Monthly Archives: July, 2015

དེ་རིང་རྒྱ་གར་བྱང་ཕྱོགས་ཇ་མུ་དང་ཀ་ཤ་མིར་ནང་དུ་རྟེན་གཞི་བྱས་པའི་ལ་དྭགས་མི་དམངས་དང་ས་གནས་ཀྱི་གཞུང་འབྲེལ་དཔོན་རིགས་རྣམས་ནས་༸གོང་ས་མཆོག་དགུང་གྲངས་ ༨༠ ཕེབས་པར་དགའ་དད་སྤྲོ་གསུམ་གྱིས་གསོལ་སྟོན་རྒྱས་པ་ཞིག་གོ་སྒྲིག་ཞུས་ནས་༸སྐུའི་གྱ་སྟོན་ལ་འཚམས་འདྲི་ཞུས་འདུག མཛད་རིམ་དེ་ནི་ལ་དྭགས་ཀྱི་གྲོང་ཁྱེར་སླེ་ཉེ་འཁྲིས། Ladakh Sindh Sanskrit ཚོགས་ཁང་ཆེན་མོའི་ནང་དུ་ཚོགས་པ་དང། སྐབས་དེར་ལ་དྭགས་རང་སྐྱོང་རི་ལྗོངས་ཡར་རྒྱས་ལྷན་ཁང་གི་གཙོ་འཛིན་བཀའ་བློན་རིག་འཛིན་དཔལ་འབར་མཆོག མངའ་སྡེའི་བློན་ཆེན་སྐུ་ཞབས་ཚེ་རིང་རྡོ་རྗེ་མཆོག ངག་དབང་རིག་འཛིན་མཆོག་དང། དགའ་ལྡན་ཁྲི་རིན་པོ་ཆེ་མཆོག་གིས་དབུས་པའི་མཁན་བླ་སྤྲུལ་རྣམ་པ། དེ་བཞིན་ལ་དྭགས་མི་མང་སྤྱི་འཐུས་ཐུབ་བསྟན་ཚེ་དབང་ལགས་སོགས་ཆེས་མཐོའི་དཔོན་རིགས་ཁག་གཙོས་པའི་གཞུང་ཞབས་ ༥༠༠ སོགས་ཆེད་ཕེབས་གནང་ཡོད་འདུག ཉིན་དགུང་ཚོུད་ ༡༡།༣༠ ཡོལ་ཙམ་ལ་༸གོང་ས་མཆོག་དབུ་བཞུགས་ཐོག་༸སྐུའི་གྱ་སྟོན་གྱི་རྟེན་འབྲེལ་དུས་སྟོན་སྲུང་བརྩིའི་ཐོག་ལ་དྭགས་རང་སྐྱོང་རི་ལྗོངས་ཡར་རྒྱས་ལྷན་ཁང་གི་གཙོ་འཛིན་བཀའ་བློན་རིག་འཛིན་དཔལ་འབར་མཆོག་གིས་མགོན་པོ་༸གང་ཉིད་མཆོག་ད་རེས་སླར་ཡང་ལ་དྭགས་སུ་ཆིབས་སྒྱུར་བསྐྱངས་པར་བཀྲིན་བླ་མེད་དུ་ཆེ་ཞེས་གུས་འདུད་ཀྱིས་ཞུས་པ་མ་ཟད།དེ་རིང་གི་དུས་ཚིགས་ཁྱད་པར་བ་འདིའ་ཐོག་ནས་ལ་དྭགས་མི་མང་ཡོངས་ཀྱི་ཚབ་ཞུས་ནས་སྐུའི་འཁྲུངས་སྐར་འཚམས་འདྲི་ཞུས་པ་དང་སྦྲགས། ད་བར་མགོན་པོ་༸གང་ཉིད་མཆོག་གིས་སྐུ་དྲིན་ལ་བརྟེན་ནས་ལ་དྭགས་དགོན་གྲོང་གཉིས་ལ་ཤེས་ཡོན་སོགས་ཕྱོགས་གང་སྤྱིའི་ཐད་ནས་ཡར་རྒྱས་ཧ་ཅང་ཆེན་པོ་སོང་ཡོད་པར་བཀྲིན་རྗེས་དྲན་ཞུས་འདུག་པ་དང། སླད་མར་ཡང་མགོན་པོ་༸གང་ཉིད་ཀྱི་ཐུགས་རྗེའི་བྱིན་རླབས་བསྩལ་སྐྱོང་ཡོང་བའི་གསོལ་འདེབས་སོགས་ཞུས་ཡོད་པ་རེད་འདུག