Tibetan Royal Year of 2151 | Year of the Wood Dragon

བོད་རང་བཙན་བསྐྱར་གསོའི་དུས་དྲན་སྲུང་བརྩི།

Tibetan News Headlines

  • ༸གོང་ས་མཆོག་གིས་ཧིན་དྷུའི་བླ་ཆེན་དགོངས་པ་རྗོགས་པར་ཐུགས་གསོའི་གསུང་འཕྲིན་སྩལ་འདུག
  • མགོན་པོ་སྐྱིད་ལགས་ཀྱིས་ཉེན་རྟོག་པས་ཁོང་ལ་སྡུག་སྦྱོང་བཏང་བའི་སྐོར་ཁྲིམས་ཁང་ལ་ཞུ་གཏུག་བྱས་འདུག
  • དྭང་བླངས་དཔྱ་དངུལ་ལག་དེབ་ཆག་ཡང་དང་འབུལ་ཚེའི་དུས་བཀག་ཕར་འགྱང་གནང་སོང་།
  • ནང་སྲིད་ལས་ཁུངས་དང་སྦྲགས་ལྷན་ཁང་ཁག་གི་སྔོན་རྩིས་གཏན་འབེབས་དང་བགྲོ་གླེང་ལས་རིམ་གྲུབ་སོང་།
  • ཁྲིམས་ཞིབ་པའི་འོས་ཆོས་ལྡན་པའི་མི་འགྲོ་འཚོལ་རྒྱུ་ཁག་པོ་མ་གཏོགས་གཞན་དཀའ་ངལ་མེད་པ་གསུངས་སོང་།
  • དབྱིན་ཡུལ་གྱི་གྲོང་སྡེ་གཉིས་ལ་ Hikvision བརྙན་མིག་སྤྱོད་རྒྱུ་མཚམས་འཇོག་དགོས་པའི་ཞུ་སྐུལ་གནང་འདུག

Thursday 28/03/2024

  • Dalai Lama expresses ‘sadness’ and offers ‘condolences’ on the passing away of Swami Smaranananda Maharaj
  • Gonmo Kyi sues China’s police over ‘repressive censorship and vigilant supervision’
  • Parliament extends Chatrel exemption period by six months
  • House discusses budget allocation for DoH for the fiscal year 2024-25
  • MPs express concern over challenges in finding nominees for Justice Commissioners
  • Review into Harborough and Lutterworth CCTV cameras after concerns made by company with links to Chinese government Now

