ཨ་རི་ནང་ཟླ་འདིའི་ཚེས་ ༡༠ ཉིན་གྱི་སྔ་དྲོར་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་གཙོས་པའི་ཕྱི་ནང་གི་ནང་པའི་དད་ལྡན་ཆོས་ཞུ་བ་ ༡༦༠༠༠ ལྷག་ལ་སྒྲོལ་དཀར་ཡེ་ཤེས་འཁོར་ལོའི་ཚེ་དབང་བཀྲིན་སྩལ་འདུག
ཉིན་རྒྱབ་ཏུ་ནེའུ་ཡོག་གྲོང་ཁྱེར་ཏུ་ Javits Center ཞེས་པའི་ཚོགས་ཁང་ནང་དུ་བྱང་ཨ་རིའི་བོད་རིགས་སྤྱི་མཐུན་ཚོགས་པས་གོ་སྒྲིག་འོག༸གང་ཉིད་ལ་བཀྲིན་རྗེས་དྲན་ཞུ་རྒྱུའི་མཛད་སྒོའི་ཐོག ༸གོང་ས་༸སྐྱབས་མགོན་ཆེན་པོ་མཆོག་དབུ་ཞུགས་གནང་ཐོག་སྐུ་མགྲོན་གཙོ་བོ་ཨ་རིའི་སྲིད་འཛིན་Barack Obama མཆོག་གི་སློབ་སྟོན་པ་འགན་གྲས་ལྕམ་སྐུ་ Valerie Jarrett མཆོག་དང། སྐུ་མགྲོན་གྱི་ཁོངས་སུ་ཨ་རིིའི་གྲོས་ཚོགས་འཐུས་མི་ལྕམ་སྐུ་ Nancy Pelosi མཆོག ཨ་རིའི་གློག་བརྙན་འཁྲབ་སྟོན་གྲགས་ཅན་སྐུ་ཞབས་ Richard Gere མཆོག རྒྱ་རིགས་མཁས་དབང་ Ming Xia ལགས། དེ་བཞིན་བོད་མིའི་སྒྲིག་འཛུགས་སྲིད་སྐྱོང་བློ་བཟང་སེང་གེ་མཆོག བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་དང། ཕྱག་འབྲེལ་བཀའ་བློན་རྣམ་པ་ཁག་ཅིག་གཙོས། གཞན་ཡང་བྱང་ཨི་རིའི་ཁུལ་གྱི་བོད་མི་རྣམས་དང། རྒྱ་རིགས། འབྲུག་པ། ཨུ་རུ་སུ། སོག་པོ། བལ་པོ། ཀོམ་སྦུ་ཀྲིཡ། ཀོ་རི་ཡ། ཕི་ལི་ཕིན་དང། ཧི་མ་ལ་ཡའི་མི་རིགས་སོགས་ཚོགས་པ་སྐྱིད་སྡུག་ཁགགི་སྐུ་ཚབ་ནས་ཡུལ་ལུང་སོ་སོའི་གྱོན་ཆས་ལེགས་པར་སྤྲད་ནས་བཀྲིས་པའི་མཆོད་རྫས་འདེགས་འབུལ་དང་སྦྲགས། ཕྱི་ནང་གི་དད་ལྡན་མང་ཚོགས་སོགས་ཁྱོན་མི་གྲངས་ ༡༦༠༠༠ ལྷག་འདུ་འཛོམས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་ལ་བཀྲིན་རྗེས་དྲན་ཞུས་བསྟུན། མགོན་པོ་མཆོག་༸སྐུ་ཚེ་མི་གཤེགས་རྡོ་རྗེའི་ཁམས་སུ་བརྟན་ཕྱིར་བརྟན་བཞུགས་རྒྱས་པ་ཞིག་ཀྱང་བསྟར་འབུལ་ཞུས་འདུག་པ་དང།
དེ་མཚུངས་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༨༠ ཕེབས་པའི་༸སྐུའི་འཁྲུངས་སྐར་ལ་འཚམས་འདྲིའི་མངར་བཟས་འདེགས་འབུལ་དང་འབྲེལ། ས་གནས་བོད་ཕྲུག་ཚོས་༸སྐུའི་གྱ་སྟོན་གྱི་བསྟོད་དབྱངས་གཟིགས་འབུལ་ཞུ་བ་དང། ས་གནས་ཀྱི་བོད་མི། སོག་པོ། འབྲུག་པ། ཁེལ་མུག་གཙོས། མང་ཚོགས་ཚོས་ཀྱང་དགའ་དད་སྤྲོ་གསུམ་འཁོད་པའི་ངང་ནས་གཞས་སྣ་སོགས་གཟིགས་འབུལ་གྱིས་༸གང་ཉིད་ཀྱི་༸སྐུའི་འཁྲུངས་སྐར་འཚམས་འདྲི་ཞུས་འདུག
