Homepage

དེ་རིང་བོད་མིའི་སྒྲིག་འཛུགས་ཀྱི་བསྟི་གནས་དྷ་ས་གངས་ཅན་སྐྱིད་གཤོངས་སུ་རྒྱ་གར་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ་ ༧༤ ཧྲིལ་པོ་འཁོར་བའི་གཞུང་འབྲེལ་མཛད་སྒོ་སྲུང་བརྩི་དང་སྦྲགས་སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་གར་གཞུང་མང་གཉིས་ལ་དགའ་བསུའི་འཚམས་འདྲི་ཞུས་སོང་། དེ་རིང་ཕྱི་ཟླ་ ༡ ཕྱི་ཚེས་ ༢༦ ཉིན་གྱི་སྔ་དྲོ་ཚོུད་ ༡༠ ཐོག་གངས་ཅན་སྐྱིད་གཤོངས་ཀྱི་སྲི་བཟློག་མཆོད་རྟེན་མདུན་ཐང་དུ་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་དབུས་པའི་ཕྱག་སྦྲེལ་བཀའ་བློན་རྣམ་པ་དང་ཁྲིམས་ཞིབ་པ་ཆེ་བའི་ལས་ཚབ་ཀརྨ་དགྲ་འདུལ་མཆོག བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་བཀྲས་ཁང་སྒྲོལ་མ་ཚེ་རིང་མཆོག ལས་བྱེད་འདེམས་བསྐོ་ལྷན་ཁང་གི་ཚོགས་གཙོ་དཔེ་ཟུར་དབང་འདུས་ཚེ་རིང་ལགས། བོད་མི་མང་སྤྱི་འཐུས་ཁག་གཅིག དེ་བཞིན་ལྷན་ཁང་ཁག་གི་དྲུང་ཆེ་ཆུང་རྣམ་པ་དང་སྲི་ཞུ་བ་དྲུང་གཞོན་ཡན་སོགས་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་ལྷན་འཛོམས་ཀྱིས་རྒྱ་གར་རྒྱལ་དར་མཁའ་དབྱིངས་སུ་སྒྲེང་འཛུགས་ཀྱིས་ཉིན་མོ་དེ་སྲུང་བརྩི་ཞུས་ཡོད།སྲིད་སྐྱོང་མཆོག་གིས་དེ་རིང་རྒྱ་གར་སྤྱི་མཐུན་རྒྱལ་ཁབ་དང་མང་གཙོའི་ངོ་བོར་གྱུར་ནས་མི་ལོ་ ༧༤ ཧྲིལ་པོ་འཁོར་བའི་དུས་ཆེན་དང་བསྟུན་བོད་མིའི་སྒྲིག་འཛུགས་དང་བོད་མི་སྤྱི་ཡོངས་ཀྱི་ཚབ་ཞུས་ཏེ་རྒྱ་གར་གཞུང་མང་གཉིས་ལ་དགའ་བསུའི་འཚམས་འདྲི་ཞུས་པ་དང་སྦྲགས་ད་བར་བོད་མི་རྣམས་ལ་བསམ་བརྗོད་ལས་འདས་པའི་བཀའ་དྲིན་ཆེན་པོ་བསྐྱངས་དང་སྐྱོང་བཞིན་ཡོད་སྟབས་ང་ཚོ་བོད་མི་ཡོངས་ནས་རྒྱ་གར་གཞུང་མང་དང་ལྷན་དུ་སྐྱིད་ན་སྐྱིད་མཉམ་དང་སྡུག་ན་སྡུག་མཉམ་ཡིན་པ་དྲན་པའི་ཐོག་ནས་ལོ་ལྟར་ཉིན་མོ་དུས་ཆེན་འདི་སྲུང་བརྩི་ཞུ་བཞིན་ཡོད་པ་དང་མ་འོངས་པར་ང་ཚོ་བོད་ལ་ཕྱིར་ལོག་གནང་རྒྱུའི་གོ་སྐབས་འབྱུང་ཚེ་དུས་ཆེན་འདི་ཉིད་བོད་གཞིས་བྱེས་མཉམ་འཛོམས་ཐོག་ནས་སྲུང་བརྩི་ཐུབ་པའི་ཐུགས་རེ་གནང་བཞིན་ཡོད་ཅེས་གསུངས་སོང་།དེ་བཞིན་སྲིད་སྐྱོང་མཆོག་གིས་བོད་ནང་གི་ཆེས་ཛ་དྲག་གནས་སྟངས་དང་འབྲེལ་ནས་ཐུགས་འཚབ་དང་གདུང་སེམས་མཉམ་བསྐྱེད་ཞུ་བཞིན་ཡོད་ཅེས་གསུངས་པ་དང་འབྲེལ། ད་ཆ་ཏོག་དབྱིབས་གཉན་རིམས་རྐྱེན་གྱིས་རྒྱ་ནག་ཁྱོན་ཡོངས་དང་སྒོས་བོད་ནང་བོད་མི་འདས་གྲོངས་སུ་སོང་བའི་གྲངས་འབོར་ནི་ཇེ་མང་དུ་འགྲོ་བཞིན་འདུག་པ་ནི་དངོས་ཡོད་གནས་ཚུལ་ཆགས་ཡོད་སྟབས་བོད་མིའི་སྒྲིག་འཛུགས་ཀྱི་ངོས་ནས་གཞིས་བཞུགས་བོད་མི་རྣམས་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་སློབ་ལམ་སྟོན་ཇི་ཕེབས་ལྟར་སྒྲོལ་མའི་གཟུངས་སྔགས་དང་མ་ཎི་གང་མང་གསོག་སྒྲུབ་གནང་དགོས་གལ་ཡིན་པའི་གཞེན་སྐུལ་གནང་བ་དང་ཆབས་ཅིག གོ་སྐབས་འདི་བརྒྱུད་ནས་བོད་མིའི་སྒྲིག་འཛུགས་ཀྱིས་བོད་ཕྱི་ནང་གཉིས་ཀྱི་མང་ཚོགས་ཚོས་དགོངས་པ་གཅིག་ཏུ་སྒྲིལ་ནས་ཐུན་མོང་གི་ནུས་པ་མཉམ་སྤུངས་གནང་དགོས་པར་གསུངས་ཡོད། རྩ་བའི་དེ་རིང་རྒྱ་གར་གྱི་རྒྱལ་ས་ལྡི་ལི་གཙོས་པའི་རྒྱ་གར་རྒྱལ་ཡོངས་སུ་རྒྱ་གར་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ་ ༧༤ འཁོར་བའི་དུས་དྲན་སྲུང་བརྩི་གཟབ་རྒྱས་ཞུ་བཞིན་པའི་དུས་སྐབས་འདིར་རྒྱ་གར་གཞུང་གིས་དེ་རིང་གི་ཉིན་མོ་དང་བསྟུན་རྒྱ་གར་ནང་ལ་སྤྱི་ཚོགས་ཞབས་ཞུ་དང་སྲི་ཞུ་ལས་དོན། དེ་བཞིན་ཆོས་ལུགས་མཐུན་སྒྲིལ། སྤྱི་ཚོགས་དང་མང་ཚོགས་ཀྱི་བདེ་དོན་ཐོག་གཟེངས་སུ་ཐོན་པའི་ཕྱག་ལས་གནང་མཁན་ཁག་གཅིག་ལ་རྒྱ་གར་གྱི་སྤྱི་དམངས་ཀྱི་གཟེངས་རྟགས་ Padma Vibhushan དང་ Padma Bhushan དེ་བཞིན་ Padma Shri བཅས་ཀྱི་གཟེངས་རྟགས་གནང་སྲོལ་ཡོད་པ་རེད།འདི་ལོར་གཟེངས་རྟགས་བཞེས་མཁན་གནད་ཡོད་མི་སྣ་ཁྱོན་ ༡༠༦ ཡོད་པའི་ཁོངས་ནས་ལ་དྭགས་ཁྲིག་སེ་རིན་པོ་ཆེ་མཆོག་ལ་རྒྱ་གར་གྱི་སྤྱི་དམངས་ཀྱི་གཟེངས་རྟགས་མཐོ་ཤོས་བཞི་པ་པདྨ་ཤྲི་འབུལ་ལམ་ཞུ་གཏན་ཁེལ་འདུག