༸རྒྱལ་དབང་སྐུ་ཕྲེང་ ༡༣ ཆེན་པོ་མཆོག་གིས་བོད་རང་བཙན་བསྐྱར་ནན་གྱི་གསལ་བསྒྲགས་བསྐྱངས་ཏེ་མི་ལོ་ཧྲིལ་པོ་ ༡༠༣ འཁོར་བའི་དུས་དྲན་ཉིན་མོ་དང་བསྟུན། བཞུགས་སྒར་དུ་བོད་བསྐྱར་གསོ་ཞེས་པའི་བརྗོད་གཞིའི་ཐོག་རོལ་དབྱངས་འདུ་འཛོམས་ཀྱི་ལས་འགུལ་ཞིག་འཚོགས་ཡོད་པ་རེད།
ཟླ་འདིའི་ཚེས་ ༡༣ ཉིན་གྱི་ཕྱི་དྲོ་བཞུགས་སྒར་དུ་རྟེན་གཞི་བྱས་པའི་བོད་ཀྱི་ཟློས་གར་ཚོགས་པའི་ཚོགས་ཁང་དུ་རྒྱ་གར་བོད་རང་བཙན་སློབ་ཕྲུག་ཚོགས་པས་གོ་སྒྲིག་འོག བོད་གཞུང་ཟློས་གར་གཙོས་བཙན་བྱོལ་ནང་གི་བོད་པའི་རོལ་དབྱངས་ཚོགས་ཁག་ཅིག་དང་། གཞས་པ་གཞས་མ། དེ་བཞིན་རྡ་སར་གཉུག་མར་གནས་པ་དང་གློ་བུར་དུ་ལྷགས་པ་བཅས་ཚང་འཛོམས་ཀྱིས་བོད་ཀྱི་ས་ཁྲ་ཆེན་པོ་ཞིག་སྡིངས་ཆའི་གྱང་ངོས་སུ་བཤམ་སྟོན་གནང་པ་དང་། རང་དབང་གྱི་ལ་ཞེན་དང་འབྲེལ་བའི་གཞས་སྣ་ཁག་འཁྲབ་སྟོན་གྱིས་གཟིགས་འབུལ་ཞུས་ཡོད།
སྐབས་དེར་བོད་རང་བཙན་སློབ་ཕྲུག་ཚོགས་པའི་རྒྱ་གར་ངེས་སྟོན་པ་བསྟན་འཛིན་ཚེ་ལྷ་ལགས་ཀྱིས་འདི་ལོ་དམིགས་བསལ་དྲ་རྒྱའི་བརྒྱུད་ལམ་ཐོག་ནས་བོད་ཆོལ་གསུམ་ཚུད་པའི་བོད་ཀྱི་ས་ཁྲ་བཤམ་སྟོན་གྱི་ལས་འགུལ་དེ་ལྟར་སྤེལ་དོན་ངོ་སྤྲོད་གནང་པ་དང་སྦྲགས། བོད་རང་བཙན་བསྐྱར་གསོ་ཐུབ་ཐབས་ཀྱི་སེམས་ཤུགས་སྤེལ་ཆེད་དང་། ལྷག་དོན་༸གོང་ས་༸སྐྱབས་མགོན་ཆེན་པོ་སྐུ་ཕྲེང་ ༡༤ མཆོག་རྩེ་ཕོ་བྲང་པོ་ཏཱ་ལར་གདན་འདྲེན་ཞུས་ཏེ་གཞིས་བྱེས་བོད་མི་རྣམས་ལྷན་འཛོམས་ཡོང་བའི་རེ་བ་ཞུ་བཞིན་ཡོད་སྐོར་སོགས་གསུངས་ཡོད་པ་རེད།
གཞི་རྩའི་ད་ལན་གྱི་ལས་12745685_10154036643843729_3482497063047170834_nའགུལ་དེ་བཞུགས་སྒར་ཙམ་དུ་མ་ཟད། རྒྱ་གར་གྱི་རྒྱལ་ས་ལྡི་ལི་གཙོས་ཨ་རི་སོགས་གོ་ལའི་ས་ཁྱོན་འདྲ་མིན་ཁག་ ༣༠ ནང་བོད་རང་བཙན་སློབ་ཕྲུག་ཚོགས་པའི་ས་གནས་ཡན་ལག་ཁག་གིས་ཉིན་བརྒྱ་དུས་གཅིག་ཏུ་ལས་འགུལ་རྣམ་པ་འདྲ་མིན་སྤེལ་ཡོད་པ་རེད།
རྩ་བའི་ད་ལན་གྱི་ལས་འགུལ་དེའི་དགོས་དམིགས་གཙོ་བོ་ནི། བོད་མི་མང་ཚོགས་ཚོས་བོད་ཆོལ་གསུམ་གྱི་ས་ཁྲ་ཡིན་པ་ཤེས་བཞིན་ཡོད་ཀྱང། རྒྱ་གཞུང་གི་ངོས་ནས་བོད་རང་སྐྱོང་ལྗོངས་ཟེར་བ་དེ་གཅིག་པུ་བོད་ཡིན་ཚུལ་གྱི་འཁྱོག་བཤད་དྲིལ་བསྒྲགས་བྱས་སྟབས། བོད་ཆོལ་གསུམ་ཁྱབ་པའི་ས་ཁྲ་ཡོངས་རྫོགས་དེ་བོད་ཡིན་པ་མང་ཚོགས་ལ་གོ་རྟོགས་སྤེལ་སླད་དམིགས་པ་ཞིག་ཆགས་ཀྱི་འདུག

འབྲེལ་ཡོད་གསར་གནས།

གསར་གནས།