སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་གྱི་དཔལ་ཡུལ་རྫོང་དུ་ལོ་རྒྱུས་ཀྱི་རང་བཞིན་ལྡན་པའི་ས་ཚིགས་ཤིག་ལ་བཙན་པོའི་དུས་སྐབས་ཀྱི་བྲག་བརྐོས་ཤིག་རྙེད་འདུག
ཀྲུང་གོའི་བོད་ལྗོངས་དྲྭ་བ་ཟེར་བས་ཟླ་ ༨ ཚེས་ ༢༥ ཉིན་གནའ་རྫས་ཞིབ་འཇུག་པས་སི་ཁྲོན་ཞིང་ཆེན་དུ་དབྱེ་དཀར་མཛེས་བོད་རིགས་རང་སྐྱོང་ཁུལ་གྱི་དཔལ་ཡུལ་རྫོང་དུ་ལོ་རྒྱུས་ཀྱི་རང་བཞིན་ལྡན་པའི་ས་ཚིགས་ཤིག་ཏུ་རྟོག་ཞིབ་ཀྱི་བརྒྱུད་རིམ་ཁྲོད་དུས་རབས་དགུ་པ་ཡས་མས་སམ་བཙན་པོའི་དུས་སྐབས་ཀྱི་བྲག་བརྐོས་ཀྱི་སྐུ་འདྲ་ཞིག་རྙེད་འདུག་པ་དང་། ཕོ་བྲང་རྟེན་རྫས་བཤམས་མཛོད་ཁང་གི་བོད་བརྒྱུད་ནང་བསྟན་རིག་དངོས་ཞིབ་འཇུག་ཁང་གི་འགོ་ཁྲིད་ལའོ་ཝུན་ཧྭ་ཡིས་བྲག་བརྐོས་ཀྱི་སྐུ་འདྲ་ནི་ཆབ་མདོ་དང་ཡུལ་ཤུལ། རྫ་ཆུ་ཁ་ནས་རྙེད་པའི་བཙན་པོའི་དུས་སྐབས་ཀྱི་བྲག་བརྐོས་སྐུ་འདྲའི་བཟོ་ལྟ་དང་ཧ་ཅང་འདྲ་ཞིང་། དེ་ནི་ལྷ་སྐུ་ལྔ་ཡིས་གྲུབ་པ་བརྗོད་འདུག 
དཔལ་ཡུལ་རྫོང་ནས་རྙེད་པའི་བྲག་བརྐོས་ཀྱི་སྐུ་འདྲའི་ནང་གཡས་ཕྱོགས་སུ་མཐོང་དཀའ་བའི་རྒྱབ་སྟོན་སྐུ་འདྲ་ཞིག་ཡོད་ཅིང་། དེ་ནི་དབུ་སྐྲ་རིང་ཞིང་དབུ་སྐྲ་བསྡམས་ཡོད་ལ། ཆོས་གོས་དམར་པོ་མནབས་ཡོད་སྟབས། ཁ་ཤསཀྱི་ངོས་ནས་་སློབ་དཔོན་པདྨ་འབྱུང་གནས་རེད་ཟེར་བ་དང་། ཁ་ཤས་ཀྱི་འུན་ཤིང་ཀོང་ཇོ་ཕ་ཡུལ་དང་བྲལ་བའི་རྗེས་ཕ་ཡུལ་ལ་ཕྱིར་མིག་ལྟ་བའི་རྣམ་པ་ཡིན་པས། སྐུ་འདྲ་རྒྱབ་སྟོན་བྱས་པ་རེད་ཅེས་བརྗོད་སྲོལ་ཡོད་པ་དང་། ལའོ་ཝུན་ཧྭ་ཡིས་བོད་བཙན་པོའི་དུས་སྐབས་ཀྱི་བྲག་བརྐོས་ཀྱི་ཁྱབ་ཚུལ་ལ་རྟོག་ཞིབ་བྱ་རྒྱུ་ཡོད་པ་མ་ཟད་གནའ་རྫས་རིག་པའི་ཐད་ལ་དོན་སྙིང་གལ་ཆེན་ཞིག་ཡིན་པ་བཤད་འདུག
དེ་བཞིན་ Global Times གྱི་དྲྭ་གནས་ཐོག་སྔ་ལོ་བོད་རང་སྐྱོང་ལྗོངས་ཀྱི་ཆབ་མདོའི་ཁུལ་དུ་ dinosaur ཞེས་གདོད་མའི་སྲོག་ཆགས་ཀྱི་རྐང་རྗེས་ཤིག་རྙེད་སོན་བྱུང་བ་ལྟར་ཉེ་ལམ་ཚེས་ ༢༦ ཉིན་ China University of Geosciences ཞེས་ས་ཁམས་ཚན་རིག་པ་དང་འབྲེལ་བའི་རྒྱ་ནག་གི་གཙུག་ལག་སློབ་གྲྭ་ཆེན་མོ་ཞིག་ནས་ས་འོག་ནས་ཐོན་པའི་གནའ་རྫས་ཞིབ་འཇུག་བྱེད་མཁན་གྱི་མཁས་པ་དང་རུ་ཁག་ཞིག་ནས་གདོད་མའི་སྲོག་ཆགས་ཀྱི་རྐང་རྗེས་ལ་ཞིབ་འཇུག་བྱེད་དུ་འབྱོར་འདུག་པ་དང་། 