དེ་རིང་བོད་ནང་གི་བརྩམས་སྒྲུང་གྲགས་ཅན་བཀྲས་ཟུར་ཚང་གི་གསང་བའི་གཏམ་རྒྱུད་ཀྱི་རྩོམ་པ་པོ་བྲག་གདོང་བཀྲས་གླིང་དབང་རྡོར་ལགས་དགུང་ལོ་ ༨༨ ཐོག་སྐུ་གྲོངས་འདུག བོད་ནང་གི་གསར་འགྱུར་བརྒྱུད་ལམ་ཁག་ཏུ་གནས་ཚུལ་ཐོན་པ་ལྟར་ན། ཁ་སང་བོད་ནང་གི་རྩོམ་པ་པོ་དང་ལོ་ཙཱ་བ་གྲགས་ཅན་བྲག་གདོང་བཀྲས་གླིང་དབང་རྡོར་ལགས་བོད་ཀྱི་རྒྱལ་ས་ལྷ་སར་སྐུ་གྲོངས་པ་དང་འབྲེལ། ད་ཆ་བོད་ཕྱི་ནང་གཉིས་སུ་རྩོམ་པ་པོ་དང་ཁོང་གི་བརྩམས་ཆོས་ལ་དགའ་མོས་གནང་མཁན་གྱིི་ཀློག་པ་པོ་མང་པོ་ཞིག་ནས་སྤྱི་ཚོགས་དྲ་ལམ་སོགས་སུ་མྱ་ངན་དང་ཁོང་གིས་བོད་ཀྱི་རྩོམ་རིག་ཐད་བཞག་པའི་མཛད་རྗེས་སྐོར་གླེང་སློང་གིས་ཆེ་བསྟོད་ཤུགས་ཆེར་བྱེད་བཞིན་འདུག རྩོམ་པ་པོ་ཁོང་གིས་ད་བར་བརྩམས་སྒྲུང་དང་བསྒྱུར་རྩོམ་མང་དག་ཞིག་བྲིས་གནང་ཡོད་པའི་ཁོངས་སུ་ཡོངས་གྲགས་ཆེ་ཤོས་ཁག་ཅིག་ནི་འཛམ་གླིང་གི་རྩོམ་རིག་ལོ་རྒྱུས་ནང་སྙན་གྲགས་ཡོད་པའི་དབྱིན་ཇིའི་རྩོམ་པ་པོ་ Shakespeare གྱི་བརྩམས་སྒྲུང་ཁག་ལས་ Hamlet དང་ Romeo and Juliet སོགས་བོད་ཡིག་ནང་བསྒྱུར་གནང་ཡོད་པ་མ་ཟད། ལྷག་དོན་རྩོམ་པ་པོ་ཁོང་གིས་བརྩམས་སྒྲུང་རིང་གྲས་བཀྲས་ཟུར་ཚང་གི་གསང་བའི་གཏམ་རྒྱུད་ཅེས་པ་དེར་རྩོམ་བྲིས་གནང་རྒྱུར་ལོ་བདུན་འགོར་བས་དེ་ནི་འགྲན་ཟླ་བྲལ་བའི་བརྩམས་སྒྲུང་ཞིག་ཆགས་ཡོད་ཅིང་དེ་རྒྱ་ཡིག་དང་དབྱིན་ཇི། འཇར་མན་བཅས་ཀྱི་སྐད་རིགས་ཐོག་བསྒྱུར་ཟིན་པར་མ་ཟད། ད་ཆ་ཉི་ཧོང་དང་ཀོ་རི་ཡའི་སྐད་ཡིག་ཐོག་ཕབ་བསྒྱུར་བྱེད་བཞིན་ཡོད་པ་རེད། རྩོམ་པ་པོ་བཀྲས་གླིང་དབང་རྡོར་ལགས་ནི་ཕྱི་ལོ ༡༩༣༤ ལོར་བོད་ལྗོངས་རྒྱལ་རྩེར་བྲག་གདོང་བཀྲས་གླིང་ཞེས་པའི་ཁྱིམ་དུ་འཁྲུངས་ཤིང་། ཕྱི་ལོ་ ༡༩༤༦ ལོར་སྐབས་དེའི་བོད་གཞུང་བཀའ་ཤག་གིས་བཀོད་ཁྱབ་འོག་རྒྱ་གར་ཀ་ལིང་སྦུག་གི་ Sen Joseph སློབ་གྲྭར་བཏང་བའི་སློབ་མ་བཅུའི་ཁྲོད་ཀྱི་གཅིག་ཡིན་པ་དང་རྗེས་སུ་ ༡༩༥༣ ལོར་ཕྱིར་བོད་དུ་ལོག་ཕེབས་ནས་ལྷ་ས་སློབ་ཆུང་དང་པོ་དང་། གཞིས་རྩེ་ལས་བྱེད་སློབ་གྲྭར་དགེ་རྒན་གྱི་ཕྱག་ལས་གནང་བ་དང་དེ་མིན་རྒྱ་གཞུང་གི་དབྱེ་བའི་བོད་རང་སྐྱོང་ལྗོངས་སློབ་གསོ་ལྷན་ཚོགས་དང་ཡུལ་སྐོར་ལས་ཁུངས་སོགས་སུ་འགན་འཛིན་གྱི་ལས་གནས་གཉེར་ཏེ། ༡༩༩༡ ལོར་རྒན་ཡོལ་ཞུས་པ་དང་དེའི་རྗེས་ཀྱིས་སྐུ་ཚེ་ལྷག་སྡད་རྣམས་ཡིག་བསྒྱུར་དང་རྩོམ་རིག་བཅས་ལ་འཇུག་ཡོད་པ་རེད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་ནོ་སྦེལ་ཞི་བདེའི་གཟེངས་རྟགས་བཞེས་མཁན་བཅོ་དྲུག་གིས་ཐུན་མོང་ཐོག་ནས་ཡོངས་ཁྱབ་སྤྱི་བསྒྲགས་ཤིག་སྤེལ་བར་ར་ཤི་ཡས་ཡུཀ་རེན་ནང་བཙན་འཛུལ་མཚམས་འཇོག་དགོས་པ་དང་། རྡུལ་ཕྲན་མཚོན་ཆ་རིགས་རྩ་བ་ནས་མི་སྤྱོད་པའི་ཁས་ལེན་དམ་བཅའ་འཇོག་དགོས་པའི་འབོད་སྐུལ་གནང་འདུགཨུ་རུ་སུའི་དམག་གིས་ཡུཀ་རེན་ལ་བཙན་འཛུལ་བྱས་ནས་ཟླ་བ་གཅིག་ལྷག་འགྲོ་བཞིན་པ་དང་སྒོས་དེ་རིང་ནས་དབུ་འཛུགས་ཀྱིས་རྒྱལ་ཁབ་དེ་གཉིས་ཀྱི་སྐུ་ཚབ་ཊར་ཀི་ཏུ་ལྷན་འཛོམས་ཀྱིས་ཞི་བའི་གྲོས་མོལ་གནང་གཏན་ཁེལ་ཡོད་པའི་མཚམས་འདིར་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་ནོ་སྦེལ་ཞི་བདེའི་གཟེངས་རྟགས་བཞེས་མྱོང་མཁན་བཅུ་དྲུག་ཙམ་གྱིས་ཟླ་ ༣ ཚེས་ ༢༦ ཉིན་ཡོངས་ཁྱབ་སྤྱི་བསྒྲགས་ཤིག་སྤེལ་ཡོད་པའི་ནང་ར་ཤི་ཡས་ཡུཀ་རེན་ནང་བཙན་འཛུལ་བྱས་པ་དེས་ཡུལ་དེའི་མང་ཚོགས་ཁོ་ན་མིན་པར་འགྲོ་བ་མིའི་རིན་ཐང་དང་འབྲེལ་བའི་དཔལ་ཡོན་དང་གོ་ལའི་ཁོར་ཡུག་སོགས་ལ་གནོད་འཚེ་ཚབས་ཆེན་བཟོ་མུས་ཡིན་སྟབས་ར་ཤི་ཡས་ཡུཀ་རེན་ནང་ཆེད་གཏོང་བྱས་པའི་དམག་དཔུང་རྣམས་འཕྲལ་མར་ཕྱིར་འཐེན་དང་དམག་འཐབ་མཚམས་འཇོག་བརྒྱུད་ངལ་བ་ཁག་སེལ་ཐབས་སླད་གྲོས་མོལ་གནང་དགོས་སྐོར་གསུངས་པ་མ་ཟད་བྱང་ Atlantic གི་ཆིངས་ཡིག་སྒྲིག་འཛུགས་  NATO དང་ར་ཤི་ཡ་ནས་ཐེངས་འདིའི་འཁྲུག་རྩོད་ནང་རྡུལ་ཕྲན་ནུས་ཤུགས་རིགས་རྩ་བ་ནས་སྤྱོད་རྒྱུ་མིན་པ་ཁ་གསལ་བཟོ་དགོས་པའི་འབོད་སྐུལ་ཞུས་འདུག འབོད་སྐུལ་གྱི་སྤྱི་བསྒྲགས་ནང་ནོ་སྦེལ་ཞི་བདེའི་གཟེངས་རྟགས་བཞེས་མཁན་རྣམས་ཀྱིས་བཙན་གནོན་དང་སྡིག་སྐུལ་ཐོག་ནས་སྲིད་དབང་བཟུང་མཁན་དག་ལ་མཐའ་ཅིག་ཏུ་ངོ་རྒོལ་ཡོད་ཅེས་གསུངས་པ་དང་ཆབས་ཅིག དཀའ་རྙོག་གི་གནས་བབ་གང་འདྲ་ཞིག་ཡིན་ཀྱང་། དེ་དག་གྲོས་མོལ་དང་དྲང་བདེན་གྱི་ལམ་ནས་སེལ་ཐབས་གནང་དགོས་ཡོད་སྐོར་གསུངས་པ་མ་ཟད། རྡུལ་ཕྲན་མཚོན་ཆ་མེད་པའི་འཛམ་གླིང་ཞིག་དགོས་ངེས་ཅན་ཡིན་པ་ལྟར་དེ་དེ་བཞིན་ཡོང་བར་ཕྱོགས་ཡོངས་ནས་འབད་བརྩོན་གནང་སྟེ་རྡུལ་ཕྲན་མཚོན་ཆ་བཀག་སྡོམ་གྱི་ཆིངས་ཡིག་ལ་ཚད་མཐོའི་རྒྱབ་སྐྱོར་གནང་བའི་སྟེང་རྡུལ་ཕྲན་གོ་མཚོན་སྤྱོད་རྒྱུ་མཚམས་འཇོག་བྱ་རྒྱུ་ནི་དུས་ལ་བབ་པ་དང་ཐབས་ལམ་འདི་ཁོ་ན་བརྒྱུད་ནས་གོ་ལའི་སྐྱེས་འགྲོ་ཐམས་ཅད་ཉེན་ཁ་ལས་ཐར་ངེས་ཡིན་པར་གསུངས་འདུག ཐེངས་འདིའི་སྤྱི་བསྒྲགས་སྤེལ་མཁན་ཁོངས་སུ་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་ནོ་སྦེལ་ཞི་བདེའི་གཟེངས་རྟགས་བཞེས་མཁན་ལྕམ་ Jody Williams ལགས་དང་སྐུ་ཞབས་ Kailash Satyarthi ཀོ་ལམ་བྷེ་ཡའི་སྲིད་འཛིན་ཟུར་པ་ Juan Manuel Santos ལགས། དེ་བཞིན་གོ་མཚོན་གྱི་དམག་འཁྲུག་འགོག་ཐབས་ཀྱི་རྒྱལ་སྤྱིའི་སྨན་པའི་སྡེ་ཁག་དང་གོ་མཚོན་རྩ་མེད་བཟོ་རྒྱུའི་རྒྱལ་སྤྱིའི་ལས་འགུལ་ཁང་། རྒྱལ་སྤྱིའི་ཞི་བདེའི་དོན་གཅོད་ཁང་སོགས་ཚོགས་སྒེར་བཅུ་དྲུག་ཡོད་པ་རེད།

པེ་ཅིང་གི་དགུན་དུས་ཨོ་རྩལ་འཚོགས་ལ་ཉེ་བ་དང་བསྟུན་ནས་དེ་རིང་ཉི་ཧོང་གྲོས་ཚོགས་ནས་རྒྱ་ནག་གི་འགྲོ་བ་མིའི་ཐོབ་ཐང་གི་གནས་སྟངས་ཐོག་གྲོས་ཆོད་ཅིག་བཞག་པ་དང་འབྲེལ་ཏེ། ཉི་ཧོང་གཞུང་འཛིན་གིས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་བབས་ཇེ་བཟང་འགྲོ་བར་མདུན་སྐྱོད་ཅིག་གནང་དགོས་པར་གསུངས་འདུགཉི་ཧོང་གི་གྲོས་ཚོགས་འོག་མས་བཞག་པའི་གྲོས་ཆོད་ནང་རྒྱལ་སྤྱིའི་ཚོགས་སྡེ་ཁག་ནས་ཤིན་ཅང་དང་བོད། དེ་བཞིན་ཧོང་ཀོང་བཅས་ཀྱི་ནང་མང་ཚོགས་བཀག་སྐྱིལ་དང་ཆོས་དད་རང་དབང་ལ་རྡོག་རོལ་གཏོང་བཞིན་པའི་གནད་དོན་ཁག་ལ་བློ་འཚབ་ཡོད་པའི་རྣམ་པ་མངོན་གསལ་གནང་བ་དང་ཆབས་ཅིག འགྲོ་བ་མིའི་ཐོབ་ཐང་གི་གནད་དོན་དེ་རྒྱལ་ནང་གི་གནད་དོན་ཙམ་ཞིག་མིན་པར་གོ་ལ་སྤྱིའི་རིན་ཐང་ངོས་འཛིན་ས་དང་དེ་བཞིན་རྒྱལ་སྤྱིའི་གནད་དོན་ཞིག་ཀྱང་ཆགས་ཀྱི་ཡོད་སྐོར་འཁོད་འདུག ཆབས་ཅིག་ཏུ་གྲོས་ཆོད་དེ་བརྒྱུད་ཉི་ཧོང་གཞུང་ནས་འགྲོ་བ་མིའི་ཐོབ་ཐང་གི་གནད་དོན་དང་འབྲེལ་རྒྱལ་སྤྱིའི་ཚོགས་སྡེ་ཁག་དང་ལྷན་མཉམ་རུབ་ཐོག་ནས་ལས་དོན་གནང་དགོས་ཞེས་གསུངས་ཡོད། སྤྱིར་གྲོས་ཆོད་ནང་ཉི་ཧོང་དང་རྒྱ་ནག་ཕྱོགས་གཉིས་ཀྱི་འབྲེལ་ལམ་ལ་བརྟེན་ནས་རྒྱ་ནག་ཟེར་ནས་ཐད་ཀར་མིང་འབོད་གནང་མེད། ལྷག་པར་དུ་འགྲོ་བ་མིའི་ཐོབ་ཐང་རྡོག་རོལ་ཞེས་པའི་ཚབ་ཏུ་འགྲོ་བ་མིའི་ཐོབ་ཐང་གི་གནས་སྟངས་ཞེས་བཀོད་འདུག གཞི་རྩའི་ཉི་ཧོང་གི་སྲིད་བློན་སྐུ་ཞབས་ Fumio Kishida མཆོག་གིས་དུས་ཚོད་ལན་མང་ཞིག་ལ་ཉི་ཧོང་ནས་རྒྱ་ནག་དང་མཉམ་གནད་དོན་གླེང་སློང་དགོས་པའི་སྐབས་སུ་འཛེམ་ཟོན་རྩ་བ་ནས་གནང་རྒྱུ་མེད་སྐོར་གསུངས་ཡོད་པ་དང་ལྷག་དོན་ཁོང་གིས་ཟླ་བ་ ༡༡ ནང་ཉི་ཧོང་རྒྱལ་སྲུང་གི་བློན་ཆེན་ཟུར་པ་ Gen Nakatani  