Tibetan Royal Year of 2151 | Year of the Wood Dragon

ཟློས་དགེ་དང་ལྷ་མོ་ཚོགས་པ་ཟུང་འབྲེལ་ཐོག་འཁྲབ་སྟོན་ཡར་རྒྱས་གཏོང་དགོས།

Tibetan News Headlines

  • སྔོན་རྩིས་མ་དངུལ་སྒོར་ས་ཡ་ ༣༣༣༡ ལྷག་གཏན་འབེབས་ཐོག་གྲོས་ཚོགས་ཚོགས་དུས་ ༧ པ་མཇུག་སྒྲིལ།
  • རྒྱ་ནག་གིས་སྡེ་དགེ་ཁུལ་ནས་བོད་མི་བཅུ་ལྷག་འཛིན་བཟུང་གིས་གར་སོང་ཆ་མེད་དུ་གྱུར་འདུག
  • རྒྱ་དཀར་ནག་གཉིས་ཀྱི་མཐའ་མཚམས་གྲོས་མོལ་ཁྲོད་གྲུབ་འབྲས་གང་ཡང་བྱུང་མེད་པ་མངོན་གསལ།
  • སྐད་ཡིག་ཕུན་སུམ་ཚོགས་པའི་བོད་རིགས་ན་གཞོན་བཅུ་ཕྲག་གིས་བོད་དོན་སྐོར་བསྐྱོད་གནང་ན་རྒྱ་གར་གྱི་སྲིད་བྱུས་ལ་འགྱུར་བ་ཐེབས་ངེས་ཡིན་པ་གསུངས་འདུག
  • ཨོ་གླིང་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་ཟུང་སྦྲེལ་ཚོགས་ཟུར་ Janet Rice ལགས་ལ་ཕེབས་སྐྱེལ་དང་ཟུང་སྦྲེལ་ཚོགས་གཙོ་གསར་པར་ཕེབས་བསུ་ཞུས་པ།
  • མལ་དིལྦ་ནང་འཐུང་ཆུའི་དཀའ་ངལ་སེལ་སླད་བོད་ཀྱི་གཏེར་ཆུ་ཏུན་ ༡༥༠༠ མཁོ་སྤྲོད་བྱས་འདུག

Friday 29/03/2024

  • TPiE concludes 7th session, approves budget of over ₹ 3331 Million
  • China arrests 10 Tibetans from Derge county, whereabouts unknown
  • No breakthrough in India-China dialogue
  • Need of training for educated young Tibetans to influence India’s policy on Tibet: Tenzin Tsundue
  • Tibetans in Australia bid farewell for Senator Janet Rice, welcomes new co-chair for parliamentary Tibet group
  • Now China sends 1,500 tonnes of drinking water from Tibet to Maldives

བོད་ཀྱི་ཞོ་སྟོན་རྒྱས་པ་ཐེངས་ ༢༣ ཚོགས་པ་དང་བསྟུན་རྒྱལ་ཡོངས་ཨ་ཅེ་ལྷ་མོ་ཚོགས་པའི་ཚོགས་འདུ་ཐོག་མ་འོངས་པར་སློབ་གྲྭ་ཁག་གི་ཟློས་དགེ་དང་ལྷ་མོ་ཚོགས་པ་ཁག་ཟུང་འབྲེལ་ཐོག་ལྷ་མོའི་འཁྲབ་སྟོན་ཡར་རྒྱས་གཏོང་དགོས་པ་དང་། དེ་བཞིན་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་ནས་ས་གནས་ཁག་ཏུ་ཕྱོགས་ཕེབས་སྐབས་ལྷ་མོའི་སྒྱུ་རྩལ་ཐོག་བཀའ་སློབ་གནང་དགོས་གལ་ཡིན་སོགས་པ་དགོངས་ཚུལ་ཤུགས་ཆེ་ཕུལ་འདུག
དེའང་ཟླ་ ༤ ཚེས་ ༢༠ ནས་ཁ་སང་ཚེས་ ༢༤ བར་ཀྱི་ཟློས་གར་ཚོགས་པས་རྐང་འགན་བཞེས་ཐོག་བཞུགས་སྒར་གཙོ་གྱུར་དྷ་ས་ཉེ་འཁོར་གྱི་ཅོན་ཏཱ་ར་བོད་མིའི་གཞི་སྒར་དང་། ནོར་བུ་གླིང་ཁ་བཅས་བོད་མི་གནས་ཡུལ་ཁག་ཏུ་ལྷ་མོ་ཚོགས་པ་འཆར་འགོད་ཀྱིས་ལྷ་མོའི་འཁྲབ་གཞུང་གཟིགས་འབུལ་བརྒྱུད་ཞོ་སྟོན་སྲུང་བརྩི་ཞུས་ཡོད་པ་རེད།

