བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ཉེ་ཆར་རྒྱ་གར་གྱི་ Madha Pradesh མངའ་ཁུལ་གྱི་ Indore གྲོང་ཁྱེར་ནང་ཚོགས་པའི་ཆོས་ལུགས་མཐུན་སྒྲིལ་དང་འགྲོ་བ་མིའི་བདེ་དོན་གོང་མཐོར་གཏོང་ཐབས་སྐོར་གྱི་ལྷན་ཚོགས་ཐོག་མཉམ་ཞུགས་གནང་ཡོད་པ་རེད། དེ་ཡང་ཚོགས་འདུ་དེ་བཞིན། Madha Pradesh མངའ་སྡེའི་རིག་གཞུང་སྲུང་སྐྱོབ་ལས་ཁུངས་དང། ![IMG_0342[1]](http://vot.org/wp-content/uploads/2015/10/IMG_03421-300x187.jpg)
Sanchi ནང་པའི་མཐོ་སློབ། དེ་བཞིན་ཆོས་ལུགས་དང་སྤྱི་ཚོགས་ཉམས་ཞིབ་བསྟི་གནས་ཁང་བཅས་ཀྱི་གོ་སྒྲིག་འོག ཟླ་བ་འདིའི་ཚེས་ ༢༤ ནས་ ༢༦ བར་བཅས་སུ་ Indore གྲོང་ཁྱེར་ནང་གི་ Brilliant Convention བསྟི་གནས་ཁང་གི་ཚོགས་ཁང་ནང་དུ་ཚོགས་འདུག་པ་དང། ཚོགས་ཆེན་དེའི་ཐོག་ Madhya Pradesh མངའ་སྡེ་བློན་ཆེན་ Shivraj Singh Chouhan མཆོག་དང་རྒྱ་གར་གྱི་གྲོས་ཚོགས་འོག་མའི་ཚོགས་གཙོ་ལྕམ་སྐུ་ Sumitra Mahajan མཆོག རྒྱ་གར་གྱི་ RSS ཚོགས་པའི་སྤྱི་ཁྱབ་དྲུང་ཆེ་ Bhavyaji Joshi དང། དམིགས་བསལ་སྐུ་མགྲོན་འབྲུག་རྒྱལ་ཁབ་ཀྱི་ཕྱི་སྲིད་བློན་ཆེན་དམ་ཆོས་རྡོ་རྗེ་ལགས་དང། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག ![IMG_0430[1]](http://vot.org/wp-content/uploads/2015/10/IMG_04301.jpg)
Shri Shri Ravi Shankar མཆོག་གི་དབུས་པའི་ཧིནྡུ་དང་ཁ་ཆེ། གཅེར་བུ་བ་དང་ནང་པ་སོགས་ཆོས་ལུགས་འདྲ་མིན་གྱི་བླ་ཆེན་ཁག་ལྷན་ཞུགས་གནང་ཡོད་པ་རེད། སྐབས་དེར་སྲིད་སྐྱོང་བློ་བཟང་སེང་དགེ་མཆོག་ནས། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བྱམས་བརྩེའི་ཐོག་སྩལ་བའི་བཀའ་སློབ་ཁག་ལུང་འདྲེན་དང་སྦྲགས་ཏེ། ཆོས་ལུགས་མཐུན་སྒྲིལ་དང་འགྲོ་བ་མིའི་བདེ་དོན་གོང་མཐོར་གཏོང་ཕྱིར་ཆོས་དང་སྲིད་ཀྱི་དབུ་ཁྲིད་གང་ཟག་སུ་ཡིན་རུང་གཙོ་བོ་བྱམས་བརྩེ་དང། མཐུན་སྒྲིལ། མཉམ་གནས་དང་སྤྱི་ཚོགས་ཕན་བདེ་བསྒྲུབ་རྒྱུའི་འདུན་པ་བཅས་ཀྱི་ཁྱད་ཆོས་བཞི་ཚང་དགོས་ངེས་ཡིན་པ་དང། རྒྱ་གར་ནི་ལོ་ངོ་བརྒྱ་ཕྲག་མང་པོ་ནས་ཁྱད་ཆོས་དེ་དག་ཚང་པའི་ཆོས་དང་སྲིད་ཀྱི་དབུ་ཁྲིད་བཞུགས་སའི་ས་ཆ་ཁྱད་པར་ཅན་ཞིག་ཡིན་པ་མ་ཟད། ༸སྤྱི་ནོར་གོང་ས་༸སྐྱབས་མགོན་ཆེན་པོ་མཆོག་གིས་རྒྱུན་དུ་བཀའ་གནང་བ་བཞིན་བོད་ཀྱི་དགེ་རྒན་ཡང་རྒྱ་གར་བ་ཡིན་སྐོར་སོགས་གསུངས་འདུག