Tibetan Royal Year of 2151 | Year of the Wood Dragon

ARCHIVE

Monthly Archives: August, 2015

རེས་གཟའ་སྤེན་པ། ༢༠༡༥།༠༨།༢༩

ཉན་པ།: Listen ཕབ་ལེན། Download བཀྲིས་སྐྱིད་ནི་ངའི་ཨ་མ་གཉིས་པ་ལྟར་ཡིན་ཞེས་གསུངས་འདུག རྒྱ་གཞུང་གིས་རེབ་གོང་ནས་དགེ་འདུན་པ་ཞིག་འཛིན་བྱས་འདུག སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་ཞག་ཞེ་དགུའི་མཆོད་འབུལ་ཚོགས་པ། ༸གོང་ས་མཆོག་བཞུགས་སྒར་ནས་ན་སིག་གྲོང་ཁྱེར་དུ་ཆིབས་སྒྱུར་བསྐྱངས་པ། བོད་ནང་དམ་དྲག་བྱེད་ཤུགས་ཆེ་རུ་གཏོང་བཞིན་པ་ནི་སྲིད་བྱུས་ལམ་ལྷོང་མ་བྱུང་བའི་རྟགས་མཚན་ཡིན་པ་གསུངས་འདུག གྲོས་ཚོགས་ཚོགས་དུས་བཅུ་པ་ཟླ་བ་རྗེས་མའི་ཚེས་༡༥ནས་དབུ་འཛུགས་གནང་རྒྱུ། བོད་ཀྱི་གཞོན་ནུ་ལྷན་ཚོགས་ནས་ས་ཡོམ་གྱི་ངལ་སེལ་ཆེད་བལ་སྒོར་འབུམ་༡༦ འཕར་མ་གནང་འདུག Saturday 29/08/2015 ‘She is like my second mother’: says nephew of Tashi Kyi China arrests Rebgong Rongwo monastery monk, whereabouts unknown Exile Tibetans mark 49th day of Tulku Tenzin Delek’s demise Dalai Lama leaves for Nasik Kumbh Mela TYC donates 16 lakh for Nepal quake victims

རྒྱལ་གཅེས་པ་བཀྲ་ཤིས་སྐྱིད་ལགས་ནི་ངའི་ཨ་མ་གཉིས་པ་ལྟ་བུ་ཡིན།

ཟླ་འདིའི་ཕྱི་ཚེས་ ༢༧ ཉིན་བོད་མདོ་སྨད་ཀན་ལྷོ་ཁུལ་སངས་ཆུ་རྫོང་བསང་ཁོག་ཡུལ་ཚོའི་དངུལ་རྭ་སྡེ་བའི་ནང་དུ་རང་ལུས་མེར་སྲེག་བཏང་མཁན། ཕྲུག་གུ་ལྔའི་ཨ་མ་བཀྲིས་སྐྱིད་ལགས་ཀྱི་བཟའ་ཟླའི་མིང་ལ་སངས་རྒྱས་སྐྱབས་དང་ཁོང་གཉིས་ལ་བུ་བཞི་དང་བོུ་གཅིག་བཅས་ཡོད་པ་ལས་བརྩོན་འགྲུས་རྒྱ་མཚོ་དང་། སངས་རྒྱས་རྒྱ་མཚོ། སྐལ་བཟང་རྒྱ་མཚོ་གསུམ་ནི་གྲྭ་པ་ཡིན་པ་དང། གཞན་ཡོན་ཏན་རྒྱ་མཚོ་དང་བུ་མོ་ཀུན་བཟང་སྐྱིད་བཅས་ཡིན་འདུག རྒྱགར་དུ་བཅའ་བཞུགས་དམ་པ་དེ་ཉིད་ཀྱི་ཚ་བོ་འཇམ་དབྱངས་སྦྱིན་པ་ལགས་ཀྱིས་གསུངས་པར། ཁོང་གི་ཨ་ནི་བཀྲིས་སྐྱིད་ལགས་ནི་མདོ་སྨད་བླ་བྲང་བསང་ཁོག་དངུལ་རྭ་ཞེས་པའི་འབྲོག་སྡེ་དེ་ནས་ཡིན་ཞིང་། ད་ལོ་ལོ་ན་ ༥༥ སོན་གྱི་ཡོད་པ་དང། ཁོང་གི་ཁྱིམ་ཚང་གི་ཆ་རྐྱེན་ལེགས་པོ་ཡོད་པས་བླ་བྲང་དགོན་པའི་ཉེ་འགྲམ་ན་ཁང་བ་བསྟར་མ་སུམ་ཐོག་ཅན་ཞིག་དང་།བསང་ཁོག་ཡུལ་འཚོར་ཡོད་པའི་བོད་མི་ཚོས་ཁང་བ་དམར་རོ་དང་རྒྱ་མིས་འབྲོག་སྡེ་གསར་བ་རུ་འབོད་པ་དེར་ཡང་ཁང་བ་ཞིག་ཡོད་པ་ལས། མེར་སྲེག་གནང་ས་ནི་བླ་བྲང་དགོན་པ་བར་སྤྱི་ལེ་བཅུ་ཙམ་སར་ཡོད་པའི་ཁང་བ་དམར་རོའི་ནང་ཡིན་པ་རེད་འདུག འཇམ་དབྱངས་སྦྱིན་པ་ལགས་ཀྱིས་ད་དུང། ཁོ་མོ་ནི་རྒྱུན་ལྡན་གཤིས་རྒྱུད་དྲང་ཞིང་ཀུན་ལ་སེམས་བཟང་འཆང་མཁན་ཞིག་ཡིན་པ་དང། ལྷག་པར་དགེ་སྒྲུབ་ལ་བརྩོན་པ་ཆེ་བ་ཞིག་ཡིན་སྐོར་འགྲེལ་བརྗོད་དང་འབྲེལ། རྒྱལ་གཅེས་པ་དམ་པ་དེ་ཉིད་ཁོང་གི་ཨ་མ་གཉིས་པ་ནང་བཞིན་ཡིན་པའི་འགྲེལ་བརྗོད་གནང་གི་འདུག རྩ་བའི་གསང་ཆུ་རྫོང་ནང་དེ་སྔ་ཕྱི་ལོ་ ༢༠༡༢ ལོའི་ཕྱི་ཟླ་ ༡༢ པའི་ནང་རང་ལོ་ ༡༨ སྲོན་པའི་རྒྱལ་གཅེས་པ་སངས་རྒྱས་བཀྲིས་ལགས་ཀྱིས་རང་ལུས་མེར་བསྲེགས་བཏང་ནས་འདས་གྲོངས་འགྱུར་ཡོད་པ་དང། ཁོང་ཡང་འཇམ་དབྱངས་སྦྱིན་པ་ལགས་ཀྱིས་བུ་སྤུན་རེད་འདུག ད་རེས་ཚེས་༢༧་ཉིན་རང་ལུས་མེར་བསྲེགས་གནང་མཁན་བཀྲིས་སྐྱིད་ལགས་དེ་སྔ་རྒྱ་གར་ནང་ཕྱི་ལོ་ ༢༠༡༢ ལོའི་དཔལ་དུས་ཀྱི་འཁོར་ལོའི་དབང་ཆེན་མཚོན་པའི་ཐེངས་གཉིས་ཕེབས་མྱོང་ཡོད་པ་ཞིག་ཡིན་པ་དང། ད་ལྟའི་ཆར་གསང་ཆུ་རྫོང་ནང་དམ་དྲག་ཆེ་བའི་རྐྱེན་གྱིས་དམ་པ་དེ་ཉིད་ནས་རང་ལུས་མེར་སྲེག་གནང་དོན་དང་སྐབས་དེར་ཞི་རྒོལ་གྱི་འབོད་ཚིག་གང་ཡིན་སོགས་ཀྱི་ཐད་ཁ་གསལ་ཤེས་རྟོགས་བྱུང་མེད།

