དེ་རིང་ཕྱི་ཟླ་༡ཚེས་༢༦སྟེ་རྒྱ་གར་མང་གཙོ་དབུ་བརྙེས་ནས་ལོ་ངོ་༦༧འཁོར་བའི་ཉིན་མོར་འདི་ག་བོད་མིའི་སྒྲིག་འཛུགས་ཀྱི་བསྟི་གནས་དྷ་ས་གངས་ཅན་སྐྱིད་ཤོངས་བཀའ་ཤག་གི་མདུན་ངོས་སུ་སྔ་དྲོ་ཚོུད་ ༩།༠༠ སྟེང་སྲིད་སྐྱོང་བློ་བཟང་སེང་གེ་མཆོག་གིས་དབུས་པའི་ཕྱག་སྦྲེལ་བཀའ་བློན་རྣམ་པ་དང་། ལྷན་ཁང་ཁག་གི་དྲུང་ཆེ་ཆུང་རྣམ་པ་ལྷན་འཛོམས་ཀྱིས་རྒྱ་གར་གྱི་རྒྱལ་དར་མཁའ་དབྱིངས་སུ་སྒྲེང་འཛུགས་གནང་ཞིང་། རྒྱ་གར་རྒྱལ་གླུ་བླངས་ནས་དུས་ཆེན་སྲུང་བརྩི་ཞུས་ཡོད།
སྲིད་སྐྱོང་བློ་བཟང་སེང་གེ་མཆོག་གིས་དེ་རིང་གི་དུས་ཚིགས་དང་བསྟུན། རྒྱ་གར་གཞུང་དམངས་གཉིས་ལ་བཀྲིན་ཆེ་ཞུའི་འཚམས་འདྲི་གནང་སོང་བ་དང། ལྷག་པར་དུ་གསར་འགོད་པས་དྲི་བར་བཀའ་ལན་གནང་པའི་ཁྲོད། རྒྱ་གར་གྱིས་ཞི་བའི་ཐོག་ནས་རྩ་དོན་རྩོད་པར་བརྟེན་གྲུབ་འབྲས་སོན་ཡོད་སྟབས། བོད་མིའི་འཚེ་མེད་ཞི་བའི་འཐོབ་རྩོད་ལའང་དེ་མཚུངས་ལམ་ལྷོང་ཡོང་རྒྱུ་ཡིན་པ་གསུངས་ཡོད།
སྔ་ཐོག་མཛད་སྒོ་གྲུབ་བསྟུན། སྔ་དྲོ་ཚོུད་ ༡༡།༠༠ ཐོག་སྲིད་སྐྱོང་མཆོག་ས་གནས་ཀྱི་ཉེན་རྟོག་ཐང་ཆེན་དུ་རྒྱ་གར་གྱི་མཛད་སྒོར་ལྷན་བཞུགས་ཀྱིས་དཔོན་རིགས་ཁག་ཅིག་དང་མཇལ་འཕྲད་ཡང་གནང་འདུག