དེའི་བར་ནས་ Indore ས་ཁུལ་དུ་སུད་ཚོང་གཉེར་བཞིན་པའི་བོད་མི་ཚོང་པ་ཁག་ནས་གདན་ཞུ་གནང་པ་ལྟར་ཚེས་ ༢༥ ཉིན་གྱི་ཕྱི་དྲོ་ཕྱག་ཚོད་གསུམ་པ་ནས་བཞི་པ་བར་སྲིད་སྐྱོང་མཆོག་གིས་ས་གནས་བོད་མི་སུད་ཚོང་བའི་ལྷན་དུ་མཇལ་འཕྲད་དང་གསུང་བཤད་སོགས་གནང་འདུག མཛད་རིམ་ལྟར་ན། དེ་རིང་ཚེས་ ༢༧ ཉིན་སྲིད་སྐྱོང་མཆོག་ Indore ནང་གི་མཛད་རིམ་ཁག་གྲུབ་རྗེས་རྡ་རམ་ས་ལར་ཕྱིར་ཕེབས་གནང་གི་ཡོད་པ་རེད་འདུག
སྲིད་སྐྱོང་མཆོག་ཆོས་ལུགས་མཐུན་སྒྲིལ་ལྷན་ཚོགས་ཐོག་ལྷན་ཞུགས་གནང་པ།
Tibetan News Headlines
- 14th General body meeting of TWA concludes with Tsering Dolma as the new President
- Abbot of Tashi Lhunpo urges active support on Panchen Lama issue ahead of rinpoche’s35th birthday
- Dalai Lama grants audience to members of Indian journalist fraternity
- Long time president of SOS Children’s village Helmut Kutin passes away at 82
- US Senate passes bill to force sale of TikTok, sending it to Biden
- Launch of Shivdham Kailash Mansarovar Tibet freedom association marks global initiative for religious freedom
རེས་གཟའ་ལྷག་པ། ༢༠༢༤།༠༤།༢༤
- བུད་མེད་ལྷན་ཚོགས་སྐབས་ ༡༤ པའི་དབུས་སྤྱི་ཁྱབ་རྒྱུན་ལས་གསར་བསྐོ་དང་འབྲེལ་ཚོགས་ཆེན་ཐེངས་ ༡༤ པ་མཇུག་སྒྲིལ།
- ༸ཀུན་གཟིགས་པཎ་ཆེན་རིན་པོ་ཆེའི་གནད་དོན་ཐོག་མི་མང་ནས་གོ་རྟོགས་ཀྱི་ལས་འགུལ་སྤེལ་གནང་ཡོང་བའི་སྐུལ་འདེབས།
- འཛམ་གླིང་གི་ཡང་དག་པའི་བསམ་བློ་བ་ཕལ་མོ་ཆེས་སྐུའི་ཡང་སྲིད་ཀྱི་སྐུ་དབང་༸གོང་ས་མཆོག་༸གང་ཉིད་ལ་ཡོད་པ་ངོས་འཛིན་གནང་འདུག
- རྒྱལ་སྤྱིའི་ SOS བུ་ཕྲུག་ཁྱིམ་སྡེའི་ཚོགས་གཙོ་ཟུར་པ་ Helmut Kutin མཆོག་འདས་གྲོངས་སུ་གྱུར་འདུག
- རྒྱ་ནག་གི་ཊིག་ཊོག་མཉེན་ཆས་བཀག་སྡོམ་དང་འབྲེལ་བའི་ཁྲིམས་འཆར་ལ་གྲོས་ཚོགས་གོང་མའི་རྒྱབ་སྐྱོར་ཐོབ་འདུག
- གངས་རིན་པོ་ཆེའི་གནས་མཆོག་དེ་ཉིད་རྒྱའི་དབང་སྒྱུར་ནས་བཅིངས་གྲོལ་ཐུབ་ཆེད་ཚོགས་པ་གསར་འཛུགས།