བཙན་བྱོལ་བོད་མི་ཚོས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་ཞེ་དགུ་སྲུང་བརྩི་ཞུས་པ།

ལི་ཐང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་རྒྱའི་བཙོན་ཁང་ནང་སྐུ་བཀྲོངས་ནས་ཞག་ཞེ་དགུ་འཁོར་བའི་འདས་མཆོད་དང་བསྟུན། དེ་རིང་བཞུགས་སྒར་མཚོན་པའི་བོད་མི་གནས་སྡོད་གང་སར་ཆོས་ཕྱོགས་ཀྱི་མཆོད་འབུལ་སྨོན་ལམ་འཚོགས་བཞིན་འདུག ཟླ་ ༨ ཕྱི་ཚེས་ ༢༩ ཉིན་རྒྱབ་ཚོུད་ ༣ ཐོག་རྡ་ས་ཐེག་ཆེན་ཆོས་གླིང་གཙུག་ཁང་དུ་བོད་ཀྱི་བེུད་ལྷན་ཚོགས་ཀྱིས་གོ་སྒྲིག་འོག་མཆོད་ལམ་སྨོན་ལམ་ཞིག་ཚོགས་པར་རྡ་ས་གནས་སྡོད་བོད་མི་སེར་སྐྱ་མང་ཚོགས་བརྒྱ་སྐོར་ལྷག་ཙམ་ལྷན་བཞུགས་གནང་འདུགསྐབས་དེར་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་སྒྲོལ་མ་དབྱངས་ཅན་ལགས་ཀྱིས་གསུངས་དོན་ལ་བོད་མི་ཚོས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་གནད་དོན་ཐད་རྒྱལ་སྤྱིའི་ཐོག་བསྟུད་མར་ཞུ་གཏུགས་ཞུས་ཡོད་ཀྱང་བཟང་ཕྱོགས་ཀྱི་བརྡ་ལན་གང་ཡང་བྱུང་མེད་པ་མ་ཟད། ལྷག་དོན་རྒྱ་གཞུང་ནས་གནད་དོན་དེར་དྲང་བདེན་རྩ་བ་ནས་བྱེད་མེད་པར་བློ་ཕམ་ཆེན་པོ་ཡོད་ཅེས་གསུངས་སོང། དུས་མཚུངས་རྒྱ་གར་བྱང་ཕྱོགས་རྡེ་ར་རྡུན་ཁུལ་དུ་བདེ་སྐྱིད་གླིང་བོད་མིའི་གཞིས་ཆགས་དང། ཚེ་རིང་དོན་ལྡན་གླིང། དོན་གྲུབ་གླིུང། དེ་བཞིན་རཱཇ་པུར་བཅས་ས་གནས་ཁག་བཞིའི་བོད་ཀྱི་བེུད་ལྷན་ཚོགས་དང་གཞོན་ནུ་མཉམ་སྦྲེལ་ཐོག་མཆོད་འབུལ་སྨོན་ལམ་དང་མཆོད་མེ་སྟོང་མཆོད་སོགས་ཆོས་ཕྱོགས་ཀྱི་བྱ་བ་རྒྱ་ཆེ་བ་གནང་བ་མ་ཟད། ས་གནས་ཀྱི་ཡུལ་མི་ཉམས་ཐག་རྣམས་ལ་སྒོར་ཆིག་འབུམ་ལྔ་ཁྲི་ལྷག་གི་ཞལ་ལག་བགོད་འགྲེམས་གནང་རྒྱུ་སོགས་ཀྱི་ལས་འགུལ་གཞི་རྒྱ་ཆེ་བར་སྤེལ་འདུག གཞན་ཡང་ཡོ་རོབ་འཇར་མ་ནི་རྒྱལ་ས་ Berlin