Tibetan Royal Year of 2151 | Year of the Wood Dragon

སྐུ་ཞབས་ Kailash Satyarthi མཆོག་ནས་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུས་པ།

Tibetan News Headlines

  • ༸གོང་ས་མཆོག་གིས་ཧིན་དྷུའི་བླ་ཆེན་དགོངས་པ་རྗོགས་པར་ཐུགས་གསོའི་གསུང་འཕྲིན་སྩལ་འདུག
  • མགོན་པོ་སྐྱིད་ལགས་ཀྱིས་ཉེན་རྟོག་པས་ཁོང་ལ་སྡུག་སྦྱོང་བཏང་བའི་སྐོར་ཁྲིམས་ཁང་ལ་ཞུ་གཏུག་བྱས་འདུག
  • དྭང་བླངས་དཔྱ་དངུལ་ལག་དེབ་ཆག་ཡང་དང་འབུལ་ཚེའི་དུས་བཀག་ཕར་འགྱང་གནང་སོང་།
  • ནང་སྲིད་ལས་ཁུངས་དང་སྦྲགས་ལྷན་ཁང་ཁག་གི་སྔོན་རྩིས་གཏན་འབེབས་དང་བགྲོ་གླེང་ལས་རིམ་གྲུབ་སོང་།
  • ཁྲིམས་ཞིབ་པའི་འོས་ཆོས་ལྡན་པའི་མི་འགྲོ་འཚོལ་རྒྱུ་ཁག་པོ་མ་གཏོགས་གཞན་དཀའ་ངལ་མེད་པ་གསུངས་སོང་།
  • དབྱིན་ཡུལ་གྱི་གྲོང་སྡེ་གཉིས་ལ་ Hikvision བརྙན་མིག་སྤྱོད་རྒྱུ་མཚམས་འཇོག་དགོས་པའི་ཞུ་སྐུལ་གནང་འདུག

Thursday 28/03/2024

  • Dalai Lama expresses ‘sadness’ and offers ‘condolences’ on the passing away of Swami Smaranananda Maharaj
  • Gonmo Kyi sues China’s police over ‘repressive censorship and vigilant supervision’
  • Parliament extends Chatrel exemption period by six months
  • House discusses budget allocation for DoH for the fiscal year 2024-25
  • MPs express concern over challenges in finding nominees for Justice Commissioners
  • Review into Harborough and Lutterworth CCTV cameras after concerns made by company with links to Chinese government Now

བྱིས་པའི་ཐོབ་ཐང་འཐབ་རྩོད་པ་ནོ་སྦེལ་ཞི་བདེའི་གཟེངས་རྟགས་བཞེས་མྱོང་མཁན་རྒྱ་གར་བ་སྐུ་ཞབས་ Kailash Satyarthi མཆོག་བོད་མིའི་བླ་ན་མེད་པའི་དབུ་ཁྲིད་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་འཕྲད་ཞུ་སླད་བཞུགས་སྒར་དུ་ཆེད་ཕེབས་གནང་འདུག  སྐུ་ཞབས་ Kailash Satyarthi མཆོག་ནས་ཁ་སང་དང་དེ་རིང་བཞུགས་སྒར་༸རྒྱལ་བའི་ཕོ་བྲང་དུ་ཆེད་ཕེབས་ཀྱིས་༸གོང་ས་མཆོག་དང་ལྷན་དུ་དེང་དུས་ཀྱི་སྤྱི་ཚོགས་ནང་རྒྱ་གར་ནས་ཞབས་འདེགས་གང་ཞུ་ཐུབ་མིན་དང་། དེང་གི་འཛམ་གླིང་ནང་དཀའ་ངལ་གང་འཕྲད་མིན་སོགས་ཀྱི་གནད་དོན་ཐད་བཀའ་བསྡུར་གནང་དང་གནང་མུས་རེད་འདུག