སྐབས་དེར་མགོན་པོ་མཆོག་གིས་བཀའ་སྩལ་བའི་ཁྲོད་དུ་སྔོན་གྱི་ལས་དང་སྨོན་ལམ་སྟོབས་ཀྱིས་༸གང་ཉིད་དང་བོད་མིའི་དབར་གྱི་དམིགས་བསལ་གྱི་འབྲེལ་བ་ཞིག་ཡོད་པར་བཀའ་སྩལ་བ་དང་སྦྲགས། མང་ཚོགས་ཚོས་ཀྱང་༸གང་ཉིད་ཀྱི་ཐུགས་དགོངས་ལྟར། བྱམས་བརྩེ་དང་ལྡན་པའི་མི་ཞིག་བྱ་དགོས་གལ་ཆེ་བའི་བཀའ་ནན་པོ་བསྩལ་འདུག
བྱང་ཨ་རིའི་བོད་རིགས་སྤྱི་མཐུན་ཚོགས་པ་ཐུན་མོང་ནས་༸གོང་ས་མཆོག་ལ་བཀྲིན་རྗེས་དྲན་གྱི་བརྟན་བཞུགས་བསྟར་འབུལ་ཞུས་པ།
Tibetan News Headlines
- Dalai Lama extends Saka Dawa greetings, calls for for meaningful, compassionate lives
- Tibetans and supporters protest against Xi Jinping in Budapest
- Geshe Lobsang Tenzin Negi is honored with the Jefferson award for his efforts in uniting two distinct traditions
- Zeekgyab rinpoche appeals to Japanese parliamentarians
- Derge printing house inscribed on UNESCO memory of the world regional register
- Health and Wellness : Managing extreme heat to protect your health and safety
རེས་གཟའ་ཕུར་བུ། ༢༠༢༤།༠༥། ༠༩
- ༸གོང་ས་མཆོག་གིས་ས་ག་ཟླ་བ་དང་བསྟུན་མི་ཚེ་དོན་དང་ལྡན་པ་ཞིག་སྐྱེལ་དགོས་པ་བཀའ་སྩལ་བ།
- Hungary ནང་དུ་བོད་མི་དང་བོད་དོན་རྒྱབ་སྐྱོར་བ་རྣམས་ནས་ཞི་ཅིན་ཕིང་ལ་ངོ་རྒོལ་གྱི་ལས་འགུལ་སྤེལ་འདུག
- དགེ་བཤེས་བློ་བཟང་བསྟན་འཛིན་ལགས་སུ་ཨེ་མོ་རི་གཙུག་ལག་སློབ་གཉེར་ཁང་གི་ Jefferson གཟེངས་རྟགས་ཕུལ་འདུག
- ཉི་འོང་གྲོས་ཚོགས་འཐུས་མི་རྣམས་ལ་པཎ་ཆེན་རིན་པོ་ཆེའི་གནད་དོན་དང་བོད་ནང་གི་ཛ་དྲག་གནས་སྟངས་སྐོར་ཞུ་འབོད།
- སྡེ་དགེ་པར་ཁང་འཛམ་གླིང་དྲན་ཤེས་རྣམ་གྲངས་ཀྱི་ཨེ་ཤི་ཡ་དང་ཞི་བདེ་རྒྱ་མཚོའི་ས་ཁུལ་གྱི་མིང་ཐོར་ཚུད་འདུག
- འཕྲོད་བསྟེན་ཤེས་བྱ་ངོ་སྤྲོད། ཚ་དྲོད་འཕེལ་སྐབས་འཕྲོད་བསྟེན་བདག་གཅེས་གནང་སྟངས་སྐོར།
