Tibetan Royal Year of 2151 | Year of the Wood Dragon

བོད་མི་ ༡༥༠ ལྷག་རུ་ཁག་བགོས་འགྲེམས་ཀྱིས་རྒྱ་ནག་གཞུང་ཚབ་མདུན་དུ་རྒོལ་མཆོང་གནང་པ།

Tibetan News Headlines

  • ༸གོང་ས་མཆོག་གིས་ཧིན་དྷུའི་བླ་ཆེན་དགོངས་པ་རྗོགས་པར་ཐུགས་གསོའི་གསུང་འཕྲིན་སྩལ་འདུག
  • མགོན་པོ་སྐྱིད་ལགས་ཀྱིས་ཉེན་རྟོག་པས་ཁོང་ལ་སྡུག་སྦྱོང་བཏང་བའི་སྐོར་ཁྲིམས་ཁང་ལ་ཞུ་གཏུག་བྱས་འདུག
  • དྭང་བླངས་དཔྱ་དངུལ་ལག་དེབ་ཆག་ཡང་དང་འབུལ་ཚེའི་དུས་བཀག་ཕར་འགྱང་གནང་སོང་།
  • ནང་སྲིད་ལས་ཁུངས་དང་སྦྲགས་ལྷན་ཁང་ཁག་གི་སྔོན་རྩིས་གཏན་འབེབས་དང་བགྲོ་གླེང་ལས་རིམ་གྲུབ་སོང་།
  • ཁྲིམས་ཞིབ་པའི་འོས་ཆོས་ལྡན་པའི་མི་འགྲོ་འཚོལ་རྒྱུ་ཁག་པོ་མ་གཏོགས་གཞན་དཀའ་ངལ་མེད་པ་གསུངས་སོང་།
  • དབྱིན་ཡུལ་གྱི་གྲོང་སྡེ་གཉིས་ལ་ Hikvision བརྙན་མིག་སྤྱོད་རྒྱུ་མཚམས་འཇོག་དགོས་པའི་ཞུ་སྐུལ་གནང་འདུག

Thursday 28/03/2024

  • Dalai Lama expresses ‘sadness’ and offers ‘condolences’ on the passing away of Swami Smaranananda Maharaj
  • Gonmo Kyi sues China’s police over ‘repressive censorship and vigilant supervision’
  • Parliament extends Chatrel exemption period by six months
  • House discusses budget allocation for DoH for the fiscal year 2024-25
  • MPs express concern over challenges in finding nominees for Justice Commissioners
  • Review into Harborough and Lutterworth CCTV cameras after concerns made by company with links to Chinese government Now