སྐབས་དེར་༸གོང་ས་མཆོག་གིས་བཀའ་སློབ་བསྩལ་བའི་ཁྲོད་དུ་བོད་གངས་ཅན་ལྗོངས་སུ་དར་བའི་པའི་དཔལ་ན་ལེནྡྲའི་ཆོས་བརྒྱུད་དྲི་མ་མེད་པ་དེ་དང་བོད་རང་གི་ཆོས་བརྒྱུད་ཆེན་པོ་བཞིའི་བླ་ཆེན་རྣམ་པའི་དགོངས་པ་དང་མཐུན་པར་སྔར་ལྷག་རྒྱུན་གནས་ཐུབ་ཐབས་དང་ཆོས་ལུགས་ཕན་ཚུན་དབར་མཐུན་སྒྲིག་གནང་གལ་ཆེ་བ་སོགས་ཀྱི་ཐད་བཀའ་སློབ་བསྩལ་གནང་མཛད་འདུག གཞན་ཡང་དེ་རིང་གི་མཛད་འཆར་གཙོ་བོ་གཅིག་ནི་ལ་དྭགས་ནང་རྟེན་གཞི་བྱས་པའི་དཔེ་ཐུབ་དགོན་པར་སྔ་དང་མི་འདྲ་བ་ནང་པའི་ཆོས་བརྒྱུད་ཆེན་པོ་བཞིའི་དགོན་སྡེ་ཆེ་ཁག་༡༦ གི་དགེ་འདུན་པ་བརྒྱ་ལྷག་ཆེད་བཅར་གྱིས་འཚོགས་བཞིན་པའི་ཕར་ཕྱིན་དབྱར་ཆོས་ཆེན་མོའི་ཚོགས་དགོན་དུ་ཆིབས་སྒྱུར་བཀྲིན་བསྐྱངས་འདུག

དབྱིན་ཡུལ་ནང་བརྟེན་གཞི་བྱས་པའི་བོད་རང་དབང་ཚོགས་པས་བསྒྲགས་གཏམ་ཞིག་སྤེལ་བའི་ནང་སི་ཁོ་ཊི་ལན་ཌིའི་གཞུང་ནས་རྒྱ་ནག་གི་ཁུང་ཙི་སློབ་གླིང་དང་མཉམ་དུ་མུ་མཐུད་འབྲེལ་ལམ་བྱེད་བཞིན་པ་མ་ཟད། སླར་ཡང་ཡུལ་དེའི་ནང་རྒྱ་ནག་གི་ཁུང་ཙི་སློབ་གླིང་ཉི་ཤུ་རྩ་གཅིག་ལྷག་གསར་རྒྱག་བྱ་རྒྱུའི་འདུན་པ་དང་ལས་འཆར་ཁག་སྐྱོན་བརྗོད་ནན་པོ་ཞུས་འདུག ཟླ་ ༧ ཕྱི་ཚེས་ ༢༦ ཉིན་སི་ཁོ་ཊི་ལན་ཌིའི་བློན་ཆེན་ལྕམ་སྐུ་ Nicola Sturgeon ལགས་ནས་རྒྱ་ནག་ནང་ཚོང་དང་། དཔལ་འབྱོར་། ཤེས་ཡོན་དང་ དེ་བཞིན་རིག་གཞུང་བརྗེ་རེས་སོགས་ཀྱི་གནད་དོན་ཐད་འཚམས་གཟིགས་གནང་བཞིན་པའི་ཁྲོད་། རྒྱ་ནག་ནང་ཡོད་པའི་སི་ཁོ་ཊི་ལན་ཌེའི་ཚོང་པ་དང་སློབ་ཕྲུག་རྣམས་ལ་རྒྱ་ནག་གི་ཁུང་ཙི་སློབ་གླིང་ལ་ཆེ་བསྟོད་དང་སྦྲགས། སློབ་གླིང་དེ་དག་རྒྱུད་སི་ཁོ་ཊི་ལན་ཌིའི་སློབ་ཕྲུག་དང་མི་དམངས་རྣམས་ལ་ལས་གནས་ཀྱི་གོ་སྐབས་དང་དཔལ་འབྱོར་སོགས་ཀྱི་ཁེ་ཕན་ཆེན་པོ་ཡོད་ལུགས་བརྗོད་པ་དང། ཁུང་ཙི་སློབ་གླིང་དང་འབྲེལ་བ་བཞག་ཐོག་སི་ཁོ་ཊི་ལན་ཌི་ནང་ཡོད་པའི་གཞི་རིམ་སློབ་གྲྭ་ཁག་ཉི་ཤུ་རྩ་གཅིག་གི་ནང་རྒྱ་ནག་གི་སྐད་ཡིག་དང་རིག་གཞུང་སོགས་སློབ་ཁྲིད་བྱ་རྒྱུའི་འདུན་པ་ཆེན་པོ་ཡོད་པ་གསུངས་འདུག