ནང་དུ་ཁུལ་དེའི་བོད་མི་དང་བོད་དོན་རྒྱབ་སྐྱོར་བ་རྣམས་ཚོས་རྒྱ་ནག་གཞུང་ཚབ་ཁང་གི་མདུན་དུ་གདུང་སེམས་མཉམ་བསྐྱེད་ཀྱིས་ལས་འགུལ་ཞིག་སྤེལ་ནས་རྒྱ་གཞུང་གིས་བོད་མིའི་ཐོག་འཛིན་པའི་མཁྲེགས་འཛིན་གྱི་སྲིད་བྱུས་དེར་སྐྱོན་བརྗོད་གནང་བ་དང་། ཆབས་ཅིག་རིན་པོ་ཆེ་བཙོན་ཁང་སྐུ་བཀྲོངས་སོང་བའི་རྒྱུ་རྐྱེན་སོགས་ཁ་གསལ་བྱེད་དགོས་པའི་ནན་བརྗོད་གནང་འདུག འཇར་མ་ནི་བོད་དོན་རྒྱབ་སྐྱོར་ཚོགས་པའི་འཛིན་སྐྱོང་འགན་འཛིན་ Nadine Baumann ལགས་ཀྱིས་རིན་པོ་ཆེ་དགོངས་པ་རྫོགས་པའི་གནད་དོན་ཐད་བློ་ཕམ་དང་འབྲེལ། རིན་པོ་ཆེའི་གནད་དོན་ལ་རྒྱལ་སྤྱིའི་རང་དབང་བདེན་པའི་རྟོག་ཞིབ་གནང་དགོས་པའི་དགོས་འདུན་ལ་རྒྱལ་སྤྱིའི་ཚོགས་སྡེ་ཁག་དང་། ལྷག་དོན་འཇར་མན་གཞུང་ནས་རྒྱབ་སྐྱོར་གནང་སྐྱོང་ཡོང་བའི་རེ་འབོད་གནང་འདུག

༸གོང་ས་མཆོག་བཞུགས་སྒར་ནས་གྲོང་ཁྱེར་ན་སིག་ཏུ་ཆིབས་སྒྱུར་བསྐྱངས་པ།

རྒྱ་གར་གྱི་ Maharashtra མངའ་སྡེའི་ Nasik Kumbh ཞེས་པའི་ཧིན་དྷུའི་དུས་ཆེན་གོ་སྒྲིག་ཚོགས་ཆུང་ནས་ཇི་ལྟར་གསོལ་འདེབས་ཞུ་དོན་བཞིན་བཀའ་བཞེས་བཟང་པོ་སྨིན་སྩལ་ཐོབ་སྟེ། མགོན་པོ་མཆོག་གནངས་ཉིན་ཚེས་ ༣༡ ཉིན་དུས་ཆེན་དེའི་ཐོག་ཆིབས་སྒྱུར་བཀྲིན་བསྐྱངས་གནང་གི་འདུགདཔལ་ལྡན་དགའ་ལྡན་ཕོ་བྲང་ཡིག་ཚང་གི་དྲུང་ཆེ་འཆི་མེད་རིག་འཛིན་ལགས་ནས་འདི་ག་རླུང་འཕྲིན་ཁང་ལ་གསུངས་པ་ལྟར། མགོན་པོ་མཆོག་སང་ཉིན་ Nasik ས་གནས་སུ་༸ཞབས་སོར་འཁོད་ཀྱི་ཡོད་པ་དང། གནངས་ཚེས་ ༣༡ ཉིན་ཁུལ་དེར་ཚོགས་བཞིན་པའི་Nasik kumbh Mela ཞེས་པའི་ཧིན་དྷུའི་དུས་ཆེན་ཐོག་ལ་ཆིབས་སྒྱུར་བཀྲིན་བསྐྱང་ནས། ཧིན་དྷུའི་བླ་ཆེན་དབུ་ཁྲིད་དང་མཁས་དབང་ཁག་ཅིག་དང་མཇལ་འཕྲད་གནང་རྒྱུ་ཡིན་འདུག རྩ་བའི་དེ་རིང་བོད་ཟླ་ ༧ ཚེས་པ་ ༡༥ སྟེ། ས་གནས་སུ་དབྱར་གནས་ཀྱི་ཟླ་ཕྱེད་ཙམ་འཁེལ་བའི་དུས་ཚིགས་ཁྱད་པར་ཅན་འདི་དང་འབྲེལ། སྔ་ཐོག་ཚོུད་ ༨ ནས་ ༩ བར་ལ་མགོན་པོ་༸གང་ཉིད་མཆོག་ཐེག་ཆེན་ཆོས་གླིང་གཙུག་ཁང་དུ་གསོ་སྦྱོང་དུ་ཆིབས་སྒྱུར་བཀྲིན་བསྐྱངས་ཡོད་པ་རེད།

