི་ཆོས་བརྒྱུད་དྲི་མ་མེད་པ་དེ་བོད་སྐད་ཐོག་བདག་གཅེས་གནང་པ་དེར་དེང་གི་མཁས་དབང་དང་ཚན་རིག་པ། དེ་བཞིན་ཆོས་པ་སོགས་ཤེས་ཡོན་ཅན་དང་ཟུར་གནས་སྐྱེས་བུ་ཚོས་དགའ་མོས་དང་དོ་སྣང་ཧ་ཅང་ཆེན་པོ་ཐོབ་སྟེ། འཛམ་གླིང་འདིའི་གཅེས་ནོར་ལྟ་བུ་དང་། ས་ཆའི་བབ་ཀྱི་ཆ་ནས་བོད་དེ་འཛམ་གླིང་གི་ཡང་རྩེ་ཞེས་བརྗོད་སྲོལ་ཡོད་པ་ལྟར། བོད་དེ་རིག་གཞུང་དང་ལྟ་གྲུབ་ཀྱི་ཡང་རྩེར་སོན་པ་ཞིག་ཆགས་ཡོད་སྟབས་ཚང་མས་རང་གི་རྩ་ཆེན་རིག་གཞུང་དེ་བདག་གཅེས་གནང་གལ་ཡིན་པའི་བཀའ་སློབ་བསྩལ་ཡོད།ད་དུང་༸གོང་ས་མཆོག་གིས་དུས་ཚོད་གཉན་འཕྲང་ཅན་འདིར་གཙོ་ཆེ་གཞི་ལུས་རྒྱ་ཆེ་མང་ཚོགས་ཀྱི་ལྷག་བསམ་དང་སྙིང་ངོ་མཚར་བསྐྱེད་དགོས་ཡག་ཙམ་མ་ཟད། སེམས་ཤུགས་དང་སྙིང་སྟོབས་དེ་དག་འཚེ་མེད་ཞི་བའི་སྒོ་ནས་གནང་སྟེ་སྐུ་ངལ་དེ་ལྟར་སྐྱོན་བཞིན་ཡོད་སྟབས། བཙན་བྱོལ་ནང་ཡོད་མཁན་རྣམས་ནས་ད་བར་གཞིས་ལུས་རྒྱ་མང་ཚོགས་ཀྱི་ཚབ་བྱེད་ནས་སྔར་བཞིན་མུ་མཐུད་ཧུར་ཐག་གནང་ནས་ཁ་ཡོད་ལག་ཡོད་ཀྱི་གྲུབ་འབྲས་ཐོན་གལ་ཡིན་པ་ལས། འདྲ་ཆགས་ཆགས་རིགས་གནང་རྒྱུ་མེད་པའི་བཀའ་སློབ་ལྕི་མོ་བསྩལ་གནང་སོང་། ལྷག་པར་དུ་༸གོང་ས་མཆོག་གིས་ཉེ་ཆར་བོད་མིའི་འོས་བསྡུའི་ལས་རིམ་སྐབས་ཡ་རབས་བཟང་སྤྱོད་ཀྱི་མཚམས་ནས་ཏོག་ཙམ་མར་བབས་བསྡ་པ་འདྲ་པོ་ཞིག་ཡོང་སོང་། ལྷག་པར་དུ་རེ་ཟུང་གི་བྱེད་ལས་རྐྱེན་པས་ཆོལ་ཁའི་འཐེན་འཁྱེར་གྱི་རྣམ་པ་ཐོན་པར་༸གང་ཉིད་མཆོག་ཧ་ཅང་གི་ཐུགས་ཕམ་བྱུང་ཡོད་པ་བཀའ་གནང་སྟེ། ཕྱིན་ཆད་ཚང་མས་དེའི་རིགས་མི་ཡོང་བ་གནང་གལ་ཡིན་པ་དེ་ལྟར་ཡང། ད་བར་ང་ཚོ་བོད་ཆོལ་ཁ་གསུམ་པོ་སྐྱིད་ན་སྐྱིད་མཉམ་དང་། སྡུག་ན་སྡུག་མཉམ་བྱེད་མཁན་ཞིག་ཆགས་ཡོད་སྟབས། ནམ་ཡང་ཆོལ་ཁ་དང་ཆོས་ལུགས་ཀྱི་དབྱེ་བའི་རིགས་མི་ཡོང་བ་གནང་གལ་ཡིན་པ་བཀའ་སློབ་བཀྲིན་བསྩལ་གནང་ཡོད་པ་རེད། རྩ་བའི་དེ་རིང་སྔ་ཐོག་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་སྲིད་སྐྱོང་མཆོག་གིས་ལས་འཁུར་དམ་འབུལ་གྲུབ་བསྟུན། མང་ཚོགས་ནས་སྲིད་སྐྱོང་མཆོག་ལ་མཇལ་འཕྲད་ཞུས་ནས་འཚམས་འདྲིའི་མཇལ་དར་ཕུལ་བ་གནང་མཁན་འདུག་པ་མ་ཟད། མང་ཚོགས་ཁག་ཅིག་ནས་འདི་ག་རླུང་འཕྲིན་ཁང་བརྒྱུད་སྲིད་སྐྱོང་མཆོག་ལ་འཚམས་འདྲི་གནང་མཁན་ཡང་བྱུང་ཡོད།

བོད་མདོ་སྨད་རྔ་པ་ཀིརྟི་དགོན་པའི་གྲྭ་བློ་བཟང་དར་རྒྱས་ལགས་རྒྱ་གཞུང་གིས་སླར་འཛིན་བཟུང་བྱས་རྗེས་གནས་སྟངས་ཇི་ཆགས་ཤེས་རྟོགས་མེད་པར་གྱུར་འདུག དེའང་བརྒྱུད་ལམ་ཁག་ཏུ་གནས་ཚུལ་ཐོན་གསལ་ལ་གཞིགས་ན། ཟླ་འདིའི་ཚེས་ ༢༣ ཉིན་གྱི་མཚན་མོར་རྒྱ་གཞུང་གིས་རྔ་པ་ཀིརྟི་དགོན་པའི་ཆབ་སྲིད་བཙོན་ཟུར་དགེ་འདུན་པ་རང་ལོ་ ༣༠ ཡས་མས་སོན་པ་བློ་བཟང་དར་རྒྱས་ལགས་རྒྱུ་མཚན་གང་ཡིན་གསལ་ཁ་མེད་པའི་འོག་འཛིན་བཟུང་བྱས་སྟབས། ད་ལྟའི་ཆར་ཁོང་ས་གནས་གང་ཏུ་བཙོན་འཇུག་བྱེད་ཡོད་མེད་སོག་སཀྱི་ཞིབ་ཕྲའི་གནས་ཚུལ་གང་ཡང་ཤེས་རྟོགས་ཐུབ་མེད་པ་རེད། རྒྱ་གཞུང་དྲག་ཆས་ཉེན་རྟོག་པེ་གྲྭ་བློ་བཟང་དར་རྒྱས་ལགས་ལ་དེ་ལས་སུ་ཆེད་འབོད་ཀྱིས་ཁོང་གི་འགྲོ་འདུག་སྤྱོད་གསུམ་གྱི་གནས་ཚུལ་གཙོས་པའི་ཁྲིམས་འགལ་གྱི་བྱ་སྤྱོད་སྤེལ་གྱི་ཡོད་མེད་སྐོར་ཡིག་ཐོག་ནས་སྤྲོད་དགོས་པའི་བཙན་བཀའ་ལན་མང་བཏང་ཡོད་ཀྱང་། ཁོང་གིས་དེ་ལྟར་ཁྲིམས་འགལ་གྱི་བྱ་སྤྱོད་སྤེལ་བར་ངོས་བཞེས་གང་ཡང་གནང་མེད་པ་རེད་འདུག གཞི་རྩའི་དགེ་འདུན་པ་བློ་བཟང་དར་རྒྱས་ལགས་ནི་རྔ་པ་རྫོང་རྨེའུ་རུ་མའི་རུ་ཆེན་གཉིས་པའི་ཕ་བློ་བཟང་གི་བུ་ཡིན་ཞིང་། ཁོང་དེ་སྔོན་ ༢༠༡༡ ལོར་རང་གི་སྤུན་མཆེད་གྲྭ་ཕུན་ཚོགས་ལགས་ཀྱིས་རང་ལུས་མེར་བསྲེགས་ཀྱི་གནད་དོན་དང་འབྲེལ་ནས་འཇུག་བཟུང་གིས་དུས་བཀག་ལོ་གསུམ་རིང་བཙོན་འཇུག་ཟིན་རྗེས་གློད་བཀྲོལ་བཏང་འདུག