བོད་རང་དབང་ཚོགས་པའི་གསར་འགོད་འགན་འཛིན་སྐུ་ཞབས་ Alistair Currie ལགས་ནས་བསྒྲགས་གཏམ་ཞིག་སྤེལ་བའི་ནང་སི་ཁོ་ཊི་ལན་ཌི་དང་རྒྱ་ནག་གི་མི་སེར་དབར་འབྲེལ་བ་ཇི་མང་དུ་འགྲོ་བཞིན་པ་ནི་བཟང་ཕྱོགས་ཀྱི་རྣམ་པ་ཞིག་ཡིན་མོད། འོན་ཀྱང་རྒྱ་ནག་གི་ཁུང་ཙི་སློབ་གླིང་དང་མཉམ་དུ་སི་ཁོ་ཊི་ལན་ཌིའི་གཞུང་ཕྱོགས་ནས་མུ་མཐུད་འབྲེལ་བ་དམ་ཟབ་བྱེད་མཞིན་པར་སེམས་འཚབ་ཆེན་པོ་ཡོད་སྐོར་གསུངས་པ་དང། རྒྱ་ནག་གི་ཁུང་ཙི་སློབ་གླིང་དེ་དག་གིས་སི་ཁོ་ཊི་ལན་ཌི་ནང་རྒྱ་ནག་གི་སྐད་ཡིག་དང་རིག་གཞུང་ཁག་དར་སྤེལ་བྱེད་པ་དང་མཉམ་དུ་རིམ་བཞིན་སི་ཁོ་ཊི་ལན་ཌིའི་སློབ་ཕྲུག་དང་མི་དམངས་ཀྱི་སྨྲ་བརྗོད་རང་དབང་སོགས་ལ་དོ་ཕོག་ཤུགས་ཆེ་ཡོང་ངེས་ཡིན་པའི་ཉེན་བརྡ་བཏང་འདུག་པ་མ་ཟད། རྒྱ་གཞུང་གིས་མང་ཚོགས་ཀྱི་གཞི་རྩའི་འགྲོ་བ་མིའི་ཐོབ་ཐང་ལ་རྩིས་མེད་ཀྱི་ཐོག་ནས་རྡོག་རོལ་གཏོང་མཁན་ཞིག་ཡིན་སྟབས། སི་ཁོ་ཊི་ལན་ཌིའི་གཞུང་ཕྱོགས་ནས་ཀྱང་རྒྱ་ནག་གི་གཡོ་སྒྱུའི་རང་བཞིན་ལྡན་པའི་སྲིད་བྱུས་དང་ལས་འཆར་ཁག་ལ་དང་ལེན་ནམ་ཡང་གནང་རྒྱུ་མེད་པ་རེད་ཅེས་ཞུ་འབོད་གནང་འདུག དེ་མཚུངས་དེ་རིང་ཨ་རི་ནང་ཡོད་པའི་ EPoch Times གསར་ཤོག་ཐོག་ཐོན་པའི་གནས་ཚུལ་ལ་གཞིགས་ན། ཨུ་རུ་སུའི་ནང་གི་ཁྲིམས་རྩོད་པ་ཞིག་གིས་རྒྱལ་ཁབ་དེའི་གྲོང་ཁྱེར་ Blagoveshchensk ནང་རྟེན་གཞི་བྱས་པའི་ Blagoveshchensk State Pedagogical གཙུག་ལག་སློབ་གྲྭ་ཆེན་མོའི་ནང་རྒྱ་ནག་གི་ཁུང་ཙི་སློབ་གླིང་སྒོ་བརྒྱབ་དགོས་པ་དང་། དེ་བཞིན་སློབ་གླིང་དེ་དང་འབྲེལ་བ་ཡོད་སློབ་གཞི་དང་དགེ་རྒན་ཁག་ཕྱིར་འབུད་བྱ་དགོས་པའི་ཁྲིམས་གཏུགས་བྱས་འདུག