ཆེད་མངགས་རྒྱ་ནག་གི་འགྲོ་བ་མིའི་ཐོབ་ཐང་དང་འབྲེལ་དམིགས་བསལ་སློབ་སྟོན་པར་བསྐོ་བཞག་གནང་ཡོད་པ་མ་ཟད། ཉེ་ལམ་ཉི་ཧོང་ནས་པེ་ཅིང་གི་དགུན་དུས་ཨོ་རྩལ་ཐོག་གཞུང་ཚབ་མི་སྣ་གཏང་གི་མེད་ཀྱང་དེའི་ཚབ་ཏུ་ཨོ་ལམ་པིཀ་དང་ཐད་འབྲེལ་ཡོད་པའི་ལས་བྱེད་ཁག་ཅིག་གཏང་རྒྱུའི་གསལ་བསྒྲགས་གནང་ཡོད། ཉི་ཧོང་གི་གྲོས་ཚོགས་འོག་མས་བཞག་པའི་གྲོས་ཆོད་སྐོར་ལ་ཉི་ཧོང་བོད་ཀྱི་སྐུ་ཚབ་དོན་གཅོད་ཨརྱ་ཚེ་དབང་རྒྱལ་པོ་ལགས་སུ་བཀའ་འདྲི་ཞུས་པར་ད་ལན་ཉི་ཧོང་གྲོས་ཚོགས་ནས་གྲོས་ཆོདབཞག་པ་དེས་རྒྱ་ནག་གིས་མུ་མཐུད་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་གནད་དོན་དེ་གལ་ཆེ་དོན་ཆེར་རྩིས་ཏེ་གྲོས་ཆོད་བཞག་པ་ཞིག་དང་། གྲོས་ཆོད་དེའི་ནང་རྒྱ་ནག་ཟེར་ནས་མིང་འབོད་སོགས་གནང་མེད་ཀྱང་གྲོས་ཆོད་ནང་ཚིག་ཤུགས་ཆེན་པོ་སྤྱོད་ཡོད་པ་མ་ཟད་གྲོས་ཆོད་དེའི་བརྒྱུད་རྒྱ་ནག་ལ་ཉི་ཧོང་གིས་འགྲོ་བ་མིའི་ཐོབ་ཐང་གི་གནད་དོན་ལ་ཐུགས་ཚབས་ཆེན་པོ་གནང་གི་ཡོད་པའི་བརྡ་ལན་གསལ་པོ་ཞིག་གནང་ཐུབ་ཡོད་ཅེས་གསུངས་སོང་།

ཁ་སང་ཕྱི་ཚེས་ ༢༦ ཉིན་དགུང་ལོ་ ༩༠ ལ་ཕེབས་པའི་༸གོང་ས་མཆོག་གི་ཐུགས་ཉེ་བའི་མཛའ་གྲོགས་ནོ་སྦེལ་ཞི་བདེའི་དེད་དཔོན་ལྷོ་ཨ་ཕི་རི་ཀའི་ཡེ་ཤུའི་བླ་ཆེན་ Archbishop Desmond Tutu མཆོག་སྐུ་ཚེའི་འཕེན་པ་རྫོགས་པའི་ཡིད་སྐྱོའི་གནས་ཚུལ་ཐོན་ཡོད་སྟབས། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བླ་ཆེན་དམ་པ་ཁོང་གི་སྲས་མོ་ Mpho Tutu ལགས་ཀྱི་མཚན་ཐོག་ཏུ་ཐུགས་གསོའི་གསུང་འཕྲིན་བསྩལ་བ་དང་།  དེ་བཞིན་བོད་མིའི་སྒྲིག་འཛུགས་ཀྱིས་གཞུང་འབྲེལ་མཆོད་འབུལ་སྨོན་ལམ་ཚོགས་ཏེ་བསྔོ་སྨོན་གསུང་འདོན་གནང་བ་མ་ཟད། དེ་རིང་ཉིན་རྒྱབ་ནས་དབུས་ལས་ཁུངས་ཁག་ནས་ལས་མཚམས་བཞག་ཡོད།༸གོང་ས་མཆོག་གིས་གསུང་འཕྲིན་ནང་ལ་ངོས་ཀྱིས་སྐུ་ཉིད་ཀྱི་ཡབ་དམ་པ་མཆོག་ལ་ཐུགས་སྨོན་ཞུ་རྒྱུ་ཡིན། སྐུ་ཉིད་ཀྱིས་མཁྱེན་གསལ་ལྟར་ཡབ་དམ་པ་ཁོང་དང་ངོས་དབར་ཡུན་རིང་གི་གྲོགས་འདྲིས་ལོངས་སུ་སྤྱད་རྒྱུ་བྱུང་ཡོད། སྐུ་ཉིད་ཀྱི་ཡབ་དམ་པ་མཆོག་དང་ལྷན་དུས་སྐབས་མང་པོའི་རིང་མཉམ་དུ་དུས་ཚོད་བསྐྱེལ་ཡོད་པ་དང་ལྷག་པར་དུ་ཕྱི་ལོ་ ༢༠༡༥ ལོར་དྷརྨ་སཱ་ལཱར་གཟའ་འཁོར་གཅིག་རིང་འཛམ་གླིང་ལ་ཞི་བདེ་དང་བདེ་སྐྱིད་ཀྱི་ཁོར་ཡུག་ཇེ་བཟང་དུ་གཏོང་བའི་ཐད་ལ་བསམ་ཚུལ་བརྗེ་ལེན་བྱས་མྱོང་ཡོད་ལ། ངེད་གཉིས་དབར་གྲོགས་པོའི་འདུ་ཤེས་དང་ཆོས་ཕྱོགས་ཀྱི་འབྲེལ་བ་དམིགས་བསལ་ཞིག་ཡོད་པ་དེ་ནི་ངེད་གཉིས་ཀྱིས་གཙིགས་ཆེར་བརྩིས་ཡོད་ཅེས་བཀའ་སྩལ་མཛད་འདུགཌེས་མིན་ཊུ་ཊུ་མཆོག་ནི་མང་ཚོགས་ཀྱི་ཐུན་མོང་གི་ཁེ་ཕན་སླད་ཆོད་སེམས་བརྟན་པོའི་ཐོག་ནས་ཞབས་འདེགས་སྒྲུབ་མཁན་ཞིག་ཡིན་པ་མ་ཟད་འགྲོ་བ་མིའི་རིགས་ཀྱི་བེད་སྡུག་ལ་ཐུགས་འཁུར་བཞེས་མཁན་དང་འགྲོ་བ་མིའི་ཐོབ་ཐང་རྩོད་མཁན་ཞིག་ཡིན་པའི་ཁར་ཁོང་གིས་དྲང་བདེན་དང་བར་འདུམ་སླད་ཕྱག་ལས་གནང་བ་ནི་འཛམ་གླིང་སྤྱིར་སེམས་འགུལ་ཐེབས་གཞི་ཞིག་ཏུ་གྱུར་ཡོད།བླ་ཆེན་དམ་པ་ཁོང་སྐུ་ཚེའི་འཕེན་པ་རྫོགས་པ་དེ་ནི་ང་ཚོར་ཆ་མཚོན་ན་རླབས་ཆེན་གྱི་མི་སྣ་ཞིག་སྐུ་གཤེགས་པ་ཆགས་ཡོད། ཁོང་གིས་སྐུ་ཚེ་དོན་སྙིང་ལྡན་པའི་ཐོག་བསྐྱལ་ཡོད། ང་ཚོས་ཁོང་ལ་རྗེས་སུ་ཡི་རང་ཞུ་རྒྱུ་ལེགས་ཤོས་ནི་ཁོང་གི་ཕྱག་ལས་ལ་འཇུག་རྒྱུ་དང་ལྷག་པར་དུ་དུས་ནས་དུས་སུ་གཞན་ལ་རོགས་རམ་ཇི་ལྟར་ཞུ་རྒྱུའི་སྐོར་ལ་གཟིགས་གནད་ཡིན་པ་བཅས་བཀའ་སྩལ་ཡོད།དེ་རིང་ཉིན་རྒྱབ་ཕྱག་ཚོད་ ༣ ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་ནང་དུ་གནས་ཆུང་སྒྲ་དབྱངས་གླིང་གི་དགེ་འདུན་པ་ཁག་གཅིག་དབུ་བཞུགས་ཐོག་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་གཙོས་པའི་བོད་མི་མང་སྤྱི་འཐུས་རྒྱུན་ལས་རྣམ་པ། སྲི་ཞུ་བ་ལྷན་འཛོམས་ཀྱིས་བསྔོ་སྨོན་གསུང་འདོན་གནང་བ་བརྒྱུད་ Archbishop Desmond Tutu