དེ་རིང་སྐུ་ཞབས་ Satyarthi མཆོག་སྔ་དྲོ་ཚོུད་ ༡༠༌༣༠ ཡོལ་ཙམ་ལ་མགོན་པོ་༸གང་ཉིད་མཆོག་དང་མཇལ་འཕྲད་ཞུས་རྗེས་གསར་འགོད་པས་བཅར་འདྲི་ཁག་གཅིག་ཞུས་པར་ཁོང་གིས་༸གོང་ས་མཆོག་དང་མཇལ་འཕྲད་ནམ་བྱུང་ལ་རྟག་ཏུ་སེམས་ཀྱི་ཞི་བདེ་དང་བདེ་སྐྱིད་ཀྱི་ཚོར་བ་ཤུགས་ཆེ་སྐྱེས་ཀྱི་ཡོད་སྐོར་གསུངས་པ་དང་འབྲེལ། ༸གོང་ས་མཆོག་དང་མཇལ་འཕྲད་ཞུས་པ་དེ་བྱིས་པ་གཉིས་ཐུག་འཕྲད་བྱུང་བ་ལྟར་ཡིན་པ་དང་། ངོས་ནས་༸གོང་ས་མཆོག་ལ་ཆེས་གུས་བརྩི་ཡོད་པའི་ཁར་གྲོགས་པོ་ཞིག་གི་འདུ་ཤེས་ཐོག་ནས་བརྩེ་བ་ཡང་ཡོད་ཅེས་གསུངས་ཡོད།ལྷག་པར་དུ་ད་རེས་མགོན་པོ་༸གང་ཉིད་མཆོག་དང་ལྷན་དུ་འཛམ་གླིང་ནང་ལོ་ངོ་སྟོང་ཕྲག་རིང་འཕྲད་བཞིན་པའི་དཀའ་ངལ་དང་མ་འོངས་པར་དཀའ་ངལ་གསར་པ་གང་འཕྲད་སྲིད་མིན། དཀའ་ངལ་དེ་དག་གླེང་སློང་གནང་ཕྱོགས་ཐད་བཀའ་བསྡུར་གནང་བ་མ་ཟད། ༸གོང་ས་མཆོག་དང་ཁོང་ནས་འགྲོ་བ་མིའི་རང་བཞིན་བྱམས་བརྩེའི་ཐོག་ནས་སྙིང་རྗེ་དང་འཚེ་བ་མེད་པའི་འདུ་ཤེས་ལས་དཀའ་ངལ་དེ་དག་སེལ་ཐུབ་པར་ཡིད་ཆེས་གནང་གི་ཡོད་པ་དང་། ༸གོང་ས་མཆོག་དང་ཁོང་ནས་འདས་པའི་དུས་ཡུན་ནང་གནད་དོན་དེ་དག་ཐད་བཀའ་བསྡུར་རིམ་པ་གནང་སྟབས། འཛམ་བུ་གླིང་འདི་ཞི་བདེ་དང་བདེ་སྐྱིད། དེ་བཞིན་འཚེ་བ་མེད་པ་ཞིག་ཏུ་གཟིགས་འདོད་ཡོད་པས་དེ་འབྲེལ་བཀའ་བསྡུར་གནང་སྐོར་གསུངས་སོང་།

༸གོང་ས་མཆོག་ནས་འཆར་གཞི་ལྡན་པའི་སློབ་ཚན་གཏན་འབེབས་གནང་ཐུབ་ཚེ་རྒྱ་གར་ལ་གནའ་བོའི་རིག་གནས་དང་དེང་དུས་ཀྱི་ཤེས་ཡོན་གཉིས་ཐུན་མོང་ཐོག་འཛམ་གླིང་ཁྱོན་ལ་ཞི་བདེ་སྐྲུན་པར་ནུས་པ་ཡོད་སྐོར་བཀའ་བསྩལ་འདུགཤེས་རྟོགས་བྱུང་བར་༸གོང་ས་མཆོག་ནས་སྐུ་ཞབས་ Satyarthi མཆོག་དང་འབྲེལ་ཡོད་མི་སྣ་དང་ལྷན་དུ་སང་ཉིན་དགུང་ཚིགས་ལྷན་བཞེས་མཛད་རྒྱུ་དང་། དེ་བཞིན་མཛད་རིམ་ཁྲོད་བཀའ་བསྡུར་བྱུང་བའི་གནད་དོན་ཐོག་མུ་མཐུད་མཇུག་སྐྱོང་གནང་རྒྱུ་རེད་འདུག

རྩ་བའི་ཉེ་ལམ་༸གོང་ས་མཆོག་གི་རྒྱ་གར་རྒྱལ་ས་ལྡི་ལི་ནང་ཆོས་ལུགས་ལ་མ་བརྟེན་བཟང་སྤྱོད་ཀྱི་བསླབ་གཞི་ SEE Learning ཞེས་པ་དབུ་འབྱེད་བཀྲིན་བསྩལ་སྐབས་སྐུ་ཞབས་ Kailash Satyarthi མཆོག་ནས་ཀྱང་ལྷན་ཞུགས་གནང་ཡོད་པ་མ་ཟད། དེ་སྔ་རྒྱ་གར་གྱི་སྲིད་འཛིན་ཟུར་པ་ Pranab Mukherjee  མཆོག་དང་ལྷན་རྒྱས་སྲིད་འཛིན་གྱི་ཕོ་བྲང་དུ་༸གོང་ས་མཆོག་དང་ལྷན་མཇལ་འཕྲད་གནང་མྱོང་ཡོད་པ་རེད།

འབྲེལ་ཡོད་གསར་གནས།

གསར་གནས།