དེ་དོན་བཞིན་ཁོང་སླར་ཀིརྟི་དགོན་པར་གཞུང་ཆེན་ཀ་དཔོད་དག་ལ་ཐོས་བསམ་སློབ་གཉེར་གནང་པ་མ་ཟད། བཀའ་རིམ་འཛིན་གྲྭའི་སྐྱོར་དཔོན་ཡང་ཡིན་འདུག དེ་མཚུངས་སུ་ཟླ་བ་སྔོན་མའི་ཚེས་ ༡༤ ཉིན་གྱི་དགོང་མོར་ཨ་མདོ་རྔ་པ་རྩི་ནང་དགོན་པའི་དགེ་འདུན་པ་འཇམ་དབྱངས་བློ་གྲོས་ལགས་རྒྱ་ནག་ཉེན་རྟོག་པས་འཛིན་བཟུང་གིས་ད་བར་གནས་ཚུལ་ཇི་ཆགས་སོགས་ཤེས་རྟོགས་ཐུབ་མེད། རྔ་པ་རྩི་ནང་དགོན་དཔལ་མི་འགྱུར་ངེས་དོན་བདེ་ཆེན་གླིང་གི་དགེ་འདུན་པ་འཇམ་དབྱངས་བློ་གྲོས་ལགས་རྔ་པ་ཁུལ་འབར་ཁམས་གྲོང་ཁྱེར་མི་དམངས་སྨན་ཁང་གི་སྒོ་འགྲམ་ནས་གློ་བུར་དུ་འཛིན་བཟུང་བྱས་སྟབས། རྒྱ་གཞུང་གིས་ཁོང་འཛིན་བཟུང་བྱེད་དགོས་དོན་གང་ཡིན་དང་ད་ལྟའི་ཆར་ས་གནས་གང་དུ་བཙོན་འཇུག་བྱེད་ཡོད་སོགས་ཞིབ་ཕྲའི་གནས་ཚུལ་ཤེས་རྟོགས་ཐུབ་མེད། འོན་ཏང་ས་གནས་བོད་མི་ཚོས་འགྲེལ་བརྗོད་གནང་དོན་ལ། ཁོང་གིས་ཆབ་སྲིད་དང་འབྲེལ་བའི་རྩོམ་ཡིག་མང་དག་ཞིག་བྲིས་ཡོད་པ་དང་། དེ་དག་ཕར་ཚུར་སྐུར་པའི་རྐྱེན་གྱིས་ཡིན་པར་ཚོད་དཔག་བྱེད་བཞིན་འདུག རྩ་བའི་གྲྭ་འཇམ་དབྱངས་བློ་གྲོས་ལགས་ནི་ད་ལྟ་རང་ལོ་ ༣༥ ཙམ་ཡིན་པ་དང་། ཁོང་གི་ཕ་མིང་ལ་ཚག་ཐོ་དང་མ་མིང་ལ་ཟོག་རས་ཟེར་གྱི་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་ཝི་ཏི་ནམ་དད་ལྡན་པ་ཁག་ཅིག་ལ་དམིགས་བསལ་མཇལ་ཁ་དང་བཀའ་སློབ་བསྩལ་འདུག རྔ་བ་ཁུལ་གྱི་གནས་རི་སྲུང་སྐྱོབ་བྱེད་མཁན་བོད་མི་ཚོར་གཅར་རྡུང་བཏང་འདུག མ་འོངས་ཀྱི་འགོ་འཁྲིད་ན་གཞོན་ནས་འགོ་འཁྲིད་ཀྱི་གལ་གནད་ཤེས་རྒྱུ་གལ་ཆེན་པོ་ཡིན་པ་གསུངས་འདུག རྒྱ་གར་གཞུང་ནས་རྡ་རམ་ས་ལ་དེ་བཞིན་དེང་དུས་ཅན་གྱི་གྲོང་ཁྱེར་འཛུགས་སྐྲུན་ཁོངས་སུ་བདམས་འདུག