དམ་པ་མཆོག་སྐུ་ཚེའི་འཕེན་པ་རྫོགས་པར་མྱ་ངན་གུས་བཏུད་དང་གདུང་སེམས་མཉམ་བསྐྱེད་ཀྱི་གཞུང་འབྲེལ་མཆོད་འབུལ་གནང་ཡོད།སྐབས་དེར་སྲིད་སྐྱོང་སྤེན་པ་ཚེ་རིང་མཆོག་གིས་ཌེས་མིན་ཊུ་ཊུ་དམ་པ་མཆོག་ནི་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་ཚེ་འདིའི་ནང་ཐུགས་ཉེ་བའི་མཛའ་གྲོགས་མང་དག་ཅིག་ཡོད་པའི་ཁོངས་ནས་གཙོ་བོ་གཅིག་ཆགས་ཀྱི་ཡོད་པ་དང་ལྷག་དོན་ཁོང་ནི་བོད་དོན་ཐད་ཐུགས་སྣང་དང་དེ་བཞིན་འཛམ་གླིང་ནང་སྐུ་ངལ་འཕྲད་པར་མཐུན་འགྱུར་དང་རོགས་རམ་གནང་མཁན་ཞིག་ཆགས་ཀྱི་ཡོད་སྐོར་སོགས་གསུངས་ནས་དམ་པ་ཁོང་གི་སྐུ་ཚེའི་ལོ་རྒྱུས་ངོ་སྤྲོད་གནང་སོང་། སྤྱིར་སྲིད་སྐྱོང་སྤེན་པ་ཚེ་རིང་མཆོག་གིས་ Twitter  དྲ་གནས་ཐོག་ Desmond Tutu དམ་པ་མཆོག་སྐུ་ཚེའི་འཕེན་པ་རྫོགས་པར་བོད་མི་རྣམས་ནས་མྱ་ངན་ཞུ་བཞིན་ཡོད་སྐོར་གསུངས་པ་དང་སྦྲགས།  དམ་པ་ཁོང་གིས་བྱམས་བརྩེ་དང་ཞི་བདེའི་ཐོག་གནང་བའི་གསུང་འཕྲིན་དང་ཁོང་གི་མཛད་རྗེས་ཁག་མུ་མཐུད་ནས་གནས་ཀྱི་རེད་ཅེས་གསུངས་པ་མ་ཟད་དམ་པ་ཁོང་གི་ཤུལ་ལུས་སྐུ་འཁོར་ནང་མི་ཉེ་འབྲེལ་རྣམས་ལ་ཐུགས་གསོ་ཞུས་ཡོད། དེ་བཞིན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་ཀྱང་ Archbishop Desmond Tutu མཆོག་གི་ཤུལ་ལུས་ནང་མིར་ཐུགས་གསོ་ཞུས་འདུག ཌེས་མིན་ཊུ་ཊུ་དམ་པ་མཆོག་གི་སྲས་མོའི་མཚན་ཐོག་ཏུ་ཕུལ་བའི་ཐུགས་གསོའི་ཕྱག་ཡིག་ནང་ཌེས་མིན་ཊུ་ཊུ་དམ་པ་མཆོག་སྐུ་ཚེའི་འཕེན་པ་རྫོགས་པ་དེ་ནི་བོད་མི་ཚོར་དམིགས་བསལ་གྱི་ཡིད་སྐྱོའི་གནས་ཚུལ་ཞིག་ཡིན་པ་དང་། ཚོགས་གཙོ་མཆོག་ནས་ཕྱི་ལོ་ ༢༠༡༥ ལོར་བཞུགས་སྒར་དྷརྨ་སཱ་ལཱར་དམ་པ་ཁོང་དང་མཇལ་འཕྲད་ཞུ་རྒྱུའི་གོ་སྐབས་བྱུང་བ་དང་༸གོང་ས་མཆོག་དང་ལྷན་ཆོས་ཕྱོགས་ཀྱི་འབྲེལ་བ་དམིགས་བསལ་ཡོད་པ་མ་ཟད་བོད་དོན་ཐད་རྒྱབ་སྐྱོར་གནང་མཁན་ཡིན་པ་སོགས་གསུངས་པ་དང་ཆབས་ཅིག ང་ཚོས་དམ་པ་ཁོང་གིས་བྱམས་བརྩེ་དང་འགྲོ་བ་མིའི་རིགས་ཀྱི་བདེ་རྩར་དམིགས་པའི་ལམ་སྟོན་གནང་ཁག་ལ་འཇུག་ཐུབ་པའི་རེ་བ་ཡོད་ཅེས་དང་དམ་པ་ཁོང་གི་མཛད་རྗེས་ལ་ཡི་རང་ཞུས་འདུག གཞི་རྩའི་བརྒྱུད་ལམ་ཁག་ཏུ་ཐོན་པའི་གནས་ཚུལ་ལ་གཞིགས་ན། Archbishop Desmond Tutu མཆོག་འབྲས་ནད་རྐྱེན་གྱིས་སྐུ་ཚེའི་འཕེན་པ་རྫོགས་པ་རེད་ཅེས་གསལ་འདུག་པ་དང་། ཁ་སང་ Archbishop Tutu མཆོག་སྐུ་ཚེའི་འཕེན་པ་རྫོགས་པའི་གནས་ཚུལ་ཐོན་འཕྲལ་ལྷོ་ཨ་ཕི་རི་ཀའི་མང་ཚོགས་དང་ཡི་ཤུའི་བླ་ཆེན་ Pope Francis མཆོག ཨ་རིའི་སྲིད་འཛིན་སྐུ་ཞབས་ Joe Biden མཆོག དེ་བཞིན་དབྱིན་ཡུལ་གྱི་རྒྱལ་མོ་ཨི་ལེ་ཛི་བྷཐ་མཆོག སྲིད་འཛིན་ཟུར་པ་སྐུ་ཞབས་ Barack Obama མཆོག གཞན་ཡང་མང་ཚོགས་དུ་མས་ཐུགས་གསོ་དང་དམ་པ་ཁོང་ལ་མྱ་ངན་གུས་འདུད་ཞུས་འདུག ནོ་སྦེལ་ཞི་བདེའི་དེད་དཔོན་ལྷོ་ཨ་ཕི་རི་ཀའི་ཡེ་ཤུའི་བླ་ཆེན་ Archbishop Desmond Tutu མཆོག་ནི་ཕྱི་ལོ་ ༡༩༣༡ ལོར་ South Africa རྒྱལ་ཁབ་ཀྱི་བྱང་ནུབ་ཁུལ་གྱི་ས་གནས་ Klerksdorp ནང་གི་ཁྱིམ་ཚང་ཉམ་ཆུང་ཞིག་ཏུ་འཁྲུངས་ཤིང་། ཆུང་དུས་ཀྱི་སློབ་སྦྱོང་ཁག་གནང་བའི་རྗེས་སུ་དགེ་རྒན་གྱི་ཕྱག་ལས་དང་དེ་ནས་རིམ་པས་དབྱིན་ཡུལ་དུ་ཕེབས་ཏེ་ཡི་ཤུའི་ཆོས་ཕྱོགས་ཐོག་ལ་སློབ་གཉེར་འཐུས་ཚང་གནང་སྟེ་སླར་ South Africa ནང་ལ་ཡི་ཤུའི་ཆོས་ཕྱོགས་ཀྱི་ལས་གནས་འདྲ་མིན་ཐོག་ཕྱག་གནང་བ་མ་ཟད། ལྷག་པར་དུ་ ༡༩༨༦ ལ་ཡུལ་དེའི་ནང་གི་ཡི་ཤུའི་ཆོས་དཔོན་གྱི་གོ་གནས་མཐོ་ཤོས་དེ་བཞེས་སྐབས་བེུད་རྣམས་ཀྱང་ཆོས་དཔོན་གྱི་གོ་གནས་ཐོག་ཕེབས་ཆོག་པའི་ལམ་སྲོལ་གསར་གཏོད་མཛད་ཡོད།བླ་ཆེན་དམ་པ་ཁོང་གི་སྐུ་ཚེའི་མཛད་རྗེས་ནང་ལ་ཆོས་ཕྱོགས་ཀྱི་ཕྱག་ལས་ཙམ་མ་ཟད་ས་གནས་སུ་དཀའ་ངལ་ཤུགས་ཆེ་འཕྲད་བཞིན་པའི་མི་རིགས་དབྱེ་འབྱེད་དང་འདྲ་མཉམ་གྱི་ཐོབ་ཐང་སོགས་དང་འབྲེལ་བའི་ལས་འགུལ་སྣ་ཚོགས་ཁོངས་སུ་ཕྱག་ལས་གནང་མྱོང་ཡོད་པ་མ་ཚད་པར་ལྷག་དོན་ anti-apartheid