༸གོང་ས་མཆོག་གིས་ལ་དྭགས་ཁུལ་གྱི་དགེ་སློབ་ ༧༠༠༠ ལྷག་ལ་ནང་པའི་ཚན་རིག་དང་ལྟ་གྲུབ་གྱི་སྐོར་བཀའ་སློབ་བསྩལ་འདུག དེ་རིང་ཟླ་ ༧ ཚེས་ ༢༨ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ལ་དྭགས་ནང་ཉིན་དང་པོའི་མཛད་འཆར་དབུ་བཙུགས་དང་སྦྲགས།ལ་དྭགས་ནང་རྟེན་གཞི་བྱས་པའི་འཇམས་དབྱངས་སློབ་གྲྭའི་རྩེད་ཐང་དུ་ཁུལ་དེའི་གཞུང་སྒེར་གཉིས་ཀྱི་སློབ་གྲྭ་ཁག་གི་དགེ་ལས་དང་། འཛིན་རིམ་དྲུག་པ་ཡན་གྱི་སློབ་ཕྲུག དེ་བཞིན་མཐོ་རིམ་སློབ་མའི་གཞོན་སྐྱེས་སོགས་ཁྱོན་མི་གྲངས་ ༧༠༠༠ ལྷག་ལ་བྱམས་པ་དང་སྙིང་རྗེ། ནང་པའི་ཚན་རིག་དང་ལྟ་གྲུབ་གྱི་སྐོར་བཀའ་སློབ་སྩལ་བ་དང་གཞོན་སྐྱེས་ཚོར་ནང་པའི་ལྟ་གྲུབ་ཤེས་པ་ཙམ་མ་ཡིན་པར་དངོས་ཐོག་ཉམས་ལེན་གྱིས་ཉིན་རེའི་འཚོ་བའི་ནང་བདེ་སྐྱིད་ཞིག་སྐྲུན་ཐུབ་པ་དགོས་གལ་ཆེ་བར་བཀའ་བསྩལ་འདུགདེ་ཡང་སྔ་དྲོ་༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་སླེ་གྲོང་ཁྱེར་ནང་ཡོད་པའི་ཇོ་ཁང་ནང་གནས་གཟིགས་དང་། བསྔོ་སྨོན་གསོལ་འདེབས་གསུང་འདོན་གནང་བ་དང་སྦྲགས་དེའི་ཐོག་བཅར་བའི་ལ་དྭགས་དགོན་ཚོགས་ཀྱི་སྐུ་ཚབ་རྣམ་པ་དང་དགོན་ཁག་བཅུ་དྲུག་གི་དགེ་འདུན་པ་རྣམས་ལ་བཀའ་བསྒྱུར་གྱི་ཕྱག་དཔེ་དེ་དག་ཆོས་བཤོམས་ནང་སྒྲིག་ཏེ་མ་འཇོག་པར་སློབ་སྦྱོང་གི་འདུ་ཤེས་ཐོག་སློབ་གཉེར་བྱ་དགོས་པའི་བཀའ་བསྩལ་འདུགདེ་རྗེས་མགོན་པོ་མཆོག་ལ་དྭགས་ས་ཁུལ་གྱི་འབྲོག་པའི་ཕྲུ་གུ་རྣམས་ཀྱི་ཤེས་ཡོན་སླད་ཆེད་འཛུགས་གནང་བའི་འཇམ་དབྱངས་སློབ་གྲྭར་ཆིབས་སྒྱུར་གྱིས་བུ་མོའི་སྡོད་ཁང་གསར་པ་དབུ་འབྱེད་ཀྱི་བཀྲིན་ཆེ་བ་མཛད་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་ལ་དྭགས་སུ་ནང་པའི་ཚན་རིག་དང་ལྟ་གྲུབ་སྐོར་བཀའ་སློབ་བསྩལ་འདུག ༸གོང་ས་མཆོག་གིས་སྲིད་འཛིན་ཟུར་པ་Abdul Kalam མཆོག་འདས་གྲོངས་སུ་གྱུར་བར་ཐུགས་གསོའི་གསུང་འཕྲིན་བསྩལ་འདུག སྤྲུལ་སྐུའི་གནད་དོན་དང་འབྲེལ་Chicagoནང་དུ་ངོ་རྒོལ་ལས་འགུལ་སྤེལ་འདུག