Tibetan Royal Year of 2151 | Year of the Wood Dragon

བོད་ཀྱི་གསོ་བ་རིག་པའི་སྨན་པའི་ཤེས་ཡོན་གོང་སྤེལ་གྱི་ཟབ་སྦྱོང་དབུ་འཛུགས་གནང་སོང།

Tibetan News Headlines

  • ཆེས་མཐོའི་ཁྲིམས་ཞིབ་པའི་འོས་ཆོས་དང་འབྲེལ་བའི་བཅའ་ཁྲིམས་བསྐྱར་བཅོས་ཀྱི་ཁྲིམས་འཆར་ཟགས་སོང་།
  • བཅའ་ཁྲིམས་ནང་བོད་ཀྱི་རྒྱལ་དར་ལ་གུས་བརྩི་དགོས་པ་དང་གང་བྱུང་བེད་སྤྱོད་གཏང་མི་ཆོག་པ་འཁོད་དགོས་པའི་ཞུ་སྐུལ།
  • བོད་མིའི་ཆབ་སྲིད་བརྩོན་པ་གྲྭ་ཆོས་དབྱིངས་མཁས་གྲུབ་ལགས་འཕྲལ་མར་གློད་བཀྲོལ་དགོས་པ་གསུངས་འདུག
  • བསོད་ནམས་དབང་ཕྱུག་ལགས་ཀྱི་ཉིན་གྲངས་ ༢༡ གི་ཟས་བཅད་ལས་འགུལ་རེ་ཞིག་མཇུག་སྒྲིལ།
  • གློག་བརྙན་ནང་རིག་གནས་གསར་རྗེས་སྐོར་བསྟན་པར་རྒྱ་ནག་རྒྱལ་གཅེས་པ་རྣམས་ཀྱིས་སྐྱོན་བརྗོད།
  • ཨ་རིའི་གཞུང་གིས་རྒྱ་རིགས་བདུན་ལ་ལོ་བཅུ་བཞིའི་རིང་དྲ་ལམ་གཏོར་རྒོལ་གྱི་ལས་འགུལ་སྤེལ་བའི་ཉེས་འཛུགས།

Wednesday 27/03/2024

  • Charter amendment concerning appoinment of Justice Commissioners fails to obtain a majority
  • Petitioner urges MPs to propose bill to safeguard dignity of Tibetan national flag
  • US Amb. for religious freedom urges China to release prisoner of conscience Choeying Khedrub
  • Sonam Wangchuk ends 21-day fast, pledges to continue fight for Ladakh’s rights
  • Netflix’s ‘3 Body Problem’ showing ‘brutal Cultural Revolution’ draws fire in China
  • US indicts 7 Chinese nationals for cyber espionage

