Tibetan Royal Year of 2151 | Year of the Wood Dragon

འཇར་མན་སྦྲག་ཁང་ནས་༸གོང་ས་མཆོག་གི་༸སྐུ་དཔར་འཁོད་པའི་སྦྲག་རྟགས་བཀག་སྡོམ་བྱས་འདུག

Tibetan News Headlines

  • ༸གོང་ས་མཆོག་གིས་ཧིན་དྷུའི་བླ་ཆེན་དགོངས་པ་རྗོགས་པར་ཐུགས་གསོའི་གསུང་འཕྲིན་སྩལ་འདུག
  • མགོན་པོ་སྐྱིད་ལགས་ཀྱིས་ཉེན་རྟོག་པས་ཁོང་ལ་སྡུག་སྦྱོང་བཏང་བའི་སྐོར་ཁྲིམས་ཁང་ལ་ཞུ་གཏུག་བྱས་འདུག
  • དྭང་བླངས་དཔྱ་དངུལ་ལག་དེབ་ཆག་ཡང་དང་འབུལ་ཚེའི་དུས་བཀག་ཕར་འགྱང་གནང་སོང་།
  • ནང་སྲིད་ལས་ཁུངས་དང་སྦྲགས་ལྷན་ཁང་ཁག་གི་སྔོན་རྩིས་གཏན་འབེབས་དང་བགྲོ་གླེང་ལས་རིམ་གྲུབ་སོང་།
  • ཁྲིམས་ཞིབ་པའི་འོས་ཆོས་ལྡན་པའི་མི་འགྲོ་འཚོལ་རྒྱུ་ཁག་པོ་མ་གཏོགས་གཞན་དཀའ་ངལ་མེད་པ་གསུངས་སོང་།
  • དབྱིན་ཡུལ་གྱི་གྲོང་སྡེ་གཉིས་ལ་ Hikvision བརྙན་མིག་སྤྱོད་རྒྱུ་མཚམས་འཇོག་དགོས་པའི་ཞུ་སྐུལ་གནང་འདུག

Thursday 28/03/2024

  • Dalai Lama expresses ‘sadness’ and offers ‘condolences’ on the passing away of Swami Smaranananda Maharaj
  • Gonmo Kyi sues China’s police over ‘repressive censorship and vigilant supervision’
  • Parliament extends Chatrel exemption period by six months
  • House discusses budget allocation for DoH for the fiscal year 2024-25
  • MPs express concern over challenges in finding nominees for Justice Commissioners
  • Review into Harborough and Lutterworth CCTV cameras after concerns made by company with links to Chinese government Now

འཇར་མན་སྦྲག་ཁང་ནས་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་འཁོད་པའི་སྦྲག་རྟགས་གསར་བསྐྲུན་བྱ་རྒྱུ་བཀག་སྡོམ་བྱས་འདུག   དེ་ཡང་འདི་ལོ་ནང་༸གོང་ས་༸སྐྱབས་མགོན་ཆེན་པོ་མཆོག་ དགུང་གྲངས་ ༨༠ ཕེབས་པ་དང་བསྟུན། འཇར་མ་ནི་རྒྱལ་ཡོངས་ནང་༸སྐུའི་གྱ་སྟོན་གྱི་འཁྲུངས་སྐར་སྲུང་བརྩི་ཞུ་སླད་༸གང་ཉིད་ཀྱི་༸སྐུ་པར་འཁོད་པའི་སྦྲག་རྟགས་ཤིག་གསར་བཟོ་ཞུས་ནས་འཚམས་འདྲི་དང་སྦྲགས། ༸གོང་ས་མཆོག་གི་༸སྐུ་པར་འཁོད་པའི་སྦྲགས་རྟགས་ཤིག་བཟོ་བསྐྲུན་གནང་ཡོད་ཀྱང།  ཁ་སང་ Die Welt ཞེས་ཁུལ་དེའི་ཉིན་རེའི་གསར་སྤེལ་ཁང་གི་དྲ་ཚིག་ཐོག་གནས་ཚུལ་སྤེལ་བར་གཞིགས་ན། འཇར་མ་ནི་སྦྲག་ཁང་ནས་བཟོ་བསྐྲུན་ཞུས་བཞིན་པའི་ཕྱི་ཚོང་དང་འབྲེལ་བའི་སྦྲག་རྟགས་ཁག་གི་ཐོག་ལ། ཆབ་སྲིད་དང་འབྲེལ་བའི་པར་རིས་དང་ཡི་གེ་རིགས་བཀོད་མི་ཆོག་པའི་སྒྲིག་གཞི་གསར་བཟོ་བྱས་སྟབས།  དེ་སྔ་ཟླ་བ་བདུན་པའི་ནང་བཟོ་བསྐུན་ཞུས་པའི་༸གོང་ས་མཆོག་གི་༸སྐུ་པར་འཁོད་པའི་སྦྲག་རྟགས་དེ་ཟླ་བ་སྔོན་མའི་ཕྱི་ཚེས་ ༢༤ ཉིན་ནས་བཟུང་བཀག་སྡོམ་བྱས་པ་བཀོད་འདུག

