༸གོང་ས་མཆོག་གིས་སྦེང་ལོར་གྲོང་ཁྱེར་ནང་རྒྱ་གར་སློབ་ཕྲུག་དང་ཆེད་ལས་ཤེས་ཡོན་པ་བརྒྱ་ཕྲག་ཁ་ཤས་ལ་སྙིང་སྟོབས་དང་བྱམས་བརྩེ་སྐོར་བཀའ་སློབ་བསྩལ་བ།


vot.org
Facebooktwittergoogle_plusmail
༸གོང་ས་མཆོག་གིས་སྦེང་ལོར་གྲོང་ཁྱེར་ནང་རྒྱ་གར་སློབ་ཕྲུག་དང་ཆེད་ལས་ཤེས་ཡོན་པ་བརྒྱ་ཕྲག་ཁ་ཤས་ལ་སྙིང་སྟོབས་དང་བྱམས་བརྩེ་སྐོར་བཀའ་སློབ་བསྩལ་བ།

དེ་རིང་ཕྱི་ཟླ་ ༨ ཚེས་ ༡༡ ཉིན་རྒྱ་གར་ Vana Foundation ཐེབས་རྩ་ཁང་གིས་གོ་སྒྲིག་ཞུས་པའི་ཐོག་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་གོང་ས་སྐྱབས་མགོན་ཆེན་པོ་མཆོག་གིས་རྒྱ་གར་ལྷོ་ཕྱོགས་སྦེང་ལོར་གྲོང་ཁྱེར་ནང་གི་ Conrad Hotel གསོལ་མགྲོན་ཁང་དུ་རྒྱ་གར་ཤེས་ཡོན་པ་དང་ཆེད་ལས་པ། སློབ་ཕྲུག་བཅས་ ༨༠༠ ཉེ་བར་དུས་རབས་ཉེར་གཅིག་ནང་གི་སྙིང་སྟོབས་དང་བྱམས་བརྩེ་ཞེས་པའི་བརྗོད་གཞིའི་ཐོག་བཀའ་སློབ་བསྩལ་གནང་བ་དང་། གོང་ས་སྐྱབས་མགོན་ཆེན་པོ་མཆོག་གིས་གཙོ་བོ་མགོན་པོ་གང་ཉིད་མཆོག་ནས་རྒྱུན་དུ་ཉམས་བཞེས་གནང་བཞིན་པའི་འགྲོ་བ་མིའི་རིགས་ལ་བདེ་སྐྱིད་སྐྲུན་ཐབས་དང་། ཆོས་ལུགས་མཐུན་སྒྲིལ་དང་། བོད་ཀྱི་སྐད་ཡིག་དང་བཅས་པའི་རིག་གཞུང་སྲུང་སྐྱོབ། རྒྱ་གར་གྱི་གནའ་བོ་རིག་གཞུང་བཟང་པོ་དེ་ཉམས་པ་བསྐྱར་གསོ་གནང་རྒྱུ་བཅས་ཐུགས་བསྐྱེད་དམ་བཅའ་བཞིའི་སྐོར་བཀའ་སློབ་བསྩལ་ཡོད་པ་དང་།

རྒྱ་གར་གྱི་གནའ་བོ་ཤེས་རིག་བསྐྱར་གསོའི་གལ་གནད་ཐོག་བཀའ་སློབ་བསྩལ་སྐབས་མགོན་པོ་གང་ཉིད་མཆོག་ནས་དུས་ཡུན་ལོ་ངོ་བཅུ་ཕྲག་གསུམ་ལྷག་རིང་ཚན་རིག་པ་དང་བགྲོ་གླེང་གནང་བའི་བརྒྱུད་ནང་པ་སངས་རྒྱས་པའི་ཆོས་ནས་གསུངས་པའི་སེམས་ཁམས་རིག་པ་དང་ཚད་རྡུལ་དངོས་ཁམས་རིག་པ་སོགས་ཀྱི་ལྟ་གྲུབ་ཁག་ལ་དེང་གི་ཚན་རིག་པ་ཚོས་ཀྱང་ཡིད་སྨོན་དང་གདེང་འཇོག་ཆེན་པོ་གནང་བཞིན་ཡོད་པ་རེད་ཅེས་བཀའ་བསྩལ་བ་དང་ཆབས་ཅིག་ཏུ་ཚད་རྡུལ་དངོས་ཁམས་རིག་པའི་ཐད་དེང་རབས་ཚད་རྡུལ་དངོས་ཁམས་རིག་པ་སྨྲ་བ་ལས་ང་ཚོས་མང་པོ་ཤེས་ཀྱི་ཡོད་ཅེས་བཀའ་ནན་མཛད་ཡོད།

དེ་རིང་ཉིན་རྒྱབ་ནས་གདན་ས་ཁག་གི་མཁན་པོ་དང་དགེ་བཤེས་ཁག་ཅིག་དང་དོན་གཉེར་ཅན་གྱི་རྒྱ་གར་ཤེས་ཡོན་པ་དང་སློབ་ཕྲུག་དབར་གོང་གསལ་མགོན་པོ་མཆོག་གི་བཀའ་སློབ་ཀྱི་བརྗོད་གཞི་དང་འབྲེལ་བའི་ཐད་མུ་མཐུད་དུ་ནང་ཁུལ་བགྲོ་གླེང་གི་ལས་རིམ་ཞིག་ཀྱང་ཚོགས་གནང་ཡོད་པ་རེད།

འབྲེལ་ཡོད་གསར་འགྱུར།