ལྡི་ལིར་གཞོན་ནུའི་ཚོགས་མི་རྣམས་ནས་ཞུ་གཏུགས་ལས་འགུལ་སྤེལ་བ། རླུང་དྲོད་ལྒང་བུའི་ཐོག་བོད་ཀྱི་རྒྱལ་དར་བཀོད་པ། སྲིད་སྐྱོང་མཆོག་གིས་ལྷ་ས་རྒྱ་ནག་གི་གྲོང་ཁྱེར་དུ་གྱུར་ཐབས་བྱེད་བཞིན་པར་སྐྱོན་བརྗོད་གནང་འདུག དམིགས་བསལ་ལེ་ཚན། བསྟན་འཛིན་སྲོང་ཡིད་གི་གཞས་བྱུས་གཏོགས། Tuesday 28/07/2015 Dalai Lama speaks on Buddhism and Science in Leh APJ Abdul Kalam’s demise, an irreparable loss, says Dalai Lama Tibetan exiles hold protest against China in Chicago TYC activists lobby Indian politicians: Delhi Tibet soars at Europe hot air balloon festival Sikyong laments Lhasa turning into another China town SONG FEATURE: ‘Jhutok’ by Tenzin Seungyi

ཁ་སང་ཟླ་ ༧ ཚེས་ ༢༧ ཉིན་ཨ་རིའི་ Chicago ནང་རྟེན་གཞི་བྱས་པའི་རྒྱ་ནག་གཞུང་ཚབ་མདུན་དུ་བོད་མིའི་གཞུང་འབྲེལ་མིན་པའི་ཚོགས་པ་གསུམ་གྱིས་གོ་སྒྲིག་འོག སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་རྒྱ་གཞུང་གི་བཙོན་ནང་དོགས་གཞིའི་འོག་དགོངས་པ་རྫོགས་པའི་གནད་དོན་ལ་དྲང་བདེན་གྱི་གསལ་བཤད་དགོས་པའི་གོམ་བགྲོད་དང་ཞི་རྒོལ་གནང་འདུགདེ་ཡང་རིན་པོ་ཆེ་ཁོང་དགོངས་པ་རྫོགས་པའི་གནས་ཚུལ་དེ་འདོན་པ་ནས་བཟུང་འཛམ་གླིང་ས་ཕྱོགས་གང་སར་གནས་པའི་བོད་མི་དང་བོད་དོན%E

ཉན་པ།: Listen ཕབ་ལེན། Download ༸གོང་ས་མཆོག་ལ་དྭགས་སུ་༸ཞབས་སོར་བདེ་བར་འཁོད་འདུག གསེར་རྟ་ནས་བོད་མི་གསུམ་འཛིན་བཟུང་བྱས་འདུག རྒྱ་རིགས་ཤེས་ཡོན་མི་སྣས་ཨོ་ལོམ་པིཀ་རྩེད་འགྲན་ཚོགས་ཆུང་ལ་ཞུ་སྙན་ཕུལ་བ། ཀིརྟིའི་གདན་ས་གོང་འོག་གི་ཕར་ཕྱིན་དབྱར་ཆོས་ཆེན་མོ་ཐེངས་གསུམ་པ་འཚོགས་བཞིན་པ། དམིགས་བསལ་ལེ་ཚན། བཀའ་བསྟན་གྱི་ལོ་རྒྱུས་དང་འཕེལ་རིམ། Monday 27/07/2015 Dalai Lama arrives in Ladakh Three Tibetans arrested from Serta, Tibet Chinese activists appeal IOC against awarding 2022 Winter Olympics to China ‘Pharchin Yarchoe’ underway at Tsodun Kirti Monastery Introduction to Tibetan Edition of Kangyur and Tengyur: Part II

