བོད་མིའི་སྒྲིག་འཛུགས་ཀྱི་བཀའ་ཤག་ནས་ད་ལྟའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྤེན་པ་ཚེ་རིང་མཆོག་ཨ་རི་སྐུ་ཚབ་དོན་གཅོད་དུ་བསྐོ་གཞག་གནང་འདུག་པ་དང། དེ་རིང་བཀའ་དྲུང་ཡིག་ཚང་ནས་སྤེལ་བའི་གསལ་བསྒྲགས་ནང་འཁོད་དོན། ཚོགས་གཙོ་སྤེན་པ་ཚེ་རིང་མཆོག་ལ་ Visa འམ་མཐོང་མཆན་ཐོན་ཚེས་དང་ ༢༠༡༦གི་ཕྱི་ཟླ་ ༧ ཚེ
ས་ ༡ གང་སྔ་ནས་ལས་ཁུར་དབུ་འཛུགས་གནང་རྒྱུ་ཡིན་པ་གསུངས་འདུག
ཚོགས་གཙོ་སྤེན་པ་ཚེ་རིང་མཆོག་ནས་དེ་རིང་ཉིན་རྒྱབ་གསར་ཁང་ཁག་གི་བཅར་འདྲི་དང་ལེན་དང་སྦྲགས། དཔལ་ལྡན་སྲིད་སྐྱོང་མཆོག་དང་བཀའ་ཤག་ནས་ཁོང་ལ་ཡིད་ཆེས་བློ་གཏད་ཀྱིས་ཐོག་ནས་གོ་སྐབས་དེར་ལྟར་གནང་བར་ཐུགས་དགྱེས་ཚོར་དང་བཅས་དང་ལེན་ཞུས་པ་ཡིན་ཞེས་གསུངས་གནང་སོང་བ་དང་ཆབས་ཅིག བཀའ་ཤག་ནས་ཐུགས་རེ་གནང་པ་ལྟར་ཨ་རི་ནི་ཆབ་སྲིད་ཀྱི་ཆ་ནས་ས་གནས་གལ་ཆེ་ཞིག་དང་། ད་དུང་ཁུལ་དེར་དེང་སྐབས་བོད་རིགས་མང་དག་ཅིག་སླེབས་ཡོད་སྟབས། ཁོང་གི་ངོས་ནས་ཨ་རི་གཞུང་དང་གྲོས་ཚོགས་རེད། དེ་བཞིན་བོད་དོན་རྒྱབ་སྐྱོར་ཚོགས་ཁག་ནས་རྒྱབ་སྐྱོར་ཆེ་རུ་གཏོང་ཐབས་དང་། བོད་རིགས་ནང་ཁུལ་རྡོག་གཅིག་ཏུ་སྒྲིལ་ཏེ་མཉམ་དུ་འཁྲིད་ཐུབ་ཡག་འབད་བརྩོན་གནང་རྒྱུ་ཡིན་པ་གསུངས་སོང།
ད་དུང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་དེ་རིང་གི་དུས་ཚིགས་འདི་བརྒྱུད་བོད་ཕྱི་ནང་གཉིས་ཀྱི་བོད་མི་རྣམས་ལ་སྤྱིར་འོས་བསྡུའི་ལས་རིམ་ལས་འཕྲོས་ནས་གནས་ཚུལ་མང་དག་ཅིག་བྱུང་ཡོད་ན་ཡང། བོད་སྤྱི་པའི་དོན་དག་ལ་ང་ཚོས་མཉམ་རུབ་ཀྱི་ནུས་པ་བཏོན་དགོས་ཡག་གལ་ཆེ་གཟིགས་ཀྱི་ཡོད་པ་གསུངས་ཏེ། རིམ་པས་ཚོགས་གཙོ་མཆོག་ནས་བྱང་ཨ་རིའི་དོན་གཅོད་ཀྱི་ཐུགས་འགན་བཞེས་སྐབས་ཚང་མས་རྒྱབ་སྐྱོར་གང་ཐུབ་གནང་རོགས་བཅས་གསུངས་ཡོད།
བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཀྱང་གསར་འགོད་པ་རྣམས་ལ་བཀའ་ཤག་ན
ས་ཨ་རི་དེ་བཞིན་ས་གནས་གལ་ཆེ་ཞིག་དང་ཁུལ་དེར་བོད་རིགས་མི་འབོར་མང་དག་ཅིག་ཡོད་སྟབས། སྤྱི་ཚོགས་ནང་ཕྱག་ལས་ཡུན་རིང་གནང་མྱོང་མཁན་དང་ཉམས་མྱོང་ཅན་ཚོགས་གཙོ་སྤེན་པ་ཚེ་རིང་མཆོག་དོན་གཅོད་དུ་བསྐོ་གཞག་གནང་ཐུབ་ཚེ་ཐུགས་ཕན་གསོས་པ་ཞིག་ཡོང་ངེས་སུ་དགོངས་ཡོད་པ་གསུངས་སོང།
རྩ་བའི་བོད་མི་མང་སྤྱི་འཐུས་ཚོགས་གཙོ་ལས་ཐོག་སྤེན་པ་ཚེ་རིང་མཆོག་ནི་རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་ཆགས་སུ་འཁྲུངས་ཤིང་། གཞི་རིམ་དང་མཐོ་རིམ་སློབ་སྦྱོང་ཁག་གྲུབ་རྗེས། ༡༩༨༩ ལོར་སྤྱི་ཚོགས་ནང་ཕྱག་ལས་གནང་འགོ་ཚུགས་འདུག ཚོགས་གཙོ་སྤེན་པ་ཚེ་རིང་མཆོག་ནས་ ༡༩༩༤ ནས་མདོ་སྨད་དབུས་རྒྱུན་གྱི་དྲུང་ཆེ་དང། དེ་བཞིན་༸གོང་ས་མཆོག་དགུང་གྲངས་ ༦༠ དང་ ༧༠ དེ་བཞིན་སྔ་ལོ་༸སྐུའི་གྱ་སྟོན་སྐབས་སོ་སོར་མདོ་སྨད་བརྟན་བཞུགས་གོ་སྒྲིག་ཚོགས་ཆུང་གི་འགན་འཁུར་བ་དང་སློབ་སྟོན་པ་སོགས་ཀྱི་ཐུགས་འགན་བཞེས་གནང་ཡོད་པ་མ་ཟད། ལྷག་པར་དུ་ཚོགས་གཙོ་མཆོག་གིས་༡༩༩༦ ནས་ད་བར་བོད་མི་མང་མདོ་སྨད་སྤྱི་འཐུས་སྐབས་བཞིའི་རིང་གནང་ཡོད་པ་དང་དེའི་ཁྲོད་ཁོང་གིས་བོད་ཀྱི་གྲོས་དང་སྲིད་བྱུས་ཉམས་ཞིབ་ཁང་གི་ངེས་སྟོན་པ་ལོ་བདུན་རིང་གནང་པ་དང། བོད་མི་མང་སྤྱི་འཐུས་ཚོགས་གཙོ་སྐབས་གཉིས་རིང་གནང་ཡོད་པ་མ་ཟད། ཉེ་ཆར་ཕྱི་ལོ་ ༢༠༡༥་༡༦ ལོའི་བོད་མིའི་སྒྲིག་འཛུགས་ཀྱི་སྲིད་སྐྱོང་འོས་མི་ཞིག་ཀྱང་ཆགས་ཡོད་པ་རེད།
