ངག་དབང་རབ་རྒྱས་ལགས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པར་འོས་འདེམས་གནང་པ།


vot.org
Facebooktwittergoogle_plusmail
ངག་དབང་རབ་རྒྱས་ལགས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པར་འོས་འདེམས་གནང་པ།

དེ་རིང་ཟླ་ ༩ ཚེས་ ༢༦ ཉིན་གྲོས་ཚོགས་ཀྱི་ཚོགས་དུས་གཉིས་པའི་ལས་ཉིན་དྲུག་པ་འདིའི་ཐོག་ནས་ བོད་མིའི་སྒྲིག་འཛུགས་ཀྱི་སྲི་ཞུ་ལས་བྱེད་ནང་དངོས་སུ་བཞུགས་ནས་ཞབས་ལོ་ ༣༤ སོང་བ་ད་ལྟའི་ཤེས་རིག་དྲུང་ཆེ་འབུམ་རམས་པ་ངག་དབང་རབ་རྒྱclosing-doe-workshop4ས་ལགས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་གཞན་གཅིག་ཏུ་འོས་འདེམས་གནང་སོང་།

དེ་ཡང་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་གཞན་གཉིས་ལས། ཁྲིམས་ཞིབ་པ་ཚེ་རིང་དོན་གྲུབ་མཆོག་གིས་འདི་ལོའི་ཕྱི་ཟླ་ ༡༡ ཚེས་ ༡ ནས་མཛད་ཁུར་དགོངས་པ་སྔ་སྣུར་ཞུས་ཡོད་སྟབས། དེ་རིང་གྲོས་ཚོགས་ནས་ཁྲིམས་ཞིབ་པ་གཅིག་གི་འོས་འདེམས་གནང་ཡོད་པ་རེད།

སྐབས་དེར་སྲིད་སྐྱོང་བློ་བཟང་སེང་གེ་མཆོག་གིས་བཙན་བྱོལ་བོད་མིའི་བཅའ་ཁྲིམས་ལིའུ་ ༦ དོན་ཚན་ ༦༣ ནང་གསེས་དང་པོའི་དགོངས་དོན་ལྟར། ཆེས་མཐོའི་ཁྲིམས་ཞིབ་པ་ཆེ་བ་མཆོག་དང་སྤྱི་འཐུས་ཚོགས་གཙོ་ཚོགས་གཞོན་མཆོག དེ་བཞིན་སྲིད་སྐྱོང་མཆོག་བཅས་ནས་ཁྲིམས་ཞིབ་པ་ཆེ་བ་ཟུར་པ་རྣམ་རྒྱལ་ཚེ་རིང་མཆོག་དང་བཀའ་ཟུར་ཀརྟི་རིན་པོ་མཆོག དེ་བཞིན་བཀའ་ཟུར་ཚེ་རིང་ཕུན་ཚོགས་མཆོག་བཅས་ལས་བསྡུས་པའི་འོས་མི་འདེམས་སྒྲུག་ཚོགས་ཆུང་ཞིག་ཆེད་འཛུགས་གནང་དོན། ད་ལྟའི་དྲིལ་བསྒྲགས་དྲུང་ཆེ་nganwang-rabgyeསྣང་ས་ཆོས་སྒྲོན་ལགས་དང་ཤེས་རིག་དྲུང་ཆེ་འབུམ་རམས་པ་ངག་དབང་རབ་རྒྱས་ལགས་གཉིས་ཁྲིམས་ཞིབ་པའི་འོས་མིག་ཏུ་མིང་འདོན་གནང་ཡོད་པ་རེད།

དེ་རིང་གྲོས་ཚོགས་སུ་ངོ་ཡོད་སྤྱི་འཐུས་ ༤༣ རྣམས་ཀྱིས་འོས་ཤོག་འཕེན་པའི་ཁྲོད་ཤེས་རིག་དྲུང་ཆེ་ངག་སབང་རབ་རྒྱལ་ལགས་ལ་ར་འོས་གྲངས་ ༢༤ ཐོབ་ཡོད་པ་དང། ཕྱི་དྲིལ་དྲུང་ཆེ་སྣང་ས་ཆོས་སྒྲོན་ལགས་ལ་འོས་གྲངས་ ༡༨ ཐོབ་པར་བརྟེན། བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་བདམས་ཐོན་ཁྲིམས་ཞིབ་པ་ངག་དབང་རབ་རྒྱས་ལགས་ལ་འཚམས་འདྲི་དང་བཅས་གསལ་བསྒྲགས་གནང་ཡོད་པ་རེད།

རྩ་བའི་བདམས་ཐོན་ཁྲིམས་ཞིབ་པ་འབུམ་རམས་པ་ངག་དབང་རབ་རྒྱས་ལགས་ནི་ད་ལྟ་ཤེས་རིག་དྲུང་ཆེ་ཡིན་པ་དང། ༡༩༨༢ལོར་སྲི་ཞུ་ལས་བྱེད་ནང་དངོས་སུ་བཞུགས་ནས་ད་བར་འདས་པའི་ལོ་ངོ་ ༣༤ དེའི་རིང་ཁོང་གིས་རུ་སོག་དང་ཨ་རིའི་སྐུ་ཚབ་དོན་གཅོད་གནང་པ་དང་། དེ་བཞིན་དེ་སྔ་བོད་མིའི་སྒྲིག་འཛུགས་ཀྱི་ཕྱི་དྲིལ་ཟུང་དྲུང་དང་དྲུང་འཕར། བདེ་སྲུང་བོད་གནས་ཉམས་ཞིབ་པ་སོགས་ལྷན་ཁང་ཁག་ཅིག་གི་འཛིན་སྐྱོང་སྡེ་ཚན་ནང་ཐུགས་འགན་འདྲི་མིན་བཞེས་འདུག Dr ངག་དབང་རབ་རྒྱས་ལགས་ནས་ཆབ་སྲིད་རིག་པ་དང་། རྒྱལ་སྤྱིའི་འབྲེལ་ལམ་དང་ཁྲིམས་ཐོག་གི་གཙུག་ལག་རབ་འབྱམས་པ་ཐོན་འདུག་པ་དང། ༡༩༨༧ལོར་རྒྱལ་སྤྱིའི་འབྲེལ་ལམ་ཐོག་འབུམ་རམས་པའི་ཕྱག་ཁྱེར་ཐོབ་འདུག

གསར་དུ་བདམས་ཐོན་བྱུང་བའི་ཁྲིམས་ཞིབ་པ་ངག་དབང་རབ་རྒྱས་ལགས་ནས་འདི་ག་རླུང་འཕྲིན་གྱི་བཅར་འདྲི་དང་ལེན་དང་སྦྲགས། མང་ཚོགས་ཀྱི་འགོ་ཁྲིད་སྤྱི་འཐུས་རྣམ་པས་ཁོང་ལ་ཆེ་མཐོང་གནང་པར་ཐུགས་རྗེ་ཆེ་ཞུ་དང་འབྲེལ། ཁོང་རྣམ་པའི་ཐུགས་རེ་ལྟར་འབད་བརྩོན་གང་ཐུབ་གནང་གི་ཡིན་པ་གསུངས་གནང་སོང་།

 

 


འབྲེལ་ཡོད་གསར་འགྱུར།