ཞེས་པའི་ལས་འགུལ་ནང་ལ་ནུས་པ་ལྡན་པའི་ཕྱག་ལས་སྣ་ཚོགས་གནང་བའི་བརྒྱུད་རིམ་ཁྲོད་རྒྱལ་སྤྱིའི་འགོ་ཁྲིད་མང་པོས་བླ་ཆེན་དམ་པ་ཁོང་ལ་ཆེད་བསྟོད་དང་གཟེངས་རྟགས་འབུལ་བཞེས་སོགས་གནང་ཡོད་པ་རེད། ཕྱི་ལོ་ ༡༩༨༤ ལོར་འཛམ་གླིང་ནོ་སྦེལ་ལྷན་ཚོགས་ཀྱིས་དམ་པ་ཁོང་གི་མཛད་རྗེས་ལ་ཆེད་བསྟོད་ཞུས་པ་འབྲེལ་ནས་ནོ་སྦེལ་ཞི་བདེའི་གཟེངས་རྟགས་འབུལ་བཞེས་བསྐྱངས་ཡོད།དམ་པ་ཁོང་ནི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་ཐུགས་ཉེ་བའི་མཛའ་གྲོགས་ཤིག་ཡིན་པ་ དང་། ཁོང་གིས་བོད་ཀྱི་གནད་དོན་དང་འབྲེལ་གོ་སྐབས་ནམ་བྱུང་ལ་རྒྱ་ནག་ལ་ཡོང་གྲགས་ཀྱི་ཐོག་ནས་ཁ་གཏད་བཅག་ཡོད་ལ། ལྷག་པར་དུ་༸གོང་ས་མཆོག་གིས་དམ་པ་ཁོང་བཞུགས་སྒར་དྷ་སར་གདན་ཞུ་མཛད་དོན་ལྟར་ཆེད་ཕེབས་གནང་སྐབས་མགོན་པོ་༸གང་ཉིད་མཆོག་ཁ་བྲལ་བ་གཏན་ནས་མིན་པ་དང་རྒྱ་ནག་ནས་བོད་མིར་མིང་དོན་མཚུངས་པའི་རང་སྲིད་རང་སྐྱོང་གི་ཁེ་དབང་སྤྲོད་དགོས་པར་ནན་སྐུལ་གནང་མྱོང་ཡོད་པ་རེད།༸གོང་ས་མཆོག་ལྷོ་ཨ་ཕི་རི་ཀར་གདན་འདྲེན་ལན་མང་ཞུས་ཡོད་ཀྱང་རྒྱ་ནག་གིས་གནོན་ཤུགས་ཆེས་ཆེར་སྤྲད་རྐྱེན་ལྷོ་ཨ་ཕི་རི་ཀར་ཆིབས་བསྒྱུར་མཛད་མ་ཐུབ་སྟབས་སྐབས་དེར་ཁོང་གིས་ལྷོ་ཨ་ཕི་རི་ཀའི་གཞུང་འཛིན་ལ་ཡོངས་གྲགས་ཀྱི་ཐོག་ནས་སྐྱོན་བརྗོད་ཀྱི་རྣམ་པ་ཤུགས་ཆེ་བསྟན་ཡོད།

ཉན་པ།: Listen ཕབ་ལེན། Download རྒྱལ་ཚོགས་ནང་ཡོ་རོབ་མཐུན་ཚོགས་དང་འཇར་མ་ནི་གཉིས་ནས་བོད་དོན་གླེང་བ། རྒྱལ་ཚོགས་ཀྱི་གཙོ་འཛིན་མཆོག་ལ་བོད་ནང་གི་གནས་སྟངས་སྙན་སེང་ཞུས་པ། རྒྱལ་སྤྱིའི་གཞུང་ཚབ་ཁག་ནས་རྒྱ་ནག་གི་གནོན་ཤུགས་ལ་གདོང་ལེན་གནང་དགོས། དགེ་བཤེས་བློ་བཟང་གྲགས་པ་ལགས་ནས་འཛམ་གླིང་སྤྱི་བསངས་ངོ་སྤྲོད། འཕྲོད་བསྟེན་ཤེས་བྱ་ངོ་སྤྲོད། དབུགས་སྦྱོང་དང་འབྲེལ་བའི་དམིགས་བསལ་ལེ་ཚན། Thursday 28/06/2018 EU and Germany raise Tibet at UNHRC session, calls for Tashi Wangchuk’s release Richard Gere, ICT President brief UN Chief on Tibet Tsai Ing-wen urges world to stand up to China and reaffirm democratic values Special feature: Introduction to ‘Zamling Chisang’ Health and Wellness: Yoga for healthy Knees, shoulder and Back

རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་སྐབས་ ༣༨ ཐོག་ཡོ་རོབ་མཐུན་ཚོགས་དང་འཇར་མན་རྒྱལ་ཁབ་གཉིས་ཀྱིས་བོད་ནང་གི་བོད་མིའི་ཆོས་དད་རང་དབང་དང་སྨྲ་བརྗོད་རང་དབང་སྐོར་གླེང་གནང་འདུག ཟླ་ ༦ ཚེས་ ༡༨ ཉིན་ནས་སུད་སི་གྲོང་ཁྱེར་ཇི་ནི་ཝར་རྟེན་གཞི་བྱས་པའི་རྒྱལ་ཚོགས་ཀྱི་ཆེས་མཐོའི་འགྲོ་མིའི་ཐོབ་ཐང་ལྷན་ཁང་གི་ལྷན་ཚོགས་སྐབས་ ༣༨ པ་དབུ་འཛུགས་གནང་ཡོད་པ་དང། ལྷན་ཚོགས་ཐོག་འཇར་མན་སྐུ་ཚབ་ནས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཆེས་ཇེ་སྡུག་ཏུ་འགྲོ་བཞིན་ཡོད་པ་དང།  ལྷག་དོན་རྒྱ་ནག་གི་མངའ་འོག་ཏུ་ཡོད་པའི་ཡོ་གུར་ཁ་ཆེ་མི་རིགས་རྣམས་ཀྱིས་གཙོས་ཁ་ཆེའི་གྲངས་ཉུང་མི་རིགས་དང་། བོད་མི་བཅས་ཐོག་རྒྱ་གཞུང་གིས་མི་རིགས་དབྱེ་འབྱེད་དང། བཀག་སྐྱིལ་དོ་དམ་བཅས་ཀྱི་སྲིད་བྱུས་ལག་བསྟར་ཤུགས་ཆེ་བྱས་རྐྱེན་མང་ཚོགས་ལ་ངལ་བ་ཆེན་པོ་འཕྲད་བཞིན་ཡོད་པ་ནི་བློ་འཚབ་བྱ་ཡུལ་ཞིག་ཡིན་པར་བརྗོད་འདུག དེ་བཞིན་རྒྱ་ནག་གཞུང་གིས་ད་བར་ས་གནས་མང་ཚོགས་ཀྱི་ཆོས་དད་རང་དབང་དང་སྨྲ་བརྗོད་རང་དབང། འདུ་འཛོམས་རང་དབང་བཅས་ལ་བརྩི་མེད་རྡོག་རོལ་ཤུགས་ཆེ་བཏང་བ་མ་ཟད་ཁྲིམས་སྒྲིག་ལྟར་དྲང་བདེན་གྱི་ཁྲིམས་ར་ཞིག་མ་ཚོགས་པར་མང་ཚོགས་ཐོག་ཁྲིམས་ཐག་བཅད་པའི་གནད་དོན་ཐོག་འཇར་མ་ནི་གཞུང་གི་ངོས་ནས་མུ་མཐུད་དཔང་པོ་བྱེད་བཞིན་ཡོད་པར་འགྲེལ་བརྗོད་གནང་འདུག