རྒྱལ་གཅེས་པ་བཀྲ་ཤིས་སྐྱིད་ལགས་ཀྱིས་རང་ལུས་མེར་སྲེག་བཏང་འདུག

བོད་མདོ་སྨད་ཀན་ལྷོ་ཁུལ་བསང་ཆུ་རྫོང་ཁོངས། བསང་ཁོག་ཡུལ་ཚོའི་དངུལ་ར་སྡེ་བ་ནས་ཡིན་པའི་བཀྲ་ཤིས་སྐྱིད་ཞུ་མཁན་རྒྱལ་གཅེས་པ་ཞིག་གིས་ཁ་སང་གདོང་དྲོ་རྒྱ་གཞུང་ལ་ངོ་རྒོལ་གྱིས་རང་ལུས་མེར་སྲེག་བཏང་འདུག དེ་རིང་བོད་ཀྱི་དུས་བབ་གསར་ཁང་ནས་དེ་དོན་གནས་ཚུལ་སྤེལ་བར་གཞིགས་ན། བཀྲི་ཤིས་སྐྱིད་ལགས་ཀྱིས་རང་ལུས་མེར་སྲེག་གནང་རྗེས་རིང་པོ་མ་སོང་བར་ཡུལ་མི་ཚོས་མཐོང་སྟེ། ལུས་སྟེང་གི་མེ་བསད་ནས་སྐྱོབ་ཐབས་ཞུས་ཀྱང་། བོད་ནང་གི་ཐོ་རེངས་ཆུ་ཚོད་ ༣ པ་ཡས་མས་སུ་སྐུ་གྲོངས་ཡོད་པ་རེད་འདུག དེ་རིང་ཞོགས་པ་ནམ་ལངས་མ་ཐག་རྒྱ་གཞུང་ཉེན་རྟོག་པ་དང་དམག་མི་མང་པོ་ས་གནས་སུ་སླེབས་ནས་རྒྱལ་གཅེས་པ་དེ་ཉིད་ཀྱི་སྐུ་ཕུང་བཙན་འཁྱེར་བྱས་ཡོད་པ་རེད་འདུག རྒྱལ་གཅེས་པ་བཀྲིས་སྐྱིད་ལགས་དམ་པ་དེ་ཉིད་ནི་ལོ་འདིའི་ནང་གི་རང་ལུས་མེར་སྲེག་གནང་མཁན་བདུན་པ་དེ་ཡིན་པ་དང། ཕྱི་ལོ་༢༠༠༩ནས་ད་བར་གཞིས་ལུས་བོད་མི་༡༤༢ནས་རྒྱ་གཞུང་ལ་ངོ་རྒོལ་གྱི་རང་ལུས་མེར་སྲེག་གནང་ཡོད་པ་རེད། ད་ལྟའི་སྐབས་སུ་གནས་ཚུལ་དེ་ཙམ་ལས་ཞིབ་ཕྲ་གང་ཡང་ཤེས་རྟོགས་ཐུབ་མེད།

རེས་གཟའ་པ་སངས། ༢༠༡༥།༠༨།༢༨

ཉན་པ།: Listen ཕབ་ལེན། Download རྒྱལ་གཅེས་པ་བཀྲ་ཤིས་སྐྱིད་ལགས་ཀྱིས་རང་ལུས་མེར་སྲེག་གནང་འདུག བོད་ཀྱི་ལས་དོན་ཚོགས་འདུ་སྐབས་ལྔ་པ་ལམ་ལྷོང་བྱུང་མེད་སྐོར་གསུངས་འདུག རྒྱ་ནག་དང་ཞི་འགྲིག་ཡོང་ཆེད་ཀྱི་ཐབས་ལམ་ཡག་ཤོས་སྟོབས་ཤུགས་ངོམས་རྒྱུ་དེ་ཡིན་པ་བརྗོད་འདུག སྲིད་འཛིན་ཨོ་སྦ་མ་མཆོག་ནས་བསྟན་འཛིན་བདེ་ལེགས་རིན་པོ་ཆེའི་གནད་དོན་གླེང་སློང་དགོས་པ་ཞུས་འདུག རྡ་རམ་ས་ལ་དེ་བཞིན་ཡར་རྒྱས་གཏང་དགོས་པའི་ས་གནས་སུ་འདམས་ཐོན་བྱུང་འདུག དམིགས་བསལ་ལེ་ཚན། ལྷག་པ་ཚེ་རིང་ལགས་ཀྱིས་བོད་ཀྱི་གཏམ་བརྗོད་རུ་ཁག་སྐོར་ངོ་སྤྲོད་གནང་བ། Friday 28/08/2015 Tibetan woman self immolates in Sangchu Xi’s remark shows previous Tibet Work Forum has failed: Tibet Analyst Republican Rubio vows to press China militarily Dharamshala to be first ‘Smart City’ of Himachal Obama urged to take a strong stand on Tulku Tenzin Delek with Xi Jinping Diaspora Feature: Tibet Theatre

