བཞུགས་སྒར་དུ་ཆོ་འཕྲུལ་སྨོན་ལམ་ཆེན་མོ་དབུ་འཛུགས་གནང་བ།


vot.org
Facebooktwittergoogle_plusmail
བཞུགས་སྒར་དུ་ཆོ་འཕྲུལ་སྨོན་ལམ་ཆེན་མོ་དབུ་འཛུགས་གནང་བ།

ཐེག་ཆེན་ཆོས་གླིང་གཙུག་ལག་ཁང་གི་ཡང་སྟེང་ཚོགས་ཁང་དུ་རབ་གནས་ས་ཁྱི་ལོའི་ཆོ་འཕྲུལ་སྨོན་ལམ་ཆེན་མོ་དབུ་འཛུགས་གནང་སོང་།
དེ་རིང་ཟླ་ ༢ ཚེས་ ༢༦  ཉིན་གྱི་སྔ་དྲོ་ཚོུད་ ༦།༣༠ སྟེང་བཞུགས་སྒར་དུ་རྟེན་གཞིས་བྱས་པའི་ཐེག་ཆེན་ཆོས་གླིང་གཙུག་ལག་ཁང་གི་རྟེན་མཆོག་སྤྱན་སྔའི་དྲུང་དུ་མཆོད་སྤྲིན་སྣ་ལྔ་འབུལ་གཤོམ་དབཞུགས་སྒར་དུ་ཆོ་འཕྲུལ་སྨོན་ལམ་ཆེན་མོ་དབུ་འཛུགས་གནང་པ།ང་འབྲེལ། རབ་གནས་ས་ཁྱི་ལོའི་ཆོ་འཕྲུལ་སྨོན་ལམ་ཆེན་མོའི་ཚོགས་མགོན་དུ་དཔལ་ལྡན་སྟོད་བརྒྱུད་གྲྭ་ཚང་གྱི་མཁན་པོ་ཐུབ་བསྟན་བསྟན་འཛིན་མཆོག་དབུ་བཞུགས་གཙོས། བཞུགས་སྒར་ཉེ་འཁོར་བཙུན་དགོན་གྱི་དགེ་བཙུན་རྣམ་པ། གཉུག་མར་གནས་པ་དང་གློ་བུར་དུ་ལྷགས་པ་སེར་སྐྱ་མང་ཚོགས་བཅས་ལྷན་འཛོམས་ཀྱིས་ཆོ་འཕྲུལ་སྨོན་ལམ་ཆེན་མོ་དབུ་འཛུགས་གནང་བ་མ་ཟད། དུས་ཚིགས་དང་བསྟུན་དཔལ་སྟོད་བརྒྱུད་གྲྭ་ཚང་གི་མཁན་རིན་པོ་ཆེ་མཆོག་གིས་སེར་སྐྱ་མང་ཚོགས་ལ་ཆོ་འཕྲུལ་སྨོན་ལམ་ཆེན་མོ་ངོ་སྤྲོད་དང་སྟོན་པའི་སྐྱེས་རབས་ཀྱི་གསུང་ཆོས་བསྩལ་ཡོད།

རྩ་བའི་བཞུགས་སྒར་ཁུལ་གྱི་ཆོ་འཕྲུལ་སྨོན་ལམ་ཆེན་མོ་དེ་ལོ་ལྟར་ཐེག་ཆེན་ཆོས་གླིང་གཙུག་ལག་ཁང་གི་དགེ་རྩ་ཚོགས་པའི་ངོས་ནས་གོ་སྒྲིག་ཞུ་གྱི་ཡོད་པ་དང་། འདི་ལོའི་སྨོན་ལམ་དེ་དེ་རིང་བོད་ཚེས་ ༡༡ ནས་ ༡༦ བར་ཉིན་གྲངས་ལྔའི་རིང་ཚོགས་ཀྱི་འདུག དུས་ཡུན་དེའི་ཁྲོད་གཙོ་བོ་རྣམ་རྒྱལ་གྲྭ་ཚང་དང་དཔལ་ལྡན་སྟོད་བརྒྱུད་གྲྭ་ཚང་གཉིས་ཀྱི་མཁན་པོ་གཉིས་རེས་མོས་ཀྱིས་སེར་སྐྱ་མང་ཚོགས་ལ་སྐྱེས་རབས་ཀྱི་གསུང་ཆོས་བསྩལ་རྒྱུ་རེད་འདུག ལྷག་པར་དུ་བོད་ཟླ་དང་ ༡ ཚེས་ ༡༦ དང་ཕྱི་ཟླ་ ༣ ཚེས་ ༢ ཉིན་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་དད་ལྡན་སེར་སྐྱ་མང་ཚོགས་ལ་སྐྱེས་རབས་ཀྱི་གསུང་ཆོས་དང་། རྟེན་འབྲེལ་སྟོན་པའི་ལྗགས་ལུང་བཅས་བཀྲིན་བསྩལ་རྒྱུ་ཡིན་པ་རེད།

འབྲེལ་ཡོད་གསར་འགྱུར།