སྐབས་དེར་ཚན་རིག་པ་ཞིག་གིས་འཛམ་གླིང་ནང་གི་ས་གཞི་མཐོ་ཤོས་ཏེ་བོད་གངས་ཅན་གྱི་ལྗོངས་སུ་ dinosaur ཞེས་པའི་གདོད་མའི་སེམས་ཅན་ཡང་ཆགས་མྱོང་ཡོད་པའི་ཁུངས་ལྡན་ར་འཕྲོད་བྱུང་ཡོད་ཚུལ་དང་། དུས་སྐབས་དེའི་ཚེར་གདོད་མའི་སེམས་ཅན་དེ་དག་ཆུ་འཐུང་བར་ཡོང་བའི་སྐབས་སུ་བཞག་པའི་རྐང་རྗེས་ཤིག་ཡིན་ཚུལ་བརྗོད་འའདུག
རྩ་བའི་དེ་སྔ་ཕྱི་ལོ ༡༩༩༩ ལོར་གྲོང་གསེབ་ཀྱི་ཁུལ་དུ་བགྲོད་ལམ་བཟོས་པའི་སྐབས་གཞན་དང་མི་འདྲ་བའི་རྐང་རྗེས་ཆེན་པོ་ཆ་བརྒྱད་རྙེད་སོན་བྱུང་ཡོད་སྐོར་དང་། དེ་ནི་བོད་ཁུལ་དུ་གདོད་མའི་སྲོག་ཆགས་ཀྱི་རྐང་རྗེས་རྙེད་པ་ཐེངས་དང་པོ་དེ་ཆགས་ཀྱི་ཡོད་སྟབས་ཡུལ་མི་ཚོས་དེ་ནི་ལྷའི་ཞབས་རྗེས་ཡིན་པར་བརྗོད་ཚུལ་ཡོད་པའང་བཀོད་འདུག
དཔལ་ཡུལ་རྫོང་ནས་བཙན་པོའི་དུས་སྐབས་ཀྱི་བྲག་བརྐོས་རྙེད་པ།
Tibetan News Headlines
- CTA calls for immediate access to Panchen Lama, urges Chinese Panchen not to become a political tool
- Tibetans commemorate Panchen Lama’s 35th birthday with fervor and heartfelt remembrance
- New Amnesty report highlights severe human rights abuses in Tibet
- We have back channel with China since one year but have no immediate expectation: Sikyong
- Blinken kicks off direct engagement with China ahead of tough talks
- Residents of Sakya Puruwala settlement offers ‘Gyaton Tenshug’ to Sakya Gongma Trichen Rinpoche
རེས་གཟའ་ཕུར་བུ། ༢༠༢༤།༠༤།༢༥
- ༸པཎ་ཆེན་སྐུ་ཕྲེང་ ༡༡ མཆོག་དགུང་གྲངས་ ༣༥ ཕེབས་པའི་སྐུའི་འཁྲུངས་སྐར་སྲུང་བརྩི།
- ཀུན་གཟིགས་༸པཎ་ཆེན་རིན་པོ་ཆེའི་སྐུའི་འཁྲུངས་སྐར་རྣམ་པ་འདྲ་མིན་སྒོ་ནས་སྲུང་བརྩི།
- བོད་ནང་གི་བོད་མི་རྣམས་མུ་མཐུད་དྲག་གནོན་འོག་ཡོད་པ།
- རྒྱ་ནག་དང་ལྷན་བརྒྱུད་ལམ་གཞན་ཐོག་འབྲེལ་ལམ་འགོ་འཛུགས་བྱས་ཀྱང་ལམ་སེང་དོན་འབྲས་སོན་པའི་རེ་བ་མེད་ཅེས་གསུངས་འདུག
- ཨ་རིའི་ཕྱི་སྲིད་དྲུང་ཆེ་རྒྱ་ནག་ཏུ་འཚམས་གཟིགས་ཁྲོད་འགྲོ་བ་མིའི་ཐོབ་ཐང་སྐོར་གླེང་ངེས་ཡིན་པ་གསུངས་འདུག
- སྤུར་ཝ་ལ་གཞིས་འབངས་ཡོངས་ནས་༸དཔལ་ས་སྐྱ་གོང་མ་ཁྲི་ཆེན་མཆོག་ལ་གྱ་སྟོན་གྱི་བརྟན་བཞུགས་བསྟར་འབུལ།
