དབུས་བོད་ཀྱི་བེུད་ལྷན་ཚོགས་ཀྱིས་རྒྱ་གཞུང་ནས་རྒྱལ་ཚོགས་ལ་པཎ་ཆེན་རིན་པོ་ཆེ་མཆོག་གི་གནས་སྟངས་བཤད་དགོས་པའི་འབོད་སྐུལ་དང་སྦྲགས། བེུད་རང་དབང་སྒེར་ལངས་ཐེངས་ ༥༧ སྲུང་བརྩི་ཞུས་སོང་།

དེ་རིང་བཞུགས་སྒར་དུ་ཟླ་ ༣ ཚེས་ ༡༢ ཉིན་གྱི་སྔ་དྲོ་ཚོུད་ ༩།༠༠ ཐོག་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་ཉེ་འདབས་དཔའ་བོ་དཔའ་མོ་དྲན་རྟེན་རྡོ་རིང་མདུན་ཐང་དུ་སྐུ་མགྲོན་གཙོ་བོ་ཧི་མཱ་ཅལ་མངའ་སྡེ་གྲོང་སྡེ་ལས་ཁུངས་ཀྱི་སྤྱི་ཁྱབ་ཚོགས་གཙོ་ལྕམ་སྐུ་ཀམ་ལཱ་པཊེལ་མཆོག་དང་དམིགས་བསལ་སྐུ་མགྲོན་ལྷ་སྐུ་རིན་ཆེན་མཁའ་འགྲོ་མཆོག་གཙོས་དབུས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་སྒྲོལ་མ་དབྱངས་ཅན་ལགས་དང་རྒྱུན་ལས་རྣམས་པ། དེ་བཞིན་རྡ་སར་གཉུག་མར་གནས་པ་དང་གློ་བུར་དུ་ལྷགས་པའི་སེར་སྐྱ་མང་ཚོགས་བརྒྱ་སྐོར་འདུ་འཛོམས་ཀྱིས་བོད་ཀྱི་བུད་མེད་ རང་དབང་སྒེར་ལངས་ཀྱི་ཉིན་མོ་ཐེངས་ ༥༧ དང་སྒྲིག་འཛུགས་སླར་གསོ་གནང་སྟེ་ལོ་ངོ་ ༣༢ འཁོར་བའི་དུས་དྲན་སྲུང་བརྩི་གཟབ་རྒྱས་ཞུས་ཡོད།

མཛད་སྒོའི་ཐོག་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་སྒྲོལ་མ་དབྱངས་ཅན་ལགས་ཀྱིས་དེ་རིང་གི་ཉིན་མོ་འདི་ནི་བོད་ཕྱི་ནང་གཉིས་སུ་གནས་པའི་བེུད་ཙམ་མ་ཡིན་པར་བོད་མི་ཡོད་དོ་ཅོག་གི་བརྗེད་ཐབས་མེད་པའི་ལོ་རྒྱུས་རང་བཞིན་ལྡན་པའི་གལ་ཆེན་གྱི་ཉིན་མོ་ཞིག་ཡིན་པ་གསུངས་པ་དང་འབྲེལ། པཎ་ཆེན་སྐུ་ཕྲེང་བཅིུག་པ་དགེ་འདུན་ཆོས་ཀྱི་ཉི་མ་མཆོག་དང་ཁོང་གི་ནང་མི་ལྷན་རྒྱས་བཅས་རྒྱ་གཞུང་གིས་བཙན་འཁྲིད་བྱས་ནས་ད་ཆ་ལོ་ངོ་ ༢༠ ཙམ་འགྲོ་བཞིན་པ་དང་། ལྷག་པར་དུ་རྒྱ་གཞུང་གིས་ཁོང་དང་ནང་མི་བཅས་པ་སྐུ་འཚོ་བཞུགས་ཡིན་མིན་གྱི་གནས་ཚུལ་གང་ཡང་བཤད་ཀྱི་མེད་པ་འབུར་སྟོན་གནང་སྟེ། རྒྱ་གཞུང་ནས་རྒྱལ་སྤྱིའི་མང་ཚོགས་ལ་པཎ་ཆེན་རིན་པོ་ཆེ་དང་ཁོང་གི་ནང་མིའི་གནས་སྟངས་གང་ཡིན་བཤད་དགོས་པའི་འབོད་སྐུལ་ཤུགས་ཆེ་གནང་སོང་།