བོད་ཀྱི་ལས་དོན་སྐོར་གྱི་ཚོགས་འདུ་ཐེངས་དྲུག་པའི་ནང་དོན་ལ་གཞིགས་ན་སྐབས་སྔ་མའི་སྲིད་བྱུས་ཁག་ལམ་ལྷོང་བྱུང་མེད་ཚོད་གསུངས་འདུག

བོད་རིག་པའི་མཁས་པ་སྐུ་ཞབས་ Claude Arpi ལགས་ཀྱིས་བོད་ཀྱི་ལས་དོན་སྐོར་གྱི་ཚོགས་འདུ་ཐེངས་དྲུག་པའི་ནང་དོན་ལ་གཞིགས་ན་སྐབས་སྔ་མའི་ཚོགས་འདུའི་སྲིད་བྱུས་ཁག་ལམ་ལྷོང་བྱུང་མེད་པར་ངོས་འཛིན་གནང་འདུག ཉེ་ཆར་ཟླ་ ༨ ཕྱི་ཚེས་ ༢༣ དང་ ༢༤ བཅས་སུ་རྒྱ་ནག་གི་རྒྱལ་ས་པེ་ཅིང་ནང་ཚོགས་པའི་རྒྱ་གཞུང་གིས་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་དྲུག་པའི་ཐོག་བོད་རིག་པའི་མཁས་པ་སྐུ་ཞབས་ Claude Arpi ལགས་ཀྱིས་དཔྱད་བརྗོད་ཅིག་སྤེལ་བ་དེའི་ནང་དོན་ལ་གཞིགས་ན། ཁོང་གིས་དཔྱད་བརྗོད་དེའི་ཐོག་མར་བོད་ཀྱི་ལས་དོན་སྐོར་གྱི་ཚོགས་འདུའི་གྲུབ་ཆའི་སྐོར་དང་འབྲེལ། སྐབས་དེར་རྒྱ་ནག་གི་སྲིད་འཛིན་ཞི་ཅིང་ཕིང་དབུ་བཞུགས་ཐོག་སྲིད་བློན་ལི་ཁེ་ཆང་སོགས་དབུས་ཆབ་སྲིད་ལྷན་ཁང་གི་འགོ་གཙོ་ཁག་ཕེབས་ཡོད་པ་གསལ་སྟོན་དང། ས་གནས་ཀྱི་ཆ་ནས་འབྲེལ་ཡོད་བོད་རང་སྐྱོང་ལྗོངས་དང།སི་ཁྲོན་དང་ཡུན་ནན། ཀན་སུའུ་དང་མཚོ་སྔོན་བཅས་ཞིང་ཆེན་བཞི་ཡི་དཔོན་རིགས་ཁག་ཅིག་སོགས་ཕེབས་ཡོད་པའི་སྐོར་གསུངས་འདུག ལྷག་དོན་ཁོང་གིས་དཔྱད་བརྗོད་དེའི་ནང་སྲིད་འཛིན་ཞི་དང་སྲིད་བློན་ལི་ཁེ་ཆང་གཉིས་ཀྱི་གཏམ་བཤད་ཁག་ཅིག་ལུང་འདྲེན་ཞུས་ནས་གཏམ་བཤད་དེ་དག་བོད་དང་རྒྱ་གར་གཉིས་ལ་མཚམས་མིན་དང་ཉེན་ཁ་ཆགས་ཚུལ་སྐོར་ལ་གསུངས་གནང་འདུག ད་དུང་ཁོང་གིས་བོད་ཀྱི་ལས་དོན་ཚོགས་འདུ་དེའི་ཐོག་སྲིད་འཛིན་ཞི་ཡིས་བློ་བརྟན་འགྱུར་མེད་སྒོ་ནས་བོད་ནང་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྐུལ་འདེད་གཏོང་བ་དང་། བློ་བརྟན་འགྱུར་མེད་སྒོ་ནས་དམངས་ཀྱི་འཚོ་བའི་འགན་ལེན་དང་ལེགས་སུ་གཏོང་རྒྱུ་མཚོན། དེ་བཞིན་མི་རིགས་ཁག་གི་མི་དམངས་ཀྱི་དངོས་པོ་དང་རིག་གནས་ཀྱི་འཚོ་བའི་ཚུ་ཚད་རྒྱུན་ཆད་མེད་པར་མཐོ་རུ་འགྲོ་རྒྱུའི་འགན་ལེན་བྱ་རྒྱུ་ཡིན་གསུངས་ཡོད་པ་དེས། རྒྱ་ནག་གཞུང་གིས་བོད་བཅིངས་བཀྲོལ་བཏང་ནས་ལོ་ངོ་ ༦༠ འཁོར་ཟེར་ཡང་། ས་གནས་ས་ཐོག་གི་མང་ཚོགས་རྣམས་དབུལ་ཞིང་ཕོང་ནས་མུ་མཐུད་འཚོ་བའི་དཀའ་ངལ་འཕྲད་མུས་ཡིན་པའི་ཁས་ལེན་གསལ་པོ་ཞིག་ཆགས་ཀྱི་ཡོད་པ་དང། དེ་བཞིན་མི་རིགས་ཁག་གི་མི་དམངས་ཀྱི་དངོས་པོ་དང་རིག་གནས་ཀྱི་འཚོ་བའི་ཚུ་ཚད་རྒྱུན་ཆད་མེད་པར་མཐོ་རུ་གཏོང་རྒྱུ་ཞེས་བརྗོད་ནས། ཞིང་འབྲོག་མང་ཚོགས་རྣམས་གྲོང་ཁྱེར་དུ་སྤོ་གཞུག་བྱེད་བཅུག་པའི་སྲིད་བྱུས་དེ་དོན་དངོས་ཕུགས་ལ་མང་ཚོགས་ཀྱི་ཕན་ཐོགས་ཤིག་གྱུར་མིན་དྲི་བ་ཞིག་ཡིན་པར་གསུངས་འདུག ལྷག་པར་དུ་སྐུ་ཞབས་ Claude Arpiལགས་ཀྱིས་ཞི་ཅིང་ཕིང་གི་ཚོགས་འདུའི་ཐོག་མེས་རྒྱལ་གཅིག་གྱུར་སྲུང་སྐྱོང་དང་མི་རིགས་མཐུན་སྒྲིལ། དེ་བཞིན་བརྟན་ལྷིང་ལ་ཤུགས་སྣོན་རྒྱག་རྒྱུ་དེ་ལས་ཀའི་དམིགས་ས་དང་ཤུགས་རྒྱག་སར་བརྩིེས་ཏེ། བློ་བརྟན་གྱུར་མེད་སྒོ་ནས་ཁ་བྲལ་ལ་ངོ་རྒོལ་དང་རྡུང་རྡེག་ཚ་ནན་བྱེད་པའི་འཐབ་རྩོད་སྤེལ་དགོས་སྐོར་གསུང་ཡོད་པ་དེ་ཡིས། རྒྱ་ནག་གཞུང་དེ་ད་དུང་འཇིགས་དངངས་འོག་ཡོད་པ་དང། འདས་པའི་ལོ་ངོ་ ༦༠ རིང་བརྟན་ལྷིང་སྐྲུན་ཐུབ་མེད་པའི་དངོས་གནས་ར་ཕྲོད་ཀྱི་ཡོད་པ་མ་ཟད། དེ་བཞིན་ཁ་བྲལ་ལ་འགོག་རྒོལ་བྱ་རྒྱུའི་བཀའ་མོལ་སོགས་ནས། སྐབས་སྔ་མའི་བོད་སྐོར་གྱི་ལས་དོན་ཚོགས་འདུའི་སྲིད་བྱུས་ཁག་ལམ་ལྷོང་མ་བྱུང་བ་གསལ་པོ་ཆགས་སྐོར་གསུངས་འདུག དེ་བས་ཀྱང་ཁོང་གིས་མུ་མཐུད་ནས་གསུངས་དོན་ལ་དེ་སྔ་ ༢༠༠༨ ལོའི་བོད་ནང་གི་ས་བྱི་ཞི་རྒོལ་ཆེན་མོའི་དོན་རྐྱེན་དེ་ནི་མང་ཚོགས་ནས་རྒྱ་གཞུང་གི་ཁྱད་ཆོས་ལྡན་པའི་རིག་གཞུང་ལ་ངོས་ལེན་པའི་མཚོན་རྟགས་ཤིག་ཀྱང་ཆགས་ཡོད་པ་སོགས་གསུངས་འདུག རྩ་བའི་ཁོང་གི་དཔྱད་བརྗོད་དེའི་ནང་གཞན་ཡང་རྒྱ་ནག་གཞུང་གི་ཡར་རྒྱས་དང་འཛུགས་སྐྲུན་གྱི་ལས་གཞི་ཁོངས་བོད་ནང་གནམ་ཐང་དང་གཞུང་ལམ། མེ་འཁོར་ལྕགས་ལམ་དང་ཆུ་མཛོད་ཆུ་རག་སོགས་རྒྱག་གི་ཡོད་པ་དེ་ནི་རྒྱ་གར་ལ་སེམས་ཁྲེལ་སྐྱེས་གཞི་ཞིག་ཀྱང་ཆགས་ཀྱི་ཡོད་པ་སོགས་གསུངས་འདུག

རྡ་རྨ་ས་ལ་རྒྱ་གར་དབུས་གཞུང་ནས་དེང་དུས་ཅན་གྱི་གྲོང་ཁྱེར་འཛུགས་སྐྲུན་ལས་གཞི་ཁོངས་སུ་འདེམས་པ།