རྒྱ་ནག་གཞུང་གི་ངོས་ནས་ཁུལ་དེའི་ནང་མང་ཚོགས་ཐོག་སྤེལ་བཞིན་པའི་ཆབ་སྲིད་སློབ་གསོའི་ལས་འགུལ་ཚང་མ་མཚམས་འཇོག་དགོས་པ་དང། རྒྱལ་ཚོགས་ཀྱི་དམིགས་བསལ་རྟོག་ཞིབ་ཚོགས་ཁག་དང་ལྷན་མཐའ་གཅིག་ཏུ་མཉམ་འབྲེལ་གནང་དགོས་པ་མ་ཟད་བཙོན་ཁང་དུ་བཙོན་འཇུག་བྱས་པའི་བོད་མིའི་སྐད་ཡིག་ལས་འགུལ་བ་བཀྲིས་དབང་ཕྱུག་ལགས་དང། འགྲོ་བ་མིའི་ཐོབ་ཐང་རྩོད་ལེན་པ་ IIham Tohti ལགས།  li yuhan ལགས། jiang Tianyong ལགས།  Wang Quanzhang ལགས། Wu Gan  ལགས།  Liu Feiyue ལགས། དེ་བཞིན་ཡོ་རོབ་ཀྱི་མི་སེར་ཡིན་པ་ Gui Minhai ལགས་བཅས་འཕྲལ་མར་གློད་བཀྲོལ་ཡོང་བའི་རེ་འདུན་བཏོན་འདུག སྐབས་དེར་ཡོ་རོབ་མཐུན་ཚོགས་ཀྱི་སྐུ་ཚབ་ནས་ལྷན་ཚོགས་ཐོག་རྒྱ་ནག་གཞུང་གིས་རྒྱལ་སྤྱིའི་ཁྲིམས་སྒྲིག་ཁས་ལེན་བྱས་པ་ལྟར་མང་ཚོགས་ཀྱི་ཆོས་དད་རང་དབང་དང་སྨྲ་བརྗོད་རང་དབང། གྲངས་ཉུང་མི་རིགས་ཀྱི་ཐོབ་ཐང་ལ་གུས་བརྩི་ཞུས་དགོས་པའི་རེ་འདུན་ཡང་བཏོན་པ་འདུག་པ་དང་ཆབས་ཅིག་ཏུ་རྒྱ་གཞུང་གིས་བཀག་སྐྱིལ་འོག་ཡོད་པའི་བོད་མིའི་སྐད་ཡིག་སྲུང་སྐྱོབ་པ་བཀྲིས་དབང་ཕྱུག་ལགས་དང། འགྲོ་བ་མིའི་ཐོབ་ཐང་རྩོད་ལེན་པ་དང་ཁྲིམས་རྩོད་པ་  Wu Gan ལགས་དང་  li yuhan ལགས། Huang qi ལགས། Gao Zhishang ལགས། དེ་བཞིན་ Li Yuhan ལགས།  Yu wensheng ལགས་བཅས་ཀྱི་ཐོག་དྲང་བདེན་གྱི་ཁྲིམས་ར་ཞིག་ཚོགས་ནས་ཐག་གཅོད་དགོས་པ་དང། ཡོ་རོབ་ཀྱི་མི་སེར་ཡིན་པ་ Gui Minhai ལགས་ཀྱིས་གཙོས་པའི་རྒྱ་གཞུང་གི་བཙོན་འཇུག་འོག་ཡོད་པའི་འགྲོ་བ་མིའི་ཐོབ་ཐང་རྩོད་ལེན་པ་རྣམས་གློད་བཀྲོལ་དང། བཀག་སྐྱིལ་དུ་བཞག་རིང་མནར་གཅོད་རིགས་སོགས་མཚམས་འཇོག་དགོས་པའི་རེ་འདུན་བཏོན་འདུག དེ་བཞིན་འཇར་མ་ནི་སྐུ་ཚབ་ཀྱིས་ཀྱང་རྒྱ་ནག་གཞུང་གིས་ཤར་ཏུར་ཀི་སི་ཐན་ནང་ཆབ་སྲིད་སློབ་གསོའི་ལས་འགུལ་རྒྱ་བསྐྱེད་བྱེད་བཞིན་པར་བློ་འཚབ་ཡོད་པ་བརྗོད་འདུག རྩ་བའི་ཐེངས་འདིའི་ལྷན་ཚོགས་སྐབས་ ༣༨ དབུ་འབྱེད་ཉིན་རྒྱལ་ཚོགས་ཀྱིེ་ཆེས་མཐོའི་འགྲོ་བ་མིའི་ཐོབ་ཐང་གི་གཙོ་འཛིན་སྐུ་ཞབས་ Zeid Raad al-Hussein ལགས་ནས་ད་བར་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་ལས་དོན་སྤྱི་ཡོངས་ངོ་སྤྲོད་དང་སྦྲགས། གཙོ་འཛིན་མཆོག་ནས་འདས་པའི་ལོ་དུས་ནང་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་དང་འབྲེལ་རྒྱ་གཞུང་དང་དོན་ཕན་ལྡན་པའི་གྲོས་མོལ་གནང་རྒྱུ་དང་། རྒྱལ་ཚོགས་ཀྱི་སྐུ་ཚབ་མི་སྣ་གཟིགས་ཞིབ་ཆེད་ཕེབས་རྒྱུ་སོགས་འབད་བརྩོན་རིམ་པ་བྱས་ཡོད་ཀྱང་། རྒྱ་གཞུང་ནས་ཡུལ་དེའི་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐོག་བཟང་ཕྱོགས་ཀྱི་འགྱུར་བ་གང་ཡང་གཏང་མ་བཅུག་པའི་ཁར་རྒྱལ་ཚོགས་ཀྱི་སྐུ་ཚབ་མི་རྣམས་ཀྱང་རྒྱ་ནག་སྤྱི་དང་ལྷག་དོན་རྒྱ་གཞུང་གིས་དབྱེ་བའི་བོད་རང་སྐྱོང་ལྗོངས་ཀྱིས་གཙོས་བོད་ཀྱི་ས་ཁུལ་ཁག དེ་བཞིན་ཤིན་ཅང་བཅས་ཀྱི་ནང་བསྐྱོད་རྒྱུར་ཆོག་མཆན་སྤྲད་མེད་པ་གསུངས་ཡོད། ཁོང་གིས་ད་དུང་རྒྱ་ནག་ནང་གི་གཞི་རྩའི་འགྲོ་བ་མིའི་ཐོབ་ཐང་གི་གནས་སྟངས་ཇེ་སྡུག་ཏུ་འགྲོ་བཞིན་པའི་གནས་བབ་དང་བར་སྐབས་ནས་རྒྱ་གཞུང་གིས་རྒྱལ་ཚོགས་ཀྱི་དུས་བཀག་བསྐྱར་ཞིབ་དང་ཉན་ཞིབ་ཀྱི་ལས་རིམ་སོགས་ཀྱི་ནང་མཉམ་ཞུགས་གནང་མཁན་གྱི་མི་སྒེར་དང་། གཞི་རིམ་གྱི་ཚོགས་པ་ཁག་ལ་གནོན་ཤུགས་འདྲ་མིན་བརྒྱུད་རྒྱལ་ཚོགས་ཀྱི་ལས་དོན་དེ་དག་ནང་མཉམ་ཞུགས་གནང་རྒྱུར་དམ་དྲག་རིགས་བྱེད་བཞིན་པར་སེམས་འཚབ་དང་སྦྲགས། རྒྱ་གཞུང་ནས་མི་སྣ་སྒེར་དང་གཞི་རིམ་གྱི་ཚོགས་པ་དེ་དག་ལ་དམ་དྲག་རིགས་བྱ་རྒྱུ་མཚམས་འཇོག་དགོས་པ་མ་ཟད། རྒྱ་གཞུང་ནས་གཞི་རྩའི་འགྲོ་བ་མིའི་ཐོབ་ཐད་སྤྱི་དང་ཡང་སྒོས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་བཟང་དུ་གཏོང་རྒྱུར་འབད་བརྩོན་གནང་དགོས་གནད་ཡིན་པ་གསུངས་ཡོད་པ་རེད།