བཞུགས་སྒར་དུ་བོད་ཀྱི་གསོ་བ་རིག་པའི་སྨན་པའི་ཤེས་ཡོན་གོང་སྤེལ་གྱི་ཟབ་སྦྱོང་ཐེངས་བཞི་པ་བསྐོར་ཚོགས་གནང་ཡོད་པ་རེད།  དེ་རིང་ཟླ་ ༡༠ ཕྱི་ཚེས་ ༢༦ ཉིན་སྔ་དྲོ་ཚོུད་ ༩།༠༠ སྟེང་བཞུགས་སྒར་བོད་ཀྱི་སྨན་རྩིས་ཁང་དུ་སྨན་པའི་ལྷན་ཚོགས་ཀྱི་གོ་སྒྲིག་འོག་ཟབ་སྦྱོང་གི་དབུ་འབྱེད་མཛད་སྒོའི་སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་དབུ་བཞུགས་ཐོག དམིགས་བསལ་སྐུ་མགྲོན་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་དྲུང་ཆེ་ཚེ་རྒྱལ་ལགས། བདེ་ལེགས་སྨན་ཁང་གི་འགན་འཛིན་ཟླ་ཕུན་སྐྱིད་ལགས་དང། དེ་བཞིན་ཆེད་དུ་གདན་འབོད་ཞུས་པའི་བགྲོ་གླེང་གི་གསུང་བཤད་པ་རྣམ་པ་གཙོས། སྨན་རྩིས་ཁང་གི་སློབ་སྤྱི་དང་དྲུང་ཆེ་ལས་བྱེད་སོགས་ཁྱོན་མི་གྲངས་བརྒྱ་སྐོར་ལྷན་འཛོམས་སར་བོད་ཀྱི་གསོ་བ་རིག་པའི་སྨན་པའི་ཤེས་ཡོན་གོང་སྤེལ་གྱི་ཟབ་སྦྱོང་དབུ་འཛུགས་གནང་ཡོད་པ་རེད།  མཛད་རིམ་གྱི་ཆེས་ཐོག་མར་སྐུ་མགྲོན་གཙོ་བོ་མཆོག་ནས་སྣང་གསལ་མར་མེ་ཞལ་ཕྱེ་གནང་གྲུབ་པ་མ་ཟད། བོད་ཀྱི་གསོ་བ་རིག་པའི་ལྷན་ཚོགས་ཀྱི་བོད་ཡིག་དྲ་རྒྱ་གསར་པ་དབུ་འབྱེད་གནང་ཡོད་པ་རེད། དེའི་རྗེས་སུ་སྨན་པའི་ལྷན་ཚོགས་ཀྱི་ཚོགས་གཙོ་ངག་དབང་བཟོད་པ་ལགས་ཀྱིས་ཚོགས་ཞུགས་པ་ཡོངས་ལ་འཚམས་འདྲི་ཞུས་པ་དང་ཆབས་ཅིག བོད་ཀྱི་གསོ་བ་རིག་པའི་ངོ་སྤྲོད་སྙིང་བསྡུས་ཤིག་གནང་སྟེ། ད་ལན་གྱི་ཟབ་འཁྲིད་དེ་བཞིན་རྒྱ་གར་དབུས་AYUSH IMG_8643བློན་ཆེན་ལས་ཁུངས་ནས་མཐུན་སྒྱུར་གནང་པའི་ཟབ་སྦྱོང་ཐེངས་བཞི་པ་དེ་ཆགས་ཀྱི་ཡོད་ཀྱང་། རྒྱ་གར་གཞུང་ནས་བོད་ཀྱི་གསོ་བ་རིག་པའི་མཚན་སྦྱང་དགོངས་བཞེས་གནང་པའི་ཐོག་ནས་ཟབ་སྦྱོང་ཚོགས་པ་དེ་ཆེས་ཐོག་མ་ཆགས་ཀྱི་ཡོད་སྐོར་གསུངས་པ་མ་ཟད། ལྷག་པར་ཉེ་བའི་གྲོས་ཚོགས་ཚོགས་དུས་བཅུ་པའི་ནང་ལྷན་ཚོགས་ཀྱི་མཚན་སྦྱང་ལ་མིང་བསྒྱུར་སོང་ནས་ད་ཆ་ཁྲིམས་ཡིག་ནང་དོན་ཁག་ཅིག་ལ་འགྱུར་བ་ཕྲན་བུ་ཕྱིན་ཡོད་པ་རྣམས་གསལ་བཏོན་གནང་ཡོད་པ་རེད།  སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་བོད་ཀྱི་གསོ་བ་རིག་པ་དེ་བཞིན་བོད་ཀྱི་རིག་གནས་གལ་ཆེ་གཅིག་ཡིན་སྟབས། དེའི་ཆེད་དུ་ལྷན་ཚོགས་ཤིག་དགོས་གལ་ཆེ་བར་གཟིགས་པའི་ཐོག་ནས་ཉེ་དུས་གྲོས་ཚོགས་ཀྱི་ནང་དེའི་ཐད་བགྲོ་གླེང་སྔ་རྗེས་རིམ་པ་མང་པོར་བྱུང་ནས། དེའི་ཆེད་དུ་དམིགས་བསལ་གྲོས་ཆོད་དོན་ཚན་བཞི་གཏན་འབེབས་གནང་ཡོད་པ་ལུང་འདྲེན་དང་སྦྲགས། བོད་ཀྱི་གསོ་བ་རིག་པའི་སྨན་པའི་ལྷན་ཚོགས་དེ་བཞིན་སྲ་བརྟན་རྒྱུན་གIMG_8653ནས་ཐུབ་ཐབས་སུ་གཙོ་བོ་བོད་གཞུང་སྨན་རྩིས་ཁང་རང་ནས་མཐུན་རྐྱེན་གང་ལེགས་བསྐྲུན་དགོས་པའི་ནན་བརྗོད་དང་འབྲེལ། ཁྱད་པར་དུ་ཝཱར་ཎ་དབུས་བོད་ཀྱི་ཆེེས་མཐོའི་གཙུག་ལག་སློབ་གཉེར་ཁང་དང་ལྕགས་པོ་རིའི་དྲན་རྟེན་བོད་སྨན་སློབ་གཉེར་ཁང་།  དེ་བཞིན་ཧི་མཱ་ལ་ཡའི་རི་བརྒྱུད་ནང་བོད་ཀྱི་གསོ་རིག་རྒྱུན་འཛིན་སྨན་པ་ཚང་མས་ཕྱག་གྲུ་མཉམ་འདེགས་ཐོག་ནས་བོད་ཀྱི་གསོ་རིག་གཞུང་ལུགས་དེ་གསོ་སྐྱོང་དང་མི་ཉམས་རྒྱུན་འཛིན་གནང་ཐབས་སུ་ཧུར་ཐག་གནང་དགོས་པ་མ་ཟད། ད་ལན་གྱི་ཟབ་སྦྱོང་དེའི་ནང་ཚོགས་བཅར་བ་རྣམས་ནས་ཉམས་མྱོང་སྤེལ་རེས་བྱས་ཏེ་བརྗོད་གཞི་ཁག་གི་ཐོག་གཏིང་ཟབ་བགྲོ་གླེང་མཐིལ་ཕྱིན་པ་ཞིག་གནང་གལ་ཆེ་སྐོར་གསུངས་ཡོད་པ་རེད།  དེ་བཞིན་དམིགས་བསལ་སྐུ་མགྲོན་འཕྲོད་བསྟེན་དྲུང་ཆེ་ཚེ་རྒྱལ་ལགས་ཀྱིས་བོད་ཀྱི་གསོ་རིག་ལྷན་ཚོགས་ལ་སྨན་པ་དགོས་གལ་ཆེ་བ་དང། སྨན་པ་ཚོ་ལའང་བོད་ཀྱི་གསོ་རིག་ལྷན་ཚོགས་དེ་དགོས་ངེས་ཞིག་ཡིན་སྟབས། ཚང་མས་ཕྱར་གྲུ་མཉམ་འདེགས་གནང་དགོས་སྐོར་གསུངས་པ་དང་ཆབས་ཅིག སྨན་པ་ཚོའི་ངོས་ནས་ད་ཆ་ཁྲིམས་ཡིག་ནང་གྱུར་བ་གང་ཕྱིན་ཡོད་པ་དེ་གའི་ཐོག་ལ་དམིགས་བསལ་ཐུགས་སྣང་གནང་སྟེ། འཕོ་འགྱུར་ལྷན་ཚོགས་ཀྱི་ཚོགས་མི་གསར་པ་འོས་བསྡུ་གནང་སྐབས་དེའི་ནང་ངེས་པར་དུ་ཆ་ཤས་བླངས་དགོས་པའི་སྐུལ་མ་ཡང་གནང་ཡོད་པ་རེད།

འབྲེལ་ཡོད་གསར་གནས།

གསར་གནས།