འཛམ་གླིང་ས་ཕྱོགས་གང་སར་བཞུགས་པའི་བོད་མི་ཚོས་ལས་འགུལ་གྱི་རྣམ་པ་འདྲ་མིན་བརྒྱུད་དེ་རིང་བོད་མིའི་རང་དབང་སྒེར་ལངས་ཐེངས་ ༥༧ སྲུང་བརྩི་ཞུ་བཞིན་ཡོད་པ་ལྟར། དེ་རིང་རྒྱ་གར་གྱི་རྒྱལ་ས་ལྡི་ལིར་བོད་ཀྱི་གཞོན་ནུ་ལྷན་ཚོགས་ཀྱིས་གོ་སྒྲོག་འོག་བོད་མི་ ༡༥༠ ལྷག་རུ་ཁག་བགོས་འགྲེམས་ཀྱིས་ལྡི་ལིར་རྟེན3་གཞི་བྱས་པའི་རྒྱ་ནག་གཞུང་ཚབ་མདུན་དུ་རྒོལ་མཆོང་གི་ལས་འགུལ་སྤེལ་གནང་འདུག
ད་ལན་གྱི་བོད་མི་དེ་དག་གིས་ལས་འགུལ་སྤེལ་བའི་དགོས་དམིགས་གཙོ་བོ་ནི། གཞིས་བཞུགས་བོད་མི་ཚོར་རང་དབང་སྤྲོད་དགོས་པ་དང་། རྒྱལ་སྤྱིའི་སྤྱི་ཚོགས་ཀྱི་ངོས་ནས་ཀྱང་བོད་ནང་གི་ཛ་དྲག་གནས་སྟངས་རྐྱེན་པས་བོད་5མི་ཚོས་རང་ལུས་མེར་སྲེག་གཏོང་བཞིན་པའི་གནད་དོན་ཐད་རྒྱ་གཞུང་དང་གྲོས་མོལ་གནང་དགོས་པའི་འབོད་སྐུལ་གནང་འདུག
དེ་ཡང་བོད་མི་ལས་འགུལ་བ་ཚོས་རུ་ཁག་ལ་ཆ་བགོས་ཀྱིས་རྒྱ་ནག་གི་གཞུང་ཚབ་མདུན་དུ་རྒོལ་མཆོང་གནང་ཡོད་པ་རེད། རུ་ཁག་དང་པོའི་ནང་བོད་མི་ ༤༠ ཡོད་པ་དེ་དག་གིས་རྒྱ་གར་ས་གནས་སྐོར་སྲུང་བ་མི་གྲངས་ ༢༠༠ ལྷག་འགྲེམས་འཇོག་བྱེད་མིན་ལ་མ་ལྟོས་པར་སྐར་མ་ ༡༠ ལྷག་རིང་ངོ་རྒོལ་སྐད་འབོད་གནང་པ་དང། ཁོང་རྣམ་པ་ཡོངས་རྫོགས་སྐོར་སྲུང་བས་འཛིན་བཟུང་བྱེད་བཞིན་པའི་སྐབས་དེར་རྒྱལ་སྤྱིའི་གསར་འགོད་པ་དང་རྒྱ་གར་གི་གསར་འགོད་པ། དེ་བཞིན་བོད་པའི་གསར་འགོད་པ་བཅས་འདུ་འཛོམས་བྱུང་བར་ལས་འགུལ་དེའི་དགོས་དམིགས་གང་ཡིན་སོགས་ངོ་སྤྲོད་ཞུས་ཐུབ་པ་བྱུང་ཡོད།
འདི་ག་རླུང་འཕྲིན་ཁང་གི་གསར་འགོད་པར་ལས་འགུལ་གོ་སྒྲིག་གནང་མཁན་བོད་ཀྱི་གཞོན་ནུ་ལྷན་ཚོགས་ཀྱིས་གསུངས་དོན། དབུས་བོད་ཀྱི་ གཞོན་ནུ་ལྷན་ཚོགས་ཀྱི་ས་གནས་ཡན་ལག་ཁ ག་ཏུ་དེ་མཚུངས་ཀྱི་ལས་འགུལ་སྤེལ་བཞིན་ཡོད་པ་དང་། ལས་འགུལ་འདིའི་འབོད་སྒྲ་གཙོ་བོ་ནི་བོད་རང་བཙན་གཙང་མ་ཡིན། ༸གོང་ས་མཆོག་༸སྐུ་ཚེ་ཡུན་རིང་བརྟན་པ། རྒྱ་མི་བོད་ནས་ཕྱིར་འཐོན་དགོས་པ་བཅས་ཡིན་པ་འགྲེལ་བརྗོད་གནང་སོང།     གཞི་རྩའི་དེ་རིང་སྔ་དྲོ་ལྡི་ལི་བོད་མིའི་གཞིས་སྒར་བསམ་ཡས་གླིང་དུ་བོད་མི་ ༣༠༠ ལྷག་འདུ་འཛོམས་ཀྱིས་གཞུང་འབྲེལ་གྱི་གསུམ་བཅུའི་དུས་དྲན་སྲུང་བརྩི་ཞུས་གྲུབ་རྗེས། བོད་མི་ཚོས་རཱམ་ལི་ལཱ་ཐང་ཆེན་ནས་དབུ་འཛུགས་ཀྱིས་ཇནྟར་མནྟར་བར་ངོ་རྒོལ་རྔམ་སྟོན་གྱི་གོམ་བགྲོད་གནང་ཡོད་པ་རེད།

འབྲེལ་ཡོད་གསར་གནས།

གསར་གནས།