Tibetan Royal Year of 2151 | Year of the Wood Dragon

Wangyang རྒྱ་ནག་ཆབ་སྲིད་གྲོས་ཚོགས་ཀྱི་གཙོ་འཛིན་དུ་བསྐོ་སྲིད་པ་དེ་བཟང་ཕྱོགས་ཀྱི་རེ་བ་ཕྲན་བུ་ཞིག་མཐོང་གི་ཡོད།

Tibetan News Headlines

  • ༸གོང་ས་མཆོག་གིས་ཧིན་དྷུའི་བླ་ཆེན་དགོངས་པ་རྗོགས་པར་ཐུགས་གསོའི་གསུང་འཕྲིན་སྩལ་འདུག
  • མགོན་པོ་སྐྱིད་ལགས་ཀྱིས་ཉེན་རྟོག་པས་ཁོང་ལ་སྡུག་སྦྱོང་བཏང་བའི་སྐོར་ཁྲིམས་ཁང་ལ་ཞུ་གཏུག་བྱས་འདུག
  • དྭང་བླངས་དཔྱ་དངུལ་ལག་དེབ་ཆག་ཡང་དང་འབུལ་ཚེའི་དུས་བཀག་ཕར་འགྱང་གནང་སོང་།
  • ནང་སྲིད་ལས་ཁུངས་དང་སྦྲགས་ལྷན་ཁང་ཁག་གི་སྔོན་རྩིས་གཏན་འབེབས་དང་བགྲོ་གླེང་ལས་རིམ་གྲུབ་སོང་།
  • ཁྲིམས་ཞིབ་པའི་འོས་ཆོས་ལྡན་པའི་མི་འགྲོ་འཚོལ་རྒྱུ་ཁག་པོ་མ་གཏོགས་གཞན་དཀའ་ངལ་མེད་པ་གསུངས་སོང་།
  • དབྱིན་ཡུལ་གྱི་གྲོང་སྡེ་གཉིས་ལ་ Hikvision བརྙན་མིག་སྤྱོད་རྒྱུ་མཚམས་འཇོག་དགོས་པའི་ཞུ་སྐུལ་གནང་འདུག

Thursday 28/03/2024

  • Dalai Lama expresses ‘sadness’ and offers ‘condolences’ on the passing away of Swami Smaranananda Maharaj
  • Gonmo Kyi sues China’s police over ‘repressive censorship and vigilant supervision’
  • Parliament extends Chatrel exemption period by six months
  • House discusses budget allocation for DoH for the fiscal year 2024-25
  • MPs express concern over challenges in finding nominees for Justice Commissioners
  • Review into Harborough and Lutterworth CCTV cameras after concerns made by company with links to Chinese government Now