ད་དུང་ཁོང་གིས་རྒྱ་གཞུང་གིས་འདས་ལོ་དེའི་ནང་བོད་ཀྱི་ས་ཁུལ་ཁག་ཏུ་བོད་བརྒྱུད་ནང་བསྟན་གྱི་བླ་སྤྲུལ་ཡང་སྲིད་ངོས་འཛིན་བྱེད་ཕྱོགས་དེ་ཆབ་སྲིད་ལ་འབྲེལ་བ་བཏགས་ནས་བྱེད་སྒོ་སྔ་རྗེས་སུ་སྤེལ་ཡོད་པའི་ཁྲོད།  རྒྱ་གཞུང་གི་ངོས་འཛིན་ཡོད་པའིོ་བླ་སྤྲུལ་ ༨༧༠ ཐོ་གཞུང་གཏན་འབེབས་བྱས་པ་དེར་བོད་ཀྱི་བེུད་ལྷན་ཚོགས་ཀྱིས་ངོས་ལེན་མེད་པ་མ་ཟད།  བོད་ཀྱི་ཆོས་ཀྱི་གནད་དོན་ཐོག་ལ་ཐད་བྱུས་བྱ་རྒྱུ་ལུགས་མཐུན་མེད་ལ་ཡིད་ཆེས་ཀྱང་མེད་ཅེས་སྐྱོན་བརྗོད་གནང་ཡོད།

མཛད་སྒོའི་སྐུ་མགྲོན་གཙོ་བོ་ཧི་མཱ་ཅལ་མངའ་སྡེ་གྲོང་སྡེ་ལས་ཁུངས་ཀྱི་སྤྱི་ཁྱབ་ཚོགས་གཙོ་ཀམ་ལཱ་པ་ཊེལ་མཆོག་གིས་དེ་རིང་གི་དུས་ཚིགས་འདི་དང་བསྟུན། བོད་ཀྱི་རྒྱལ་གཅེས་དཔའ་མོ་ཚོའི་ཞུམ་པ་མེད་པའི་དཔའ་མཛངས་སྙིང་སྟོབས་ལ་ཆེ་བསྟོད་ཀྱི་ཡི་རངས་བསྔགས་བརྗོད་ཞུས་པ་དང་འབྲེལ། ཁོང་རང་ཉིད་བཞུགས་སྒར་དུ་འཚར་ལོངས་བྱུང་ཞིང་བོད་ཀྱི་གནད་དོན་ཐོག་བརྒྱུད་མངའ་ཡོད་མཁན་ཞིག་ཡིན་སྟབས། བོད་མི་རྣམས་བོད་ལ་ལོག་རྒྱུའི་རེ་འདུན་ཇི་ལྟར་ཡོད་པ་དེ་བཞིན་ཁོང་གིས་ཀྱང་དེ་ལྟར་ཡོང་བའི་ཐུགས་རེ་གནང་གི་ཡོད་ཅེས་གསུངས་པ་དང་། ཁྱད་པར་དུ་ཁོང་གིས་བོད་ཀྱི་བདེ་དོན་འཐབ་རྩོད་དེ་མུ་མཐུད་རྒྱུན་སྐྱོང་སླད་བོད་པའི་གཞོན་སྐྱེས་ཚོའི་རང་ལུས་མེར་སྲེག་མི་གནང་པར་གསོན་པོར་བཞུགས་རྒྱུ་གལ་ཆེན་ཡིན་པར་ནན་སྐུལ་གནང་ཡོད།

རྩ་བའི་ལོ་ལྟར་བོད་ཀྱི་བེུད་ལྷན་ཚོགས་ཀྱི་གཞུང་འབྲེལ་གྱི་བུད་མེད་རང་དབང་སྒེར་ལངས་ཉིན་མོསྲུང་བརྩིའི་མཛད་སྒོ་གྲུབ་རྗེས། རྡ་ས་གནས་བོད་ཀྱི་བེུད་ལྷན་ཚོགས་ཀྱིས་གོ་སྒྲིག་འོག་རྡ་ས་མི་མང་ནས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་ཉེ་འདབས་དཔའ་བོ་དཔའ་མོ་དྲན་རྟེན་རྡོ་རིང་མདུན་ཐང་ནས་དབུ་འཛུགས་ཐོག་རྡ་ཤོད་ཀ་ཅ་རི་ས་གནས་ཁྲིམས་ཁང་བར་རྒྱ་གཞུང་ལ་ངོ་རྒོལ་རྔམ་སྟོན་གྱི་གོམ་བགྲོད་གནང་གི་ཡོད་ཀྱང། དེ་རིང་ཆར་ཤུགས་དྲག་པོའི་དབང་གིས་ཞི་བའི་རྔམ་སྟོན་གྱི་གོམ་བགྲོད་གནང་ཐུབ་མེད་པ་རེད།