རྡ་རམ་ས་ལ་དེ་བཞིན་རྒྱ་གར་དབུས་གཞུང་ནས་དེང་དུས་ཅན་གྱི་གྲོང་ཁྱེར་ (Smart City) འཛུགས་སྐྲུན་བྱ་རྒྱུའི་ལས་གཞི་ཁོངས་སུ་འདེམས་ཐོན་བྱུང་ཡོད་པ་རེད། ཟླ་ ༨ ཕྱི་ཚེས་ ༢༧ ཉིན་རྒྱ་གར་དབུས་གཞུང་གི་གྲོང་ཁྱེར་ཡར་རྒྱས་ལས་ཁང་བློན་ཆེན་ Venkaiah Naidu ལགས་ཀྱིས་རྒྱ་གར་རྒྱལ་ཡོངས་ཀྱི་མངའ་སྡེ་ཁག་ནང་ནས་ Smart City དེང་དུས་ཅན་གྱི་གྲོང་ཁྱེར་འཛུགས་སྐྲུན་སྤེལ་ཡུལ་ས་གནས་ཁག་ ༡༠༠ མིང་ཡོངས་གྲགས་བྱས་འདུག ཐོ་གཞུང་དེའི་ནང་ཧི་མཱ་ཅལ་མངའ་ཁོངས་ནས་དྷ་རྨ་ས་ལ་ས་གནས་གཅིག་བུ་འདེམས་ཐོན་བྱུང་འདུག ད་རེས་རྒྱ་གར་དབུས་གཞུང་གི་དེང་དུས་ཅན་གྱི་གྲོང་ཁྱེར་ཞེས་པའི་འཛུགས་སྐྲུན་ཀྱི་ལས་གཞི་དེའི་དགོས་དམིགས་གཙོ་བོ་ནི། རྡ་རམ་ས་ལ་དེ་བཞིན་དེང་དུས་དང་མཐུན་པའི་གྲོང་ཁྱེར་ཞིག་ཏུ་བསྐྲུན་རྒྱུའི་ལས་འཆར་ཞིག་རེད་འདུག ལས་གཞི་དེ་བརྒྱུད་ནས་ས་གནས་མང་ཚོགས་ཀྱི་འཐུང་ཆུ་ཡར་རྒྱས་དང། དྲ་ཐོག་བརྒྱུད་ལམ་ཁག་ཡར་རྒྱས་དང། མོ་ཊ་འཇོག་སའི་ས་མཁྱོན་རྒྱ་ཆེ་རུ་གཏོང་རྒྱུ་དང། དེ་བཞིན་གཞུང་ལམ་རྒྱ་སྐྱེད་གཏོང་རྒྱུ་སོགས་ལས་གཞི་མང་པོ་ཞིག་ཡོད་པར་བརྟེན་ད་ལན་དྷ་རྨ་ས་ལའི་འཛུགས་སྐྲུན་ལས་གཞིའི་དེའི་ཆེད་རྒྱ་གར་དབུས་གཞུང་ནས་ཧིན་སྒོར་ཐེར་འབུམ་ལྔ་གནང་རྒྱུ་རེད་འདུག

རྒྱ་གཞུང་ལ་སྤྲུལ་སྐུ་བསྟན་འཛིན་བདེ་ལེགས་མཆོག་གི་གནད་དོན་ཐད་གནོན་ཤུགས་སྤྲོད་དགོས་པའི་སྐུལ་ཞུས་པ།