སྔ་ལོ་རྒྱ་ནག་དམར་ཤོག་ཚོགས་པའི་ཚོགས་ཆེན་ཐེངས་ ༡༩ ཐོག་བདམས་ཐོན་བྱུང་བའི་རྒྱ་ནག་དབུས་དམར་ཤོག་ཚོགས་པའི་ཆབ་སྲིད་ལྷན་ཁང་གི་རྒྱུན་ལས་ Wangyang རིང་མིན་རྒྱ་ནག་ཆབ་སྲིད་གྲོས་ཚོགས་ཀྱི་གཙོ་འཛིན་དུ་བསྐོ་གཞག་བྱ་རྒྱུར་ཚོད་དཔག་གནང་བཞིན་འདུག
དེ་ཡང་བརྒྱུད་ལམ་ཁག་ཏུ་ཐོན་པའི་གནས་ཚུལ་ནང་གསལ་ལྟར་ན། ཕྱི་ལོ་ ༢༠༡༣ ནས་རྒྱ་ནག་རྒྱལ་སྲིད་སྤྱི་ཁྱབ་ཁང་གི་སྲིད་བློན་གཞོན་པ་བཞིའི་གྲས་ཀྱི་ Wangyang ཉེ་དུས་རྒྱ་ནག་དམར་ཤོག་ཚོགས་པའི་ཚོགས་ཆེན་ཐེངས་ ༡༩ ཐོག་ནས་རྒྱལ་ཁབ་དེའི་དབུས་དམར་ཤོག་ཚོགས་པའི་ཆབ་སྲིད་ལྷན་ཁང་གི་རྒྱུན་ལས་མི་སྣ་བདུན་ཁོངས་སུ་བདམས་ཐོན་བྱུང་ནས་ཟླ་བ་བཞི་ཙམ་འགྲོ་བཞིན་པའི་མཚམས་འདིར། ཁོ་པ་རིང་མིན་ཟླ་བ་རྗེས་མའི་ནང་ཚུད་ལ་རྒྱ་ནག་ཆབ་སྲིད་གྲོས་ཚོགས་ཀྱི་གཙོ་འཛིན་དུ་བསྐོ་སྲིད་པའི་གནས་ཚུལ་ཞིག་ཡོངས་བསྒྲགས་གནང་འདུག
གལ་ཏེ་རྒྱ་ནག་ཆབ་སྲིད་གྲོས་ཚོགས་ཀྱི་གཙོ་འཛིན་དུ་བསྐོ་གཞག་བྱུང་ཚེ་ཁོ་པའི་ལས་འགན་གཙོ་བོ་དེ་བོད་དང་ཐེ་ཝན། དེ་བཞིན་གྲངས་ཉུང་མི་རིགས་བཅས་ཀྱི་གནད་དོན་ཐོག་འགན་ཁུར་དགོས་པ་དང་སྐབས་རེ་ཧོང་ཀོང་དང་ཤིན་ཅང་གི་གནད་དོན་ཐོག་ལའང་ཐེ་བྱུས་བྱ་རྒྱུའི་ཐོབ་ཐང་ཡོད་པ་རེད།
རྩ་བའི་ Wangyang ཡིས་ཕྱི་ལོ་ ༢༠༡༣ ལོ་ནས་འགོ་འཛུགས་ཀྱིས་རྒྱ་ནག་གི་སྲིད་གཞོན་བློན་པའི་ལས་སྣེའི་འོག་རྒྱ་ནག་དང་ཨ་མི་རི་ཀའི་དབར་ལ་ཚོང་གི་འབྲེལ་མཐུད་པའི་འགན་གཙོ་བོ་དེ་བླངས་ཡོད་པ་དང་། རིང་མིན་ཕྱི་ཟླ་ ༣ ནང་ཁོ་པའི་རྒྱ་ནག་རྒྱལ་སྲིད་སྤྱི་ཁྱབ་ཁང་གི་སྲིད་བློན་གཞོན་པའི་ལོ་ལྔའི་ལས་ཡུན་དེ་རྫོགས་མཚམས་དང་བསྟུན་རྒྱ་ནག་ཆབ་སྲིད་གྲོས་ཚོགས་ཀྱི་གཙོ་འཛིན་དུ་བསྐོ་གཞག་བྱ་སྲིད་པ་རེད་འདུག
གནད་དོན་དེའི་ཐད་འདི་ག་རླུང་ཁང་ནས་ཨོ་སི་ཊོ་ལི་ཡ་སྐུ་ཚབ་དོན་ཁང་གི་རྒྱ་རིགས་འབྲེལ་མཐུད་པ་འབའ་བ་སྐལ་བཟང་རྒྱལ་མཚན་ལགས་སུ་བཅར་འདྲི་ཞུས་པར། ཁོང་གིས་ WangYang རྒྱ་ནག་རྒྱལ་སྲིད་སྤྱི་ཁྱབ་ཁང་གི་སྲིད་བློན་གཞོན་པ་མ་གནང་གོང་རྒྱ་ནག་ Guangdong ཞིང་ཆེན་ནང་གི་དམར་ཤོག་ཚོགས་པའི་དྲུང་ཆེ་གནང་པའི་ལས་ཡུན་རིང་མང་ཚོགས་དང་བརྒྱུད་ལམ་ཁག་ནས་ཁོང་རྒྱ་ནག་ཆབ་སྲིད་ཀྱི་འགོ་ཁྲིད་གཞན་དང་མི་འདྲ་བ་གུ་ཡངས་ཅན་དང་མང་གཙོའི་བསམ་བློ་ཡོད་མཁན་གྱི་དཔོན་རིགས་ཤིག་ཏུ་ངོས་འཛིན་བྱས་ཡོད་པ་མ་ཟད། གལ་ཏེ་ཁོང་ད་རེས་རྒྱ་ནག་ཆབ་སྲིད་གྲོས་ཚོགས་ཀྱི་ཚོགས་གཙོར་བསྐོ་གཞག་བྱ་ཚེ་རྒྱ་ནག་དབུས་གཞུང་བོད་ཀྱི་ལས་དོན་ཚོགས་ཆུང་གི་འགན་འཛིན་གཅིག་ལྕོགས་ལ་བསྐོ་གཞག་བྱ་ངེས་ཡིན་སྟབས། ལས་སྣེ་དེའི་འོག་གཙོ་བོ་རྒྱ་ནག་ཆབ་སྲིད་ཚོགས་པའི་མི་སྣ་སོགས་མ་ཡིན་པར་གཞུང་འབྲེལ་མིན་པའི་ཚོགས་སྒེར་ཁག་ལ་འབྲེལ་བ་གནང་ནས་གཙོ་བོ་བོད་དང་ཐེ་ཝན། དེ་བཞིན་གྲངས་ཉུང་མི་རིགས་ཀྱི་བཅས་ཀྱི་གནད་དོན་ཐོག་འགན་འཁུར་དགོས་པ་དེས་རྒྱ་ནག་མི་རིགས་ཀྱི་སྲིད་བྱུས་ནང་ཕྲན་བུ་བཟང་ཕྱོགས་ཀྱི་འགྱུར་བ་ཡོང་རྒྱུར་རེ་བ་བྱེད་བཞིན་ཡོད་པ་ལྟར་ང་ཚོ་བོད་མི་ཚོའི་ངོས་ནས་ཀྱང་རེ་བ་དེ་མཚུངས་གནང་བཞིན་ཡོད་པ་གསུངས་སོང་།

འབྲེལ་ཡོད་གསར་གནས།

གསར་གནས།