ཁ་སང་བོད་ཀྱི་ཞོ་སྟོན་ཉིན་མཐའ་མའི་ཐོག་བཞུགས་སྒར་དུ་བོད་ཀྱི་ཟློས་གར་ཚོགས་པས་རྒྱལ་བཟའ་དང་བལ་བཟའ་གཉིས་ཀྱི་ལྷ་མོའི་འཁྲབ་གཞུང་གཟིགས་འབུལ་བརྒྱུད་བོད་ཀྱི་ཞོ་སྟོན་རྒྱས་པ་ཐེངས་ ༢༣ པ་ལེགས་པར་མཇུག་སྒྲིལ་གནང་ཡོད་པ་རེད།

འདི་ག་རླུང་འཕྲིན་ཁང་ནས་བོད་ཀྱི་ཟློས་གར་ཚོགས་པའི་འགན་འཛིན་དབང་འདུས་ཚེ་རིང་ལགས་སུ་བཅར་འདྲི་ཞུས་པར་ཞོ་སྟོན་འདིའི་ཐོག་ལྷ་མོ་ཚོགས་པ་ཁག་འདུ་འཛོམས་དང་བསྟུན་ནས་རྒྱལ་ཡོངས་ཨ་ཅེ་ལྷ་མོའི་ཚོགས་པའི་ཚོགས་འདུ་ཞིག་ཀྱང་ཚོགས་ཡོད་པ་དང། ཚོགས་འདུ་ཐོག་ཐེངས་རྗེས་མའི་བོད་ཀྱི་ཞོ་སྟོན་རྒྱས་པ་ཐེངས་ ༢༤ པ་དེ་རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞི་སྒར་དུ་འཚོགས་གཏན་ཁེལ་འདུག

ལྷ་མོའི་ཚོགས་པ་ཁག་གི་ངོས་ནས་བོད་ཀྱི་ལྷ་མོའི་སྒྱུ་རྩལ་ཡར་རྒྱས་གོང་འཕེལ་ཡོང་སླད་མ་འོངས་པར་སློབ་གྲྭ་ཁག་གི་ཟློས་དགེ་དང་ལྷ་མོ་ཚོགས་ཁག་ཟུང་འབྲེལ་ཐོག་ལྷ་མོའི་འཁྲབ་སྟོན་ཡར་རྒྱས་གཏོང་དགོས་པ་དང། བོད་མིའི་སྒྲིག་འཛུགས་ཀྱི་མཛད་གཙོ་རྣམ་པས་ས་གནས་ཁག་ཏུ་ཕྱོགས་ཕེབས་སྐབས་ལྷ་མོའི་སྒྱུ་རྩལ་ཐོག་བཀའ་སློབ་གནང་དགོས་པ་དང། ལྷ་མོ་ཚོགས་པ་ཁག་གི་སྒྱུ་རྩལ་བ་ཚོས་རྣམ་ཐར་དང་འཁྲབ་འཁྱེར། དེ་བཞིན་ཆས་གོས་སོགས་ཡར་རྒྱས་གཏོང་རྒྱུར་བོད་ཀྱི་ཟློས་གར་ཚོགས་པས་རྐང་འགན་བཞེས་དགོས་པ་བཅས་ཀྱི་དགོངས་ཚུལ་གཙོ་བོ་གསུམ་ཕུལ་འདུག

རྩ་བའི་ཐེངས་འདིའི་བོད་ཀྱི་ཞོ་སྟོན་རྒྱས་པ་ཐེངས་ ༢༣ པའི་ཐོག་བཙན་བྱོལ་ནང་གི་བོད་པའི་ལྷ་མོ་ཚོགས་པ་ཁག་ ༡༢ ནས་སྒྱུ་རྩལ་བ་སྐྱེས་པ་གྲངས་ ༢༤༡ དང་བེུད་སྒྱུ་རྩལ་བ་གྲངས་ ༡༨༤ བཅས་ཁྱོན་ ༤༢༦ ནས་མཉམ་ཞུགས་གནང་ཡོད་པ་མ་ཟད། བོད་ཀྱི་ལྷ་མོའི་འཁྲབ་གཞུང་ཁག་མི་འདྲ་བ་བརྒྱད་གཟིགས་འབུལ་ཞུས་ཡོད། ཐེངས་འདིའི་བོད་ཀྱི་ཞོ་སྟོན་ཐོག་བྱེས་ཀྱི་ལྷ་མོའི་ཚོགས་ཁག་མང་ཤོས་ནས་མཉམ་ཞུགས་གནང་ཐུབ་པ་བྱུང་ཡོད།

འབྲེལ་ཡོད་གསར་གནས།

གསར་གནས།