བོད་རང་བཙན་སློབ་ཕྲུག་ཚོགས་པའི་འཐུས་མི་དང་ས་གནས་བོད་རིགས་ཁག་ཅིག་ནས་ཨ་རི་ནང་ཡོད་གྲོས་ཚོགས་འཐུས་མི་དང་ལྷན་མཇལ་གྱིས་སྤྲུལ་སྐུ་བསྟན་འཛིན་བདེ་ལེགས་མཆོག་གི་གནད་དོན་གཙོས་པའི་བོད་དོན་ཞུ་གཏུགས་གནང་འདུག ཟླ་ ༨ ཕྱི་ཚེས་ ༢༧ ཉིན་ཨ་རིའི་བྷོ་སི་ཊོན་ (Boston) ཁུལ་དུ་ཡོད་པའི་བོད་དོན་ལས་འགུལ་བསྟི་གནས་ཁང་གི་ངེས་སྟོན་པ་བཀྲེས་མཐོང་ལྷ་སྒྲོན་ལགས་དང་། བོད་རང་བཙན་སློབ་ཕྲུག་ཚོགས་པའི་འཐུས་མི། དེ་བཞིན་ས་གནས་བོད་རིགས་བཅས་ཁྱོན་མི་ལྔས་བྷོ་སི་ཊོན་ནང་རྟེན་གཞི་བྱས་པའི་ཁུལ་དེའི་གྲོས་ཚོགས་འཐུས་མི་སྐུ་ཞབས་ Elizabeth Warren ལགས་དང་ Ed Markey གཉིས་ཀྱི་ལས་ཁུངས་སུ་ཆེད་བཅར་ཞུས་ཏེ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་གནད་དོན་དང་འབྲེལ་ནས་ད་ལྟའི་ཆར་བོད་ནང་གི་ཛ་དྲག་གནས་སྟངས་དང་།ལྷག་དོན་བོད་མི་ཆབ་སྲིད་བཙོན་པ་རྣམས་ལ་མི་སྤྱོད་ལས་འདས་པའི་དཀའ་སྡུག་མྱོང་མུས་ཡིན་པ་སོགས་མངོན་གསལ་གནང་འདུག་པ་མ་ཟད། རིན་པོ་ཆེའི་གནད་དོན་ཐད་རྒྱལ་སྤྱིའི་རང་དབང་བདེན་པའི་རྟོག་ཞིབ་ཡོང་བར་སྲིད་འཛིན་ཨོ་བྷ་མ་མཆོག་ནས་ཞི་ཅིང་ཕིང་ལ་གནོན་ཤུགས་སྤྲོད་དགོས་པའི་ཞུ་སྐུལ་གྱི་རེ་བཏོན་ཞུས་འདུག རྒྱ་གར་བོད་རང་བཙན་སློབ་ཕྲུག་ཚོགས་པའི་ཨེ་ཤེ་ཡའི་ངེས་སྟོན་པ་རྡེ་རྗེ་ཚེ་བརྟན་ལགས་ཀྱིས་གསུང་དོན་ལ། བོད་རང་བཙན་སློབ་ཕྲུག་ཚོགས་པ་དང་ས་གནས་བོད་རིགས་རྣམས་ནས་རིན་པོ་ཆེའི་གནད་དོན་ཐད་ཨ་རིའི་བྷོ་སི་ཊོན་ཙམ་དུ་མ་ཟད། ཉེ་ཆར་ཨ་རིའི་ནིའུ་ཡོག་གྲོང་ཁྱེར་དང་རྒྱལ་ས་ཝ་ཤིང་ཊོན། དེ་བཞིན་མངའ་སྡེ་ Minnesota སོགས་ས་གནས་དང་མངའ་སྡེ་འདྲ་མིན་གྱི་གྲོས་ཚོགས་འཐུས་མི་རྣམས་དང་ཆེད་མཇལ་ཐོག་བོད་དོན་ཞུ་འབོད་གནང་པར།  གྲོས་ཚོགས་འཐུས་མི་རྣམས་ནས་ཀྱང་ད་ལན་རིན་པོ་ཆེའི་གནད་དོན་དེ་བརྒྱུདནས་ད་ལྟའི་ཆར་བོད་ནང་གི་གནས་སྟངས་ཉིན་རེ་བཞིན་ཛ་དྲག་ཏུ་གྱུར་བཞིན་ཡོད་པ་གསལ་སྟོན་བྱས་ཀྱི་ཡོད་སྐོར་གསུངས་པ་དང་། སྟབས་ཅིག་རྒྱལ་སྤྱིའི་སྤྱི་ཚོགས་ཀྱི་ངོས་ནས་རྒྱ་གཞུང་གིས་འགྲོ་བ་མིའི་ཐོབ་ཐང་ཁག་ལ་རྩིས་མེད་རྡོག་རོལ་བཏང་བཞིན་པར་དམིགས་བསལ་ཐུགས་འགན་བཞེས་ཏེ་རྒྱ་གཞུང་ལ་དེ་དག་མཚམས་འཇོག་དགོས་པའི་གནོན་ཤུགས་སྤྲོད་རྒྱུའི་དུས་ལ་འབབ་ཡོད་སྐོར་ནན་བརྗོད་གནང་འདུག གཞི་རྩའི་རིན་པོ་ཆེ་མཆོག་རྒྱའི་བཙོན་ཁང་ནང་སྐུ་བཀྲོངས་པའི་གནད་དོན་དེ་བྱུང་རྗེས། ད་བར་བཙན་བྱོལ་དང་ཕྱི་རྒྱལ་ཡུལ་གྲུ་འདྲ་མིན་ནང་གནས་སྡོད་བོད་རིགས་མང་ཚོགས་ནས། སྤྲུལ་སྐུ་བསྟན་འཛིན་བདེ་ལེགས་མཆོག་གི་གནད་དོན་ལ་དྲང་བདེན་གྱི་ཐག་གཅོད་ཡོང་བའི་ཞུ་གཏུགས་དང་ཞི་རྒོལ་གྱི་ལས་འགུལ་སྣ་མང་སྤེལ་མུས་ཁར། དེ་རིང་དྷ་ས་བཞུགས་སྒར་ཉེ་འཁྲིས་སྦིར་བོད་མའི་གཞིས་སྒར་དུ་བོད་ཚོགས་དང་། ནང་ཆེན། དེ་བཞིན་སྡེ་དགེ་བཅས་གཞིས་ཆགས་གསུམ་གྱིས་གོ་སྒྲིག་འོག་ས་གནས་བོད་རིགས་སེར་སྐྱ་མང་ཚོགས་ལྷན་བགས་གནང་ཐོག་ཟླ་འདིའི་ཚེས་ ༣༠ སྟེ་རིན་པོ་ཆེ་དགོངས་པ་རྫོགས་ནས་ཞག་ཞེ་དགུ་འཁོར་བའི་དུས་ཚིགས་སྔ་རོལ་དང་བསྟུན། མཆོད་འབུལ་སྨོན་ལམ་ཞིག་ཚོགས་ཡོད་སྐོར་ཅོཎ་ཏཱ་རཱ་ས་གནས་འགོ་འཛིན་བསྟན་འཛིན་དོན་གྲུབ་ལགས་ཀྱིས་འགྲེལ་བརྗོད་གནང་སོང།

Latest news