རྡ་སའི་ས་གནས་འགོ་འཛིན་གྱི་སྔོན་འགྲོ་འོས་བསྡུའི་གྲུབ་འབྲས་གསལ་བསྒྲགས་གནང་པ། ཕ་མའི་བརྩེ་སེམས་ཞེས་པའི་དེབ་དབུ་འབྱེད། འཕྲོད་བསྟེན་ཤེས་བྱ། རིན་ཆེན་ཚ་སྦྱོར་དང་རིན་ཆེན་ལྕགས་རིལ་ཆེན་མོ། Thursday 26/05/2016 Dalai Lama holds interactive dialogue with Vietnamese devotees Ngaba Tibetans protest mining of holy hill, several beaten Six days DoE Leadership Workshop for Tibetan Youth kicks off Preliminary result of Dharamsala welfare officer declared Dharamsala again gets Smart City tag ‘Phamei Tsesem’: Tibetan student launches new book Tibetan monks in South India monasteries receive Science workshop HEALTH FEATURE: Dr. Jamyang Tashi on Tibetan Precious Pills

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་ཟླ་ ༥ ཚེས་ ༢༥ ཉིན་ནས་དབུ་འཇུགས་ཀྱིས་དེ་རིང་ཚེས་ ༢༦ བར་བཞུགས་སྒར་༸རྒྱལ་བའི་ཕོ་བྲང་དུ་ཝི་ཏི་ནམ་ནས་ཆེད་བཅར་ཞུས་པའི་དད་ལྡན་སྡེ་ཁག་ཅིག་ལ་དམིགས་བསལ་མཇལ་ཁ་དང་བཀའ་འདྲི་ཞུས་པར་སྐལ་བཟང་གི་བཀའ་ལན་བསྩལ་ཡོད་པ་རེད། དེ་རིང་ཉིན་མཐའ་མའི་བགྲོ་གླེང་གི་ལས་རིམ་སྐབས་ཝི་ཏི་ནམ་དད་ལྡན་པ་ཞིག་གིས་བཀའ་འདྲི་ཞུས་པའི་བཀའ་ལན་ལས་འཕྲོས་ཏེ་མགོན་པོ་མཆོག་གིས་ད་ལྟའི་ཆར་རྒྱ་ནག་ནང་ལ་བཟང་ཕྱོགས་ཀྱི་འགྱུར་བ་ཕྲན་བུ་འགྲོ་བཞིན་ཡོད་པ་གཟིགས་ཀྱི་ཡོད་སྐོར་བཀའ་སྩལ་དང་འབྲེལ། འཛམ་གླིང་འདི་ཞི་བདེ་དང་བདེ་སྐྱིད་ལྡན་པ་བསྐྲུན་པར་རྒྱ་ནག་ནས་ནུས་པ་ལྡན་པའི་ཞབས་འདེགས་བསྒྲུབ་ཐུབ་ངེས་ཡིན་པ་བཀའ་བསྩལ་འདུག ༸གང་ཉིད་མཆོག་གིས་འདས་པའི་ལོ་ངོ་ ༦༠ རིང་རྒྱ་ནག་ནང་སྲིད་འཛིན་རིམ་པ་འཕོ་འགྱུར་ལྟར། ད་ཆ་སྲིད་འཛིན་ཞི་ཅིང་ཕིང་ནས་ཡུལ་དེའི་ནང་ལྐོག་ཟ་རུལ་སུངས་གི་བྱ་ངན་རིགས་ལ་གདོང་ལེན་བྱེད་མུས་ཁར། དེ་སྔ་ཕྷ་རན་སིར་གཞུང་འབྲེལ་འཚམས་སྐོར་སྐབས་ནང་པ་སངས་རྒྱས་པའི་ཆོས་དེས་རྒྱ་ནག་གི་རིག་གཞུང་ལ་ཞབས་འདེགས་བསྒྲུབ་རྒྱུར་གལ་གནད་ཆེན་པོ་ཆགས་ཀྱི་ཡོད་སྐོར་གཏམ་བཤད་སྤེལ་བར་བསྔགས་བརྗོད་གནང་ཡོད་པ་རེད། ད་དུང་མགོན་པོ་མཆོག་གིས་རྒྱ་ནག་གཞུང་གིས་མཁྲེགས་བཟུང་གི་ལྟ་བ་དེ་དག་ངེས་པར་དུ་དོར་ཏེ་འཛམ་གླིང་འདི་སྔར་ལས་ཞི་བདེ་ལྷིང་འཇགས་དང་བེད་སྐྱིད་ལྡན་པ་ཞིག་ཡོང་ཐབས་སུ་ནུས་པ་ལྡན་པའི་ཞབས་འདེགས་བསྒྲུབ་ཐུབ་ཀྱི་རེད་ཅེས་བཀའ་བསྩལ་འདུག རྩ་བའི་༸གོང་ས་སྐྱབས་མགོན་ཆེན་པོ་མཆོག་ནས་ཝི་ཏི་ནམ་དད་ལྡན་པ་རྣམས་ལ་དམིགས་བསལ་མཇལ་ཁ་དང་བཀའ་སློབ། ལྷག་དོན་ཁོང་རྣམས་ཀྱིས་བཀའ་འདྲི་ཞུ་རྒྱུའི་ལས་རིམ་འདི་བཞིན་འདས་པའི་ལོ་ཤས་ནང་ཐེངས་གསུམ་བསྐྱངས་ཟིན་འདུག་པ་དང་། ད་ལྟའི་བགྲོ་གླེང་འདི་ཐེངས་བཞི་པ་དེ་ཆགས་ཀྱི་འདུག

བོད་མདོ་སྨད་རྔ་བ་ཁུལ་ཆུ་ཆེན་རྫོངས་ཀྱི་བོད་མི་ཚོས་ས་གནས་ཀྱི་གནས་རི་སྲུང་སྐྱོབ་ཆེད་རྒྱ་གཞུང་གི་ངོ་རྒོལ་བྱས་ཡོད་ཀྱང། རྫོང་ས་གནས་ཉེན་རྟོག་པས་བོད་མི་དེ་དག་གི་བཅར་རྡུང་དང་བཀག་ཉར་བྱས་འདུག་པ་མ་ཟད། བོད་མི་ཚོས་ངོ་རྒོལ་གནང་མི་ཆོག་པའི་འཇིགས་སྐུལ་གྱི་བཙན་བཀའ་བཏང་འདུག གཞི་རྩའི་དེ་སྔོན་ ༢༠༡༣ ལོར་རྔ་བ་ཁུལ་ཆུ་ཆེན་རྫོངས་ཨ་ཁོ་རེས་ཡུལ་ཚོའི་ཉི་འཁྲིས་སུ། རྒྱ་ནག་གཞུང་གི་གློག་ཁང་འཛུགས་སྐྲུན་ལ་ཁ་གཡར་ཏེ་ཡུལ་ཚོའི་སྡེ་བ་བཞིའི་གནས་རིར་གཏེར་ཁ་བསྔོག་རྩིས་བྱས་སྟབས། སྐབས་དེར་སྡེ་བའི་བོད་མི་སྐུ་ཚབ་དང་འབྲོག་པ་ཚོས་ཐེངས་མང་གཏེར་བཏོན་ལས་གཞི་འགོག་རྒོལ་བྱས་ནས་གནས་སྐབས་རིང་ལས་གཞི་མཚམས་འཇོག་བྱེད་ཐུབ་པ་བྱུང་ཡོད། འདི་ལོའི་ཕྱི་ཟླ་ ༣ ནང་དུ་ས་གནས་སྲིད་གཞུང་གི་དཔོན་རིགས་ཚོས་རྔ་བ་ཁུལ་ཆུ་ཆེན་རྫོང་ཨ་ཁོ་རེས་ཡུལ་ཚོའི་བོད་མི་མང་ཚོགས་ས་ཀྱི་གནས་རིར་ལས་གཞི་མཚམས་འཇོགས་ཡོང་བའི་རེ་སྐུལ་ལན་མང་ཞུས་ཀྱང་མ་ཉན་པར། ཕྱི་ཟླ་ ༣ ཚེས་ ༢༨ ཉིན་གནས་རི་སྲུང་སྐྱོབ་བྱེད་ཆེད་ངོ་རྒོལ་བྱེད་མཁན་ས་གནས་བོད་མིའི་ཐོག་ཉེན་རྟོག་པ་ ༨༠ ལྷག་ཆེད་གཏོང་གིས་བོད་མི་ ༢༠ ལྷག་ལ་གང་བྱུང་གཅར་བརྡུང་བཏང་བ་འདུག་པ་མ་ཟད། རྒན་པོ་ལོ་ངོ་ ༦༠ ཅན་ཞིག་གཙོས་པའི་བོད་མི་ ༧ བཙན་བཟུང་གིས་ས་ཉིན་གྲངས་བདུན་ ༧ དང། ༡༥ དང་། ༢༠ བཅས་ཁག་སོ་སོར་བཀག་ཉར་བྱས་ནས་གློད་བཀྲོལ་བཏང་འདུག ལྷག་པར་དུ་ཟླ་ ༥ ཚེས་ ༢༠ ཉིན་སླར་ཡང་ས་གནས་སུ་ཉེན་རྟོག་པ་མང་པོ་ཞིག་ཡོང་སྟེ་སྲིད་གཞུང་གི་ལས་གཞི་འགོག་རྐྱེན་བཟོས་ན་ཉེས་ཆད་ལྕི་མོ་གཏོང་རྒྱུ་ཡིན་པ་ཡོངས་བསྒྲགས་བྱས་འདུག རྩ་བའི་ད་རེས་རྒྱ་གཞུང་ནས་གློག་ཁང་འཛུགས་སྐྲུན་ལས་གཞི་སྤེལ་ཡུལ་བོད་མདོ་སྨད་རྔ་བ་ཁུལ་ཆུ་ཆེན་རྫོང་ཨ་ཁོ་རེས་ཡུལ་ཚོ་འདི་ནི། བོད་མཐོ་སྒང་དུ་གནས་པའི་འབྲོག་པའི་གནས་སྡོད་བྱ་ཡུལ་ས་ཁུལ་ཞིག་དང། ས་ཆ་དེའི་ས་གནས་བོད་མི་ཚོའི་འཚོ་རྟེན་གཞི་མ་དང་བོད་མི་འབྲོག་པའི་དད་མོས་བྱ་ཡུལ་གྱི་གནས་རི་རྩ་ཆེ་ཞིག་ཀྱང་ཡིན་པ་རེད།  

རྒྱ་གར་དབུས་གཞུང་ནས་རྡ་རམ་ས་ལ་ Smart City འམ་དེང་དུས་ཀྱི་ཅན་གྱི་གྲོང་ཁྱེར་འཛུགས་སྐྲུན་ལས་གཞིའི་ཁོངས་སུ་འདེམས་ཐོན་བྱས་འདུག དེའང་སྔ་ལོའི་ཕྱི་ཟླ་ ༨ ནང་ལ་རྒྱ་གར་དབུས་གཞུང་གི་གྲོང་ཁྱེར་ཡར་རྒྱས་ལས་ཁང་ནས་རྡ་རམ་ས་ལ་རྒྱ་གར་རྒྱལ་ཡོངས་ནང་གི་དེང་དུས་ཅན་གྱི་གྲོང་ཁྱེར་འཛུགས་སྐྲུན་ལས་གཞིའི་ཁོངས་སུ་འདེམས་ཐོན་བྱུང་བ་ལྟར། ཧི་མཱ་ཅལ་མངའ་སྡེའི་རྒྱལ་ས་སིམ་ལ་དང་རྡ་རམ་ས་ལ་གཉིས་དབར་ལས་གཞིའི་དེའི་ཁོངས་སུ་འདེབས