དེ་རིང་ཕྱི་ཟླ་ ༨ ཚེས་ ༨ ཉིན་གྱི་སྔ་དྲོ་རྒྱ་གར་བྱང་ཕྱོགས་ལ་དྭགས་གླེ་རྒྱལ་སར་རྟེན་གཞི་བྱས་པའི་ཇོ་ཁང་གི་རྭ་བར་རྟོགས་ལྡན་རིན་པོ་ཆེ་མཆོག་གིས་དབུས་པའི་ལ་དྭགས་ཀྱི་དཔོན་རིགས་དང་ས་གནས་མི་མང་བཅས་ལྷན་འཛོམས་གནང་ཐོག་ལ་དྭགས་དེ་ Union Territory ཞེས་ཇ་མྨུ་ཀཤྨིར་ནས་ལོགས་སུ་དབྱེ་སྟེ་རྒྱ་གར་དབུས་གཞུང་གི་ཐད་ཀའི་འཛིན་སྐྱོང་བཏང་འཛིན་གནང་གཏན་ཁེལ་བར་དགའ་བསུ་རྟེན་འབྲེལ་ཞུ་སླད་དུ་མཛད་སྒོ་རྒྱས་པ་ཞིག་ཚོགས་སོང་།
ལ་དྭགས་ནང་པའི་ཚོགས་འདུའི་ཚོགས་གཙོར་དེ་འབྲེལ་བཅར་འདྲི་ཞུས་པར་ཁོང་གིས་ལ་དྭགས་འདི་རྒྱ་གར་དབུས་འཛིན་སྐྱོང་མངའ་ཁུལ་དུ་གྱུར་པས་སླད་མར་ས་གནས་བོད་མིའི་དཀའ་ངལ་སེལ་བའི་རེ་བ་ཡོད་ཅེས་སོགས་གསུངས་ཡོད།