འོན་ཀྱང་ཁུལ་དེའི་ནང་རྟེན་གཞི་བྱས་པའི་བོད་དོན་རྒྱབ་སྐྱོར་བ་དང་། ཚོགས་པ་ཁག་ཅིག་ནས་གནད་དོན་དེ་ནི་སྒྲིག་གཞི་འགྱུར་བ་ཐེབས་གཞི་མིན་པར་རྒྱ་ནག་དང་ཚོང་ལས་སོགས་ཀྱི་འབྲེལ་ལམ་ལ་དོ་ཕོག་མི་ཡོང་བ་དང་། དེའི་རྒྱབ་ཏུ་རྒྱ་གཞུང་གི་ལག་འབྲེལ་ཡོད་སྐོར་འགྲེལ་བརྗོད་བྱས་འདུག་པ་མ་ཟད། ཁུལ་དེའི་ནང་རྟེན་གཞི་བྱས་པའི་ས་གནས་ཀྱི་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་སྐུ་ཞབས་ Kia Muller ལགས་ཀྱིས་འཇར་མན་སྦྲག་ཁང་ནས་འགྲེལ་བརྗོད་བྱས་བཞིན་པ་དེའི་རྒྱབ་ཏུ་རྒྱ་གཞུང་གིས་གནོན་ཤུགས་ཡོད་པ་མངོན་གསལ་རེད་གསུངས་པ་དང་ཆབས་ཅིག སྦྲག་ཐོག་ལས་ཁང་དེ་ནས་༸གོང་ས་མཆོག་ཙམ་མ་ཡིན་པར། ཡི་ཤུའི་བླ་ཆེན་ POP Benedict XVI དང་ལྕམ་ Angela Markel ལགས་རྣམ་གཉིས་ཀྱི་སྐུ་པར་འཁོད་པའི་སྦྲགས་རྟགས་ཀྱང་བཟོ་བསྐྲུན་གནང་བཞིན་ཡོད་ནའང།  དེའི་ཐད་ལ་ད་བར་བཀག་སྡོམ་གང་ཡང་བྱས་མེད་པ་རེད་ཅེས་འགྲེལ་བརྗོད་གནང་འདུག

ད་དུང་ཁོང་གིས་ཉེ་ལམ་རྒྱ་ནག་ནང་ལ་འཇར་མན་གྱི་སྦྲག་ཁང་གི་བཟོ་གྲ་ German Post DHLཞེས་པ་དེའི་ཚོང་ལས་རྒྱ་བསྐྱེད་འགྲོ་བཞིན་ཡོད་སྟབས། ཚོང་དང་དཔལ་འབྱོར་གྱི་དགེ་མཚན་བསྒྲུབ་ཆེད་དུ་རྒྱ་གཞུང་གིས་གནོན་ཤུགས་འོག་སྦྲག་་རྟགས་དེར་བཀག་སྡོམ་བྱས་པ་ཞིག་རེད་ཅེས་འགྲེལ་བརྗོད་གནང་འདུག་ཀྱང་། འཇར་མན་སྦྲག་ཁང་ (German postal service ) གི་མགྲིན་ཚབ་པ་ Dirk Klasen ནས་གནད་དོན་དེའི་ཐད་ལ་ཕྱི་ཕྱོགས་ནས་གནོན་ཤུགས་གང་ཡང་མེད་པར་སྦྲག་ཁང་གི་ཆེ་མཐོང་སྲུང་སྐྱོབ་ཆེད་དུ་ཆབ་སྲིད་སོགས་དང་མ་འདྲེས་པའི་ཐབས་ལམ་ཞིག་ཡིན་པར་འགྲེལ་བརྗོད་བྱས་འདུག

གཞི་རྩའི་ཆེ་བསྟོད་སྦྲག་རྟགས་དེའི་སྟེང་ལ་མཚོན་མདོག་ཅན་གྱི་༸གོང་ས་མཆོག་གིུ་༸སྐུ་པར་དང་། འཇར་མན་སྐད་ཡིག་ཐོག་དགུང་གྲངས་ ༨༠  ༸སྐུའི་འཁྲུངས་སྐར་ཞེས་དང་། དེ་བཞིན་ནོར་བེལ་ཞི་བདེའི་གཟེངས་རྟགས་བཞེས་མྱོང་མཁན་ཏཱ་ལའི་བླ་མ་ཞེས་མཚན་བསྟོད་གནང་ཡོད་པ་མ་ཟད། སྦྲག་རྟགས་དེ་ལ་ཡོ་རོབ་དཔེ་དྲུག་ཅུ་རེ་གཉིས་ཡིན་པ་དང་། མཇར་མན་རྒྱལ་ཡོངས་ནང་ལ་ཡིག་འབྲེལ་ཐོག་བེད་སྤྱོད་གཏོང་ཆོག་གི་ཡོད་པ་རེད།

འབྲེལ་ཡོད་གསར་གནས།

གསར་གནས།