་ཐོན་གནང་ཡོད་ཀྱང་། སྐབས་དེར་སིམ་ལ་ས་གནས་གྲོང་སྡེ་ལས་ཁུངས་ཀྱིས་འོས་ཆོས་ཚང་མེད་པར་སྐྱོན་བརྗོད་ཤུགས་ཆེ་བྱས་སྟབས། འཛུགས་སྐྲུན་གྱི་ལས་གཞི་ཁོངས་ནས་ཕྱིར་འཐེན་བྱ་དགོས་བྱུང་ཡོད་པ་རེད། འོན་ཀྱང་ད་ལན་རྒྱ་གར་གྱི་བརྒྱུད་ལམ་ཁག་ཏུ་གནས་ཚུལ་ཐོན་པར་གཞིགས་ན། ཟླ་འདིའི་ཚེས་ ༢༤ ཉིན་རྒྱ་གར་དབུས་གཞུང་གི་གྲོང་ཁྱེར་ཡར་རྒྱས་ལས་ཁང་བློན་ཆེན་ Venkaiah Naidu ལགས་ཀྱིས་རྒྱ་གར་རྒྱལ་ཡོངས་ནས་དེང་དུས་ཅན་གྱི་གྲོང་ཁྱེར་འཛུགས་སྐྲུན་ལས་གཞིའི་ཁོངས་སུ་འདེབས་ཐོན་གནང་པའི་ས་གནས་ཁག་ ༡༣ གྱི་མིང་འདོན་ཡོངས་གྲགས་གནང་པ་ལས་རྡ་རམ་ས་ལ་འདི་བཞིན་བསྐྱར་དུ་དེང་དུས་ཀྱི་ཅན་གྱི་གྲོང་ཁྱེར་འཛུགས་སྐྲུན་ལས་གཞི་ནང་འདེབས་ཐོན་བྱས་འདུག ཐེངས་འདིའི་འཛུགས་སྐྲུན་གྱི་ལས་འཆར་དེ་ལོ་ལྔའི་རིང་གནང་གི་ཡོད་པ་མ་ཟད། རྒྱ་གར་དབུས་གཞུང་ནས་རྡ་ས་ས་གནས་སུ་ཧིན་སྒོ་ས་ཡ་ ༡༠༠༠ གནང་གི་འདུག ལས་གཞི་དེ་ཡང་གཙོ་བོ་རྡ་རམ་ས་ལའི་ས་གནས་སུ་དེང་དུས་ཀྱི་ཆ་རྐྱེན་ཚང་བའི་གྲོང་ཁྱེར་ཞིག་ཏུ་འཛུགས་སྐྲུན་བྱ་རྒྱུ་དེ་ཡིན་པ་མ་ཟད། ལས་གཞིའི་དེའི་བརྒྱུད་འགྲིམ་འགྲུལ་དང་མོ་ཊ་འཇོག་སའི་ས་ཁྱོན་རྒྱ་སྐྱེད་ཆེ་རུ་གཏོང་རྒྱུ་གཙོས་པའི་ Ebus འམ་གློག་གི་འགྲིམ་འགྲུལ་སྤྱི་སྤྱོད་རླངས་འཁོར་དང་། བྷག་སུ། རྡ་ཤོད། མེག་ལོར། ས་གནས་ཀྱི་ཉེན་རྟོག་ཐང་ཆེན་བཅས་ས་ཚིགས་ཁག་ཏུ་སྤྱི་སྤྱོད་རྐང་འཁོར་འབབ་ཚུགས། དྲ་ཐོག་བརྒྱུད་གཞུང་ལམ་ཡར་རྒྱས་ཀྱི་འཛུགས་སྐྲུན་གྱི་ལས་འཆར་མང་དག་ཞིག་སྤེལ་འཆར་ཡོད་འདུག འདི་ག་རླུང་འཕྲིན་ཁང་ནས་རྡ་ས་ས་གནས་འགོ་འཛིན་ཚེ་རིང་ལྷ་མོ་ལགས་སུ་ལས་གཞི་དེ་དང་འབྲེལ་བའི་བཅར་འདྲི་ཞུས་པར་ཁོང་གིས་ལས་གཞི་དེའི་བརྒྱུད་ནས་མེག་གྷན་ཁུལ་གྱི་བོད་མི་ཐང་ཁྲོམ་གནང་མཁན་ཚོར་དོ་ཕོག་མི་ཡོང་བའི་རེ་བ་ཆེན་པོ་གནང་གི་ཡོད་སྐོར་གསུངས་ཀྱི་འདུག