ཨ་རིའི་ནང་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གི་ཚོགས་གཙོ་རྒྱལ་སྤྱིའི་གློག་བརྙན་འཁྲབ་སྟོན་པ་གྲགས་ཅན་སྐུ་ཞབས་ Richard Gere ལགས་ཀྱིས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གཙོ་འཛིན་སྐུ་ཞབས་ Zeid Raad Al Hussein མཆོག་ལ་བོད་ནང་གི་ཆེས་ཞན་པའི་འགྲོ་བ་མིའི་ཐོབ་ཐང་གི་གནས་སྟངས་སྐོར་སྙན་གསེང་ཞུས་འདུག ཁ་སང་ཟླ་ ༦ ཚེས་ ༢༧ ཉིན་རྒྱལ་སྤྱིའི་བོད་དོན་ལས་འགུལ་ཁང་གི་ངོ་དེབ་དང་འཕྲུལ་བྱའི་དྲྭ་ལམ་བརྒྱུད་གནས་ཚུལ་སྤེལ་བར་གཞིགས་ཚེ་ཁ་ཉིན་སུད་སི་གྲོང་ཁྱེར་ Geneva ནང་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གཙོ་འཛིན་སྐུ་ཞབས་ Al Hussein མཆོག་ནས་རྒྱལ་སྤྱིའི་བོད་དོན་ལས་འགུལ་ཁང་གི་ཚོགས་གཙོ་སྐུ་ཞབས་ Richard Gere ལགས་ཀྱིས་དབུས་པའི་ལས་འགུལ་ཁང་གི་གཙོ་འཛིན་སྐུ་ཞབས་ Matteo Mecacci ལགས་དང་ལས་འགུལ་ཁང་གི་ Netherlands སྡེ་ཚན་གྱི་ངེས་སྟོན་པ་ཚེ་རིང་བྱམས་པ་ལགས་བཅས་དང་ལྷན་མཇལ་འཕྲད་གནང་ཡོད་པ་དང་། སྐབས་དེར་སྐུ་ཞབས་ Richard Gere ལགས་ནས་འགྲོ་བ་མིའི་ཐོབ་ཐང་གཙོ་འཛིན་མཆོག་ལ་ད་ལྟའི་བོད་ནང་གི་ཆེས་ཞན་པའི་ཛ་དྲག་གི་གནས་སྟངས་སྐོར་སྙན་གསེང་ཞུས་འདུག གཙོ་འཛིན་སྐུ་ཞབས་ Al Hussein མཆོག་གིས་མཇལ་འཕྲད་དེའི་ཐོག་བོད་གཙོ་གྱུར་རྒྱལ་སྤྱིའི་ཁྱོན་ཡོངས་ཀྱི་འགྲོ་བ་མིའི་ཐོབ་ཐང་གི་གནས་སྟངས་ཐོག་ཐུགས་འཚབ་ཡོད་སྐོར་གསུངས་པ་དང་འབྲེལ། འགྲོ་བ་མིའི་ཐོབ་ཐང་གི་ལས་འགུལ་བ་དང་འགྲོ་བ་མིའི་ཐོབ་ཐང་གི་སྲུང་སྐྱོབ་ཚོགས་པ། དེ་བཞིན་མང་ཚོགས་བཅས་ནས་གནད་དོན་དེའི་ཐོག་དོ་སྣང་དང་ལས་འགུལ་མང་ཙམ་སྤེལ་དགོས་གལ་ཡིན་པའི་ལམ་སྟོན་གནང་འདུག དེ་བཞིན་ཁ་སང་རྒྱལ་སྤྱིའི་བོད་དོན་ལས་འགུལ་ཁང་གི་གཙོ་འཛིན་སྐུ་ཞབས་ Matteo Meccaci ལགས་ནས་བྷེལ་ཇམ་གྱི་རྒྱལ་ས་ Brussels ནང་ཡོད་པའི་ཡུ་རོབ་གྲོས་ཚོགས་ནང་ Tibet Interest Group ཞེས་ཡུ་རོབ་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་མི་གྲོས་ཚོགས་འཐུས་མི་ཁག་ཅིག་ལ་ Access Denied ཞེས་རྒྱ་ནག་གཞུང་གིས་རྒྱལ་སྤྱིའི་གཞུང་ཚོགས་ཁག་དང་གསར་འགོད་མི་སྣ་བོད་ནང་བསྐྱོད་རྒྱུར་དམ་དྲག་བྱེད་བཞིན་བོད་དེ་བཙན་དབང་འོག་ཕྱི་ལ་སྒོ་མོ་བརྒྱབ་ནས་བཞག་ཡོད་པ་དང། རྒྱལ་སྤྱིའི་གཞུང་ཚོགས་ཁག་གི་ངོས་ནས་བོད་ཐོག་བཞེངས་ཕྱོགས་ཤུགས་ཆེ་རུ་འཛིན་ནས་རྒྱ་ནག་ཐོག་ Reciprocity འམ་ཕན་ཚུན་འགྲུལ་བསྐྱོད་རང་དབང་གཅིག་མཚུངས་སྤྲོད་དགོས་པར་གནོན་ཤུགས་སྤྲོད་དགོས་གལ་ཡིན་སྐོར་འཁོད་པའི་སྙན་མཐོ་ཞིག་སྤྱན་འབུལ་དང་འབྲེལ་བོད་ནང་གི་གནས་སྟངས་སྐོར་གླེང་སློང་གནང་འདུག

ཉན་པ།: Listen ཕབ་ལེན། Download ངོས་ཀྱི་སྐྱེས་སྐར་གྱི་ལག་རྟགས་ཡག་ཤོས་ནི་སེམས་བཟང་པོ་བྱེད་རྒྱུ་ཡིན་པའི་བཀའ་སློབ་བསྩལ་བ། རྒྱ་ནག་གཞུང་གི་འཇིགས་སྐུལ་རིང་ལུགས་དང་འབྲེལ་བའི་ནག་ཉེས་གསར་པ་ཁག་ཅིག་ཡོང་བསྒྲགས་བྱས་པ། ས་གནས་འགོ་འཛིན་གྱི་འཛིན་སྐྱོང་ཚོགས་འདུ་ཐེངས་ ༡༢ པ་མཇུག་སྒྲིལ་གནང་བ། དགའ་ལྡན་བྱང་རྩེ་གྲྭ་ཚང་དུ་ནང་པའི་སེམས་ཁམས་དང་དེང་རབས་དབང་རྩའི་ཚན་རིག་དབར་བགྲོ་གླེང་གནང་བ། དམིགས་བསལ་ལས་རིམ། ༸གོང་ས་མཆོག་ནས་རྒྱ་གར་གཞུང་མང་གཉིས་ལ་ཐུགས་རྗེ་ཆེ་མཛད་སྒོ་སྐབས་བསྩལ་བའི་བཀའ་སློབ། Wednesday 27/06/2018 Compassion my best birthday gift: Dalai Lama’s 83rd birthday celebrated in Taiwan China identifies new ‘terrorist crimes’ strengthening legal stranglehold on Tibetans 12th Tibetan Settlement Officers Conference concludes in Dharamsala Conference on Buddhist Psychology and Modern Neuroscience held at Gaden Jangtse Monastery FEATURE: Dalai Lama’s speech at Thank You India event in Dharamsala