༸སྐུའི་གྱ་སྟོན་ཉིན་མོར་བོད་གསེར་རྟ་ཕུར་བུ་དགོན་པའི་དགེ་འདུན་པ་ཆོས་སྐྱིད་དང་ཁོང་གི་ནང་མི་གཉིས་བཅས་བོད་མི་གསུམ་རྒྱ་གཞུང་གིས་འཛིན་བཟུང་བྱས་འདུག རྩ་བའི་འདི་ལོའི་ནང་འཛམ་གླིང་ས་ཕྱོགས་གང་སར་ནས་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༨༠ ཕེབས་པའི་༸སྐུའི་གྱ་སྟོན་སྲུང་བརྩི་ཞུ་བཞིན་ཡོད་པ་ལྟར་རྒྱ་གཞུང་གིས་བོད་ནང་དམ་དྲག་སྔར་ལྷག་ཤུགས་ཆེ་བྱེད་བཞིན་ཡོད་པ་མ་ཟད། ལྷག་དོན་དུ་མདོ་སྨད་གསེར་རྟ་ནང་གྱ་སྟོན་གྱི་ཟླ་གཅིག་གོང་ནས་དམ་དྲག་ཤུགས་ཆེ་བྱེད་མུས་ལྟར། ཕྱི་ཟླ་ ༦ ཕྱི་ཚེས་ ༢༡ ༸སྐུའི་གྱ་སྟོན་ཉིན་མོར་གསེར་རྟ་ནང་དགེ་འདུན་པ་ཆོས་སྐྱིད་དང་། ཁོང་གི་པ་ལགས་གཉིས་གསེར་རྟ་རྫོང་ཐོག་ཏུ་དངོས་པོ་ཙ་ཙིག་ཉོ་སྐབས་རྒྱ་གཞུང་ཉེན་རྟོག་པས་གློ་བུར་དུ་ཆོས་དགེ་ལགས་འཛིན་བཟུང་བྱེད་རྗེས་ཁོང་གི་སྲིང་མོ་སྐྱིད་འཛོམས་ལགས་དང་ཚ་བོ་གྲགས་པ་ལགས་རྣམ་གཉིས་ཀྱང་འཛིན་བཟུང་བྱས་འདུགདགེ་འདུན་པ་ཁོང་འཛིན་བཟུང་བྱེད་དོན་ནི། ༸སྐུའི་གྱ་སྟོན་ཉིན་མོར་ཁོང་གི་སྟོད་གོས་རྒྱབ་ཏུ་བོད་ཡིག་ཐོག་༸སྐུའི་གྱ་སྟོན་བསུ་ཞེས་བྲིས་པ་དེའི་འཆར་འགོད་པ་དང་ཁོང་གིས་སྟོད་གོས་སྣམ་པ་དེ་ ཆབ་སྲིད་གནད་དོན་དུ་རྩིས་ཏེ་འཛིན་བཟུང་བྱས་འདུག ད་ཆ་དགེ་འདུན་པ་ཁོང་རྒྱ་གཞུང་གིས་གསེར་རྟ་རྫོང་ཁུལ་དུ་བཀག་ཉར་བྱེད་ཡོད་པར་ཚོད་དཔག་ཙམ་ལས་དམིགས་བསལ་གྱི་ཤེས་རྟོགས་གང་ཡང་བྱུང་མི་འདུག འོན་ཀྱང་ཁོང་གི་སྤུན་མཆེད་གཉིས་ཉིན་གྲངས་ཁ་ཤས་རྗེས་སུགློད་བཀྲོལ་བཏང་ཡོད་ཀྱང་ཚ་བོ་གྲགས་པ་ལགས་ལ་ཉི་ལྟར་ས་གནས་རྒྱ་གཞུང་ཉེན་རྟོག་པས་ལས་ཁུངས་སུ་འདྲི་རྩད་བྱེད་བཞིན་ཡོད་པ་རེད་འདུག