གཞི་རྩའི་རྡ་རམ་ནི་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཞུགས་སྒར་དང་། བཙན་བྱོལ་བོད་མིའི་སྒྲིག་འཛུགས་བསྟེ་གནས། དེང་སྐབས་ཕྱི་རྒྱལ་ཁབ་འདྲ་མིན་དང་རྒྱ་གར་རྒྱལ་ཡོངས་ཀྱི་ཡུལ་སྐོར་སྤྲོ་འཆམ་པ་འདུ་འཛོམས་བྱེད་སའི་ས་ཚིགས་གནད་ཆེ་ཞིག་ཀྱང་ཆགས་ཀྱི་ཡོད་པ་རེད། ལྷག་དོན་ཧི་མཱ་ཅལ་མངའ་སྡེའི་རྒྱལ་ས་གཉིས་པ་ཡང་ཆགས་ཀྱི་ཡོད་པ་རེད།

ཉན་པ།: Listen ཕབ་ལེན། Download ཨ་རིའི་གྲོས་ཚོགས་ནང་རྒྱ་གཞུང་ནས་རྒྱལ་སྤྱིའི་ཐོག་དམ་དྲག་གི་སྲིད་བྱུས་སྤེལ་བཞིན་པའི་ཐོག་ཉན་ཞིབ མང་ཚོགས་ནས་རྡ་སའི་ས་གནས་འགོ་འཛིན་གྱི་འོས་བསྡུར་དོ་སྣང་ཆེན་པོ་གནང་པ། ༸གོང་ས་མཆོག་མེག་སི་ཀོའི་མང་ཚོགས་ཀྱིས་དགའ་མོས་ཆེ་ཤོས་ཞུ་ཡུལ་དུ་འདེམས་ཐོན། ཀརྨ་པ་རིན་པོ་ཆེ་མཆོག་གིས་སུད་སི་ནང་མཛད་འཆར་དབུ་འཛུགས་བསྐྱངས་པ། བོད་མི་མང་སྤྱི་འཐུས་སྐུ་ཚབ་ནས་ཡུ་རོབ་ཁུལ་དུ་འཚམས་གཟིགས། རྒྱ་གར་གཞུང་ནས་དགེ་བཤེས་ངག་དབང་བསམ་གཏན་ལགས་ལ་ཆེས་བསྟོད་གཟེངས་རྟགས་གནང་འདུག དམིགས་བསལ་ལེ་ཚན། ༸གོང་ས་མཆོག་གིས་ཧུན་སུར་གཏན་སློབ་ཏུ་སྩལ་བའི་བཀའ་སློབ། Wednesday 25/05/2016 CECC holds hearing on China’s global efforts to silence dissent Dharamsala holds preliminary election of local welfare officer Dalai Lama tops the list of Most Admired Men in Mexico Karmapa Rinpoche arrives in Zurich Vice Chancellor of Varanasi Central University of Tibetan Studies felicitated by Indian Govt. TPiE delegation visits Norway, Sweden and Denmark FEATURE: Dalai Lama’s speech at CST, Hunsur